Lenkawl

Serchhip District Police te chuan nimin khan vantlang hmun-a Mask hmang lova chhuak mi 13 man lehin heng mite hi Serchhip-ah 8, Chhingchhip-ah 4 leh North Vanlaiphai-ah mi pakhat te an ni a, heng mite hi Rs. 100/- theuh chawitir niin The Mizoram (Containment and Prevention of COVID-19) Ordinance, 2020 bawhchhia dang erawh man an awmlo thung.

Rampum-a inkharkhip kalpui a nih hnuah Serchhip Bazar-a Sa man a danglam lutuk loh laiin Phai atanga lakluh Sangha man erawh nasa takin a pung thung.

COVID-19 kai pung chho zel

Nimin khan Chief Minister, Zoramthanga hovin CM Cabinet Meeting Room-ah Horticulture Department hotute chuan Department hmalakna te an thlirho.

Congress Thalai, Mizoram Pradesh Youth Congress Committee (MPYCC) chuan Airport Cute ber siam tumin Chief Minister a phar buai hle niin an sawi.

Mizo National Front (MNF) chuan Chief Minister leh Finance Minister thlak tul an ti lo tih an sawi.

Chief Minister, Zoramthanga chuan nimin khan a Department chan, Horticulture Department hnuaia Sairang-a Cold Chain Development hmalakna chu a hmunah a enfiah.

Mizoram chhunga District hrang hrang a COVID-19 damlote enkawlna tura ruahman, Dedicated Covid Health Centres (DCHC) te chu tunlai hian sawrkar laipui atanga rawn enfiah mek a ni.

Mizoram sawrkar in COVID-19 dona kawnga a din, Task Group on Quarantine Facilities-a Chairman, Esther Lalruatkimi chuan COVID-19 laka kan him tlan theihna tura Sawrkar hmalakna te tha taka an thlawp avangin Mipui, Kohhran leh VLTF/LLTF chungah lawmthu a sawi.

Congress Legislature Party (CLP) Leader, Zodintluanga chuan CLP Member ten tun thla (May, 2020)-a an hlawh chu a vaiin Chief Minister Relief Fund-ah nilo, COVID-19 dona atan Chief Minister hnenah an thehlut dawn tih sawiin, boruak a zira an chet zel tur thu a sawi bawk.

Siaha District Bawrhsap, Bhupesh Chau-dhary IAS chuan nimin khan Siaha DC Conference Hall-ah 'Maraland Organic Chilli Powder' a tlangzarh a, he hunah hian Siaha DC chuan Zyhno tlangdung khua te hi Hmarcha thak tha chi tharchhuak hnem khua an nih thu leh Market a that vak loh avang leh a phorona khawl te a awm loh avangin kum khatah vawikhat chauh an tharchhuak thin tih sawiin, kuthnathawktute sum lakluh a pun theih nan leh kum khat-a vawi khat aia tharchhuah dan ngaihtuahin Chilli Powder Processing Plant din chu tih makmawha ngaia hmalak a nih thu a sawi bawk.

MPC Thalaite chuan Electric bill 50% tal a tihhniam turin Mizo-ram sawrkar chu an phut thu an sawi.

ZPM General Hqrs. chuan mipui thlamuantu tur Chief Minister kan mamawh niin an sawi.

Govt. Serchhip College Staff Welfare leh he College-a NSS Unit tangkawp chuan Adopted Village atana an thlan, Keitum khua ah nimin, May 19, 2020 khan luanchhuahna hun an hmang.

Mizoram Journalists' Association (MJA) chuan COVID-19 hrileng kaihhnawiha Press mite zalenna India sawrkarin a pek rahbeh tumna awm chu a duhloh thu leh tha a tih loh thu Mizoram Chief Secretary hnenah a thlen.

Serchhip Bethel Branch KTP te chuan nimin khan Serchhip Blood Bank-a dah turin thisen Unit 42 an pe.

Chief Secretary, Lalnunmawia Chuaungo chuan State danga Mizo tangkhang, Mizoram-a lo haw duh harsatna tawk te chu an haw man sawrkarin a tumsak dawn tih sawiin, hetihrual hian mahni intum thei te chu anmahni an intum dawn tih a sawi a. Tunah hian ramchhungah mi singkhat chuang leh rampawn ah mi 600 chuang an tangkhang mek nia chhinchhiah a ni.

Serchhip District Bawrhsap leh District Disaster Management Authority-a Chairman, Dr. Lalzirmawia Chhangte chuan May 17, 2020 atanga May 31, 2020 thleng Serchhip District-ah Lockdown kalpui chhunzawm tur a nih thu a puang.

Hospital tan Ambulance hlan

Nimin khan Chief Minister, Zoramthanga hovin CM Cabinet Meeting Room-ah COVID-19 hrileng avanga loneitute harsatna tawh sukiang tura hmalakna te leh buh-a Mizoram a intodelh theihna tura hmalakna thar ruahmanna te chu Agriculture leh Irrigation & Water Resources Department Minister, C. Lalrinsanga leh Officer te nen sawiho a ni.

ZPM Thalai General Hqrs. President, Malsawmzuala chuan Mizoram Legislative Assembly Special Session ko thuai tura sawrkar an phut thu an sawi.

Nimin chhun khan Chhiahtlang Kawn Veng-a mipa naupang kum 3 mi chu Silai-a intihpalh avangin a boral.

Serchhip District Bawrhsap, Dr. Lalzirmawia Chhangte chuan inkharkhip thawh lina kalpui meka Serchhip-a dawr hawn dan tur a ruahman.

Nimin khan Serchhip District Bawrhsap, Dr. Lalzirmawia Chhangte hovin Serchhip khaw chhunga Kohhran hrang hrang aiawhten State pawn atanga lo haw turte inkhunghranna tur hmun chungchang an sawiho a. Kohhran thenkhat chuan an hmunhma hman bakah ei leh in tumsak thlenga an inhuam thu an sawi bawk.

COVID-19 avanga Mizoram chhunga inkharkhipna thawh thumna chu nizan-a a tawp hnuah Vawiin atanga tun thla ni 31 thlengin Inkharkhip thawh lina kalpui leh a ni dawn a. Inkharkhip thawh lina atana inkaihhruaina thar pawh nimin khan tihchhuah niin Vawiin atang hian hman tan nghal a ni ang.

Mahni thu-a haw remlo

COVID-19 avanga Mizoram State pawn atanga rawn haw te sawrkar in ni 14 tal khunghrang zel tura ruahmanna a siam angin Serchhip District chhung mi Assam Regiment tanglai mi 4, Chawlh hmanga tura Inrinni zan-a Serchhip rawn thleng te chu Serchhip Tourist Lodge-ah khunghran nghal an ni a. Heng sipai pali te hi Tourist Lodge-ah Vanlalhmachhuana, MCS hovin District Task Force mite leh Medical Team, Dr. Joseph Lalmuanpuia Hauzel kaihhruai ten lo dawngsawngin, RAT test te neih an ni a. An hriselna dinhmun a tha tlang nia hriat a ni.

Transport Minister, TJ. Lalnuntluanga chuan COVID-19 hrileng mek avanga lirthei neituten Chhiah pek chungchangah harsatna an neih te hriain, Sawrkar laipui ruahman angin lirthei document thi leh fello awm te thla thar, June ni 30 thleng ngaihhnathiam an nih tur thu a sawi.

Mizoram sawrkar chuan rampawn atanga Mizorama lo haw te leh State chhunga awm sa khunghran (Quarantine) ngaite hriat leh zawm tur a tichhuak.

Excise & Narcotics Department chuan sawrkar kum liamta chhung khan Chhiah chi hrang hrang Rs. 2,72,73,718/- hmuin an target cheng nuai 500 chu an hmu phaklo.

Mizoram Pradesh Congress Committee (MPCC) chuan MNF sawrkar chu Finance Minister thlak turin an phut.

Health Minister, Dr. R. Lalthangliana chuan tun hun hi fimkhur ngaih hun lai ber a ni tih sawiin, “Zan hnih khat thil thuah fimkhur loh avanga chhiatna vawrtawp thleng thei reng kan ni,” a ti.

CM hovin thutkhawm nei

Health Minister, Dr. R. Lalthangliana chuan COVID-19 laka invenna kawnga hmalakna leh inpuahchahna enfiah turin nimin khan Lunglei District leh Hnahthial District-te a tlawh.

Mizoram-ah inkharkhipna kalpui mek chu a thawh li-na atan kalpui leh tura ruahmanna siam a nih hnuah Lockdown 4.0 hi May ni 18, 2020 atanga May ni 31, 2020 thlenga neih a ni dawn a, nimin khan Mizoram Chief Secretary, Lalnunmawia Chuaungo hovin Lockdown 4.0 atana inkaihhruai dan tur bakah thil pawimawh dang chi hrang hrang an sawiho a ni.

Rampum-a inkharkhip kalpui a nih avanga Mizoram mi leh sa ramchhung hmun hrang hranga tangkhang te hruaihaw mek niin Tamil Nadu leh Puducherry atanga rawn haw te chuan nimin khan Bairabi Rail Station an lo thleng a, heng mite hi Mamit DC, Dr. H. Lalthlangliana hovin Medical Team, Liason Officers leh Police ten venhimna tha tak hnuaiah an lo dawngsawng a ni.

Mizoram sawrkar hnuaia Agriculture Development Board Team-II te chuan nimin khan Serchhip rawn tlawhin Mizoram Flagship Programme, Socio Economic Development Programme (SEDP) chungchang leh hmalakna tur inhrilhhriatna neih a ni a, hemi hnu hian Serchhip Zawlpui phai pawh tlawh nghal a ni bawk.

Rampum-a inkharkhip kalpui a nih avanga Monthly Fee la lo tura an ngenna ngai pawi-mawhtu zirna In te chungah MZP Hqrs. Serchhip chuan lawmthu an sawi.

Chief Minister, Zoramthanga hova nimin-a Minister, Sawrkar Official, Kohhran leh tlawmngai pawl bakah Political party aiawh thukhawm chuan lockdown thawh thumna a zawh hnuah pawh lockdown neih chhunzawm zel tha an ti a. Lockdown neih chhung tur leh a kalphung tur chu Chief Secretary kaihhruai State Executive Committee-in a la duang dawn a ni.

Agriculture Minister, C. Lalrinsanga chuan Leilet nei, COVID-19 hripui vanga hnamdang an chhawr ten an haw san avanga leilet thei lo te chu sawrkar-in lei a leh sak dawn tih a sawi.

ZPM Legislature Party Leader, Lalduhoma chuan phur taka mipuiten thawhlawm an thawh theihna tura sawrkar tawng chhuahtir chu an tum ber a nih thu a sawi.

COVID-19 laka Mizoram a him theihna tura Serchhip Sub-Hqrs. YMA atanga Duty hmasa ber te chuan nimin khan an Duty zovin 2nd Batch te nimin khan an riaklut ve leh tan a, anni hian Inrinni thleng khian ram venhim hna hi an thawk leh dawn a ni.

Serchhip-II Village Council chuan inkhar-khip avanga harsatna thleng mekah an huam-chhunga chhungkaw harsa te tan nimin atang khan inhlawhna an siam sak.

Serchhip District Deputy Commissioner, Dr. Lalzirmawia Chhangte chuan Serchhip District chhunga hmun 8 te chu Mizoram Epidemic Diseases (COVID-19) Regulation, 2020 hnuaiah Quarantine Facility Centre atan a puang thar a, a hmaa mi 22 te nen Quarantine Facility Centre hi 30 a awm dawn ta a ni.

COVID-19 avangin Serchhip District-ah In lam leh sawrkar hmun siam-a khunghran mi 45 chhinchhiah mek niin heng zingah hian  nimin-a sawrkar hmun siam-a khunghran mi 6 te chu chhiar tel an ni lo thung.

MZP Hqrs. Serchhip chuan MBSE in kum 2019-2020 HSLC result a tihchhuah tak a Serchhip khaw chhunga zirlai hlawhtlinna chang zawng zawngte thinlung taka an lawmpui thu an sawi.

Agriculture Development Board zinchhuak mek

India ram pumah inkharkhip thawh lina (lockdown 4.0) kalpui a ni leh dawn tih Prime Minister chuan a sawi a, hetah hian inkaihhruaina dân thar a awm dawn tih sawiin, inkaihhruaina dan thar hi May ni 18 hmaa puanzar a nih tur thu a sawi.

Health & Family Welfare Minister Dr. R. Lalthangliana leh Home Department leh Disaster Management & Rehabilitation Minister ni bawk, Lalchamliana te chuan nimin khan Aizawl khawpui chhunga Quarantine Facility pali – Youth Hostel, Luangmual, Tourist Lodge, Chaltlang, NIELIT, Zuangtui leh R. Dengthuama Hall, Mualpui te an tlawh a, Quarantine Facility viltute nen in kawmin an dinhmun leh hmalak dan te an enfiah.

Niminpiah khan Union Minister of Tribal Affairs, Arjun Miunda hovin State tin Cooperation Minister ten Video Conference kaltlangin Van Dhan Mission kalpui dan tur an sawiho.

Mizoram University (MZU) Southern Campus hmun tur Mausep, Pukpui ram chungchang sawihona chu nimin khan Mizoram Youth Commission (MYC) Chairman, Dr. Vanlaltanpuia MLA hovin neih a ni.

Mizoram sawrkar chuan India ram hmun hrang hranga Mizo awm te hruai haw hna chu thawk mekin tuna la hruai haw tura ruahman mi 9790 zingah Serchhip District-a hruai haw tur mi 426 an awm nia chhinchhiah a ni.

COVID-19 dona kawnga Mizoram sum dinhmun sawi chiang tura nawrna nasa tak karah Finance changtu Chief Minister, Zoramthanga chuan COVID-19 hrileng vangin India ram sum dinhmun emaw, Mizoram sum dinhmun dik tak emaw tuman an sawi thei lo tih a sawi.

Hmalak dan tur sawiho

Serchhip District Bawrhsap, Dr. Lalzirmawia Chhangte chuan State pawn atanga rawn haw te chu Sawrkar ruat Quarantine Centre-a khung nghal zel tur an nih thu a sawi.

COVID-19 avangin Serchhip District-ah inkhunghrang mi 48 an awm mek a, heng mite an dinhmun hlauhthawnawm a awmlo nia thudawn a ni.

Pathianni zan khan Serchhip District Court chu rawk tuma beih niin District Court rawk tumtu te hi niminpiah tlai khan Serchhip Police te chuan an man nghal.

Rampum-a inkharkhip kalpui a nih avanga Mizoram mi leh sa State hrang hranga tangkhang te chu hruai haw mek niin nizan khan Chennai atangin mi 994 te chuan Mizoram an rawn pan.

Niminpiah tlai khan Prime Minister, Narendra Modi hovin State tin Chief Minister ten Video Conference kaltlangin COVID-19 avanga rampum lockdown kalpui mek leh hmalakna hrang hrang chungchangah sawihona an nei.

COVID-19 kaihhnawiha sawrkar hnathawk te sum thawh chungchang sawihona chu nimin khan Chief Secretary, Lalnunmawia Chuaungo hova neih leh niin sawrkar hnathawk te sum thawh chungchang chu Association te leh mimal kut-ah dah a ni.

Tlawng lui humhalh sawiho

Serchhip DC Office-a Officer leh Police hotute chuan nimin khan Serchhip Bazar hmun hrang hrang leh damdawi In te tlawhin mipuite chu midangte nena inkarhlat, Social Distancing ngai pawimawh turin an hrilh.

Sawrkar laipui ruahmanna anga Pradhan Mantri Garib Kalyan Anna Yojana (PM-GKAY) kaltlanga Serchhip District mipuite hnena a thlawna Ration Dal sem tur chu nimin khan Serchhip Supply Kudam atangin pekchhuah a ni.

Serchhip Sub-Hqrs. YMA hruaitu rual te chuan COVID-19 laka Mizoram a him theihna tura an huamchhung, Myanmar ramri a duty turin nimin May 11, 2020 zing khan Serchhip an chhuahsan a, tunkar chhung an Duty dawn a ni.

Environment, Forests and Climate Change (EF&CC) Minister, TJ. Lalnuntluanga hovin nimin khan Principal Chief Conservator of Forests (PCCF) Conference Hall, Aizawl-ah Video Conference hmangin Meeting neih a ni a. Mizoram puma Forest Division 25-a Divisional Forests Officer (DFO) te leh Officer pawimawh dangte an tel a ni.

MNF Party chuan Congress MLA, Zodintluanga chu dawt sawi thin-ah puhin, bang tur an awm a nih chuan amah hi bang tur a nih thu an sawi bawk.

Mizoram sawrkar-a Health & Family Welfare Department chuan COVID-19 do nana North Eastern Council (NEC) atanga cheng vaibelchhe thum an hmuh chu hun bituk chhungin a hmanna tur dik takah a hmang zo hman dawn tih an sawi.

Rampum-a inkharkhipna kalpui a nih mek avanga India ram hmun hrang hranga Mizoram mi leh sa tangkhang te chu hruai haw an ni dawn hnai a, tun tumah hian mi 8000 chuang hrui haw tur awmin sawrkar hmun neih in a dawl zawh loh avangin In lama inkhunghranna nei te chu In lama an inkhunghran phalsak an ni dawn a ni.

COVID-19 hripui darh tur vengtu tura beih-pui thlak mekah Mizoram khawthlang lam ramri venna kawnga thawk mekte thuamchak turin tunkar chhung hian Police tirhluh belh tum a ni a, Police 4 chu hripui donaa an duty laiin an thi tawh.

Sawrkar laipui-a Health Ministry in COVID-19 hri ven nana damdawi hmanga mihring phuh chu a remtih loh laiin Mizorama lo lut tur, bungraw phur lirthei enkawltute chu Vairengte-ah damdawi hmanga phuh thin an la ni.

Mizoram Pradesh Congress Committee (MPCC) chuan Mizoram Assembly Speaker, Lalrinliana Sailo chuan Speaker dinhmun zahawm tak a chelh hnuah party tan lam a tihlan nasat lutuk avangin tum engemaw zat a zahawmna a humhim zo lo ni a puhin, a nihna bansan turin an phut.

Sample Registration System (SRS) Bulletin, May 2020 in a tarlan danin Mizoram chu India ram pumah nausen (nau piang hlim atanga kum khat hnuailam) thihna tlem berna dawttu a ni.

Mi 1323 man an ni tawh

ZPM Party chuan COVID-19 dona atana sum thawh tlingkhawm te chu sawrkarin a duh duha a thunun theih loh, Audit Committee-in vil se an duh thu an sawi.

MZP General Hqrs. hruaitute chuan Inkharkhipna kalpui anih avanga Chakma Autonomous District Council (CADC) Area-a harsarna tawk Zohnahthlak unaute tlawhin hun an hmanpui.

Union Health Minister, Dr. Harsh Vardhan hovin Inrinni khan COVID-19 dona kawnga hmalak dan leh dinhmun thlirhona neih niin he hunah hian Health Minister, Dr. R. Lalthangliana chuan Union Health Minister hnenah hian India ram pawna chhan hrang hrang vanga Mizo tangkhang mekte hruai haw an nih theih nan hma lak sak turin a ngen.

Health Minister Dr. R. Lalthangliana chuan Zoram Medical College (ZMC)-a COVID-19 natna avanga damlo enkawl chu Vawiin hian damdawi In atanga chhuah tir a ni tawh dawn tih sawiin, mipuite chu sawrkar thupek zawma fimkhur turin a chah bawk.

COVID-19 Rapid Antibody Test Mizo-ram-a hman mek chu thisen-a COVID-19 hnuhma a awm leh awm loh test-na a nih thu Dr. Pachuau Lalmalsawma chuan a sawi.

Congress Thalaite chuan Sawrkar hnathawkte, Minister leh MLA hial te hlawh cut tura ruahmanna siam a ni ta chuan Chief Minister in Central a pawisa tam zia a au pui chiam thin, pawhluh dan thiam riaua a insawi thin chu thutak a nih lohzia a nem nghet niin an sawi.

Nimin khan Chief Minister, Zoramthanga hovin CM Cabinet Meeting Room-ah Council of Ministers chu thu pawimawh ngaihtuahin an thukhawm.

MZP General Hqrs. chuan School Fee chungchangah hma an la zel tih sawiin, School Fee pangngai anga lâk tum School-a zirlai nu leh pa te chu School Fee la pe rihlo turin an ngen.

ZPM Thalaite chuan Mizoram Sawrkar-in State Bamboo Mission a kalpui dan leh sum hman a nih dan te chu an chhui zui zel dawn tih sawiin, Mizoram sawrkar in cheng nuai 792 a dawn chu a hman dan an zawt bawk.

Hlawh pek turah tihluihna a awm dawnlo tih sawi

Nimin-a Mizoram Assembly Speaker hova Assembly Legislature Party hrang hrang aiawhte thukhawm chuan kumin December thla thlengin an hlawh zaa 30 chu COVID-19 dona atan pek nise an ti.

MNF Party chuan Congress Legislature Party Leader, Zodintluanga chu a MLA pui te leh mipuite zah lovah an puh.

Serchhip District chhungah COVID-19 a luh lohna tur leh he hri alo luh palh pawha a darh lohna tura hmalak kal zelah rampawn atanga Serchhip District chhunga rawn lut te chu khunghran chhunzawm zel an la ni a. Nimin thleng khan Serchhip District chhungah hian mahni In lama inkhunghrang (Home Quarantine) mi 14 leh saw-kar in inkhunghranna tur hmun a siam, Facility Centre-a khunghran mi 39 an awm mek a ni.

COVID-19 hri leng vangin PHE Serchhip WATSAN Division hnuaia project hna kal lai engemawzat chu a hun takah thawh zawh theih a ni dawn lo.

Serchhip Sub-Hqrs. YMA chuan Mizoram-a COVID-19 a rawn luh lohna tura ramri ven hna thawh mekah an huamchhunga ramri-a Duty te a tul anga pui turin penchhuah nise an ti a, a hmasa atan SEC Member te Duty turin kal nise an ti.

Adviser to Chief Minister, C. Lalramzauva chuan nimin khan Serchhip rawn tlawhin Serchhip Mat Phai, Chawm Kai-a Lei dawh thar chu a tlawh bakah Sailiam-a Cold Storage thuamthat mek a tlawh a. Kumin chho hian Serchhip Mat luidung-ah nasa zawka Tomato ching tura ngaihtuahna sen mek a nih thu a sawi bawk.

Serchhip District AH&Vety Officer, Dr. C. Zarzokima chuan tunlai-a Vawk pul hri leng, African Swine Fever (ASF) in Mizoram a rawn luh lohna tur leh Serchhip District chhunga kan Vawk ten an kai lohna turin lo inven lawk a pawimawh thu a sawi.

Ramri-a duty tlawhchhuak

Tanpuina luh belh zel

Mizoram-a COVID-19 dona atana Chief Minister's Relief Fund-a sum chhunluh chu Rs. 7,56,13,790/- ni tawhin Rs. 5,48,97,065/- chu semchhuah a ni tawh.

ZPM Thalaite chuan tunhnaia mahni thu-a State pawn atanga rawn haw te chu Quarantine Centre-a dah tur leh Quarantine hun tawpah an chungah hremna khauh tak lekkawh zui nghal turin Mizoram sawrkar chu an phut.

Niminpiah khan AH&Vety Secretary, C. Lalpeksanga hovin Task Group on Animal Husbandry & Veterinary Service and Fisheries chu thukhawmin Mizoram atanga tharchhuah hmanga ranchaw man tlawm zawk siamchhuah dan tur an sawiho.

State Disaster Management Authority chu nimin khan an Chairman Chief Minister, Zoram-thanga hovin CM Cabinet Meeting Room-ah thukhawmin COVID-19 hrileng do tura hmalakna te an sawiho.

MZP General Hqrs. chuan inkharkhip avanga zirna kalpui theihloh chhunga Fee lak dan tura inremna a awm ta chu lawmawm an tih thu an sawi.

Congress Legislature Party (CLP) Leader, Zodintluanga chuan State sawrkarin COVID-19 avanga harsatna a tawk tak tak a nih chuan Chief Minister, Minister leh MLA-te an che hmasa tur tih sawiin, “A tul a nih chuan kan hlawh cut mai bakah MLA Fund thleng pawhin sawrkar-ah kan pe mai turah kan ngai,” a ti.

Mizoram sawrkar chuan India hmarchhak-a Mizoram mi leh sa la tangkhang te chu ruahmanna felfai tak siam a nih hma chuan mahni duhthu-a haw rihlo turin a hriattir.

Mizoram sawrkar hnuaia Agriculture Development Board chuan nimin khan Agriculture Minister, C. Lalrinsanga hovin COVID-19 Lockdown thawh thumnaa loneitute tana ruahmanna leh Mizoram buh leh bal thar kawnga hmalakna ah te inrawnkhawmna an nei.

Nimin khan School Education Minister, Lalchhandama Ralte kaihhruaina in a Pisa-ah zirna kaihhnawih pawl hrang hrangte chu zirlaite hnena School Fee lakdan chungchang ngaihtuahin an thukhawm.

Kolasib-ah thukhawm

Hmarchhak State hrang hrang atanga Aizawl District a lo haw khung hran mek te awmna hmun chu nimin khan ZPM Legislature Party MLA mi 5 te chuan tlawhin an dinhmun an enpui.

Mizoram Science Centre hnuaia Innovation Hub in COVID-19 hripui leng mekah a hmatawnga thawktute hman tur Plastic hmai khuhna, Protective Visor an siam chu nimin khan Health Minister, Dr. R. Lalthangliana leh Home Minister, Lalchamliana te hnenah 12 ve ve an hlan a, Protective Visor Frame atan hian Polylactic Acid Filament(PLA), plastic dang ang lova tawih-ral thei an hmang a, a frame hi 3D Printer hmanga an duan chhuah niin a Visor atan Overhead Projector (OHP) sheet an hmang bawk a ni.

Nimin May 5, 2020 khan Mizoram Sawrkar hnuaia sawrkar hnathawkte intelkhawmna Association hrang hrang 75 (sawmsarih leh panga) aiawhte inkokhawmin COVID-19 dona atan kumin December thla thlengin sawrkar hnathawkte hlawh chu cut nise an ti.

Rampuma inkharkhip tum thumna (lockdown 3.0) kalpui mekah nimin khan Serchhip-ah Addl. DC, HD. Lalpekmawia hovin Serchhip khawpui chhunga Village Level Task Force (VLTF) on COVID-19 kalpui zel dan tur chungchang sawiho niin, VLTF te chuan hrui pawh leh movement permit pekchhuah hna thawk chhunzawm zel se an ti.

Sawrkar in inkharkhipna kaihhruaina thar a siam angin nimin atang khan Serchhip-ah pawh kal tan niin sumdawnna hmun te pawh hawn tan a ni.

Nimin khan Serchhip District Bawrhsap, Dr. Lalzirmawia Chhangte chuan thuchhuah siamin tun thla ni 17 thlengin Serchhip District-ah pawh Lockdown kalpui a nih tur thu a puang.

Speaker hovin sawihona nei

Health Minister, Dr. R. Lalthangliana chuan nimin khan a Pisa-ah Kolkata a Mizo zinga COVID-19 natna kai, Cancer vanga inenkawl mek nizan hmasaa boral a awm thu sawiin, hmun hrang hranga COVID-19 natna vei Mizote dinhmun a sawifiah.

Mizoram sawrkar Council of Ministers thukhawmin a pawm tak, The Mizoram (Containment and Prevention of COVID-19) Ordinance, 2020 chu Governor in a pawmpui hnuin hman nghal a ni a. COVID-19 dona atana Dan hman lailawk bawhchhiate hremna tur leh pawisa chawitir theitu turte tarlan a ni.

COVID-19 vanga inkharkhip a kan awm mek laia Mizoram Independent School Association (MISA) in zirlaite Fees lak an tum chungchang chu MSU chuan School Education Minister hnenah an thlen.

Mizo Zirlai Pawl (MZP) General Hqrs. chuan nimin khan Aizawl khawpui chhung Private School neitute kawmin Fee lak dan chung-changah ngenna leh rawtna te an sawipui.

COVID-19 hrileng avanga Mizoram-a kuthnatawktute harsatna an tawh sukiang tura Agriculture Department hmalakna leh hmalak zuiz el dan tur sawihona chu nimin khan Chief Minister, Zoramthanga hovin neih a ni a. Agriculture Minister leh he Department-a Officer pawimawh dangte an tel bawk.

'Social Distancing' hi mi zinga kan awma inhlat tawk taka awm, 'Physical Distancing' a ni ber a. Chu chuan hnathawhna leh veivah velna zawng zawngah midang nena inhlat tha tawk taka awm hi a kawk a ni.

Kawngpui blacktop dawn

Mizoram Doctor-te chuan State dang atanga Mizote an lo haw mek avangin hri leng lakah fimkhur a ngai reng tih an sawi a. Health facility a that tawk loh avangin inven chu hmanraw tha ber nia an ngaih thu leh COVID-19 chu a darh palh a nih chuan kan tawrhna a nasa turah an ngaih thu an sawi bawk.

Vawiin atanga India rampuma Lockdown thawh thumna kalpui a nih dawn avangin Mizoram sawrkar chuan Sawrkar Pisa kai dan tur leh mipui vantlang tana khuahkhirhna leh hriat tur a siam thar.

India rampum-a inkharkhipna kalpui mek chu Vawiin atang hian a thawh thumna atan kalpui a ni leh dawn ta a, Mizoram Chief Secretary leh State Disaster Management Authority-a State Executive Committee Chairman, Lalnunmawia Chuaungo pawhin tun thla ni 17 thlenga hman turin inkhuahkhirhna Dan thar a tichhuak tawh a ni.

Serchhip District-a COVID-19 Supply Chain Management Committee chuan Serchhip-a Chhang-thawp man tisangtute chungah a tul anga action la turin thuneitute ngen nise an ti.

Buk diklo-a Sa zawrh man

Nimin khan Sports Minister, Robert Romawia Royte hovin Ai-zawl-a Volleyball Indoor Hall sakna tur hmun enho a ni a, Aizawl College Veng-a Football Field leh Republic Vengthlang-a J.Thankima College Compound-a Multi Utility Centre sak tura rawtna hmun an thlirho bawk.