Posts

Showing posts from May, 2020

Chanchin thar thenkhat :

Mizo siam Face Mask

DC hnenah Thleng 500 hlan

Bilkhawthlir South Village Organisation in Kuhva kau atanga an siam Thleng 500 chu nimin khan Serchhip District Task Force on COVID-19 Chairman leh District Bawrhsap, Dr. Lalzirmawia Chhangte hnenah an hlan a, Bawrhsap chuan lawmthu a sawi.

Dan bawhchhia 19 man

Nimin khan Serchhip District chhungah vantlang hmuna Hmai tuam lova chhuak mi 19 zet man leh an ni. Serchhip District Police te chuan The Mizoram (Containment and Prevention of Covid-19) Ordinance, 2020 bawhchhia mi 19 zet an man leh a, heng an man te hi Serchhip-ah mi 7, Thenzawl-ah mi 6, Chhingchhip-ah mi 4 leh North Vanlaiphai-ah mi 2 te an ni a, heng mite hi Rs. 100/- theuh chawitir leh an ni bawk.

Inkunghrang 111 awm mek

Serchhip District chhunga inkhunghranna hmun hrang hrangah mi 111 khunghran awm mekin nizan khan mi 50 chuang dahluh hman beisei a ni.

Kohhran te chungah Bawrhsap in lawmthu sawi

Serchhip District Bawrhsap, Dr. Lalzirmawia Chhangte chuan Community Quarantine Facility atana Kohhran ten an hmunhma leh Hall te hman an phal bakah an buaipuina ah lawmthu a sawi.

Power Supply leh tui pump khawl vangin tui khaihlak

Serchhip Kawlri tlang, Eklavya Model Residential School (EMRS)-a Quarantine Facility Centre-a tui pump-na khawl chu a thar-a thlak a nih avang leh niminpiah-ah Power Supply a mumalloh avangin helai hmun-a awm te hian niminpiah khan Tui an dawng mumal thei lova, he harsatna hi sutkian a ni tawh.

MZP in Zirlaite chawimawi

Kumin a HSLC Exam Result tihchhuah taka Top-10 a lang Mizo zirlai te chawimawina hun chu nizan hmasa khan MZP General Hqrs. chuan an buatsaih.

Mi 1402 ten Mizoram rawn pan leh mek

Rampum-a inkharkhip kalpui a nih avanga Mizoram mi tangkhang hruai haw mekah nizan hmasa khan Delhi-a tangkhang mi 1,402 te chuan Screening an paltlang hnuah Mizoram an rawn pan.

Task Force Duty te puibawm turin Zirtirtute ngen

Mizoram sawrkar-a School Education Department chuan an Department hnuaia thawk Zirtirtu zawng zawngte chu mahni awmna Khua leh Veng theuhah he hrileng dona kawnga theihtawp lo chhuaha, Task Force Duty te lo puibawm-a a tul apiang thawk turin a ngen.

Madhya Pradesh, Gujarat leh Karnataka-a Mizoram mi tangkhang ten Mizoram an rawn thleng

Rampum-a inkharkhip kalpui mek avanga Mizoram mi leh sa hruaihaw hna thawh mekah Karnataka-a Mizoram mi leh sa tangkhang, Shramik Train hmanga lo haw mi 1452 te chuan nimin zing khan Bairabi Rel chawlhhmun an lo thleng a, Madhya Pradesh leh Gujarat atanga lo chhuakte pawhin nimin chhun dar 12:50 khan Bairabi hi an rawn thleng bawk.

Sawrkar inrenchemna kawnga kal dan tur Finance Department in a tichhuak ta

Mizoram sawrkar-a Council of Minister thukhawm in COVID-19 hri leng avanga inrenchem alo rel tawh angin Mizoram sawrkar-a Finance Department chuan inrenchemna kawnga kal dan tura ruahmanna hrang hrangte chu thuchhuah siamin a tichhuak ta.

Dan bawhchhia mi 7 man

Serchhip District Police te chuan nimin khan The Mizoram (Containment and Prevention of Covid-19) Ordinance, 2020 bawhchhia mi 7 man lehin heng mite hi vantlang hmun-a Mask vuah loh avanga man te niin Rs. 100/- theuh chawitir leh an ni a, heng an mi man te hi Thenzawl-ah mi 3, Serchhip-ah mi 2 leh Chhingchhip leh North Vanlaiphai-ah mi pakhat ve ve te an ni.

Khunghran 107 awm mek

Nimin thleng khan Serchhip District-ah inkhung-hrang mi 107 an awm mek. COVID-19 avanga Serchhip District chhunga inkhunghranna hmun hrang hrangah hian nitin lut leh chhuak an awm deuh reng a, nimin khan Quarantine Facility Centre-ah mi 4 dahluh leh niin mi 77 khunghran mek an ni a, Home Quarantine mi 8 te chu chhuah-tir ni thungin In lama inkhunghrang hi mi 2 an la awm mek a, Community Facility Centre-ah mi 28 la awm mekin heti hian Serchhip District-a inkhunghrang hi mi 107 an ni mek a ni.

Sub-Hqrs. YMA-ah sum hlan

Serchhip Sub-Hqrs. YMA huamchhunga awm, Vantawng Group YMA chuan Serchhip District chhung, Myanmar ramri-a COVID-19 avanga Duty mek te tanpuina atan Rs. 26,100/- chu nimin khan Serchhip Sub-Hqrs. YMA kutah an hlan.

Inbuatsaihna peihfel a ni

Mizoram pawn-a Mizo tangkhang hruaihaw mekah nizan khan State pathum atangin mi tha-hnem tak chuan Mizoram rawn thleng tura beisei niin Serchhip District-a haw tur mi 92 te lo dawngsawng turin Serchhip District-ah pawh inbuatsaihna peihfel a ni.

Chanchin thar thenkhat :

Minister in Chawngte tlawh

Thudik chhuichhuaka puang turin sawrkar an phut

Congress Thalaite chuan Mizoram sawrkar chu rang taka thudik chhuichhuaka puang tura an phut thu an sawi.

COVID-19 damlo enkawltute lawmthu hrilh

Health & Family Welfare Minister Dr. R. Lalthangliana chuan tunhnaia COVID-19 natna vanga Zoram Medical College (ZMC) a damlo awm enkawl damtu Doctor leh nurse te chu niminpiah tlai khan a Pisa-ah kawmin an inpekna leh huaisenna fakin thilpek a hlan bawk.

All Mizoram Village Council Association ten Chief Minister hnenah Memorandum an thehlut

All Mizoram Village Council Association (AMVCA) hruaitute chuan nimin khan Chief Minister, Zoramthanga chu a Pisa-ah hmuin COVID-19 dona leh invenna leh thingtlang lam Economics chawikan dan tur chungchangah Memorundum an thehlut.

Sawrkar Inrenchemna turah chanchinbu te eibel nghawng thei zawnga ruahmanna MJA in tha an ti lo

Mizoram Journalists’ Association (MJA) General Headquarters hruaitute chuan sawrkar sum inrenchemna tura ruahmanna siam zingah Mizoram-a chanchinbute eibel nghawng thei zawnga ruahmanna awm tel chu paihsak leh turin nimin khan Chief Minister, Zoramthanga hnenah ngenna an thlen.

Exam hun tur tihfel a ni

Mizoram Board of School Education (MB-SE) chuan kumin a pawl 12 Exam la zo lo te leh pawl 10-a Subject bat nei te tan thla thar, June 16 atangin Exam a buatsaih dawn.

Chanchin thar thenkhat :

Online in Science Congress

Lirthei BS-IV register loh tan hmalak har

Transport Minister, TJ. Lalnuntluanga chuan lirthei BS-IV (Bharat Stage-IV) la ‘register’ loh awm chu State sawrkar thuneihna a nih loh avangin ‘register’ a nih theih nana hma lak zui a harsat thu a sawi.

Vawiin-ah State 3 atangin rawn thlen beisei

Mizoram mi leh sa, State dang-a awm te hruaihaw hna thawh mekah Vawiin hian Madhya Pradesh, Gujarat leh Karnataka atangin mi thahnem tak rawn thleng tura beisei an ni.

State pawn atanga rawn lut an awm zel avangin theihtawp chhuaha tanrual tul ti

Health Minister Dr. R. Lalthangliana chuan tun dinhmunah COVID-19 lakah Mizoram kan la him nia a lan rualin hmundang-a Mizoram mi leh sa awm mekte State chhunga engemawzat an lo luh tak avang leh an lo luh zel dawn avangin theihtawp chhuaha tanrual a ngai a ni, a ti.

Power khaihlak dawn

Zuangtui atanga Saitual leh Darlawn tlang-dung kawlphetha pekna Electric ban a tluk avanga Serchhip lam Eng pekna atanga pek lailawk chu Saitual lam pekna Ban hi siamthat a nih hnuah Vawiin hian Ban thar-ah hian thlun a ni dawn a. Hei vang hian zing dar 9:30 atanga chawhnu dar 2:30 thlengin Zuangtui atanga chhimlam leh khawchhak lamah Eng pek theih a ni lovang.

Mask hmanglo mi 3 man

Serchhip District Police te chuan nimin khan The Mizoram (Containment and Prevention of Covid-19) Ordinance, 2020 bawhchhia mi 3 man lehin heng mite hi vantlang hmun-a Mask vuah loh avanga man te niin Rs. 100/- theuh chawitir leh an ni a, heng an mi man te hi Ser-chhip AOC Veng-ah mi 2 leh Chhingchhip-ah mi 1 an ni.

Khunghran 111 awm mek

COVID-19 avanga State pawn atanga rawn haw te khunghran mekah nimin khan mi pakhat chu sawrkar in inkhunghranna a siam ah dahluh leh niin heti hian Serchhip District-a sawrkar in inkhunghranna tura a siam, Quarantine Facility Centre-a khunghran mi 73 an awm mek a, mahni In lama inkhunghrang mi 10 leh Community Quarantine Facility-a awm mi 28 awm mek bawkin Serchhip District-a inkhunghrang mi 111 an awm mek a ni.

KTP in Thisen Unit 25 pe

Serchhip Hmar Veng Branch KTP te chuan nimin khan Serchhip Blood Bank-a dah turin thisen Unit 25 an pe.

Serchhip-III VC huamchhunga lei chetna Serchhip District Bawrhsap in a tlawh

Nimin zing-a ruah sur avang khan Serchhip-III VC huamchhung, Serchhip Kanan Veng mawng lam-a lei che thin chu che lehin chenna In pakhat ban engemaw zat khaiin luahzui ngamloh in a awm a, nimin vek khan Serchhip DC, Dr. Lalzirmawia Chhangte chuan a hmunah a tlawh nghal.

Mask vuahlo mi 5 man

Serchhip District Police te chuan nimin khan Serchhip District chhungah The Mizoram (Containment and Prevention of Covid-19) Ordinance, 2020 bawhchhiaa vantlang hmuna Mask vuah loh mi 5 man lehin heng te hi Rs. 100/- theuh chawitir leh an ni a, Thenzawl leh North Vanlaiphai-ah mi 2 ve ve man niin Serchhip-ah mi 1 man a ni bawk.

MRP aia to-a thil zawrh man

Serchhip District Consumer Association leh Legal Metrology Serchhip te chuan nimin khan Chhingchhip-a dawr thenkhat enfiahin, MRP aia to a thil zuar an hmuh te an man.

Inkhunghrang mi 110 awm

COVID-19 hri leng avanga mahni In lama inkhunghrang mi 29 te chuan an inkhunghran hun hmang zovin nimin khan chhuah tir an ni a, heng mite hi ni 7 dang chu pawnlam-a chhuak lovin an chhungte nen inchenpawlh a theih tawh dawn a ni. Heti hian Serchhip District-ah mahni In lama inkhunghrang mi 10 la awmin Quarantine Facility-a inkhunghrang mi 72 leh Community Quarantine Facility-a khunghran mi 28, an vaiin khunghran mi 110 an awm mek a ni.

COVID Health Centre tur buatsaih hna thawk

Serchhip-a COVID Health Centre atan Serchhip Chanmari Veng-a Nursing School sak zawh tawh chu hman tum a ni a, nimin khan Serchhip-a Health Department Staff te leh Chanmari Branch YMA te chuan helai hmun hi hnatlangin an tifai.

Chanchin thar thenkhat :

Minister in ramri-a duty tlawh

COVID-19 kai hmuhchhuah enkawl dam pung zel

Sawrkar laipui-a Health and Family Welfare Ministry chuan India rama COVID-19 hri kai 60,490-te chu enkawl dam an nih tawh thu sawiin, hei hi hri kai hmuhchhuah tawh atangin zaa 41.60 an tling a ni.

BJP in ngaihtuah tha leh turin sawrkar an ngen

BJP Mizoram Pradesh Thalaite chuan Mizoram Finance Minister, Zoramthanga’n sawrkar hnathawk te hlawh puk sak an tum thu a puan chu tha an tihloh thu sawiin, Sawrkar chu inngaihtuah tha leh turin an ngen.

ZPL Special Session koh dilna ZPM in thlawp

ZPM Legislature Party (ZPL) in MLA hlawh hlui-a kir leh tura Special Session koh an dilna chu ZPM chuan an thlawp thu sawiin, COVID-19 chungchangah mipuite chu thlamuang tak leh fimkhur taka awm turin an chah bawk.

Kohhran hrang hrang 168 ten COVID-19 inkhung-hranna atan an Kohhran Hall hman an remti

Mizoram-a Kohhran hrang hrang 168 te chuan COVID-19 avanga inkhunghranna atan an Kohhran Hall hman an remti tawh.

Mizoram-a tangkhang ten Larsap puihna an ngen

Rampum-a inkharkhip kalpui a nih tak avanga rampawn lam mi, Mizoram-a tangkhang Zirtirtu leh zirlai mi 8 te chuan nimin khan Mizoram Larsap hmuin hma lak sak turin an ngen.

Buh tharchhuah kawnga sawrkar in Kolasib leh Mamit District-ah nasa taka hmalak a tum

Mizoram sawrkar Agriculture (Crop Husbandry) Director, Rohmingthanga Kawlni chuan Mizoram mamawh buh chawkluh kawngah COVID-19 avangin harsatna tawk thei kan nih thu sawiin, Buh tharchhuah kawngah Kolasib leh Mamit District-ah Sawrkarin nasa taka hmalakna kalpui a tum thu a sawi.

MEIZIAL LEH COVID-19

MEIZIAL LEH COVID-19- C. Lalrempuia Kan hriat theuh angin Mizote hian Vaihlo zuk leh hmuam hi kan ti nasa em em a. Global Adult Tobacco Survey (GATS) 2016 - 2017 zirchianna atanga a lan danin tunah hian Mizo mipui 58.7% vel hian vaihlo zuk leh hmuam eng chi emaw ber an hmang mek a ni. Heng zingah hian Meizial zu thin tam berin 25.1% lai an ni a, 9.2% in a zuk mai duh tawk lovin a hmuam chi nen an ti kawp thin a, 24.3% in a hmuam lam chauh an ti ve thung.
Cigarette a vang! A man lah a to! COVID-19 avangin a khawvel pumin kan buai mek a, kan ramah ngei pawh inkharkhip avangin kan sumdawng/dawrkai ten bungrua lakluh lamah harsatna lian tak an tawk mek a ni. Hei vang hian zuk leh hmuam ti thin te pawhin harsatna an lo tawk ve nasa khawp mai. Zuk leh hmuam lei mai tur a vang a, a tel lo a awm harsa an ti tawh bawk si. Hrileng avanga kan buai hma a kan Cigarette zuk thin te hmuh tur a vang em em a, khawi khaw/ram chhuak cigarette nge tih hriat mang loh kan hum ta fur a, kan hmuh theih ang chhu…

Chanchin thar thenkhat :

Hruaihaw hna thawk mek zel

Mask hmanglo mi 15 man

Serchhip District Police te chuan nimin khan Vantlang hmun-a Mask vuah lova chhuak mi 15 manin Rs. 100/- theuh chawitir an ni a, an zinga mi 11 te hi Thenzawl-a man an ni.

Inkhunghrang 139 awm mek

COVID-19 avangin Serchhip District chhunga inkhunghranna hmun hrang hrangah inkhung-hrang mi 139 awm mekin heng mite an hriselna dinhmun uluk taka enfiah thin an ni.

Khapna thupek chhuah

Serchhip District Magistrate, Dr. Lalzirmawia Chhangte, IAS chuan thupek tichhuakin zan dar 7:00 atanga zing dar 7:00 inkar ah pawn chhuah khap a nih thu a tarlang.

Serchhip District chhunga Lei dawh mek te YMA hruaitu ten a hmunah an enfiah

Serchhip Sub-Hqrs. YMA Vigilance & Monitoring Committee chuan nimin (May 25, 2020) khan Keitum leh Khawlailung inkar-a Tuichang Lei dawh mek leh Serchhip leh Thenzawl inkar-a Mat Lei dawh mek te chu a hmunah kalin hnathawh dan an enfiah.

Fimkhur thu hla-a khunghran an nih thu sawi

Mizoram Chief Secretary, Lalnunmawia Chuaungo chuan Mizoram pawn-a tangkhang lo haw tur te chu COVID-19 an vei vang ni lovin, COVID-19 lenna hmun atanga lo haw an nih avangin fimkhur thu hlaah khung hran an nih thu a sawi.

MNYF in SEDP Board hnawk titu awm pawi an ti

MNF Thalai, Mizo National Youth Front (MNYF) chuan SEDP Board hrang hrangte hnawk titu an lo awm chu pawi an tih thu an sawi.

ZPL in hlawh hlui lakna tur Bill House-ah putluh an duh

ZPM Legislature Party (ZLP) chuan Special Session koh an duh thu leh MLA te hlawh hlui zawk anga hlawh an lak theih nana Finance Minister in Bill pulut se an duh thu an sawi.

Chief Secretary hovin tlawh

Mizoram sawrkar in COVID-19 dona tura a din, Task Group on Quarantine Facilities chuan nimin khan State Level Task Force Chairman leh Chief Secretary, Lalnunmawia Chuaungo hovin Aizawl khawpui chhung veng thenkhata inkhunghranna hmunte an tlawh.

Chief Minister in Kolasib District-a ramri ven hna thawktute an duty-na ah a tlawh

Chief Minister, Zoramthanga chuan nimin khan Bairabi, Zophai, Phaisen leh Vairengte a Mizoram leh Assam inrinaa COVID-19 duty te chu an duty-na hmunah tlawhin, ramri ven hna thawktute a kawm a, State pum him theihna tura theihtawp chhuah a ramri-a duty-te chungah lawmthu a sawi bawk.

Home Quarantine dan tur chungchang sawiho a ni

Inrinni chawhnu khan Serchhip DC, Dr. Lalzirmawia Chhangte hovin Serchhip DC Meeting Room-ah rampawn atanga rawn haw te In lama inkhunghran (Home Quarantine) chungchang chu Serchhip-a VLTF ten an sawiho.

Serchhip District-ah mi 806 khunghran theihna awmin khunghran mi 72 an awm mek

State pawn atanga Serchhip District-a rawn haw te khunghranna turin Serchhip District-ah Quarantine Facility Centre 36 siam a ni tawh a, nimin thleng khan District pumah Qurantine Facility 36-ah hian mi 806 awm theiin khunghran mi 72 an awm mek a, mi 734 khunghran theihna hmun la awmin Telangana atanga rawn haw te khunghran leh an ni ang.

Chanchin thar thenkhat :

DPR siam dan tur thlirho

Nupui hlui vithlum

Nimin (May 24, 2020) chhun dar 12:00 vel khan Lalruatzela (50) S/o Hrangzuala (L), Sai-tual Chawnpui Veng chuan a nupui hlui Lalthatluangi (52), Saitual Chawnpui Veng chu Chemte in a vit a, Lalthatluangi hi a hliam tuar lovin a boral.

Petrol leh Diesel-a Chhiah lak tihsan a ni dawn

COVID-19 hripui leng avanga sum harsatna tihziawm nan Mizoram-ah Petrol leh Diesel-a Chhiah lak tihpun a ni dawn.

Airport hawng tan dawn

Vawiin May ni 25, 2020 atang khian ram chhungah thlawhtheihna thlawh tantir leh tum a ni.

Lengpui Airport-ah khawsik enna khawl bun a ni

Health Minister, Dr. R. Lalthangliana chuan Inrinni khan Lengpui Airport tlawhin Lengpui Airport-a khawsik enna changkang chi, 'Thermal & Optical Bi-Spectrum' dah tura bun mek chu a endik.

Telangana atangin Mizoram mi 474 an rawn haw

Rampum-a inkharkhip kalpui mekah nimin zing dar 8:40 khan Telangana-a Mizoram mi leh sa tangkhang 474 te chuan Shramik train hmangin Bairabi an rawn thleng a, nimin vek khan anmahni District theuh panpui nghal an ni.

Council of Ministers in Mizoram sawrkar hnathawk hlawh bat then sak a rel - Chief Minister

Chief Minister, Zoramthanga chuan Inrinni khan Aizawl-ah thuthar thehdarhtute kawmin Council of Minister te thukhawmin sawrkar sum dinhmun a harsat avangin sawrkar hnathawk hlawh bat thensak a rel thu leh boruak a that hunah hlawh batsak rulh a ni ang tih a sawi a. 4th Grade leh a hniam lam deuh chu ngaihnathiam ni se tih a nih thu a sawi bawk.

Sawrkar sum renchemna tura rawtna pawm a ni

Chief Minister, Zoramthanga hova Council of Minister-te nimin-a thukhawm in COVID-19 leng mek vanga sawrkar sum renchemna tur rawtna an pawm.

Chanchin thar thenkhat :

Aizawl Civil Hospital tlawh

MZP in lawmman sem

MZP buatsaih Lockdown denchhena Article Inziahsiak result puanna leh lawmman semna chu nimin khan Aizawl-ah neih a ni a, he hun hi Mizoram Youth Commission Chairman, Dr. Vanlaltanpuia chuan khuallian niin a hmanpui a ni.

Sikulpui leh Sikulsen Mizoram Synod kutah hlan a ni

Aizawl-a Sikulpui leh Sikulsen chu Mizoram sawrkar kut-a kum 68 zet a awm hnuah nimin khan Mizoram Synod kutah hlan let leh a ni a, Sikul hlan letna inkhawm hi Sikulpui Hall, Sikulpuikawn-ah neih a ni.

Mizoram-ah Thermal & Optical Bi-spectrum Camera

India hmarchhak State zinga a hmasa ber ni turin Mizoram chuan Thermal & Optical Bi-spectrum Camera a nei thar a, nimin khan Lengpui Airport-ah bun nghal a ni.

Mask vuahlo mi 9 man

Serchhip District Police te chuan nimin khan Serchhip District chhungah The Mizoram (Containment and Prevention of Covid-19) Ordinance, 2020 bawhchhiaa vantlang hmuna Mask vuah loh mi 9 man lehin heng te hi Rs. 100/- theuh chawitir leh an ni a, heng an mi man te hi Chhingchhip-ah mi 8 leh North Vanlaiphai-ah mi 1 te an ni.

Mi 95 la khunghrang mek

Nimin khan Serchhip District chhunga Quarantine Facility Centre-ah mi 9 dahluh thar leh niin heti hian Serchhip District-ah COVID-19 avanga inkunghrang mi 95 an awm mek.

Quarantine Centre-a awm te tan chawhmeh hlan

Presbyterian Baktawng Venglai Kohhran te chuan Serchhip District chhung Quarantine Facility Centre hrang hranga awm mek te tan nimin khan chawhmeh chi hrang hrang leh pawisafai chu District Level Task Force on COVID-19 Chairman, Dr. Lalzirmawia Chhangte hnenah an hlan.

Malaria laka mipuite an him theihna turin Serchhip District-ah Thosilen sem mek a ni

Malaria laka mipuite an him theihna tura Health Department hmalakna kal zelah tunlai hian Serchhip District chhunga khaw hrang hrangah Thosilen semchhuah mek niin Thosilen sem lohna khua ah te pawh damdawi hmanga Thosilen chiah hna thawh mek a ni.

Serchhip Tuikhuah Veng-a NH. 53 tlahniam thin venna tur hnathawh mek enfiah a ni

Serchhip Tuikhuah Veng-a NH. 54 kawngpui tlahniam thin venna atana hnathawh mek chu nimin zing khan Serchhip Sub-Hqrs. YMA Vigilance & Monitoring Committee chuan enfiahin helai hmuna hnathawh te chu a tha thei ang ber thawh tum turin an ngen nghal bawk.

Chanchin thar thenkhat :

CM in NH. 54 a tlawh

Dan bawhchhia mi 4 man

Serchhip District Police te chuan nimin khan Serchhip District-ah The Mizoram (Containment and Prevention of Covid-19) Ordinance, 2020 bawhchhiat vanga man mi 4 chiah an nei a, heng te hi Vantlang hmun-a Mask vuahlo vek niin Chhingchhip-ah mi 3 leh North Vanlaiphai-ah mi 1 te niin Rs. 100/- theuh chawitir an ni.

Inkhunghrang mi 86 awm

COVID-19 avanga Serchhip District chhung Quarantine Facility Centre hrang hrang atanga chhuak mi 38 te chu nimin atang khan mahni In lamah inkhunghrang tura tih leh niin heti hian District pumah mahni In lama inkhunghrang mi 38 an awm mek a. Heng bakah hian sawrkar in inkhunghranna tur hmun a siama inkhunghrang mi 48 la awm mek bawkin inkhunghrang zawng zawng hi 86 an awm mek a ni.

Article ziak lawmman sem

MZP buatsaiha Serchhip District chhunga zirlaite tana Lockdown chhunga Article inziah-siak chu zawhfel niin lawmman pawh sem nghal a ni.

Police chawimawina hlan

Serchhip Police Station-a thawktu mi pathum (3) te chu an hnathawh that avangin Police Station Level-a chawimawina (Reward) hlan an ni.

Mipui ten Ration buhfai an dawn theih zat hrechiang in an chan tur an chan ngei an duh

Serchhip District Civil Supply Officer (DCSO), C. Zadailova chuan Ration buhfai an sem mek chu AAY leh PHH Beneficiaries ten an sem dan hrechiangin an chan tur ang chang ngei se an duh thu a sawi.

'HPC Artui' tlangzarh a ni

Artui-a Lunglei District a intodelh theihna tura Lunglei High Power Committee (HPC) hmalakna atanga tharchhuah ‘HPC Artui’ chu nimin khan HPC Vice Chairman, Lawmawma Tochhawng chuan a tlangzarh. 

PPE lei dan chhui dawn

Mizoram Lokayukta chuan COVID-19 dona hmanrua, Personal Protective Equipment (PPE) leh hmanraw dang lei chungchanga thil fello lian tak a awm ngei ni a sawi chungchang chu chhuifiah a remti.

Thilman pung-a hma la turin sawrkar phut

PRISM Party chuan Mizoram-a nitin mipui mamawh man pung nasa lutuk in mipui nâwlpui tân harsatna a thlen nasat avangin sawrkârin hmâ a lâk thuai a ngâi tih an sawi.

Lirthei Chhiah pelo te Late Fee ngaihhnathiam sak

Transport Minister, TJ. Lalnuntluanga chuan Lockdown avanga Lirthei Chhiah a huna pe theilo te tan Chief Minister in Late Fee a ngaihhnathiam sak niin a sawi.

COVID-19 do kawnga hmalak dan tur sawiho

Mizoram-a COVID-19 dona kawnga hmalakna hrang hrang leh hmalakna turte thlirin nimin khan Health Minister, Dr. R. Lalthangliana hovin sawrkar mi pawimawh te an thukhawm.

Agriculture Minister in Roadside Market leh Online Organic Vegetable Market Chain a hawng

Agriculture Minister, C. Lalrinsanga chuan nimin khan Thingdawl Tuikhur Lu, Melriat-ah Roadside Market leh Online Organic Vegetable Market Chain chu hawngin COVID-19 hripui leng karah mahni In lum atanga duh zawng zawng thlai lei theihna tur, MizDen-mobile application chhawpchhuah a ni chu lawmawm a tih thu a sawi bawk. Roadside Market leh Online Organic Vegetable Market Chain hawnna hunah hian Agriculture Minister chuan hetiang thil hawn theih a ni ta chu lawmawm a tih thu leh Mizoram loneitute tan rahbi thar a nih thu sawiin, Mission Organic Value Chain Development Programme in North Eastern Region Scheme (MOVCD-NER) hlawhtlinna chu hmuh theihin a awm ta tih a sawi a. Logistic Partner MizDen in Chemical tello a thlai tharchhuah te mimal In-ah an deliver thei tur chu Mizoram Agriculture Marketing bul intanna pawimawh tak a ni tih pawh sawiin, Loneitute aia kharchhawng ten hlawkna an neih hi thil diklo a ni a, Online Organic Vegetable Market Chain System-ah pawh hian Rate mumal taka ka…

Inralring turin hriattir

Disaster Management & Rehabilitation Department chuan Super Cyclonic Storm AMPHAN si per avangin Mizoram-ah ruahpui leh thlipui lo thleng thei tih sawiin, mipuite chu chi-ai lova inralring turin an hriattir.

Inkhunghrang 50 la awm

Serchhip District chhunga COVID-19 vanga sawrkar in inkhunghranna a siam-a awm mek mi 2 te chu nimin khan chhuahtir leh niin mi-dang dahluh thar 2 an awm bawk a, heti hian sawrkar hmun siama khunghran mi 48 an la awm a ni. Hetihlai hian In lama khunghran pawh an inkhunghran hun zo te chu chhuahtir zel niin nimin-ah chhuah tir an awm avangin tuna In lama la inkhunghrang chu mi 2 chiah an awm tawh a. Heti hian Serchhip District puma inkhunghrang chu mi 50 an la ni.

Mask hmanglo mi 13 man

Serchhip District Police te chuan nimin khan vantlang hmun-a Mask hmang lova chhuak mi 13 man lehin heng mite hi Serchhip-ah 8, Chhingchhip-ah 4 leh North Vanlaiphai-ah mi pakhat te an ni a, heng mite hi Rs. 100/- theuh chawitir niin The Mizoram (Containment and Prevention of COVID-19) Ordinance, 2020 bawhchhia dang erawh man an awmlo thung.

Phai Sangha man a sang

Rampum-a inkharkhip kalpui a nih hnuah Serchhip Bazar-a Sa man a danglam lutuk loh laiin Phai atanga lakluh Sangha man erawh nasa takin a pung thung.

Chanchin thar thenkhat :

COVID-19 kai pung chho zel

Horticulture Department hmalak zelna tur sawiho

Nimin khan Chief Minister, Zoramthanga hovin CM Cabinet Meeting Room-ah Horticulture Department hotute chuan Department hmalakna te an thlirho.

Airport Cute ber siam tumin CM a phar buai - MPYCC

Congress Thalai, Mizoram Pradesh Youth Congress Committee (MPYCC) chuan Airport Cute ber siam tumin Chief Minister a phar buai hle niin an sawi.

MNF in CM leh Finance Minister thlak tul an ti lo

Mizo National Front (MNF) chuan Chief Minister leh Finance Minister thlak tul an ti lo tih an sawi.

CM in Sairang Cold Chain Development a enfiah

Chief Minister, Zoramthanga chuan nimin khan a Department chan, Horticulture Department hnuaia Sairang-a Cold Chain Development hmalakna chu a hmunah a enfiah.

Mizoram-a DCHC te inbuatsaihna endik a ni

Mizoram chhunga District hrang hrang a COVID-19 damlote enkawlna tura ruahman, Dedicated Covid Health Centres (DCHC) te chu tunlai hian sawrkar laipui atanga rawn enfiah mek a ni.

Task Group on Quarantine Facilities in mipui, Kohhran leh VLTF/LLTF chungah lawmthu an sawi

Mizoram sawrkar in COVID-19 dona kawnga a din, Task Group on Quarantine Facilities-a Chairman, Esther Lalruatkimi chuan COVID-19 laka kan him tlan theihna tura Sawrkar hmalakna te tha taka an thlawp avangin Mipui, Kohhran leh VLTF/LLTF chungah lawmthu a sawi.

Congress Legislature Party in an May thla hlawh COVID-19 dona atan CM hnenah an hlan

Congress Legislature Party (CLP) Leader, Zodintluanga chuan CLP Member ten tun thla (May, 2020)-a an hlawh chu a vaiin Chief Minister Relief Fund-ah nilo, COVID-19 dona atan Chief Minister hnenah an thehlut dawn tih sawiin, boruak a zira an chet zel tur thu a sawi bawk.

Sum pekchhuahna tur rel

Chief Minister's Relief Fund hman dan tur ngaihtuah tura din, Committee on Utilisation of Chief Minister's Relief Fund for COVID-19 chu niminpiah khan thukhawmin CM's Relief Fund for COVID-19 atangin Rs. 30,20,000 chu hman-chhuah leh nise an ti. He Committee hian Lock-down avanga India ram hmun hrang hrangah Mizoram mi leh sa tangkhang in report an awm belh zel avang leh tunlaiin Mizoram a tangkhang te hruai haw tura hmalak mek a nih avangin Chief Minister’s Relief Fund atanga tanpui dilna te atangin Mizo Welfare hrang hrang 13 te hnenah tanpuina Rs. 28,20,000/- pek belh leh an rel a. Lawngtlai DC in a dilpui angin ramri veng-a duty Central Young Chakma Association te Rs. 2,00,000/- pek tura ruahman a ni bawk. Heti hian sum pekchhuah tawh chu Rs. 584,17,065/- a ni. Hetihlai hian COVID-19 do letna atana hman turin Chief Minister's Relief Fund-ah nimin thleng khan sum la luh belh zelin nimin thlenga sum lut hi cheng vbc. 7.73 a tling tawh bawk.

Quarantine Centre te tlawh

COVID-19 Medical Operational Team te chuan nimin khan an Chairman Dr. ZR Thiam-sanga MLA hovin Quarantine Management Unit Health and Family Welfare, Mizoram te nen Aizawl khawpui chhung a Quarantine Centre thlan bik- Synod Revival Camping Centre, Sihphir Neihbawih; ICFAI University Durtlang North leh SAI Hostel Mission Vengthlang te an tlawh a. Heng team hnih inkawp te hian Quarantine Facilities a awm theih leh theih loh te, Ministry of Home Affairs duh dan ang thil kalpui theih anih leh nih loh te, darkar 24 chhung Electric eng a awm that leh that loh te, tui thianghlim bakah hnianghnar a tui a awm theih dan tur te, khum ft. thum danah a awm theih leh theih loh te, khung hran ho tan a him leh him loh bakah ei leh in pek danah a him dan ber tur te leh Sample Collection tha taka tih theih anih leh nih loh te an enfiah a. MHA duh dan ang a thil kalpui zel a tul thu an sawi bawk.

Hmarcha sawngbawl thei ta

Siaha District Bawrhsap, Bhupesh Chau-dhary IAS chuan nimin khan Siaha DC Conference Hall-ah 'Maraland Organic Chilli Powder' a tlangzarh a, he hunah hian Siaha DC chuan Zyhno tlangdung khua te hi Hmarcha thak tha chi tharchhuak hnem khua an nih thu leh Market a that vak loh avang leh a phorona khawl te a awm loh avangin kum khatah vawikhat chauh an tharchhuak thin tih sawiin, kuthnathawktute sum lakluh a pun theih nan leh kum khat-a vawi khat aia tharchhuah dan ngaihtuahin Chilli Powder Processing Plant din chu tih makmawha ngaia hmalak a nih thu a sawi bawk.

Electric Bill zaa 50 tala tihniam turin sawrkar phut

MPC Thalaite chuan Electric bill 50% tal a tihhniam turin Mizo-ram sawrkar chu an phut thu an sawi.

Mipui thlamuan tu tur CM kan mamawh - ZPM

ZPM General Hqrs. chuan mipui thlamuantu tur Chief Minister kan mamawh niin an sawi.

Govt. Serchhip College te an luangchhuak

Govt. Serchhip College Staff Welfare leh he College-a NSS Unit tangkawp chuan Adopted Village atana an thlan, Keitum khua ah nimin, May 19, 2020 khan luanchhuahna hun an hmang.

COVID-19 hrileng kaihhnawiha Press mite zalenna rahbeh tumna MJA in an duhlo

Mizoram Journalists' Association (MJA) chuan COVID-19 hrileng kaihhnawiha Press mite zalenna India sawrkarin a pek rahbeh tumna awm chu a duhloh thu leh tha a tih loh thu Mizoram Chief Secretary hnenah a thlen.

Dan zawmlo man belh zel

Serchhip District-a Police te chuan nimin khan vantlang hmun-a Mask hmanglo mi 12 man lehin heng mite hi Rs. 100/- theuh chawitir an ni a, an zinga tam ber hi Serchhip Bazar-a man niin Social Distancing zawmlo mi 2 man an ni bawk a, heng mite hi Serchhip Bazar-a man niin Rs. 200/- ve ve chawitir an ni bawk.

District Task Force tanpui

Tunhnaia Serchhip tlawha rawn zin SEDP Agriculture Development Board-a Vice Chairman, H. Biakzaua MLA chuan Serchhip District Task Force on COVID-19 ten a tul apianga an hman atana Rs. 5000/- a hlan a, Serchhip District Level Task Force Chairman leh Bawrhsap ni bawk, Dr. Lalzirmawia Chhangte chuan lawm-thu sawina thu a chhuah bawk.

Inkhunghrang mi 58 la awm

COVID-19 avanga Serchhip District-a sawr-kar in inkhunghranna hmun a siam, Qurantine Facility Centre-a awm mi 5 te chu an inkhung-hran hun tur a zawh hnuah nimin khan chhuahtir niin heti hian Serchhip District chhung Facility Centre-a khunghran mi 48 an awm mek a. In lama inkhunghrang mi 10 la awm bawkin heti hian Serchhip District chhunga inkhunghrang mi 58 an la awm mek a ni.

KTP in Thisen Unit 42 pe

Serchhip Bethel Branch KTP te chuan nimin khan Serchhip Blood Bank-a dah turin thisen Unit 42 an pe.

Inkharkhip avanga ramchhung leh pawn-a tangkhang te sawrkar in a buaipui zel

Chief Secretary, Lalnunmawia Chuaungo chuan State danga Mizo tangkhang, Mizoram-a lo haw duh harsatna tawk te chu an haw man sawrkarin a tumsak dawn tih sawiin, hetihrual hian mahni intum thei te chu anmahni an intum dawn tih a sawi a. Tunah hian ramchhungah mi singkhat chuang leh rampawn ah mi 600 chuang an tangkhang mek nia chhinchhiah a ni.

Tun thla ni 31 thleng Serchhip District-ah Lockdown kalpui a nih tur thu puang

Serchhip District Bawrhsap leh District Disaster Management Authority-a Chairman, Dr. Lalzirmawia Chhangte chuan May 17, 2020 atanga May 31, 2020 thleng Serchhip District-ah Lockdown kalpui chhunzawm tur a nih thu a puang.

Chanchin thar thenkhat :

Hospital tan Ambulance hlan

Agriculture leh Irrigation Deptt. hmalakna tur sawiho

Nimin khan Chief Minister, Zoramthanga hovin CM Cabinet Meeting Room-ah COVID-19 hrileng avanga loneitute harsatna tawh sukiang tura hmalakna te leh buh-a Mizoram a intodelh theihna tura hmalakna thar ruahmanna te chu Agriculture leh Irrigation & Water Resources Department Minister, C. Lalrinsanga leh Officer te nen sawiho a ni.

Assembly Special Session ko turin sawrkar phut

ZPM Thalai General Hqrs. President, Malsawmzuala chuan Mizoram Legislative Assembly Special Session ko thuai tura sawrkar an phut thu an sawi.

Thlipui na a rawn thlen ringlo

State Meteorological Centre, Directorate of Science & Technology, Govt. of Mizoram chuan nimin khan thuchhuah siamin Bay of Bengal tuipui chhim lama insiam, Cyclone Amphan chuan hmarlam a pan zel tih tarlangin, tun atanga darkar 12 chhung vel hian a aia na zawka tleh chhunzawm tura rin a nih thu leh May ni 20, 2020 (Nilaini) velah hian thlipui na tak, darkar khata KM 155 atanga darkar khata KM 185 inkar vela nain tleh chhunzawm tura ngaih a ni tih a tarlang a. Tun dinhmunah chuan Thlipui na tak chuan Mizoram chu nuai ve lo tura ngaih a nih thu leh Cyclone them kan tih ang leh ruah chu an dawng ve mai thei bawk niin an tarlang.

Mi 63 inkhunghrang mek

COVID-19 avanga Serchhip District chhunga sawrkar in inkhunghranna tur hmun a siam, Quarantine Facility Centre-a awm mi 3 te chu nimin khan mahni In lama inkhunghrang tura chhuahtir an ni ve leh a, heti hian Serchhip District-ah sawrkar hmun siama in khunghrang mi 53 awm mekin mahni In lama inkhunghrang mi 10 an la awm bawk a, an vaiin inkhunghrang mi 63 an  awm mek a ni.

Naupang inkaphlum palh

Nimin chhun khan Chhiahtlang Kawn Veng-a mipa naupang kum 3 mi chu Silai-a intihpalh avangin a boral.

Bawrhsap in ngenna chhuah

Serchhip District Bawrhsap chuan nimin khan hriattirna tichhuakin COVID-19 hripui laka mipuite him nan mihring inhnaih lo, inhlata awm (Social distancing) a tul avangin mitthi vuina leh inneih-ah mi 20 aia tam awmkhawm loh tih chu thu dinglai, khawi hmunah pawh mitinte'n zawm leh ngaihpawimawh ngei ngei tur a ni tih tarlangin, hei hian Inchhung leh pawn a huapsa vek tih a tarlang a. “Serchhip District-ah pawh mitthi lumenna leh vuina-ah te, khawhar In-ah te, inneihnatmo lawmna-ah te zai ho loh nise,” tiin mitin te insum tur leh Social Distancing ngai pawimawh turin a ngen bawk.

Dawr hawn dan tur siam thar

Serchhip District Bawrhsap, Dr. Lalzirmawia Chhangte chuan inkharkhip thawh lina kalpui meka Serchhip-a dawr hawn dan tur a ruahman.

Serchhip-ah Inkhunghranna atana Kohhran Hall leh hmunhma hman dan tur sawihona neih a ni

Nimin khan Serchhip District Bawrhsap, Dr. Lalzirmawia Chhangte hovin Serchhip khaw chhunga Kohhran hrang hrang aiawhten State pawn atanga lo haw turte inkhunghranna tur hmun chungchang an sawiho a. Kohhran thenkhat chuan an hmunhma hman bakah ei leh in tumsak thlenga an inhuam thu an sawi bawk.

Inkharkhip thawh lina atan Mizoram Sawrkar in inkaihhruaina thar a tichhuak

COVID-19 avanga Mizoram chhunga inkharkhipna thawh thumna chu nizan-a a tawp hnuah Vawiin atanga tun thla ni 31 thlengin Inkharkhip thawh lina kalpui leh a ni dawn a. Inkharkhip thawh lina atana inkaihhruaina thar pawh nimin khan tihchhuah niin Vawiin atang hian hman tan nghal a ni ang.

Chanchin thar thenkhat :

Mahni thu-a haw remlo

YMA Duty titawp lailawk

Serchhip Sub-Hqrs. YMA chuan an huam-chhung- Sailulak leh Lungkawlh huamchhung Myanmar ramri-a SEC Member te ramri veng tura