Lenkawl

MNF |halaite chuan MNF sawrkar chuan Lok Ayukta chu a \hiat loh tih sawiin, a ti chang-tlung sauh sauh zawk a ni, an ti.

ZPM chuan MNF sawrkar hnuaiah ram a himlo niin an sawi.

Sinlung Hills Council inthlanpui neih turah MNF candidate te tan Health Minister, Dr. R. Lalthangliana chu a campaign mek a, Zohmun, Sakawrdai, Ratu, Suangpuilawn, Lamherh, Vanbawng leh Khawlek-ah te mipui hmaah thu a sawi.

Champhai District Fire Prevention Committee chu nimin khan \hukhawmin kumin a Fire Prevention Week hman zawh tak thlirletna an nei.

Nimin khan National Health Mission chuan Aizawl New Capital Complex-a Taxation Department Auditorium-ah ni thum awh tur Review Meeting of Health Programmes an nei \an a. He hun hi Health Secretary, H. Lalengmawia chuan a hmanpui a ni.

LAD Minister, K. Lalrinliana chuan intodelh turin theihtawp kan chhuah a ngai tih sawiin, “Kan ram leh Hnam zahawmna atan a pawimawh em em a ni,” a ti.

Rashtriya Uchchatar Shiksha Abhiyan (RUSA) bultumin nimin khan Govt. Serchhip College-ah 'Career Counselling Programme' leh 'Short Term Course in Disaster Management -Fire Awareness Campaign & Training Programme' hman a ni.

Rampuma Vigilance Awareness Week hman mek pualin nimin khan Serchhip DC’s Conference Hall-ah Vigilance Awareness Campaign neih a ni a. He hun hi Serchhip Addl. DC, Chuauhnuna chuan hmanpuiin eirukna dona kawnga hriattur pawimawh hrang hrang zirho a ni.

Mizoram Youth Commission (MYC) Member te ruat thar an nih hnuah nimin khan a vawi khatna atan MYC Chairman Pisa-ah \hukhawmin Road Map leh Action Plan chungchang an ngaih-tuah bakah Policy thar an duang.

Regional Sales of Rural Artisans Society (SARAS) Fair-2019 chu nimin khan Champhai ah neih \an niin RD Department changtu Minister, Lalruatkima chuan he Fair hi a hawng a ni.

National Bank for Agriculture and Rural Development (NABARD) hnuaia Tribal Development Fund (TDF) sum a\anga Lawngtlai RD Block huamchhung khaw sawm (10)-a World Vision India (WVI), Chhimtuipui Area Development Programme-in mirethei leh harsa zawkte dawmkan nana an kalpui tur, Integrated Tribal Development Project chu nimin khan Lawngtlaia Central YLA Hall-ah Agriculture Minister, C. Lalrinsanga'n a hawng.

Higher Secondary School Lecturers Association of Mizoram (HISSLAM) Annual Assembly vawi 21-na chu nimin khan Aizawl-a Synod Conference Centre-ah neih a ni a, School Education Minister, Lalchhandama Ralte chuan khuallian niin a hmanpui.

Joint Welfare Action Committee (JWAC) Tripura leh Assam-a Zofa chi peng hrang hrang inzawmkhawm te leh MZP hruaitute chuan nimin khan Aizawl-ah inkawmna neiin he hun hi MZP General Hqrs. President, L. Ramdinliana Renthlei chuan a kaihruai a ni.

Serchhip P&E Veng-a Leisekawt Mual laihzauh tur chu Sports Minister hovin bul \an ni tawh mah se nimin thlengin hnathawh dang hmuh tur ala awm lova. Nimin khan Adviser to Chief Minister, C. Lalramzauva chuan he Mual laihzauhna tura \ul te a enfiah.

Serchhip District Anti-Tobacco Squad te hian nimin khan Serchhip Police te nen \ang-tlangin puipunna hmuna meizuk khapna Dan bawhchhia an awm leh awmloh enfiahin Serchhip Bazar leh a chhehvel an fang a, heng an enfiahna ah hian dan bawhchhiaa puipunna hmuna mei zu man erawh an awmlo thung a, lawmawm an tih thu an sawi. 

Serchhip Sub-Hqrs. YMA chuan ‘Serchhip a Health Department Officer Transfer chungchanga sawrkar leh YMA inkar boruak awm mek hi’ thu darh chiam chu \ha an tih loh thu an sawi.

Mizoram Chess Association leh Serchhip District Chess Association (SDCA) \angkawp in an buatsaih, 21st Mizoram Open Chess Championship-2019 chu nimin khan New Serchhip YMA Hall-ah neih \abn niin Adviser to CM, C. Lalramzauva chuan a hawng a ni.

Mizo Zirlai Pawl (MZP) chuan nimin khan Zirlaite Ni chu Dawrpui Multipurpose Hall-ah an hmang a, he hun hi School Education Minister, Lalchhandama Ralte chuan a hmanpui a ni.

Health Minister, Dr. R. Lalthangliana chuan nimin khan Mizoram New Capital Complex (MINECO)-a Mizoram State Drug Testing Laboratory sakna tur lungphum a phum.

ZPM Block |halai Committee, Serchhip chuan Serchhip Sub-Hqrs. YMA hmalakna chu a tawp thlenga an thlawp thu an sawi.

Serchhip CMO Office-a Asst. Director (Food and Drug) Transfer-na thu lo chhuah tawh chu sawrkar in thu leh awm hma chuan kaltlangpui rihlo tura a tih avangin Serchhip Sub-Hqrs. YMA chuan Vawiin a\anga Serchhip-a Health Department-a thawk te Pisa kai tur leh Asst. Director (Food & Drug) insawn tur dan an tum chu an \hulh lailawk.

Serchhip Sub-Hqrs. YMA chuan Serchhip CMO Office-a Asst. Director (Food & Drug) sawnchhuahna Order chu sut (cancel) a nih loh chuan naktuk a\angin Serchhip-a Health Department-a thawk te Pisa kai tur dan nise an ti.

Thenzawl khaw chawmtu tur tuilakna tura PHE Department ten Vanva lui an khuah tur chu Inrinni khan Adivser to Chief Minister, C. Lalramzauva’n a tlawh.

India President chuan Mizoram Governor atan PS. Sreedharan Pillai a ruat a, Mizoram Governor hna chelh mektu, Jagdish Mukhi chu a thlak ang.

Tun thla ni 3 a\anga Tripura Relief Camp-a awm Bru hruaikir hna thawh mekah Inrinni thleng khan chhungkaw 190 hruaikir an ni tawh a, Inrinni khan Kaskau Relief Camp a\angin Bru chhungkaw pakhat mi 5 chu anmahni duhthu in an rawn kir leh bawk.

Transport Minister, TJ. Lalnuntluanga chu Manipur-ah zinin Zirtawpni khan Mizoram-a Aizawl leh Manipur-a Lamka (Churachandpur) inkara Mizoram State Transport Bus tlan tur chungchangah Manipur Chief Minister, N. Biren Singh a kawm.

Mizoram Pradesh Congress Committee (MPCC) Media Department chuan MNF sawrkar-ah Advertisement chhuah lovin School Education hnuaia thawk tur mi 91 lak an ni tawh tih an sawi a. Advertisement chhuah loha hnathawktu lak zinga tam zawk hi Education Minister in a mi duhsak zawngte a thun niin an sawi bawk.

PRISM Party chuan Mizoram sawrkarin Department hrang hrang tana Board a din a Vice Chairman te Minister of State anga a kalpui chu zirchian nise an ti.

Health & Family Welfare Minister, Dr. R. Lalthangliana chuan niminpiah tlai khan Aizawl Dawrpui South-a Eye Care Centre-ah Mit zaina khawl an bun thar, ‘Centurion Vision System’ a hawng a, hemi hnu hian Eye Care Centre in an kum 20 tlin lawmna programme Hotel Floria-a buatsaih chu a hmanpui bawk.

Former Legislators Association of Mizoram (FLAM) chuan nimin khan an kum 25 tlin lawmna neiin Deputy Chief Minister, Tawnluia chuan khuallian niin a hmanpui a ni.

Mizoram sawrkar hnuaia Industrial Development Board chu nimin khan an Chairman, Dr. R. Lalthangliana, Commerce and Industries Minister hovin Secretariat Conference Hall, MINECO- ah an \hukhawm.

Mizoram Secondary School Games vawi 37-na chu nimin tlai khan Kolasib-ah zawhfel niin a pumpui ah Aizawl District chu an champion a, Serchhip District chu pahnihna an ni.

Serchhip Sub-Hqrs. YMA hruaitute chuan nimin khan Adviser to Chief Minister kawmin Serchhip-a Asst. Director (Food and Drug) sawn tum chungchang an thlen.

Serchhip in nakum-a Paragliding Accuracy World Cup 2020 & Grand Festival a thlenna tur hmun, Serchhip Chuanhnuai ram chu nimin tlai khan Adviser to Chief Minister, C. Lalramzauva chuan tlawhin a panna kawng siam dan tur PWD hotute nen an sawiho nghal.

Nakum February thla-a Serchhip in Paragliding Accuracy World Cup 2020 & Grand Festival a thlen tura Organising Committee Chairman leh Sports Minister ni bawk, Robert Romawia Royte chuan nimin khan Serchhip-a thuthar thehdarhtute kawmin he hun thleng tura inbuatsaihna hrang hrang a hrilhfiah.

Baptist Church of Mizoram (BCM)-a ro relna sang ber dawttu, Area Baptist Council (ABC) inkhawmpui chu nizan a\ang khan Area hrang hrangah neih mek a ni a, naktuk Pathianni zan ah a \iak ang.

Serchhip P&E Veng-a Leisekawt Mual chu laihzauh a ni dawn ta a, nimin khan he Mual laihzauh bul \anna hun hi hmangin Sports Minister, Robert Romawia Royte chuan Bawngtuthlawh hmanga laiin bul a \an a ni.

Serchhip-a sawrkar Department hrang hrangte infiamna kawng-a an inelna, Inter-Department Sports hawnna chu nimin khan neiin Serchhip District Bawrhsap, Sangchhin Chinzah cuhan he Sports hi a hawng a ni.

Serchhip Sub-Hqrs. YMA hruaitute chuan Serchhip-a Asst. Director (Food and Drug) chu sawnchhuah a nih loh nan hmalak zel an tum thu sawiin, hei vang hian thu thar a awm hma loh chuan lo chhuah tir lo turin Serchhip CMO chu an ngen bawk.

Retheihna umbo a, chhungkaw tin ten eizawnna ngelnghet zawk an lo neih theihna turin Serchhip Block huamchhung khaw hrang hrangte telna Village Council Co-ordination Committee (VCCC) chu din niin nimin khan VCCC te tan hian training neih nghal a ni.

Bru te thlai thar lawmna Kut, ‘State Level Hodaigri Festival 2019’ chu nimin khan Tuipui-bari-ah hman niin Tourism Minister, Robert Romawia Royte chuan a hmanpui.

Mizoram sawrkar-a Health & Family Welfare Board chu nimin khan Aizawl-a Secretariat Conference Hall-ah an Chairman, Dr. R. Lalthangliana, H&FW Minister hovin an \hukhawm.

Kolasib khawpui chhung tih changtlun dan tur ngaihtuahin nimin khan Kolasib Town Planning and Development Commitee chu an Chairman leh Kolasib bialtu MLA ni bawk, K. Lalrinliana hovin an \hukhawm.

Association for Environmental Preservation (ASEP) chuan Dampa Tiger Reserve enkawlna kawnga State chhunga Committee te chu an tihtur dik tak tun aia nasaa hlenchhuak tura an phut thu an sawi.

Tunkar Nilani khan New Delhi-a Siri Fort Auditorium-ah ramchhung zirlai talent nei \ha chherna, Pradhan Mantri Innovative Learning Programme 'DHRUV' kharna neiin he huna Zirlai talent nei \ha thlan zingah Mizo zirlai Lalruatpui, Govt. Mizo High School chu a tel.

MPC President, Lalhmangaiha Sailo chuan, “Kan ram leh mipui tan theihtawp chhuahin hmalam panin ke kan pen zel dawn a ni,” tiin MPC Party in nimin a Executive Meeting an neih ah a sawi a. Mizoram dinhmun chu a derthawng kual vek niin a sawi bawk.

Election Commission of India ruahmanna anga Mizoram-a Electoral Roll enfiah hna thawh tura lo ruahman tawh chu remchan zawkna avangin tih danglam a ni a, thla thar Nov. 25 khian Integrated Draft Electoral Roll chu tarchhuah a ni ang.

Nimin khan District Panchayat Resource Centre (DPRC), Serchhip Tarpi tlang-ah Start up Village Entrepreneurship Programme (SVEP) hawnna neiin ni thum chhung awh tur Community Resource Person for Enterprise Promotion (CRP-EP) te tana Training chu neih nghal a ni bawk.

Higher & Technical Education Minister, Dr. R. Lalthangliana chuan nimin leh niminpiah khan Guwahati-a hmun leh zirna In pawimawh te tlawhin Assam Finance leh Health & Family Welfare Minister ni bawk, Dr. Himanta Biswas pawh hmuin Mizoram sawrkar nena thawhho theihna kawng hrang hrang an sawidun.

Parking House Support Scheme (PAHOSS) Executive Committee chu nimin khan Chief Secretary, Lalnunmawia Chuaungo hovin CS Conference Hall-ah \hukhawmin hmalakna kal mek an thlirho.

Nimin khan Supply Minister, K. Lalrinliana hovin a Office Chamber-ah IOCL Official te nen Gas Bottling Plant leh Oil Depot siam tur atana ram chungchang bakah Gas supply tih \hat dan tur sawiho a ni a. Gas Bottling Plant leh Oil Depot hmun turte chu Vawiin hian en ho nise an ti.

Mizo National Women Front (MNWF) Hqrs. huaihawtin nimin khan Saitual-ah 'Mizo Hmeichhia ram tana pen chhuakte chawimawina' hun hman a ni.

Chief Minister leh MNF President, Zoramthanga chuan Mizoram sawrkar leh HPC inremna tihlawhtling tura nasa taka hmalak a nih tur thu sawiin, "Hmar thimpui ni \hin a nih tawh loh nan hma kan la dawn a ni," a ti.

India hmarchhak State 8 te tana ni 2 awh tur Regional Workshop under Pradhan Mantri Awaas Yojan-Gramin (PMAY-G) chu nimin khan Mizoram University Conference Hall, Tanhril-ah neih \an niin he Workshop hi Mizoram RD Minister, Lalruatkima chuan a hawng a ni.

India leh Bangladesh sawrkar inkara thawh-hona \ha zawk neih zel anih theih nan nimin khan Guwahati-ah ‘Indo-Bangladesh Stakeholders Meet’ neih \an a ni.

Nakum-a Serchhip in K|P General Conference a dawn tur atana inbuatsaihna kal mekah Reception Counter tur 16 siam fel a ni.

PHE Serchhip WATSAN Division hnuaia hmalakna \henkhat chu nimin khan PHE Department hotute chuan an tlawh.

Nakum February ni 10 a\anga Serchhip khuaa Paragliding Accuracy World Cup 2020 and Grand Festival neih tura Organising Committee chu nimin khan a vawikhatna atan an Chairman Sports Minister, Robert Romawia Royte hovin a Pisa-ah an \hukhawm.

National Tobacco Control Programme (NTCP) Mizoram bultumin nimin khan Aizawl Press Club-ah COTPA (The Cigarettes and Other Tobacco Products) leh a kaihhnawih dan, Media te tana hriat tur pawimawh zirhona neih a ni.

MNF Party chuan nimin, Sept. 22, 2019 khan Aizawl-a Mizo Hnam Run-ah MNF dincham \um 58-na lawmna an nei a, an Party President, Zoramthanga chuan thu a sawi a ni.

Mizoram pum huam, Inter Village Volleyball Tournament chu nimin khan khelh \an niin nizan hmasa khan he Tournament hawnna hi Art & Culture Minister, R. Lalzirliana hovin Aizawl Chanmari YMA Hall-ah neih a ni.

Mizoram Secondary School Games vawi 37-na chu nimin khan Kolasib Sports Stadium-ah neih \an niin Education Minister, Lalchhandama Ralte chuan a hawng a ni.

Serchhip bialtu MLA, Lalduhoma chuan ramdang Rua lakluh a, a chi supply tu nih duh vanga phili chung lovin, kan rama tual\o Rua leh Mau te ngei hman \angkai a pawimawh thu sawiin, “IAS ten ban phah nan em an hmang lo a nih pawhin, kuttum-a eizawng mi tam takte tan malsawmnna a ni ngei ang,” a ti.

Ramngaw leh hmun humhalh bik tih chereu chungchangah Mizoram sawrkar chu dan dinglai bawhchhiaah puh anih avangin National Green Tribunal (NGT) chuan insawifiah turin a hriattir.

Tripura Bru Relief Camp-ah te tun thla ni 1 a\ang khan a thlawn a ration an dawn tih tawp anih duh loh avangin nimin khan Tripura Bru Relief Camp lian ber Naisingpara a\angin Dasda thleng kawngzawh a ni.

Serchhip-a sawrkar Department hrang hrangte tana Inter-Department Sports neih tur atan nimin a\ang khan item \henkhat ah inelna neih \an a ni.

- C.Lalrochhuanga, New Serchhip

Synod Social Front buatsaiha Serchhip District chhung ami te tan Plumbing Training chu nimin khan Serchhip Kawnpui Kohhran Diamond Jubilee Hall-ah hawnna neiin \an a ni.

Nimin khan Serchhip District Sports Committee leh Thenzawl Sports Committee chuan Joint Committee neiin Mizoram State Games neih tur atan Serchhip Constituency Sports Organising Committee an din.

ZPM a\anga Independent-a MLA atana thlantlin Dr. Vanlalthlana chuan, “Mizoram mipui zaa 60 aia tam te innghahna Agriculture hian ngaih pawimawh a hlawh lo hle a, kan buh thar pawh a tlahniam chho mek a ni,” a ti.

Nimin khan India rampum ah Police an duty laia nunna chan te hriatrengna leh zahna hlanna Ni, 'Police Commemoration Day' hman a ni a, Serchhip-ah pawh he Ni hi urhsun taka hmangin an duty laia nunna chan Police te sunna hun hmangin Martar chhungte tlawhchhuah a ni bawk.

Mipuiten Arsa thianghlim leh hrisel zawk an ei theih nana a enkawl dan kalphung duan thar, ‘Poultry Value Development in Mizoram’ chu AH&Vety Minister, Dr. K. Beichhua chuan Inrinni khan INDBRO Poultry Hatchery Farm, Ramrikawn, Tanhril-ah a tlangzarh.

Serchhip Sub-Hqrs. YMA chuan Serchhip CMO Office-a Asst. Director (Food and Drug) a thlaktu tur awm lova sawn a ni chu an duhloh thu sawiin, a sawnna tura Order tihchhuah tawh chu sut leh turin thuneitute an ngen.

Lai Autonomous District Council (LADC) a Nominated Member ten Sawrkar bukna a Vote an neih theih nana High Court-a an thlen chu Zirtawpni khan Gauhati High Court, Aizawl Bench chuan thutlukna siamin Nominated Member ten Vote an nei thei dawn lo.

November ni 5, 2019-a Sinlung Hills Council (SHC) inthlan lo awm turah Council Member 12 thlan turah Candidate 42 an awm dawn ta.

Health & Family Welfare Minister, Dr. R. Lalthangliana chuan Inrinni khan cheng nuai 108.97 senga sak Thingsai-a Primary Health Centre (PHC) chu a hawng.

Tripura Relief Camp-a awm mi \henkhat ten Mizoram-a rawn kir duh mi \henkhat te an vau nia sawi a awm avang leh anmahni hruaikirtu turte an dan avangin Nilaini khan Tripura-ah Bru laklet mek chungchang hi sawiho a ni a. Hetihlai hian Inrinni thleng khan Bru chhungkaw 125 te chu Mizoram ah hruaikir an ni tawh thung.

Hnahthial District Celebration Committee buatsaihin nimin khan Hnahthial HBSC Ground No.1-ah Hnahthial District thar lawmna neih a ni a, he hun hi bialtu MLA leh Health Minister, Dr. R. Lalthangliana chuan khuallian niin a hman-pui a ni.

New Delhi-a cham mek Minister of State, K. Lalrinliana chuan niminpiah tlai khan Union Secretary for Development of North-Eastern Region (DoNER) Ministry, Inder Jit Singh hmu in a department enkawl ten DoNER Ministry a Mizoram Sawrkar in project proposal thehluh tawh te a sawipui a.

Mizo zaithiam te zinga hriat hlawh, C. Lal-rinmawia chu nimin khan Aizawl Chaltlang-a an chenna In ah boralin nimin vek khan vuiliam nghal a ni.

Mizoram-a tlawmngai pawl lian ber, Young Mizo Association (YMA) inkhawmpui lian, YMA General Conference vawi 72-na chu nizan hmasa khan zawhfel a ni ta.

State Level Organising Committee for Implementation of State Games chu tun thla ni 16 khan \hukhawmin Mizoram State Games neih tur atan Item an thlang fel.

Serchhip District Volleyball Association (SDVA) buatsaih Serchhip District Volleyball Championship chu Ningani tlai khan zawhfel niin Hmeichhia-ah Mamuani VC leh Mipa-ah Chhiah-tlang VC te an champion.

MJA Serchhip District chuan Journalist-te hmusit leh ngainep zawnga ngaih theih tura \awng-kam hman chu pawi an tih thu leh \ullo an tih thu sawiin, hetiang hi tun hnuah awm tawhlo se an duh thu an sawi.

Mizoram sawrkar in Muster Roll-a thawk tur Zirtirtu a lak te chuan Engagement Card la-chhuak mekin ni 15 chhunga an hna zawm tura tih an ni a. Hetihlai hian Serchhip District-a Zirtirtu lak tharna a result siam tawh ah tih danglam a awm hriat a ni lo.

Nimin hawhma dar 11:00 a\ang khan Serchhip DC Conference Hall-ah Serchhip District chhunga Bank hrang hrang kaltlanga Prime Minister’s Employment Generation Programme (PMEGP) Loan dil tute interview neih a ni.

Indian Council of Agricultural Research (ICAR), Mizoram Centre leh Fisheries Department \angkawp chuan tunkar chhung khan Serchhip District chhunga Lui te a hmunah kalin an zirchiang a. Mizoram-a lui Sangha chi ruk (6) te chu boral mai thei dinhmun ah an ding tih an sawi.

Regional Institute of Paramedical and Nursing Sciences (RIPANS) chuan nimin khan kumin-a Nursing leh Para-Medical Course hrang hranga zirlai pass thar te Graduation lawmna leh Bachelor of Nursing zirlai thar 35-te lawmluhna, Lamp Lighting Ceremony neiin he hun hi Chief Minister, Zoramthanga chuan a hmanpui a ni.

Bungtlang Educational Service Association (BESA) chuan niminpiah khan Bung-tlang-a zirna In hrang hrangte tan Cultural Meet an buatsaih a, he hunah hian zirlai naupang ten Hnam Lam leh zai chi hrang hrang an entir a ni.

Fisheries Minister, K. Lalrinliana chu New Delhi-ah cham mekin sawrkar mi pawimawh te a kawm.

Sawrkar laipui-a Ministry of Information & Broadcasting hnuaia  Films Division leh Mi-zoram sawrkar-a I&PR Department buatsaih, Mizoram International Documentary Film Festival (MIDFF) chu nimin khan I&PR Minister, Lalruatkima chuan Aizawl-a I&PR Auditorium-ah a tlangzarh.

Tripura Bru Relief Camp a\anga Bru hruaikir thawh 9-naa Mamit District mi leh sa lo kir, Mamit Bazar Veng-a awm turte awmna tur sak chhunzawm mek a ni.

YMA General Conference vawi 72-na North Vanlaiphai-a neih mekah nimin khan khawmpui Palai ten ro relin thu ngaihtuah tura chhawpchhuah 7 zingah 6 chu pawm niin an thu rel zingah All India Service leh Central Service dangah Zofate kan luh theih nana hmalak relin Zofate in unau lehzual theih nan a huhova Kut hman dan zawn an rel.

Lunglei District-a Bru hruaikir hna thawh 2-na neih tura Official te chuan nimin khan Lunglei chhuahsanin Tripura-a Bru Relief Camp an pan a, heng mite hi nimin zing khan Lunglei DC, K. Lalrinzuali hovin thlahna hun hman a ni.

SCERT Mizoram leh Serchhip DIET \angkawp buatsaihin nimin khan Govt. JM H/S Serchhip-ah zirlai naupangte tan ruihhlo laka inven dan tur chungchang zirhona neih a ni.

Serchhip District Volleyball Association (SDVA) buatsaih 'Serchhip District Volleyball Championship-2019' chu nimin khan khelh \an niin naktuk-ah zawhfel a ni ang.

Parking House Support Scheme (PAHOSS) hmalaknaa ruahmanna siamtu ber, Parking House Committee chu niminpiah khan Chief Minister, Zoramthanga hova \hukhawmin PAHOSS hmalakna kalpui mekte thlirhona leh chak zawka hmalak dan tur an sawiho.

Mizoram Blind Society chuan Mizoram-a a vawikhatna turin nimin khan ‘White Cane Day’ chu SCERT Auditorium, Aizawl-ah an buatsaih a. He hun hi Social Welfare Minister, Dr. K. Beichhua chuan khuallian niin a hmanpui a ni.

Lengpui Airport a\anga Aizawl leh Guwahati inkar thlawhna service thar, GoAir chu nimin zing khan Chief Minister, Zoramthanga chuan Lengpui Airport a\angin a vailiam a. Kumin February ni 10-a Jet Airways in Mizoram leh India hmarchhak state danga service a tihtawp hnu a Mizoram leh Assam inkara thlawhna service neih leh hmasak ber a ni.

Mizoram State PWD chuan Kawnpui-Khamrang-Buichali kawng chungchangah thuchhuah siamin Khuarel chhiatna kan tawh chu mipui in an hriatthiampui an beisei thu an sawi a. Hetihlai hian Mizoram Tipper Association (Driver's and Owner's) te chuan naktuk a\angin rit phur lirthei te chu helai kawng zawh lo turin an ngen thung.

Mizoram-a tlawmngai pawl lian ber Young Mizo Association (YMA) khawmpui lian, YMA General Conference vawi 72-na chu zanin a\ang hian North Vanlaiphai-a 'Chhurbura Run' ah neih \an a ni dawn a, Vawiin hian he khawmpui hmang tur Palai tam ber te chuan North Vanlaiphai hi an pan dawn a ni.

Niminpiah (Pathianni) khan Serchhip P&E Veng Tuikum lui bula T. Lalnunsanga Sangha Dil chu mi pahnih in Bomb hmanga beiin Sangha man an tum a, heng mi pahnih te hi man nghal an ni.

Kumin July 2-a BSUP Leitan-a vanduaina thlenga tuartute hnenah nimin khan Central YMA chuan \anpuina an semchhuak.

PRISM Party chuan Mizoram sawrkarin corruption vengtu tur ti\huanawp zawngin hma a la nia sawiin, Vigilance Department hnuaia Lokayukta dah a ni chu pawi an tih thu an sawi.

Mizoram Truck Owners’ Association (MTOA) leh Mizoram Truck Drivers’ Association (MTDA) chuan Vawiin thlenga Kawnpui leh Sairang inkar kawng chei\hat a nih loh chuan Truck lian te an tlan ngam dawnlo tih an sawi.

Serchhip bialtu MLA, Lalduhoma chuan tunhnaia Mizoram tlawhtu Union Home Minister, Amit Shah-a'n Mizoram NGO te hnenah ILP nei State-te ah chuan ILP chu inhumhim nan hman zel a nih theihna turin, CAB-ah telh turin ruahman a ni dawn tia a sawi chu in bumna thil mai a nih thu a sawi.

Mipui ten Plastic bag an hman lohna tura hmalakna chi khat atan Govt. Higher Secondary School Serchhip-a NSS Volunteer te chuan Inrinni zing khan Serchhip Bazar-ah Paper a\anga siam bag an semchhuak.

Nimin Oct. 13, 2019 kha MJA Serchhip District te ‘Serchhip District Journalist Association’ tia an dinchampha vawi 19-na a ni a, he Ni pual hian MJA Serchhip District chuan Inrinni khan Serchhip District Park-ah hun hmangin Serchhip District Urban Development Officer, Vanthang-puii chuan a hmanpui a, MJA Vest thar chu tlangzargh nghal a ni.

Serchhip-ah Vawk a vang zel a,Inrinni zing khan Serchhip-ah Vawk talh an awm mumalloh avangin Bazar-ah Vawk sa lei tur a awm mumallo.

India hmarchhak-a ram Danpui, Sixth Schedule hnuaia District Council te inhmuhkhawm \um thumna chu kar kaltaa Shillong-ah neih niin FOCUSS inkaihhruaina Dan duan chu pawm a ni.

Mizoram Director General of Police (DGP), SBK. Singh chuan Mizoram-ah kumtin Police mi 300 vel an pension ziah a, heng pension te hnawhkhahna tur hian Police lak thar leh nghal zel anih loh avangin Mizoram-ah Police indaihlohna a nasa hle a ni, a ti.

Sawrkar laipui-a Defence Ministry hnuaia Defence Research & Development Organization (DRDO) chuan Zirtawpni tlai khan PHE Department kutah Biodigester Technology an hlan.

Zoram Thar hruaitu, Rev. Dr. Zaichhawna Hlawndo chuan Zofate hnam anga an din chhuah a, mahni ke a ding a, mahni a ro a inrel theihna tura an hmalakna te UN General Meeting-ah a sawi a, ram hrang hrang palaite chu Zofate inpumkhat theih nana an hmalakna thlawp turin a sawm tih a sawi.

Hmar People's Convention (Democratic) chuan November ni 5-a a vawikhatna atana Sinlung Hills Council inthlan neih turah boruak muan-awm tak leh zalen taka duhthlan theihna chanvo hmang \heuh turin mipuite a ngen.

Mizoram Youth Commission (MYC) Chairman, Dr.Vanlal\anpuia chuan Inrinni tlai khan Aizawl-ah Multipurpose Hall thar, 'HYVE Aizawl City Hall' chu hman theih turin hawng.