Mizoram Science Congress 2020 hawnna Chief Minister hovin neih a ni

/

Mizoram Science Congress 2020 chu nimin khan Chief Minister, Zoramthanga chuan a hawng a, ni 2 awh tur Mizoram Science Congress 2020 hi hri leng avangin Online-a buatsaih a ni.

Chief Minister Office-a Mizoram Science Congress 2020 hawnna hunah hian Chief Minister, Zoramthanga chuan Science Congress chhimtu zawng zawng chu hun hlawkthlak tak an hman a duhsak thu leh, anmahni leh ram tana hlawkpui tham thiamna chu he inkhawmpui atang hian an chharchhuah ngei a beisei thu a sawi a. Science avanga khawvel changkanna in hma a sawn chak zia sawiin, mihring ngaihtuahna atangin Science lama tuimi, thil chik mite avanga tunlaia kawng tinrenga hmasawnna hrang hrang kan hmuhte hi a lo awm ta tih a sawi. Chief Minister chuan tunlai-a kan hrileng, khawvelin kan buaipui em em COVID-19 chungchang sawihona an nei tur chu lawmawm a tih thu sawi bawkin, he hri hi a lo reh a, damdawi siam tur chuan Science lama mithiamte bawk khawvel innghahna a nih thu a sawi bawk.

Ni 2 awh tur Science Congress hawnna inkhawm kaihruaitu Planning (Science & Technology Department)-a Commissioner & Secretary, Dr. Vanlalramsanga chuan Science chu mihring nun nawmna leh nunkhawchhuahna laimu a nih thu a sawi a. MISTIC Chief Scientific Officer Dr. R.K. Lallianthanga chuan Science hmasawnna in khawtlang nun leh ei leh bar, economy hmasawnna a thlen zia sawiin, he Science Congress hi mipui ten an lo hlut zual zel a duh thu a sawi bawk.

Mizoram Science Congress hi Mizoram Science, Technology & Innovation Council (MISTIC) leh Mizoram Science Society (MSS), Science Teachers' Association Mizoram (STAM), Mizo Academy of Science (MAS), Biodiversity & Nature Conservation Network (BIOCONE), Mizoram Mathematics Society (MMS) leh Geology Society of Mizoram (GSM) tawngkawp a buatsaih a ni a. Kum 2016 atang khan kum khat danah buatsaih ziah thin niin, Science zirlai leh zirbing mite, thil siamchhuaktute leh Science lama tui hrim hrim ten an thil zir leh hriatte inhrilhtawn a, Science lama hriatna tipung tura hun hman thin a ni a. Vawiin hian khawvel sik leh sa inthlak danglam chungchang sawihona neih chhunzawm leh a ni ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »