MNF in LADC Election Campaign Kick-off an nei

MNF Party chuan nimin khan Lai Autonomous District Council (LADC) inthlanna neih tur atan Lawngtlai-a Mizo Hnam Run-ah ‘Campaign kick-off’ hun an hmang.

Nimin-a he hun hmanna ah hian Health Minister, Dr. R.Lalthangliana chuan MNF chu Pathian leh kan ram tan titu an ni tih sawiin, “Pathian in Pu Zoramthanga kaihhruai sawrkar, mipui sawrkar min pe a. Kan hun hmasaah Mau a tam a, mak tak maiin Pathian in ruahmanna min siamsak a, a thlawnin kum khat dawn buhfai kan sem a nih kha. Party chu party ni mahse, tun tum LADC inthlan lo awm turah hian ram mipui retheihna chhanchhuak turin theihtawp chhuah ang u,” tiin LADC-ah hian MNF Official Candidate hlangin sawrkarna an siam chuan an thil hmuh ngai loh thil thar tam tak an hmu ngei dawn niin a sawi bawk.

He hunah hian Mizoram sawrkar-a Dy. Chief Whip, Lalrintluanga Sailo MLA pawhin LADC-ah MNF an tling leh ngei dawn nia sawiin, “SEDP kan kalpui turah pawh nghet taka awmte kan pe ang,” tiin he hunah hian a sawi bawk a ni.