Hri leng dona ah sawrkar a hlawhchham - MPCC

Mizoram Pradesh Congress Committee (MPCC) chuan COVID-19 dona ah MNF Sawrkar a hlawhchham niin an sawi.

Nimin a thuchhuah an siamah MPCC Media Department chuan Mizoram sawrkar in COVID-19 a dona kawngah ‘tanrual hun a ni e’ an tih tlat thin avangin thil tul tawpah lo chuan sawrkar an sawisel ngai lo tih sawiin, amaherawh chu, mipuiin sawrkar an thlawp tha hle chungin sawrkar rorel dan fuh tawk lo avangin Mizoram-ah COVID-19 a darh ta zel si nia sawiin, “COVID-19 avanga thla 8 teh meuh kan buai chhung hian Falkawn-a TB test-na tura siam BSL 3 Laboratory hawh chawp pakhat bak MNF sawrkar hian a la siam thei lo,” an ti.

Hei bakah hian mipuiin COVID-19 avanga harsatna tawkte tanpui nan Chief Minister Relief Fund-ah cheng vbc. 20 chuang an thawhkhawm tih sawiin MPCC chuan, chung zinga a tam zawk chu sawrkar bungrua tur, khawl chi hrang hrang lei nan hman a nih thu leh mipuite thawh chhan ni lo, sawrkar thil lei nana hman a nih avangin mipuiin pawisa an thawh tha duh tawh lo niin an tarlang bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn