Lenkawl

Governor-a ngenna sawifiah

Commerce & Industries Minister, Dr. R. Lalthangliana chuan nimin khan Indo-Myanmar Border Trade Centre atana ruahman mek Bungkhawkai chu a tlawh.

Niminpiah khan Mizoram-ah Sample 870 enfiah niin heng atang hian COVID-19 hri kai mi pakhat hmuhchhuah a ni.

Mizoram Youth Commission (MYC) hmalakna a MYC Coaching Centre siam thar chu nimin khan MYC Chairman, Dr. Vanlaltanpuia MLA chuan Siaha DRDA Conference Hall-ah a hawng.

Sports Minister, Robert Romawia Royte chuan FIFA tanpuina hmanga MFA Football Astro Turf Ground, Sairang Dinthar hmuna siam mek chu nimin khan a tlawh.

Mizoram State Animal Welfare Board (SAWB) Governing Body Meeting hmasa ber chu nimin khan AH&Vety Minister, Dr. K. Beichhua hova neih niin hmalakna tur hrang hrang te sawiho a ni.

Mizoram Legislative Assembly Speaker, Lalrinliana Sailo chuan Bangladesh ram nena kan insumdawn tawnna atana ruahman, Integrated Check Post (ICP), Kawrpuichhuah leh Trade Facilitation Centre, Tlabung te chu nimin khan a hmunah a tlawh.

MJA Serchhip District chuan Vawiin chawhnu dar 1:00 hian Serchhip Press Club-ah Annual Conference an nei dawn a, Serchhip District Bawrhsapm, Kumar Abhishek chuan khuallian nia a hmanpui dawn bakah MJA General Hqrs. hruaitu thenkhat te pawhin an rawn hmanpui dawn bawk a ni.

COVID-19 No Tolerance Drive kalpui mek ah nimin khan Serchhip District-a hri leng darh tur venna atana Dan siam bawhchhia mi 11 man leh an ni a, an pawisa chawi tlingkhawm chu Rs. 1100/- niin hmai tuamna hman loh avanga man te an ni. Nimin a Dan bawhchhia man zinga mi 9 te hi Serchhip-a man niin midang 2 hi Chhing-chhip khua-a man an ni thung.

Serchhip-a rawn kal Cooperation Minister, C. Lalrinsanga chuan nimin zing khan Serchhip Bawngchawm tlang-a Kel vulhna hmun tlawhin an mamawh te a enpui.

Nimin khan Serchhip District-ah mi 74 te hnenah COVID-19 vaccine pek leh niin Serchhip District-ah mi 493 te hnenah hri danna hi pek a ni tawh a ni.

Van Dhan Vikas Kendras (VDVK) Serchhip hmalakna hnuaia Serchhip Industrial Co-operative Society-in Chhiahtlang-a Aieng sawngbawlna khawl an bun chu nimin khan Cooperation Minister, C. Lalrinsanga chuan a hawng.

Cooperation Department Minister, C. Lalrinsanga chuan nimin khan Serchhip-a Asst. Registrar, Co-operative Societies (ARCS) Office building sak thar chu a hawng a, he hunah hian Minister chuan Chief Minister rua-hmannaa Food, Vegetable & Livestock Market Chain Management a ngheta kalpui thuai a nih tur thu a sawi.

Ralvawng Khawchhuak Insuihkhawm Committee buatsaih 'Lalnu Ropuiliani Phumna Ralvawng-ah' tih lehkhabu chu nimin khan MJA General Hqrs. President, Zonunsanga Khiangte chuan Aizawl Press Club-ah a tlangzarh.

Assam Rifles te chhuak dawn

MNF Vice President, Lalthlengliana chuan Serchhip bial-a bye-election neih tur chungchang ngaihtuahin thutkhawm an la neihloh thu a sawi a. Chief Minister Zoramthanga kaihhruai sawrkar chu mipuiin an ringtawk nia sawiin, MLA atangin in itsikna avanga ban theihna a awmloh thu a sawi bawk.

Serchhip-a Legal Metrology Enforcement Staff te leh Serchhip District Anti-Tobacco Squad te chuan nimin khan Serchhip khawpui chhunga Dawr thenkhat te enfiahin ramdang atanga Dan lova Sikret lakluh a awm leh awmloh an en a, he hunah hian Wholesale dawr pathum (3) te chu enfiah niin dan lova ramdang atanga Sikret lakluh Carton 79 an man a, heng te hi V-Cigarettes Carton 47, Farstar, Carton 30 leh Paris Carton 2 te niin hetianga Dan lova Sikret zuar an man te hi an chungchang ngaihtuah leh a ni dawn a ni. Nimin a heng dawr enfiahna a kal te hi Legal Metrology Inspector, Johny Zonunmawia chuan a ho a ni.

Niminpiah khan Mizoram-ah COVID-19 hri kai mi pathum hmuh belh leh niin nimin khan hri kai mi 2 te enkawl dam leh an ni.

Niminpiah tlai khan Chief Minister, Zoramthanga chuan SEDP Board pathum - Health and Family Welfare Board, Higher and Technical Education Board leh Commerce and Industries Board te chu thutkhawm a neihpui.

Health Minister leh South Tuipui bialtu MLA, Dr. R. Lalthang-liana chuan nimin khan Hnahthial tlawhin Hnahthial District-a sawrkar Pisa hrang hrang enkawltute a kawm.

Serchhip District-a COVID-19 No Tolerance Drive hman mekah nimin khan hri leng laka himna tura kaihhruaina siam zawmlo mi 15 man leh an ni a, heng mite pawisa chawi tlingkhawm chu Rs. 1500/- a ni. Nimin a Dan zawmlo man te hi vantlang hmun-a hmai tuamna hmang lo te an ni a, Serchhip-ah mi 14 manin Chhingchhip ah mi pakhat man a ni bawk.

Cooperation Department changtu Minister, C. Lalrinsanga chuan Vawiin hian Serchhip a rawn tlawh dawn a, chawhma lamah Bawng-chawm tlang tlawhin tukthuan a ei nghal anga, hemi hnu hian Chhiahtlang-ah VDVK hmalakna a Turmeric Processing Plant hawngin Aieng chi a sem nghal ang. Hemi hnu chhun dar 12:30-ah Serchhip-a ARCS Office building sak thar chu a hawng anga, chawhnu dar 2:00-ah Serchhip DAO Office-a thawk te bakah FOCUS leh ATMA-a thawkte a kawm leh dawn bawk a ni.

Serchhip District chhunga Health & Wellness Officer (HWO), Health Worker leh ASHA te tana National Programme for Prevention and Control of Cancer, Diabetes, Cardiovascular Diseases and Stroke hnuaia hmalakna peng pakhat, Population Based Screening chungchang zirhona ni 2 chhung awh chu nimin khan zawhfel a ni.

Serchhip District-ah nimin thleng khan mi 419 te hnenah COVID-19 Vaccine pek a ni tawh a, Vawiin-ah hri danna pek thawhkhatna hi zawhfel beisei a ni.

Inkhawm thei zat ti danglam

Kumin-a Serchhip District-a Kangmei Venna Hapta, ‘Fire Prevention Week’ hman dan tur chungchang ngaihtuahin nimin khan District Level Fire Prevention Committee chu an thukhawm.    

MZP Hqrs. Champhai chuan Champhai-a Polytechnic, Nursing College leh ITI te chu Department thenkhat-ah tal kum 2021-2022 Session atanga zirna tan an beisei thu an sawi.

Niminpiah-a Mizoram-a Sample enfiah atangin COVID-19 hri kai mi pathum hmuh leh an ni.

Agriculture Infrastructure Fund (AIF) leh Dairy Processing & Infrastructure Development Fund (DIDF) chungchang hmelhriattirna leh inhrilhhriatna Sensitisation Meeting chu nimin khan Agriculture Minister, C Lalrinsanga hovin neih a ni.

India rama Civil mite chawimawina sang, Padma Shree Award dawng tura thlan, B. Sangkhumi chu Mizoram Larsap, P.S. Sreedharan Pillai chuan nimin khan Raj Bhavan-a leng-ah sawmin lawmpuina thuziak a hlan.

Serchhip District Superintendent of Police, R. Sathiyasundaram IPS chu Delhi-a awm tura sawn niin nimin khan Serchhip SP Office-a thawktu ten an thlah.

Nimin khan Serchhip District-a COVID-19 No Tolerance Drive hman mekah Dan bawhchhia mi 11 man leh an ni a, heng mite pawisa chawi tlingkhawm chu Rs. 1100/- niin Face Mask vuahloh vanga man an ni. Nimin-a Dan bawhchhia man te hi Police te man vek niin Serchhip khawpui chhungah mi 10 leh North Vanlaiphai ah mi pakhat man an ni.

Serchhip-a District Election Office buatsaihin nimin zing khan Serchhip-ah Systematic Voters' Education and Electoral Participation (SVEEP) Marathon Race neih a ni.

Serchhip District chhunga sawrkar School te tih hmasawna zirlai naupang nei tam thei tura ‘School Chhawm rawh’ (Adopt a School) tih thupui hmanga hmalakna tur chu nimin khan Serchhip District chhung School 5-a kalpui turin District Bawrhsap, Kumar Abhishek IAS chuan a hawng.

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Niminpiah-a Mizoram-a Sample enfiah atangin COVID-19 hri kai mi 5 hmuh belh leh niin Mizoram-a hri kai hmuhchhuah chu 4356 an tling tawh.

India Republic Day vawi 72-na chu nimin khan Serchhip District chhunga Civil Sub-Division leh RD Block thuthmun ah te pawh urhsun taka hman a ni.

Field laih hna bul tan

NH. 54 laihzauh hna thawk mektu ABCI Infrastructure Private Ltd. Motor, Crane chuan nizan hmasa khan Rawpui khua-ah chenna In pakhat a tichhe vek a, vanneihthlak takin mihring hliam na tuar an awmlo.

India Republic Day vawi 72-na chu nimin khan Mizoram-ah pawh urhsun taka hman niin Mizoram-a he ni lawmna pui ber chu Aizawl Sipai Lammual-ah Governor P.S. Sreedharan Pillai hovin neih a ni.

Urban Development & Poverty Alleviation Department in ‘Mizoram Khawpui Fai Intihsiakna 2020’ a buatsaih result chu nimin khan puan niin Lunglei chu Mizoram khawpui fai berah thlan a ni.

ZPM Leader, Lalduhoma chuan Zoram hmun hrang hrangah ZPM zawm thar an awm zel nia sawiin, “Heng te hian Zoram mipui thinglungah politics-a harh tharna dik a thleng mek tih a entir a ni,” a ti.

Serchhip khawpui chhung Faina kawnga inelna hrang hranga tithate hnenah nimin khan lawmman semna neiin VC Area fai berah Chhiahtlang North VC thlan an ni.

India Republic Day vawi 72-na chu nimin khan India rampum ah urhsun taka hman niin Serchhip-ah pawh DC Office Tual-ah he Ni pual hian hun hman a ni a, Serchhip District Bawrhsap, Kumar Abhishek IAS chuan India Hnam Puanzar pawtparhin Hnam Puanzar chibai buk a chhenglet a ni.

PHE Serchhip WATSAN Division hnuaia WATSAN Committee te tana Training chu nimin khan Serchhip P&E Veng YMA Hall-ah neih leha zawhfel a ni a, he training-ah hian Serchhip Sub-Division huamchhunga WATSAN Committee Member te an tel a ni. Hemi hmalam hian East Lungdar Sub-Division huamchhung ami te tan East Lungdar-ah leh Tlungvel Sub-Division huamchhung ami te tan Tlungvel-ah te neih a ni tawh a ni.

India Republic Day vawi 72-na lo thleng tur Serchhip-a lawm turin inbuatsiahna peihfel a ni tawh.

Hnahlan khua a Sial vulhna hmun tlawh

Niminpiah khan Mizoram-ah Sample 120 enfiah niin hri kai hmuh thar an awmlo. Niminpiah (Pathianni) khan District hrang hranga TrueNat Laboratory-ah Sample 45 enfiah niin Rapid Antigen Test hmangin Sample 75 enfiah a ni bawk a, heng Sample enfiah te atang hian hri kai hmuhchhuah an awm lova, ZMC Laboratory chu khar a nih avangin Sample enfiah a awmlo thung a ni.

National Voters’ Day chu nimin khan Aizawl-ah pawh Joint Chief Electoral Officer buatsaihin hman a ni a, he hun hi Chief Secretary Lalnunmawia Chuaungo chuan a hmanpui a ni.

Peoples' Conference (PC) Party chuan nimin khan an President, Lalhmangaiha Sailo kaihhruaina hnuaiah Office Bearers thutkhawm an nei a, he hunah hian Serchhip bial-a Assembly bye-election awm tur chungchang an thlir nawn a. PC Party-in candidate nei tura an inbuatsaihna leh campaign beihpui thlak tura ruahmanna an neihte PC District Hqrs. tina hruaitute nen hmalak tlân nise an ti bawk.

MNF General Hqrs. OB te leh AMC inthlanna neih tura MNF Party Candidate te chuan nimin khan Aizawl-a Mizo Hnam Run-ah inkawmna neiin AMC Election awm tur chungchang an thlirho.

Congress Legislature Party Leader, Zodintluanga MLA chuan nimin khan Aizawl khawpui bawlhhlawh paihna, Aizawl Solid Waste Management Centre, Tuirial chu tlawhin bawlhhlawh sawngbawl dan a hmunah a enfiah.

Social Welfare Department-a Secretary, HL. Rochungnunga hovin nimin khan Mizoram a pawl hrang hrang (Home/Centre) ten ruihhlo ngaite enkawlna an kalpui dan tur, Accreditation Committee for The Mizoram Drug Treatment Cum Rehabilitation Centres hmanga duan kalpui dan tur an sawiho.

India rampum-a ‘Road Safety Month’ hman mek denchhenin nimin khan Govt. Serchhip College NSS Unit te chuan ‘Sadak Suraksha - Jeevan Raksha’ tih thupui hmangin ‘Road Safety Month’ hawnna an nei a, Serchhip District Addl. SP, PC. Laltanpuia chuan khuallian niin a hmanpui a ni.

COVID-19 No Tolerance Drive hman mek ah nimin khan Serchhip District-ah Dan bawhchhia mi 9 man leh an ni a, heng mite pawisa chawi tlingkhawm chu Rs. 900/- a ni. Nimin a Dan bawhchhia man te hi Police ten an man te vek niin Serchhip-ah mi 7 an man bakah North Vanlaiphai leh Chhingchhip-ah mi pakhat ve ve man an ni.

Nimin leh niminpiah-a Serchhip District-a Sample enfiah te atangin COVID-19 hri kai hmuh belh an awm lova, Serchhip District-ah CO-VID-19 hri kai enkawllai mi pakhat a awm mek ni.

Nimin khan Serchhip District-ah mi 72 te COVID-19 Vaccine pek leh niin heti hian tun thlengin Serchhip District-ah Health Care Workers mi 378 te hri danna pek an ni tawh.

National Voters’ Day vawi 11-na chu nimin khan rampumah hman niin Serchhip-ah pawh he Ni pual hian District Election Officer, Kumar Abhishek IAS hovin hun hman a ni a, E-EPIC hman tur chungchang inhrilhfiahna hun hman a ni bawk.

 Serchhip District chhunga Health Care Workers te hnena COVID-19 Vaccine, Covishield pek hna thawh mek chu Inrinni leh Pathianni te chawlh anih hnuah Vawiin hian Vaccine pekna tura ruahman hmun thum-ah pek chhunzawm a ni leh dawn a, thudawn danin Serchhip District chhunga mi 450 te hri danna pek turah ni 2 chhung khan mi 306 te chu hri danna hi pek hman an ni a, Presbyterian English School leh Midland M/S-ah mi 121 ve ve te hri danna pek ni tawhin Thenzawl CHC-ah mi 64 te hnenah hri danna hipek an ni tawh bawk a ni.

Serchhip-a awm 8th Assam Rifles te chuan ‘National Girl Child Day’ pualin Inrinni khan Serchhip Chanmari Veng huamchhung hmun hrang hrang fangin hmeichhe naupang te hnenah eitur chi hrang hrang leh an khawsak mamawh thil chi hrang hrang an sem a, he hunah hian 8th Assam Rifles Battalion-a Commandant nupui, Ragini Mutum bakah Sipai nupui te leh Assam Rifles mi thahnem tak an tel a, he ruahmanna hi hmei-chhe naupang te tihchakna tur leh tih hmasawnna tur tih a ni.

Zirtawpni kalta tlai dar 4:30 vel khan Chhing-chhip Mualpui-a cheng Famkima (55) s/o Chal-khuma (L) chu an khua ami bawk Danglova chuan a Sa channa ah Sa emaw tiin a kaphlum a, Inrinni khan vuiliam a ni.

Participatory Budgeting Initiative tlangzarh

Kum kalta (2020) chhung khan Legal Metrology Enforcement Staff te chuan Mizoram-ah Dan bawhchhia thahnem tak manin mi 69 chu thubuai siam sak an ni.

Aizawl Municipal Corporation (AMC) in kum 2020-21 atana Property Tax an lak atangin cheng nuai 301 hmuh a ni.

Mizoram-a ni 2 chhungin COVID-19 hri kai mi 2 hmuh an ni a, tunhnaiah Mizoram-a hri kai hmuhchhuah zat hi a tlahniam mek a ni.

Mizoram Police hnuaiah post 12,206 awm mekin heng zinga 3572 te chu hnawhkhah an ni lo.

Commerce & Industries Minister, Dr. R. Lalthangliana chuan Inrinni khan India leh Myanmar ramri-a insumdawntawnna tura ruahman Saisihchhuah Border Haat chu a tlawh.

Kum 5 kalta chhung khan Mizoram Police ten Information Technology (IT) Act hnuaiah thubuai 26 ziaklut tawhin IT Act hnuaia thubuai ziahluh hi a pung chho hret hret niin a lang.

Mizoram-ah January 16, 2021-a COVID-19 Vaccine, Covishield pek tan a nih hnuah COVID-19 vaccine chu sawrkar laipui atanga hmuh that a nih chuan Mizoram-ah kum khat chhungin Vaccine hi pek zawh beisei niin Vaccine la tawh zingah damdawi In panpui ngai an awmlo thung.

North Eastern Council (NEC) Plenary Meeting vawi 68-na neih zawh takah Mizoram chu Hmarchhak State 8 te zingah Utilization Certifiate (UC) thehluh tur pending nei tlem ber anih thu tarlan a ni.

North Eastern Council (NEC) Plenary Meeting vawi 69-na chu ni 2 chhung neih a nih hnuah nimin khan zawhfel a ni a, he Meeting hi NEC Chairman leh Union Home Minister, Amt Shah hova neih niin Mizoram atanga tel Home Minister, Lalchamliana chuan NEC chu sum leh pai-a tuamchak zel nise a duh thu a sawi.

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

District Hospital Siaha building thar hawn a ni

Aizawl Municipal Corporation (AMC) inthlanna chu Feb. 16, 2021 khian neih a ni dawn a, he inthlanna a Vote tla te hi Feb. 18-ah chhiar a ni bawk ang.

Niminpiah-a Mizoram-a Sample enfiah 1325 atangin COVID-19 hri kai mi pathum hmuh leh an ni.

Sports Minister, Robert Romawia Royte chuan World Boxing Council hriatpuina in India hmarchhak bial-a Professional Boxing Championship hmasa ber chu March thla tirah Aizawl-ah huaihawt tum a nih thu a sawi.

Mizoram Co-operative Apex Bank (MCAB) Mobile ATM Van chu nimin zing khan Aizawl Tuikual-a MCAB Head Office atangin Cooperation Minister, C. Lalrinsanga chuan a vailiam.

COVID-19 No Tolerance Drive hman mek ah nimin khan Serchhip District-ah Dan bawhchhia mi 12 man leh an ni a, an pawisa chawi tling-khawm chu Rs. 1200/- a ni. Nimin a Dan bawhchhia man zinga 10 te hi Serchhip-a man niin Thenzawl-ah mi 2 man an ni bawk.

Kum kalta 2020 chhung khan Serchhip-a Tobacco Cessation Clinic (TCC) pantu atanga za zela 24.05 te chuan Vaihlo leh a kaihhnawih an tih thin te an sim.

Presbyterian Kohhran hnuaia Kristian Thalai Pawl (KTP) te chuan naktuk Pathianni hmang hian Pastor Bial Inkhawmpui chu Bial hrang hrangah an nei dawn a, kumin hian hripui leng avangin Bial tam zawkah chuan Vawiin hian rorelna neiin hun an hmang ang. Serchhip Pastor Bial KTP inkhawmpui chu Hriangtlang Kohhran Biak In-ah neiin Serchhip Vengchung Bial in Chhim Veng Kohhran-ah leh New Serchhip Bial in Bukpui Kohhran-ah te Bial Inkhawmpui hi an nei dawn a ni.

COVID-19 hri leng avanga State pawn atanga hnathawktu rawn haw te tana Mizoram Youth Commission (MYC) leh Commerce & Industries Department buatsaiha EDP Training Serchhip District-a neih chu nimin khan zawhfel a ni.

Adviser to Chief Minister leh Sr. Advocate, C. Lalramzauva chuan nimin khan Serchhip Press Club-ah thuthar thehdarhtute kawmin Serchhip bial-a Assembly Bye-election lo awm turah din a tum loh thu leh a beisei loh thu sawiin, an Party hruaitu ten tu pawh dintir se thlantlin a nih theih nan tanlak a tum thu a sawi.

Supply Minister, K. Lalrinliana chuan Retailer ten buhfai thalo an dawng palh a nih chuan Kudam-ah a tha a thleng theih a ni tih a sawi.

Nimin khan Serchhip District chhunga Health Care Workers te hnenah COVID-19 Vaccine, Covisheild chu pek tan a ni a, Serchhip District-ah hian Serchhip District Hospital-a Medical Officer leh TrueNat Laboratory Incharge, Dr. K. Lallawmzuala chu Vaccine pek hmasak ber niin nimin, a ni khatna ah khan mi 131 te hnenah Vaccine hi pek a ni.

Dy. CM in lungphum phum

Information & Public Relations Minister, Lalruatkima chuan nimin khan a bial chhung, Aizawl Dinthar-ah Mizoram Cooperative Apex Bank (MCAB) Branch thar leh ATM a hawng.

Niminpiah-a Mizoram-a Sample enfiah 2140 atangin COVID-19 hri kai mi 12 hmuhchhuah belh leh an ni a, heti hian nimin thleng khan Mizoram-ah COVID-19 hri kai 4346 hmuhchhuah an ni tawh.

ZOHANDCO buatsaih ni 3 chhung awh tur ‘National Handloom Expo-2020’ chu nimin khan Commerce & Industry Minister, Dr. R. Lalthangliana chuan Millenium Centre Rooftop-ah a hawng.

School Education Minister, Lalchhandama Ralte chuan Mizoram sawrkarin zirna a dah pawimawh hmasa tih sawiin, “Zirtirtu indaihloh zualna School-te harsatna phuhruk nan zirtirtu 150 chuang lak a ni dawn a, heng te hi Managing Committee-in khawtual mi an lo rawihna tur a ni,” a ti.

COVID-19 hri leng avanga hun engemaw chen Mizoram-a zirna In te khar a nih hnuah Vawiin January ni 22, 2021 atang hian zirna In thenkhat te chu hawn tan a nih dawn tak avangin Vawiin khan Health Minister, Dr. R. Lalthangliana hovin sawrkar mi pawimawh te an thukhawm.

COVID-19 No Tolerance Drive hman zui mekah nimin khan hri leng laka himna tura inkaihhruaina Dan zawmlo mi 17 zet Serchhip District chhungah man an ni leh a, heng mite sum chawi tlingkhawm chu Rs. 1700/- niin an vai hian Police Duty te man vek an ni. Nimin a Dan bawhchhia man zinga mi 10 te hi Serchhip a man niin Thenzawl-ah mi 4 man an ni a, North Vanlaiphai-ah mi 2 manin Chhingchhip-ah mi pakhat man a ni bawk a, an vai hian hmai tuam loh vanga man nia thudawn a ni.

Serchhip District-ah ni 18 chhung zet COVID-19 hri kai hmuhchhuah an awmloh hnuah nimin-piah khan hri kai pakhat hmuhchhuah leh a ni.

Mizoram Upa Pawl (MUP) Serchhip District Hqrs. chuan an huamchhunga Branch leh Area hrang hrangte chu a remchan anga inthlang turin phalna an pe.

Mizoram Police dinchampha vawi 50-na chu nimin khan hmun hrang hrangah lawm niin Serchhip Police te pawhin infuihtharna hun an hman bakah Green Mizoram Day pual-a an thingtiak phun te enkawl zui hna an thawk bawk.

Hri lakah kan fimkhur zui zel a tul

Tuizem sem tur vailiam

Niminpiah khan Mizoram-ah Sample 1119 enfiah leh niin heng atang hian COVID-19 hri kai mi 5 hmuhchhuah leh an ni.

Chief Minister Zoramthanga chuan Mamit District-a National Highway-44 'A' kawng zauh leh siamthat hna thawh mek chu nimin khan a hmunah kalin a enfiah.

Health & Family Welfare Minister Dr. R. Lalthangliana chuan nimin khan Lengpui Airport tlawhin Thlawhtheihna hmanga Mizorama lo lutte COVID-19 hri an kai leh kai loh enfiahna, Screening Point hman lai mek tihchangtlun dan tur a en.

Nimin khan Mizoram District hrang hrangah Electoral Roll thar tarchhuah niin Electoral Roll thar ber atanga a lan danin Mizoram pumah General Voters 8,16,138 leh Service Voters 4834; a vaiin Voters 8,20,972 a awm mek a ni.

Serchhip-a Mercy Hospital chuan Serchhip-IV Disaster Management Committee te hnenah a tul apianga hman turin Plastic Basket Stretcher chu nizan hmasa khan an hlan a, Stretcher hlanna puala inkhawm hi Serchhip-IV VC Hall-ah neih niin Mercy Hospital aiawhin Michael Lalrem-sanga chuan Serchhip-IV VCP leh Diasater Management Committee Chairman, V. Tlangthuama hnena a hlan a ni. He Stretcher hi Rs. 16,500/- man niin hmanraw hrang hrang a kengtel a ni.

COVID-19 No Tolerance Drive hman mek ah nimin khan hri leng laka himna tura kaihhruaina siam bawhchhia mi 10 te chu Serchhip District-ah man leh an ni a, heng mite pawisa chawi tlingkhawm chu Rs. 1000/- a ni. Nimin a Dan bawhchhia man te hi Police ten an man te vek niin Serchhip-ah mi 8 man an nih bakah North Vanlaiphai leh Chhingchhip-ah mi pakhat ve ve man an ni bawk.

Nimin chawhnu khan District Level Task Force on COVID-19 Vaccination chu thukhawm in Vawiin atanga Serchhip District-a COVID-19 Vaccine pek tur chungchang hi an sawiho.

COVID-19 hri leng avanga phai leh hmun dang atanga hnathawhna rawn kalsana Mizo-ram-a rawn let te tana Entrepreneurship chungchang zirtirna chu nimin khan Serchhip-a I&PR Conference Hall-ah neih tan a ni.

Kumin January ni 1-a kum 18 tling chin te laa Electoral Roll siamthat hna chu zawhfel niin nimin khan Final Electoral Roll chu tarchhuah a ni a, Serchhip District pumah Vote nei thei 52,137 awmin heng zinga 401 te chu Service Voters an ni.

Serchhip District chhunga COVID-19 Vaccine dawng hmasa ber turte hnenah Vawiin, January 21, 2021 chawhma dar 10:00 hian hri danna pek tan a ni dawn a, ni 2 chhung hri danna hi pek phawt tura ruahman niin hemi chhung hian Health Care Workers mi 450 te hnenah hri danna hi pekchhuah a ni dawn a ni.

Niminpiah khan Mizoram-ah COVID-19 hri kai 6 hmuh belh leh an ni a, an zinga mi 5 te hi tunhnaia State pawn atanga rawn lut an ni.

 Futsal Ground thar hawng