Posts

Showing posts from July, 2022

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip-a Treasury in chawlhkar khat chhung sum pechhuak tawh lovin hlawh pek hun tur an la hre lo

Image
Serchhip-a District Treasury Office chuan chawlhkar khat chhung sum an pekchhuah tawh loh thu sawiin, sawrkar hnathawk te hlawh an pekchhuah theih hun tur an la hriat loh thu an sawi a, hotu sang atanga thuchhuah awm ang ang bawhzui nghal thei turin inring renga an awm thu an sawi.

Thenzawl-ah Kawlphetha Kutpui hman a ni

Image
Serchhip District chhunga ‘Ujjwal Bharat - Ujjwal Bhavishya Power@2047’ chungchang inhrilhhriatna neih mek chu nimin khan Thenzawl Bazar Veng-a Joint YMA Hall-ah neih chhunzawm leh a ni a, he hun hi District Bawrhsap Nazuk Kumar IAS chuan a hmanpui a ni.

Sports Complex-ah Football khel zel

Image
Serchhip Sports Complex-a Independence Day/Screening Football Tournament 2022 khelh chu tluang taka chhunzawm zel niin thla thar August 15 thleng khian khelh tur a ni ang.

EE kalchhuak tur an thlah

Image
PHE Serchhip WATSAN Division-a Sr. Executive Engineer Er. F. Lalsanglura chu Aizawl ah sawn a nih tak avangin MJA Serchhip District te chuan nimin khan thlahna hun an hmang.

World Hepatitis Day hmang

Image
Niminpiah July 28 kha ‘World Hepatitis Day’ niin he ni pual hian nimin khan Serchhip District Hospital OPD-ah hun hman a ni a, he hunah hian Health Department-a thawktute telin naupai inentir te Hepatitis B leh C an kai leh kai loh enfiah vekna tura hmalak dan tur hrang hrang te sawiho a ni.

Vawk thi awm belh lo

Nimin khan Serchhip District-a African Swine Fever (ASF) hri lenna khaw hrang hrang ah Vawk thi leh suat a awm belh lova, heti hian nimin thleng khan Serchhip District-a ASF vanga Vawk thi chu 222 niin Vawk 266 suat a ni tawh bawk a, khaw 8 te chu Vawk hri lenna hmun ah puan a ni tawh bawk a ni.

Mi In-a lut Police ten man

Tunkar Nilaini khan Serchhip Vengchung-a chenna In pakhat ah In neitu awmloh hlanin mi tu tih hriatloh chu lutin pawisafai Rs. 20,500/- a ru a, hemi chungchang hi Serchhip Police te hriattir an nih hnuah pawisa latu nia hriat hmeichhe pakhat, kum tling lo chu man a ni a, a hnen atang hian Rs. 18,540/- hmuhlet a ni. He Hmeichhia hian an chahbi dahna hriain In neitute awm loh lai hian a lut ru nia hriat a ni.

COVID-19 enkawllai 67 awm

Nimin tlai thleng khan Serchhip District-ah COVID-19 hri kai enkawllai mi 67 an la awm.

Pension rawih nawn duh lo

Tunhnaia Mizoram sawrkarin Cooperation Department-a Addl. Registrar Cooperative Societies pension tawh rawih nawn leh a tum chu Mizo Zirlai Pawl (MZP) chuan duh lovin Pension tawh rawih nawn tumna order hi cancel turin Mizoram sawrkar an ngen a, karleh Thawhtanni khian he Order hi hal an tum thu an sawi bawk.

ZR. Thiamsanga’n hmanpui

Catholic Relief Services (CRS) leh Zoram Entu Pawl (ZEP) te tangkawp buatsaih Cham-phai District chhunga hriselna kawnga thawktu hrang hrangte tana training chu Champhai Circuit House Conference Hall-ah nimin khan neih niin Health & Family Welfare Board Vice Chairman Dr. ZR. Thiamsanga MLA chuan khuallian leh Resource Person niin a telpui a, hriselna lam hawi inzirtirna tha tak CRS leh ZEP-in an buatsaih chu Champhai mai nilo Mizoram pum tana pawimawh tak a nih thu a sawi a ni.

ECI in ruahmanna thar puang

Election Commission of India chuan August 1, 2022 atang khian Special Summary Revision of Electoral Roll a tan dawn a. Hemi chungchang ah hian inkaihhuaina thar tichhuakin kum tling thar ten January ni 1 an nghah kher ngai tawh lovin kum khatah vawi li - 1st April, 1st July, 1st October leh 1st January-ah te Electoral Roll-a in thun theihna hun a ruahman tawh dawn a. Kum 17 tling thar te chuan Voter list-ah in thun turin a lo dil lawk theih tawh dawn a. August 1, 2022 atang hian Voter list-a inthun lut turin Form awlsam zawk a ruahman bawk a ni

PMAY (U) Sensitization nei

Urban Development & Poverty Alleviation Department chuan Pradhan Mantri Awas Yojana (Urban) - Housing For All Mission hnuaia Beneficiary Led Construction (BLC) Vertical a Aizawl 2nd Detailed Project Report (DPR) atanga In sak tanpuina dawng tur mi 1308 te tan nimin khan Aizawl khawpui chhung hmun thum-ah Sensitization Programme an buatsaih a, Aizawl 2nd DPR chhungah hian Beneficiary 4867 an awm a, Beneficiary 2698 te hi Sensitization Prog-ramme neihpui tawh niin midang pawh neih pui zel tura ruahman a ni. Sensitization Programme ah hian Mission kalphung, pawisa pekchhuah dan, In sak dan tur leh Insak thlalak dan te hrilh an ni a. Grant-In-Aid Letter, intiamkamna lehkha (Undertaking) pekchhuah an ni bawk.

H&TE Minister in building sak thar a hawng

Higher & Technical Education Minister Dr R. Lalthangliana chuan nimin khan Rashtriya Uchchatar Shiksha Abhiyan thawh hnihna (RUSA 2.0) hnuaia cheng nuai 160 senga sak Govt. J. Thankima College Central Campus, Bawngkawn-a Academic Building thar chu a hawng a, he building hi March ni 9, 2019 a sak tan niin March ni 16, 2021 khan sak zawh a ni, Mizoram Technocrats Company (P) Ltd ten he building an sa a, chhawng hnih niin Ground Floor-ah hian classroom 4 (zirlai 48 lenna classroom 2 leh zirlai 32 lenna classroom 2) awmin First Floor-ah hian Classroom 4 (zirlai 32 lenna) a awm bawk a ni.

Mizoram-ah COVID-19 enkawllai an la pung zel

Niminpiah khan Mizoram-ah COVID-19 hri kai mi 159 hmuh leh niin nimin khan hri kai mi 127 te enkawl dam an ni thung.

ZPM in CSS sum pek ngun taka enzui an tum

ZPM Leader Lalduhoma chuan CSS sum Department-a pek chungchang chu ngun takin an enzui dawn tih a sawi.

Thla 3/4 ei chu stock sa kan nei - Supply Minister

Supply Minister K. Lalrinliana chuan intodelh rih lo mah ila ration-ah harsatna a awm lo tih sawiin, “Engemaw thut lo thleng mahse, thla 3/4 ei chu stock sa kan nei,” a ti.

Khawvel hriata Mizo tawng pholan theih nan hma la

Khawvel hriata Mizo tawng pholan a nih theih nan sawrkarin hma a la zel tih School Education Minister Lalchhandama Ralte chuan a sawi.

Mizo sipaite India ram tana an hnathawh leh inpekna ziahna lehkhabu tlangzarh

Mizo sipaite India Independence hma leh hnua ram tana an hnathawh leh inpekna chungchang, Thlalak leh thuziah telna lehkhabu Coffee Table Book 'Lest We Forget' tih chu nimin khan Home Minister Lalchamliana chuan Assembly Annexe-ah a tlangzarh.

Ujjwal Bharat - Ujjwal Bhavishya Power @2047 pualin Serchhip-ah ‘Kawlphetha Kut’ hman a ni

Image
India ramin zalenna a hmuh champha kum za na, kum 2047-ah India ramin Power intodelh (independent) neih hman tuma hmalakna ‘Ujjwal Bharat - Ujjwal Bhavishya Power@2047’ chungchang inhrilhhriatna hun ‘Kawlphetha Kutpui’ chu nimin khan Serchhip P&E Veng YMA Hall-ah District Bawrhsap Nazuk Kumar IAS hovin hman a ni.

Football Tournament khelh mek a ni

Image
Serchhip District Football Association (SDFA) buatsaih Independence Day/Screening Football Tournament 2022 chu khelh mek zel a ni.

Govt. Serchhip College-ah zirlai thar lawmna neih a ni

Image
Govt. Serchhip College chuan kumin a an College-a zirlai lut thar te lawmna hun nimin khan hmangin he hun hi Bawrhsap Nazuk Kumar IAS chuan a hmanpui a ni.

Mualcheng-ah Vawk 4 thi leh

Nimin khan Serchhip District chhunga North Mualcheng khua ah ASF vangin Vawk thi 4 a awm belh leh a, heng te nen hian North Mual-cheng-ah hian ASF vangin Vawk 52 zet a thi tawh a ni. ASF hri lenna a puan tawh Khawlailung khua ah nimin khan Vawk 2 suat niin an khua ah hian Vawk 62 suat a ni tawh bawk a, Lung-chhuan khua ah nimin khan Vawk pakhat suat leh ni bawkin an khua ah hian Vawk 4 suat a ni ve ta bawk a ni.

Serchhip District-ah COVID-19 hri kai pung leh mek

Nimin khan Serchhip District-ah COVID-19 hri kai mi 13 hmuhchhuah leh niin hri kai te zingah mi 8 te chu anmahni enkawlna hmun atanga chhuahtir an ni thung.

Tuichang bial fang mek

Tuichang bial tlawha zin mek ZPM Leader Lalduhoma chuan nimin khan Tualte leh Hmuncheng-a Vantlang Inkhawm ah thu a sawi a, tunlai kan ram dinhmun thlirin kan ramin bung thar kan kai dawn niin an hriat thu sawiin, kan ram a rorel tawh party pahnih te kan thlirin mipui hian kalphung thar kan mamawh tawh a ni tih chu mipui ngaihdan leh thlir dan niin a sawi a. “Mi taima leh remhria te kum 5 chhunga chawikan hi kan party thil tum pawimawh tak a ni,” tiin Party sawrkar ni lo, mipui sawrkar an din dawn thu leh taima leh tharchhuak hnem apiangin budget an sawk hnem dawn niin a sawi.

Awmze nei lo ah ah ngai

PC Party Senior Vice President Vanlalruata chuan nimin khan Aizawl-a an party Office-ah Fostering Climate Resillent Upland Farming System (FOCUS) hmangin tunhnaiah khawchhak tlangdung ah mi engemaw zat Grape chingtute tanpuina pek an nih thu leh mi dang pawh pek leh tum mek a ni tih sawiin, “Dan hmanga Wine siam leh zawrh khap a nih lai leh a zuartute pawh man an nih laia Wine siamna tur Grape an chin thar tir leh lawi si hian sawrkar awmze nei lo a nihzia a tarlang a ni,” tiin Grape leh Wine chungchanga sawrkar chet dan hrang hrangin sawrkar awmze neih lohzia a pholang niin a sawi.

Bank te hmalak dan thlirho

Nimin khan Lawngtlai-ah District Consultative Committee, District Level Review Committee leh District Level Security Committee chu an Chairman leh Lawngtlai Bawrhsap Amol Srivastava hova thukhawmin an District-a Bank hrang hrangte hmalak dan an thlirho.

Nu leh naupang thihna thlirlet

Nimin khan Kolasib-ah District Level Maternal & Child Health Review Meeting neih a ni a, he huna tarlan a nih danin kum 2020-21 khan an District-ah naupang kum 5 hnuailam thi 27 leh kum 2021-22 ah 31 an awm a. Kum 2021-22 chhunga naupang thi zing a 10 chu kar khat tling lo niin thla 1 leh kum 1 inkar thi 12 an awm a. District Hospital-a thi hi 19 awmin In lam a thi pakhat a awm bawk a ni. Naupang thihchhan tarlan zing a tam ber chu Pneumonia leh Birth Asphyxia/Respiratory Failure vang a ni a, hun kaihruaitu District Bawrhsap John LT. Sanga chuan heng te hi zirchiana a tul anga hma la thuai turin Member-te a chah a ni.

Bill la pechhuak thei lo

Mizoram-a Treasury lian pahnih, Aizawl South leh Aizawl North Treasury te chuan bill dawng reng mah se, eng Bill mah an pechhuak lo chhunzawm zel a, sum harsatna thleng mek hian sawrkar hnathawk hlawh a nghawng dawn leh dawn loh a la hriat loh. Thudawn danin, Aizawl North leh Aizawl South Treasury atangin eng bill mah nimin khan pekchhuah a la awm lo a, Pay Bill pass leh pass loh chungchang pawh Treasury thawktute chuan engmah hriat an la nei lo. Pass theih a nih ve leh a pass tur erawhin an inbuatsaih nia thudawn a ni. Treasury atanga bill pekchhuah a awm loh avangin nimin lamah Treasury Office ten dawrtu an nei tlem hle a ni. Mizoram sawrkar in sum harsatna a tawh chhan hi sawrkar laipui thupek anga CSS sum pekchhuah vang a ni ber a, tun dinhmun ah Treasury ten bill dawng reng mah se, sum pekchhuah lam chi reng reng erawh ti thei loin an awm mek a ni.

COVID-19 hri kai thar la tlahniam thei tak tak lo

Mizoram-ah ni khat-a COVID-19 hri kai hmuhchhuah zat an la tlahniam thei meuh lova, niminpiah khan hri kai mi 145 hmuh belh leh an ni.

MP (LS) in BRO hotu a hmu

Mizoram Lok Sabha MP C. Lalrosanga chu nimin khan New Delhi-a Border Roads Orga-nisation (BRO) hmunpuiah lengin BRO Director General, Lt. General Rajeev Choudhary chu Mizoram a ramri hnaih kawng sial leh siam that hna chungchang a sawipui.

Chhiatna thleng thei lakah fimkhur a tul thu sawi

Disaster Management & Rehabilitiation Department changtu Minister Lalchamliana chuan khuarel chhiatrupna hrang hrang leh mihring thlen chawp harsatna te chu engtik lai pawha thleng thei a nih avangin kan fimkhur a tul thu a sawi.

Ni 2 chhunga kawng chhia siamthat hna thawh phut

Khawthlangtuipui Group YMA thukhawm chuan Lunglei leh Tlabung inkar kawngpui, NH. 302 siamtha turin ni hnih (2) chhung hun an bituk a, kawng  chhiat vanga nunna chan mi 2 te pawh zangnadawmna pe ngei turin an phut.

Kan sum harsat chhan - a hnar atangin kan hmu tha lo - Taxation Minister

Taxation Department changtu Minister Lalchamliana chuan kan sum harsat chhan chu a hnar atanga kan hmuh that loh vang niin a sawi.

MBSE Online Portal thar Minister in a hawng

Mizoram Board of School Education (MBSE) Online Portal chu nimin khan School Education Minister Lalchhandama Ralte chuan Aizawl-a MBSE Conference Hall-ah a hawng.

Bawrhsap hovin National Viral Hepatitis Control Programme leh BMWM Committee thutkhawm neih a ni

Image
Nimin khan Serchhip District Bawrhsap Nazuk Kumar IAS hovin ‘National Viral Hepatitis Control Programme’ chungchangah District Level Meeting neih niin ‘District Level Bio-Medical Waste Management Committee’ thutkhawm neih a ni bawk a, Serchhip Sailiamkawn-a Incinerator bun tawh chu hman a nih theih nana hmalak tum a ni.

Volleyball inelna ah Khawbel Branch te an tla ve leh ta

Inter-Branch YMA Volleyball Tournament khelh mekah Serchhip Sub-Hqrs. YMA atanga tel te chu an tla kim ta.

Hri kai mi 8 hmuh belh leh

Nimin khan Serchhip District-ah COVID-19 hri kai mi 8 hmuhchhuah niin mi 6 enkawl dam an ni thung.

Independence Day Football khel zel

Image
SDFA hnuaia 1st Division te chuan nimin khan Independence Day Football Tournament khel tanin naktuk-ah an match hnihna an khel leh bawk ang.

Independence Day hman dan tur ruahman a ni

Image
Thla thar August 15-a India Independence Day lo thleng tur chu Serchhip-ah ropui taka lawm tum niin kumin hian Serchhip Sports Complex-ah Independence Day hi hman tura ruahman a ni.

Japanese Encephalitis natna inhrilhhriatna neih a ni

Image
Tunhnaiah Japanese Encephalitis (JE) vei nia rinhlelh Thenzawl mi hmuhchhuah a nih avangin he natna chungchang inhrilhhriatna chu nizan hmasa khan Thenzawl Joint VC bultumin Thenzawl-a Vantawng Group YMA Run-ah neih a ni.

Power-a harsatna enfiah

Tawngtai Bethel Camping Centre, Sakawr-tuichhun-in electric a harsatna an tawh mek chungchangah Central YMA te ngenna angin Thawhlehni khan Power & Electricity Minister R.Lalzirliana chuan helai hmun hi a tlawh a, Electric bill pek theih loh a awm tawh lohna turin connection leh load hrang hrang awmdan P&E Department-a thawktu ten enchiang tura ruahman a ni tih sawiin, Electri Bill ba rulhna turin Minister Dr. Beichhua nena an thawh Rs. 5,00,000/- chu a hlan nghal bawk.

F&ES ten thisen Unit 30 pe

Fire & Emergency Services te chuan an Department din champha kum 50-na pualin nimin khan Aizawl Civil Hospital Blood Bank-ah thisen Unit 30 an pe a, heng zinga 29 hi mipa niin hmeichhia pakhat a tel bawk a ni. Fire & Emergency Services ah hian tun dinhmunah thawktu (operational & Office staff) hi mi 183 an awm mek a, state pumah Fire Station 14 an nei mek a ni. Fire & Emergency Services hi kum 1972 a din niin kumin hi an kum 50-na a ni a, September 1, 2022 hian a lawmna programme nei turin an inbuatsaih mek a ni.

MADC thutkhawm chhunzawm

Mara Autonomous District Council (MADC) Fur thutkhawm ni hnihna chu nimin khan Chairman N. Viakhu kaihhruaiin chhunzawm a ni a, chawhma lamah zawhna leh chhanna hun hmangin zawhna 7 chhan a ni a, chawhnu lamah CAG Report sawihona hun hman a ni bawk.

Sports Minister in hmanpui

Govt. J. Thankima College in an zirlai thar te lawmna leh Music Video tlangzarhna hun nimin a Aizawl Vanapa Hall-a an buatsaih chu Sports Minister Robert Romawia Royte chuan a hmanpui a, zirna (Education) hi retheite tana dinchhuahna kawng, tuma dan theih loh a ni tih sawiin, Mizo zinga mi hlawhtling te hi harsatna paltlangtute an nih thu leh retheihna in a hneh loh an nih thu a sawi bawk. Kum 1992 a din Govt J. Thankima College hian NAAC assessment tum thumna nei turin an inbuatsaih mek a, kuminah hian zirlai 1,050 an awm a, Principal leh zirtirtu 40 leh thawktu dang 12 an awm mek a ni. Nimin a he hun hmanna ah hian an zirlai University Examination-a tithate chawimawina hlan an ni bawk.

I-Day hmanpuitu tur ruat

Mizoram sawrkar chuan kumin-a India Independence Day lawmna District khawpui hrang hranga neih tur hmanpuitu tur a ruat a, Aizawl-ah Chief Minister Zoramthanga; Khaw-zawl-ah Deputy Chief Minister Tawnluia; Lunglei-ah Speaker Lalrinliana Sailo; Hnahthial ah Health Minister Dr. R. Lalthangliana; Sai-tual-ah Home Minister Lalchamliana; Kolasib ah P&E Minister R. Lalzirliana; Lawngtlai-ah Agriculture Minister C. Lalrinsanga; Champhai ah Education Minister Lalchhandama Ralte; Serchhip-ah RD Minister Lalruatkima; Siaha-ah Vety Minister Dr. K. Beichhua leh Mamit-ah Law & Judicial Minister TJ. Lalnuntluanga ten an hmanpui dawn a. Silchar-ah Supply Minister K. Lalrinliana chuan a hmanpui dawn bakah SDO (Civil) te chuan an Sub-Division Hqrs. ah theuh Hnam Puanzar an pawtparh bawk ang.

Mizoram-ah COVID-19 kai an la pun belh zel

Niminpiah khan Mizoram-ah COVID-19 hri kai mi 169 hmuh belh leh an ni a, Mizoram-ah COVID-19 hri kai hmuhchhuah an la pung zel.

Vaimim thar tihralna tur chungchang sawiho

Agriculture Minister C. Lalrinsanga leh District hrang hranga District Agriculture Officer (DAO) leh Block Agricultural Officer-te chuan nimin khan Video Conferencing hmanga inkawmna an nei.

Pala Dil leh a chhehvel Ramsar Site-ah puang

Siaha District chunga Pala Dil leh a chhehvel (Pala Wetland) chu Ramsar Site-ah puan a ni tih Mizoram sawrkar-a Environment, Forests & Climate Change Department chuan thuchhuah siamin a tarlang.

MLA atanga bang turin ka inpeih reng - BD. Chakma

Tuichawng bialtu MLA, Dr. BD. Chakma chuan kum 2013-14 chhoa CADC CEM a nih laia CADC Sawrkar sum hmang dik lo a puh an nihnaa Court-in thiamloh a chantir chungchangah a tul a nih chuan MLA atanga ban a inpeih reng tih a sawi.

Cheng nuai 400 chuang sengin Mizoram tan Mobile Veterinary Unit (MVU) 26 lei fel a ni tawh

Mizoram sawrkar-a Animal Husbandry and Veterinary (AH&Vety) Department chuan cheng nuai 400 chuang sengin Mobile Veterinary Unit 26 a lei fel tawh a, senso zawng zawng sawrkar laipui tum vek niin, a enkawl hna thawktu turte pawh lakfel thuai tum a ni.

Serchhip District Sports Committee hnuaia Association ten DSC ruangam thar tur an duh lo

Image
Serchhip District Sports Committee (SDSC) hnuaia Sports Association hrang hrangte chuan Mizoram sawrkar in District Sports Committee ruangam a siam thar chu an duh lo tih sawiin, hemi chungchanga DC lamin thutkhawm an koh pawhin tel rihloh nise an ti.

Thenzawl chawmna atana Vanva lui tui lakna enchhinna hlawhtling taka neih a ni

Image
Thenzawl khaw chawmna tura Vanva lui tui pump-na tur enchhinna, Official Commission-na hun chu nimin khan PHE Department-a Engineer-in-Chief C. Lalremsiama hovin neih a ni a, Thenzawl khuaa Private Water Connection pekchhuah theih tawh rih loh pawh pekchhuah leh theih a nih tak thu he hunah hian puan a ni.

YMA Volleyball-ah Q/F lut ta

D3 Amrit Cement 22nd Inter-Branch YMA Volleyball Tournament khelh mekah nimin khan Serchhip Sub-Hqrs. YMA atanga tel Khawbel Branch chuan Thenzawl Vengthlang Branch chu 3-1 (25-16, 16-25, 28-26, 25-17) a hnehin Quarter Final an lut a, Vawiin hian Quarter Final-ah Chhinga Veng Branch an hmachhawn leh nghal dawn a ni. Nimin a inkhel dangah Thenzawl Bazar chu Zawlnuam Venngpui Branch lakah 3-0 a tlawmin an tla a, Bungtlang Chhim Veng Branch pawh Maubawk lakah 3-0 a tlawmin an tla ve bawk. Hmeichhe lamah Thenzawl Field  Veng Branch in Chanmari West chu 3-0 (25-13,25-16, 25-16) a hnehin Quarter Final an lut bawk.

I-Day Football khelh chhunzawm a ni

Image
Independence Day Football Tournament, Division Screening ni bawk chu nimin khan khelh chhunzawm niin Vawiin hian 1st Division ten an match hmasa ber an khel ang.

Vaccine dose 3-na lak theih

Ramchhung hmun dang rualin Mizoram-ah ram zalenna kum 75-na lawmna denchhenin COVID-19 vaccine a thlawna pek kalpui mek a ni a, Vawiin hian Serchhip Main Centre, CMO Office hnuaiah Vaccine Dose 3-na la duhte tan a thlawna lak theih a ni ang.

ASF vangin Vawk 2 thi leh

Nimin khan Serchhip District-ah ASF vanga Vawk thi pahnih awmin Vawk 13 suat leh a ni bawk. Nimin a Serchhip District chhunga African Swine Fever (ASF) avanga Vawk thi te hi East Lungdar khuaa mi te ve ve an ni a, East Lungdar-ah bawk hian nimin khan Vawk pakhat chu suat leh a nih bakah Khawlailung-ah Vawk 12 suat a ni bawk. Heti hian nimin thleng khan Serchhip District-a ASF vanga Vawk thi chu 215 a tling ta a, ASF hri lenna hmuna Vawk suat pawh 235 a tling  tawh bawk a ni.

Baktawng VC by-election atan Draft Roll tarchhuak

Image
Baktawng Village Council-a Reserved Seat a ruah avanga bye-election neih tur inbuatsaihna atan nimin khan he inthlanna a hman tur Draft Electoral Roll chu tarchhuah a ni.

COVID-19 kai 8 hmuh belh

Nimin khan Serchhip District-ah COVID-19 hri kai mi 8 hmuhchhuah niin hri kai enkawl dam mi 6 an awm thung.

MADC thutkhawm nei tan

Mara Autonomous District Council (MA-DC)-a sawrkar thar a din hnua thutkhawm hmasa ber ni 3 awh tur chu nimin khan Siaha-a MADC Session Hall-ah neih tan a ni a, chawhma lamah zawhna leh chhanna hun hman niin chawhnu lamah Bill pakhat chu House-ah pharh a nih bakah CAG Report pawh pharh a ni bawk.

PC in sawrkar an ngen

PC Party Sr. Vice President Vanlalruata chuan Mizoram in sum harsatna kan tawh mèk siamthat bultan nan tangkaina nei miah lo, sawrkar Department-te pawhina an nin em em SEDP Board zawng zawng thiat vek turin a ngen tih nimin khan Aizawl-a an Party Office-ah a sawi a, Minister, MLA leh Officer lian hovin sawrkar sum a awmpui an làk pawh titawp turin sawrkar a ngen bawk.

PUC in NAAC A+ Grade hmu

India rama zirna In te endiktu, National Assessment and Accreditation Council (NAAC) in Pachhunga University College chu Accreditation A+ Grade an pe a, Cumulative Grade Point Average (CGPA)-ah 3.37 hmuin India hmarchhak-a College zingah NAAC grading a Score sang ber a ni.

Sports Minister in hmanpui

Aizawl-a Govt. T. Romana College chuan nimin khan Aizawl Vanapa Hall-ah zirlai lut thar te lawmna leh zirlai pass chhuak te lawmpuina hun an hmang a, he hun hi Sports Minister Robert Romawia Royte chuan hmanpuiin he College a lut thar, pawl 12 pass thar te chuan College rapin bul an tan thar tih sawiin, bultanna tha in a tawp tha a hril theih thin avangin an zirna kawngah te, thian inkawmna kawngah te leh ngaihtuahna in siamna kawngah te a bul tan uluk turin a chah a. Degree nei thar zirlai passed chhuak te chu a lawmpui thu a sawi bawk. Govt. T. Romana College hi kum 1992-a din niin zirlai naupang 1500 bawr an nei mek a ni.

I&PR Minister in hmanpui

Helen Lowry College Aizawl in a vawi khatna atana ‘Graduation Day Cum Freshers' Social’ an hman chu nimin khan I&PR Minister Lalruat-kima chuan khuallian niin a hmanpui a, he huna zirlai hlawhtling an chawimawi te chu mi tangkai, khawtlang leh ram tana ban rinawm ni turin ram in a beisei thu leh mi hnawksak emaw, ram leh hnam timualpho turin he hunaah hian chawimawi an ni lo tih a sawi a. Mi tumruh leh taima tan hlawh-tlinna a in hawng zel tih a sawi bawk. Helen Lowry College hi kum 2017 khan din a ni a, tun tuma Graduate mi 56 te hi kum 2021 leh 2022-a Mizoram University hnuaia exam paltlang te an ni. Helen Lowry College-ah hian Education, Political Science, Economics, English, Sociology leh Commerce zirna a awm a, tunah hian thawktu mi 20 awmin, zirlai mi 120 vel an awm mek a ni.

Mizoram-ah COVID-19 kai enkawllai an la pung zel

Mizoram-ah COVID-19 hri kai enkawllai an la pung zel a, nimin tlai thleng khan hri kai enkawllai mi 762 an la awm a ni.

Treasury khar ngai ang em em chuan la awm lo

Aizawl South Treasury Officer chuan tun dinhmunah sum harsatna tawk mek mah se Treasury khar ngai ang em em chuan an la awm rih lo tih a sawi.

DM&R Minister in vanduaina thlenna hmun a tlawh

Aizawl Republic Venghlun, Lungli Road-a lei tawlhna hmun chu nimin tlai khan DM&R changtu Home Minister Lalchamliana chuan a hmunah tlawhin a enfiah a, vanduaina tawk te thinlung taka a tawrhpui thu sawiin, chhiatrupna a lo thlen thulha DM&R atanga tanpuina awm thei te pawh ngaihven nghal a nih thu leh tanpuina pek tur zat hi Central sawrkarin inkaihruaina a siam ang a nih thu a sawi bawk. Home Minister hian Local Level Disaster Management Committee, Republic Veng hnenah tanpuina Rs 50,000/- leh Relief Camp a awm te tana ni 3 chhung atan Relief Rs. 17,760/- a hlan a. YMA hnenah thingpui lumna turin Rs. 10,000/- a pe bawk.

NHIDCL leivung paihna chungchang thlirho

National Highways and Infrastructure Development Corporation Limited (NHIDCL)-in Mizoram-a kawngpui an sialna leivung an paih in Environment a tihchhiat chungchang enpui tura ruat, State Level Committee chu niminpiah khan an Chairman leh Adviser to Chief Minister (Technical) K. Lalsawmvela hovin Chief Minister Conference Hall-ah khan an thukhawm.

Nikum-a ASF vanga Vawk suat chhungkaw 2488 te hnenah zangnadawmna pek an ni

Nikum 2021 chhunga Mizoram-a Vawk pul hri African Swine Fever (ASF) leng darh zel tur venna tura AH&Vety Department-in Vawk an suat sakte tana zangnadawmna chu nimin khan semchhuah niin mi 2488 hnenah Rs 10,48,42,200/- chu an Bank Account kaltlaanga sem a ni.

Inbiakna chhunzawm thuai beisei a ni - HM

Nimin July 26, 2022 kha hi ramri bula inkahna thlen champha kum khatna a ni a, Home Minister Lalchamliana'n ramri chingfel tura inbiakna chhunzawm thuai beisei a ni, a ti.

Inter-Branch YMA Volleyball khelh mek zel a ni

Nimin khan ‘D3 Amrit Cement 22nd Inter Branch YMA Volleyball Tournament 2022’ chu khelh chhunzawm leh a ni.

Bukpui ram-ah District Hospital sak tum niin Serchhip Venglai-a PWD Quarters sawnchhuah a ni dawn

Image
Chief Minister Zoramthanga chuan nimin khan Serchhip rawn tlawhin Serchhip District Hospital luah mek leh Hospital building thar sakna tura rawt te chu tlawhin, Serchhip District Hospital building thar chu Bukpui-ah sak a nih dawn thu leh Staff Quarters leh thildang sak bultanna atan cheng vbc. 13 pek a nih tur thu a sawi.

Nakum-a MLA inthlanpui ah ZPM Under 10-ah; Congress Artelukawn thei an ni - MNF President

Image
MNF President Zoramthanga chuan nakum-a Mizoram MLA inthlanpui neih turah ZPM chuan Seat 10 an lak phak a rin loh thu leh Congress chu an tihsual chuan Artelukawn thei an nih thu a sawi.

I-Day Football khelh tan a ni ta

Image
Nimin atang khan Serchhip Sports Complex-ah Independence Day Football, Division Screening Tournament ni nghal bawk chu khelh tan niin thla thar August 15 thleng khian khelh a ni ang.

CM in Thenzawl PTS a tlawh

Image
Serchhip bial tlawha zin Chief Minister Zoramthanga chuan nimin chawhnu khan Thenzawl Police Training School (PTS) chu a tlawh a, PTS hotute chuan lo dawngsawngin, an hmunhma tihchangtlun ngai te an thlen a. An hmun chhunga inkalpawhna kawng thenkhat siamthat ngai te Chief Minister hian enpuiin, hmasawnna ruhrel din an beisei thenkhat te an sawiho bawk. Chief Minister hian Thenzawl-ah hian MNF party in Vantlang Inkhawm an buatsaih aah thu a sawi bawk a ni.

DSC sawihona nei dawn

Tunhnaia Mizoram sawrkar in District Sports Committee ruangam a tih danglam chungchang ah Serchhip District Sports Committee chuan Vawiin tlai hian Special General Body Meeting koin Sports Association hrang hrang aiawh ten hemi chungchang hi an sawiho dawn.

COVID-19 kai thar 11 la awm

Nimin khan Serchhip District-ah COVID-19 hri kai mi 11 hmuh belh niin mi 24 te enkawl dam an ni thung.

Sipai lak runpui nei leh dawn

Kumin October ni 4-9, 2022 chhung hian Rajiv Gandhi Stadium, Mualpui, Aizawl-ah Sipai (Agniveer) lak runpui neih a ni dawn a, Army Rally hriattirna hi August thla ah tihchhuah a ni anga, Online in emaw, Form hmangin dilna te hi thehluh theih a ni ang. Form hi District Sainik Office, Assam Rifles Office leh Common Service Centre (CSC)-ah te lak leh in register theih a ni anga, Form leh in register na man hi a thlawn tur a ni.

Draft Roll tarchhuak dawn

Mizoram State Election Commission thupek leh The Mizoram (Election to Village Councils) Rules, 2014 in a sawi angin Baktawng Village Council-a Reserved Seat atana bye-election neih tur atana Electoral Roll siam hna chu January ni 1, 2022 tehfunga hmangin neih a ni dawn a, Vawiin July ni 25, 2022 hian Draft Roll tarchhuah a ni ang. Draft Roll hi Electoral Reistration Officer (ERO) 27- Tuikum (ST) AC leh Assistant Electoral Registration Officer (AERO), 27- Tuikum (ST) AC leh Village Level Officer (VLO) leh DC Office-ah te en theih a ni ang. Draft Roll atanga inpaih, inthunthar leh siam that tur neite chuan July ni 31, 2022 ral hmain Village Level Officer ah diln thehluh theih a ni ang.

ASF vangin Vawk 7 thi leh

Nimin khan Serchhip District-ah African Swine Fever (ASF) vanga Vawk thi 7 awm belh lehin Serchhip District-ah ASF vangin Vawk thi 212 a awm tawh a ni. Nimin a Serchhip District-a ASF vanga Vawk thi te hi khaw pahnih a mi te niin Lungchhuan-ah Vawk thi 7 a awm a, heng zinga 3 hi Vawk puitling an ni tawh nghe nghe a, Lungchhuan ah hian ASF vangin Vawk 10 a thi tawh a, North Vanlaiphai-ah vawk 4 thi leh bawkin an zinga pahnih te hi a puitling a ni bawk a, North Vanlaiphai-ah hian Vawk 31 a thi tawh bawk a ni. Nimin vek khan Lungchhuan khua ah hian Vawk pahnih chu hri leng avangin suat leh a ni bawk.

Harsatna chinfel dan tur hria

PC Party Sr. Vice President Vanlalruata chuan nimin-a an Party OB Meeting neih ah tuna Mizoram sum harsatna hi mahni  neih theih leh thawhchhuah theih ngaihtuah miah lova nuamchen zawng leh duhsak zawngte châwichhuah tuma sawrkara thuneitu mi tlemtein hma an làk vang nia sawiin, he harsatna chinfel dan tur hi an Party chuan an hriat thu a sawi bawk.

RD Minister in hmanpui

Nimin khan Kolasib-a Diakkawn Hall-ah Kolasib Block MNF buatsaihin Leadership cum Political Training neih a ni a, he hun hi MNF Adviser leh RD Minister ni bawk Lalruatkima chuan hmanpuiin, “MNF sawrkar chuan inthlan dawna kan inzawrhna Election Manifesto kan tihlawhtling deuh vek tawh,” a ti a, MNF chu Pathian in rintlak-a a ngaih leh Pathian hriak thih niin a sawi bawk.

Raltlan chungchang sawiho

Nimin khan Siaha-ah District Level Committee on Myanmar Refugees chu an Chairman leh Siaha DC Lalsangliana hovin an thukhawm a, tun thla ni 25 thleng khan an District-ah Myanmar atanga raltlan 7971 an awm mek thu leh an vai hian ID siam sak vek an nih tawh thu tarlan a ni. He hunah hian Myanmar Rufugee te chhiarpui neih chhunzawm chhungchang te, Refugee Camp thawmthat dan tur chungchang leh Refugee te leh dan lova thil tawlhruk inkungkaih thei chungchang te huamzau taka sawiho a ni.

Chhungkaw 36 chhuak tawh

Azawl Republic Venghlun, Lungli Road-a lei tawlh avangin nimin tlai thleng khan chhungkaw 36-a mi 146 te chu hmun him lamah thiarchhuah an ni tawh a, chhungkaw 17 te chu an bungrua nen thiarchhuah niin chhungkaw 19 dang te chu bungrua tel lovin thiarchhuah an ni thung. He lei tawlh a dinhmun hlauhawm bera ding Lalnunmawia Hnamte In chu a banpui phet tawhin Step vel pawh a min tawh a, tlawhpawh theihloh tura hung niin Quick Response Team ten helai hmun hi an vil reng bawk a, chenna In thiat turin chet ngam erawh a ni rih lo a, sawrkar atangin tanpuina awm thei te dil mek a ni bawk.

Sports Minister in hmanpui

Govt. Zirtiri Residential College chuan nimin khan Aizawl-a Vanapa Hall-ah Freshers’ Social neiin he hun hi Sports Minister Robert Romawia Royte chuan a hmanpui a, he huna kalkhawm zirlaite chu Mizoram leh India ram tana rohlu tak ni tura tan la turin a chah a, Infiamna lamah Mizo thalai India ram pum huapa lar leh India ram aiawha fehchhuak an awm teuh tawh tih sawiin, infiamna mai bakah thiamna kawng ah te leh thildang chi hrang hrangah ram leh hnam rohlu ni turin theihna an neih thu a sawi bawk. Govt. Zirtiri Residential College hi Mizorama Science College hmasa ber niin June, 2000 khan din a ni a. Science, Home Science leh Computer Science zir theih niin kumin hian zirlai lut thar 334 an awm a ni.

COVID-19 kai enkawllai mi 717 la awm mek

Nimin tlai thleng khan Mizoram-ah COVID-19 hri kai enkawllai mi 717 an la awm.

President thar atan Draupadi Murmu lakluh a ni

Draupadi Murmu chu India President 15-na atan nimin khan Parliament Central Hall-ah rinawmna thu tiam tira lakluh a ni.

Larsap in IIT Tirupati leh NIT Mizoram Director te kawm

Governor Hari Babu Kambhampati chuan nimin khan Director of IIT Tirupati leh Director of NIT Mizoram te kawmin leimin vanga harsatna thleng thin pumpelh chungchang te, Science thiamna hmanga Mizoram a kuthnathawktute hmalakna tanpuina chungchang te leh NIT Mizoram sak hna thawh dan tur chungchangte an sawiho.

MLA, CADC-a CEM leh midang tang turin hrem an ni

Cheng nuai 137 tihchingpen thubuaiah Special Court (PC Act) Judge Vanlalenmawia chuan nimin khan Mizoram MLA nilai Dr. BD. Chakma leh Chakma Autonomous District Council (CADC)-a CEM ni lai Buddha Lila Chakma bakah CADC-a MDC ni mek pali leh MDC hlui pasarih te chu kum khat tang tur leh Rs 10,000 theuh chawi turin a hrem a, heng mii 13-te hi nimin vêk khan Special Court chuan bail-in a chhuah.

Thenzawl dai-ah Rakzu man

Thenzawl Joint YMA Ruihhlo Do Squad te chuan Zirtawpni zan khan Thenzawl dai-ah Rakzu litre 450 zet manin Excise & Narcotics Department kutah hlan nghal an ni. Thudawn danin heng rakzu te hi Phunchawng atanga rawn phurh niin Thenzawl-a hralh tur a ni a, Polythene lian 45-ah litre 10 zela dahin heng te hi Satha Ip-ah dah leh a ni a, Thenzawl Joint YMA Ruihhlo Do Squad te hian Thenzawl dai-ah lo manin Serchhip a Excise & Narcotics Department kutah Zu leh  phurhna Motor (Santro Car) bakah a khalhtu mi pakhat chu an hlan nghal a ni.

Chief Minister rawn kal dawn

Mizoram Chief Minister leh MNF President ni bawk Zoramthanga chuan Vawiin hian Serchhip a rawn tlawh dawn a, chawhma dar 10:00 leh 11:00 inkarah hmasawnna hnathawh thenkhat te tlawhin hemi hnu hian Serchhip Auditorium-a Vantlang Inkhawm ah thu a sawi ang. He hunah hian tunhnaia MNF Party-a lawmluh leh Serchhip bialtu viltu tur nia sawi J. Malsawmzuala Vanchhang pawh rawn tel tura beisei a ni.

Volleyball khel chhunzawm zel

D3 Amrit Cement 22nd Inter Branch YMA Volleyball Tournament 2022 chu tluang taka khelh mek zel a ni.

Hri kai enkawllai 59 la awm

Nimin tlai thleng khan Serchhip District-ah COVID-19 hri kai enkawllai mi 59 an awm.

Khaw pahnih-a Vawk thi ASF vang tih finfiah leh

Khawlailung leh Lungchhuan khua a Vawk thi te Sample chu enfiah a nih hnuah African Swine Fever (ASF) hri an kai tih hmuhchhuah a nih leh tak avangin Serchhip District chhunga khaw 8-ah ASF hri hi hmuhchhuah a ni tawh.

Keitum leh Khawlailung inkara Tuichang Lei dawh PWD leh YMA hruaitu ten a hmunah an tlawh

Image
Keitum leh Khawlailung inkara Tuichang Lei dawh hna kum 2019 vel atanga tan tawh chu tunkar chho hian Lei chhuat RCC hmanga chhun tumin ruahmanna siam mek a ni a, Lei chhut hi chhun mai tura ruahman ni mah se mipuite hman theih tura peih theih hun tur erawh hriat theih ala ni lo.

I-Day Football khelh tan a ni dawn

Serchhip District Football Association (SDFA) buatsaih Independence Day Football Tournament leh Division Screening Tournament chu Vawiin hian khelh tan a ni dawn ta.

Court in thutlukna puang dawn

Vawiin chawhma dar 11:00 hian Special Court (Prevention of Corruption Act) Judge chuan eiruk thubuai a thiam loh a chantir mi 13-te hremna tur a puang dawn.

President thar lalut dawn

India President 15-na atana thlantlin thar Draupadi Murmu-i chu Vawiin chawhma dar 10:15 hian Parliament Central Hall-ah President atan lakluh a ni dawn a, he hunah hian President kal chhuak tur Ram Nath Kovind-a pawh a tel dawn a ni. President atana thlan thar Draupadi Murmu hian Chief Justice of India NV. Ramana hmaah rinawmna thu a tiam anga, Laipui lawn zui a ni anga, thu a sawi zui nghal bawk ang. Hemi hnu hian Rashtrapati Bhavan a pan anga, chawimawina famkim nen lo dawnsawn a ni dawn a ni.

MZU Southern Campus din thuai a nih theih dan tur chungchangah sawrkar laipui-a Minister te dawr

Mizoram Youth Commission (MYC) Chairman leh Higher and Technical Education Board Vice Chairman Dr. Vanlaltanpuia MLA chuan Union Minister of Education Darmendra Pradhan chu Zirtawpni khan a Pisa-ah hmuin MZU Southern Campus chungchang a sawipui.

Hlawhchhamna ah ngai

ZPM Thalaite chuan March 31, 2022 hma lama CSS sum pek tawhte a dawngtu tur Department account-a thun vek tura Central-in State sawrkârte a hriattir hnuah CSS sum pekchhuah a nih dawn avânga sum lama harsatna tawk tur langsâr State kan ni bîk tur chu MNF sawrkâr hlawhchhamna ah an ngai tih thuchhuah siamin an tarlang a, inthlan hmaa MNF hruaitu te'n ‘khurpui khawh lut zur zur, liam zur zur, phai thei lo’ an sawi-te chu sawrkârna an chan hnuah chuan mumang mai a ni tih a chiang hle nia tarlangin, MNF sawrkâr chu laklawh thilah pawh Revenue Expenditure atân CSS sum hmang pûk tawh lo turin an ngen tih an sawi bawk.

Tut-Marpara kawng siam tum

BJP Mizoram Pradesh President Vanlal-hmuaka chuan Inrinni khan Dampa Bial chhunga West Phaileng tlawhin Vantlang Inkhawm ah thu a sawi a, Dampa bial khaw tam tak kawng chu kal hleihtheih loh khawpin a chhia nia sawiin, hemi chungchang hi Ministry of Road Transport & Highways changtu Minister Nitin Gadkari hnenah a thlen tawh thu leh Map atangin kawngchhe lai chu an en nghala, ruahmanna an siam nghal thu a sawi a. Minister hi a sawm anga Mizoram-ah rawn zin a tum thu leh chutah chuan Tut atanga West Phai-leng leh West Phaileng atanga Marpara thleng kawngchhia chu siam thuai anih tur thu amah ngei in a rawn puan dawn thu a sawi bawk.

Minister pahnih ten tlawh

Sports Minister Robert Romawia Royte leh I&PR Minister Lalruatkima te chuan Inrinni zing khan Tuikual Indoor Stadium tlawhin cheithat dan tur an en a, Tuikual Indoor Stadium hi kum 1992 a sak niin, Tuikual North Local Council huam-chhungah a awm a. Chhawng 6 a sang niin Mizoram State Sports Council kutah a awm mek a ni. Indoor Stadium huam chhungah hian Basketball Court, Volleyball Court, Judo khelhna, Mizoram Volleyball Association (MVA) Office awmin Minister pahnih leh khawtlang hruaitute hian hmalak zui dan turan sawiho nghal bawk a ni.

F&ES ten hnatlang an nei

Mizoram-a Fire & Emergency Services Department te chuan an din champha kum 50-na pualin Inrinni khan hnatlang runpui an nei a, he hunah hian Mizoram pui a Fire Station 14 te chuan Fire Tender nen thawkchhuak in vantlang hmun zunin, luikawr te, bazar leh vantlang kawng te tifaiin hnatlang runpui an nei a ni. Fire & Emergency Services, Mizoram hi kum 1972 a ding tan a ni a, kumin 2022 hi an kum 50-na a nih angin a lawmna peng khat atan hetiang hun hi hmangin District lamah chuan a hma pawhin hun an lo hmang tawh bawk a. Tunkar Nilaini khian an kum 50 tlin lawmna pualin thisen pek runpui an nei leh anga, an department kum 50-na pual hian Souvenir Magazine tihchhuah leh lawmna hun hi September 1, 2022 hian neih tum a ni.

COVID-19 hri kai enkawllai mi 708 la awm mek

Nimin tlai thleng khan Mizoram-ah COVID-19 hri kai enkawllai mi 708 la awmin District tinah hri kai enkawllai hi an la awm vek a ni.

Aizawl-ah Joint Ex-Servicemen Rally neih a ni

Assam Rifles chuan COVID-19 hripui a len hnua a vawikhatna atan Inrinni khan Aizawl Lammual-ah Assam Rifles leh Indian Army sipai bang tawh te tan Joint Ex-Servicemen Rally an buatsaih.

Lawngtlai DC in NH. 54 siam mek a hmunah a tlawh

Lawngtlai District Bawrhsap Amol Srivastava chuan Lawngtlai leh Kawlchaw 'W' inkar National Highway kawngpui laih zau hna thawh mek chu Inrinni khan tlawhin hnathawktute nen hmalak zui zel dan tur an sawiho nghal bawk.

July 2022 atanga Aizawl khawpui chhunga Gas Home Delivery kalpui tumna a hlawhtling rih lo

Mizoram sawrkarin July, 2022 atanga Aizawl khawpui Veng engemaw zat-a Gas Home Delivery kalpui tan a tum chu harsatna neuh neuh avangin tihhlawhtlin theih a la ni lo a, FCS&CA Department chuan Home Delivery hi a rang thei ang bera kalpui turin hma an la chhunzawm zel.

Kumin ah Cyber Crime thubuai 72 awm tawh

Kumin chhungin Cyber Crime Police Station (CCPS)-ah thubuai 72 ziahluh ni tawhin, Internet kaltlanga sum-a inbumna thubuai a tam hle a. CID (Crime) hotute chuan khawpui chauh ni lo, thingtlangah pawh Cyber Crime thubuai a tam tih an sawi.

P&E Minister in Kau-Tlabung Hydel Project tihchangtlun theih dan tur a hmunah a enfiah

Image
Kau-Tlabung Mini Hydel Project chu nimin khan  P&E Minister R. Lalzirliana chuan tlawhin he Project tih changtlun a nih theih dan tur hrang hrang thawktute a sawipui a. Tun dinhmunah helai hmun atang hian Kawlphetha siamchhuah tam theih ber laiin 2.4MW vel an siamchhuah theih thu thawktute chuan an sawi a ni.

PWD leh YMA Sub-Hqrs. hruaitu ten PMGSY sum hmanga Sialhau kawng siam mek an enfiah

Image
PWD Serchhip Division-a hotute leh Serchhip Sub-Hqrs. YMA hruaitute chuan nimin khan PMGSY sum hmanga Tuikum lui atanga Sialhau kawng laih leh siam mek chu a hmunah tlawhin hnathawh an enfiah a, kawng chhuat siamthat ngai te chu Fur ruahtui tlak zawh veleh siamthat nise an ti.

YMA Volleyball khelh leh a ni

Central YMA leh Mizoram Volleyball Association (MVA) te buatsaih ‘D3 Amrit Cement 22nd Inter Branch YMA Volleyball Tournament 2022’ chu nimin khan khelh chhunzawm leh a ni.

ASF vangin nimin-ah Vawk thi awm belh lo

Nimin khan Serchhip District chhunga ASF hri lenna khaw hrang hrangah Vawk thi chhin-chhiah belh awm lovin hri leng avanga Vawk suat a awm belh lo bawk a, hri kai nia rinhlelh Vawk thi chhinchhiah belh a awm lo bawk a ni. Heti hian nimin tlai thlenga Serchhip District-a ASF vanga Vawk thi tawh zat chu 191 niin hri lenna khua ah hian Vawk 199 suat a ni tawh bawk a, ASF hri lenna hmun puan loh khaw 9 ah Vawk thi 19 awm tawh bawkin khaw 4-ah Vawk suat a ni tawh bawk a, heng Vawk suat te zinga 33 te hi Khawlailung khuaa mi te niin an Sample te hi enfiah turin thawn mek a ni.

Hri kai thar 10 leh enkawl dam 14 awm belh leh

Nimin khan Serchhip District-ah COVID-19 hri kai mi 10 hmuhchhuah niin enkawl dam mi 14 an awm bawk.

Mipui thlavang hauhna nei

Mizoram Pradesh Youth Congress Committee (MPYCC) huaihawtin nimin khan Aizawl Tennis Court bul-ah 'Mipuite Thlavang Hauhna Inkhawm' neih a ni a, Mizoram Sawrkarin Health Care bill cheng vbc. 67 chuang a bat sak te, Grape Wine an man sak boral ta Lalhriatpuii (L), Dawrpui Vengthar zangnadawmna pek phutna te; Grape Wine an man sak pelet tura phutna bakah, National Health Mission (NHM) hnuaia thawkte sawrkarin a intiam ang ngeia an phutte tihlawhtling vat tura phutna atan te he hun hi buatsaih a ni.

YMA ruihhlo man te tiral

Kolasib Sub-Hqrs. YMA hmalakna kumin chhunga ruihhlo man Rs. 3,30,100/- hu chu nimin khan Kolasib Diakkawn-ah tihral niin he hun hi bialtu MLA leh Supply Minister K. Lalrinliana chuan a hmanpui a, ruihtheih thil chuan Mizoram hmun hrang hranga chhungkuaah buaina a thlen nasat thu sawiin, mihring hmasawnna daltu leh tithuanawmptu a nih thu a sawi bawk. Nimin a ruihtheih thil man sa an tihral tak te hi Heroin No. 4 hawng 1 leh Bagha Cap 350, Ganja kg 2 leh packet te 58, Yeast Gram 500, Beer can 44 leh Sap zu case 15 a ni.

E. Roll ennawn hna tan dawn

Mizoram chhunga Village Council seat ruak 66 bakah Local Council Seat ruak pahnih leh Local Council thar pahnih-a seat ruak hnawhkhah nan inthlanna neih tur atan Electoral Roll ennawn hna chu karleh Thawhlehni, July 26, 2022 atang khian neih a ni dawn.

Kalphung thar tur duh lo

Siaha District Sports Committee (SDSC) thukhawm chuan tunhnaia Mizoram sawrkar in District Sports Committee kalphung tidanglama District tin Deputy Commissioner te Chairman na hnuaia kal tawh tura a tih chu thalo zawk nia an hriat avangin an duh loh thu Resolution an pass a, District dang ang bawkin tuna an kal dan anga Sports Council hnuaiah Autonomous Body anga kal rih chu tha zawk nia an hriat thu an sawi a, DC kaihhruaina hnuaia District Sports Committee thar din tum a nih pawhin tel loh an rel a ni.

RTI Helpline tlangzarh

Mizoram State Chief Information Commissioner Lalnunmawia Chuaungo chuan nimin khan Administrative Training Institute (ATI) siam RTI Helpline chu a tlangzarh.

Ramdang-a hna thawk turte fimkhur turin chah

Mizoram Police chuan ram pawna hnathawh tum te chu fimkhur turin an chah.

Market demand awm te thawnchhuah tumin, hmasawn zel kan tum tur a ni - Agriculture Minister

Agriculture Minister C. Lalrinsanga chuan, “Agriculture hmanga tharchhuah hmundanga Market demand awm te thawnchhuah tumin, hmasawn zel kan tum tur a ni, a ti.

Mizoram-a Cancer zirchianna tlangzarh a ni

Health Minister Dr. R. Lalthangliana chuan Mizoram Population and Hospital Based Cancer Registries (MPBCR), Civil Hospital, Aizawl in Mizoram-a Cancer vei an tam bik nachhan zirchianna an buatsaih chu nimin khan a tlangzarh. National Cancer Registry Report 2020 in a tarlan dan chuan ram puam huapin Mizoram chu Mipa Cancer vei tamna ber, Chuap Cancer leh Rilpui Cancer vei tamna ber a ni mek a. Heng Cancer thlentu ber chu Vaihlo vang niin an ngai a ni. He hunah hian kum 5 chhunga Mizoram Cancer dinhmun tarlan niin hemi hun chhung hian Mizoram-ah Cancer vei Mipa 3736 leh Hmeichhia 3736, an vaiin 8059 an awm a; heng zinga 4080 hi Aizawl District chhunga mi niin Cancer vei zinga mipa 2492 leh hmeichhia 1566 te chuan an thihpui a ni. Mizo Mipa Cancer vei zingah Pumpui, Ril, Chuap, Chawkawng/Hrawk leh Thin Cancer an tam ber bawk a ni.

MLA leh CEM bakah mi 11 te thiamloh chantir an ni

Kum 2013-2014 chho vel Chakma Autonomous District Council (CADC) hnuaia Development Fund cheng nuai 137 chuang hman sual thubuaiah khatihlaia Chief Executive Member (CEM), tuna Tuichawng bialtu MLA nilai Dr. BD. Chakma leh CEM ni mek Buddha Lila Chakma te bakah mi 11 te chu Court of Special Judge-in thiam loh a chantir a, a hremna tur chu karleh Thawhtanni, July ni 25,2022-ah puan a ni ang.

MIMA in Minimum Wages barhluih an duhlo tih an sawi

Mizoram Merchant Association (MIMA) General Hqrs. chuan Minimum Wages barhluih an duh loh thu an sawi.

Street Vendors te chawimawina hun hmang

Aizawl Municipal Corporation (AMC) bultumin nimin khan Aizawl-a Vanapa Hall-ah kawngsir-a thil zuarte chawimawina hun buatsaih a ni a, Deputy Chief Minister Tawnluia'n khuallian niin a hmanpui a ni.

President atan Draupadi Murmu thlantlin a ni

India President thlanna a Vote tla te chu nimin khan chhiar niin BJP leh a kaihhruai, National Democratic Alliance (NDA) candidate Draupadi Murmu chu hneh taka thlantlin a ni.

Tourist Lodge-ah duhsak bik neih a theihloh tih tarlang

Tourism Department chuan Mizoram-a Tourist Lodge te chu khualzin te leh zin mite tan a buatsaih a ni tih sawiin, sawrkar hnathawkte duhsak bik theih an nih loh thu an sawi.

Bru Voters 1,232 te E. Roll atangin paih tawh

Mizoram atanga Tripura a tlanchhia, Tripura Transit Camp a cheng mek Bru voters 1,232 te chu Mizoram Electoral Roll atangin paih an ni tawh a, midang pawh paih chhunzawm zel tum an ni.

Volleyball khelh chhunzawm a ni

Nimin khan D3 Amrit Cement 22nd Inter Branch YMA Volleyball Tournament 2022 chu khelh chhunzawm leh a ni a, Serchhip Sub-Hqrs. YMA atanga tel zingah Keitum Branch chuan Durtlang Branch chu 3-0 (25-22, 25-12, 25-16) a hnehin Bungtlang Chhim Veng Branch chuan Khawlian chu 3-0 (25-15, 25-20, 25-8) in an hneh a, Hmeichhe inkhel ah Rullam Branch chu Vai-vakawn Branch lakah 3-0 (25-11, 25-16, 25-17) in an tlawm thung. Vawiin-a inkhel tur zingah Chhiahtlang Zotuithiang Vs Farkawn; Bethlehem Vengthlang Vs Thenzawl Vengthlang; Khawbel Vs Luangmual leh Serchhip Vengchung Vs North Lungleng te an tel leh a ni.

Vawk thi 11 awm belh leh

Serchhip District chhunga African Swine Fever (ASF) hri lenna khaw pathum-ah nimin khan Vawk thi 11 lai a awm belh leh a, heng te hi East Lungdar leh North Mualcheng khua ah panga ve ve leh North Vanlaiphai khua ah pakhat te an ni. Heng te nen hian nimin thleng khan East Lungdar khua ah hian ASF vangin Vawk 82 a thi tawh a, North Mualcheng-ah Vawk 44 thi tawh bawkin North Vanlaiphai-ah Vawk 26 a thi tawh bawk a. Kumin hian Serchhip District chhungah ASF vangin Vawk 91 a thi tawh a, Vawk 199 suat a ni tawh bawk a ni.

Hri kai enkawllai 58 awm

Serchhip District-ah COVID-19 hri kai en-kawllai pung leh hretin nimin tlai thlengin hri kai enkawllai mi 58 an awm.

Zirtirtu chawimawi dawn

Kumin September 5-a Serchhip-a Teachers' Day 2022 hmanna ah Zirtirtu hna thawk tha thlanchhuah te hnenah chawimawina hlan a ni dawn. Serchhip District chhunga Zirtirtu hna thawk tha chawimawina hlan turte thlang tur hian niminpiah khan District Selection Committee for Selection of Meritorious and Outstanding Teacher chu an Chairman Serchhip District Education Officer hovin a Office-ah an thukhawm a, he hunah hian Zirtirtu hna thawk tha chawimawina dawng tur mi pathum thlanchhuah niin Primary Section, Middle Section leh High School leh Higher Secondary School Section atangin mi pakhat theuh te an ni a, District Level Award to Teacher hian Silver Medal bakah pawisafai Rs. 5000/- a keng tel dawn a ni. District Selection Committee for Selection of Meritorious and Outstanding Teacher hian State Award to Teacher dawng tura rawt tur an thlang nghal bawk a ni.

COVID-19 Vaccine Precautionary Dose lak theih

Tun thla ni 15-a Health Minister hova District tin DC, CMO leh DIPRO ten Online Meeting on Covid-19 Vaccination neih tuma lo puan tawh angin kum 18 chunglam tana ni 75 chhung a thlawna COVID-19 Vaccine Precautionary Dose lak theih tur chu Serchhip District-ah pawh chak zawka kalpui turin ruahmanna siam a ni a, Serchhip District chhunga Health Sub-Centre leh Health Clinic zawng zawng te chu chawlhkar tin vawi khat tal COVID-19 Vaccine hi mahni Centre theuh ah a remchan anga pe thei tura ruahmanna siam tura tih an ni a, kum 18 chunglam, Vaccine 2nd Dose an lak atanga thla ruk (6) liam tawh a duh apiangte tan Precautionary Dose hi ni 75 chhung chu a thlawna lak theih a ni dawn a ni.  He ruahmanna hi Sawrkar laipuiin India ram zalenna kum 75 tlin denchhena tun thla ni 15 atanga ni 75 chhung Precaution dose pek runpui, ‘Covid Vaccine Amrit Mahotsava’ a kalpui anga tih a ni.

Bekang eisual te enkawl

Thenzawl khuaa Bekang eisual nia hriat mi 2 te chu nimin khan Thenzawl CHC-ah admit an ni. Thenzawl atanga thu kan dawn danin tunkar Thawhlehni leh Nilaini-a Thenzawl a Bekang zuar thin mi pakhat Bekang zawrh leitu mi thenkhat te chuan Nilaini khan insawi-selna an nei a, a tirah Bekang eisual tih hriat ni lo mah se nimin lamah Bekang eisual an ni tih an inhre ta a ni. Bekang eisual damdawi In pantu hi mi 20 tling tawhin an zinga mi 12 te chu nimin thleng khan admit an ni a, Bekang an ei leh a hum la awm te chu hmunpui lamah enfiah tura ruahman a ni. Thudawn danin heng Bekang te hi Myanmar atanga lakluh niin tun-hma lam pawhin an lo um tawh thin a ni.

Chinghnia in Sial vulh te bei

Serchhip Distrct chhunga Sailulak khua te Sial vulhna hmun chu tunhnai khan Chinghnia nia hriat in a bei leh a, Se no ruang thenkhat hmuh niin a then chu chin hriat loh in an awm mek bawk a, nimin khan Sailulak Sial Vulh Association (SSVA)-a Member te chu an khaw ram-a Sial zawng tur leh thil awmdan zirchiang turin an thawkchhuak a, an Sial vulh te a him theihna turin theihtawp an chhuah dawn thu leh a tul anih chuan Chinghnia laka an Sial te veng tur hian tlaivar a in duty chhawk pawh an tum thu an sawi bawk. Nikum-a hri leng avanga inkharkhip kalpui a nih lai khan Sailulak khuaa Sial te hi Chinghne rual nia hriat te hian an lo bei tawh bawk a, Sial tam tak thiin an ruang hmuh a ni tawh a ni.

LAD Minister in Thenzawl tlawh

Local Administration Department (LAD) Minister K. Lalrinliana chuan nimin khan Thenzawl-a Handloom Design Training Centre sakna hmun tur a tlawh a, Thenzawl chu Mizo puan tahna hmunpui leh hralh chhuak tam khua an ni tih sawiin, chhungkaw tam takin Handloom chu eizawn nan an hmang a, an puantahte mawi zawk leh tha zawka an siamchhuah theihna turin he Handloom Design Training Centre sak tur hi a tangkai hle dawn a ni tih a sawi. Handloom Design Training Centre hi LAD in RGSA hnuaia Economic Development and Income Enhancement Component a sak tur niin a Project Cost hi cheng nuai 141 a ni a, a Building sakna tur hian cheng nuai 68 ruahman niin chhawng hnih a sak a ni dawn a, Sales Unit leh Training Unit te awm tur a ruahman a ni a, Thenzawl VC leh Handloom Association, Thenzawl te nen tangho a enkawl tur a ni. He project hian a building sak bak ah Training, Exposure Tour leh Marketing (a zawrh chhuah) lama hmalakna turte a keng tel a ni.

Kawlphetha sawihona nei

Nimin khan Chief Minister Zoramthanga hovin CM Cabinet Meeting Room-ah Power & Electricity Minister R. Lalzirliana leh P&E Department thawktu dangte nen Mizoram mamawh kawlphetha lei chungchangah sawihona neih a ni a, Meeting-ah hian Sstate sawrkarin Power company hrang hrang atanga kawlphetha a lei dan leh sum sen dan te, an thawhho hun chhung tur te sawihoin, kawlphetha siamchhuah kawnga ruahmanna awm te sawiho a ni bawk. Kawlphetha mamawhna a san chhoh zel avangin a leina sum sen pawh a tam zel a, sum sen pawh a tam zel avangin man man zawka lei theih tur zawn a pawimawh thu te, a siamchhuah kawnga Environment-friendly zawk te ngaihpawimawh tur a nih thu te sawilan a ni bawk. He Meeting-ah hian Adviser to CM (Technical) Er. K. Lalsawmvela, P&E Secretary H. Lalengmawia leh Department thawktu dangte an te a ni.

MHIP General Hqrs. hruaitu thlanna nei

Mizoram-a Hmeichhe insuihkhawmna pawl lian ber, Mizo Hmeichhe Insuihkhawm Pawl (MHIP) General Hqrs. chuan nimin khan kum 2022-2025 chhunga hruaitu tur thlanna an nei.

COVID-19 enkawllai mi 709 la awm mek

Nimin thleng khan Mizoram-ah COVID-19 hri kai hmuhchhuah la pung zelin nimin tlai thleng khan hri kai enkawllai pawh 709 an la awm.

Auto Rickshaw-a Fare Meter vuah tur tih dodal

All Mizoram Auto Rickshaw Owner Association chuan Auto Rickshaw-a Fare Meter vuah tura Sawrkar thupek chu an dodal tih an sawi. Mizoram hmun hrang hranga Auto Rickshaw neitute hian nimin khan Berawtlang-a Science Centre Auditorium-ah Joint Meeting an nei a, tun thla ni 7-a Mizoram sawrkar-in Auto Rickshaw-a Fare Meter vuah tura hriattirna a tichhuak chu an dodal tih an sawi a. He hriattirna hi August thla ralhma ngeia sut leh turin Mizoram Sawrkar an ngen tih an sawi bawk. Auto Rickshaw neitute hian Mizoram chu tlangram a nih avangin kawng chhuk chho tak tak a tam a, kawng chhe tak tak a tam bawk avangin Saworkar Rate siam angin tlan ngaihna a awm lo niin an sawi a, Sumdawnna lirthei dangah Fare Metre vuah tura tih a nih loh laia Auto Rickshaw-ah chauh vuahtir tum a ni chu inthliarna ni-a an ngaih thu an sawi bawk.

Freedom Fighter leh Padma Awardee chawimawina hlan

India ram zalenna kum 75 na (Azadi Ka Amrit Mahotsav) lawmna kal zelah nimin khan India zalenna sualtu, Freedom Fighter Darthawma Renthlei (L) leh RK.Lalhluna, Padma Shri Awardee te chawimawina hlan an ni.

Sawrkar chhawr Doctor Aizawl atanga sawnchhuah theih loh sawrkar in a neih pawi tih thu sawi

Mizo Zirlai Pawl (MZP) Hqrs. Kolasib chuan Sawrkar Doctor chhawrlai zingah mi thenkhat, Sawrkar in Aizawl atanga sawnchhuah theihloh a nei chu pawi an tih thu an sawi.

Japanese Encephalitis chungchang sawifiah

Mizoram sawrkar-a Health Department chuan Thenzawl khua-ah Japanese Encephalitis natna hmuhchhuah chu Japanese Encephalitis confirmed case anga pawm theih a ni lo niin an sawi.

Agriculture Minister in Custom Hiring Centre 6 tan Tractor leh hmanraw dang te a vailiam

Sub-Mission on Agricultural Mechanisation (SMAM) hnuaia kuthnathawktu te hnena semchhuah tur Tractor leh khawl dangte chu nimin khan Agriculture Minister C. Lalrinsanga chuan Zonun Enterprise, Silaimual atangin a vailiam a, Sawrkar tanpuina beisei lova intodelh duhna avanga tha leh zung tam tak seng duh an awm zel chu lawmawm a tih thu a sawi.

Karleh-ah I-Day Football khel dawn

Serchhip District Football Association (SDFA) buatsaih SDFA Division Screening/Independence Day Celebration Tournament chu tun thla ni 25 khian Serchhip-ah khelh tan tumin ruahmanna kalpui mek a ni.

Mizoram-a Japanese Encephalitis vei hmasa ber Serchhip District mi hmuhchhuah a ni

Image
Thosi seh atanga kai theih Japanese Encephalitis vei chu tunhnai khan Mizoram-ah a vawi khatna atan hmuh niin amah hi Serchhip District chhunga Thenzawl khaw mi nia thudawn a ni a, Thenzawl-ah hian he natna chungchang inzirtirna leh hri kai dang an awm leh awm loh zawnchhuahna pawh neih thuai tura ruahman a ni.

YMA Volleyball-ah Serchhip Sub-Hqrs. te an che tha

Nimin khan D3 Amrit Cement 22nd Inter Branch YMA Volleyball Tournament 2022 chu Aizawl Mualpui-a R. Dengthuama Indoor Stadium-ah khelh chhunzawm leh a ni a, Serchhip Sub-Hqrs. YMA huamchhung atanga tel zingah Chhiahtlang Zotuithiang Branch chuan Tanhril Vengthar Branch chu 3-1 (25-19, 25-14, 21-25, 25-12) a hnehin Hriangtlang Branch in Phaizau 3-0 (25-12, 25-9, 25-10) in an hneh bawk a, Thenzawl Bazar Branch in North Chaltlang chu 3-0 (25-11, 27-25, 25-18) a hnehin Serchhip Vengchung Branch in Khawrihnim Branch chu 3-0 (25-9, 25-15, 25-19) in an hneh bawk. Vawiin hian inkhelh chhunzawm leh a ni dawn a, Mipa in Court pahnih ah khelin Court dang pakhat ah hmeichhia in an khel anga, Mipa inkhel tur zingah Serchhip Sub-Hqrs. huamchhung atangin Keitum Branch Vs Durtlang;  Bungtlang Chhim Veng Vs Khawlian telin Hmeichhia inkhel tur zingah Vaivakawn Vs Rullam te chu an tel bawk a ni.

Sawrkarin 'Show Cause Notice' a hnukkir ta

Mizoram sawrkarin National Health Mission (NHM) hnuaia thawk, tiamchin awm lova a huho a chawlh la mekte chu ban an nih lohna chhan tur ziaka ni thum (3) chhunga insawifiah tura a hriattirna (show cause notice) chu hnuhkir a ni.

Khaw 3-ah Vawk thi 5 awm

Serchhip District-a khaw pathum-ah nimin khan ASF vanga Vawk thi 5 lai a awm belh leh.

Hri kai enkawllai 56 la awm

Serchhip District-ah COVID-19 hri kai hmuh belh la awm zelin nimin tlai thleng khan hri kai enkawllai mi 56 an awm.

DIET-a Zirtirtu sawn ah bialtu MLA in hma a la - ZPM

ZPM Serchhip Thalai Block Committee chuan tunhnaia DIET Serchhip-a Zirtirtu mi 4 sawn chungchangah bialtu MLA Lalduhoma chuan hma a lak nghal thu sawiin, Education Minister in a lo chhanna chu a lawmawm loh hle niin an tarlang.

ZMC tana hmalakna ah lawm

MNF Thalaite chuan ZMC-in hma a sawn chhoh zel nana sawrkarin theihtawp a chhuah zel chu lawmawm an tih thu nimin khan thuchhuah siamin an tarlang a, ZMC-a zirlaite tana ngaih-thlak nuam lo zawng leh ZMC hmel timawk thei zawnga tunhnaia Lalchhuanthanga MLA in thu a sawi chu pawi an tih thu tarlangin, National Medical Comision (NMC) in August 18, 2021-a 4th Batch (full Course) hawn a rawn phalsak angin heng 1st Batch-te hian kum 2023 Final-ah exam an hmachhawn thei dawn tih an tarlang a. Final Inspection nei tur hian NMC lamte lo kal mai thei tura beisei reng a ni bawk tih tarlangin, ZMC lam pawh Inspection Team te hmachhawn thei tur hian a inbuatsaih reng niin an thuchhuah ah chuan an tarlang a ni.

ZPM in CM-ah ngenna thlen

ZPM General Headquarters chuan nimin khan Chief Minister hnenah Thaidawr tlang-a State dang hmalakna titawp tur leh Mizoram chhung humhalh tura ngenna an thehlut tih thuchhuah siamin an tar-lang a, ZPM chuan tun thla ni 14 khan an Working President K. Sapdanga hovin an hruaitu ten an lo tlawh tawh thu leh Mizo Convention (MC) Jampui hruaitute nen inkawmna neiin he hunah hian MC hruaitute chuan Thaidawr tlang buaina hi chinfel a nih vat theih nan Mizoram sawrkarin hma lain Tripura sawrkar nen inbiakna nei thuai se an duh thu an lo sawi tawh tih an tarlang a. Jampui Tlangdung khaw hrang hrang hruaitu thenkhatte pawhin Thaidawr tlang hi Mizoram sawrkarin a enkawl ngai loh avanga Tripura sawrkarin a ta chei ta nia a lan thu an lo sawi tawh bawk niin an tarlang a ni.

E. Roll-a inziahluh hun tih belh

Niminpiah khan Lunglei-ah Election kaihhnawih application Garuda leh Form thar te hman dan zirhona ERO leh AERO te tan neih a ni a, he huna tarlan danin kum tling thar te tan Electoral Roll-a hming inziaklut turin qualifying date 1st January chauh tih thin chu tih danglam tur niin Qualifying date pali – 1st January, 1st April, 1st July, 1st October siam thar a ni a. Summary Revision of Electoral Roll kalpui hunah hei hi bawhzuia kalpui a ni dawn a ni.

'Project Sunshine' sawiho

Nimin khan Kolasib-a I&PR Conference Hall-ah ramri kân a HIV tai darh a nih dan zirchianna leh a darh zel tur ven nana hmalakna tur 'Project Sunshine' chungchanga inkawmhona neih a ni a, he hunah hian Kolasib District-a Chief Medical Office, Police Department, District Child Protection Office, Chanchinbu mi leh NGO hrang hrang hruaitute telin 'Project Sunshine' hnuaia ruahmanna awm te sawi zau niin Aizawl, Kolasib, Lunglei, Champhai leh Mamit District-ah kalpui tum a nih thu leh 'Cross Border Intervention' bik hi Zokhawthar, Kanhmun leh Vairengte-ah te kalpui a nih tur thu tarlan a ni a. Kolasib District chu Mizoram luhka a nih angin HIV darh zel tur ven chu ngaih pawimawh a tul thu tarlan a ni bawk.

Sports Minister in hmanpui

Govt. Mamit College chuan nimin khan Mamit Chhim Veng YMA Hall-ah Freshers' Social cum Graduation Day hmangin Sports Minister Robert Romawia Royte chuan khuallian niin a hmanpui a, hmasawnna chu zirna In atanga bultan a nih thin thu leh changkanna nei tur chuan lehkha thiam in hma a hruai a ngai thin tih a sawi a, Tourism lama hma kan sawn theih nan YUVA Tourism Club din tura zirlaite chu sawmin, kan hnam ziarang, kan culture tivul zel turin a chah bawk. Govt. Mamit College hi kum 1983 khan Kaichhunga College (KC College) tia din niin kum 1993-ah Deficit-ah leh kum 2007-ah Govt. College-ah hlankai a ni a, kumin hian zirlai 160 an awm a ni.

Dist. Sports. Comtt. sawiho

Mizoram sawrkar in District Sports Committee kalphung thlak danglam tuma hma a lak mek chungchang chu nimin khan Lunglei-ah District Bawrhsap Kulothungan A kaihhruaiin sawiho a ni a, he hunah hian Sports Association 28 koh niin 5 an kal nia thudawn a ni a, ruahmanna thar anga OB Post hrang hrang chelh turte thlanna chu August 26, 2022 khian neih turin ruahmanna siam a ni.

Bill pek theih hun pawtsei

Power & Electricity Department chuan thu-chhuah siamin Consumer thahnem takin online hmangin Electric bill an pek theih tawh laiin Billing System leh Software tharin a huam chhunga consumer thenkhat tan Online hmanga bill pekah harsatna a la awm nia hriat a nih thu thuchhuah siamin an tarlang a. He harsatna chingfel tur hian theihtawp chhuah reng a nih thu leh hun reilote ah chinfel thuai beisei a nih thu tarlangin, Consumers thenkhat tana harsatna la awm vang hian Billing System leh Software thar hmanna huam chhunga consumers tan July thla a Electric bill pek theih hun chhung chu Dt. 29.07.2022 (Friday) thleng pawhsei a ni tih an tarlang bawk.

Kolasib-ah 'Nasha Mukt Bharat Campaign' hawng

Kolasib District Bawrhsap John LT. Sanga chuan nimin khan Govt. Kolasib College New Multipurpose Hall-ah 'Nasha Mukt Bharat Campaign' khuhhawnna a nei a, he Campaign kaltlang hian Kolasib District chhungah ruihhlo laka fihlim tura zirlaite inzirtirna uar zawk a kalpui tum a ni. He hunah hian Kolasib DC chuan ‘Nasha Mukt Bharat Campaign’ thil tum te sawi zauin ruihhlo laka la fihlim ten tih chhin ve chakna an neih loh nan ruihhlo that lohna uar zawka zirna In hrang hrangah te inhrilhhriatna kalpui leh ruihhlo avanga harsatna tawk mekte uluk zawk a enkawl an nih theih nana hmalak a nih thu a sawi bawk.

Mizoram-ah COVID-19 hri kai la hmuh belh zel

Mizoram-ah ni khat-a COVID-19 hri kai hmuhchhuah zat a la tlahniam thei meuh lova, niminpiah khan Sample 469 enfiah leh niin heng atang hian COVID-19 hri kai mi 140 hmuhchhuah an ni a, Sample enfiah atanga chhutin za zela 29.85 te chuan hri an kai a ni.

Mipui ten sawrkar sum leh pai dinhmun an hriat theih nan 'White Paper' tihchhuah MPCC in an phut

Mizoram Pradesh Congress Committee (MPCC) Executive Committee chuan mipuiten Sawrkar sum leh pai dinhmun dik tak an hriat theih nan 'White Paper' tichhuak vat turin Mizoram Sawrkar an phut thu an sawi.

Chief Minister in thalaite ruihhlo a fihlim tur leh hun hmang tangkai thiam turin a chah

Chief Minister Zoramthanga chuan nimin khan Aizawl-a College pahnih in Freshers' Social hun an buatsaih chu hmanpuiin thalaite chu hlawhtlinna kawng an zawhna ah hmasawnna tithuanawp thei ruihtheihthil laka filhim tura chahin, hun hman tangkai thiam turin a fuih bawk.

YMA Volleyball khelh tan a ni

Nimin atang khan D3 Amrit Cement 22nd Inter-Branch YMA Volleyball Tournament 2022 chu khelh tan a ni ta.

Serchhip District Road Protection Squad ten a thawh hnihna atan Serchhip khawpui an fang leh

Image
Serchhip District Road Protection Squad te chuan nimin atang khan Serchhip khawpui chhung Veng hrang hranga kawngpui venhimna tura khawlai fan chu a thawh hnihna atan nei lehin nimin khan Veng pahnih te chu tlawh a ni.

CAB tha taka zawm turin chah

Image
Serchhip District Addl. DC Lalmuansanga Ralte chuan nimin khan thuchhuah siamin mitin te COVID-19 hri laka kan fihlim theih nan theihtawp chhuaha inven tur a nih thu leh Covid Appropriate Behaviour-a mawhphurhna kan neihte tha taka zawm vek tura beisei kan ni tih a tarlang a. A bik takin Sakhaw Biak In-ah te, Mitthi vuina ah te, Inneih Inkhawm, Sports inelna leh mipui punkhawmna hmun dangah zai leh thusawi laiin hmai tuamna vuah ngei tur a nih thu te, Mipui punkhawmna hmun, Sakhaw biakna hmun leh puipunna dangah tha taka Social distancing zawm tur a nih thu te, Phalna pekna hmuna thil tih hona reng rengah CAB/SOP tha taka kengkawh turin thuneitute beisei an nih thu leh Office, dawr, vantlang hmun pawimawhte vawnfai leh tih thiang-hlim chungchangah a hmunhma thuneitu theuh te'n mawh phurin Beauty Parlour, Spa, Gym leh lumehna hmun leh hmanrua chu tih thianghlim (sanitize) fo tur a nih thu te a tarlang a ni.

Hri kai thar 6 leh dam 15 awm

Nimin khan Serchhip District-a COVID-19 hri kai hmuhchhuah thar mi 6 awmin mi 15 enkawl dam an ni thung.

Bawrhsap in hna zawm dawn

Hun engemaw chen chawlh a lak hnuah Serchhip District Bawrhsap Nazuk Kumar IAS chuan nimin khan a hna zawm turin Serchhip a rawn thleng leh ta a, Vawiin hian a hna zawmin Pisa a kai leh tan dawn a ni.

Serchhip PHE EE sawn dawn

Mizoram sawrkar chuan PHE Department-a MES Junior Administrative Grade leh Senior Grade thenkhat te awmna hmun a siksawi a, hemi ang hian PHE Serchhip WATSAN Division-a Executive Engineer (EE), Er. F. Lalsanglura chu EE (P), CE Zone-I ah awm tura sawn niin a aiawh tur hian CE Zone-II a EE (P) nilai Isaac Lalchhuanmawia chu dah a ni thung.

ASF vangin Vawk thih belh

Nimin khan Serchhip District-ah ASF vangin Vawk thi pakhat a awm leh a, hri lenna hmun ni lo ah Vawk thi pakhat a awm leh bawk.

Inthlanna hmanrua dahlet

India President thlanna atana Mizoram-a hman Polled Ballot Box leh a kaihhnawih lehkha pawimawh te chu nimin khan venhimna hnuaiah Returning Officer Office, Parliament House, New Delhi-ah a dahlet a ni ta.

Thawktu indaihlohna sawiho

Higher & Technical Department hnuaia Post dinhmun leh thawktu indaihlohna te sawiho in nimin khan Chief Minister Zoramthanga hovin H&TE Minister Dr. R. Lalthangliana leh Higher & Technical Department, DP&AR leh Finance Department hotute chu Chief Ministers Conference Hall-ah an thukhawm a, post ruak hnawh-khah leh post thar siam mamawhna an thlen te chu Finance leh DP&AR atanga Official-te nen sum dinhmun thlir chungin hmalak zel theih dan tur sawiho a ni. H&TE hnuaiah hian tunah hian Govt. College 21 leh Law College pakhat awmin, Teacher Training Institution pahnih, MHTC leh IASE a awm a. Technical Institution pahnih, MPL leh WPA a awm bawk a ni.

Oil Depot hmun tur enfiah

Mizoram-a Rel hmanga tuialhthei phurhluh te dahkhawlna, Oil Depot bunna tur hmun atana ruahman Bairabi ami chu nimin khan Food, Civil Supplies & Consumer Affairs Department hotute leh Indian Oil Corporation Ltd. (IOCL)-a thawktu ten a hmunah kalin an enfiah a, Mizoram-a Tui-alhthei dahkhawlna tur changtlung zawk siam a nih theih nan Mizoram Sawrkar chuan hun engemaw chen atang khan hma lain Oil Depot bunna tur hmun a lo thlithlai tawh a. He hmalakna kal zelah IOCL-in Oil Depot bunna tur atana ram an mamawh Acre 30-35 vela zau chu Bairabi leh Sihhmui-ah te en a lo ni tawh bawk a ni. Nimin-a Bairabi-a ram enfiahna ah hian FCS&CA Secreatry Ram-dinliani leh Director Andrew Vanlaldika bakah IOCL Land Selection Committee aiawhte leh NF Railways-a thawktute pawh telin, Oil Depot changtlung zawk bun a nih theih nana ruahman ngai hrang hrangte an sawiho a. Sihhmui ram pawh an endik chhunzawm leh dawn a ni.

LBS Suzuki All Mizoram Inter-Village Tournament-ah Champhai Kanan VC an champion

Champhai Kanan VC Team chuan Sialhawk VC Team chu si hnih fai-a hnehin LBS Suzuki All Mizoram Inter-Village Tournament 2022 ah an champion ta.

March 14, 2022 hnua hri kai hmuh tam ber ni thleng

Niminpiah khan Mizoram-ah COVID-19 hri kai mi 280 zet hmuh belh niin kumin March 14 hnu lama ni khat-a COVID-19 hri kai hmuh tam ber tum a ni.

Environment humhalh duhin kawngzawh nei

Youth for Environment Justice, Mizoram leh Aizawl-a College zirlaite buatsaihin nimin khan Mizoram leilung leh a chhehvel humhalhna kawngzawh huaihawt a ni.

Sawrkar in thalaite tan infiamna hmun hma buatsaih kawngah theihtawp a chhuah mek - Dy. Chief Minister

Deputy Chief Minister Tawnluia chuan Mizoram Sawrkar in thalaite tan infiamna hmun hma hrang hrang buatsaih kawngah theihtawp a chhuah mek thu a sawi.

District tinah District Sports & Youth Office siam tum

Sports Minister Robert Romawia Royte chuan District tinah District Sports & Youth Office siam tuma hmalak mek a nih thu a sawi.

Tlawng hnar-a hmalakna enfiah

Gauhati High Court (Aizawl Bench) in a din Verification Team te chuan nimin leh niminpiah khan Tlawng Hnar, Zobawk Reserved Forest Area huamchhung chu a hmunah tlawhin an enfiah.

Champhai leh Hnahlan-ah Grape lei mek a ni

Hnahlan Grape Growers’ Society chuan tunkar Thawhtanni, July ni 18 thleng khan Grape rah quintal 900 an lei tawh a, Champhai Grape Growers’ Society te pawhin quintal 67.57 an lei tawh.

Assam Rifles-ten Aizawl laili an chhuahsan hun tur chu hriat theih a la ni lo - Home Minister

Home Minister Lalchamliana chuan Assam Rifles-ten Aizawl laili an chhuahsan hun tur chu hriat theih a la ni lo tih sawiin, hetihlai hian tun dinhmunah Mizoram sawrkar chuan sawrkar laipui-a Ministry of Home Affairs (MHA) thu a ngaichang mek nia thudawn a ni. 

Hri kai enkawllai 59 awm

Chawlhkar khat zet Serchhip District-a COVID-19 dinhmun tarchhuah a awm loh hnuah nimin khan dinhmun thar ber tarchhuah niin hri kai enkawllai mi 59 an awm mek.

DIET Serchhip-a Lecturer sawn chungchangah MZP Hqrs. Serchhip in a tawp thlenga hmalak an tum

Image
Mizo Zirlai Pawl (MZP) Hqrs. Serchhip chuan DIET Serchhip-a Lecturer post hnawhkhah loh te hnawhkhah thuai nise an duh thu sawiin, tunhnaia sawrkar in sawnchhuah tura a tih te pawh an aiawh dah an nih dawn loh chuan Transfer order hi sut leh nghal se an ti a, hemi chungchangah hian a tawp thlenga hmalak an tum thu an sawi bawk. Tunhnaia Mizoram-a DIET Lecturer sawnchhuah chungchangah hian MZP Hqrs. Serchhip chuan nimin khan thutkhawm an nei a, hemi hnua thuchhuah an siamah Sawrkar thuchhuak (No,A.11013/2/2033-EDN, Dated 20th May 2004 leh No. B.18015/1/2013-EDN, Dated 7th July 2014) angin Serchhip DIET-ah hian Lecturer post 18 awm tur a nih thu leh hetihlai hian Lecturer 16 awmin chung zinga pakhat chu Secretariat (School Education)-ah attached niin a tak ah chuan 15 chiah an awm tih an tarlang a. Hetiang a nih lai hian July 15, 2022 khan Sawrkarin Transfer and Posting order tichhuakin Serchhip DIET atang hian Lecturer 3 (Science Lecturer 2 leh Mathematics Lecturer 1) chu anmahni thla

YMA in thisen Unit 27 pe

Image
Khawlailung Bunghmun Branch YMA chuan an Branch dinchampha vawi 4-na denchhenin nimin khan Serchhip Blood Bank-a dah turin thisen Unit 27 an pe a, thisen petute hi mipa 13 leh hmeichhia 14 an ni. Heng mi tlawmngai te thisen la tur hian Serchhip atangin Blood Bank a thawk te Khawlailung-ah hian kalin Bunghmun Presbyterian Kohhran Hall-ah thisen hi an la a ni. Khawlailung Bunghmun Branch YMA hi July 18, 2018 khan din niin Member 478 an awm mek a ni.

NEUM ten lungawiloh lantirna titawpin nimin atangin an hna an thawk chhunzawm ta

Image
Sawrkar laka phut neia nuar leh sawrkar in insawifiah tura a tih National Health Mission (NHM) Employees Union Mizoram (NEUM) te chuan nimin khan an nawrna titawpin an hna pawh an thawk tan leh ta.

ASF vangin Vawk 21 thi leh

Nimin khan Serchhip District-ah ASF vanga Vawk thi 21 zet a awm belh leh.

CCPA in Service Charge lak khapna tarlang

Central Consumer Protection Authority (CC-PA) chuan Hotel leh Restaurants-ah Service Charge dil belh emaw, phut belh lam chi reng reng khap a ni tih a tarlang.