Serchhip in World Toilet Day-ah Award dawng

Zonuna Kawlni /

Nimin khan World Toilet Day hman niin he Ni denchhen hian ramchhunga District 20 thlanchhuah te hnenah Swachh Bharat Mission (Gramin) hmalakna atangin Award hlan niin Mizoram atangin Serchhip District leh Kolasib District te chuan he Award hi an dawng a ni.

World Toilet Day puala he Award hlanna inkhawm hi New Delhi-ah Union Jal Shakti Minister, Gajendra Singh Shekhawat-a hovin neih a ni a, ramchhung hmun hrang hrang atangin Video Conference hmangin hei hi lo zawm a ni a, Serchhip District-ah pawh he hun hi District Bawrhsap, Kumar Abhishek hovin PHE Serchhip WATSAN Division-a Sr. EE, Er. F. Lalsanglura, SDO Er. Samuel LR. Ralte leh SBM (G) Serchhip District Coordinator, Samuel Lallawmzuala te chuan NIC, Serchhip atangin an lo zawm a ni.

Serchhip District in he Award a dawn hi Serchhip District Swachh Bharat Mission (Gramin) aiawhin Er. F. Lalsanglura, Sr. Executive Engineer leh Member Secretary chuan dawngin lawmthu a sawi a. He Award dawng tura Serchhip District thlan a nih chu lawmawm a tih thu leh Department a thawktu zawng zawng te, Serchhip District chhunga Village Water and Sanitation Committee hmalakna ropui tak avang leh Swachhagrahi leh khaw mipuite thawhhona avanga he lawmman hi dawng thei an nih thu a sawi bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »