Mizoram Police leh MZU in MoU an ziak

/

Mizoram Police leh Mizoram University (MZU) chuan nimin khan thawhhona thuthlung, Memorandum of Understanding (MoU) an ziak.

He MoU ziahna hun hi GS Arya Mess, PHQ Aizawl-ah neih niin Mizoram DGP, SBK. Singh IPS leh Mizoram University Vice Chancellor, Prof. KRS Sambasiva Rao te chuan an hmanpui a, MoU hi Mizoram Police aiawhin John Neihlaia IPS, IGP (Hqrs.) leh Mizoram University aiawhin Prof. Lalnundanga, Registrar, Mizoram University ten an hming an ziah hnan a ni.

He thawhhona thuthlung hian Mizoram Police hnuaia mi man thenkhat leh misual kut tuar, hmeichhia pawngsual tawk te, rilru lam harsatna nei te leh a dang dang te hnena a tul anga Counselling pek leh siamthat tumna lama thawhho leh tan tlanna te a huam ang a, tunlai mila Mizo-ram Police tihchangtlun (modernization) lam hmalakna project hrang hrang leh Mizoram University-a Technical Experts te nena Technical training-a thawhhona te a tel bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »