Posts

Showing posts from November, 2021

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Thenzawl Dragon Fruit Growers & Marketing Society te hmalakna Agriculture Minister in a tlawh

Agriculture Minister C. Lalrinsanga chuan nimin khan Thenzawl Dragon Fruit Growers & Marketing Society member chhungkaw 59 leh mimal 3 ten Dragon Fruit an chinna hmun tlawhin an mamawhte chu theihtawpin a ngaihtuah sak dawn tih a hrilh.

MJA Mamit te rawn zin

MJA Mamit District te chuan Serchhip District-a Agriculture Department hmalakna hrang hrang leh hmun pawimawh te tlawh turin nimin tlai khan Serchhip an rawn thleng a, tun tumah hian MJA Member mi 7 rawn kalin nimin tlai khan MJA Serchhip District member ten an lo dawngsawng a ni. Ruahman lawk ang chuan Vawiin hian Serchhip Agriculture Complex-ah sawrkar hmalakna hrang hrang tlawhin chawhnu lamah Serchhip Zawlpui Phai leh Horticulture Department in Centre of Excellence an siam te an tlawh nghal ang.

Fimkhurna Hapta hmang tan

Zoram Drivers’ Union (ZDU) chuan nimin atang khan Mizoram-ah Fimkhurna Hapta, ‘Drivers' Week’ an hmang leh tan a, thla thar Dec. 3 thleng khian hman a ni ang.

Hri kai enkawl dam pung zel

Serchhip District-a COVID-19 hri kai hmuh tawh zawng zawng chu 5198 an tling tawh a, hri kai zinga za zela 95.07 te chu enkawl dam an ni tawh.

Serchhip District-a COVID-19 Vaccine la zingah Vaccine la duhlo mi 2218 an awm

Serchhip District-a COVID-19 Vaccine la thei kum 18 chunglam te chu Vaccine Dose 1-na pek kim thawkhat an ni tawh a, Serchhip District pumah COVID-19 Vaccine la duhlo mi 2218 zet an awm thung.

DC hnenah report thehlut

Kumin August ni 27-a Kolasib Diakkawn a unau mipa pathum leh mi dang pakhat te Tuizem chhunga chesuala an thihna chungchang chhui chiang tura din Magisterial Inquiry Team chuan nimin khan an report chu ziakin Kolasib District Magistrate Dr. H. Lalthlangliana hnenah an hlan a, vanduaina tawk-a boral te chu boruak tlakchham avanga thawchham-a boral an ni tih an sawi.

Chanchin thar thenkhat :

DIPR in lawmpuina hun hmang

Pathianni-a hri kai 94 hmuh belh an ni

Pathianni khan Mizoram-ah COVID-19 hri kai mi 94 hmuh niin hri kai hmuhchhuah hi tlem mah se Sample enfiah 875 atanga chhut chuan za zela 10.74 zetin hri an kai a ni.

Transport Minister in sawrkar mi pawimawh te hmu

Transport Minister TJ. Lalnuntluanga chuan nimin khan Aizawl a Mizo Hnam Run-ah thu sawiin Nov. 22-27, 2021 chhunga Delhi-a mi pawimawh hrang hrang a hmuh chungchang a sawilang.

Khawpui fai endik dawn hnai

October ni 2, 2021 atanga tan ‘Mizoram Khawpui Fai Intihsiakna 2021’ endikna chu kalpui tan a ni dawn ta.

Sairang-ah Bamboo Processing Factory hawn a ni

Bamboo Development Agency-in Bamboo Technology Park, Sairang-a Bamboo Processing Factory an din chu nimin khan Commerce & Industry Department changtu Minister Dr. R. Lalthangliana chuan a hawng.

Chanchin thar thenkhat :

Chhuitu tur la chiang lo

Paragliding Training zo hnai

Mizoram Aero Sports Association (MASA) hmalakna a kumin February 9 atanga Paragliding Training neih chu tunkar hian zawhfel beisei a ni.

Hri kai enkawllai tlem zel

Serchhip District-ah COVID-19 hri kai en-kawllai mi za thum aiin an tlem tawh.

Puantahtute tan Company din dan zirhona neih a ni

Puantahtu ten mumal taka puantahna Company an din theih nana thil pawimawh inhrilh-hriatna chu Zirtawpni leh Inrinni khan Thenzawl khua ah neih a ni.

Tualchhung Kohhran kutah ruaitheh dahin sawrkar in kaihhruaina tichhuak hma se an duh

COVID-19 hri leng avanga nikum lamah Kohhran hrang hrang kumdang anga Krismas lawmna an neih theihloh hnuah kumin ah inkhawm theih te a nih tawh avangin Kohhran hrang hrang ten Krismas leh Kumthar lawmna atana ruai theh leh theh loh chungchang chu tualchhung Kohhran kut-ah an dah hlawm a, hetihlai hian sawrkar in kaihhruaina ala siam loh avangin Kohhran thenkhat chuan inbuatsaihna ah harsatna an tawh thu an sawi thung.

Vawiin ah Parliament thutkhawm nei tan dawn

Parliament Thlasik thutkhawm chu Vawiin hian neih tan a ni dawn a, hemi atan hian nimin khan All Party Meeting chu New Delhi-ah neih niin Mizoram MP pahnih te pawh an tel a ni.

Mizoram-a hri kai hmuhchhuah tlahiam hret hret

Mizoram-ah COVID-19 hri kai hmuhchhuah thar an tlem ve zel a, Zirtawpni-a Sample enfiah atangin hri kai 359 hmuhchhuah an awm laiin Inrinni-a Sample enfiah 3140 atangin hri kai 358 hmuh leh an ni a, Sample enfiah atanga za zela 11.40 te chuan hri an kai a ni.

Anthurium Festival atan nuai 255 dawng tawh

Kum 2006 atanga kumin 2021 thlengin Anthurium Festival hmanna atan Govt. of India, Ministry of Tourism atangin cheng nuai 255 hmuh a ni tawh a, kumin Anthurium Festival (Virtual) hmanna sum senso sanna ber chu documentary siamna leh Cable TV channel/DD Mizoram a thehdarhna man (broadcast fee) niin, hemi atan hian Rs. 4,40,000/- hman a ni.

Ramri-a hmalakna ah Vairengte an lawm

Vairengte khawtlang chuan tunhnaiah Mizoram sawrkar in ramri ah nasa taka hma a laksak avang leh kawng pawh KM 46 chuang lai a laihsak avangin sawrkar chungh an lawm hle tih an sawi.

Agriculture Minister in nasa zawka hma lakpui turin IFAD mithiamte sawm

Agriculture Minister C. Lalrinsanga chuan Agriculture leh a kaihhnawih kawng hrang hranga Mizoram mamawh te phuhru tura nasa zawka hma lakpui turin IFAD mithiamte chu a sawm a, Mizoram Sawrkar chu IFAD tana a inhawn thu leh heng kan mamawhte tihhlawhtlin a nih theih nana chak lehzuala thawpui turin a sawm bawk.

Chanchin thar thenkhat :

State pahnih CM te inkawm

DAN ANGA FA LAK (LEGAL ADOPTION)

DAN ANGA FA LAK (LEGAL ADOPTION) - Liansangpuii Protection Officer (Non-Institutional Care)  District Child Protection Unit, Serchhip

NSS in thisen an pe

Nimin khan Govt. Higher Secondary School Serchhip-a NSS Unit te chuan Serchhip District Hospital Blood Bank-a dah turin thisen Unit 40 an pe a, thisen petute hi mipa 26 leh Hmeichhia 14 niin Serchhip Blood Bank-ah kalin an thisen hi an pe a ni.

DUDO thlahna hun hmang

UD&PA Department Serchhip-a District Urban Development Officer (DUDO) Dr. Albert Vanlalliantluanga chu Deputy Director (TP), Town & Country Planning Wing UD&PA hna chelh tura sawn a nih hnuah nimin khan DUDO Office chuan thlahna neiin Serchhip a chhuah-san dawn ta a, Serchhip DUDO thar tur hi dah ni rih lovin Settlement Officer Lalzikpuii chuan DUDO mawhphurhna hi a chelh rih dawn a ni.

Mipui zirtirna hun hmang

Serchhip-a Fire & Emergency Services te chuan nizan hmasa khan Serchhip khawpui chhung hmun hrang hrangah kangmei tichhuak lo tura inzirtirna an nei.

Parking Area siam thar

Serchhip SP Stephen Lalrinawma chuan thuchhuah siamin New Serchhip Area chhunga Parking Area tur a siam thar.

Hri kai enkawllai tlahniam

Serchhip District-ah COVID-19 hri kai en-kawllai an tlem ve zel a, nimin tlai thleng khan hri kai enkawllai mi 308 an la awm mek.

Computer Software hmanga ram leh hmunhma chhinchhiahna Serchhip District-ah kalpui a ni dawn

Computerization of Registration, National Generic Document Registration System (NGDRS) chu Serchhip District-a kalpui turin nimin khan Revenue Department changtu Minister Lalruatkima chuan a hawng a, he ruahmanna hnuaiah hian mipui ten ram an neih te Computer Software hmangin chhinchhiaha vawnthat a ni dawn a ni.

Ni khat-a hri kai hmuhchhuah tlahniam ve zel

Mizoram-ah COVID-19 hri kai hmuhchhuah thar tlahniam zelin niminpiah khan Mizoram-ah Sample 4034 enfiah niin heng atang hian hri kai mi 444 hmuh leh an ni a, Sample enfiah atanga za zela 11.01 te chuan hri an kai a ni.

C&I Minister in Bamboo Processing Factory leh Common Facility Centre a hawng

Commerce & Industries Department changtu Minister Dr R. Lalthangliana chuan nimin khan Zuangtui Industrial Estate-ah Bamboo Processing Factory leh Common Facility Centre a hawng.

Serchhip Mat Phai Zawlpui zau-ah ‘Khawl hmanga Buh seng runpui’ neih a ni

Image
Serchhip Mat phai Zawlpui zau Leilet-ah 'Khawl hmanga Buh seng runpui' chu nimin khan neih niin he hun hi Agriculture Minister C. Lalrinsanga leh Bialtu MLA Lalduhoma te chuan an hmanpui a, Agriculture Minister chuan Zawlpui zau-a bul lo tantute thawhrimna leh tumruhna fakin, an zarah Buh tharna hmun zau tak kan lo nei ta a ni, a ti.

District Jail dinhmun enfiah

Image
District Child Protection Unit (DCPU) Ser-chhip hnuaia Jail Inspection Team te chuan nimin khan Serchhip District Jail tlawhin Jail-a awm mek te zingah naupang, kum tlinglo an awm leh awmloh an enfiah.

Art & Culture Minister in Serchhip Kawlri tlang-a Chawngpuii Khawthlir a hawng

Image
Serchhip Heritage Society in Serchhip Kawlri tlang-a ‘Chawngpuii Khawthlir’ an sak chu nimin khan Art & Culture Minister R. Lalzirliana chuan a hawng.

Observer in Serchhip tlawh

Electoral Roll Special Summary Revision neih meka Serchhip District tana Observer tura ruat Zarzosanga, Revenue Department leh RD Department-a Secretary ni bawk chuan nimin khan Serchhip District rawn tlawhin Electoral Roll ennawn hna thawh mek te a rawn enfiah.

Serchhip in Medal 6 la

All Mizoram Karate Association (AMKA) buatsaih AMKA State Karate Championship vawi 24-na chu nimin khan khelh zawh niin Serchhip atanga kal Karate thiam te chuan Medal an la vek a ni.

Hri kai 93.17% dam tawh

Nimin tlai thleng khan Serchhip District-a COVID-19 hri kai hmuhchhuah chu 5112 an tling tawh a, hri kai hmuh atanga za zela 93.17 te chu enkawl dam an ni tawh.

Chanchin thar thenkhat :

CM in mi pawimawh kawm

CM in DoNER Minister a hmu

New Delhi-a cham mek Mizoram Chief Minister niminpiah tlai khan DoNER Minister G. Kishan Reddy chu a pisa-ah hmu in, Mizoram economy chungchang an sawidun.

Hri kai 398 hmuh belhin enkawlai sang li aiin tlem

Mizoram-ah ni khat-a COVID-19 hri kai hmuhchhuah zat a la tlahniam hret hret a, niminpiah khan Sample 3726 enfiah atangin hri kai mi 398 hmuh niin Sample enfiah atanga za zela 10.70 te chuan hri an kai a, nimin tlai ah khan hri kai enkawllai chu mi sang li aiin an tlem tawh zawk a ni.

Sports Minister in sawrkar laipui hotute a kawm

New Delhi-a cham mek Sports Minister Robert Romawia Royte chuan niminpiah khan Union Youth Affairs & Sports Minister Anurag Singh Thakur chu New Delhi-a a chenna In-ah kawmin, India ramin Sports-a hma a sawn zel dan turte an sawidun.

COVID dam tawh zingah Virus in an taksa a harsatna a siam engemaw zat hmuh an ni tawh

Tunhnaiah COVID vei dam tawh nia inhria, he virus in an taksa a harsatna a siam engemawzat damdawi Inah an hmuh tawh thu Civil Hospital Aizawl-a Medicine Specialist Dr. J. Lalramchhuanga chuan a sawi.

Mizoram-a COVID-19 hri leng dinhmun thlirhona neiin inthlahdah ala hun lo tih tarlan a ni

Nimin khan Health Minister Dr. R. Lalthangliana hovin SAD Conference Hall-ah Mizoram COVID-19 dinhmun thlirhona neih a ni.

Hri kai 33 hmuh belh leh

Nimin khan Serchhip District-ah COVID-19 hri kai mi 33 hmuhchhuah belh leh an ni.

Chetsual palh vangin boral?

Nimin tlai khan Lalthazova (43), Serchhip Hmar Veng chu a boral a, chetsual palh vanga boral nia rin a ni. Thudawn danin Lalthazova h/o Lalramchhani hi Serchhip Hmar Veng Lane chung ber a khawsa an ni a, nimin tlai khan an kawm-thlang (Orphanage Home lane) kawng chhak lamah hliam tuar-a hmuh niin Serchhip damdawi In panpui nghal a ni a, amaherawh chu chhan hman a ni ta lo thung a ni. Lalthazova hi a che-sual lai emaw hmu awm lo mah se mahni-a chesual palh leh an kawmthlang lama lum nia rin a nih thu kan thudawnna chuan a sawi bawk.

Hlawhfa rate siam thar

Serchhip Town Joint VC, NGO Coordination Committee leh Serchhip District Mistiri Association te chuan nimin khan Serchhip Kawnpui North VC Hall-ah Joint Meeting neiin Serchhip-a hlawhfa rate chungchang an sawiho a. He Meeting hian thla thar December 1, 2021 atanga hman tan turin Mistiri hlawh chu ni khat zelah Cement Mistiri Rs. 800/- aia sang lo leh Thing Mistiri Rs. 900/- aia sang lo turin an rel a. Hlawhfa rate chu ni khat zelah mipa Rs. 450/- aia sang lo leh Hmeichhia Rs. 400/- aia sang lo tura rel a ni bawk.

Zikhlum chi semchhuak

Tunhnaia Serchhip Mat phai-a tuilian in Nul neitute Zikhlum hmun a tihchhiat sak te tana bialtu MLA Lalduhoma’n Zikhlum chi a lei te chu Ser-chhip-a rawn lak a nih hnuah niminpiah khan Serchhip Agriculture & Horticulture Cooperative Society leh ZPM Thalai te chuan Zau hrang hrangah semin chhungkaw 135 hnenah sem a ni.

Serchhip P&E Veng in Boxer Vanlalringa lo hmuak

Serchhip atanga Professional Boxer hmasa ber Vanlalringa chuan a inhnek hmasak bera hnehna a chan hnuah nimin khan Serchhip rawn thlengin khawtlang huapa lo hmuah a ni.

Chanchin thar thenkhat :

Chief Minister in mi pawimawh te kawm chhunzawm

Mizoram-ah hri kai thar 400 leh dam thar 302 awm

Niminpiah khan Mizoram-ah Sample 4357 enfiah leh niin heng atang hian COVID-19 hri kai mi 400 hmuhchhuah belh leh an ni a, Sample enfiah atanga za zela 9.20 te chuan hri kai ang an ni.

JAC on ILRFD ten CM hnenah ngenna an thlen

Joint Action Committee on Inner Line Reserved Forest Demand-in Assam Forest Department-in a enkawl mek Square Mile 509 Inner Line Reserved Forest leh kum 1972 atanga Mizoram hnena Chhiah an pek tak loh dil let leh tura an ngenna chu tunkar chhunga enzui sak tur leh hmala turin Chief Minister Zoramthanga an ngen.

MSEA in Supply Minister chawimawina hlan

Mizoram Supply Executive Association (MSEA) chuan Suppy Minister K. Lalrinliana hnenah nimin khan chawimawina thuziak an hlan.

Mizoram-ah politics kalphung thar chhuakin mi chi hnih kan awm ta - K. Sapdanga

ZPM Working President K. Sapdanga chuan Mizoram-ah politics kalphung thar chhuakin mipuite zingah mi chi hnih kan awm ta tih a sawi.

State pahnih CM ten inbiakna an nei dawn

Mizoram Chief Minister Zoramthanga leh Assam Chief Minister Himanta Biswa Sarma te chu State pahnih ramri buai chinfel tumin zanin hian Delhi-ah an inbe dawn.

Bairabi - Sairang Rel kawng siam turah hnathawh tur lian zingah 65% zawh a ni tawh

North East Frontier Railway (NFR) hotute chuan nimin khan Mizoram Governor Dr. Hari Babu Kambhampati chu Raj Bhavan-ah hmuin Bairabi leh Sairang inkar Rel kawng KM 51.38-a thui siam mek chungchang an sawiho a, he hunah hian hnathawh tur lian tham deuh chu zaa 65 (65%) zawh a ni tawh tih tarlan a ni.

Selam-ah SRDC Rest House sak thar hawng

Sialkal Range Development Council (SRDC) Fund kaltlanga cheng nuai 28 senga Selam-a SRDC Rest House sak chu nimin khan Health & Family Welfare Board Vice Chairman Dr. Z.R Thiamsanga chuan a hawng.

Deputy Speaker in hri hluarna Sialhau a tlawh

Tuikum bialtu MLA leh Assembly Deputy Speaker Er. Lalrin-awma chuan a bial chhunga hri in a tihbuai, Sialhau khua chu nimin khan tlawhin VLTF hruaitute nen inkawmna an neih bakah hri kai te enkawlna hmun a tlawh bawk.

East Lungdar Wrestling Club din thar

Serchhip District Wrestling Association hnuaia E. Lungdar Wrestling Club te chu hun engemaw chen an chawlh lailawk hnuah nizan khan Mizoram Wrestling Association kaihhruaina in din thar leh a ni.

Serchhip tlangval pathum telna Mizoram Team in Manipur pan dawn

Serchhip tlangval pathum telna Santosh Trophy khel tur Mizoram Team te chuan Vawiin hian Mizoram chhuahsanin Imphal (Manipur) an pan dawn ta.

Pawl Kut hman dan tur rel

Kumin a Serchhip-a Pawl Kut hman dan tur ngaihtuah in nimin khan Organising Committee chu Serchhip Sub-Hqrs. YMA Committee Room-ah thukhawmin Pawl Kut hman dan tur tlangpui an duang.

Mi 7 te Ex-gratia pe tawh

Nimin thleng khan Serchhip District-a CO-VID-19 vanga boral te chhungte mi 7 hnenah ex-gratia pekchhuah a ni tawh.

Hri kai mi 17 hmuh belh leh

Nimin khan Serchhip District-ah COVID-19 hri kai mi 17 hmuh belh niin mi 68 te enkawl dam an ni thung.

Kan aiawha roreltu kan thlan thin kan ngaihhlut zel a pawimawh - District Bawrhsap

Serchhip District Election Officer leh District Bawrhsap Kumar Abhishek chuan mipuiten langtlang taka kan aiawha roreltu kan thlang thin chu a hlu em em tih sawiin, he kalphung hlu leh zahawm tak hi vote thlak thintu mipuiten kan ngaihhlut zel a pawimawh a ni, a ti.

District Level Coordination Committee on FOCUS in an hmalakna thlirletna hun an hmang

Nimin khan Serchhip-ah District Level Coordination Committee on FOCUS (Fostering Climate Resilient Upland Farming System) chu thukhawmin an hmalakna hrang hrangte an thlirlet a, he hun hi Aizawl lam atangin Mid-Term Review Monitoring Team ten an rawn tel pui bawk a ni.

Chanchin thar thenkhat :

MLA hlui C. Ramhluna vuiliam

Mizoram-a hri kai hmuh thar tlahniam leh hret

Thawhtanni khan Mizoram-ah COVID-19 hri kai hmuhchhuah thar tlahniam hretin Sample enfiah 4914 atangin hri kai mi 423 hmuh an ni a, Sample enfiah atanga za zela 8.61 te chuan hri an kai a ni.

KMMTTP peihfel thuai dan tur Governor in sawipui

Mizoram Governor Hari Babu Kambhampati chuan nimin khan Mizoram PWD leh Revenue hotulu te chu Kaladan Multi-Modal Transit Transport Project (KMMTTP) chungchang a sawipui.

Nikum aiin kumin ah Malaria vei tlahniam

Mizoram-ah nikum (2020) aiin kumin (2021)-ah January atanga October thla chhunga Malaria vei zat chu za zela 46.9% laiin a tlahniam.

CM in Home Minister kawm

New Delhi-a cham mek Mizoram Chief Minister Zoramthanga chuan niminpiah tlai khan Union Home Minister Amit Shah chu a chenna In ah hmuin Mizoram mamawh hrang hrang a thlen.

MZP in an hmalakna tur hrang hrang an puang

Mizo Zirlai Pawl (MZP) General Hqrs. hruaitu thar te chuan nimin khan Aizawl-ah thuthar thehdarhtute kawmin an hmalakna tur hrang hrang te an sawi.

Jail tang tlawh theih tawh

COVID-19 hri leng avanga Mizoram-a Jail hrang hranga tang te tlawh theihna hun khar rih tak chu hri leng in ziaawm lam a pan tak avang leh sawrkar in inkaihhruaina a thlahdul avangin tun thla ni 17 atang khan Jail tang tlawh theihna hun hi hawn leh tan a ni a, hemi ang hian Serchhip District Jail-a tang te pawh tlawh theih a ni leh tawh a ni. Jail tang te hi Thawhtanni, Nilaini leh Zirtawpni-ah te zing dar 9:00 atanga tlai dar 3:00 inkarah kan theih niin tang kan tur chuan Face Mask vuah tur a ni a, ft. 6 aia hnai ah inbiak phal a ni lo thung.

Bialtu MLA in Zikhlum chi pe

Tunhnaia Serchhip Mat Phai-a tuilian in Thlasik thlai chingtute Zikhlum hmun a tihchhiat sak a hmuna a rawn tlawh hnuah Serchhip bialtu MLA Lalduhoma chuan Thlasik thlai chingtute harsatna sutkianna atan Zikhlum chi bur 100 zet leiin Serchhip-a an Party hruaitute hnenah a hlan a. Heng Zikhlum chi te hi Serchhip-a chin thin ang tho nia thudawn niin bur khar hi gram 100 a rit niin Rs. 3000/- man zel a ni a, a chi hi zaa za tiak thei tura ngaih niin ruahtui ngam, ruh tha leh tawih har-a ngaih a ni a, tukin hian a sem dan tur chungchang sawihona neiin Vawiin vek hian sem nghal theih tura ngaih a ni.

Serchhip District-ah Bawnglian 332 awm mekin bawnghnute tharchhuah tihpun tum a ni

Tun dinhmunah Serchhip District AH & Vety Officer huamchhungah Bawnglian vulhlai 332 a awm anga chhinchhiah niin Bawngpui hnute sawr lai erawh a tlem avangin Bawnghnute tam zawk tharchhuak thei turin hmalak tum a ni.

Pik-up chesual-ah mi 6 thi

Nimin zing khan Aiduzawl atanga Rabung pana kal Pik-up Truck pakhat chu chesualin mi 6 in an thih phah a, mi 11 ten hliam an tuar bawk.

Karate khel turte zinchhuak

All Mizoram Karate Association (AMKA) buatsaih AMKA State Level Championship vawi 24-na chu naktuk atang khian Dawrpui Multipurpose Hall-ah neih a ni dawn a, Serchhip District aiawh tur mi 6 te chuan nimin khan an President, H. Sanghmingliana hovin Aizawl an pan.

Motor dahna tur leh dah phal lohna siam thar a ni

Serchhip khawpui chhunga Motor dahna tur leh dah phallohna hmun te siam thar a ni.

Chanhcin thar thenkhat :

MZP in hnathawh enzui dawn

Pathianni-ah COVID-19 hri kai 212 hmuh an ni

Pathianni khan Mizoram-ah COVID-19 hri kai mi 212 hmuh belh leh an ni a, hri kai hmuhchhuah hi tlem mah se Sample enfiah 1098 atanga chhut chuan za zela 19.31 zet a tling a ni.

BRO buatsaih India ram pum fangchhuak tur Motorcyle Expedition Sports Minister in a vailiam

India ramin zalenna a hmuh kum 75-na tlin lawmna kal mek, Azaadi Ka Amrit Mahotsav lawmna peng chikhat atana Border Roads Organization (BRO) in India ram pum fangchhuak tur Motorcyle Expedition an buatsaih, Project Pushpak in Mizoram chinah an huaihawt chu Pusphak Primary School, Falkand atangin nimin khan Sports Minister Robert Romawia Royte chuan a vailiam.

December thla ah Zofate Haw runpui neih tum a ni

Zoram Thar chuan ‘Zofate Haw Runpui/Hnam Inkhawmpui Thianghlim’ chu December 16-18, 2021 chhunga neih turin an rel.

Mizoram Governor in MHIP hruaitute a kawm

Mizoram Governor Hari Babu Kambhampati chuan nimin khan Mizo Hmeichhe Insuihkhawm Pawl (MHIP) General Hqrs. hruaitute chu Raj Bhavan-ah kawmin MHIP hruaitute chuan an hmalakna te hrilhin Mizoram tana thil pawimawh zual te an sawipui bawk.

Swadesh Darshan Scheme-II hnuaia hmalakna chhui turin Lok Ayukta-ah complaint thehluh a ni

Swadesh Darshan Scheme-II hnuaia Mizoram Tourism hmasawnna tura hmalakna hrang hrangah thil dik lo leh fel tawk lo a awm ngei nia a lan avangin MNF Vigilance Department leh MNF Legal Board-te hmalakna in nimin khan Mizoram Lok Ayukta-ah complaint thehluh a ni.

Santosh Trophy atan ko leh

Mizoram Football Association (MFA) chuan Santosh Trophy khelh tur atan Serchhip District atangin Eric Remruatpuia s/o C. Lalsawm-liana, Serchhip Field Road chu an rawn koh belh leh a, heti hian kumin a Santosh Trophy khelh turah Mizoram Team atana koh zingah Serchhip Footballer mi pathum an awm ta a ni.

Hri kai sang nga aiin tam ta

Serchhip District-a COVID-19 hri kai hmuh tawh zawng zawng chu mi sang nga aiin an tam ta.

CM in Union Minister of State for DoNER a hmu

New Delhi-a cham mek Chief Minister Zoramthanga chuan nimin khan Union Minister of State for DoNER and Cooperation BL. Verma chu a Pisa-ah hmuin, ei leh bara hmasawn tura Mizoram mamawh hrang hrangte a thlen.

Vawk thi 3889 tling tawh

Vawk hri leng, African Swine Fever (ASF) vangin Serchhip District-a Vawk thi chu 3889 an tling tawh. AH & Vety Department chhin-chhiahna atanga a lan danin Inrinni khan Sialsir khua ah ASF vang hian Vawk thi pakhat awm lehin nimin-ah erawh Vawk thi hi a awm belh lo thung a, heti hian Serchhip District-a ASF hri lenna khaw 35-a Vawk thi chu 3889 an tling ta a, heng khaw hrang hrangah hian Vawk 3040 zet suat a ni  tawh bawk a ni.

Kum upa TT-a inelna zofel

Mizoram Table Tennis Association (MTTA) in an buatsaih kum 40 chunglam te Table Tennis inelna ‘Mizoram Masters Meet’ chu Inrinni khan North Vanlaiphai-ah khelh zawh a ni.

Serchhip District aiawh tur Boxer 34 thlan an ni

Tun thla ni 29 atanga Serchhip-a 42nd Mizoram Boxing Championship neih tura Serchhip District aiawh turte thlanna chu Inrinni khan neih a ni.

Tuilian in Mat phai-a harsatna a thlen te a hmunah Bialtu MLA in a tlawh

Tunhnaia ruahsur nasa avanga Mat lui leh a fintu kawr lui lian in Serchhip Mat phai-a Buh leh thlai chinna hmun a tihchhiat te chu Inrinni khan Serchhip bialtu MLA Lalduhoma chuan a hmunah a tlawh.

Chanchin thar thenkhat :

Hmalakna tichhe turin ti

Hri kai hmuh tlahniam hret

Inrinni khan Mizoram-ah Sample 3133 enfiah leh niin COVID-19 hri kai mi 437 hmuh an ni a, Sample enfiah atanga za zela 13.95 te chuan hri an kai a ni.

NE Education Conclave-ah Mizoram mamawh thlen

India Hmarchhak State Education Minister-te thutkhawm, North East Education Conclave chu Inrinni khan Gauhati Medical College & Hospital Auditorium, Bangagarh-ah neih a ni a, Mizoram atangin School Education Minister Lalchhandama Ralte chu a tel a ni.

All India Cooperative Week vawi 68-na kharna nei

All India Cooperative Week vawi 68-na kharna inkhawm chu Inrinni khan Aizawl-a Dawrpui Multipurpose Hall-ah neih a ni.

Faina ah Mizoram in Award pathum a dawng

Ministry of Housing and Urban Affairs hnuaia Swachh Bharat Mission (Urban)-in kum tina a buatsaih thin India ram khawpui fai endikna, Swachh Survekshan 2021 lawmman semna 'Swachh Amrit Mahotsav' chu Inrinni khan New Delhi-a Vigyan Bhavan-ah neih a ni a, Mizoram in lawmman pathum lai a dawng a ni.

Treasury sum pek chhuah theih zat tlahniam

Mizoram-a Treasury lian ber Aizawl South Treasury in ni khat a pawisa a pekchhuah theih zat (ceiling) chu cheng nuai 130 a nih laiin, tun dinhmuna ni khata an pek chhuah theih zat chu cheng nuai 65 a ni.

Tripura-a inbenbel thlang Bru mi thenkhat ten Mizoram-a rawn let leh dan an dap mek

Tripura Relief Camp a awm, Mizoram chhuahsan a Tripura-a inbenbel thlang fel tawh mi engemaw zat te chuan Mizoram a rawn let leh dan kawng an dap mek a, chung mite chuan Tripura mite leh Bengali te nen a inmil theih loh vanga rawn let duh angin an insawi nia thudawn a ni. 

YMA in lawmthu an sawi

Serchhip Sub-Hqrs. YMA chuan Serchhip bialtu MLA, Lalduhoma hnen atanga Oxygen Concentrator an dawng chu lawmawm an tih thu nimin-a SEC thutkhawm an neih ah sawiin, damlohna vanga he khawl hmang mamawh te tan a thlawnin tum khat-ah ni 14 (chawlhkar hnih) chhung hman theih nise an ti a, a hmangtute tana kaihhruaina pawh siam nghal a ni bawk.

Hri kai hmuhchhuah sang nga tling dawn hnai

Serchhip District-ah COVID-19 hri kai hmuhchhuah chu mi sang nga an tling dawn hnai ta a, hri kai enkawl dam pawh an pung ve zel.

Central YMA hruaitu thlanna neih tura Vote zawnga tawktar siam dawngsawng lo turin chah

Serchhip Sub-Hqrs. YMA chuan Central YMA hruaitu thlanna lo awm tura an huamchhunga YMA Branch leh Group te chu Vote zawnga tawktar siama rawn bia an awm a nih chuan lo dawngsawng lo turin an chah.

Cricket Coaching tan a ni

Serchhip District Cricket Association in an buatsaih kum 18 hnuailam tana Cricket khelh dan zirna chu nimin khan Serchhip P&E Veng a Leisekawt Mual-ah neih tan a ni a, Mizoram Cricket Association (CAM) in an rawn tirh Lal-ruatsanga (Atea) chuan zirtirna a pe a ni. He hunah hian kum 18 hnuailam mi 18 an tel a, tun thla ni 30 thleng khian nitin hun hman tura ruahman niin tun tumah hian Cricket zir duhte tan hian sum chawi ngai lovin zir theih a ni.

Faina kawnga ke pen theuh turin mipuite sawm

Serchhip District Urban Development Office chuan faina lama ke pen theuh turin mipuite an sawm.

DAN ANGA FA LAK (LEGAL ADOPTION)

DAN ANGA FA LAK (LEGAL ADOPTION)

Chanchin thar thenkhat :

Dr. ZR. Thiamsanga’n hawng

COVID-19 hri kai 497 hmuhchhuah belh an ni

Niminpiah khan Mizoram-ah COVID-19 hri kai 497 hmuh leh niin heng te hi Sample enfiah 3692 atangin a ni a, Sample enfiah atanga za zela 13.46 te chuan hri an kai a ni.

Siaha tana tui lakna thawmthatna hawn a ni

Cheng nuai 782.76 senga Siaha tui lakna thawmthatna tur an siam, Augmentation of Urban WSS, Siaha chu nimin khan Social Welfare Minister Dr. K. Beichhua chuan a hawng.

Deputy CM in MFASA Conference a hmanpui

Mizoram Finance and Accounts Service Association (MFASA) chuan niminpiah khan Aijal Club-ah Annual General Conference vawi 26-na hmangin Deputy Chief Minister Tawnluia chuan a hmanpui a ni.

C&I Minister in Mizoram a Industrial Unit-te khaichhuahna tura a bik taka tanpuina pe turin a ngen

Commerce & Industries Department changtu Minister Dr. R. Lalthangliana chuan Mizoram chu hripui in a nuai nat ber zinga mi a nih avangin Industry tenau (Micro Enterprises) te’n an tuar nasa em em tih sawiin, Mizoram a Industrial Unit-te khaichhuahna tura a bik taka tanpuina pe turin a ngen.

Hri kai 60 hmuh belh leh

Nimin khan Serchhip District-ah COVID-19 hri kai mi 60 zet hmuhchhuah belh leh an ni.

Vawk talh phalna tihchhuah a ni leh ta

Serchhip District-a African Swine Fever (ASF) hri lenna khaw hrang hranga Vawk talh chungchang khapna siam chu tih danglam niin khaw pali tihloh ah chuan Vawk talh phal a ni ta.

Hri leng dona atan inpe

Serchhip District-a COVID-19 hri leng mek dona kawnga a tul anga thawk turin nimin khan Ngurthansangi d/o C. Lalrammawia, Serchhip Hmar Veng chu nimin khan Serchhip CMO Office-ah a inpe a, amah hi APT Aizawl atanga Laboratory Technician zir zo hlim niin Serchhip a Sample Collection Team-ah dah nghal a ni a, nimin atang khan Sample lakkhawm hna thawkin a hna a thawk nghal a ni. Heti hian Serchhip District-ah COVID-19 hri leng dona kawnga hlawh beisei lova thawk tura inpe mi 30 an la awm mek nia thudawn a ni.

EMRS-ah hri kai mi 17 hmu

Serchhip Kawlri tlang-a Eklavya Model Residential School-a zirlaite chu nimin khan an Sample enfiah sak niin COVID-19 hri kai mi 17 zet hmuh an ni.

Baktawng-ah Vawk 11 thi leh

Serchhip District chhung khaw hrang hrang ah African Swine Fever (ASF) vanga Vawk thi a ziaawm chhoh mek laiin nimin khan Baktawng khua ah ASF vangin Vawk thi 11 zet a awm leh a, heng zinga 8 te hi vawk note a ni thung. Bak-tawng khua ah hian ASF vangin Vawk 115 zet a ni tawh a, Serchhip District chhung khaw 35-ah ASF vanga Vawk thi chu 3887 a tling tawh bawk a ni. Serchhip District chhungah hian ASF vanga Vawk suat erawh a awm belh tawh rihloh thung a, hri lenna hmunaah Vawk 3040 suat ni tawhin hri lenna hmuna puan ni lo khaw dang ah Vawk thi 64 chhinchhiah a awm bawk a ni.

Damdawi In faina enfiah

Sawrkar laipui ruahmanna anga Mizoram District hrang hranga damdawi In fai thlanna, Kayakalp kalpui leh mekah nimin khan Ser-chhip District Hospital chu kumin atan rawn enfiah leh a ni a, he endik hna hi Lunglei damdawi In-a thawktu ten rawn neiin Serchhip damdawi In-a Ward hrang hrang leh building bakah room hrang hrang an enkawl dan te enfiah niin thawktute pawh zawhna te an zawt nghal bawk a ni. Damdawi In fai thlanna ah hian District hrang hranga thawktute inkalthelh in enfiah a ni a, Serchhip District chuan Siaha District Hospital an enfiah ve thung ang.

Mizoram pum huap Boxing inelna Serchhip-ah nei dawn

Mizoram State Boxing Championship 2021 chu tun thla ni 29 atang khian Serchhip-ah khelh a ni dawn a, hemi chungchang ngaihtuah hian nimin khan Serchhip-ah Organising Committee chu an thukhawm.

COVID-19 hri kai 570 leh dam 525 an awm belh

Niminpiah khan Mizoram-ah Sample 4298 enfiah leh niin heng atang hian hri kai 570 hmuh leh an ni a, Sample enfiah atanga za zela 13.26 te chuan hri an kai a ni.

Hnahthial-ah AVBD Branch thar hawn a ni

Nimin khan Hnahthial-ah Association for Voluntary Blood Donation (AVBD) Branch thar hawn a ni.

Minister hovin Agriculture Department hmalakna thlirho

Agriculture Minister C. Lalrinsanga hovin nimin khan a Pisa-ah Mizoram pum huapa Agriculture Department hnuaia hmasawnna hmalakna kalpui mek te thlirho a ni a. Mizoram-a Agriculture tih hmasawnna tura hmachhawp hrang hrang te pawh sawiho a ni bawk.

Mizoram-a Nauban vawn-a zirna hmun tur hawn a ni

Mizoram-a Nauban awmte vawnthata an chanchin zirna hmun tur, Mizoram Orchid Centre chu nimin khan Maubuang-ah Rural Development Department changtu Minister Lalruatkima chuan a hawng.

Mizoram Larsap in Mizoram Upa Pawl hruaitute Raj Bhavan-ah a kawm

Mizoram Governor Dr. Hari Babu Kambhampati chuan nimin khan Mizoram Upa Pawl (MUP) hruaitute chu Raj Bhavan-a lengah sawmin inkawmna an nei.

Lok Sabha MP in Project nawr kal kawngah theihtawp chhuah turin Mizoram Larsap a ngen

Mizoram Lok Sabha MP C. Lalrosanga chuan nimin khan Raj Bhavan-ah Mizoram Governor Dr. Hari Babu Kambhampati chu kawmin Sawrkar laipui atanga Gross Budgetary Support hnuaiah Project thenkhat hmanhmawhthlak te a awm avangin a nawr kal kawngah theihtawp chhuah turin Governor chu a ngen.

Chanchin thar thenkhat :

Raltlan tanpuina semchhuak

Vawk 4 thih belh leh

Nimin khan Serchhip District-ah African Swine Fever (ASF) vangin Vawk pali lai a thi leh a, heng Vawk thi te hi Baktawng leh Sialsir khua ah Vawk pahnih ve ve te an ni a, Baktawng ah hian Vawk 104 thi tawhin Sialsir khua ah hian Vawk 61 a thi tawh bawk a, Serchhip District-a ASF vanga Vawk thi zawng zawng chu 3876 an tling tawh a ni.

ISL-ah Mizo Footballer 26 inlan dawn

India rama Football League sang ber, Indian Super League (ISL) 2021-2022 Season chu tunkar Zirtawpni khian khelh tan a ni dawn a, Mizo Footballer 26 zet an tel dawn a ni.

Serchhip District atanga a hralhna hre sa-a Tomato tharchhuah theih dan tur sawihona neih a ni

Kuthnathawktu ten hralhna tur hre sa a thlai an chin theihna tura hmalak dan sawihona chu nimin khan Serchhip-a Horticulture Department buatsaihin neih a ni a, he hunah hian sawrkar lam hotute leh Serchhip District chhunga thlai chingtute bakah thlai hralhna lam buaipuitu Farm Cart aiawhte pawh an tel a ni.

Leilet neitute harsatna enpui

MJA Serchhip District Member te chuan nimin khan Agriculture Department hotute nen tunhnaia ruahsur nasa avanga Mat lui lian in Mat phai-a kuthnathawktute tana harsatna a thlen dan te a hmunah an tlawh.

Union Minister rawn zin dawn

Union Minister of State for Statistcs and Planning Rao Inderjit Singh chuan zan 4 riak turin Mzoram a rawn tlawh dawn a, a hun tam zawk chu Serchhip District-ah a hmang dawn a ni.

Hri kai thar 459 leh enkawl dam 254 awm belh

Niminpiah khan Mizoram-ah Sample 5174 enfiah leh niin heng atang hian COVID-19 hri kai 459 hmuh leh an ni a, Sample enfiah atanga za zela 8.87 te chuan hri an kai a ni.

Khawchhak tlangdung Eng pekna tur hawn a ni ta

P&E Department changtu Minister R. Lalzirliana chuan Serchhip Bukpui leh Khawzawl thlunzawmtu 132kV Line leh East Lungdar-a 132 kV Sub-Station te chu nimin khan East Lungdar-ah a hawng.

Governor in Central YMA hruaitute a kawm

Mizoram Larsap Dr. Hari Babu Kambhampati chuan Central YMA hruaitute chu nimin khan a chenna Raj Bhavan-a leng-ah sawmin YMA kalphung leh ram tana an rawngbawlna chungchang a sawipui.

State Boundary Committee thutkhawm neiin ramri-ah hmasawnna hnathawh chhunzawm a ni

Mizoram State Boundary Committee thutkhawm vawi 3-na chu nimin khan an Chairman, Deputy Chief Minister Tawnluia hovin neih a ni.

Chanchin thar thenkhat :

BaLA Anganwadi hawng Central Warehousing Corporation, Guwa-hati atanga Corporate Social Responsibility (CSR) kaltlanga ruahman Lunglei khawpui chhunga ‘BaLA Anganwadi Centre’ pahnih, Pukpui I & II Centre te chu nimin khan Lunglei District Bawrhsap Kulothungan A chuan a hawng a, naupan tet laia inzirtirna leh inkaihhruaina (early childhood education) a pawimawh thu sawiin, ‘BaLA Anganwadi Centre’ te chu khawtlang tana kawng hrang hranga hmasawnna thlentu anih ngei a beisei thu a sawi bawk. BALA (Building as Learning Aid) Anganwadi Centre’ hmalakna hnuaiah hian Anganwadi Centre thlanchhuah ah te naupangte zirna kawnga puitu (learning aid) hrang hrang ruahman sak niin a building-ah hian lemziak thiam ten naupang hriat tur leh an rilru kaihruai tur pawimawh hrang hrang an ziah chhuah bakah naupang infiamna leh furniture thar te ruahman niin Centre tinah thlai chinna hmun te siam a ni. Ruantlang-ah In pakhat chim Tunhnaia ruah sur nasa avanga leimin vangin nimin zing dar 7:30 vel kh

MSHCS chungchang sawifiah

Mizoram Health Care Scheme hnuaia kum bithliah zat chu Central Scheme Golden Card hmang, ABPM-JAY Scheme nena kalkawp tura ruahman thar a nih tak avangin kumin October ni 1 atanga March ni 31 thlaruk chhung atan kalpui lailawk a ni.

Khawpui chhung faina enfiah

Serchhip khawpui chhung faina kawnga hma-lakna atana UD&PA Department ruahman anga Serchhip Sub-Hqrs. YMA in Sawrkar hmun pawi-mawh hrang hrang- Damdawi In, School leh Office bakah Hotel te an endikna chu nimin khan zawhfel niin heng an endikna atang hian Ranking pawh siam nghal a ni bawk.

Ni 3 hnuah Vawk thi leh

Serchhip District-ah ni 3 chhung African Swine Fever (ASF) vanga Vawk thi chhinchhiah thar a awmloh hnuah nimin khan khaw pahnih ah Vawk thi pahnih a awm leh a, heng Vawk thi te hi Chhuanthar Tlangnuam leh Thentlang khua ah pakhat ve ve an ni a, Serchhip District-a ASF vanga Vawk thi chu 3872 a tling tawh a ni.

Hri kai mi 37 hmuh belh leh

Serchhip District-ah hri kai hmuh belh zel la niin hri kai enkawl dam pawh an pung ve zel.

Ruahsur vangin Leilet nei leh Thlai chingtute an buai

Tunhnaia ruahsur nasa avangin Serchhip Mat phai-a Leilet neitute leh Thlasik thlai chingtute chuan harsatna nasa tak an tawk.

Union Finance Minister hova Meeting-ah CM tel

Union Finance Minister Nirmala Sitharaman-i hovin niminpiah khan State hrang hrang leh Union Territory hruaitute chuan Virtual Meeting neiin Mizoram Chief Minister Zoramthanga pawh CM Office atangin a tel a, ei leh bara hmasawnna nawr kal tura pawimawh a tih leh Mizorama hmalak theih awmte a sawi a ni.

Inkhawmna a zai chungchang kaihhruaina siam

Mizoram sawrkar in COVID-19 hri leng avanga inkaihhruaina a hman mekah Sakhaw Biak In leh inkhawmna a zai leh zai loh chungchang ah State Level Expert Team on COVID-19 Management (SLETOCOM) recommendation-a tarlan te zawm tur a ni tih a tarlang.

Council of Minister thukhawm in Lunglei Municipal Council din tura rawtna an pawm

Chief Minister Zoramthanga hova Council of Minister thukhawm chuan Lunglei Municipal Council din tura rawtna lut chu pawm.

Journalism hi inkaihhruaina tha tak nei, mumal taka din chhoh leh hna zahawm tak a ni - I&PR Minister

Information & Public Relation Department Minister Lalruatkima chuan Journalism chu inkaihhruaina tha tak nei, mumal taka din chhoh leh hna zahawm tak a ni tih sawiin, Mediaperson leh Journalist te chu mipui beng an ni tih hre rengin, taima tak leh dikna nen hna thawk zel turin a chah.

Ram zau zawk-ah Hospital dah a tul

Ram zau zawk-ah Hospital dah a tul

Status Quo puan sut leh turin huntiam pe

JAC on Inner Line Reserved Forest Demand chuan Mizoram leh Assam ramri-a Status Quo vawng thaa ramri hrula hmalakna hrang hrang titawp tura thupek tihchhuah tawh chu sut turin Mizoram Chief Secretary Dr. Renu Sharma hnenah thutawp (Ultimatum) thehlutin, thupek sut a nih loh chuan a tawp thlenga dodal an tum thu an sawi.

Chanchin thar thenkhat :

Minister in lawmpuina hlan

Serchhip District-a NGO ten Serchhip DMS kawmin Hospital hmasawnna tur hrang hrang an sawipui

Serchhip District NGO Coordination Committee hruaitute chuan nimin, Nov. 15, 2021 chawhnu khan Serchhip District Medical Superintendent (DMS) mawhphurhna la mektu Dr. Lalnunhlima Khiangte chu a Pisa-ah hmuin Serchhip District Hospital inrelbawlna chungchangah an ngaih pawimawh hrang hrang an sawipui.

Serchhip District quota tipung

Pradhan Mantri Ujjwala Yojana (PMUY) hnuaia mi rethei ten a thlawna Gas Connection an hmuh theihna ah Serchhip District atanga mi 16 te tan chauh quota siam chu Serchhip District Consumers Association Secretary, Laldinpuia chuan Prime Minister Office-ah tihpun sak turin ngenna a thlen a, Serchhip District quota hi 47-ah tihpun sak a nih thu nimin khan IOC Ltd. atangin ziaka rawn hriattir a ni.

No Parking Area-ah puang

Serchhip District Superintendent of Police, Stephen Lalrinawma MPS chuan nimin khan thuchhuah siamin Serchhip Bazar Area (Sa zawrhna lane) chu kawngpui insuihfinna lai (junction) a nih bakah a kawng a tet avangin mipui leh lirthei, he kawng hmangtute leh helai-a dawr nei te him zawkna atan Sa zawrhna kawt, Electric ban atanga hmarlam Cooperative Society building kawt thleng, meter 57-a thui kawng chhaklam chu ‘No Parking Area’ atan a puang a. He thupek hi chhuah a nih atangin thu leh awm hma chuan hman tur a ni ang.

Hri kai 48 hmuh belh an ni

Nimin khan Serchhip District-ah COVID-19 hri kai mi 48 zet hmuh belh leh an ni a, hri kai te zingah mi 36 te enkawl dam an ni thung.

Keitum khua in Health Worker sawn tur dang

Health & Wellness Centre, Keitum-a Health Workers (M) thawklai RC. Laldailova s/o Lian-zuala (L) chu Bairabi-ah sawn niin nimin-a Joining Report pe tura a kal tur chu Keitum MSU te hmalakna in dan a ni.

Pathianni-ah hri kai 171 hmuh belh leh an ni

Pathianni khan Mizoram-ah Sample enfiah 1076 awmin hri kai mi 171 hmuh an ni a, Sample enfiah atanga za zela 15.90 te chuan COVID-19 hri an kai a ni.

Kumthar Budget Session-ah MLB Bill putluh tum

Human Resources Development (HRD) Board Vice Chairman L. Thangmawia MLA chuan harsatna dang a awm loh chuan kumthar Budget Session-ah Mizo Language Board (MLB) Bill putluh tum a ni tih a sawi.

Auro Scholar Programme hawnna neih a ni

Mizoram sawrkar-a School Education Department, Samagra Shiksha leh Sri Aurobindo Society ten thawhdunna Auro Scholar Programme leh Creation of Role Model School chu nimin khan School Education Secretary Dr. Lalzirmawia Chhangte chuan a hawng.

Zirlai pawl kan nih angin Zirna kan ngai pawimawh ber ang - President, MZP General Hqrs.

Mizo Zirlai Pawl (MZP) General Hqrs. hruaitu kalchhuak tur leh hruaitu thar te chuan nimin khan mawhphurhna inhlanin MZP President thar Lalnunmawia chuan, “MZP term tharah chuan Zirlai pawl kan nih angin Zirna kan ngaipawimawh ber ang,” a ti.

Santosh Trophy khel turin Serchhip mi

India ram State hrang hrangte Football-a inelna sang, Santosh Trophy khel turah Mizoram aiawh turin Serchhip mi pahnih koh an ni.

Professional Boxing-ah Serchhip tlangval

Serchhip Boxer Vanlalringa chuan Professional Boxing a luhchilh dawn a, tun thla ni 21 khian a vawikhatnaa atan a inhnek nghal ang.

Hri kai 92.49% dam tawh

Serchhip District-a COVID-19 hri kai hmuh tawh atanga za zela 92.49 te chu enkawl dam an ni tawh.

Chanchin thar thenkhat :

Chief Secretary in tlawh

A ni zawnin Vawk thi awmlo

Serchhip-a AH&Vety Department in an chhinchhiah danin Inrinni leh nimin, Pathianni ah te khan Serchhip District-a ASF vanga Vawk thi an awm belh lova, Serchhip District-a ASF vanga Vawk thi a awm hnua a ni zawn-a ASF vanga Vawk thi an awmloh hmasak ber nia hriat a ni bawk. Heti hian nimin thlenga Serchhip District-a ASF hri lenna khaw 35-a ASF vanga Vawk thi chu 3870 a tling tawh a, Vawk 3040 suat ni tawh bawk a ni.

Serchhip-ah Naupangte Ni pualin hun hmang

Nimin November 14, 2021 kha India Prime Minister hmasa ber, Jawaharlal Nehru pian-champha vawi 132-na a ni a, rampumah 'Naupangte ni' atan hman a ni.

Inrinni-ah COVID-19 hri kai hmuhchhuah tlahniam

Inrinni khan Mizoram-ah COVID-19 hri kai mi 387 hmuhchhuah an ni leh a, hri kai hmuhchhuah hi tlem deuh mah se Sample enfiah 3029 aatanga chhut chuan za zela 12.78 zetin hri an la kai thung a ni.

Nakum February-ah ASF laka fihlim theih beisei

AH&Vety Department chuan Mizoram-a Vawk hri leng mek, African Swine Fever (ASF) lakah nakum February thla ah chuan fihlim an beisei tih an sawi.

MSHCS hnuaia inenkawlna senso nuai 2 thleng bill let phalsak turin sawrkar phut

Zo People’s Movement (ZPM) Legislature Party chuan Mizoram State Health Care Scheme (MSHCS) hnuaia inziaklut mekte tan an inenkawlna senso cheng nuai 2 thlenga Bill let phalsak turin sawrkar an phut tih an sawi.

Lal Thanhawla’n chawlh a tum tawh thu a sawi

Mizoram Pradesh Congress Committee (MPCC) President leh Chief Minister tum 5 lo ni tawh, Lal Thanhawla chuan chawlh a tum tawh tih a sawi.

Kum 2016 atanga 2020 chhung-n Mizoram-ah Cancer vanga nunna chan mi 4638 an awm

Mizoram Population Based-Cancer Registry (PB-CR)-in a chhinchhiah danin, kum 2016 atanga kum 2020 (kum li) chhung khan Mizoram-ah Cancer vanga thi mi 4638 an awm a. Kum 2019 atang khan kum khat-ah Cancer vanga thi hi mi sang khat aiin an tam a ni.

Serchhip District-ah hri kai 91.47% an dam tawh

Serchhip District-ah COVID-19 hri kai te zingah za zela 91.47 te chu enkawl dam an ni tawh.

Pneumonia vanga thihna titlem tura hmalakna Programme Serchhip-ah a hawnna neih a ni

Image
Naupang kum 5 hnuailam zinga Pneumonia vanga thihna ti tlem tura beihpui thlakna programme, Social Awareness and Actions to Neutralize Pneumonia Successfully (SAANS) chu nimin khan Mizoram hmun hrang hrangah hawnna neiin Serchhip-ah pawh he Programme hi hawngin AHSH te hmalak dan tur inhrilhfiahna neih nghal a ni.

Sialsir-ah Vawk thi leh

Serchhip District chhunga Sialsir khua ah nimin khan African Swine Fever (ASF) vangin Vawk pakhat a thih belh leh a, heti hian Sialsir khua ah hian ASF vangin Vawk 59 a thi tawh a, Vawk 2 suat a ni tawh bawk a ni. Nimin-a ASF vanga Vawk thi nen hian Serchhip District pumah ASF vangin Vawk 3870 a thi tawh a ni.

YMA in thisen Unit 25 pe

Serchhip Vengchung Branch YMA te chuan nimin khan Serchhip Blood Bank-a dah turin Thisen Unit 15 an pe a, thisen petute hi Mipa 22 leh Hmeichhia 3 te niin heng mi tlawmngai te hi Blood Bank-ah kalin thisen hi an pe a ni.

UPC (Mz) District rorelna nei

UPC (Mizoram) Serchhip District Inkhawmpui Rorel chu nimin khan Zoar Kohhran Biak In, New Serchhip-ah neih a ni.

Serchhip District-a zirna in 141-ah NAS neih a ni

Zirna lama India ram dinhmun dik tak tar-lanna ni thei tura ngaih National Achievement Survey (NAS) chu nimin khan ramchhung hmun-dangte rualin Serchhip District-ah pawh neih a ni.

Serchhip District-a a hmasa ber ni turin N. Vanlaiphai-ah Plastic Bottle siamna hawn a ni

Image
Mizoram State Rural Livelihoods Mission (MzSRLM) East Lungdar Block Mission Management Unit (BMMU) hmalaknaa North Vanlaiphai-a Women Seven Star Self-Help Group (SHG) ten Plastic Bottle siamchhuahna tur, Women Seven Star Bottle Manufacturing Plant chu nimin khan hman theih tura hawn a ni.

Chanchin thar thenkhat :

Lui hman tangkai dan tur sawiho

COVID-19 hri kai hmuhchhuah la pung zel

Niminpiah khan Mizoram-ah Sample 4426 enfiah leh niin heng atang hian COVID-19 hri kai mi 631 zet hmuhchhuah leh an ni a, Sample enfiah atanga za zela 14.26 te chuan hri an kai a ni.

Hri leng mekah Mizoram dinhmun ala himlo tih sawi

COVID-19 hri leng mekah Mizoram District tin te chu Warning Level sang ber, Warning Level 4-ah la awmin kumin chhung zawng ‘All mask Campaign’ kalpui chhunzawm tura ruahman a ni.

P&E Minister in zirlai titha lawmpuina hmanpui

P&E Department changtu Minister R. Lalzirliana chuan zirna In tha tak din chhoh a nih mek laiin zirlaite hian thiamna tak tak an pawchhuak em tih chu zawhna lian tak nia a hriat thu a sawi.

PUC ah Broadband Seismic Station hawng

Lirnghing chungchang zirchianna atana khawl pawimawh tak Broadband Seismic Station Mizoram-a bun tur zinga pakhat, Pachhunga University College ami chu nimin khan Chief Minister Zoramthanga chuan a hawng.

Health Minister hovin ‘World Pneumonia Day’ hmang

Health Minister Dr. R. Lalthangliana chuan nimin khan Aizawl-a ‘World Pneumonia Day’ puala inkhawm hmanpuiin ‘Social Awareness and Action to Neutralize Pneumonia Successfully’ (SAANS) chu a hawng nghal bawk.

Khuangthing-ah Rul chu vang in mi pakhat boral

Niminpiah khan Champhai District chhung Khuangthing khua a Hmunsiami (64) chu an Lo-ah thi a hmuh niin Rul chuk vanga thi nia rin a ni.

DLSA in Village Level Services Camp nei mek

Serchhip District Legal Services Authority (DLSA) buatsaihin Pan-India Awareness and Outreach Campaign hnuaiah Serchhip District chhunga khaw hrang hrangah Village Level Services Camp neih chhoh mek a ni.

ASF vangin Vawk 6 thi leh

Vawk hri leng mek African Swine Fever (ASF) vangin nimin khan Serchhip District-ah Vawk 6 lai a thih belh leh a, tunhnaiah ni khat a Vawk thi an tam ber tum nia hriat a ni.

Chanchin thar thenkhat :

Flyover leh Terminus sawiho

State Board for Wildlife thutkhawm neih a ni

State Board for Wildlife thutkhawm vawi 9-na chu nimin khan Chief Minister Zoramthanga hovin CM Conference Hall-ah neih a ni.

Aizawl-ah Rubber Development Board Office hawng

Land Resources, Soil & Water Conservation Department changtu Minister R. Lalzirliana chuan nimin khan Aizawl-ah Rubber Board of India-in Rubber Development Board Office an rawn nghah chu a hawng.

Kanghmun South khua ah YMA in tanpuina hlan

Tunhnaiah COVID-19 hri leng avanga har-satna tawk, Serchhip District chhunga Kanghmun South khua chu niminpiah khan Serchhip Sub-Hqrs. YMA chuan tlawhin a tul anga hman turin Buhfai bag 2, Dal bag khat leh Tel litre 12 bakah pawisafai Rs. 5000/- an hlan a, heng tanpuina te hi Serchhip Sub-Hqrs. YMA hruaitute leh Van-tawng Group YMA hruaitu ten an khua ah kalin an hlan a ni.

Kumin ah Zorin Bean quintal 50 vel thar beisei mek

Agricultural Technology Management Agency (ATMA) Serchhip District chuan kumin hian Serchhip District atangin Zorin Bean kg. 5000 (quintal 50) vel thar an beisei tih an sawi.

Hri kai hmuh pung leh hret

Nimin khan Serchhip District-ah COVID-19 hri kai hmuhchhuah pung leh hretin hri kai mi 51 zet hmuhchhuah leh an ni.

Inclusive Education chungchang zirhona nei; Serchhip District-ah CWSN 164 an awm mek

SAMAGRA Shiksha Serchhip District buatsaih zirna In-a thawktute leh zirlai nu leh pa te tan Huapzo zirna, Inclusive Education chungchang zirhona chu nimin khan neih tan niin Vawiin hian chhunzawma zawhfel a ni ang.

LPS Fight Night 2 khuh hawnna nei

LPS Fight Night 2 chu November 27, 2021 khian Dawrpui Multipurpose Hall, Aizawl-ah neih a ni dawn a, NT. Lalbiakkima chuan Mizoram leilungah professional boxing a khel dawn a ni.

Ni khat-a hri kai hmuh tlahniam hlei thei lo

Mizoram-ah ni khat-a COVID-19 hri kai hmuhchhuah zat chu a tlahniam chak thei meuh rihlo niin a lang a. Niminpiah khan Mizoram ah 4780 enfiah niin heng atang hian hri kai mi 531 hmuhchhuah niin Sample enfiah atanga za zela 11.11 te chuan hri an kai a ni.

Kum 18 chunglam 79% ten vaccine la tawh

India rampum-ah COVID-19 Vaccine la thei kum 18 chunglam zinga 79% in vaccine Dose 1-na an la tawh.

Larsap in Mizoram sawrkar hmalakna a tarlang

Nimin khan New Delhi-ah Rashtrapati Bhavan-ah ‘Governors & Lt. Governors' Conference 2021’ chu neih a ni a, Mizoram atangin Governor Hari Babu Kambhampati chu telin Mizoram Sawrkar hmalakna hrang hrangte kimchang takin a tarlang.

Mizoram-ah COVID-19 Vaccine la thei zinga za zela 90 te Vaccine Dose 1-na pek an ni tawh

Kumin January 16-a rampum-a COVID-19 vaccine pek hna kalpui a nih atangin Mizoram-ah Vaccine la thei atanga chhutin za zela 90 te chu Vaccine pek an ni tawh a, vaccine lak zawh hlima harsatna tawk AEFI (Adverse Events Following Immunization) 1561 awm tawhin an zinga 1558 te chu buaipui zui ngailo an ni.

Ramri-a kawng laitu Field lai tura pawhpen a ni

Mizoram leh Assam ramri hnai, Vairengte dai Aitlang-a kawng lai tura tih JCB pakhat chu hun engemaw chen a chin hriat lova a awm hnuah Vairengte Field laihna hmunah hmuh a ni.

Serchhip District-ah zirna In 113 te hawng tawhin heng zinga 20 te khar leh an ni

Image
COVID-19 hri leng laka himna tura inkaihhruaina siam hnuaiah Serchhip District-a zirna In 113 te chu SOP zawm chunga hawn ni tawhin hri leng avangin zirna In 20 te chu khar a ni leh tawh.

MUP In sak hna thawk tan

Mizoram Upa Pawl (MUP) Serchhip Vengchung Branch te chuan bialtu MLA, Lalduhoma’n MLA Fund cheng nuai 4 a pek hmangin nimin atang khan Health Department ram an hman hawh ah MUP In sak hna hnatlang in an thawk tan.

Vawk 3863 zet thi tawh

AH&Vety Department chhinchhiah danin nimin khan Serchhip District-ah African Swine Fever (ASF) vanga Vawk thi a awm belh lova, Serchhip District-a ASF hri lenna khaw 35-a ASF vanga Vawk thi tawh zawng zawng chu 3863 niin Vawk 3040 suat a ni tawh bawk a ni. Ser-chhip Town huamchhungah ASF vang hian Vawk 1477 zet thi tawhin Serchhip Town Area pawn lama Vawk thi tamna ber Thenzawl-ah 921 a thi tawh bawk a, Vawk za aia tam thihna khaw pali a awm bawk a ni.

Hri kai 4600 aiin tam ta

Serchhip District-a COVID-19 hri kai hmuh tawh chu nimin tlai thleng khan mi 4600 aiin an tam tawh.

CSC tan training buatsaih

Serchhip District-a Common Service Centre (CSC) , Village Level Entrepreneur te tan Revenue Department hnuaia Directorate of Stamps and Registration a thawktute chuan nimin khan Serchhip-ah ‘Computerization of Registration’ chungchang training an buatsaih.

Chanchin thar thenkhat :

PAHOSS hmalakna thlirho

Chuap leh Kal lam enkawlna hmun tur bik hawn a ni

Civil Hospital Aizawl OPD building chhawng chunga bera siam Kal lam enna leh Chuap lam bik enna hmun chu nimin khan Health & Family Welfare Board Vice Chairman Dr. ZR. Thiamsanga MLA chuan a hawng.

HRD Board leh MITS thawhdunna tur ziakfel

Mizoram sawrkar-a Human Resource Development Board leh Mizoram Information Technology Society (MITS) te chuan nimin khan thawhdunna tur thuthlung an ziak.

Health Minister hovin District hrang hrang ten hri leng dona chungchang an sawiho

Health Minister Dr. R. Lalthangliana hovin nimin khan District tina Deputy Commissioner te, Chief Medical Officer (CMO) te leh District Information & Public Relations Officer (DIPRO) te chuan All Mask Campaign kalpui mek chungchang leh COVID-19 dinhmun sawihona neih a ni.

SVEEP Core Committee thutkhawm neih a ni

Electoral Roll Summary Revision atana beihpui thlak mek chunchanga chak zawk hmalak dan tur chungchang ngaihtuahin nimin khan State Level SVEEP Core Committee thutkhawm neih a ni.

COVID-19 hri kai enkawl dam tawh te fimkhur taka inenkawl chhunzawm turin chah

Zoram Medical College (ZMC) COVID Task Force-a Nodal Officer, Dr. PC. Lalramenga chuan COVID-19 hri kai te an negative hnuah virus hnathawh vanga natna hrang hrang an la neih theih avangin thla engemaw zat chhung chu fimkhur taka an inenkawl a ngai tih sawiin, hemi chungchangah hian zirchianna a kal mek thu a sawi bawk.

MUP ten Serchhip-ah Social Welfare & Tribal Affairs Department-a thawktu dah an phut

Mizoram Upa Pawl (MUP) Serchhip District chuan Tar Chawmna an dawn thin ah harsatna an tawh avangin hemi buaipuitu tur hi Social Welfare Department hnuaiah sawrkar in thawktu pakhat tal Serchhip-ah dah se an duh tih an sawi.  MUP Serchhip District te hi nimin khan Serchhip Bazar-a MUP Office-ah an President, CL. Ramngaia kaihhruaia thukhawmin National Social Assistance Programme (NSAP) hnuaia Indira Gandhi National Old Age Pension Scheme atanga tanpuina, Tar Chawmna tia hriat an dawn thin chungchang hi an sawiho a. Thutkhawm an neih zawh hnua LENKAWL zawhna chhangin MUP Serchhip District President, CL. Ramngaia chuan Social Welfare Department kaltlanga Tar Chawmna an dawn thin chu sawrkar in Social Welfare Department chu Department pahnih-ah a then hnuah Serchhip-a awm ICDS chuan Tar Chawmna chungchang hi an khawih zui loh thu leh Social Welfare & Tribal Affairs Lunglei-a District Social Welfare Officer hnuaiah Serchhip District chu dah a ni ta tih a sawi a. A tir lamah hian MR pa

Ration Buhfai sem leh mek

Supply Department chuan mipuite hnenah November thla atan Ration buhfai a semchhuak leh mek a, hri leng avangin AAY leh PHH Card neite tan mi pakhat ah buhfai kg. 5 zel a thlawna sem leh tur niin hei hi tuna ruahman chinah a thlawna buhfai sem tawpna tur a ni ang.

Serchhip damdawi In-a naute boral sawifiah

 PRESS RELEASE

Mizoram Lok Sabha MP kaihhruaina in Serchhip-ah DISHA thutkhawm neih a ni

Sawrkar kum kal meka Sawrkar laipui sum hmanga Serchhip District-a hmasawnna hnathawh hrang hrang dinhmun thlirin nimin khan Serchhip District Development Co-ordination & Monitoring Committee (DDCMC/DISHA) thutkhawm chu neih a ni.

ASF vangin Vawk 3 thi leh

Serchhip District-a African Swine Fever (ASF) hri leng chuan ziaawm lam pan tawh viau mah se Vawk thi ala awm belh ve deuh reng a, nimin pawh khan Sialsir khua ah Vawk thi pathum lai awm belh lehin Sialsir khua ah hian Vawk 55 lai a thi tawh a, Serchhip District-a ASF vanga Vawk thi pawh 3863 a tling tawh bawk a ni.

Serchhip District-ah Hri kai enkawllai za li aiin tlem tawh

Serchhip District-ah COVID-19 hri kai en kawl dam awm belh zelin nimin tlai thleng khan hri kai enkawllai pawh mi za li aiin an tlem tawh.

Chhiahtlang-ah 4C-a hri kai enkawl an tlahniam zel

Chhiahtlang Joint VLTF hruaitute chuan an huamchhunga COVID-19 hri kai hmuhchhuah in ziaawm lam a pan zel thu sawiin, 4C-a hri kai enkawl pawh an tlahniam ve zel tih an sawi.

Chanchin thar thenkhat :

CM in Governor hmu

Hri kai 730 hmuh belh leh

Thawhtanni khan Mizoram-ah Sample enfiah pung leh hretin 6609 enfiah a ni a, heng atang hian COVID-19 hri kai mi 730 hmuhchhuah leh niin Sample enfiah atanga za zela 11.04 te chuan hri an kai a ni.

Health Minister in ZMC-a thawktute a kawm

Health Minister Dr. R. Lalthangliana chuan Zoram Medical College (ZMC)-a Academic Department hrang hranga thawk Faculty Member te chu nimin khan SAD Conference Hall-ah a kawm.

BJP Mizoram hruaitu ten Governor hnenah thlen

BJP Mizoram Pradesh hruaitute chuan nimin khan Mizoram Governor hmuin Mizoram in mipui sawrkar dik tak an mamawh thu leh Prime Minister Scheme hrang hrangte a hmu tur dik takin an hmuh theihna tura tan lakpui turin an ngen.

Lalbiakthanga Pachuau hnenah Padma Shir hlan

Mizoram atanga Padma Shri Award (Literature & Education) dawng tura thlan Lalbiakthanga Pachuau (95), Editor Zoram Tlangau chuan nimin khan India President Ram Nath Kovind hnen atangin Padma Shri hi a dawng.

Sum lakluh leh thil neih inphulo leh sawrkar bungrua diklo taka hmanga puhna thubuaiah CM thiam chantir a ni

MNF President leh Chief Minister Zoramthanga chu a sum lakluhleh a thil neih inphulo leh Sihphir ram Aii Puk-a a huan-a sawrkar bungrua diklo taka hmanga puhna thubuai ah nimin khan Special Court (Prevention of Corruption Act) chuan thutlukna puangin thubuai pakhat ah thiam chantirin pakhat-ah a chhuah zalen thung.

A thlawnin Gas connection pe

Sawrkar laipui Scheme, Pradhan Mantri Ujjwala Yojana 2.0 kaltlangin Serchhip District chhung khaw hrang hranga BPL Hmeichhia leh Hmeithai mi 37 te hnenah a thlawnin Gas connection pek a ni.

Restricted Area nihna hlip

New Serchhip North VC huamchhung-ah COVID-19 hri kai hmuhchhuah an pun avanga hri darh zel tur venna atana Serchhip District Bawrhsap in Oct. 21, 2021 atanga New Serchhip Kudam Kawn atanga hmarlam, Sihphir thleng Restricted Area-a a puanna chu hri kai hmuhchhuah a ziaawm tak avangin nimin tlai dar 5:00 atang khan Restricted Area-a puanna hi hlih a ni.

Hri kai thar 43 leh dam 105

Nimin khan Serchhip District-ah COVID-19 hri kai mi 43 hmuhchhuah belh leh awmin mi 105 lai enkawl dam an awm a, hri kai zingah mi pakhat a boral thung.

ASF vangin Vawk 4 thi leh

Nimin khan Serchhip District-ah African Swine Fever (ASF) vangin Vawk thi pali lai a awm belh leh a, heng te hi Baktawng leh Sialsir khua ah pahnih ve ve niin an zinga pathum te hi Vawk note an ni a, Baktawng-ah Vawk 100 leh Sialsir-ah 52 a thi tawh a ni. Heti hian Serchhip District a ASF vanga Vawk thi chu 3860 ni tawhin nimin ah Vawk suat a awm belh lo thung.

Kumin ah Malaria hrik pai hmuhchhuah pung nasa

Kumin January thla atanga September thla tawp thleng khan Serchhip District-ah mi 24,262 te thisen enfiah atangin Malaria hri kai mi 42 hmuhchhuah an ni a, Malaria vanga thi mi 2 an awm bawk.

Chanchin thar thenkhat :

CS in Governor a hmu

Hri kai hmuhchhuah zinga za zela 95.57 dam tawh

Pathianni khan Mizoram-ah Sample 1098 enfiah niin COVID-19 hri kai mi 139 hmuh an ni a, Sample enfiah atanga za zela 12.66 te chuan hri an kai a, nimin khan hri kai mi 371 enkawl dam awm belh lehin Mizoram-a hri kai zingah za zela 95.57 te enkawl dam an ni tawh a ni.

MNF in Chhung Inkhawm an nei leh tan

MNF Party chuan Covid hripui avanga kum khat leh thla 10 zet Chhung Inkhawm an neih tawh loh hnuah nimin khan Aizawl-a Mizo Hnam Run-ah Chhung Inkhawm an nei leh tan ta.

Tlabung khaw kum 150 tlin lawmna neih a ni

Tlabung khua in kum 150 a tlin lawmna chu nimin khan Tlangliana Mual, Tlabung-ah neih a ni a, he hun hi Assembly Speaker Lalrinliana Sailo chuan hmanpuiin hemi puala Souvenir (lehkhabu) an buatsaih chu a tlangzarh nghal bawk.

Serchhip District-ah hri kai enkawllai tlahniam zel

Serchhip District-ah COVID-19 hri kai en-kawllai an tlem ve zel a, nimin tlai thleng khan hri kai enkawllai mi 494 an la awm.

SAY ten thisen Unit 24 pe

Salvation Army thalai pawl, Salvation Army Youth (SAY) Serchhip Area te chuan Serchhip Blood Bank-a dah turin Inrinni khan thisen Unit 24 an pe a, thisen petute hi mipa 16 leh hmei-chhia 8 te an ni. SAY Serchhip Area-ah hian Serchhip CO Bial, Thenzawl CO bial leh Chhiah-tlang Corps te awmin thisen an pek hma hian Serchhip-a Sr. Capt. Lalkaithanga Hall-ah hun hman phawt a ni a, hemi hnu hian Blood Bank-ah kalin thisen hi an pe a ni.

Vawk thi awm belh leh; Bazar-ah Vawk sa zuarchhuak

Serchhip District-ah African Swine Fever (ASF) vanga Vawk thi tlem tawh viau mah se hri vanga Vawk thi chu a la awm chho zel.

Thla ruk chhungin Thisen Unit 11,770 pein Serchhip-ah a thlawna thisen pek 90.26% a ni

Sawrkar kum kal meka kum chanve, April - September, 2021 chhung khan Mizoram-ah damlo te tan thisen Unit 11,770 pek a ni a, heng zinga Unit 10,288 te chu a thlawna pek (Voluntary Donation) niin hei hi thisen pek zawng zawng atanga chhutin zaa 87.41 a ni.
Kawng siamtha turin hrilh

Aizawl atanga AR te chhuah hun tur la hrelo

Assam Rifles-ten Aizawl khawpui laili an chhuahsan hun tur Revenue Separtment-in la hre lovin Aizawl hmun laili a Assam Rifles-te chhuahsan tur hmunah LSC nei mi 54 an awm a, chung zinga mi pasarih chuan an LSC sawrkar-ah an surrender tawh.

Mizoram-ah hri kai hmuh tlahniam hret hret

Mizoram-ah ni khat-a COVID-19 hri kai hmuhchhuah zat a tlahniam ve hret hret zel a, Inrinni khan Sample 4069 enfiah niin heng te atang hian hri kai mi 453 hmuhchhuah niin Sample enfiah atanga za zela 11.13 te chuan hri an kai a ni.

Supreme Court Judge in Mizoram a rawn tlawh

Supreme Court Judge leh National Legal Services Authority (NALSA) Executive Chairman ni bawk Justice Uday Umesh Lalit chuan Zirtawpni khan zankhat riak turin Aizawl a rawn thleng a, Reiek khua leh Rawpuichhip khua te a tlawh.

ASF vanga Vawk thi awm loh ni awm ve leh tawh

Kumin March 21-a Mizoram-a Vawk natna, African Swine Fever (ASF) hri leng hmuh a nih atanga a vawikhatna atan Zirtawpni khan Mizoram-ah ASF vanga Vawk thi a awm lo.

Mizoram-ah nikum chhungin nau piang leh thi zingah Hmeichhia aiin Mipa an tam zawk

Nikum 2020 chhung khan Mizoram-a nau piang zingah mipa an tam zawk a, hemi chhung hian Mizoram-a thi zingah pawh mipa an tam zawk bawk.

Rubber chin dan zirhona nei

Agriculture Department hnuaia Agricultural Technology Management Agency (ATMA) bultumin nimin khan Serchhip Zawlpui Phai-a Lalchhuangliana Rubber huan-ah Rubber chin leh hnai dan bakah hnai tawh hnua sawngbawl dan zirhona neih a ni a, he hunah hian ATMA a mithiam ten zirtirna hrang hrang an pe a ni.

Tuialhthei man hniam leh

Tunhnaiah Chhiah lak tihhniam a nih avanga rampuma Tuialhthei man a hniam rualin Serchhip ah pawh nimin thleng khan tuialhthei man ala tlahniam zel a, nimin khan Serchhip-ah chuan Petrol hi litre khat Rs. 95.29 niin XP chu Rs. 98.69 a ni thung a, Diesel pawh litre khat man Rs. 80.26 a ni tawh a ni.

Hri kai thar 26; dam 56

Nimin khan Serchhip District-ah COVID-19 hri kai mi 26 hmuh belh niin hri kai zingah mi 56 enkawl dam an ni thung.

YMA in buhfai khul sak dawn

Serchhip District chhunga Keitum Branch YMA te chuan an huamchhunga AAY leh BLP chhungkua bakah APL thenkhat ten November thlaa Ration buhfai an khulna tur an tum sak dawn tih an sawi.

Thenzawl khaw tuilakna hna thawh mek enfiah

PHE Department in Thenzawl chawmna atana Tui lak hna an thawh meka Tui dahkhawlna tur Tuizem lian pahnih siam mek chu nimin khan Vantawng Group YMA Vigilance & Monitoring Committee leh Thenzawl Joint YMA hruaitute chuan a hmunah tlawhin an enfiah.

RD Department hi thingtlang mi ten leirem an rah theih nana hmalatu a ni - RD Minister

Rural Development Department changtu Minister Lalruatkima chuan RD Department chu Department pawimawh tak pakhat, thingtlang miten leirem an rah theih nana hmalatu a ni tih a sawi.

Serchhip-ah Police leh END-a thawk ten ND&PS Act leh MLP Act chungchang an zir

Serchhip District Legal Services Authority buatsaihin nimin khan Serchhip-ah Police leh Excise & Narcotics Department-a thawkute tan ND&PS leh MLP Act chungchangah Legal Awareness Campaign neih niin kum 5 chhungin Serchhip Police ten ND&PS Act hnuaiah thubuai 40 an ziaklut tawh tih tarlan a ni.

Hri kai 508 hmuh belh niin mi 412 dam belh

Niminpiah khan Mizoram-ah Sample 3581 enfiah leh niin heng atang hian COVID-19 hri kai mi 508 hmuhchhuah an ni a, hri kai hmuh hi tlem deuh mah se Sample enfiah atanga chhut chuan za zela 14.18 zet ten hri hi an kai a ni.

Chanchin thar thenkhat :

MLA thar lakluhna neih a ni

Ram lak tur zau zawng a diklo tih sawi

Lai Autonomous District Council (LADC)-a Chief Executive Member V. Zirsanga chuan Kaladan Multi Modal Transit Transport Project (KMMTTP) hnuaia kawngpui sial in ram a tihchhiat, zangnadawmna lak tum te ram zau zawng thehdarh chu belhchiandawllo a nih thu a sawi.

Air Baloon hman tangkai theih dan tur sawidun

Aizawl leh a chhehvel awlsam zawka inkalhpawh theihna tura Air Balloon hman chungchang chu nimin khan Aizawl Mayor Lalrinenga Sailo leh Dr. Prahlada Ramarao (Padma Shri Awardee 2015), Pro-Chancellor & Director, Center for Energy Research te chuan an sawidun.

Tuirial bial bye-election a MNF MLA candidate tlin lawmna leh lawmthu sawina neih a ni

MNF General Hqrs. huaihawtin nimin khan Aizawl Vanapa Hall-ah Tuirial bial bye-election a MNF MLA Candidate tlin lawmna leh lawmthu sawina hun hman a ni.

Mizoram State Disaster Management Plan tlangzarh

Disaster Management & Rehabilitation Department changtu Minister Lalchamliana chuan nimin khan ‘Mizoram State Disaster Management Plan 2021’ leh ‘Kolasib District Harzard Vulnerability Analysis’ lehkhabu a tlangzarh.

Lunglei-ah RT-PCR bun tur sawihona nei

Thorang bialtu MLA Zodintluanga’n Lunglei District tana RT-PCR khawl a pek chu Makeshift Laboratory siam mekah hman a ni dawn.

Hri kai 32 hmuh belh leh

Nimin khan Serchhip District-ah COVID-19 hri kai mi 32 hmuh belh niin mi 76 enkawl dam an ni a, Serchhip District-a hri kai zingah mi 13 lai an boral tawh thung.

Mizoram-ah hri kai hmuhchhuah tlahniam hret

Mizoram-ah COVID-19 hri kai hmuhchhuah tlahniam ve zelin niminpiah khan Sample 5168 enfiah niin heng te atang hian COVID-19 hri kai mi 526 hmuh leh an ni.

Serchhip Sub-Hqrs. YMA in Thentlang an tanpui

Tunhnaia COVID-19 hri kai engemaw zat hmuna Thentlang khua chu nimin khan Serchhip Sub-Hqrs. YMA hruaitu ten tlawhin 4C-a hman turin pawisafai leh thildangte an hlan.

ASF vangin Vawk pakhat thi

Serchhip District-a African Swine Fever (ASF) hri leng mek chuan ziaawm lam a pan ve zel niin a lang a, nimin khan Khawlailung khua ah ASF vang hian Vawk pakhat thi ve lehin hei nen hian Serchhip District-a ASF vanga Vawk thi chu 3854 a tling ta a, Khawlailung bikah hian Vawk 45 a thi tawh bawk a ni.

Khawpui fai inelna atan inbuatsaih mek zel

Mizoram khawpui fai thlanna neih tur atana inbuatsaihna kal zelah nimin khan Serchhip-a VC thenkhat te chuan Faina hnatlang neiin an huamchhung thenfai hna an thawk a, VC thenkhat chuan hri leng avanga khawtlang huap hnatlang nei lovin mipuite sum thawhkhawm hmangin an huamchhung thenfai hna hi hlawhfa nen an thawk bawk a ni.

Halpuah leh halmawi khap

Serchhip District Magistrate chuan halpuah leh halmawi chi hrang hrang zawrh leh hman khapna thupek a tichhuak.

Chanchin thar thenkhat :

Aizawl-ah DC hovin sawiho

Vawk hri leng Calamity-ah puang thei dawnlo

Mizoram sawrkar chuan COVID-19 hripui leng avangin Vawk hri leng, African Swine Fever (ASF) chu nunphung tikhaihlaka chhiatna thleng (calamity)-ah a puang thei dawn lo.

MSSC Sports Complex tihchangtlun dan tur en ho

Nimin zing khan Sports Minister Robert Romawia Royte hovin Mizoram State Sports Council (MSSC) hruaitute chuan Aizawl Republic Veng-a MSSC Sports Complex chu an tlawh.

MZP hruaitu thlanna nei

Mizo Zirlai Pawl (MZP) chuan nimin khan Aizawl Vanapa Hall-ah Assembly vawi 65-na neiin hruaitu thlanna an nei.

Lunglei Sub-Hqrs. YMA leh NGO ten Vawiin thleng sawrkar an ngaichang dawn

Lunglei Sub-Hqrs. YMA leh NGO hrang hrang kalkhawm chuan Chhimbial mipui te tana RT-PCR khawl bun chungchangah Vawiin, Nov. 5, 2021 thlenga sawrkar atanga thu an hmulo anih chuan Total Bandh hmanga lungawilohna lantir an tum tih an sawi.

Sawrkar in Petrol leh Diesel-a Chhiah lak tihniamin Mizoram-ah tuialhthei man tihhniam a ni

Sawrkar laipui in Petrol leh Diesel atanga Chhiah a lak thin a tihhniam avang leh Mizoram sawrkar in hemi-a Value Added Tax (VAT) a lak a tihhniam ve avangin Mizoram-ah tuialhthei man tihtlawm a ni a, Serchhip-ah pawh nimin khan tuialhthei man hi tihhniam nghal a ni.

Hri kai 34 hmuh belh leh

Nimin khan Serchhip District-ah COVID-19 hri kai mi 34 hmuhchhuah belh niin mi 19 te enkawl dam an ni.

Cricket-ah Serchhip District te an chak zo ta lo

Cricket Association of Mizoram (CAM) in an buatsaih President's Cup 2021-ah Serchhip District aiawha kal te chu an match hmasa berah chak zo lovin an tla.

Vawk thi awm belh lo

Serchhip District chhunga ASF hri lenna a puan tawh khaw 35-ah nimin khan Vawk thi a awm belh lova, ASF vang hian Serchhip District-ah Vawk 3853 thi tawhin Vawk 3040 suat a ni tawh bawk a ni.

Zirlai ten thisen pe

Govt. Serchhip College NSS Unit leh Red Ribbon Club te chuan nimin khan Serchhip Blood Bank-a dah turin thisen Unit 10 an pe a, thisen petute hi mipa 6 leh hmeichhia 4 an ni. Heng mi tlawmngai te hi Blood Bank-ah kalin thisen hi an pe a ni.

Zan lamah Inkhawm nei tan

COVID-19 hri leng avanga inkaihhruaina thar tihchhuah ah CAB khauh taka zawm chunga chhun leh zanah biak In-a leng zat chanve (50% seating capacity) aia tam lova Kohhran Inkhawm pangngai neih phal a nih tak angin tunkar atang khan Serchhip-a Kohhran hrang hrangte chuan zan lamah inkhawm an nei chho tan ta.

STA hruaitu thlanna nei

Serchhip-a Zirtirtu intelkhawmna pawl, Ser-chhip Teachers Association (STA) chuan nimin khan kum 2021-2022 chhunga hruaitu tur thlanna an nei.

Kumin ah nasa zawkin Dawnfawh chin tum a ni

Nikum lamah Serchhip Mat phai-ah hlawh-tling taka Dawnfawh chin a nih hnuah kumin hian nikum aia uar zawka chin tum a ni.

Bawlhhlawh tawih thei atanga leitha siam tumin Serchhip-ah hmalak mek a ni

Serchhip khawpui chhunga UD&PA Department in bawlhhlawh an lakkhawm ah Tawih thei leh Tawih theihlo an thliarhran ah Tawih thei chu Leitha siamna atan hman tum a nih avangin kalpui chhunzawm zel tum a nih thu District Urban Development Officer (DUDO) Dr. Albert Vanlalliantluanga chuan a sawi.

Chanchin thar thenkhat :

VC kaihhruaina siamtha mek

Hri kai thar 638 leh enkawl dam 301 an awm

Niminpiah khan Mizoram-ah Sample 6181 enfiah niin heng te atang hian COVID-19 hri kai mi 638 hmuh leh an ni a, Sample enfiah zawng zawng atanga za zela 10.32 te chuan hri an kai a ni.

Sawrkar hnathawk te hriat tur tichhuak thar leh

Mizoram sawrkar chuan ‘Rule 9 CCS (Conduct) Rules,1964’ chu sawrkar hnathawk ten an hriat thar turin tunhnai khan a tichhuak.

PM in Vaccine chungchangah State te a kawm

Prime Minister Narendra Modi chuan COVID-19 vaccine chungchangah State leh Union Territory hotute nimin khan kawmin, vaccine pechhuak tlem zual State-te chu tan la turin a fuih.

COVID-19 positive dam leh ten a hnu lamah an taksa-ah harsatna an tawk nasa

Health Minister Dr. R. Lalthangliana hovin nimin khan State-Level Expert Committee on COVID-19 Management thutkhawm neih a ni a, he hunah hian Mizoram-a COVID-19 hri leng dinhmun te thlirin, COVID-19 positive dam leh ten a hnu lamah an taksa-ah harsatna an tawk nasa tih tarlan a ni.

Hri kai 57 hmuh belh leh

Nimin khan Serchhip District-ah COVID-19 hri kai mi 57 zet hmuhchhuah leh an ni.

Thawhtanni-ah hri kai hmuhchhuah an pung hret

Thawhtanni khan Mizoram-ah COVID-19 hri kai hmuhchhuah an pung leh hret a, Sample enfiah 6501 atangin hri kai mi 830 hmuh niin Sample enfiah atanga za zela 13.99 te chuan hri an kai a ni.

Serchhip Dist. inkhel dawn

Cricket Association of Mizoram (CAM) buatsaih President's Cup 2021 chu Suaka Cricket Ground, Sihhmui-ah khelh mek niin vawiin chhun dar 12:30 hian Serchhip District chuan an match hmasa berah Ramhlun Venglai CC chu an hmachhawn dawn a, Serchhip District aiawh turte hian nimin khan Serchhip an chhuahsan tawh a ni.

UD&PA in Bawlhhlawh khawn dan an ti danglam

Serchhip khawpui chhunga UD&PA Department in mipuite bawlhhlawh an lakkhawm dan chu tih danglam leh a ni.

Vawk thi 4 awm belh leh

Serchhip District chhunga Baktawng khua ah nimin khan African Swine Fever (ASF) vangin Vawk pali lai a thi leh a, heng zinga pahnih te hi Vawk puitling a ni nghe nghe a ni. Baktawng ah hian nimin thleng khan Vawk 98 thi tawhin Vawk 68 zet suat a ni tawh bawk. Heng te nen hian Serchhip District-a ASF vanga Vawk thi chu 3853 ni tawhin Vawk 3040 suat a ni tawh bawk.

Serchhip-ah Chengkawl leh Chakai zawrh te enfiah

Nimin khan Serchhip-a Bazar-ah Cheng-kawl leh Chakai puitling lo zuar an awm leh awmloh enfiah a ni.

Keitum khua ah hri leng ziaawm chho mek zel

Serchhip District chhunga Town area pawnlam-a COVID-19 hri kai hmuhchhuah tamna ber nia hriat Keitum khua chuan an khua ah hri leng in ziaawm lam a pan mek tih sawiin, hri kai enkawllai mi 18 an la nei mek tih an sawi.

Serchhip District-a zirna In hrang hrang te hawn chhunzawm dan tur sawihona neih a ni

COVID-19 hri leng avanga zirna In hawn mumal theih a nih loh hnuah Serchhip District-a Zirna In hawn chhunzawm dan tur chungchang ngaihtuahin nimin khan Serchhip District Disaster Management Authority chu an thukhawm a, Serchhip District-a hri leng dinhmun te thlir chungin tuna kaldan pangngai a la kal chhunzawm tura tih a ni.

Chanchin thar thenkhat :

Sawrkar nen MoU ziak

Bye-election hlawhtling thawkhat niin DEO in hria

Kolasib District Election Officer Dr. H. Lalthlangliana chuan Tuirial Assembly Constituency bye-election-ah inthlanna muanawm leh felfai nei tura tan an lak avangin a hlawhtling thawkhat viau nia an hriat thu a sawi.

Scho-a harsatna chinfel a ni

Higher & Technical Education Minister Dr. R. Lalthangliana chuan Post-Matric Scholarship chungchanga harsatna awm mek chinfel a nih thu nimin khan sawiin, kum kalta a Post-Matric Scholarship Second Instalment sawrkar laipuia Ministry of Tribal Affairs in an rawn release loh chu nimin tlai khan an release tak thu leh sanction order pawh an hmuh nghal thu a sawi.

Tuirial bial bye-election-ah MNF Candidate K. Laldawngliana hneh taka thlantlin a ni

October 30, 2021-a Tuirial bial Assembly Bye-election a vote tla te chu nimin khan tluang taka chhiar niin rorellai MNF Candidate K. Laldawngliana chu hneh taka thlantlin a ni a, amah hnaih bertu ZPM Candidate Laltlanmawia chu vote 1284 in a hneh a ni.

Dan pangngai-a Board Exam turin ruahmanna siam

School Education Minister Lalchhandama Ralte chuan Board Exam chu dan pangngaiin Exam Centre-ah te buatsaih ngei an tum tih a sawi.

NYKS in Faina ah hma la

Azadi Ka Amrit Mahotsav kalpui mekah ramchhung hmun dangte rualin Nehru Yuva Kendra Sangathan (NYKS) Serchhip te chuan Serchhip District chhung hmun hrang hrangah Faina beihpui an thlak mek.

Hrikai hmuh 4281 tling tawh

Serchhip District-a COVID-19 hri kai hmuh tawh chu nimin thleng khan mi 4281 an tling ta a, nimin khan hri kai mi 112 zet enkawl dam an ni leh bawk.

Zirna In hawn sawiho dawn

COVID-19 hri leng avanga inkhuahkhirhna kalpui mek thlahdul chhoh mekah Serchhip District-a Zirna In hrang hrang hawn leh dan tur chungchang chu Vawiin chawhnu dar 1:00 hian Serchhip District Disaster Management Authority chuan DC Conference Hall-ah an sawiho dawn a, he hunah hian zirna lam kaihhnawih Department hotute leh Health Department lam bakah tlawmngai pawl leh VC aiawhte pawh tel turin sawm an ni bawk a ni.

Transformer thar rawn thleng

Kar kalta a Serchhip Bazar leh a chhehvel chawmtu Electric Transfomer 250kVA chhia chu siamthat mai theih a nih tak loh avangin nimin khan a thlakna tur Aizawl lamah zuk lak niin nimin tlai khan Serchhip rawn thlenpui a ni a, nimin tlai vek khan a bun hna pawh thawh nghal niin nizan lam khan hman nghal theih tura buaipui a ni. He Transformer chhia avang hian Veng tam tak chu a inchhawk in Power pek niin harsatna nasa tak a thleng a ni.

Vawk thi awm belh lo

Serchhip District-ah nimin khan ASF vanga Vawk thi chhinchhiah belh awm lovin Serchhip District-a khaw 35-a ASF vanga Vawk thi chu 3849 a tling tawh a ni.

Bawlhhlawh thliar hrang tan

Serchhip-a UD&PA Department chuan nimin, Nov. 1, 2021 atang khan Serchhip khawpui chhung bawlhhlawh an lakkhawm ah Tawih thei, Tawih theilo leh mihring tana hlauhawm lakkhawm hun an then hrang ta a, nimin khan bawlhhlawh tawih thei chiah lakkhawm niin Veng thenkhat ah mipuite hnena puanzarna a mumal loh deuh avangin mi tam tak ten an tawk a, karleh lamah tawih theihlo hi paih tura lakkhawm leh tur a ni ang.

Union Secretary in Serchhip a CRP-EP training te a kawm

Sawrkar laipui Ministry of Rural Development-a Secretary Nagendra Nath Sinha chuan nimin khan India ram State 6-a Start Up Village Entrepreneurship Programme (SVEP) hnuaia CRP-EP training chhhuakte kawmna leh Certificate hlanna hun chu biakhmuhtheihna hmanga neiin he hun hi Serchhip-ah pawh DC Office-a NIC Room atangin DRDA Project Director leh District Mission Director Malsawmtluanga hovin lo zawm ve a ni a. He hunah hian Mizoram bakah Rajasthan, West Bengal, Bihar, Gujarat leh Madhya Pradesh CRP-EP training chhuakte chu MoRD Secretary chuan kawmin harsatna an tawh dante leh an hmachhawpte a sawipui a ni.

Electoral Roll Special Summary Revision neih tur atan Serchhip-ah Draft Electoral Roll tarchhuah a ni

Image
January 1, 2022-a kum 18 tling chin te laa Electoral Roll Special Summary Revision neih tur atan nimin (Nov. 1, 2021) khan Draft Electoral Roll chu Serchhip District-ah tarchhuah a ni a, Draft Electoral tarchhuah ah hian Serchhip District-ah Vote nei Mipa 25,683 leh hmeichhia 26,666, a vaiin Vote nei thei 52,349 an awm a ni.
Vawiin-ah Vote tla chhiar dawn

Pathianni-ah COVID-19 hri kai 165 hmuh leh an ni; Hri kai enkawllai sang ruk aiin an tlem tawh

Pathianni khan Mizoram-ah Sample 2204 enfiah niin heng atang hian COVID-19 hri kai 165 hmuhchhuah an ni a, Sample enfiah atanga za zela 7.49 te chuan hri an kai a ni.

Kuhva chingtu ten kuhva tawlh tihtawp an duh

Hachhek Bial Kuhva Chingtu Pawl chuan Dan lova Kuhva tawlhruk in an eizawnna ber Kuhva hralhna kawngah harsatna a thlen avangin Sawrkarin a rang thei ang berin ti tawp se an duh hle tih an sawi.

Union Agriculture Minister hnenah HDB Vice Chairman in Mizoram mamawh a thlen

Horticulture Development Board Vice Chairman Prof. F. Lalnunmawia MLA chuan Union Agriculture Minister Narendra Singh Tomar chu hmuin Horticulture tih hmasawnna tura Mizoram mamawhte a thlen.

Mizoram District hrang hrangah Draft Roll tarchhuak Vote nei 798,227 an awm

Image
Kumthar January 1-a kum 18 tling chin turte laa Electoral Roll siamthat hna thawh tur atan nimin khan Mizoram District hrang hrangah Draft Electoral Roll chu tarchhuah a ni.

Hri kai 4210 tling tawh

Inrinni thleng khan Serchhip District-ah CO-VID-19 hri kai 4210 hmuhchhuah ni tawhin an zinga 3579 te chu enkawl dam an ni tawh.

Meizu mi 6 man leh

Serchhip District Anti-Tobacco Squad te chuan Dan in meizuk a khapna hmuna mei zu an awm leh awmloh enfiahin Inrinni zing khan Ser-chhip Bazar an tlawh a, he hunah hian puipunna hmuna mei zu mi 6 manin Dan in a phut angin heng mite hi pawisa chawitir an ni.

Zan lama pawn chhuah khap

Serchhip District Magistrate Kumar Abhi-chek IAS chuan Serchhip District mipuite COVID-19 hri leng laka an him theihna turin Serchhip District Hqrs. chhungah zan dar 9:00 atanga zing dar 4:00 thleng pawn chhuah khapna thupek a chhuah a, he thupek hian phalna pek bik te a huam dawnlo a ni. He thupek hian Oct. 2, 2021 a thupek lo chhuah tawh chu a luahlan anga, Oct. 30, 2021 atanga thla hnih (2) chhung huam tur niin thupek zawmlo te chu Section 188 IPC hmanga hrem theih an ni ang.

ASF vangin Vawk 3849 thi tawh

Nimin khan Serchhip District chhunga Sialsir khua ah African Swine Fever (ASF) vanga Vawk thi 7 lai awm lehin heng te hi Vawk note vek an ni a, Inrinni khan Vawk pakhat thi bawkin Sialsir ah hian ASF vangin Vawk 50 a thi tawh a, nimin khan Khawlailung-ah Vawk thi pakhat a awm bawk. Heng te nen hian nimin thleng khan Serchhip District-ah ASF vangin Vawk 3849 a thi tawh a ni.

Serchhip-ah Unity Run nei

Kumtin October 31-a hman thin Rashtriya Ekta Diwas, National Unity Day (Inpumkhatna Ni) chu nimin khan hman leh niin Mizoram-ah chuan Pathianni a nih avangin Inrinni khan Mizoram Police te chuan ‘Unity Run’ an nei a, Serchhip-ah pawh Inrinni zing khan Serchhip Police Station atanga Venglai-a Indoor Stadium thlengin Police te hi an tlan a ni.

Serchhip District tan inkaihhruaina tichhuak thar

Mizoram sawrkar-a Disaster Management & Rehabilitation Department in COVID-19 hri lêng vanga inkhuahkhirhna thupêk a chhuah angin COVID-19 hrilêng hluar zel laka mipuite kan him nan Serchhip District Bawrhsap chuan mipuite kaihhruaina tur thuchhuah a siam ve leh ta a, he kaihhruaina hi Nov. 30, 2021 zanlai dar 12:00 thleng hman tura ruahman niin Mizoram sawrkar in ruahmanna a lo siam tawh zulzuia siam a nih avangin danglam lutuk a awm lova. Sakhaw biak In te pawh chhun leh zan lama in-khawm phal ni tawhin Picnic Spot pawh mi 50 aia tam lo punkhawmna atan hawn theih a ni tawh dawn a. Zirna In hawn phalna pek tawh te chu a ngai anga hawn chhunzawm phal a ni bawk.

Covid vanga thi mi 6 te Ex-Gratia peihfel tawh

Serchhip District chhunga COVID-19 vanga thi chhungte atangin Serchhip DC Office chuan Ex-Gratia dilna 8 dawng tawhin an zinga 6 te chu pek tura peihfel a ni tawh.

Serchhip Sports Stadium hman dan tur la tihfel loh avangin SDSC in Vawiin atangin an enkawl dawn

Image
Serchhip District Sports Committee (SDSC) chuan SDSC Sports Complex-a Sports Stadium hman dan tur chungchangah sawrkar in ruahmanna ala peihfel loh avangin Vawiin, Nov. 1, 2021 atang hian he Sports Stadium enkawl hna hi an thawk tan dawn tih an sawi.

Hri kai thar 579 awm; Oct. ah hri kai 122 boral

Inrinni khan Mizoram-ah Sample 5945 enfiah leh niin heng atang hian COVID-19 hri kai mi 579 hmuhchhuah an ni a, Sample enfiah te atanga za zel 9.47 te chuan hri an kai a ni.

Nausen thi tlemna berha Mizoram puan a ni

Sample Registration System (SRS), Govt. of India in SRS Bulletin, October, 2021-a tihchhuah-ah Mizoram chu kum 2019 chhunga India ram puma Nausen kum khat hnuai lam thi tlem berna State a ni.

Tuirial bial-ah tluang taka Vote thlakin Naktuk-ah Vote tla te chhiar nghal a ni ang

Kum 2018 MLA inthlanpui-a Tuirial bialtu MLA atana thlantlin Andrew H. Thangliana a boral avanga a bial ruak hnawhkhatna tura inthlanna atan Inrinni khan mipui ten tluang takin Vote an thlak a, naktuk-ah Vote tla te hi chhiar a ni ang.