Lenkawl

Agriculture Minister C. Lalrinsanga chuan nimin khan Thenzawl Dragon Fruit Growers & Marketing Society member chhungkaw 59 leh mimal 3 ten Dragon Fruit an chinna hmun tlawhin an mamawhte chu theihtawpin a ngaihtuah sak dawn tih a hrilh.

Zoram Drivers’ Union (ZDU) chuan nimin atang khan Mizoram-ah Fimkhurna Hapta, ‘Drivers' Week’ an hmang leh tan a, thla thar Dec. 3 thleng khian hman a ni ang.

Serchhip District-a COVID-19 hri kai hmuh tawh zawng zawng chu 5198 an tling tawh a, hri kai zinga za zela 95.07 te chu enkawl dam an ni tawh.

Serchhip District-a COVID-19 Vaccine la thei kum 18 chunglam te chu Vaccine Dose 1-na pek kim thawkhat an ni tawh a, Serchhip District pumah COVID-19 Vaccine la duhlo mi 2218 zet an awm thung.

Kumin August ni 27-a Kolasib Diakkawn a unau mipa pathum leh mi dang pakhat te Tuizem chhunga chesuala an thihna chungchang chhui chiang tura din Magisterial Inquiry Team chuan nimin khan an report chu ziakin Kolasib District Magistrate Dr. H. Lalthlangliana hnenah an hlan a, vanduaina tawk-a boral te chu boruak tlakchham avanga thawchham-a boral an ni tih an sawi.

DIPR in lawmpuina hun hmang

Pathianni khan Mizoram-ah COVID-19 hri kai mi 94 hmuh niin hri kai hmuhchhuah hi tlem mah se Sample enfiah 875 atanga chhut chuan za zela 10.74 zetin hri an kai a ni.

Transport Minister TJ. Lalnuntluanga chuan nimin khan Aizawl a Mizo Hnam Run-ah thu sawiin Nov. 22-27, 2021 chhunga Delhi-a mi pawimawh hrang hrang a hmuh chungchang a sawilang.

October ni 2, 2021 atanga tan ‘Mizoram Khawpui Fai Intihsiakna 2021’ endikna chu kalpui tan a ni dawn ta.

Bamboo Development Agency-in Bamboo Technology Park, Sairang-a Bamboo Processing Factory an din chu nimin khan Commerce & Industry Department changtu Minister Dr. R. Lalthangliana chuan a hawng.

Chhuitu tur la chiang lo

Mizoram Aero Sports Association (MASA) hmalakna a kumin February 9 atanga Paragliding Training neih chu tunkar hian zawhfel beisei a ni.

Serchhip District-ah COVID-19 hri kai en-kawllai mi za thum aiin an tlem tawh.

Puantahtu ten mumal taka puantahna Company an din theih nana thil pawimawh inhrilh-hriatna chu Zirtawpni leh Inrinni khan Thenzawl khua ah neih a ni.

COVID-19 hri leng avanga nikum lamah Kohhran hrang hrang kumdang anga Krismas lawmna an neih theihloh hnuah kumin ah inkhawm theih te a nih tawh avangin Kohhran hrang hrang ten Krismas leh Kumthar lawmna atana ruai theh leh theh loh chungchang chu tualchhung Kohhran kut-ah an dah hlawm a, hetihlai hian sawrkar in kaihhruaina ala siam loh avangin Kohhran thenkhat chuan inbuatsaihna ah harsatna an tawh thu an sawi thung.

Parliament Thlasik thutkhawm chu Vawiin hian neih tan a ni dawn a, hemi atan hian nimin khan All Party Meeting chu New Delhi-ah neih niin Mizoram MP pahnih te pawh an tel a ni.

Mizoram-ah COVID-19 hri kai hmuhchhuah thar an tlem ve zel a, Zirtawpni-a Sample enfiah atangin hri kai 359 hmuhchhuah an awm laiin Inrinni-a Sample enfiah 3140 atangin hri kai 358 hmuh leh an ni a, Sample enfiah atanga za zela 11.40 te chuan hri an kai a ni.

Kum 2006 atanga kumin 2021 thlengin Anthurium Festival hmanna atan Govt. of India, Ministry of Tourism atangin cheng nuai 255 hmuh a ni tawh a, kumin Anthurium Festival (Virtual) hmanna sum senso sanna ber chu documentary siamna leh Cable TV channel/DD Mizoram a thehdarhna man (broadcast fee) niin, hemi atan hian Rs. 4,40,000/- hman a ni.

Vairengte khawtlang chuan tunhnaiah Mizoram sawrkar in ramri ah nasa taka hma a laksak avang leh kawng pawh KM 46 chuang lai a laihsak avangin sawrkar chungh an lawm hle tih an sawi.

Agriculture Minister C. Lalrinsanga chuan Agriculture leh a kaihhnawih kawng hrang hranga Mizoram mamawh te phuhru tura nasa zawka hma lakpui turin IFAD mithiamte chu a sawm a, Mizoram Sawrkar chu IFAD tana a inhawn thu leh heng kan mamawhte tihhlawhtlin a nih theih nana chak lehzuala thawpui turin a sawm bawk.

State pahnih CM te inkawm

DAN ANGA FA LAK (LEGAL ADOPTION)

- Liansangpuii

Protection Officer (Non-Institutional Care)

 District Child Protection Unit, Serchhip

Serchhip-a Fire & Emergency Services te chuan nizan hmasa khan Serchhip khawpui chhung hmun hrang hrangah kangmei tichhuak lo tura inzirtirna an nei.

Serchhip SP Stephen Lalrinawma chuan thuchhuah siamin New Serchhip Area chhunga Parking Area tur a siam thar.

Serchhip District-ah COVID-19 hri kai en-kawllai an tlem ve zel a, nimin tlai thleng khan hri kai enkawllai mi 308 an la awm mek.

Computerization of Registration, National Generic Document Registration System (NGDRS) chu Serchhip District-a kalpui turin nimin khan Revenue Department changtu Minister Lalruatkima chuan a hawng a, he ruahmanna hnuaiah hian mipui ten ram an neih te Computer Software hmangin chhinchhiaha vawnthat a ni dawn a ni.

Mizoram-ah COVID-19 hri kai hmuhchhuah thar tlahniam zelin niminpiah khan Mizoram-ah Sample 4034 enfiah niin heng atang hian hri kai mi 444 hmuh leh an ni a, Sample enfiah atanga za zela 11.01 te chuan hri an kai a ni.

Commerce & Industries Department changtu Minister Dr R. Lalthangliana chuan nimin khan Zuangtui Industrial Estate-ah Bamboo Processing Factory leh Common Facility Centre a hawng.

Electoral Roll Special Summary Revision neih meka Serchhip District tana Observer tura ruat Zarzosanga, Revenue Department leh RD Department-a Secretary ni bawk chuan nimin khan Serchhip District rawn tlawhin Electoral Roll ennawn hna thawh mek te a rawn enfiah.

All Mizoram Karate Association (AMKA) buatsaih AMKA State Karate Championship vawi 24-na chu nimin khan khelh zawh niin Serchhip atanga kal Karate thiam te chuan Medal an la vek a ni.

Nimin tlai thleng khan Serchhip District-a COVID-19 hri kai hmuhchhuah chu 5112 an tling tawh a, hri kai hmuh atanga za zela 93.17 te chu enkawl dam an ni tawh.

CM in mi pawimawh kawm

New Delhi-a cham mek Mizoram Chief Minister niminpiah tlai khan DoNER Minister G. Kishan Reddy chu a pisa-ah hmu in, Mizoram economy chungchang an sawidun.

Mizoram-ah ni khat-a COVID-19 hri kai hmuhchhuah zat a la tlahniam hret hret a, niminpiah khan Sample 3726 enfiah atangin hri kai mi 398 hmuh niin Sample enfiah atanga za zela 10.70 te chuan hri an kai a, nimin tlai ah khan hri kai enkawllai chu mi sang li aiin an tlem tawh zawk a ni.

New Delhi-a cham mek Sports Minister Robert Romawia Royte chuan niminpiah khan Union Youth Affairs & Sports Minister Anurag Singh Thakur chu New Delhi-a a chenna In-ah kawmin, India ramin Sports-a hma a sawn zel dan turte an sawidun.

Tunhnaiah COVID vei dam tawh nia inhria, he virus in an taksa a harsatna a siam engemawzat damdawi Inah an hmuh tawh thu Civil Hospital Aizawl-a Medicine Specialist Dr. J. Lalramchhuanga chuan a sawi.

Nimin khan Health Minister Dr. R. Lalthangliana hovin SAD Conference Hall-ah Mizoram COVID-19 dinhmun thlirhona neih a ni.

Nimin khan Serchhip District-ah COVID-19 hri kai mi 33 hmuhchhuah belh leh an ni.

Serchhip atanga Professional Boxer hmasa ber Vanlalringa chuan a inhnek hmasak bera hnehna a chan hnuah nimin khan Serchhip rawn thlengin khawtlang huapa lo hmuah a ni.

Chief Minister in mi pawimawh te kawm chhunzawm

Niminpiah khan Mizoram-ah Sample 4357 enfiah leh niin heng atang hian COVID-19 hri kai mi 400 hmuhchhuah belh leh an ni a, Sample enfiah atanga za zela 9.20 te chuan hri kai ang an ni.

Joint Action Committee on Inner Line Reserved Forest Demand-in Assam Forest Department-in a enkawl mek Square Mile 509 Inner Line Reserved Forest leh kum 1972 atanga Mizoram hnena Chhiah an pek tak loh dil let leh tura an ngenna chu tunkar chhunga enzui sak tur leh hmala turin Chief Minister Zoramthanga an ngen.

Mizoram Supply Executive Association (MSEA) chuan Suppy Minister K. Lalrinliana hnenah nimin khan chawimawina thuziak an hlan.

ZPM Working President K. Sapdanga chuan Mizoram-ah politics kalphung thar chhuakin mipuite zingah mi chi hnih kan awm ta tih a sawi.

Mizoram Chief Minister Zoramthanga leh Assam Chief Minister Himanta Biswa Sarma te chu State pahnih ramri buai chinfel tumin zanin hian Delhi-ah an inbe dawn.

North East Frontier Railway (NFR) hotute chuan nimin khan Mizoram Governor Dr. Hari Babu Kambhampati chu Raj Bhavan-ah hmuin Bairabi leh Sairang inkar Rel kawng KM 51.38-a thui siam mek chungchang an sawiho a, he hunah hian hnathawh tur lian tham deuh chu zaa 65 (65%) zawh a ni tawh tih tarlan a ni.

Sialkal Range Development Council (SRDC) Fund kaltlanga cheng nuai 28 senga Selam-a SRDC Rest House sak chu nimin khan Health & Family Welfare Board Vice Chairman Dr. Z.R Thiamsanga chuan a hawng.

Tuikum bialtu MLA leh Assembly Deputy Speaker Er. Lalrin-awma chuan a bial chhunga hri in a tihbuai, Sialhau khua chu nimin khan tlawhin VLTF hruaitute nen inkawmna an neih bakah hri kai te enkawlna hmun a tlawh bawk.

Serchhip District Wrestling Association hnuaia E. Lungdar Wrestling Club te chu hun engemaw chen an chawlh lailawk hnuah nizan khan Mizoram Wrestling Association kaihhruaina in din thar leh a ni.

Serchhip tlangval pathum telna Santosh Trophy khel tur Mizoram Team te chuan Vawiin hian Mizoram chhuahsanin Imphal (Manipur) an pan dawn ta.

Kumin a Serchhip-a Pawl Kut hman dan tur ngaihtuah in nimin khan Organising Committee chu Serchhip Sub-Hqrs. YMA Committee Room-ah thukhawmin Pawl Kut hman dan tur tlangpui an duang.

Nimin thleng khan Serchhip District-a CO-VID-19 vanga boral te chhungte mi 7 hnenah ex-gratia pekchhuah a ni tawh.

Nimin khan Serchhip District-ah COVID-19 hri kai mi 17 hmuh belh niin mi 68 te enkawl dam an ni thung.

Serchhip District Election Officer leh District Bawrhsap Kumar Abhishek chuan mipuiten langtlang taka kan aiawha roreltu kan thlang thin chu a hlu em em tih sawiin, he kalphung hlu leh zahawm tak hi vote thlak thintu mipuiten kan ngaihhlut zel a pawimawh a ni, a ti.

Nimin khan Serchhip-ah District Level Coordination Committee on FOCUS (Fostering Climate Resilient Upland Farming System) chu thukhawmin an hmalakna hrang hrangte an thlirlet a, he hun hi Aizawl lam atangin Mid-Term Review Monitoring Team ten an rawn tel pui bawk a ni.

MLA hlui C. Ramhluna vuiliam

Thawhtanni khan Mizoram-ah COVID-19 hri kai hmuhchhuah thar tlahniam hretin Sample enfiah 4914 atangin hri kai mi 423 hmuh an ni a, Sample enfiah atanga za zela 8.61 te chuan hri an kai a ni.

Mizoram Governor Hari Babu Kambhampati chuan nimin khan Mizoram PWD leh Revenue hotulu te chu Kaladan Multi-Modal Transit Transport Project (KMMTTP) chungchang a sawipui.

Mizoram-ah nikum (2020) aiin kumin (2021)-ah January atanga October thla chhunga Malaria vei zat chu za zela 46.9% laiin a tlahniam.

New Delhi-a cham mek Mizoram Chief Minister Zoramthanga chuan niminpiah tlai khan Union Home Minister Amit Shah chu a chenna In ah hmuin Mizoram mamawh hrang hrang a thlen.

Mizo Zirlai Pawl (MZP) General Hqrs. hruaitu thar te chuan nimin khan Aizawl-ah thuthar thehdarhtute kawmin an hmalakna tur hrang hrang te an sawi.

Tun dinhmunah Serchhip District AH & Vety Officer huamchhungah Bawnglian vulhlai 332 a awm anga chhinchhiah niin Bawngpui hnute sawr lai erawh a tlem avangin Bawnghnute tam zawk tharchhuak thei turin hmalak tum a ni.

Nimin zing khan Aiduzawl atanga Rabung pana kal Pik-up Truck pakhat chu chesualin mi 6 in an thih phah a, mi 11 ten hliam an tuar bawk.

Serchhip khawpui chhunga Motor dahna tur leh dah phallohna hmun te siam thar a ni.

MZP in hnathawh enzui dawn

Pathianni khan Mizoram-ah COVID-19 hri kai mi 212 hmuh belh leh an ni a, hri kai hmuhchhuah hi tlem mah se Sample enfiah 1098 atanga chhut chuan za zela 19.31 zet a tling a ni.

India ramin zalenna a hmuh kum 75-na tlin lawmna kal mek, Azaadi Ka Amrit Mahotsav lawmna peng chikhat atana Border Roads Organization (BRO) in India ram pum fangchhuak tur Motorcyle Expedition an buatsaih, Project Pushpak in Mizoram chinah an huaihawt chu Pusphak Primary School, Falkand atangin nimin khan Sports Minister Robert Romawia Royte chuan a vailiam.

Zoram Thar chuan ‘Zofate Haw Runpui/Hnam Inkhawmpui Thianghlim’ chu December 16-18, 2021 chhunga neih turin an rel.

Mizoram Governor Hari Babu Kambhampati chuan nimin khan Mizo Hmeichhe Insuihkhawm Pawl (MHIP) General Hqrs. hruaitute chu Raj Bhavan-ah kawmin MHIP hruaitute chuan an hmalakna te hrilhin Mizoram tana thil pawimawh zual te an sawipui bawk.

Swadesh Darshan Scheme-II hnuaia Mizoram Tourism hmasawnna tura hmalakna hrang hrangah thil dik lo leh fel tawk lo a awm ngei nia a lan avangin MNF Vigilance Department leh MNF Legal Board-te hmalakna in nimin khan Mizoram Lok Ayukta-ah complaint thehluh a ni.

Serchhip District-a COVID-19 hri kai hmuh tawh zawng zawng chu mi sang nga aiin an tam ta.

New Delhi-a cham mek Chief Minister Zoramthanga chuan nimin khan Union Minister of State for DoNER and Cooperation BL. Verma chu a Pisa-ah hmuin, ei leh bara hmasawn tura Mizoram mamawh hrang hrangte a thlen.

Mizoram Table Tennis Association (MTTA) in an buatsaih kum 40 chunglam te Table Tennis inelna ‘Mizoram Masters Meet’ chu Inrinni khan North Vanlaiphai-ah khelh zawh a ni.

Tun thla ni 29 atanga Serchhip-a 42nd Mizoram Boxing Championship neih tura Serchhip District aiawh turte thlanna chu Inrinni khan neih a ni.

Tunhnaia ruahsur nasa avanga Mat lui leh a fintu kawr lui lian in Serchhip Mat phai-a Buh leh thlai chinna hmun a tihchhiat te chu Inrinni khan Serchhip bialtu MLA Lalduhoma chuan a hmunah a tlawh.

Hmalakna tichhe turin ti

Inrinni khan Mizoram-ah Sample 3133 enfiah leh niin COVID-19 hri kai mi 437 hmuh an ni a, Sample enfiah atanga za zela 13.95 te chuan hri an kai a ni.

India Hmarchhak State Education Minister-te thutkhawm, North East Education Conclave chu Inrinni khan Gauhati Medical College & Hospital Auditorium, Bangagarh-ah neih a ni a, Mizoram atangin School Education Minister Lalchhandama Ralte chu a tel a ni.

All India Cooperative Week vawi 68-na kharna inkhawm chu Inrinni khan Aizawl-a Dawrpui Multipurpose Hall-ah neih a ni.

Ministry of Housing and Urban Affairs hnuaia Swachh Bharat Mission (Urban)-in kum tina a buatsaih thin India ram khawpui fai endikna, Swachh Survekshan 2021 lawmman semna 'Swachh Amrit Mahotsav' chu Inrinni khan New Delhi-a Vigyan Bhavan-ah neih a ni a, Mizoram in lawmman pathum lai a dawng a ni.

Mizoram-a Treasury lian ber Aizawl South Treasury in ni khat a pawisa a pekchhuah theih zat (ceiling) chu cheng nuai 130 a nih laiin, tun dinhmuna ni khata an pek chhuah theih zat chu cheng nuai 65 a ni.

Tripura Relief Camp a awm, Mizoram chhuahsan a Tripura-a inbenbel thlang fel tawh mi engemaw zat te chuan Mizoram a rawn let leh dan kawng an dap mek a, chung mite chuan Tripura mite leh Bengali te nen a inmil theih loh vanga rawn let duh angin an insawi nia thudawn a ni. 

Serchhip District-ah COVID-19 hri kai hmuhchhuah chu mi sang nga an tling dawn hnai ta a, hri kai enkawl dam pawh an pung ve zel.

Serchhip Sub-Hqrs. YMA chuan Central YMA hruaitu thlanna lo awm tura an huamchhunga YMA Branch leh Group te chu Vote zawnga tawktar siama rawn bia an awm a nih chuan lo dawngsawng lo turin an chah.

Serchhip District Urban Development Office chuan faina lama ke pen theuh turin mipuite an sawm.

DAN ANGA FA LAK (LEGAL ADOPTION)

Dr. ZR. Thiamsanga’n hawng

Niminpiah khan Mizoram-ah COVID-19 hri kai 497 hmuh leh niin heng te hi Sample enfiah 3692 atangin a ni a, Sample enfiah atanga za zela 13.46 te chuan hri an kai a ni.

Cheng nuai 782.76 senga Siaha tui lakna thawmthatna tur an siam, Augmentation of Urban WSS, Siaha chu nimin khan Social Welfare Minister Dr. K. Beichhua chuan a hawng.

Mizoram Finance and Accounts Service Association (MFASA) chuan niminpiah khan Aijal Club-ah Annual General Conference vawi 26-na hmangin Deputy Chief Minister Tawnluia chuan a hmanpui a ni.

Commerce & Industries Department changtu Minister Dr. R. Lalthangliana chuan Mizoram chu hripui in a nuai nat ber zinga mi a nih avangin Industry tenau (Micro Enterprises) te’n an tuar nasa em em tih sawiin, Mizoram a Industrial Unit-te khaichhuahna tura a bik taka tanpuina pe turin a ngen.

Nimin khan Serchhip District-ah COVID-19 hri kai mi 60 zet hmuhchhuah belh leh an ni.

Serchhip District-a African Swine Fever (ASF) hri lenna khaw hrang hranga Vawk talh chungchang khapna siam chu tih danglam niin khaw pali tihloh ah chuan Vawk talh phal a ni ta.

Serchhip Kawlri tlang-a Eklavya Model Residential School-a zirlaite chu nimin khan an Sample enfiah sak niin COVID-19 hri kai mi 17 zet hmuh an ni.

Mizoram State Boxing Championship 2021 chu tun thla ni 29 atang khian Serchhip-ah khelh a ni dawn a, hemi chungchang ngaihtuah hian nimin khan Serchhip-ah Organising Committee chu an thukhawm.

Niminpiah khan Mizoram-ah Sample 4298 enfiah leh niin heng atang hian hri kai 570 hmuh leh an ni a, Sample enfiah atanga za zela 13.26 te chuan hri an kai a ni.

Nimin khan Hnahthial-ah Association for Voluntary Blood Donation (AVBD) Branch thar hawn a ni.

Agriculture Minister C. Lalrinsanga hovin nimin khan a Pisa-ah Mizoram pum huapa Agriculture Department hnuaia hmasawnna hmalakna kalpui mek te thlirho a ni a. Mizoram-a Agriculture tih hmasawnna tura hmachhawp hrang hrang te pawh sawiho a ni bawk.

Mizoram-a Nauban awmte vawnthata an chanchin zirna hmun tur, Mizoram Orchid Centre chu nimin khan Maubuang-ah Rural Development Department changtu Minister Lalruatkima chuan a hawng.

Mizoram Governor Dr. Hari Babu Kambhampati chuan nimin khan Mizoram Upa Pawl (MUP) hruaitute chu Raj Bhavan-a lengah sawmin inkawmna an nei.

Mizoram Lok Sabha MP C. Lalrosanga chuan nimin khan Raj Bhavan-ah Mizoram Governor Dr. Hari Babu Kambhampati chu kawmin Sawrkar laipui atanga Gross Budgetary Support hnuaiah Project thenkhat hmanhmawhthlak te a awm avangin a nawr kal kawngah theihtawp chhuah turin Governor chu a ngen.

Raltlan tanpuina semchhuak

India rama Football League sang ber, Indian Super League (ISL) 2021-2022 Season chu tunkar Zirtawpni khian khelh tan a ni dawn a, Mizo Footballer 26 zet an tel dawn a ni.

Kuthnathawktu ten hralhna tur hre sa a thlai an chin theihna tura hmalak dan sawihona chu nimin khan Serchhip-a Horticulture Department buatsaihin neih a ni a, he hunah hian sawrkar lam hotute leh Serchhip District chhunga thlai chingtute bakah thlai hralhna lam buaipuitu Farm Cart aiawhte pawh an tel a ni.

MJA Serchhip District Member te chuan nimin khan Agriculture Department hotute nen tunhnaia ruahsur nasa avanga Mat lui lian in Mat phai-a kuthnathawktute tana harsatna a thlen dan te a hmunah an tlawh.

Union Minister of State for Statistcs and Planning Rao Inderjit Singh chuan zan 4 riak turin Mzoram a rawn tlawh dawn a, a hun tam zawk chu Serchhip District-ah a hmang dawn a ni.

Niminpiah khan Mizoram-ah Sample 5174 enfiah leh niin heng atang hian COVID-19 hri kai 459 hmuh leh an ni a, Sample enfiah atanga za zela 8.87 te chuan hri an kai a ni.

P&E Department changtu Minister R. Lalzirliana chuan Serchhip Bukpui leh Khawzawl thlunzawmtu 132kV Line leh East Lungdar-a 132 kV Sub-Station te chu nimin khan East Lungdar-ah a hawng.

Mizoram Larsap Dr. Hari Babu Kambhampati chuan Central YMA hruaitute chu nimin khan a chenna Raj Bhavan-a leng-ah sawmin YMA kalphung leh ram tana an rawngbawlna chungchang a sawipui.

Mizoram State Boundary Committee thutkhawm vawi 3-na chu nimin khan an Chairman, Deputy Chief Minister Tawnluia hovin neih a ni.

Mizoram Health Care Scheme hnuaia kum bithliah zat chu Central Scheme Golden Card hmang, ABPM-JAY Scheme nena kalkawp tura ruahman thar a nih tak avangin kumin October ni 1 atanga March ni 31 thlaruk chhung atan kalpui lailawk a ni.

Serchhip District-ah hri kai hmuh belh zel la niin hri kai enkawl dam pawh an pung ve zel.

Tunhnaia ruahsur nasa avangin Serchhip Mat phai-a Leilet neitute leh Thlasik thlai chingtute chuan harsatna nasa tak an tawk.

Union Finance Minister Nirmala Sitharaman-i hovin niminpiah khan State hrang hrang leh Union Territory hruaitute chuan Virtual Meeting neiin Mizoram Chief Minister Zoramthanga pawh CM Office atangin a tel a, ei leh bara hmasawnna nawr kal tura pawimawh a tih leh Mizorama hmalak theih awmte a sawi a ni.

Mizoram sawrkar in COVID-19 hri leng avanga inkaihhruaina a hman mekah Sakhaw Biak In leh inkhawmna a zai leh zai loh chungchang ah State Level Expert Team on COVID-19 Management (SLETOCOM) recommendation-a tarlan te zawm tur a ni tih a tarlang.

Chief Minister Zoramthanga hova Council of Minister thukhawm chuan Lunglei Municipal Council din tura rawtna lut chu pawm.

Information & Public Relation Department Minister Lalruatkima chuan Journalism chu inkaihhruaina tha tak nei, mumal taka din chhoh leh hna zahawm tak a ni tih sawiin, Mediaperson leh Journalist te chu mipui beng an ni tih hre rengin, taima tak leh dikna nen hna thawk zel turin a chah.

Ram zau zawk-ah Hospital dah a tul

JAC on Inner Line Reserved Forest Demand chuan Mizoram leh Assam ramri-a Status Quo vawng thaa ramri hrula hmalakna hrang hrang titawp tura thupek tihchhuah tawh chu sut turin Mizoram Chief Secretary Dr. Renu Sharma hnenah thutawp (Ultimatum) thehlutin, thupek sut a nih loh chuan a tawp thlenga dodal an tum thu an sawi.

Minister in lawmpuina hlan

Serchhip District NGO Coordination Committee hruaitute chuan nimin, Nov. 15, 2021 chawhnu khan Serchhip District Medical Superintendent (DMS) mawhphurhna la mektu Dr. Lalnunhlima Khiangte chu a Pisa-ah hmuin Serchhip District Hospital inrelbawlna chungchangah an ngaih pawimawh hrang hrang an sawipui.

Nimin khan Serchhip District-ah COVID-19 hri kai mi 48 zet hmuh belh leh an ni a, hri kai te zingah mi 36 te enkawl dam an ni thung.

Health & Wellness Centre, Keitum-a Health Workers (M) thawklai RC. Laldailova s/o Lian-zuala (L) chu Bairabi-ah sawn niin nimin-a Joining Report pe tura a kal tur chu Keitum MSU te hmalakna in dan a ni.

Pathianni khan Mizoram-ah Sample enfiah 1076 awmin hri kai mi 171 hmuh an ni a, Sample enfiah atanga za zela 15.90 te chuan COVID-19 hri an kai a ni.

Human Resources Development (HRD) Board Vice Chairman L. Thangmawia MLA chuan harsatna dang a awm loh chuan kumthar Budget Session-ah Mizo Language Board (MLB) Bill putluh tum a ni tih a sawi.

Mizoram sawrkar-a School Education Department, Samagra Shiksha leh Sri Aurobindo Society ten thawhdunna Auro Scholar Programme leh Creation of Role Model School chu nimin khan School Education Secretary Dr. Lalzirmawia Chhangte chuan a hawng.

Mizo Zirlai Pawl (MZP) General Hqrs. hruaitu kalchhuak tur leh hruaitu thar te chuan nimin khan mawhphurhna inhlanin MZP President thar Lalnunmawia chuan, “MZP term tharah chuan Zirlai pawl kan nih angin Zirna kan ngaipawimawh ber ang,” a ti.

India ram State hrang hrangte Football-a inelna sang, Santosh Trophy khel turah Mizoram aiawh turin Serchhip mi pahnih koh an ni.

Serchhip Boxer Vanlalringa chuan Professional Boxing a luhchilh dawn a, tun thla ni 21 khian a vawikhatnaa atan a inhnek nghal ang.

Serchhip District-a COVID-19 hri kai hmuh tawh atanga za zela 92.49 te chu enkawl dam an ni tawh.

Chief Secretary in tlawh

Nimin November 14, 2021 kha India Prime Minister hmasa ber, Jawaharlal Nehru pian-champha vawi 132-na a ni a, rampumah 'Naupangte ni' atan hman a ni.

Inrinni khan Mizoram-ah COVID-19 hri kai mi 387 hmuhchhuah an ni leh a, hri kai hmuhchhuah hi tlem deuh mah se Sample enfiah 3029 aatanga chhut chuan za zela 12.78 zetin hri an la kai thung a ni.

AH&Vety Department chuan Mizoram-a Vawk hri leng mek, African Swine Fever (ASF) lakah nakum February thla ah chuan fihlim an beisei tih an sawi.

Zo People’s Movement (ZPM) Legislature Party chuan Mizoram State Health Care Scheme (MSHCS) hnuaia inziaklut mekte tan an inenkawlna senso cheng nuai 2 thlenga Bill let phalsak turin sawrkar an phut tih an sawi.

Mizoram Pradesh Congress Committee (MPCC) President leh Chief Minister tum 5 lo ni tawh, Lal Thanhawla chuan chawlh a tum tawh tih a sawi.

Mizoram Population Based-Cancer Registry (PB-CR)-in a chhinchhiah danin, kum 2016 atanga kum 2020 (kum li) chhung khan Mizoram-ah Cancer vanga thi mi 4638 an awm a. Kum 2019 atang khan kum khat-ah Cancer vanga thi hi mi sang khat aiin an tam a ni.

Serchhip District-ah COVID-19 hri kai te zingah za zela 91.47 te chu enkawl dam an ni tawh.

UPC (Mizoram) Serchhip District Inkhawmpui Rorel chu nimin khan Zoar Kohhran Biak In, New Serchhip-ah neih a ni.

Zirna lama India ram dinhmun dik tak tar-lanna ni thei tura ngaih National Achievement Survey (NAS) chu nimin khan ramchhung hmun-dangte rualin Serchhip District-ah pawh neih a ni.

Lui hman tangkai dan tur sawiho

Niminpiah khan Mizoram-ah Sample 4426 enfiah leh niin heng atang hian COVID-19 hri kai mi 631 zet hmuhchhuah leh an ni a, Sample enfiah atanga za zela 14.26 te chuan hri an kai a ni.

COVID-19 hri leng mekah Mizoram District tin te chu Warning Level sang ber, Warning Level 4-ah la awmin kumin chhung zawng ‘All mask Campaign’ kalpui chhunzawm tura ruahman a ni.

P&E Department changtu Minister R. Lalzirliana chuan zirna In tha tak din chhoh a nih mek laiin zirlaite hian thiamna tak tak an pawchhuak em tih chu zawhna lian tak nia a hriat thu a sawi.

Lirnghing chungchang zirchianna atana khawl pawimawh tak Broadband Seismic Station Mizoram-a bun tur zinga pakhat, Pachhunga University College ami chu nimin khan Chief Minister Zoramthanga chuan a hawng.

Health Minister Dr. R. Lalthangliana chuan nimin khan Aizawl-a ‘World Pneumonia Day’ puala inkhawm hmanpuiin ‘Social Awareness and Action to Neutralize Pneumonia Successfully’ (SAANS) chu a hawng nghal bawk.

Niminpiah khan Champhai District chhung Khuangthing khua a Hmunsiami (64) chu an Lo-ah thi a hmuh niin Rul chuk vanga thi nia rin a ni.

Serchhip District Legal Services Authority (DLSA) buatsaihin Pan-India Awareness and Outreach Campaign hnuaiah Serchhip District chhunga khaw hrang hrangah Village Level Services Camp neih chhoh mek a ni.

Vawk hri leng mek African Swine Fever (ASF) vangin nimin khan Serchhip District-ah Vawk 6 lai a thih belh leh a, tunhnaiah ni khat a Vawk thi an tam ber tum nia hriat a ni.

Flyover leh Terminus sawiho

State Board for Wildlife thutkhawm vawi 9-na chu nimin khan Chief Minister Zoramthanga hovin CM Conference Hall-ah neih a ni.

Land Resources, Soil & Water Conservation Department changtu Minister R. Lalzirliana chuan nimin khan Aizawl-ah Rubber Board of India-in Rubber Development Board Office an rawn nghah chu a hawng.

Tunhnaiah COVID-19 hri leng avanga har-satna tawk, Serchhip District chhunga Kanghmun South khua chu niminpiah khan Serchhip Sub-Hqrs. YMA chuan tlawhin a tul anga hman turin Buhfai bag 2, Dal bag khat leh Tel litre 12 bakah pawisafai Rs. 5000/- an hlan a, heng tanpuina te hi Serchhip Sub-Hqrs. YMA hruaitute leh Van-tawng Group YMA hruaitu ten an khua ah kalin an hlan a ni.

Agricultural Technology Management Agency (ATMA) Serchhip District chuan kumin hian Serchhip District atangin Zorin Bean kg. 5000 (quintal 50) vel thar an beisei tih an sawi.

Nimin khan Serchhip District-ah COVID-19 hri kai hmuhchhuah pung leh hretin hri kai mi 51 zet hmuhchhuah leh an ni.

SAMAGRA Shiksha Serchhip District buatsaih zirna In-a thawktute leh zirlai nu leh pa te tan Huapzo zirna, Inclusive Education chungchang zirhona chu nimin khan neih tan niin Vawiin hian chhunzawma zawhfel a ni ang.

LPS Fight Night 2 chu November 27, 2021 khian Dawrpui Multipurpose Hall, Aizawl-ah neih a ni dawn a, NT. Lalbiakkima chuan Mizoram leilungah professional boxing a khel dawn a ni.

Mizoram-ah ni khat-a COVID-19 hri kai hmuhchhuah zat chu a tlahniam chak thei meuh rihlo niin a lang a. Niminpiah khan Mizoram ah 4780 enfiah niin heng atang hian hri kai mi 531 hmuhchhuah niin Sample enfiah atanga za zela 11.11 te chuan hri an kai a ni.

India rampum-ah COVID-19 Vaccine la thei kum 18 chunglam zinga 79% in vaccine Dose 1-na an la tawh.

Nimin khan New Delhi-ah Rashtrapati Bhavan-ah ‘Governors & Lt. Governors' Conference 2021’ chu neih a ni a, Mizoram atangin Governor Hari Babu Kambhampati chu telin Mizoram Sawrkar hmalakna hrang hrangte kimchang takin a tarlang.

Kumin January 16-a rampum-a COVID-19 vaccine pek hna kalpui a nih atangin Mizoram-ah Vaccine la thei atanga chhutin za zela 90 te chu Vaccine pek an ni tawh a, vaccine lak zawh hlima harsatna tawk AEFI (Adverse Events Following Immunization) 1561 awm tawhin an zinga 1558 te chu buaipui zui ngailo an ni.

Mizoram leh Assam ramri hnai, Vairengte dai Aitlang-a kawng lai tura tih JCB pakhat chu hun engemaw chen a chin hriat lova a awm hnuah Vairengte Field laihna hmunah hmuh a ni.

Serchhip District-a COVID-19 hri kai hmuh tawh chu nimin tlai thleng khan mi 4600 aiin an tam tawh.

Serchhip District-a Common Service Centre (CSC) , Village Level Entrepreneur te tan Revenue Department hnuaia Directorate of Stamps and Registration a thawktute chuan nimin khan Serchhip-ah ‘Computerization of Registration’ chungchang training an buatsaih.

PAHOSS hmalakna thlirho

Civil Hospital Aizawl OPD building chhawng chunga bera siam Kal lam enna leh Chuap lam bik enna hmun chu nimin khan Health & Family Welfare Board Vice Chairman Dr. ZR. Thiamsanga MLA chuan a hawng.

Mizoram sawrkar-a Human Resource Development Board leh Mizoram Information Technology Society (MITS) te chuan nimin khan thawhdunna tur thuthlung an ziak.

Health Minister Dr. R. Lalthangliana hovin nimin khan District tina Deputy Commissioner te, Chief Medical Officer (CMO) te leh District Information & Public Relations Officer (DIPRO) te chuan All Mask Campaign kalpui mek chungchang leh COVID-19 dinhmun sawihona neih a ni.

Electoral Roll Summary Revision atana beihpui thlak mek chunchanga chak zawk hmalak dan tur chungchang ngaihtuahin nimin khan State Level SVEEP Core Committee thutkhawm neih a ni.

Zoram Medical College (ZMC) COVID Task Force-a Nodal Officer, Dr. PC. Lalramenga chuan COVID-19 hri kai te an negative hnuah virus hnathawh vanga natna hrang hrang an la neih theih avangin thla engemaw zat chhung chu fimkhur taka an inenkawl a ngai tih sawiin, hemi chungchangah hian zirchianna a kal mek thu a sawi bawk.

 PRESS RELEASE

Sawrkar kum kal meka Sawrkar laipui sum hmanga Serchhip District-a hmasawnna hnathawh hrang hrang dinhmun thlirin nimin khan Serchhip District Development Co-ordination & Monitoring Committee (DDCMC/DISHA) thutkhawm chu neih a ni.

Serchhip District-ah COVID-19 hri kai enkawl dam awm belh zelin nimin tlai thleng khan hri kai enkawllai pawh mi za li aiin an tlem tawh.

Chhiahtlang Joint VLTF hruaitute chuan an huamchhunga COVID-19 hri kai hmuhchhuah in ziaawm lam a pan zel thu sawiin, 4C-a hri kai enkawl pawh an tlahniam ve zel tih an sawi.

CM in Governor hmu

Thawhtanni khan Mizoram-ah Sample enfiah pung leh hretin 6609 enfiah a ni a, heng atang hian COVID-19 hri kai mi 730 hmuhchhuah leh niin Sample enfiah atanga za zela 11.04 te chuan hri an kai a ni.

Health Minister Dr. R. Lalthangliana chuan Zoram Medical College (ZMC)-a Academic Department hrang hranga thawk Faculty Member te chu nimin khan SAD Conference Hall-ah a kawm.

BJP Mizoram Pradesh hruaitute chuan nimin khan Mizoram Governor hmuin Mizoram in mipui sawrkar dik tak an mamawh thu leh Prime Minister Scheme hrang hrangte a hmu tur dik takin an hmuh theihna tura tan lakpui turin an ngen.

Mizoram atanga Padma Shri Award (Literature & Education) dawng tura thlan Lalbiakthanga Pachuau (95), Editor Zoram Tlangau chuan nimin khan India President Ram Nath Kovind hnen atangin Padma Shri hi a dawng.

MNF President leh Chief Minister Zoramthanga chu a sum lakluhleh a thil neih inphulo leh Sihphir ram Aii Puk-a a huan-a sawrkar bungrua diklo taka hmanga puhna thubuai ah nimin khan Special Court (Prevention of Corruption Act) chuan thutlukna puangin thubuai pakhat ah thiam chantirin pakhat-ah a chhuah zalen thung.

Nimin khan Serchhip District-ah COVID-19 hri kai mi 43 hmuhchhuah belh leh awmin mi 105 lai enkawl dam an awm a, hri kai zingah mi pakhat a boral thung.

Kumin January thla atanga September thla tawp thleng khan Serchhip District-ah mi 24,262 te thisen enfiah atangin Malaria hri kai mi 42 hmuhchhuah an ni a, Malaria vanga thi mi 2 an awm bawk.

CS in Governor a hmu

Pathianni khan Mizoram-ah Sample 1098 enfiah niin COVID-19 hri kai mi 139 hmuh an ni a, Sample enfiah atanga za zela 12.66 te chuan hri an kai a, nimin khan hri kai mi 371 enkawl dam awm belh lehin Mizoram-a hri kai zingah za zela 95.57 te enkawl dam an ni tawh a ni.

MNF Party chuan Covid hripui avanga kum khat leh thla 10 zet Chhung Inkhawm an neih tawh loh hnuah nimin khan Aizawl-a Mizo Hnam Run-ah Chhung Inkhawm an nei leh tan ta.

Tlabung khua in kum 150 a tlin lawmna chu nimin khan Tlangliana Mual, Tlabung-ah neih a ni a, he hun hi Assembly Speaker Lalrinliana Sailo chuan hmanpuiin hemi puala Souvenir (lehkhabu) an buatsaih chu a tlangzarh nghal bawk.

Serchhip District-ah COVID-19 hri kai en-kawllai an tlem ve zel a, nimin tlai thleng khan hri kai enkawllai mi 494 an la awm.

Serchhip District-ah African Swine Fever (ASF) vanga Vawk thi tlem tawh viau mah se hri vanga Vawk thi chu a la awm chho zel.

Sawrkar kum kal meka kum chanve, April - September, 2021 chhung khan Mizoram-ah damlo te tan thisen Unit 11,770 pek a ni a, heng zinga Unit 10,288 te chu a thlawna pek (Voluntary Donation) niin hei hi thisen pek zawng zawng atanga chhutin zaa 87.41 a ni.

Kawng siamtha turin hrilh

Assam Rifles-ten Aizawl khawpui laili an chhuahsan hun tur Revenue Separtment-in la hre lovin Aizawl hmun laili a Assam Rifles-te chhuahsan tur hmunah LSC nei mi 54 an awm a, chung zinga mi pasarih chuan an LSC sawrkar-ah an surrender tawh.

Mizoram-ah ni khat-a COVID-19 hri kai hmuhchhuah zat a tlahniam ve hret hret zel a, Inrinni khan Sample 4069 enfiah niin heng te atang hian hri kai mi 453 hmuhchhuah niin Sample enfiah atanga za zela 11.13 te chuan hri an kai a ni.

Supreme Court Judge leh National Legal Services Authority (NALSA) Executive Chairman ni bawk Justice Uday Umesh Lalit chuan Zirtawpni khan zankhat riak turin Aizawl a rawn thleng a, Reiek khua leh Rawpuichhip khua te a tlawh.

Kumin March 21-a Mizoram-a Vawk natna, African Swine Fever (ASF) hri leng hmuh a nih atanga a vawikhatna atan Zirtawpni khan Mizoram-ah ASF vanga Vawk thi a awm lo.

Nikum 2020 chhung khan Mizoram-a nau piang zingah mipa an tam zawk a, hemi chhung hian Mizoram-a thi zingah pawh mipa an tam zawk bawk.

Agriculture Department hnuaia Agricultural Technology Management Agency (ATMA) bultumin nimin khan Serchhip Zawlpui Phai-a Lalchhuangliana Rubber huan-ah Rubber chin leh hnai dan bakah hnai tawh hnua sawngbawl dan zirhona neih a ni a, he hunah hian ATMA a mithiam ten zirtirna hrang hrang an pe a ni.

Nimin khan Serchhip District-ah COVID-19 hri kai mi 26 hmuh belh niin hri kai zingah mi 56 enkawl dam an ni thung.

Serchhip District chhunga Keitum Branch YMA te chuan an huamchhunga AAY leh BLP chhungkua bakah APL thenkhat ten November thlaa Ration buhfai an khulna tur an tum sak dawn tih an sawi.

PHE Department in Thenzawl chawmna atana Tui lak hna an thawh meka Tui dahkhawlna tur Tuizem lian pahnih siam mek chu nimin khan Vantawng Group YMA Vigilance & Monitoring Committee leh Thenzawl Joint YMA hruaitute chuan a hmunah tlawhin an enfiah.

Rural Development Department changtu Minister Lalruatkima chuan RD Department chu Department pawimawh tak pakhat, thingtlang miten leirem an rah theih nana hmalatu a ni tih a sawi.

Serchhip District Legal Services Authority buatsaihin nimin khan Serchhip-ah Police leh Excise & Narcotics Department-a thawkute tan ND&PS leh MLP Act chungchangah Legal Awareness Campaign neih niin kum 5 chhungin Serchhip Police ten ND&PS Act hnuaiah thubuai 40 an ziaklut tawh tih tarlan a ni.

Niminpiah khan Mizoram-ah Sample 3581 enfiah leh niin heng atang hian COVID-19 hri kai mi 508 hmuhchhuah an ni a, hri kai hmuh hi tlem deuh mah se Sample enfiah atanga chhut chuan za zela 14.18 zet ten hri hi an kai a ni.

MLA thar lakluhna neih a ni

Lai Autonomous District Council (LADC)-a Chief Executive Member V. Zirsanga chuan Kaladan Multi Modal Transit Transport Project (KMMTTP) hnuaia kawngpui sial in ram a tihchhiat, zangnadawmna lak tum te ram zau zawng thehdarh chu belhchiandawllo a nih thu a sawi.