Friday, 28 February 2014

Mizoram tlawhtu 14th Finance Commission-ah Mizoram sorkar mamawh hrang hrang lo thlen a ni.

Mizoram tlawha rawn zin 14th Finance Commission Member te chuan nimin khan Chief Minister Pu Lal Thanhawla kaihhruaiin Mizoram sorkar hotu lian te kawmin thil pawimawh hrang hrang an sawiho.

Thursday, 27 February 2014

Serchhip thuthar thenkhat :

Hnam Lam chi 10 entir dawn :

Hunpui-ah Halpuah leh halmawi khap zui zel rel

Mizoram sorkar chuan Krismas leh Kumthar vuakveta halpuah leh puak thei chi dang hal khapna chu kenkawh chhunzawm zel \ha tiin, sorkar buatsaiha halmawi hal chu chhunzawm tawh loh nise an ti bawk.

14th Finance Commission Member ten Zankhat riakin Mizoram an rawn tlawh mek.

Zankhat riak a Mizoram sum mamawh te zirchiang turin 14th Finance Commission Member te chuan nimin khan Aizawl an rawn thleng a, Vawiin ah Chief Minister leh sorkar mi pawimawh te an kawm ang.

Synod in MLTP Act 1995 hman zui zel an duh

Mizoram Presbyterian Church, Synod chuan thuchhuah siamin Zu khapna dan - Mizoram Total Prohibition act 1995 chu a \ul anga thuamchaka hman zui zel a duh tih a tarlang.

Zoram dinhmun chhe lutuk ah Congress in mawh an phur-MPC

Mizoram Peoples Conference (MPC) chuan thuchhuah siamin Zoram dinhmun chhe lutuk ta ah hian Congress Party chu a mawhphurtu ber a ni, an ti.

Wednesday, 26 February 2014

Serchhip News thenkhat :

MPTA Sub-Hqrs. Conference nei

Serchhip-a Officer thenkhat te siksawi :

Mizoram sorkar chuan MCS Officer 33 te sawnna tur Order a tichhuak a, Serchhip-a Addl. DC, Pu Lalsangliana chu Transport Department-ah Joint Director tura sawnin Lawngtlai-a EO hna chelhtu, Pu VL. Remliana chu a rawn awm anga, Pu Lawmkima, SDO (Sadar) chu DLAO/DUDO hna chelh turin Champhai-ah sawn niin a aiah hian Sakawrdai-a SDO (C) hna chelh lai, Pu R. Lalnghakliana chu a rawn awm thung ang. Serchhip-a ASO turin Lalthangkhuma Gangte chu dah thar niin Serchhip BDO hna chelh mektu, Pu Vanlalrova chu he hna chelh zui tur hian dah a ni bawk.

Zeng hri umbo beihpui thlak leh a ni

Zeng hri umbo tura hmalakna kal mekah nimin khan Mizoram pumah naupang kum 5 hnuailam te Zeng hri danna pek leh an ni.

Mizoram MLA leh Synod hruaitute inkawm. MLTP Act-1995 kenkawh \hat Kohhran in thlawp.

Chief Minister Pu Lal Thanhawla chuan politics leh kohhran hi ringtute zingah chuan lak hran theih a ni lova, inpuitawn leh inchawm-tawna kal tur an ni, a ti. 

Finance Commission te Cheng vbc. 48,000 hu dil tum a ni.

Tun thla ni 26-a nihnih cham tura Mizoram rawn tlawh tur Finance Commission 14-na dawngsawng turin sorkar a inpeih tawh a, he hunah hian hmasawnna hna thawhna tur leh mamawh dang chi hrang hrang cheng vbc. 48,000 hu lo dil tum a ni.

Mizoram P/S zirlaite Arithmetic thiamna lamah an tlahniam.

Annual Status of Education Report (ASER-2013) vawi 9-na nimin a tlangzarh takah Mizoram Primary zirlai te chu Arithmetic thiam kawngah an dinhmun a hniam tih tarlan a ni.

Mizo \halaite tan hmachhawp duan zawh a ni : T. Sangkunga

Mizoram Youth Commission (MYC) Chairman, Pu T. Sangkunga, MLA chuan Mizo \halaite tan MYC in theihtawp a chhuah zel tih sawiin, Mizo \halai ten eizawnna \ha an hmuh theihna turin hmachhawp hrang hrang duanfel a nih tawh thu a sawi.

Tuesday, 25 February 2014

Serchhip News thenkhat :

SADS mi man tlanchhuak

Fire Prevention Week hawnna neih a ni

Nimin khan Serchhip-ah District Level Fire Prevention Week hawnna neih a ni a, District Bawrhsap leh Serchhip District Fire Prevention Committee Chairman ni bawk Pi Juhi Mukherjee, IAS chuan khuallian niin he hun hi a hmanpui a ni.

Hnam hnufual leh tlem zawkte sorkar in a ngaihtuah reng tih Mizoram Governor in a sawi.

Mizoram Larsap, Pu Vakkom B. Purushothaman chuan hnam hnufual leh hnam tlem zawkte hi sorkar chuan a ngaihven reng a, hmasawnna an neih theih nan theihtawp a chhuah reng a ni, a ti.

NLUP thawh \ha duhlo sum pek zui tum an ni lo

NLUP Implementing Board (NIB) Chairman, Pu JH. Ro\huama, MLA chuan NLUP \anpuina dawng thawk \ha duhlo te chu \anpuina sum pek chhunzawm an ni dawnlo tih a sawi.

Aizawl-ah Museum Week 2014 hawnna neih a ni.

Khawvel puma Museum Week hman tur chu nimin khan Aizawl-ah pawh hman \an a ni a, Art & Culture Minister Pu R.Romawia chuan he Week hi a hawng a ni.

Monday, 24 February 2014

Gas buk tlinglo man leh

Serchhip Legal Metrology Enforcement te chuan Inrinni khan SK Indane Gramin Vitrak Chhing-chhip-a eirawngbawlna Gas dah tur buktlinglo bur 25 an man a, heng Gas te hi MZ-02/9152, Lalrinliana Sailo s/o Saidingliana Sailo, Lunglei Venghlun ami rawn phurh niin dan angin pawisa chawitir leh a ni ang. Serchhip Legal Metrology Enforcement hian tunhnai khan Serchhip a dah tur eirawngbawlna Gas buk tling lo bur 243 zet an lo man tawh a, tun \uma Chhingchhip-a dah tur an man nen hian tunhnaiah Gas buk tlinglo bur 268 an man tawh a ni.

Idol Top-3 Lancy-i hmuah a ni

Zonet Cable TV in Mizo Idol thlanna a buatsaih a 3-na, Lancy Remlalhruaii, Serchhip Chhim Veng chuan Inrinni khan Serchhip rawn thlengin ropui taka lo hmuah a ni a. Lancy-i hi Chhiahtlang dai-ah lirthei chi hrang hrang hmanga ropui taka lo dawnsawn niin hemi hnu hian a chuanna tur bika ruahman Motor ah phurin kawng rawn zawhpui a ni a, Serchhip Bazar-ah a puala inkhawm neih zui niin pawl hrang hrang leh mimal \hahnem takin thil-pek an hlan a, Mizo Idol thlanna neih zawh taka tel, amah rawn \awi-awmtute nen zai-a mipui awiin amah lo hmuaktu mipui an tam hle a ni.

Mizoram-a Synthetic Tennis Court hmasa ber Serchhip-ah hman theihin hawn a ni ta.

Mizoram-a Synthetic Tennis Court hmasa ber Serchhip Bukpui ami chu Inrinni khan Pu CL. Thangliana, Secretary, P&E Deptt. (Rtd) chuan a hawng a, Sports Minister, Pu Zodintluanga chuan he hun hi a hmanpui bawk. 

K|P Diamond Jubilee pualin hruaitu hlui inkhawm nei.

Kristian Thalai Pawl (K|P) kum 60 tlin lawmna pualin Inrinni khan Pi Zaii Hall, Mission Veng, Aizawl-ah K|P Hruaitu hluite pualin inkhawm buatsaih a ni. 

Biate khua ah Thingpui Kut hman a ni.

Biate khua chuan Zirtawpni kalta khan ‘Thingpui Kut’ an hmang a, he hun hi UD&PA Minister, Pu Zodintluanga chuan a hmanpui a ni.

District tina MPSC Exam Centre dah vangin lawm.

MZP Gen. Hqrs. chuan Mizoram District hrang hrang zinga Mizoram Public Service Commission (MPSC) Examination Centre la awm ve lohna hmun - Lawngtlai, Mamit leh Kolasib-a Examination Centre hawn a ni ta chu lawmawm an tih thu an sawi.

Mizoram-a lirthei chesual zingah Two Wheeler tam ber.

Mizoram-a lirthei chi hrang hrang zingah lirthei ke pahnih nei, Two Wheeler ten dan an bawhchhe ngun ber a, nikum 2013 chhung a Traffic Police ten dan bawhchhia an man 9458 zinga 4189 chu Two Wheeler an ni a, hei hi lirthei dan bawhchhia zawng zawng a\anga chhutin 44% a tling hial a ni.

Sunday, 23 February 2014

Serchhip News thenkhat :

Dt. 22nd Feb. 2014
HSLC Exam neih \an a ni

Sub-Hqrs. Executive Committee \hukhawm

Dt. 22nd Feb. 2014
YMA Sub-Hqrs. Serchhip chuan nimin khan Sub-Hqrs. Executive Committee (SEC) \hutkhawm neiin thla thar-a YMA Sub-Hqrs. Conference neih tur chung-chang an thlirho.

Fire Prevention Week 2014 hawnna neih a ni. Kangmei veng \ha ber - Lunglei District.

Dt. 22nd Feb. 2014
Tun thla ni 27 thleng awh tur ‘Fire Prevention Week 2014’ chu nimin khan hawnna neih a ni a, ‘Kangmei tichhuaktu nilovin a vengtu nih i tum ang u’ tih chu thupui ah hman a ni.

Chawngtlai khua Historical Village-ah an in puang.

Dt. 22nd Feb. 2014
Pipu te sulhnu engemawzat la awmna, Chawngtlai khua chuan Historical Village-ah an inpuang a, Bialtu MLA Pu Lalrinliana Sailo hovin nimin khan he ni hi khawtlangin awmni khamin an hmang a ni.

Biate khua ah Thingpui herna khawl hman theihin hawn a ni.

Dt. 22nd Feb. 2014
UD&PA Minister Pu Zodintluanga chuan nimin zing khan Biate khuaa thingpui herna, Samuel Tea Factory chu a hawng.

Aizawl New Market-a bomb puak ah thi leh hliam awmlo.

Dt. 22nd Feb. 2014 :
Nizan khan Aizawl New Market sa zawrhna hlui bulah bomb a puak leh a, mihring thi leh hliam erawh an awmlo thung.

Friday, 21 February 2014

Serchhip News thenkhat :

Biometric Enrolment kalpui mek zel 

Vairengte-a Weight Bridge dodal zel tum

Mizoram Merchant Association (MIMA) chuan Mizoram Taxation Department in Vairengte a Weight Bridge siam a tum chu an duhloh thu sawiin, hemi chungchangah hian hmalak zel an tum thu an sawi.

‘Ram leh hnam humhalhna kawngah Rokunga hla ten hmalak dan tur min kawhhmuh.’ - CM

Mizoram Chief Minister, Pu Lal Thanhawla chuan Pu Rokunga hla te hian ram leh hnam humhalh kawngah hmalak dan tur kawng tam tak min kawhhmuh a ni, a ti.

Ruallung khaw nula sawisa in a pawisa ruk sak a ni.

Niminpiah chawhnu dar 2:00 vel khan Ruallung khaw nula kum 29 mi chu misual tutih hriatloh ten na taka sawisain, a pawisa Rs 8,900/- an laksak.

Lo hal chungchanga sorkar thu zawmlo khua tlahniam.

Kum 2012-ah Mizoram-ah lo hal chungchanga sorkar thu zawmlo khaw 142 an awm laiin kum 2013-ah chuan khaw 19-ah a tlahniam.

Health Worker post ruak hnawhkhat thuai turin sorkar ngen.

Health Multipurpose Service Association chuan kum 1999 a\anga Health Worker Post ruak te hnawhkhat tura sorkar-a dilna an thlen, Vawiin thlenga a hlawhtlinna ala awm lo chu pawi an ti tak zet tih an sawi.

Thursday, 20 February 2014

Serchhip News thenkhat :

Anganwadi-a Gas bur ru

DIPRO in MJA (SD) te zanriah siam sak

Serchhip District Information & Public Relations Officer, Pu An-drew H. Lalremruata chuan nimin tlai khan Serchhip-a MJA Member te tan zanriah a buatsaih sak a, he hunah hian Pu Andrew-a chuan Serchhip-a thuthar thehdarhtute leh Information Department ten thawhhona \ha tak an nei chu lawm-awm a tih thu sawiin, hun lo kal zel tuah pawh thawhhona \ha zawk an neih zel a beisei thu a sawi a, an Department chuan thuthar theh-darhtu ten hma an sawn theihna leh an hmalam hun zelah tih theih an nei a nih chuan theihtawp chhuah zel an inhuam thu a sawi bawk. He hunah hian Serchhip District MJA Member leh I&PR Department-a thawk te an tel \ha hle a ni.

Loan te tham pechhuak zung zung turin ngen

Chief Minister Pu Lal Thanhawla chuan NABARD chu kuthnathawktute \anpui turin, loan te tham te te pechhuak zung zung turin a ngen.

Mizoram tana Lokayukta Bill duan sawihona neiin Assembly Session-ah pharh hman a nilo mai thei.

Law Minister Pu Lalsawta chuan Lokayukta chu a theih chin chinah langtlang thei ang bera tih a nih tur thu sawiin, Lok Ayukta chu \ul a tih apiang chhui tura thuneihna pek tum a ni, a ti.

Hmeichhia te hmasawnna tura hmalakna chungchang thlirho.

Hmeichhia te hmasawnna tura hmala tu Mizoram State Mission Authority Meeting vawi 2-na chu nimin khan Chief Minister Conference Room-ah Chief Minister Pu Lal Thanhawla hovin an \hukhawm a, Mizo hmeichhia te dinhmun chawikan leh tihhmasawn nana Sorkar department hrang hrangin hma an lakna te rualkhai taka thawh a nih theih nan leh an thawhsak hmeichhia ten anmahni ham\hat nana department hmalakna te an hriat tlan theih nan chak taka hmalak chhoh ni se an ti.

LADC huamchhunga VC inthlanna March 25, 2014-ah nei dawn.

Mizoram State Election Commission (SEC) chuan Lai Autonomous District Council hnuaia Village Council 93-a inthlan hun atan thlaleh ni 25 a ruat a, VC Inthlan ni tur hi nimin khan SEC Secretary Pu H.Darzika’n a puang a, Vote tla te chu vote thlak zawh veleh vote thlak ni la la in chhiar nghal a ni ang a. Inthlan \hat ngai a awm a nih chuan ni 26-ah inthlan \hatna neih tura ruahman a ni.

Wednesday, 19 February 2014

Serchhip-a Lirthei chesual-ah mi 1 boral

Nimin tlai dar 4:30 vel khan Pu R. Chalhmingliana (Pa Chala tia hriat), Serchhip AOC Veng ami Car (Maruti 800), Mz-06/0389 chu Serchhip Bazar a\anga KM 5 vela hla, Kikawn bulah chesualin kawngthlang ah a tlanliam a, he Motor a chuang, Pi Lalbiak-liani (50) d/o Hausati, Serchhip Ramthlun Veng chu an chetsualna ah hian a boral.

Serchhip-a Chapchar kut hman dan tur sawiho a ni

Kumin March 7-a Chapchar Kut lo thleng tur chu Serchhip-ah pawh hman leh tura ruahman a ni a, he Kut hman dan tur chungchang hi nimin khan Serchhip-ah sawiho a ni.

Sports Minister in hnathawh mek tlawh

Sports Minister Pu Zodintluanga chuan nimin khan Mizoram State Sports Council ruahmanna hnuaia ITI Veng-a National Standard Swimming Pool leh Rajiv Gandhi Stadium Stadium, Mualpui bulah Multi Purpose Indoor Hall sak mek te chu a tlawh.

Kum 2012-2013 chhung Buhfai 57,700 MT tharchhuah a ni.

Mizoram sorkar-a Agriculture Department in an chhinchhiah danin kum 2012-2013 chhung khan Mizoram in buhfai 57,700 MT a thar chhuak.

Thla 9 chhungin Nu nau chunga thi 10 leh nausen thi 473 awm.

Nikum April thla a\anga December thla thleng khan Mizoram pumah nu nau chunga thi mi 10 leh nausen kum khat hnuailam thi 473 an awm.

Friday, 14 February 2014

Serchhip thuthar thenkhat :

Bawrhsap in chawlh la :

Serchhip-ahGas buk tlinglo man leh

Serchhip-a Legal Metrology Enforcement Staff te chuan nimin khan Mizofed, Serchhip Branch in mipuite hnena eirawngbawlna Gas an sem tur rawn phurh chu enfiahin Gas buk tlinglo bur 71 zet an man a, heng Gas rawn phurtu, Salim Uddin, Silchar lam mi chu hren nghal a ni. Serchhip-a Legal Metrology Enforcement Staff te hian kar kalta Ningani khan Serchhip-a Gas sem tur bur 30 zet buktlinglo an lo man tawh a, hemi hnu tunkar Thawh\anni khan Gas buk tlinglo hi bur 142 zet an lo man leh tawh bawk a, chawlh-kar khat chhungin \um 3 zet Gas buk tlinglo hi man a ni ta a ni.

Lirthei chetsualna thlengah mi pakhat boralin IOC Veng-ah In pakhat a kang bawk.

Nimin chhun khan Serchhip-a 909 Truck pakhat chu Kei\um khawchhungah chesualin mi pakhat in nunna a chan a, nimin tlai khan Ser-chhip IOC Veng-a In pakhat kangin thi leh hliam erawh an awmlo thung.

A nupui leh a nupui laizawn chhutu inawkhlum in hmuh a ni.

Nizan hmasa dar 6:00 vel khan Lunglei District Lungsen Hmar Vengah mipakhatin a nupui leh a nupui laizawnnu tobohin a chhu a, a nupui laizawnnu hi nimin chawhnu khan a hliam tuar lovin a thi a, pawikhawihtu hi a inawkhlum zui bawk.

Wednesday, 12 February 2014

Cheng vbc. 12-a Serchhip-a Eklavia Residential School sak mek SWD Minister in a tlawh.

Cheng vbc. 12 senga Serchhip Kawlri-a Eklavia Residential School sak hna thawh mek chu nimin khan Social Welfare Minister, Pu PC. Lalthanliana chuan tlawhin hnathawh kalmek te a enfiah.

AMFU nen inremna angin chhiah la dawn

Environment & Forest Minister, Pu Lalrinmawia Ralte chuan Hmunphiah a\anga Chhiah lak danah Forest Department in anmahni thuin inremna awmsa an ti danglam tih sawiin, AMFU nena inremna lo siam tawh angin chhiah hi Rs. 1/- lak tur a ni, a ti.

NLUP kalpui zel dan tur sawihona neih a ni

Mizoram sorkar flagship programme NLUP kalpui zel dan tur chungchang chu nimin khan NLUP Implementing Board Chairman, Pu JH. Ro\huama hovin NLUP line department hotu ten an sawiho.

UN Team ten Mizoram an rawn tlawh leh dawn.

India rama UN Organisation pawimawh tak tak 5 - UNIDO, FAO, ILO, UNDP leh SouthAsia enkawltu bik UNIDO hnuaia Sustainable Energy for All hotu rual te chuan February 13 khian Mizoram an rawn tlawh dawn.

Kumin a Fire Prevention Week hman dan tur sawiho.

Nimin khan Sub-Committee on Fire Prevention chu an Committee Chairman, Environment & Forests Minister Pu Lalrinmawia Ralte kaihhruaina hnuaiah \hukhawmin kumin a Fire Prevention Week hman dan tur chungchang an sawiho.

Tuesday, 11 February 2014

MJA (SD) hruaitu thar te

MJA Serchhip District hruaitu hlui leh thar te chuan nimin tlai khan charge inhlanna an nei fel ta a, MJA (SD) ah hian kum 2014-2016 chhunga hruaitu atan President-ah Pu Kapliana Pachuau, Vice President-ah Pu Lalremruata Ralte leh Treasurer-ah Pu C. Lalhminghlua te thlan an ni a. Anni bakah hian Executive Member atan mi 5-Pu PC. Vanlalhruaia, Pu C. Ramengmawia, Tv. Zonunsanga Kawlni, Pu PC. Zonunsanga (Thenzawl) leh Nl. H. Lalbiakzauvi te thlan an ni bawk a ni. MJA President hian Dan Bu in a phalsak angin Executive Member thlansa mi 5 bakah hian Pu R. Lalmuansanga leh Pu |huamliana te chu Executive Member atan ruat belhin General Secretary atan Pu C. Ramengmawia leh Secretary atan Pu R. Lalmuansanga te a ruat nghal bawk.

Serchhip-ah Gas buk tlinglo man teuh

Serchhip-a Legal Metrology Department te chuan nimin khan Serchhip-a eirawngbawlna Gas sem tur bur 142 zet chu tih chingpen a nih avangin an man a. Heng Gas te hi Truck pakhat, MZ-05/6289 chuan Serchhip-ah rawn phur thlengin dan pangngaiin mipuite hnena sem a nih hmain Legal Metrology Department te hian an enfiah a, hetah hian gas buk tlinglo te hi manchhuah a ni ta a ni. He Motor leh a khalhtu B. Roy chu Legal Metrology Enforcement Staff ten an hreng nghal a ni. Tarlan tawh angin kar hmasa Ningani pawh khan Serchhip-a eirawngbawlna Gas buk tlinglo 30 zet man a lo ni tawh bawk a ni.

Kum 2013 chhunga Mizoram-ah lirthei chesual \um 114 chhinchhiah ah mi 97 an boral.

Superentendent of Police, Crime Branch in an chhinchhiah danin kum kalta (2013) chhung khan Mizoram-ah lirthei-a chetsualna \um 114 thleng ah mi 97 in nunna an chan a, mi 281 an inhliam bawk.

Aizawl-a New Market building sak\hat dan tur enho.

Nimin zing khan Aizawl New Market chu Trade & Commerce Minister Pu H. Rohluna leh Finance Minister Pu Lalsawta bakah Parliamentary Secretary, Pu Joseph Lalhimpuia te chuan tlawhin Sa Dawr-cum-Seconhand Building \hiah leh sak \hat dan turte chu Architect-te leh Consultant-te nen chipchiar takin an en ho.

Mau chungchangah sorkar chungah lawmthu an sawi.

Mizoram-a mau chingtu inzawmkhawm pawl leh a hralhna chungchanga hmalatu pawl te chuan Mizoram sorkarin Mizoram mau mimal ta hralh chhuah a phal sak avanga hlawkna an tel mek avangin sorkar chungah an lawm hle tih an sawi.

Monday, 10 February 2014

Hmunphiah Royalty sawisel PCCF ngaihdam dil phut

Saipum khua a Hmunphiah ching-tute chuan sorkarin royalty, kg khat zelah Rs.7 a la \hin tih sawiin hei vang hian an hmunphiah te an hralh to theih loh phah niin an sawi.

Mizoram-ah MLTP Act hnuaia Liquor permit nei mi 2409 awm.

Mizoram sorkar in Mizoram-a zu khap burna dan MLTP Act 1995 zirchiang tura a ruat, Study Group of MLTP Act 1995 report-a tarlan a nih danin Mizoram-ah Liquor permit nei Civilian 178 leh Ex-servicemen 2,231 an awm.

Kum 14 chhungin Human Trafficking-ah mi 21 chhanchhuak.

Kum 2000 a\anga kumin 2014 inkar chhung hian Human Trafficking (Mihring hmanga sumdawnna) tuartu mi 21 Mizoram Police ten an chhanchhuak a, heng zinga 12 te chu Aizawl District chhunga khawsa an ni.

Zu khap burna dan thlahdul tumin hmalak mek zel a ni.

Excise Minister, Pu R. Lalzirliana’n a lo sawi tawh angin, Mizoram-a kum 19 chhung zet kenkawh tawh zu khap burna dan 'The Mizoram Liquor Total Prohibition Act' chu thlahdul hret tuma hmalak mek a ni.

14th Finance Commission hnenah Mizoram mamawh cheng vbc. 50,000 hu vel dil tum a ni.

Finance Commission 14-na-in Mizoram an rawn tlawh hunah Mizoram hmasawnna hna thawhna tur leh mamawh dang chi hrang hrang cheng vaibelchhe 50,000 bawr vel hu lo dil tum a ni. 

Sunday, 9 February 2014

Serchhip thuthar thenkhat :

Bial khawmpui nei \an :

Child Protection Committee \hukhawm

Serchhip District Child Protection Committee \hutkhawm vawi 3-na chu Zirtawpni khan neih a ni.

Sorkar School leh Private School-ah Session thar a\angin Fee rualkhaia hman duh.

Mizo Students’ Union (MSU) chuan kumina Academic Session thar a\angin Sorkar School leh Private School fee rualkhai zawk hmang turin sorkar a phut.

Kum 2013-ah damdawi hmansual vangin Mizoram-ah mi 36 thi.

Mizoram Excise & Narcotics Department in an chhinchhiah danin nikum 2013 chhung khan Mizoram-ah damdawi hmangsual vanga thi mi 36 an awm a, an zinga 27 chu mipa niin a dang mi 9 te chu hmeichhia an ni.

Nau pai enlawk chungchang khapna kalpui dan thlirho.

State Supervisory Board chu nimin khan an Chairman, Health Minster Pu Lal Thanzara hovin Chief Minister Conference Hall-ah Pre-Conception & Pre-Natal Diagnostic Techniques (Prohibition of Sex Selection) Act, 1994 chungchang sawiin an \hukhawm a, PC&PNDT Act hi khawl hmanga nau pian hmaa mipa nge hmeichhia a nih zawnchhuah leh a kaihhnawih dangte khapna Dan a ni.

Friday, 7 February 2014

Serchhip thuthar thenkhat :

Doctor-a harsatna chungchang thlen

RSBY/Health Care-ah inziahluhna hawng

Nimin a\ang khan Serchhip District chhunga RSBY/Health Care Scheme hnuaia inziahluhna hun CMO Conference Hall, Serchhip-ah neih \an a ni.

Kuthnathawktute chawikan dan tur enfiahin JICA mi ten Serchhip Mat phai an tlawh.

Mizoram sorkar nena thawkdun mek, Japan International Corporation Agency (JICA)-a mithiam pathum te chuan nimin khan Ser-chhip Mat phai tlawhin kuthnathawktute harsatna tawh hrang hrang an sawipui.

Kumin March thla tawplamah E-District hman kim tum a ni.

Nimin khan Information & Communications Technology (ICT) Department hotute chuan an Minister, Pu Lal Thanzara hovin a Office-ah an department hmalakna hrang hrang an thlirho.

Labour chhungkaw hnenah \anpuina sem mek zel a ni.

Mizoram Building & Other Construction Workers Welfare Board chuan Labour an enkawl mekte hnenah an fate enkawl nan Children Educational Assistance an sem chhun-zawm mek.

District Council-a bye-election neih tur thlirlawk.

Nimin khan Chief Secretary Pi. L. Tochhong, State Election Commissioner ni bawk hovin State Election Commission Office-a Autonomous District Council pathum hnuaia MDC bial pali ruak a By-Election neih dan tur chungchang an sawiho a, By-Election tana inpuahchah lawkna hrang hrang an thlirho a ni.

Thursday, 6 February 2014

Serchhip-ah Mock Drill neih a ni

National Disaster Management Authority, Mizo-ram State Disaster Management Authority leh Serchhip District Disaster Management Authority te \angkawpin an buatsaih chhiatrupna a lo thlena chetlak dan lemchan (Mock Drill) chu nimin khan Serchhip-ah neih a ni.

NHM hnuaia sorkar hmalakna enfiahna turin Serchhip District thlan a ni.

National Health Mission (NHM) hnuaia hriselna kawnga mipui vantlang te hnena sorkar in hna a thawh \hat dan te endik hna, Community Monitoring chu Mizoram a hman \an a ni dawn a, Serchhip district chu Pilot Project ah thlan a ni.

MPC inLok Sabha inthlan ah Ballot Paper hman rawt.

MPC Party chuan thuchhuah siamin an Party President chuan Lok Sabha inthlan turah Ballot Paper hman a rawt niin an tarlang.

Wednesday, 5 February 2014

Mizoram chhimlam District 4 te tan Serchhip-ah State-Level Table Top Exercise neih a ni.

National Disaster Management Authority, Mizoram State Disaster Management Authority leh Serchhip District Disaster Management Authority te \angkawp buatsaihin Serchhip-ah State-Level Table Top Exercise-cum-Capacity Development Programme on Disaster Response neih a ni.

NCCI kum 100 tlin lawmna Chief Minister in hmanpui

National Council of Churches in India (NCCI) in a kum za tlin lawmna Kolkata YMCA Building-a an neih mek chu nimin khan Chief Minister, Pu Lal Thanhawla chuan khuallian niin a hmanpui.

Khawvel hmundangte rualin World Cancer Day hman a ni.

Nimin Feb. 4, 2014 kha World Cancer Day atan hman a ni a, he Ni pual hian Aizawl Vanapa Hall-ah pawh inkhawm neih niin he hun hi Health Minister, Pu Lal Thanzara chuan a hmanpui a ni.

Bualpui ‘N’ in dan lova awmte chhuak turin hriattir.

Bualpui ‘N’ khawtlang chuan an ramchhunga dan lova khaw din tumte chhuak tura hriattirin Feb. 20, 2014 thlengin hun an pe. Bualpui North All NGO Jt. Committee chuan an khaw ramchhunga dan lova khaw din tum ni a an hriat Thinglubul ram a khawsa  chhungkaw 47 te chu tun thla February 20 hma ngeia an awmna hmun chhuahsan turin an hriattir a, huntiam an pek chhunga heng mite hi an chhuak lo a nih chuan an In leh lo te \hiah sak turin, khawtlang inpunkhawmin hnatlanga thawhchhuah an tum niin an sawi.

Kum 2 chhungin Mizoram-ah Cancer vei 2483 hmuchhuak.

Mizoram Population Based Cancer Registry (PBCR) Report-2013 in a tarlan danin kum hnih chhungin Mizoram-ah Cancer vei 2483 hmuhchhuah niin Cancer vangin mi 1330 an boral.

Tuesday, 4 February 2014

Serchhip thuthar thenkhat :

Ruling Block hruaitu thar te :

Kumin atana RSBY leh MSHCS hnuaia inziahluhna hun buatsaih leh \an mek a ni.

Kum 2014-2015 atana Rashtriya Swasthya Bima Yojana  (RSBY) leh Mizoram State Health Care Scheme (MSHCS) hnuaia inziah luhna kumin bik tana hmasa ber chu nimin khan Aizawl-a Govt. Complex, Luang-mual-ah neih a ni. 

Minister in E&F hmalakna a hmunah a tlawh

Environment & Forests Minister Pu Lalrinmawia Ralte chuan nimin khan he Department hmalakna hmun hrang hrang-Aizawl Zoological Park, Sairang a Departmental Nursery, Lengpui a National Bamboo Mission Nursery leh Value Additional Centre (Bamboo Setum)-te a tlawhin he Department hmalakna hrang hrang te enpuiiin, hmasawn zawka kalpui dan tur te leh, \angkai zawka hman leh chher a nih theih dan tur te Department hotute a sawipui nghal bawk.

Monday, 3 February 2014

Serchhip thuthar thenkhat :

Housing Loan dil theih

MJA (SD) Annual Conference neih a ni

Mizoram Journalist Association (MJA) Serchhip District chuan Zirtawpni kalta, 31st January, 2014 khan PWD IB, Serchhip-ah Annual Conference vawi 7-na hmangin hruaitu thlanna an nei.

Feb. 28 hmaa Mizoram-a Lokayukta din turin Sorkar in chak takin hma a la mek.

Law Minister Pu Lalsawta chuan AICC duhdan angin eirukna chhui-a hremtu tur Lokayukta chu February ni 28 hmaa Mizoram-a din ve tuma hmalak mek a ni, a ti.

MHIP Gen. Secretary hlui in FIR thehlut.

MHIP General Secretary hlui Lalbiakengi chuan amah chu thu diklo hmanga beih a ni tiin hemi chungchang chhuichiang turin Zirtawpni kalta khan Aizawl Police Station ah FIR a thehlut.

Mizoram tharchhuah buhfai a tam thei ang ber lei duh.

Food, Civil Supplies & Consumer Affairs Minister John Rotluangliana chuan, mipuiin buhfai an tlakchham loh nan sorkarin chak taka hma a lak mek thu a sawi a, Phai lam a\anga buhfai lei \hin chu tih tlem a, Mizoram leh Mizopa buhfai tharchhuah ngei ‘local purchase’ kaltlangin a tam thei ang ber lei tum a ni, hemi atan hian ruahmanna siam mek leh hmalak mek a ni, a ti.

Aizawl-a Bomb tipuaktute ngawrh taka chhui zui an ni.

January ni 30, 2014 zana Aizawl-a Assembly House bul, Treasury Square Bazar-a bomb tipuaktute chu ngawrh taka chhui mek an ni a, nimin thleng khan he thila inhnamhnawih emaw, rinhlelh man emaw an la awm lo.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...