Posts

Showing posts from February, 2020

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

KTP General Conference neih mekah Palai 15,487 an inziaklut tawh

Kristian Thalai Pawl (KTP) General Conference vawi 58-na chu neih mek niin nimin tlai dar 3:00 thleng khan Palai 15,487 an inziaklut tawh.

District Hospital tlawh

Adviser to Chief Minister, C. Lalramzauva chuan nimin zing khan Serchhip District Hospital a tlawh.

HSSLC Exam neih tan a ni

Higher Secondary School Leaving Certificate (HSSLC), Pawl 12 Exam chu nimin khan Mizoram pumah neih tan niin Serchhip-ah pawh Exam hi neih tan a ni.

Home Minister thu sawi an hriat dan nen inmillo

West Lungdar VC leh NGO te chuan tun thla ni 24-a West Lungdar-a mipa naupang kum 13 mi, hnamdang pathum in Motor a an phur leh a hnua thil thleng chungchanga Home Minister in Assembly Session-a a sawi zingah an thil hriat dan nena inkalh a awm nia an hriat thu an sawi.

CSS Hindi Zirtirtute chungchang sawichhuak

Centrally Sponsored Scheme (CSS) hnuaia Hindi zirtirtu 1305 rawih thin, Central atanga an hlawh tur dawn a nih tak loh avanga tawp ta te chungchang nimin Assembly rorel inkhawmah sawichhuah a ni a. Education Minsiter, Lalchhama Ralte chuan Hindi zirtirtu engemawzat rawih leh tumin Central sawrkar nen indawr chhunzawm zel a ni tih a sawi.

Mumbai-a Nurse awmlo House-ah sawiho a ni

Mumbai Mizoram House-a damlo te enkawltu, Nurse sawnchhuah a nih vanga Cancer vanga damlo te harsatna tawh nimin Assembly rorel inkhawmah sawilan a ni a, nimin vek khan Male Nurse dahna tur Appointment tih chhuah nghal a ni.

Press Study Tour-a kal ten zin report an pe

Mizoram sawrkar Information & Public Relations Department bultuma Mizoram Journalists’ Association (MJA) member Kerala leh Tamil Nadu State hmun thenkhat fanga Press Study Tour neite chuan nimin khan Aizawl Press Club-ah zin report an pe.

National Science Day 2020 lawmna neih a ni

Mizoram Science, Technology & Innovation Council (MISTIC) chuan nimin khan National Science Day 2020 lawmna ATI Auditorium, Aizawl-ah an buatsaih.

Member hlui sunna nei

Nimin-a Assembly rorel inkhawmah tun thla ni 16-a chatuan ram pan ta, C. Sangzuala sun a ni.

Tripura-a Bru awmngheh avangin lawmthu sawi

Assembly Budget Session neih mekah Mizoram a\anga chhuak Bru te Tripura-a an inbenbel hlen theihna tura inremna siam a nih chungchanga lawmthu sawina Motion chu nimin khan pass a ni.

Raw Project lian tak kalpui a ni dawn tih Chief Minister in Assembly House-ah a sawi

Chief Minister, Zoramthanga chuan Raw Project lian tak an kalpui dawn tih nimin a Assembly Inkhawm ah sawiin, Sawrkarin Raw lian chi chin pun a tum chu zirchianna research neih ni lo mahse, Mizoram leilung, boruak leh sum leh pai lama hlawkna thlentu tur a ni, a ti.

Remchang hmasa ah hnathawh siamthat tum

Cheng nuai 78.91 senga Serchhip P&E Veng a Retaining Wall leh Hume Pipe phum hna thawh chu hun remchang hmasa berah siamthat tum a ni.
KTP General Conference vawi 58-na chu nizan khan Serchhip P&E Veng-a Leisekawt Mual-ah neih tan a ni ta a, he khawmpui-ah hian ‘Felna Hriamhrei’ (Rom 6:13) tih chu thupui-ah hman niin Speaker atan Rev. R. Lalrosiama, Field Secretary, Delhi Mission Field chu hman a ni.

Minister 3 demand pawm

Nimin a Mizoram Legislative Assembly Budget Session chhunzawm-ah Minister pathum (3) te Department enkawl hrang hrang atana sum ruahman te chu sawiho a nih hnuah pawm leh a ni a.

Kumin ah zirna tan hman tum

Mizoram University Southern Campus, Lunglei-a din turah kumin 2020-21 chhungin zirna tan hman tum a ni tih Higher and Technical Education changtu Minister Dr. R. Lalthangliana chuan a sawi.

Myanmar atanga Mizoram-a bungraw lut thin ah Dan angin Chhiah lak theih a ni rihlo

Taxation Department changtu Minister, Lalchamliana chuan Dan hnuaia ram pahnih insum-dawntawnna mumal tak la awm loh avangin Myanmar atanga Mizoram-a bungraw lut thin ah chhiah lak theih a ni rih loh tih a sawi.

Bharat Scouts & Guides State Rally zawhfel a ni

Tunkar Thawhtanni atanga neih Mizoram Bharat Scouts & Guides 14th State Rally, 2020 chu nimin khan zawhfel niin he Rally kharna hun hi Chief Minister, Zoramthanga chuan a hmanpui a ni.

Sawrkar-ah MJA te an lawm

 MJA General Hqrs. chuan Mizoram sawr-kar Council of Minister thukhawmin Classified Advertisement rate dinglai Rs.100/- per column chu Rs.130/- per column-ah leh, Display Advertisement full page rate dinglai Rs.3000/- chu Rs. 4000/- ah tihsan a remti leh he rate thar hi hman nghal tura ni 26.2.2020-a notification chhuah a ni ta chu lawmawm an tih thu nimin khan thuchhuah siamin an tarlang a. Sawrkar Department te pawh Mizoram chanchinbute duhsakna rilru pu chungin, an hmalaknate leh mipui hriat atana pawimawhte uar zawka advertisement hmanga puangzar zel turin an ngen nghal bawk.

Power chhit man tihsan remti

State Advisory Committee Mizoram chu nimin khan Aizawl-a Hotel Floria Conference Hall-ah thukhawmin kumin April ni 1 atanga Electric Current chhit man tihsan dan tur chung-chang sawiho a ni a, Electric Current chhit man chu tunlai thil man to zel dan en in mipuite tana phurrit nilo tura tihsan an remti a ni. He Meeting hi Joint Electricity Regulatory Commission for Manipur and Mizoram Chairman, Er. Ng. Sarat Singh chuan kaihruaiin Electric-power Purchase Management te, Prepaid Metering System hman dan chungchangte leh thildang tamtak rel ho leh sawiho a ni. JERC(M&M) hi Electricity Act 2003-a din a ni a, electric hi company in enkawl a, hlawk taka kalpui tur leh mipuite tan pavha 24x7 power hmu tur leh chhit man pawh sang lutuk lo tur a remruattu commission a ni.

Dan leh thupek te tharum hmanga lekkawh tur a ni lo tih Home Minister in a sawi

Home Minister, Lalchamliana chuan West Lungdar-a hnamdang kutthlak leh motor halna a thleng chu vanduaithlak a tih thu a sawi a, Dan leh thupek te chu mimal emaw, mipui pungkhawmin emaw, tharum thawhna hmanga an lekkawh tur a ni lo tih a sawi.

Zirtirtute sawn dan tur Dan thar pharh a ni

Mizoram sawrkar hnuaia zirtirtute an thawhna hmun hrehawm dan mila sawn kual thinna tur dan siamthatna chu nimin khan Assembly rorel inkhawmah pharh a ni.

VC te Panchayati Raj-a let turin ruahman

Local Administration Department changtu Minister, K. Lalrinliana chuan LAD hnuaia Village Council te chu India Danpui siamthat 73-na zulzuiin Panchayati Raj-a let turin Department chhungah ruahmanna a awm tih a sawi.

Serchhip-I VC Team ten an khingpui an sawp chhunzawm

Lalmalsawma Memorial MFA Inter Village Futsal Tournament 2020 khelh mekah nizan hmasa khan Serchhip-I VC Futsal Team te chuan an khingpui hnehin 3rd Round an thleng ta.

Kum 2019-2020 chhungin Restricted Tender 29 ko

Kum 2019-20 chhungin PWD chuan Restricted Tender 29 an ko nia sawi a ni.

House-ah Minister te Demand sawiho tan a ni

Assembly Budget Session neih mekah nimin atang khan Minister te Department enkawlna tura sum ruahman chu sawiho tan niin nimin khan Minister pathum te Department enkawlna tura sum ruahman chu sawiho hnuah pawm a ni.

March thla atangin Dan anga hmalak zui tum

Joint Controller of Metrology chuan The Legal Metrology (Packaged Commodities) Rules, 2011 in a phut anga ziahlan ngei ngei ngai (Mandatory Declaration) awm lo thil fun, a bikin Energy Drinks chu Mizoram chhung dawrah zawrh a awm tih hriat a ni tih sawiin, Dan zawm lova hetianga thil zawrh hi mipui te tana him lo thei a nih bawk avangin zuar lo turin mipuite a hriattir a. March, 2020 atangin khauh leh uluk taka dan anga hma lak tan tum a nih thu a sawi bawk.

'Go to the People-Mipui hnenah kal rawh'

Serchhip District chhunga Neihloh khua ah niminpiah khan 'Go to the People-Mipui hnenah kal rawh' tih thupui hmangin Sawrkar Department hrang hrang 10 te chuan an Department hmalakna leh mipuite hriat atana pawimawh turte in hrilhhriatna an nei.

Kum 2019-2020 chhungin Mizoram kawng siam nan cheng nuai 42684.48 hman a ni tawh

PWD changtu Chief Minister Zoramthanga chuan kum 2019-2020 chhungin kawng siam nan cheng nuai 42684.48 hman a ni tawh tih sawiin, hei hi State Fund atangin cheng nuai 26595.80 leh Central Fund atangin cheng nuai 16088.68 a ni, a ti.

MASA in lawmthu an sawi

Mizoram Aero-Sports Association (MA-SA) chuan tun thla ni 12-15 chhung International Para-Gliding Accuracy Championship tluang taka neih zawh a ni ta chu lawmawm an tih thu an sawi a. He Championship hlawhtling taka neih a nih theih nana thawktu sawrkar Department hrang hrang leh pawl hrang hrang chungah lawmthu an sawi bawk.

PHE Deptt. in hma la zel

PHE Department in Tuikum atanga Serchhip khawpui chawmna tura Tui an lakna Pipeline chhia chu siamthat a nih hnuah mipuite hnenah tui semchhuah hna ngawrh takin an thawk mek zel a.

Palai tur rawn thleng dawn

KTP General Conference vawi 58-na chu zanin atang hian Serchhip P&E Veng-a Leise-kawt Mual-ah neih tan a ni dawn ta a, he khawmpui a Palai turte chuan Vawiin lam hian Serchhip an rawn thleng dawn a ni.

Serchhip Bazar-ah chawhmeh tihto thar a awmlo

Tunhnaia Phai lam atanga chawhmeh lakluh Serchhip-ah tihto a awm anga thuthang awm chu thu diklo a nih thu Serchhip Bazar-a chawhmeh zuartute chuan an sawi.

IGP (Law & Order) in Serchhip rawn tlawh

Mizoram Police IGP (Law & Order), LH. Shanliana IPS chuan nimin khan Serchhip rawn tlawhin zanin atanga KTP General Conference neih tur atana venhimna hna thawh dan tura ruahmanna hrang hrang a rawn enfiah.

Conclave-ah Mizoram CM tel

Ni thum (3) awh tur ‘Sustainable Development Goals (SDG) Conclave 2020: Partnerships, Cooperation and Development of North Eastern States’ chu niminpiah tlai khan neih tan niin Chief Minister, Zoramthanga chuan he hun hi a hmanpui a ni.

MSSSB Chairman atan Political Party mi dah duhlo

Mizo Students’ Union (MSU) chuan Mizoram Subordinate Services Selection Board (MSSSB) Chairman atana Political Party mi leh sa dah a ni chu Zoram thalai leh zirlaite dinhmun ngaihtuah in tha an ti lo tih an sawi.

Bharat Scouts & Guides 14th State Rally nei tan

Mizoram Bharat Scouts & Guides 14th State Rally, 2020 chu nimin zing khan Sports Minister, Robert Romawia Royte chuan a hawng a. Tun thla ni 28 thleng khian State Training Centre, Tanhril-ah Rally hi neih a ni ang.

Cultural Meet neih a ni

Art & Culture Department leh North Vanlaiphai Joint YMA buatsaih Cultural Meet chu nimin khan Supply Tlang, North Vanlaiphai-ah neih a ni.

Aizawl kum 130-na lawm

Nimin February ni 25, 2020 (Thawhlehni) kha Mizoram khawpui, Aizawl dinchampha vawi 130-na, Aizawl Day a ni a. He ni hi Aizawl-a inbengbel hmasa, Aizawl Mihlun Thlah te chuan uar takin an hmang.

Sawrkar in hma la zui zel

Sports & Youth Services Minister, Robert Romawia Royte chuan Mizoram Youth Commission (MYC) hnuaia Aizawl, Lunglei leh Serchhip-a Youth Centre sakna tur atana Congress sawrkarin hma a lo lak tawhte chu chhunzawm zel a ni tih nimin-a Assembly inkhawm ah Hachhek bialtu MLA, Lalrindika Ralte zawhna chhangin a sawi.

Plastic quintal 13 man tawh

UD&PA changtu Deputy Chief Minister, Tawnluia chuan Aizawl Minicipal Corporation huamchhunga plastic pan chi, micron 50 chin hnuailam khapna siam a nih hnuah plastic quintal 13 chuang man a ni tawh tih Assembly House a hrilh a, plastic bawlhhlawhte pawh mumal leh felfai zawka sawngbawl chhoh tan mek a ni, a ti.

EMRS 11 din phala hmu tawh

Mizoram in Eklavya Model Residential School (EMRS) 11 din phalna a hmuh tawh bakah a dang 5 din belh tura hmalak mek a ni tih Social Welfare Minister Dr K Beichhua chua a sawi.

Phullem phah hna thawk thei

UD&PA changtu Deputy Chief Minister, Tawnluia chuan cheng vbc.6.50 senga Siaha Playground-a phullem phah hna thawh mek chu ram neitu in Court-ah thubuai a thehluh avangin hun rei tak hna chawlhsan a ni tih a sawi.

Hospital sak that tum a ni

Assembly Session neih mekah Serchhip bialtu MLA, Lalduhoma zawhna chhangin Health Minister, Dr. R. Lalthangliana chuan Serchhip District Hospital chu sak that tum a ni tih a sawi a, hemi atan hian sum ngaihtuah a niin a sum hmuhna turin Concept Paper/Detail Project Report te siamin dilna thehluh anih thu a sawi a. Doctor in daihlohna phuhru turin MPSC kaltlanga Doctor tlem azawng lak phalna sawrkarin a pe tawh tih a sawi bawk.

PWD in kawng siam zo khat

PWD Serchhip Division ten Serchhip khaw-pui chhung kawngpui siamthat hna an thawh chu an zofel khat ta a. Kumtin-a kawngpui siamthat nana sum an hmuh thin atanga hna thawh tur an ruahman hrang hrangte an thawh bakah tunah hian VC thenkhat chuan sum leh pai thawhin kawngpui thenkhat chu siam a ni a, hei bakah hian Serchhip bialtu MLA, Lalduhoma chuan Serchhip Tuikhuah Veng atanga Tuizemdum kawn inkar siamna tur sum thawhin hei hi nimin khan siam leh nghal a ni bawk.

City Bus hmang turin ngen

Aizawl City Bus Owners’ Association (ACBOA) chuan KTP General Conference neih chhunga Aizawl City Bus Service turte hmang tangkai turin mipuite an ngen.

Tuirial Hydel Project chu nitin kawlphetha MW 19.65 pechhuak anga chhut a ni

Tuirial Hydel Project chu hawn a nih atangin hman chhunzawm zel a ni a, hawn a nih atanga nikum December ni 31 thleng khan chawhrualin nitin kawlphetha MW 19.65 pechhuak ang a ni.

Phullem phahna atan rampawn sum puk tur dap

Sports Minister, Robert Romawia Royte chuan Mizoram chu Fur ruahtui tlak tamna a nih avangin phullem phah anih loh chuan Football khelmual tha leh pawmtlak a awm thei lo a, phullem phahna turin rampawn lam atanga sum puk tur dap a ni tih a sawi.

Budget a tlangpui-a sawihona zawhfel a ni

Hreh tak chungin hna thar lakbelh a tul - Chief Minister Chief Minister, Zoramthanga chuan sawrkar kalta te inrenchem thilah hna thar la lovin an kal ngar ngar tih sawiin, “An kal leh lutuk a, hnathawk thei lovin sawrkar a awm a ni,” a ti a, hei vang hian hreh tak chungin hna thar lak belh a tul a ni, a ti bawk. Mizoram Legislative Assembly Budget Session neih mekah nimin khan kum 2020-21 Mizoram Budget a tlangpuia sawihona, General Discussion tlangkawma thu a sawina ah he thu hi sawiin Finance changtu Chief Minister, Zoramthanga chuan Police 3000 rual vel hna a ruak a, Works Department-ah thawktute an kaisang chho zel a, a hnuai lamah JE leh SA te an awm ngang lo a, hna thar lak loh chuan hna thawh ngaihna a awm lo a ni, a ti a. Inrenchem lutuka hnathawktu tur Pa ber inhrek riltam chu thil awmze awm lo a ni a, 'Hnathawh kan tum a, hnathawk thei turin kan inbuatsaih a ngai a ni' a ti bawk. Chief Minister chuan kum 2020-21 Budget a pharh hnuah sawrkarin project a siam

MUP Faina hnatlang nei

Mizoram Upa Pawl (MUP) District Ser-chhip huaihawtin nimin khan Serchhip-a MUP unit hrang hrangte chuan khawchhung thenfai hnatlang an nei.

Chief Minister in kawm

Chief Minister, Zoramthanga chuan nimin zing khan Railway Board Chairman, Vinod Kumar Yadav chu nimin zing khan a Pisa-ah hmu in Bairabi-Sairang New Line Project hnuaia hnathawh dinhmun a sawipui.

India-ah mipui 0.22% te HIV+ an ni

Kum 2017-a National AIDS Control Organisation (NACO) zirchiannaa a lan danin India ram pumah mi 100 zela mi 0.22 te hi HIV/AIDS positive an ni.

Mizoram Rajya Sabha MP-in Zoram Medical College (ZMC) buaina chungchang sawipui

Rajya Sabha MP, Ronald Sapa Tlau chuan Zoram Medical College (ZMC) Director, Dr. Lallukhuma Fimate ngenna angin Thawhlehni kalta khan Medical Council of India (MCI) Office-ah tunlaia ZMC buaina lian tak tawn mek chungchangah MCI Secretary General, Dr. RV. Vats a lenchilh.

Dan lova khaw din ni lo-ah sawrkar in pawm

Mizoram sawrkara Local Administration Department chuan Aizawl District chhunga phalna awm lova din (Unauthorised Settlement) nia lang khua - Lungsai, Tuikhurhlu, Mualmam leh CTI Ramthar te chu an awmna khua-a Veng pakhata ngaih a nih avangin phalna awm lova khawdin (Unauthorised Settlement) list atangin thai bo nise tiin a rawt a. Mizoram sawrkar chuan State Level Screening Committee rawtna hi pawmin heng te hi dan phal lova din ni lovin, an awmna khua viz. - Maubuang, Seling leh Sesawng Veng pakhat anga ngaih tur an ni.

Forensic Science Laboratory-ah Case 2260 khawih

Assembly Session neih meka pharh tawh, Economic Survey 2019-2020 a a landanin, Mizoram Forensic Science Laboratory chuan kum 2016 atanga 2019 chhungin Case 2260 an khawih a, heng zingah hian Chemistry Department chuan case an khawih tam ber a ni.

Coronavirus lakah Mizoram a la him zel

Mizoram pawn atanga Mizoram-a lokir, a hritlan avanga Zoram Medical College damdawi In-a enkawl chu a thisen leh a behbawm endik a nih hnu-ah Coronavirus a vei lo tih hmuhchhuah a ni a, Mizoram-ah he natna vei hi an la awm lo.

Adviser to Chief Minister in hmanpui

Adviser to Chief Minister, C. Lalramzauva chuan nimin khan Chalfilh Area Mizoram Upa Pawl (MUP) Conference vawi 30-na chu Khawruhlian YMA Run-ah hmanpuiin kan hnam zahawmna kengtu chu Upa te an nih thu a sawi a. Upa te chu Mizo hnam leh Mizoram malsawmna hnar an nih thu sawiin, Upate hi kan hnam hriatrengna khâwlna báwm, kan ro hlu an ni, a ti. Mizoram-ah hian Upa pawl member 64,078 awmin Sub-Hqrs. 6, Area 83 leh State pawnah Branch 13 a awm a, Chalfilh Area-ah hian Branch 8 awmin member 848 an awm bawk.

Ministry of External Affairs in Border Pass pek tum

Mizoram mi, a bikin Myanmar ramchhung Mel 16 thlenga kal theite tan Ministry of External Affairs chuan ramri kan-a Myanmar luh phalna (border pass) pek chhuah thuai a tum.

Kum 2018-2020 chhungin dan lova lut mi 330 man an ni

Home Minister, Lalchamliana'n kum 2018-2020 chhungin ramdangmi dan lova Mizorama lut mi 330 man an nih thu a sawi a, Ramdangmi man te zinga 274 te chu thawnlet an ni a, a dang zawng chu dan hmanga an chungthu rel sak turin khuahkhirh an nih thu a sawi a, ramdangmi man te hi Nepali, Rohinggya raltlan leh Bangladesh mite an nih thu a sawi.

Vawk lakluh la khap zel

AH&Vety Minister, Dr. K. Beichhua chuan rampawn atanga vawk lakluh khap ala nih thu House a hrilh.

Horti in Rua lakluh la neilo

Deputy Chief Minister, Tawnluia chuan Horticulture Department in Rua lakluh a la nei lo tih a sawi a, hetihrual hian sawrkarin Raw lian chi, Latiflorus leh Brandisii chu chin turin a thlang tih House a hrilh.

Assembly Session neih mekah Supplementary Demand for Grants chu sawiho hnuah pawm a ni

Mizoram Legislative Assembly Budget Session neih mekah nimin khan kum 2019-2020 chhunga sawrkar pawisa indaihlohna phuhrukna tur, Supplementary Demand for Grants Rs. 3398,12,71,000/- chu sawiho a nih hnuah lungrual taka pass a ni.

Press Tour-a kal ten tlawh

Mizoram sawrkar Information & Public Relation Department buatsaih Press Study Tour : Kerela tlawha kal mekte chuan nimin khan Thiruvananthapuram atanga KM 117 zeta hla Beekeeping Consortium and Training Centre, Kerala State Horticulture Products Corporation (Horti-corp) enkawl Mavelikkara hmun chu an tlawh.

Journalist pension pek tum

Information & Public Relation Minister, Lalruatkima chuan Journalists pension chu a theih hun hmasa bera pek turin sawrkarin rua-hmanna a kalpui mek tih nimin khan Assembly House a hrilh a. Aizawl West-III bialtu MLA, VL. Zaithanzama zawhna chhanga he thu hi sawiin I&PR Minister chuan, Journalist pension chungchang ah sawrkar sum dinhmunte en chungin hmalak zel a ni a, peihfel a nih hun tur erawh sawi mai theih a nih loh thuin a chhang bawk a. Mizoram Calendar leh Diary te chu kumthar ah tam zawk siam tura ruahmanna kalpui mek a nih thu a sawi bawk.

Mizoram chu Organic State-a puan ngam a ni rih lo tih Agriculture Minister in a sawi

Agriculture Minister, C. Lalrinsanga chuan 'The Mizoram Organic Farming Bill, 2004' pass a nih hnu hian Mizoram chu Organic State-a puan ngam a ni rih lo tih a sawi.

SDO (S) te thuneihna pe thar

Serchhip District Bawrhsap Dr. Lalzir-mawia Chhangte, IAS chuan thuchhuah siamin Mizoram sawrkar thuchhuak, The Mizoram Registration of Births & Deaths (Amendments) Rules, 2019, lehkha No. A.43016/6/2014-PLG dt. 28.11.2019 in a tarlan angin, tun atang chuan Executive Magistrate, SDO (Sadar) Serchhip hnenah hian a huamchhunga Births & Deaths Certificate pekchhuah chungchangah thuneihna (hearing and dispose) pek an ni tih a tarlang.

Chapchar Kut hman turin rel

Serchhip-a Chapchar Kut hman dan tur ngaihtuahin nimin khan Chapchar Kut Organising Committee chu District Bawrhsap, Dr. Lalzirmawia Chhangte hovin an thukhawm.

MUP North Area Conference Bawrhsap in a hmanpui

Mizoram Upa Pawl (MUP) Serchhip North Area chuan nimin khan New Serchhip YMA Hall-ah Conference vawi 2-na hmangin he hun hi Serchhip District Bawrhsap, Dr. Lalzirmawia Chhangte chuan khuallian niin a hmanpui a ni.

Poshan Abhiyaan hnuaia Mizoram in National Award a dawn Serchhip-ah lawm a ni

India rama naupang, nu naupai leh nau hnute pelai ten chawtha an mamawh ang an hmuh theihna tura hmalakna, Poshan Abhiyaan hnuaia Mizoram in National Award a lak lawmna ICDS Project tinah neih tura tih a nih angin Serchhip ICDS Project chuan he Award lawmna hi neiin District Bawrhsap, Dr. Lalzirmawia Chhangte chuan a telpui a ni.

Zomi Nam Ni hman a ni

Zomi Cultural Society huaihawtin nimin khan Aizawl Bawngkawn Chhim Veng-a Cultural Centre-ah 'Zomi Nam Ni' (Zomi National Day) vawi 72-na chu hman a ni a, he hun hi Hmar Inpui General Hqrs. Vice President, J. Lalchhan-hima chuan khuallian niin a hmanpui a. He huna khuallian tura beisei Deputy Chief Minister, Tawn-luia chu State Day Programme avanga a tel theihloh thu sawiin, Hnam damchhuah nan tawng leh Culture humhim a pawimawh thu te sawiin, Hnam lam leh zai chi hrang hrang entir a ni bawk.

Panel Lawyer training nei

Lunglei Judicial District huamchhunga Panel Lawyers te pualin nimin khan Lunglei-a Excise & Narcotics Conference Hall-ah an hnathawh chungchangah training neih a ni a, he hun hi Mizo-ram State Legal Services Authority-a Member Secretary, Vanlalenmawia MJS chuan hman-puiin Lawyer chu sum zawnna hmanrua ni lovin, midangte tanpuina hnaa ngaia thawh tur a nih thu a sawi a, sum chu lawmthu sawina atana pek chauh nise tha a tih thu a sawi a. Miretheite hnena sum phut vak vak chu Advocate hna a ni lo tih a sawi bawk. He hunah hian Lunglei Judicial District-a Panel Lawyer mi 28 telin C. Ngaih-kimi, Accountant LSLA leh S. Ngotlia MJS, Magistrate 1st Class Lawngtlai ten zirtirna an pe a ni.

PAMRA hriatthiam sak turin mipuite an ngen

Peace Accord MNF Returnee Association (PAMRA) chuan Mizoram Sawrkar-a In sak tanpuina kum 30 liam tawh hnu thleng a an la dil lo hriatthiam sak turin an ngen.

Aizawl-ah State Day lawm

Mizoram State Day vawi 33-na chu nimin khan Aizawl-ah pawh lawm niin Mizoram Governor, P.S. Sreedharan Pillai chuan khuallian niin a hmanpui a ni.

Zohnahthlakte Inpui kan nihna kan rilru leh mit timengtu nise a duh thu Speaker in a sawi

Mizoram Legislative Assembly Speaker, Lalrinliana Sailo chuan Mizoram-a cheng duhlian tawng hmangte hian Zohnahthlakte Inpui kan nihna hi kan rilru leh mit timengtu nise a duhthu a sawi.

Vawk lakluh khap a ni

Serchhip District Magistrate, Dr. Lalzir-mawia Chhangte chuan Serchhip District chhungah Vawk leh Vawksa atanga thil siam reng reng lakluh khapna a tichhuak.

UD&PA Deptt. kaltlangin Ek In sak tanpuina sem

Serchhip-a UD&PA Department chuan Individual Household Latrine (IHHL) kaltlangin tunlai hian Serchhip khawpui chhunga Ek In neilo te hnenah Ek In sak tanpuina an sem mek.

Mizoram State Day vawi 33-na lawmna Serchhip-ah District Bawrhsap hova neih a ni

Nimin February 20, 2020 hi State dinhmun-a Mizoram hlankaina Ni, Mizoram State Day vawi 33-na a ni a, he Ni hi Serchhip-ah pawh District Bawrhsap, Dr. Lalzirmawia Chhangte hova lawm niin Bawrhsap chuan State dinhmun-a min hlangkaitu Pathian hnena lawmthu sawi fo tur kan nih thu a sawi.

CM in Press mite kawm

Mizoram Chief Minister, Zoramthanga chuan nimin a Mizoram Budget tur Assembly House a a pharh hnuah thuthar thehdarhtute kawmin budget-in beisei ang pha lo mah se, kum kal meka budget aiin vbc 22.70 in a tam tho tih a sawi a.

Soil Health Card Day hmang

Agriculture Department buatsaihin nimin khan Aizawl-a Agriculture Conference Hall-ah Soil Health Card Day puala hun hman a ni.

Kolasib-ah Rabi Mela buatsaih a ni

Nimin khan District Agriculture Office Kolasib hmalakna in Circuit House Complex, Kolasib-ah Rabi Mela buatsaih a ni a, Kolasib District Bawrhsap, Sangchhin Chinzah chuan khuallian niin a hmanpui a ni.

Mizoram sum dinhmunin hlauhawm chin a kawk tih sawi

Congress |halai, Mizoram Pradesh Youth Congress Committee (MPYCC) chuan Mizoram Economy dinhmun chuan dinhmun hlauhawm chin, a sen a kawk niin an sawi.

Kum 2020-2021 Mizoram State Budget cheng vbc. 10,08.01 chu House-ah pharh a ni

Finance changtu Chief Minister Zoramthang chuan Assembly Budget Session neih mekah nimin khan kum 2020-2021 atana Mizoram Budget Estimate chu House-ah a pharh a, Mizoram Budget hi a vaiin cheng vbc. 10,081.01 a ni a. Tun tumah hian budget hlawk leh duhthusama tha an beisei thei dawn lo tih a sawi.

YMA in Zu thlawrsa man

Chhekhnai Branch YMA hnuaia Anti-Drug Squad te chuan nizan hmasa khan an Branch huam-chhungah Zu thlawrlai thahnem tak an man.

State Day hmang dawn

Vawiin February 20, 2020 hi State nihna dinhmuna Mizoram hlankaina Ni, Mizoram State Day vawi 33-na a ni a, he Ni hi State Capital leh District Hqrs. ah hman tura ruahman a nih angin Serchhip-ah pawh Vawiin chawhma dar 10:30 hian DC’s Conference Hall-ah District Bawrhsap hovin hman a ni ang.

ILP fello mi 11 District Court-ah hruai an ni

Serchhip Police leh Serchhip Sub-Hqrs. YMA Kumpuan Committee hmalakna in nizan hmasa khan Serchhip khawpui chhungah hnam-dang dan lova awm te enfiah hna thawh niin dan lova awm mi 11 te chu nimin khan Serchhip Court-ah hruai an ni.

Sensitization Workshop on Sustainable Development Goals for Line Department neih a ni

Nimin khan Serchhip DC Conference Hall-ah Planning & Programme Implementation Department, Govt. of Mizoram bultumin Sensitization Workshop on Sustainable Development Goals for Line Department neih a ni a, he hun hi District Bawrhsap, Dr. Lalzirmawia Chhangte chuan a hmanpui a ni.

PWD in State Road KM 5361 enkawl mek

PWD Engineer-in-Chief , K. Lalsawmvela chuan Mizoram PWD in State Road KM 5361-a thui a enkawl mek thu leh kawng siam that nan sawrkarin sum an pek that thu a sawi.

Mamit - Bairabi 132kV Line siam hna thawk mek

Power & Electricity Department changtu Minister, R. Lalzirliana chuan 132 kV line Mamit - Bairabi siam mekah hna za a 40 zawh anih tawh thu House a hrilh.

Gas man bithliah thar

Indian Oil Corporation Ltd (IOCL) chuan tun thla ni 12 atanga hman turin eirawngbawlna Gas man a bithliah thar a, hemi ang hian Gas bur Kg. 14.2, mimal-in an hman chi khulna chu Vairengte-ah Rs. 1005.50 niin Mizoram hmundangah chuan Rs. 1014/- a ni thung a. Hei hi Home Delivery anga lak a nih chuan bur 1 (khat) ah Rs. 70/- zel chawibelh tur a ni a; Show-room-ah mahni-a va khul a nih chuan Rs. 27.60 zel paih thung tur a ni. Hetihlai hian Commercial Gas Cylinder, Kg. 19 chu bur khat zelah Vairengte-ah Rs. 1771/- leh Mizoram hmun-dangah Rs. 1791/- a ni ang.

BJP sawrkar in mipuite a rawk - MPYCC

Mizoram Pradesh Youth Congress Committee (MPYCC) chuan BJP Sawrkarin Eirawngbawlna Gas hmangin mipuite a rawk niin an sawi.

Serchhip-I VC Futsal Team te Aizawl panin an chhuak

Mizoram Football Association (MFA) in a buatsaih, Lalmalsawma Memorial MFA Inter Village Futsal Tournament 2020 khelh meka Serchhip atanga tel awmchhun, Serchhip-I VC Team te chuan nimin khan Aizawl panin naktuk ah an match hmasa ber an khel ang.

HIV kai tam lamah Mizoram pakhatna

Mizoram-ah AIDS hrik HIV kai mi 21,538 an awm mek a, HIV Positive hmuhchhuah tawh zingah hian kum 25 leh 34 inkar an tam berin, tun dunhmunah India ramah Mizoram chu he natna kai tam lamah pakhatna a ni mek tih Health Minister, Dr. R Lalthangliana chuan a sawi.

Biak In lian ber sakna tur hung hna thawh a ni

Khawvel-a Biak In lian ber tur, Zofate Biak Inpui sakna tur Thenzawl Kanan Veng-a Phaipui ramah nimin khan Zoramthar huaihawtin Hnam Hnatlang neiin, ramri hung hna thawh tan a ni.

Serchhip-ah 'Innovative Challenge on Business Solution to Sustainable Development Goals' neih a ni

Entrepreneurship Development Centre (EDC) Mizoram leh Planning & Programme Implementation Department, Govt. of Mizoram tangkawp buatsaih, 'Innovative Challenge on Business Solution to Sustainable Development Goals' chu nimin khan Govt. Serchhip College-ah neih niin Adviser to Chief Minister, C. Lalramzauva chuan khuallian niin a hmanpui.

Serchhip-ah Heroin man

Serchhip-a Excise & Narcotics Department leh Serchhip Sub-Hqrs. YMA Anti-Drug Squad te chuan nizan hmasa khan Serchhip-ah Heroin manin hemi an chhuizuina ah nimin khan Heroin hi an man belh leh.

Serchhip-ah MRF Exclusive Showroom thar hawn a ni

Serchhip-a MRF Exclusive Showroom hmasa ber, TRS Tyre chu nimin chawhma lam khan Gorav Lal Patoa, District Manager, MRF Limited, Silchar chuan Serchhip Dinthar Veng-ah a hawng.

MUP Serchhip South Area Conference MUP Serchhip District President in a hmanpui

Mizoram Upa Pawl (MUP) Serchhip South Area chuan nimin khan Conference hmangin he hun hi MUP Serchhip District President, CL. Ramngaia chuan a hmanpui a ni.

CADC-ah VC thlang dawn

Mizoram State Election Commission chuan nimin khan hriattirna siamin Chakma Autonomous District Council hnuaia Village Council 88-a inthlanna chu March 13-ah neih tur a nih thu a tarlang a, hemi rual hian Lai Autonomous District Council hnuaia Council Veng Village Council-a Seat khat-ah inthlanna hi neih a ni bawk ang.

Scholarship sawihona nei

MZP General Hqrs. hruaitute leh Mizoram Scholarship Board hotute chu nimin khan MSB Office-ah inkawmin Mizoram Co-operative Apex Bank kaltlanga zirlaite Account-a Scholarship thun mek leh thun dante an sawiho a. Tunah hian Post Matric-te Scholarship pek mek niin tunkar chhung hian Pre-Matric pawh pek vek hman an nih tur thu MSB hotute chuan an sawi a, MZP hruaitute chuan MSB hotute inpekna leh zirlaite mamawhna hria a kumdang zawng aia Scholarship an pe hma thei chu lawmawm an tih thu sawiin, a dawng tur dik tak ten an dawn theih nan MZP chu zirlaite tan a din zel tur thu an sawi bawk.

AH&Vety Minister in hawng

AH&Vety Minister, Dr. K. Beichhua chuan nimin khan Khatla-a Mizoram State Veterinary Council (MSVC) Conference Hall a hawng.

Kanhmun-ah Corona Virus vei enfiah hna thawk dawn

Nimin khan Mamit-ah District Level Task Force on Corona Virus chu thukhawmin he natna laka hmalak dan tur an rel a. He Meeting hian State Level Task Force on Mitigation of Corona Virus in a phut angin National leh International Border bulhnaia khua awm zawng zawngah Awareness Campaign neia Gram Sabha nei tura a tih angin Mamit District-a ramri dep khua ah te tun thla chhungin Awareness Campaign hi neih nise an ti a. State dang leh ram dang nen inkalpawhna laiah he hri vei an awm leh awmloh enfiah hna kalpui tura tih a nih angin naktuk atang khian Kanhmun Police Check Gate-ah hmalak nghal tura rel ni bawkin hetah hian Medical Team leh Police ten YMA phungbawm a sawmin hma an la anga, ramdang atanga lo lut mi tupawh an hriselna dinhmun enfiah sak an ni dawn a ni.

MLA hlui C. Sangzuala boral

Mizoram sawrkar-a MLA hlui, C. Sangzuala chu Pathianni zan dar 9:25 khan LRM Hospital ICU-ah boralin nimin khan a chenna, Chaltlang Veng-ah vuiliam a ni.

MNF in nuai 3 sem theih a rinawmloh tih sawi

ZPM Vice President, Lalthansanga (Chatea), Ex-MLA chuan Congress sawrkarin kum sawm (10) chhungin nuai khat an sem zo hman lo nia sawiin, MNF sawrkarin nuai thum (3) sem an tum chu an sem theih a rinawm loh tih nimin a Aizawl-a ZPM Chhung Inkhawm ah a sawi a.

MNF sawrkar in SEDP an sem theilo - MPCC

Mizoram Pradesh Congress Committee (MPCC) chuan MNF sawrkarin Budget-a cheng Nuai 75,000 dah chungin SEDP cheng khat pawh an sem thei lo niin an sawi.

Zo Hnam Inpumkhatna Seminar neih a ni

Zo Re-Unification Organisation (ZORO) |halai Hqrs. buatsaihin nimin khan Central YMA Hall, Aizawl-ah Zo Hnam Inpumkhatna Seminar neih a ni. Nimin a Zo Hnam Inpumkhatna Seminar-ah hian ZORO |halai President, L. Ramdinliana Renthlei chuan ZORO chu Political party ni lovin Zo hnam inpumkhatna atana beitu leh hmalatu a ni tih a sawi a, “Zo hnam chi peng hrang hrang kan awm a, kan unau khaw eng la hmu ve lo hi tam tak an awm. Kan tawng leh ziarang thlengin Khawvel politics kalsual vangin a lo danglam a, kan unau ngeite kha unau lo emaw tiin kan inhai fova. Kan unaute ngei pawh, 'Mizo emaw ka tia,' tia thalaiten an lo sawi thin te chu tihbo a hun tawh tih a sawi bawk. He Seminar-ah hian Prof. Jangkhongam Doungel, MZU chu Resource Person atan hman a ni bawk.

MJA Member te hriselna a thlawnin enfiah sak

Civil Hospital Aizawl-in Mizoram Journalists' Association (MJA) General Hqrs. member te tana a thlawna an hriselna enfiahna hun a buatsaih tur chu nimin khan Health & Family Welfare Minister, Dr. R. Lalthangliana'n a hawng.

Mizoram Assembly Budget Session tan Ni-ah Larsap in House-ah thu a sawi

Mizoram Legislative Assembly Budget Session chu nimin khan neih tan niin Session tan Ni hian Mizoram Governor, PS. Sreedharan Pillai chuan House-ah thu sawiin, a thusawi chungchanga lawmthu sawina Motion putluh a nih hnuah nimin atan thutkhawm tihtawp nghal a ni.

Serchhip ZPM Thalai ten intuaitharna hun an hmang

Zoram Peoples’ Movement (ZPM) Thalai te chuan Inrinni khan ZPM Serchhip Block President, V. Rozamliana Huan, Serchhip Zawlpui-ah intuaitharna an nei.

March 27-ah Chapchar Kut

Mizote Kut pawimawh leh tun thlenga la hman lar, Chapchar Kut chu kumin hian Serchhip bikah March 27 khian hman a ni dawn.

NH. 54 siamthat hna thawk

Serchhip khawpui chhung paltlangtu NH. 54 siamthat hna kar kalta atanga thawh chu chhun-zawm mumal theih a nih loh hnuah nimin atang khan Gammon Engineers and Contractors Pvt. Ltd. chuan an thawk tan a, kawngpui siamthat hna hi New Serchhip Kudam Kawn atanga thawh niin hmar lam panin kawng hi siam a ni a, YMA Sub-Hqrs. Serchhip in Khawl (Road Roller) leh hlawhfa an zawn hmanga he hna hi thawh niin tun tumah hian kawng khua chhe zual lai hnawh a ni a. Harsatna awm lova hna hi tluang taka thawh zui theih tawh an beisei tih Serchhip Sub-Hqrs. YMA hruaitute chuan an sawi.

HSLC Exam neih tan a ni

Nimin atang khan High School Leaving Certificate (HSLC) Exam 2020 chu neih tan a ni a, Serchhip-a Centre hrang hrangte pawhin Exam hi neiin March 5 khian zawhfel a ni ang.

Sawrkar Department hrang hrangte ram insemrual dan tur sawihona Serchhip-ah neih a ni

Nimin khan Serchhip-ah 'Serchhip District Level Authority on The Mizoram Government Land Pooling & Management Scheme' chu thukhawmin Serchhip District chhunga sawrkar ram enkawl dan tur an rel.

Vawk 14 kahhlum a ni

Lunglei District chhunga dan lova Vawk lakluh 14 te chu Inrinni khan kahhlum-a phum an ni a, thudawn danin heng Vawk te hi Myan-mar atanga dan kalha lakluh niin PRRS an vei tih hmuhchhuah a nih hnuah Magistrate chuan tiral turin thupek a siam a, hemi ang hian kah-hlum a phum nghal an ni. Heng Vawk te hi a a puitling vek niin Pukpui-a man a ni.

Council of Minister thukhawm

Sawrkar department thenkhat atanga thu pawimawh ngaihtuah ngaite sawiho in Zirtawpni khan Chief Minister, Zoramthanga hovin CM Office Cabinet Meeting Room-ah Council of Minister te an thukhawm. Council of Minister thukhawm hian Mizoram sawrkar hnuaia Muster Roll te chungchang sawiin, anmahni enkawl dan tur rawtna lut chu pawm a ni a. Hemi hnuaiah hian Muster Roll te chu Provisional Employee tia thlak an ni anga. Minimum Wages Act hnuaia hlawh la thin kha Pay Structure hran neiin felfai takin an thlatin hlawh (renumeration) tur pawh siam a ni ang. An hlawh hi kumtin basic pay atangin 4% a tihpun (annual increment) a ni tawh anga. Hemi bakah hian Travelling Allowances/Daily Allowance leh transfer TA an bill thei dawn bawk a ni. Provisional Employee te hian Medical Allowance 4% in an hlawh ah an dawng tel tawh dawn bawk a. Hmeichhe tan fa pahnih aia tamlo ah Maternity Leave kar 26 chhung an la thei ang a. Mipa tan Paternity Leave ni 7 chhung lak theih a ni dawn bawk a ni. Provision

Dr. R. Lalthangliana’n sawrkar laipui hotute a kawm

New Delhi a cham mek Minister, Dr. R. Lalthangliana chuan Zirtawpni zan khan World Bank Officials pawimawh te nen World Bank Office ah inkawmna an nei a, January 7, 2020-a World Bank Headquarters, USA-a thuneitu sangte hnena a thlen bawhzuiin, Mizoram a Health Project lian tham kalpui dan tur a sawipui a. Mizoram a College hrang hrang leh Polytechnic hrang hrang tihchangtlunna tur atan thawhho dan tur leh hmalak dan tur an sawiho bawk.

Valentines Day pualin thisen Unit 1,114 pek a ni

Zirtawpni khan Mizoram District hrang hrangah Valentine's Day pualin Association for Voluntary Blood Donation (AVBD), Mizoram State AIDS Control Society (MSACS) leh Blood Bank-te tangrual chuan thisen pek rûnpui an huaihawt a, Mizoram thisen Unit 1,114 pek a ni.

Vawiin ah Assembly Budget Session neih tan a ni dawn

Mizoram Legislative Assembly Budget Session chu Vawiin hian neih tan a ni dawn ta.

YMA hruaitu ten kawm

Serchhip Sub-Hqrs. YMA hruaitute chuan nimin tlai khan Serchhip khawpui chhung kawngpui (National Highway) siamthat hna thawktu tur, Gammon India Ltd. hotute chu an Office-a leng ah sawmin harsatna an neih hrang hrangte an sawipui a. He hunah hian hmanrua (khawl) leh hlawhfa a harsatna an neih te sawiho niin khawl an mamawh, Road-Roller leh hnathawktu te chu a theih anga ngaihtuah dan tur sawiho niin Vawiin lam hian hna hi chhunzawm theih beisei a ni.

Lehlangin CM rawn zin

Chief Minister, Zoramthanga chuan Inrinni khan lehlanga Serchhip rawn tlawhin K|P General Conference neihna tur Pandal a tlawh bakah International Para-Gliding Accuracy Championship kharna hun a hmanpui nghal bawk.

MJA (SD) Member ten Serchhip District chhunga PMGSY hnuaia hnathawh thenkhat an tlawh

MJA Serchhip District member te chuan Ningani leh Zirtawpni khan Serchhip District chhunga sawrkar laipui ruahmanna anga Pradhan Mantri Gram Sodak Yojana (PMGSY) hnuaia hnathawh thenkhat te a hmunah tlawhin an enfiah.

Chief Minister hovin FAI Cat-II International Para-Gliding Accuracy Championship kharna neih a ni

Serchhip in a thlen, Fédération Aéronautique Internationale (FAI) Category-II International Paragliding Accuracy Championship, 2020, Serchhip a neih chu Inrinni tlai khan zofelin khar a ni a. Chief Minister Zoramthanga chuan he intihsiakna kharna hun hi khuallian nia hmanpuiin lawmman a sem nghal bawk.

Home Minister in Serchhip-ah International Paragliding Accuracy Championship a hawng

Khawvel pum huap Para-Gliding intihsiakna, International Paragliding Accuracy Championship-2020 chu nimin tlai khan Serchhip-ah neih tan niin Home Minister, Lalchamliana chuan he intihsiakna hi na hawng a, tunkar Inrinni khian zawhfel a ni ang.

DoNER Secretary in Azawl khawpui tlawhkual

Mizoram-a rawn kal Ministry of Development of North Eastern Region (DoNER) Union Secretary, Dr. Inder Jit Singh chuan nimin khan Aizawl ITI Veng-a Urban Health Centre a tlawh a, hemi hmuna hnathawk te mamawh leh Centre hmun hma enfiahna hun a nei nghal.

RD Minister in tlawh

Rural Development Minister, Lalruatkima chuan nimin khan a bial, Aizawl West-II huam-chhunga Smart city hnuaia hnathawh tur hrang hrang te enin heng zingah hian Ebenezer Hospital bula Smart Parking siamna tur ruahmanna kalpui mek te, AMRUT hnuaia Multi Level Car Parking and Multipurpose Complex YMA ram a sak tur te, Tuikual Field Futsal khelhna tura  siam mek te, Tuikual North Indoor Stadium chei that ngai leh Vaivakawn Bazar sak turte a tel a ni.

Vehicle Outsourcing Policy kalpui a ni dawn ta

Mizoram sawrkar chuan Vehicle Outsourcing Policy a kalpui tawh dawn a, hemi atan hian Vehicle Empanelled List Phase-I pawh siamfel ni tawhin hrechiang duh chuan General Administration Department, Mizoram Secretariat, Room No.138, First Floor, MINECO, Khatla-ah emaw GAD website www.gad.mizoram.gov.in ah en theih a ni. Vehicle Outsourcing atana motor hman tir duh tan dilna thehluh theih reng a la ni a, Phase-I ah Vehicle Outsourcing Providers 33 empanelled an ni tawh a. Mizoram Sawrkar hnuaia Department/Office Vehicle Outsource turte chuan General Administration Department ah approval lak hmasak tur a ni.

One Stop Centre zirhona nei

Serchhip-a One Stop Centre buatsaihin nimin khan Thenzawl CHC Conference Hall-ah One Stop Centre chungchang inhrilhfiahna leh an hmalak dan inzirtirna chu Thenzawl-a ASHA leh MHIP member te tan neih a ni a, he hun ah hian One Stop Centre Serchhip a thawk ten One Stop Centre din a nih dan leh an hnathawh dan kalphung te, India ram Danpui in Hmeichhe hum-halhna dan hrang hrang a siam te sawiin, zirtirna an pe a, zawhna leh chhanna hun hman a ni bawk. One Stop Centre hi Serchhip District-ah August 2019 atang khan kalpui tan niin tun thleng hian Case 12 nei tawh in a tam ber hi Domestic Violence tuar an ni.

MTKP Rorelna nei dawn

Baptist Church of Mizoram (BCM) hnuaia Thalai Kristian Pawl (|KP) rorelna sang ber, Mizoram Thalai Kristian Pawl (MTKP) Rorel Inkhawm Vawi 66-na chu nizan khan BCM Serchhip Biak In-ah neih tan a ni.

Serchhip khawpui-ah Solar Light bun hna kalpui mek

General Insurance Corporation (GIC), Mumbai in Corporate Social Responsibility (CSR) sum an ruahman hmangin tunlai hian Serchhip khawpui chhung Veng hrang hrangah Solar Light vuah hna kalpui mek a ni.

Adviser to Chief Minister in Centre of Excellence-a sawrkar hmalakna a tlawh

Serchhip-a rawn kal Adviser to Chief Minister, C. Lalramzauva chuan nimin zing khan Serchhip Lengte-a Centre of Excellence chu tlawhin Horticulture Department hnuaia hmalakna hrang hrang te a tlawh.

Dy. Chief Minister in hawng

Deputy Chief Minister, Tawnluia chuan nimin khan Aizawl-a Administrative Training Institute (ATI)-ah Multi Level Car Parking leh Video Conference Hall a hawng a. Hemi rualin ATI Auditorium-ah ATI in Ministry of Commerce hnuaia International Standard Organisation (ISO) Certification a dawn lawmnaah a tel nghal a ni.

SWD Minister in Sethawn a Jordan Centre a tlawh

Social Welfare Minister, Dr. K. Beichhua chuan nimin khan Jordan Centre, Sethawn a tlawh a, thawktute nen hmalakna kal mek te enho niin chak zawk a hmalak dan tur rel a ni.

Serchhip-ah MNF Workers Meet neih a ni

MNF East Block Serchhip chuan nimin khan District Panchayat Resource Centre, Serchhip-ah Workers Meet an buatsaih a, he hun hi Adviser to Chief Minister, C. Lalramzauva chuan khuallian niin a hmanpui a ni.

DoNER leh NEC sum hmanga hnathawh thlirlet

Ministry of Development of North Eastern Region (DONER) Secretary, Dr. Inder Jit Singh hovin niminpiah tlai khan Aijal Club-ah DONER Ministry leh NEC sum kaltlanga hmasawnna hna – Project leh Scheme hrang hrang thawh mek te thlirletna ‘Review Meeting’ neih a ni.

Thelret hnai dan leh sawngbawl dan zir dawn

Thelret hnai dan leh sawngbawl dan zir tura Thelret chingtu zinga mi 50 thlanchhuah te chuan Exodus Rubber Society Training Centre, Khamrang-ah chawlhkar khat chhung training an nei dawn a, heng mite hi Land Resources, Soil & Water Conservation Department Minister, R. Lalzirliana chuan Aizawl atangin a vailiam.

Naupang huaisen te kawm

Indian Council For Child Welfare(ICCW) in kumin January thla a Mizo naupang 3 Bravery Award an hlan te chu nimin khan Mizoram Governor chuan kawmin chawimawina thuziak leh lawmpuina sumfai a hlan.

Agri. Minister in kokhawm

Agriculture Minister, C. Lalrinsanga chuan nimin khan a Office-ah Agriculture Secretariat leh Agriculture Directorate 2- Crop Husbandry leh Research & Extension-a Officer te kokhawmin Agriculture Department hnuaia Scheme leh Project hrang hranga kum 2019-20 chhunga an hma-lakna te an sawiho.

Minister in Corona-virus Screening Point tlawh

Health Minister, Dr. R. Lalthangliana chuan nimin khan Kawrpuichhuah tlawhin ‘Corona-virus Screening Point’ a hmalakna a enfiah.

L&L Football-ah New Serchhip FC an champion

Serchhip District Football Association (SDFA) buatsaih, L&L Football Tournament chu nimin khan khelh zawh niin New Serchhip FC chuan FC Serchhip Kawnpui chu hnehin an champion.

NDA zawmna chhu chat vek tawh niin sawi

MPC Party chuan MNF tihloh Mizoram-a tualto party dang zawngte chuan NDA an zawmna an chhu chat vek tawh tih an sawi.

MSU in kum tihhniam tum an duhloh thu an thlen

MSU General Hqrs. hruaitute chuan nimin khan Deputy Chief Minister, Tawnluia chu a Pisa-ah kawmin Draft Mizoram Civil Services (Combined Competitive Examination) Rules 2020-a kum bithliah tihhniam tumna awm chu an duhloh thu an thlen.

Rel kawng siam hna thawh phal rihlo

Bairabi atanga Sairang thleng Rel kawng siam hna thawh mekah Sihhmui leh Sairang vela ram lak belh tura tih, kum 2016 atanga buaipui tawh leh Railway Act 1989 tlawhchhana hma lo lak tawh mi thenkhat te chuan Railway lamin tun thlenga zangnadawmna an la pek loh avang leh an ram ah nasa taka hna thawh a nih tawh bawk si avangin zangna-dawmna pek an nih hma chuan an ramchhung ah Rel kawng siam hna thawktu ten hna an thawh leh an kaltlang an phal tawh dawnlo tih nimin khan an sawi.

Rooftop Solar Plant bun tur zirhona neih a ni

Mizoram hmun hrang hrangah Rooftop Solar Plant bun tura hmalak thawh hnihna (Phase-II) bul tan a ni leh dawn a, he hmalakna Phase-II ah hian Mizoram target chu Kilowatt 500 niin, chenna In (residential area) a huam dawn a ni.

Ramri-a sumdawnna tur tlawh

Commerce and Industries changtu Minister Dr R. Lalthangliana chuan nimin khan India leh Bangladesh insumdawn tawnna hmun tur, Integrated Check Post (ICP), Kawrpuichhuah a hmalakna kal mek a hmunah kal in a enfiah.

Para-Gliding intihsiakna neih tan a ni dawn ta

FAI CAT-II International Paragliding Accuracy Championship-2020 chu Vawiin atang hian Serchhip Bawngchawm tlang-ah neih a ni dawn.

NH. 54 siamthat hna tan

Serchhip khawpui chhunga National Highway-54 chhia siamthat hna chu nimin khan thawh tan a ni ta.

District Bawrhsap hovin Serchhip-ah District Review Meeting neih a ni

Nimin khan Serchhip DC Meeting Hall-ah District Review Meeting neih a ni a, he hunah hian Head of Offices ten an Department enkawl hmalakna tlangpuite a lem nen entirin an sawifiah a ni.

Adviser to Chief Minister in Serchhip tlawhin hmalakna hrang hrang a tlawhkual

Adviser to Chief Minister, C. Lalramzauva chuan zankhat riak turin nimin khan Serchhip a rawn thleng a, PWD (Highway) Circle Office building, KTP General Conference neihna tur Pandal leh Vawiin atanga Para-Gliding intihsiakna neihna tur hmun te a tlawh.

RBI's Financial Literacy Week hman tan a ni

Bank Services leh Facilities hrang hrang te a chhawr tangkai thei tur ten an chhawr theihna tura inzirtirna Hapta, ‘RBI's Financial Literacy Week (FLW)’ chu nimin khan RB McCabe Hall, Aijal Club-ah Chief Secretary, Lalnunmawia Chuaungo chuan a hawng.

Fire Station 3 neih leh tuma hmalak tan mek a ni

Home Minister, Lalchamliana chuan Mizoram-ah Fire Station 14 a awm thu leh District thar pathum (3)-ah Fire Station neih tuma hmalak tan mek a nih thu a sawi.

MZU Southern Campus lawmna neih a ni

Nimin khan HPC Lunglei leh NGO Coordination Committee tangkawp buatsaihin Lunglei-a Convention Centre-ah Mizoram University Southern Campus lawmna neih a ni.

Serchhip rawn tlawh dawn

Adviser to Chief Minister, C. Lalramzauva chuan zan 2 riak turin Vawiin hian Serchhip a rawn tlawh dawn a, Vawiin chawhma lam hian SE PWD (Highway) Circle Building tura sak, New Serchhip ami chu tlawhin hemi hnu hian KTP General Conference neihna tura Pandal sak mek a tlawh anga, hemi hnu hian naktuk mai-a Para-Gliding intihsiakna neihna tur hmunhma tlawhin tlai lamah MJA Member te nen an inkawm ang. Zanin-ah Serchhip riakin naktuk-ah an Party hruaitute nen inkawmna an nei nghal bawk ang.

Block Congress thukhawm

Serchhip Block Congress Committee chu nimin khan an President, R. Vanlaldula kaih-hruaiin Lalpuithanga Hall-ah an thukhawm a. He thutkhawm ah hian Mizoram Village Council inthlanpui lo awm tura inbuatsaih dan tur leh hmalak dan tur hrang hrangte sawiin, Village Council wise in in tlawhchhuah Programme hman nise tiin hruaitu ten ruahmanna lo siam se an ti bawk. He thutkhawm ah hian Party hruaitu thahnem tak telin infuihna thusawi hrang hrang ngaihthlak a ni bawk.

NH. 54 siamtha dawn

Serchhip khawpui chhunga kaltlang NH. 54 siamthat hna chu Vawiin hian thawh tan tum a ni a, nimin khan hmanraw tul hrang hrangte chu lakkhawm a ni bawk.

Coronavirus laka Serchhip District himna tur sawiho

Tunlaia natna leng mek, Coronavirus laka Serchhip District a him theihna tura hmalak dan tur ngaihtuahin nimin khan District Level Task Force chu District Bawrhsap, Dr. Lalzirmawia Chhangte hovin a Pisa-ah an thukhawm.

World Pulses Day hmang

Nimin khan Serchhip-a World Pulses Day, 2020 pualin Serchhip Agriculture Department Conference Hall-ah hun hman a ni.

Serchhip MLA in Bawng-chawm tlang a tlawh

Serchhip bialtu MLA, Lalduhoma chuan naktuk mai-a International Paragliding Accuracy Championship-2020 neihna tur hmun Bawngchawm tlang chu nimin khan tlawhin helai hmun atang hian a thlawkchhuak nghal.

Serchhip-ah National Deworming Day hmangin Rulhut hlo pek beihpui thlak a ni

Image
Rulhut avanga natna kan kai theih te tihbona tura Rulhut hlo pekna Ni, National De-Worming Day chu nimin khan India rampumah hman niin Serchhip-ah pawh District Bawrhsap, Dr. Lalzirmawia Chhangte chuan he beihpuithlakna hi a hawng a ni.

Serchhip-ah Fire Prevention Week hawnna neiin kangmei venna a hmalak dan tur sawiho a ni

Kangmei venna Hapta, Fire Prevention Week 2020 chu nimin khan Serchhip District-a kalpui turin Serchhip District Bawrhsap, Dr. Lalzirmawia Chhangte chuan a hawng a. District Level Fire Prevention Committee thutkhawm pawh neih niin kangmei venna kawnga hmalak dan tur hrang hrang sawiho a ni bawk.

Ailawng kum 100 tlin lawm

Ailawng khua chuan Inrinni khan an khaw kum 100 tlin lawmna neiin bialtu MLA leh Govt. Deputy Chief Whip, Lalrintluanga Sailo chuan a hmanpui a ni.

Kolodyne Music Festival 2020 neih a ni

Kolodyne Music Festival 2020 (KMF-2020) chu Zirtawpni leh Inrinni khan a \umkhatna atan Siaha leh Lawngtlai District ramri, Kawlchaw khaw bula Chhimtuipui (Kolodyne) lui kamah neih a ni.

Reiek Tourist Resort-ah Tourism Minister in Zokhua leh Adventure Park te a hawng

Tourism Minister, Robert Romawia Royte chuan Zirtawpni khan Reiek Tourist Resort-a Zokhua leh Adventure Park a hawng a. Zin mite hip nana Reiek Tlang cheibawlna tur mamawh zualpui siam belh a nih theih nan lungphum a phum bawk.

Hmeithai In sak sak

Keitum Branch YMA te chuan Zirtawpni leh Inrinni khan an Branch huamchhunga hmei-thai pakhat, mahni-a khawsa chenna In tur chu hnatlang in an sak sak a, he In sakna atan hian YMA member ten thingzai tul ang te thawhin a bak tul chu Branch YMA sum atangin an lei a, In hi Assam Type in a dung ft. 15 leh a vang ft. 12 a zau-a sak niin he hnatlang-ah hian YMA member thahnem tak an thawkchhuak a ni.

Inkhawmpui tiak ta

UPC Bial inkhawmpui tiak

Serchhip-ah YMA Kumpuan zirhona neih a ni

Serchhip Sub-Hqrs. YMA Kumpuan Committee buatsaihin Inrinni khan Serchhip-ah YMA Kumpuan, 'Zirna Uar' tih zirhona neih a ni.

Leivung hmanga kawng hnawh tihtawp niin hlawhfa awmloh vangin kawng siam thei rihlo

Serchhip khawpui chhung paltlangtu National Highway-54 siamthat hna thawktu tur ten kawng khuar zual leivung hmanga an hnawh chu khawtlang mipui ten an duhloh avangin hna kallai tihtawp a ni a. He kawngpui siamthat hna thawktu turte chuan hnathawktu tur hlawhfa an hmuh chuan Vawiin atanga hna tan tura an inpeih thu an sawi bawk.

Mizoram Police-ah post hnawhkhah loh a tam

Mizoram Police-a sanction post 12,000 awmah 9,000 chiah hnawhkhah a ni.

Tui anga nghet lo belh tlak an ni lo - MNF President

MNF President leh Chief Minister, Zoramthanga chuan, “Tui anga nghet lo Party-te hi belh tlak an ni lo,” a ti.

Vote nei thei 7,99,328 awm

Mizoram puma Electoral Roll Summary Revision neih chu zawhfel niin Mizoram pumah Vote nei mi 7,99,328 an awm mek. Kumin January ni 1-a kum 18 tling chin te laa Electoral Roll Summary Revision neih zawh takah hian District thar pathum- Hnahthial, Khawzawl leh Saitual te chu an hnuaia awm tur Constituency siamfel a la nih loh avangin District 8-ah Electoral Roll thar hi tlangzarh a ni a. Heta tanga a lan danin Mizoram pumah Assembly bial 40 awmin Polling Station 1222 a awm a, Vote nei thei Mipa 3,89,243 leh Hmeichhia 4,10,085, an vaiin mi 7,99,328 an awm a, heng bakah hian Service Voters Mipa 4817 leh Hmeichhia 64, an vaiin 4881 an awm bawk a. Kum hmasa aia Vote nei punna hi 15,429 niin 1.97% in a pung a ni.

Naupang huaisen lawmpui

Kumin January 26-a India Republic Day lawmna neiha naupang huaisen chawimawina, ICCW National Bravery Award, 2019 dawngtu Caroline Malsawmtluangi, Zuangtui Vengthar leh F. Van-lalhriatrenga, Sairang te chu nimin khan ZPM |halaite chuan an In-ah kal chilhin lawmpuina hun an hmang a, heng naupang te hi Rs. 3000/- ve ve leh thuziak an hlan nghal bawk.

MNYF hruaitu tur ruat thar

MNF President, Zoramthanga chuan kum 2 chhung atan MNF Thalai, Mizo National Youth Front (MNYF) General Hqrs. hruaitu tur chu nimin khan a ruat thar a, President-ah Er. Lalrinawma, Chhinga Veng, Vicer President-ah Lalzahawma Khiangte, Ramhlun Veng-thar leh Treasurer atan H. Lalroliana, Kuli-kawn te ruat an ni.

Kumpuan zirhona nei dawn

Serchhip Sub-Hqrs. YMA Kumpuan Committee chuan Vawiin hian YMA Kumpuan, Zirna Uar tih chungchang zirhona hun Serchhip Sub-Hqrs. YMA Committee Room-ah an buatsaih dawn.

Meizu mi 4 man leh an ni

Serchhip District Anti-Tobacco Squad chuan nimin khan Serchhip khawpui chhunga vantlang hmun leh puipunna hmun hrang hrang bakah sawrkar Pisa-ah dan bawhchhia a meizu an awm leh awmloh enfiah hna thawk lehin dan bawhchhia a puipunna hmuna meizu mi 4 an man a, heng mite hi pawisa chawi tir nghal an ni bawk.

Serchhip-ah e-POS leh Weighing Scale hmang dawn

Supply Department chuan thuchhuah siamin DCSO Aizawl East leh West huamchhung (including suburb) leh DCSO Serchhip, Mamit leh Kolasib huamchhungah e-POS leh Weighing Scale hmang ngei a February, 2020 quota, Retailer ten an sem theih ngeina tura ruahmanna siam tura hriattir an ni tih a tarlang a. Tun tum hi a vawi-khatna tur a nih dawn avangin heng District hnuaia Retailer te tan engemaw khawl thila harsatna awmte a awm anih chuan rang takin DCSO leh thuneitute hnena hriattir turin a chah bawk.

NH. 54 siam zui zel dawn

National Highways and Infrastructure Development Corporation (NHIDCL) hnuaia Mizo-ram Technocrats Company (P) Ltd. ten Serchhip khawpui chhung NH. 54 kawngpui chhe zual thawmthat hna an thawh, sum ruahman in a daih loh avanga an chawlhsan chu Serchhip Sub-Hqrs. YMA ten chhunzawm a nih theihna tura sum ruahman belh tur NHIDCL Manager an ngen hnuah PWD Engineer-in-Chief chuan he hna hi chhunzawm leh a nih tur thu Serchhip Sub-Hqrs. YMA hruaitute a rawn hrilh a, he hna thawktu Mizoram Technocrats (P) Ltd. pawh an bungrua te lachhuak lova hna thawk chhunzawm tura hriattir an nih thu a sawi bawk.

SDVA in thutkhawm an nei

Serchhip District Volleyball Association chuan nimin tlai khan an Secretary, C. Laldin-puia te In-ah Committee neiin tunhnaia Republic Day Volleyball Tournament khelh zawh tak leh Siaha-a Inter-District Volleyball Tournament khelh zawh tak an thlirlet a, Serchhip District aiawha kal te zanriah an kilpui nghal bawk.

Rulhut hlo pek dan tur zirhona neih a n

Karleh Thawhtanni-a National Deworming Day hman tur pualin Serchhip-a zirna In hrang hrang aiawhte chu nimin khan kohkhawm niin naupangte hnena Rulhut hlo pek dan tur sawihona neih a ni.

Electoral Roll thar tlangzarh niin Serchhip District-ah vote nei 51,000 an awm

Image
Kumin January ni 1-a kum 18 tling chin te laa Electoral Roll siamthat hna chu zawhfel niin Serchhip District Election Officer, Dr. Lalzirmawia Chhangte chuan Electoral Roll chu nimin khan a tlangzarh ta a. Electoral Roll thar-a a lan danin Serchhip District pumah Vote nei thei mi 51,000 an awm tawh dawn a ni.

L&L Football-ah Semi Final khel tur hriat kim a ni ta

Serchhip-a L&L Football Tournament khelh mekah nimin khan Quarter Final khelh zawh niin FC Serchhip Kawnpui leh Thenzawl Dinthar FC te chuan an khingpui te hnenah Semi Final an lut.

Hlawhtlinna chang te Sports Minister in a lawmpui

Sports Minister leh Mizoram State Sports Council President ni bawk, Robert Romawia Royte hovin nimin khan International inelna a Medal la naupang pathum leh Republic Day Camp a tel Mizo NCC thalai 6 te lawmpuina hun hman a ni.

Dy. Chief Minister hovin Media Workshop neih a ni

Information & Public Relations Department leh Central YMA tangkawp buatsaihin nimin khan Central YMA Hall, Tuikhuahtlang-ah YMA Chanchinbu enkawltute pualin chanchinbu enkawl dan zirhona 'Media Workshop, 2020' neih a ni.

Petrol thalo thawnlet a ni

PB Lalzuithanga Filling Station Serchhip-a dah tura Inrinni kalta a Petrol (XP) rawn phurh-thlen chu a tha tawklo tih finfiah a nih hnuah thawn let a ni ta a.

Assessment Camp nei mek

Social Welfare & Tribal Affairs Department hmalakna in tunlai hian Serchhip District chhungah Kum upa (Senior Citizen) leh rualbanlo (Person with Disability) tan Assessment Camp neih mek a ni.

Serchhip khawpui chhung Veng hrang hrangah kawngpui siamthat hna thawh mek a ni

PWD Serchhip Division chuan tunlai hian Serchhip khawpui chhunga inkalpawhna kawngpui hrang hrang cheithat hna an thawk mek a, tuna ruahmanna awmsa te chu tunkar chhungin an zo hman mai thei tih an sawi.

CMS-a CCTV bun thar Serchhip DEO in a hawng

Chawngbuangi Memorial School Serchhip chuan nimin khan an School kum 32 tlin lawmna neiin an School-a CCTV an bun thar chu Serchhip District Education Officer (DEO), Zohmangaihi chuan a hawng nghal bawk.

Serchhip-a Para-Gliding intihsiakna neihna tur MYC Chairman in a hmunah a tlawh

Mizoram Youth Commission (MYC) Chairman, Dr. Vanlaltanpuia MLA chuan tun thla ni 13 atanga International Paragliding Accuracy Championship-2020 neihna tur hmun, Serchhip Bawngchawm tlang chu nimin khan a tlawh a. He intihsiakna neih tur atan hian inbuatsaihna zaa 95 vel peihfel a ni tawh.

Village Level Development Programme kalpui dan tur thlir

Village Level Development Programme kalpuina tura State Level Coordination Committee chu nimin khan Aizawl-ah thukhawmin Pilot Project atana thlan khaw 6-a hmalak dan tur hrang hrang an sawiho.

Saza kaptute Police ten an chhuichhuak nghal

Tunhnaia Social Media hrang hranga Mizo-ram State Animal, Saza kap lai video tihdarh chungchangah Association for Environmental Preservation (ASEP) chuan nimin khan FIR thehlutin nimin vek khan Saza kaptu nia hriat te hi chhuichhuah nghal an ni.

ZORAM THAR chu enge ?

ZORAM THAR chu enge ? - Dr. Zaichhawna Hlawndo

Monthly Girl Child Day denchhenin Hmeichhe nau piang te damdawi In-ah en

Image
Serchhip District Task Force on Beti Bachao Beti Padhao (BBBP) in thla tin ni 5-na chu Fanute Ni, Monthly Girl Child Day atana alo puan tawh denchhenin nimin khan Serchhip damdawi In-a hmeichhe naute piang thar te chu en an ni.

Para-Gliding ah man chawia chuan theihna siam

Nimin atang khan Serchhip Chuanhnuai a International Paragliding Accuracy Championship 2020 neih na turah a duh apiang tan man chawia chuan chhin theihna hun hawn tan a ni a. Hemi atan hian Pilot mipa pahnih, Himachal Pradesh leh Sikkim atanga rawn kal te chuan niminpiah khan Serchhip an rawn thleng a, nimin atang khan heng Pilot te hian a duh apiangte chu an phur a ni.

MJA hruaitu tur inruat fel

MJA Serchhip District hruaitu thlanna neih zawh a nih hnuah hruaitu thar te chuan mawh-phurhna lain Secretary hrang hrang turte pawh ruat fel an ni ta.

Kum 2019-ah thisen enfiah atanga chhutin Serchhip District-ah HIV+ hmuhchhuah an tam ber

Image
Kum kalta chhung khan Mizoram District hrang hrang zinga thisen enfiah atanga za zela chhutin Serchhip District chu HIV hrik kai hmuhchhuah tamna ber nia thudawn a ni a. Nikum chhung khan Serchhip District chhunga thisen enfiah 1966 atangin HIV hrik pai mi 64 hmuhchhuah an ni.

L&L Football Quarter Final khelh tan a ni

Serchhip District Football Association buatsaih L&L Football Tournament khelh mekah nimin khan Quarter Final khelh tan niin Vengchung FC leh New Serchhip FC ten an khingpui hnehin Semi Final an lut.

L&L Football-ah Quarter Final khelh tan a ni dawn

Serchhip-a L&L Football Tournament khelh mekah nimin khan Group Match khelh zawh niin Vawiin atangin Quarter Final khelh a ni ang.

Registrar of Marriage ten Annual Training an nei

Serchhip District chhunga Registrar of Marriage te tana kumtina an hnathawh dan inzirtirna neih thin chu kumin atan nimin khan Serchhip-ah neih a ni.

Ramri-ah endik hna tan a ni

Tunlaia China leh khawvel ram dangte ngaih-ven hlawh tak Novel Coronavirus (2019-nCoV) natna leng mek laka lo invenlawkna turin India leh Myanmar ramri depa awm, Zokhawthar, Champhai District-ah nimin atang khan Mizoram sawrkar chuan Medical Screening Team duty dahin, ramri kaltlanga veivak leh khualzinte endik hna an kalpui tan a. He endik hna hi Mizoram sawrkar a Health & Family Welfare Department-a thawktu Doctor, Dr. Samuel Laldinthara, MO, IDSP; Dr. Joel Lairemsanga, MO, MMU leh Staff-ten kalpui tanin, khualzinte chinchang leh awmdante zawtin an Medical Check up an nei a ni.

Thuthang-ah FIR thehlut

 International Paragliding Accuracy Championship 2020 neih tura lo kal zingah Corona virus vei an awm nia sawi chu Paragliding Accuracy Championship 2020 Organizing Committee chuan thu diklo a nih thu leh thuthang diklo chu sawiin, heng thuthang diklo hi mipui ti chiai thei leh he Championship hming ti hliau thei nia an ngaih bakah ram pahnih inlaichinna thleng pawha thil pawi thei anih avangin thu dik lo thehdarhtu te zawnchhuah an nih theih nan niminpiah khan Vaivakawn Police Station-ah FIR an thehlut a. IPAC 2020 hi karleh, Feb. 12-16 chhung khian neih a ni dawn a. Heta tan hian inpuahchahna tluang takin a kal zel a, mipui a duh apiang he Championship ropui tak en tur hian sawm niin Vawiin atang hian man chawi-a mipui chuan theihna pawh tih theih beisei a ni bawk.

Aizawl khawpui-ah zirlaite an pungkhawm

Kum 2017-a MSU hruaitute'n Mizo Zirlaite thlavang an hauhna avanga case awrh tir an a nih chungchngah nimin khan Aizawl City College Joint Student Union te huaihawtin Vanapa Hall kawtah zirlaite pungkhawmin Chakma House bul thleng kawng an zawh a. An phut anga Chakma House khar a nih avang leh Chakma Students Hostel sak chhunzawm a nih loh avangin tlai dar 2:30 velah an tindarh.

Health Minister hovin Aizawl-ah World Cancer Day hman a ni

Nimin Feb. 4, 2020 hi 'World Cancer Day' a ni a, Aizawl-ah chuan Health & Family Welfare Department bultumin Health Minister, Dr. R. Lalthangliana hovin Assembly Annexe Conference Hall, Aizawl-ah hman a ni.

Sialkal Range Development Council Office thar Chief Minister in Mimbung-ah a hawng

Chief Minister Zoramthanga chuan nimin khan Mimbung-ah cheng nuai 45 senga sak, Sialkal Range Development Council (SRDC) Office thar chu a hawng a. SRDC chu council puitling a hlan a nih theih nan thawihtawpa sawrkarin hma a lak pui tur thu a sawi bawk.

Serchhip District in lawmman pakhatna dawng

Image
Pradhan Mantri Matru Vandana Yojana (PMMVY) hna thawk tha lawmman semna chu nimin khan New Delhi-ah neih niin Serchhip District chuan rampuma hna thawk tha lawmman pakhatna a dawng.

Serchhip-ah Heroin man

Zirtawpni zing khan Serchhip Police te chuan Serchhip-ah Heroin No. 4 manin Serchhip khuaa rawn kengtu pawh manin thubuai siam sak nghal a ni.

Kangmei-ah thupek chhuah

Serchhip District Magistrate chuan kangmei chungchanga thupek chhuahin Lo, huan leh leipui hal tur nei ten March 15, 2020 aia tlai lo-ah hal vek tur a nih thu a tarlang.

Sava leh ramsa kah khap

Serchhip District Magistrate, Dr. Lalzir-mawia Chhangte chuan Sava leh ramsa te veh-a tihhlum chu Dan in a khap a nih thu sawiin, hemi zawm lo te chungah Dan anga Action lak a nih tur thu a sawi.

Thuthang diklo tih sawi

Serchhip District Medical Superintendent, Dr. ZD. Lalmuanawma chuan Serchhip District Hospital-ah Coronavirus vei hmuhchhuah awm anga thuthang chu thu diklo a nih thu a sawi.

EMRS sakna tur lung phum

Social Welfare Minister, Dr. K. Beichhua chuan nimin khan Siaha bul, Noaotlah khuaa cheng vbc. 24 senga Eklavya Model Residential School (EMRS) sakna tur lungphum a phum.

Civil Service ten Sawrkar chak leh chak lo neihna ah mawhphurhna sang tak an nei - RD Minister

Rural Development Minister, Lalruatkima chuan Civil Service te chuan Sawrkar chak leh chak lo neihna kawngah mawhphurhna sang tak an neih thu a sawi.

Coronavirus chu WHO in PHEIC-ah puang tawh

Mizoram-ah he hri hi ala rawn lut lo thung Mizoram sawrkar Health & Family Welfare Department-a Principal Secretary chuan Novelcoronavirus hrileng chu WHO chuan Public Health Emergency of International Concern (PHEIC)-ah puang tawh tih sawiin, India ramah a vei hmuh ni tawh mah se he hri leng hian Mizoram a la rawn lut lo tih a sawi.

Larsap in Padmashree Award dawngtu a kawm

Mizoram Governor, P.S. Sreedharan Pillai chuan kumin Republic Day-a Padmashree Award dawngtu, Lalbiakthanga Pachuau, Prominent Journalist chu Inrinni tlai khan Raj Bhavan-ah kawmin thingpui ruai nen a hlawhtlinna a lawmpui a. Lawmpuina thuziak bakah tangkafai a hlan bawk.

I&PR leh MJA thawhho thinna lawmawm tih thu sawi

Information Minister, Lalruatkima chuan Information & Public Relations Department leh Mizoram Journalist Association ten thawhhona tha tak an nei thin chu lawmawm a tih thu a sawi.

MOVCD-NER hnuaia Sawhthing tharchhuah te Agriculture Minister in a vailiam

Agriculture Minister, C. Lalrinsanga chuan Mission Organic Value Chain Development for North Eastern Region (MOVCD-NER) Scheme hnuaia Lunglei Organic Ginger Producer Society in Sawhthing an tharchhuah Metric Ton 40 chu Zirtawpni khan Haulawng atangin a vailiam.

UPC (Mz) Inkhawmpui tiak

UPC Mizoram Serchhip Pastor Bial chuan nimin Pathianni hmang khan Hebron Biak In, Serchhip-ah Mission Department inkhawmpui vawi 17-na an hmang a, he khawmpui hi Zir-tawpni zan atang khan neih niin bialtu Pastor, Pastor Lalnghinglova chuan inkhawmpui hlanna a nei a, Inrinni khan bial Mission Chairman, Upa K. Saitluanga kaihhruaina hnuaiah rorelna neih a ni bawk. UPC Mizoram Serchhip Bial-ah hian tualchhung Kohhran 5 an awm mek a ni.

MISSTA in Conference nei

High School Zirtirtute intelkhawmna, Mizoram Secondary School Teachers Association (MISSTA) Sub-Hqrs. Serchhip chuan Zirtawpni khan Govt. H/S Serchhip-a Conference vawi 7-na hmangin he hun hi MISSTA General Hqrs. atangin an President, Hmingchungnunga leh a thawhpui te pawhin an rawn hmanpui a ni. He hunah hian MISSTA Sub-Hqrs. President atan Paul Zohmingthanga, Vice President-ah Zo-rammuana leh Treasurer atan Rohluzuala te thlantlin an ni.

Hnatlangpui neih a ni

Serchhip-a International Paragliding Accuracy Championship, FAI CAT-II, 2020 neih tur atan Inrinni khan hnatlangpui neih a ni.

Ui pawn-a chhuah khap

Serchhip khawpui chhunga khawilai-a Ui chhuak thin chungchangah thupek tihchhuah thar niin khawlai-ah Ui chhuahtir khap a ni.

District Jail-ah Fundamental Duties zirhona neih a ni

India Republic Day lawmna kal zelah Ser-chhip District Legal Services Authority chuan Zirtawpni khan Serchhip District Jail-ah Legal Awareness Programme on Fundamental Duties an buatsaih a, Jail-a awm mek te tan Volleyball Tournament buatsaih nghal a ni.

Serchhip District Bawrhsap hovin MJA (SD) Annual Conference vawi 13-na hman a ni

MJA Serchhip District chuan Zirtawpni khan Annual Conference vawi 13-na neiin Serchhip District Bawrhsap, Dr. Lalzirmawia Chhangte chuan khuallian niin a hmanpui.