Lenkawl

Kristian Thalai Pawl (KTP) General Conference vawi 58-na chu neih mek niin nimin tlai dar 3:00 thleng khan Palai 15,487 an inziaklut tawh.

Adviser to Chief Minister, C. Lalramzauva chuan nimin zing khan Serchhip District Hospital a tlawh.

Higher Secondary School Leaving Certificate (HSSLC), Pawl 12 Exam chu nimin khan Mizoram pumah neih tan niin Serchhip-ah pawh Exam hi neih tan a ni.

West Lungdar VC leh NGO te chuan tun thla ni 24-a West Lungdar-a mipa naupang kum 13 mi, hnamdang pathum in Motor a an phur leh a hnua thil thleng chungchanga Home Minister in Assembly Session-a a sawi zingah an thil hriat dan nena inkalh a awm nia an hriat thu an sawi.

Centrally Sponsored Scheme (CSS) hnuaia Hindi zirtirtu 1305 rawih thin, Central atanga an hlawh tur dawn a nih tak loh avanga tawp ta te chungchang nimin Assembly rorel inkhawmah sawichhuah a ni a. Education Minsiter, Lalchhama Ralte chuan Hindi zirtirtu engemawzat rawih leh tumin Central sawrkar nen indawr chhunzawm zel a ni tih a sawi.

Mumbai Mizoram House-a damlo te enkawltu, Nurse sawnchhuah a nih vanga Cancer vanga damlo te harsatna tawh nimin Assembly rorel inkhawmah sawilan a ni a, nimin vek khan Male Nurse dahna tur Appointment tih chhuah nghal a ni.

Mizoram sawrkar Information & Public Relations Department bultuma Mizoram Journalists’ Association (MJA) member Kerala leh Tamil Nadu State hmun thenkhat fanga Press Study Tour neite chuan nimin khan Aizawl Press Club-ah zin report an pe.

Mizoram Science, Technology & Innovation Council (MISTIC) chuan nimin khan National Science Day 2020 lawmna ATI Auditorium, Aizawl-ah an buatsaih.

Nimin-a Assembly rorel inkhawmah tun thla ni 16-a chatuan ram pan ta, C. Sangzuala sun a ni.

Assembly Budget Session neih mekah Mizoram a\anga chhuak Bru te Tripura-a an inbenbel hlen theihna tura inremna siam a nih chungchanga lawmthu sawina Motion chu nimin khan pass a ni.

Chief Minister, Zoramthanga chuan Raw Project lian tak an kalpui dawn tih nimin a Assembly Inkhawm ah sawiin, Sawrkarin Raw lian chi chin pun a tum chu zirchianna research neih ni lo mahse, Mizoram leilung, boruak leh sum leh pai lama hlawkna thlentu tur a ni, a ti.

Cheng nuai 78.91 senga Serchhip P&E Veng a Retaining Wall leh Hume Pipe phum hna thawh chu hun remchang hmasa berah siamthat tum a ni.

KTP General Conference vawi 58-na chu nizan khan Serchhip P&E Veng-a Leisekawt Mual-ah neih tan a ni ta a, he khawmpui-ah hian ‘Felna Hriamhrei’ (Rom 6:13) tih chu thupui-ah hman niin Speaker atan Rev. R. Lalrosiama, Field Secretary, Delhi Mission Field chu hman a ni.

Nimin a Mizoram Legislative Assembly Budget Session chhunzawm-ah Minister pathum (3) te Department enkawl hrang hrang atana sum ruahman te chu sawiho a nih hnuah pawm leh a ni a.

Mizoram University Southern Campus, Lunglei-a din turah kumin 2020-21 chhungin zirna tan hman tum a ni tih Higher and Technical Education changtu Minister Dr. R. Lalthangliana chuan a sawi.

Taxation Department changtu Minister, Lalchamliana chuan Dan hnuaia ram pahnih insum-dawntawnna mumal tak la awm loh avangin Myanmar atanga Mizoram-a bungraw lut thin ah chhiah lak theih a ni rih loh tih a sawi.

Tunkar Thawhtanni atanga neih Mizoram Bharat Scouts & Guides 14th State Rally, 2020 chu nimin khan zawhfel niin he Rally kharna hun hi Chief Minister, Zoramthanga chuan a hmanpui a ni.

 MJA General Hqrs. chuan Mizoram sawr-kar Council of Minister thukhawmin Classified Advertisement rate dinglai Rs.100/- per column chu Rs.130/- per column-ah leh, Display Advertisement full page rate dinglai Rs.3000/- chu Rs. 4000/- ah tihsan a remti leh he rate thar hi hman nghal tura ni 26.2.2020-a notification chhuah a ni ta chu lawmawm an tih thu nimin khan thuchhuah siamin an tarlang a. Sawrkar Department te pawh Mizoram chanchinbute duhsakna rilru pu chungin, an hmalaknate leh mipui hriat atana pawimawhte uar zawka advertisement hmanga puangzar zel turin an ngen nghal bawk.

State Advisory Committee Mizoram chu nimin khan Aizawl-a Hotel Floria Conference Hall-ah thukhawmin kumin April ni 1 atanga Electric Current chhit man tihsan dan tur chung-chang sawiho a ni a, Electric Current chhit man chu tunlai thil man to zel dan en in mipuite tana phurrit nilo tura tihsan an remti a ni. He Meeting hi Joint Electricity Regulatory Commission for Manipur and Mizoram Chairman, Er. Ng. Sarat Singh chuan kaihruaiin Electric-power Purchase Management te, Prepaid Metering System hman dan chungchangte leh thildang tamtak rel ho leh sawiho a ni. JERC(M&M) hi Electricity Act 2003-a din a ni a, electric hi company in enkawl a, hlawk taka kalpui tur leh mipuite tan pavha 24x7 power hmu tur leh chhit man pawh sang lutuk lo tur a remruattu commission a ni.

Home Minister, Lalchamliana chuan West Lungdar-a hnamdang kutthlak leh motor halna a thleng chu vanduaithlak a tih thu a sawi a, Dan leh thupek te chu mimal emaw, mipui pungkhawmin emaw, tharum thawhna hmanga an lekkawh tur a ni lo tih a sawi.

Mizoram sawrkar hnuaia zirtirtute an thawhna hmun hrehawm dan mila sawn kual thinna tur dan siamthatna chu nimin khan Assembly rorel inkhawmah pharh a ni.

Local Administration Department changtu Minister, K. Lalrinliana chuan LAD hnuaia Village Council te chu India Danpui siamthat 73-na zulzuiin Panchayati Raj-a let turin Department chhungah ruahmanna a awm tih a sawi.

Lalmalsawma Memorial MFA Inter Village Futsal Tournament 2020 khelh mekah nizan hmasa khan Serchhip-I VC Futsal Team te chuan an khingpui hnehin 3rd Round an thleng ta.

Kum 2019-20 chhungin PWD chuan Restricted Tender 29 an ko nia sawi a ni.

Assembly Budget Session neih mekah nimin atang khan Minister te Department enkawlna tura sum ruahman chu sawiho tan niin nimin khan Minister pathum te Department enkawlna tura sum ruahman chu sawiho hnuah pawm a ni.

Joint Controller of Metrology chuan The Legal Metrology (Packaged Commodities) Rules, 2011 in a phut anga ziahlan ngei ngei ngai (Mandatory Declaration) awm lo thil fun, a bikin Energy Drinks chu Mizoram chhung dawrah zawrh a awm tih hriat a ni tih sawiin, Dan zawm lova hetianga thil zawrh hi mipui te tana him lo thei a nih bawk avangin zuar lo turin mipuite a hriattir a. March, 2020 atangin khauh leh uluk taka dan anga hma lak tan tum a nih thu a sawi bawk.

Serchhip District chhunga Neihloh khua ah niminpiah khan 'Go to the People-Mipui hnenah kal rawh' tih thupui hmangin Sawrkar Department hrang hrang 10 te chuan an Department hmalakna leh mipuite hriat atana pawimawh turte in hrilhhriatna an nei.

PWD changtu Chief Minister Zoramthanga chuan kum 2019-2020 chhungin kawng siam nan cheng nuai 42684.48 hman a ni tawh tih sawiin, hei hi State Fund atangin cheng nuai 26595.80 leh Central Fund atangin cheng nuai 16088.68 a ni, a ti.

Mizoram Aero-Sports Association (MA-SA) chuan tun thla ni 12-15 chhung International Para-Gliding Accuracy Championship tluang taka neih zawh a ni ta chu lawmawm an tih thu an sawi a. He Championship hlawhtling taka neih a nih theih nana thawktu sawrkar Department hrang hrang leh pawl hrang hrang chungah lawmthu an sawi bawk.

PHE Department in Tuikum atanga Serchhip khawpui chawmna tura Tui an lakna Pipeline chhia chu siamthat a nih hnuah mipuite hnenah tui semchhuah hna ngawrh takin an thawk mek zel a.

KTP General Conference vawi 58-na chu zanin atang hian Serchhip P&E Veng-a Leise-kawt Mual-ah neih tan a ni dawn ta a, he khawmpui a Palai turte chuan Vawiin lam hian Serchhip an rawn thleng dawn a ni.

Tunhnaia Phai lam atanga chawhmeh lakluh Serchhip-ah tihto a awm anga thuthang awm chu thu diklo a nih thu Serchhip Bazar-a chawhmeh zuartute chuan an sawi.

Mizoram Police IGP (Law & Order), LH. Shanliana IPS chuan nimin khan Serchhip rawn tlawhin zanin atanga KTP General Conference neih tur atana venhimna hna thawh dan tura ruahmanna hrang hrang a rawn enfiah.

Ni thum (3) awh tur ‘Sustainable Development Goals (SDG) Conclave 2020: Partnerships, Cooperation and Development of North Eastern States’ chu niminpiah tlai khan neih tan niin Chief Minister, Zoramthanga chuan he hun hi a hmanpui a ni.

Mizo Students’ Union (MSU) chuan Mizoram Subordinate Services Selection Board (MSSSB) Chairman atana Political Party mi leh sa dah a ni chu Zoram thalai leh zirlaite dinhmun ngaihtuah in tha an ti lo tih an sawi.

Mizoram Bharat Scouts & Guides 14th State Rally, 2020 chu nimin zing khan Sports Minister, Robert Romawia Royte chuan a hawng a. Tun thla ni 28 thleng khian State Training Centre, Tanhril-ah Rally hi neih a ni ang.

Art & Culture Department leh North Vanlaiphai Joint YMA buatsaih Cultural Meet chu nimin khan Supply Tlang, North Vanlaiphai-ah neih a ni.

Nimin February ni 25, 2020 (Thawhlehni) kha Mizoram khawpui, Aizawl dinchampha vawi 130-na, Aizawl Day a ni a. He ni hi Aizawl-a inbengbel hmasa, Aizawl Mihlun Thlah te chuan uar takin an hmang.

Sports & Youth Services Minister, Robert Romawia Royte chuan Mizoram Youth Commission (MYC) hnuaia Aizawl, Lunglei leh Serchhip-a Youth Centre sakna tur atana Congress sawrkarin hma a lo lak tawhte chu chhunzawm zel a ni tih nimin-a Assembly inkhawm ah Hachhek bialtu MLA, Lalrindika Ralte zawhna chhangin a sawi.

UD&PA changtu Deputy Chief Minister, Tawnluia chuan Aizawl Minicipal Corporation huamchhunga plastic pan chi, micron 50 chin hnuailam khapna siam a nih hnuah plastic quintal 13 chuang man a ni tawh tih Assembly House a hrilh a, plastic bawlhhlawhte pawh mumal leh felfai zawka sawngbawl chhoh tan mek a ni, a ti.

Mizoram in Eklavya Model Residential School (EMRS) 11 din phalna a hmuh tawh bakah a dang 5 din belh tura hmalak mek a ni tih Social Welfare Minister Dr K Beichhua chua a sawi.

UD&PA changtu Deputy Chief Minister, Tawnluia chuan cheng vbc.6.50 senga Siaha Playground-a phullem phah hna thawh mek chu ram neitu in Court-ah thubuai a thehluh avangin hun rei tak hna chawlhsan a ni tih a sawi.

Assembly Session neih mekah Serchhip bialtu MLA, Lalduhoma zawhna chhangin Health Minister, Dr. R. Lalthangliana chuan Serchhip District Hospital chu sak that tum a ni tih a sawi a, hemi atan hian sum ngaihtuah a niin a sum hmuhna turin Concept Paper/Detail Project Report te siamin dilna thehluh anih thu a sawi a. Doctor in daihlohna phuhru turin MPSC kaltlanga Doctor tlem azawng lak phalna sawrkarin a pe tawh tih a sawi bawk.

PWD Serchhip Division ten Serchhip khaw-pui chhung kawngpui siamthat hna an thawh chu an zofel khat ta a. Kumtin-a kawngpui siamthat nana sum an hmuh thin atanga hna thawh tur an ruahman hrang hrangte an thawh bakah tunah hian VC thenkhat chuan sum leh pai thawhin kawngpui thenkhat chu siam a ni a, hei bakah hian Serchhip bialtu MLA, Lalduhoma chuan Serchhip Tuikhuah Veng atanga Tuizemdum kawn inkar siamna tur sum thawhin hei hi nimin khan siam leh nghal a ni bawk.

Aizawl City Bus Owners’ Association (ACBOA) chuan KTP General Conference neih chhunga Aizawl City Bus Service turte hmang tangkai turin mipuite an ngen.

Tuirial Hydel Project chu hawn a nih atangin hman chhunzawm zel a ni a, hawn a nih atanga nikum December ni 31 thleng khan chawhrualin nitin kawlphetha MW 19.65 pechhuak ang a ni.

Sports Minister, Robert Romawia Royte chuan Mizoram chu Fur ruahtui tlak tamna a nih avangin phullem phah anih loh chuan Football khelmual tha leh pawmtlak a awm thei lo a, phullem phahna turin rampawn lam atanga sum puk tur dap a ni tih a sawi.

Hreh tak chungin hna thar lakbelh a tul - Chief Minister Chief Minister, Zoramthanga chuan sawrkar kalta te inrenchem thilah hna thar la lovin an kal ngar ngar tih sawiin, “An kal leh lutuk a, hnathawk thei lovin sawrkar a awm a ni,” a ti a, hei vang hian hreh tak chungin hna thar lak belh a tul a ni, a ti bawk. Mizoram Legislative Assembly Budget Session neih mekah nimin khan kum 2020-21 Mizoram Budget a tlangpuia sawihona, General Discussion tlangkawma thu a sawina ah he thu hi sawiin Finance changtu Chief Minister, Zoramthanga chuan Police 3000 rual vel hna a ruak a, Works Department-ah thawktute an kaisang chho zel a, a hnuai lamah JE leh SA te an awm ngang lo a, hna thar lak loh chuan hna thawh ngaihna a awm lo a ni, a ti a. Inrenchem lutuka hnathawktu tur Pa ber inhrek riltam chu thil awmze awm lo a ni a, 'Hnathawh kan tum a, hnathawk thei turin kan inbuatsaih a ngai a ni' a ti bawk. Chief Minister chuan kum 2020-21 Budget a pharh hnuah sawrkarin project a siam ...

Mizoram Upa Pawl (MUP) District Ser-chhip huaihawtin nimin khan Serchhip-a MUP unit hrang hrangte chuan khawchhung thenfai hnatlang an nei.

Chief Minister, Zoramthanga chuan nimin zing khan Railway Board Chairman, Vinod Kumar Yadav chu nimin zing khan a Pisa-ah hmu in Bairabi-Sairang New Line Project hnuaia hnathawh dinhmun a sawipui.

Kum 2017-a National AIDS Control Organisation (NACO) zirchiannaa a lan danin India ram pumah mi 100 zela mi 0.22 te hi HIV/AIDS positive an ni.

Rajya Sabha MP, Ronald Sapa Tlau chuan Zoram Medical College (ZMC) Director, Dr. Lallukhuma Fimate ngenna angin Thawhlehni kalta khan Medical Council of India (MCI) Office-ah tunlaia ZMC buaina lian tak tawn mek chungchangah MCI Secretary General, Dr. RV. Vats a lenchilh.

Mizoram sawrkara Local Administration Department chuan Aizawl District chhunga phalna awm lova din (Unauthorised Settlement) nia lang khua - Lungsai, Tuikhurhlu, Mualmam leh CTI Ramthar te chu an awmna khua-a Veng pakhata ngaih a nih avangin phalna awm lova khawdin (Unauthorised Settlement) list atangin thai bo nise tiin a rawt a. Mizoram sawrkar chuan State Level Screening Committee rawtna hi pawmin heng te hi dan phal lova din ni lovin, an awmna khua viz. - Maubuang, Seling leh Sesawng Veng pakhat anga ngaih tur an ni.

Assembly Session neih meka pharh tawh, Economic Survey 2019-2020 a a landanin, Mizoram Forensic Science Laboratory chuan kum 2016 atanga 2019 chhungin Case 2260 an khawih a, heng zingah hian Chemistry Department chuan case an khawih tam ber a ni.

Mizoram pawn atanga Mizoram-a lokir, a hritlan avanga Zoram Medical College damdawi In-a enkawl chu a thisen leh a behbawm endik a nih hnu-ah Coronavirus a vei lo tih hmuhchhuah a ni a, Mizoram-ah he natna vei hi an la awm lo.

Adviser to Chief Minister, C. Lalramzauva chuan nimin khan Chalfilh Area Mizoram Upa Pawl (MUP) Conference vawi 30-na chu Khawruhlian YMA Run-ah hmanpuiin kan hnam zahawmna kengtu chu Upa te an nih thu a sawi a. Upa te chu Mizo hnam leh Mizoram malsawmna hnar an nih thu sawiin, Upate hi kan hnam hriatrengna khâwlna báwm, kan ro hlu an ni, a ti. Mizoram-ah hian Upa pawl member 64,078 awmin Sub-Hqrs. 6, Area 83 leh State pawnah Branch 13 a awm a, Chalfilh Area-ah hian Branch 8 awmin member 848 an awm bawk.

Mizoram mi, a bikin Myanmar ramchhung Mel 16 thlenga kal theite tan Ministry of External Affairs chuan ramri kan-a Myanmar luh phalna (border pass) pek chhuah thuai a tum.

Home Minister, Lalchamliana'n kum 2018-2020 chhungin ramdangmi dan lova Mizorama lut mi 330 man an nih thu a sawi a, Ramdangmi man te zinga 274 te chu thawnlet an ni a, a dang zawng chu dan hmanga an chungthu rel sak turin khuahkhirh an nih thu a sawi a, ramdangmi man te hi Nepali, Rohinggya raltlan leh Bangladesh mite an nih thu a sawi.

AH&Vety Minister, Dr. K. Beichhua chuan rampawn atanga vawk lakluh khap ala nih thu House a hrilh.

Deputy Chief Minister, Tawnluia chuan Horticulture Department in Rua lakluh a la nei lo tih a sawi a, hetihrual hian sawrkarin Raw lian chi, Latiflorus leh Brandisii chu chin turin a thlang tih House a hrilh.

Mizoram Legislative Assembly Budget Session neih mekah nimin khan kum 2019-2020 chhunga sawrkar pawisa indaihlohna phuhrukna tur, Supplementary Demand for Grants Rs. 3398,12,71,000/- chu sawiho a nih hnuah lungrual taka pass a ni.

Mizoram sawrkar Information & Public Relation Department buatsaih Press Study Tour : Kerela tlawha kal mekte chuan nimin khan Thiruvananthapuram atanga KM 117 zeta hla Beekeeping Consortium and Training Centre, Kerala State Horticulture Products Corporation (Horti-corp) enkawl Mavelikkara hmun chu an tlawh.

Information & Public Relation Minister, Lalruatkima chuan Journalists pension chu a theih hun hmasa bera pek turin sawrkarin rua-hmanna a kalpui mek tih nimin khan Assembly House a hrilh a. Aizawl West-III bialtu MLA, VL. Zaithanzama zawhna chhanga he thu hi sawiin I&PR Minister chuan, Journalist pension chungchang ah sawrkar sum dinhmunte en chungin hmalak zel a ni a, peihfel a nih hun tur erawh sawi mai theih a nih loh thuin a chhang bawk a. Mizoram Calendar leh Diary te chu kumthar ah tam zawk siam tura ruahmanna kalpui mek a nih thu a sawi bawk.

Agriculture Minister, C. Lalrinsanga chuan 'The Mizoram Organic Farming Bill, 2004' pass a nih hnu hian Mizoram chu Organic State-a puan ngam a ni rih lo tih a sawi.

Serchhip District Bawrhsap Dr. Lalzir-mawia Chhangte, IAS chuan thuchhuah siamin Mizoram sawrkar thuchhuak, The Mizoram Registration of Births & Deaths (Amendments) Rules, 2019, lehkha No. A.43016/6/2014-PLG dt. 28.11.2019 in a tarlan angin, tun atang chuan Executive Magistrate, SDO (Sadar) Serchhip hnenah hian a huamchhunga Births & Deaths Certificate pekchhuah chungchangah thuneihna (hearing and dispose) pek an ni tih a tarlang.

Serchhip-a Chapchar Kut hman dan tur ngaihtuahin nimin khan Chapchar Kut Organising Committee chu District Bawrhsap, Dr. Lalzirmawia Chhangte hovin an thukhawm.

Mizoram Upa Pawl (MUP) Serchhip North Area chuan nimin khan New Serchhip YMA Hall-ah Conference vawi 2-na hmangin he hun hi Serchhip District Bawrhsap, Dr. Lalzirmawia Chhangte chuan khuallian niin a hmanpui a ni.

India rama naupang, nu naupai leh nau hnute pelai ten chawtha an mamawh ang an hmuh theihna tura hmalakna, Poshan Abhiyaan hnuaia Mizoram in National Award a lak lawmna ICDS Project tinah neih tura tih a nih angin Serchhip ICDS Project chuan he Award lawmna hi neiin District Bawrhsap, Dr. Lalzirmawia Chhangte chuan a telpui a ni.

Zomi Cultural Society huaihawtin nimin khan Aizawl Bawngkawn Chhim Veng-a Cultural Centre-ah 'Zomi Nam Ni' (Zomi National Day) vawi 72-na chu hman a ni a, he hun hi Hmar Inpui General Hqrs. Vice President, J. Lalchhan-hima chuan khuallian niin a hmanpui a. He huna khuallian tura beisei Deputy Chief Minister, Tawn-luia chu State Day Programme avanga a tel theihloh thu sawiin, Hnam damchhuah nan tawng leh Culture humhim a pawimawh thu te sawiin, Hnam lam leh zai chi hrang hrang entir a ni bawk.

Lunglei Judicial District huamchhunga Panel Lawyers te pualin nimin khan Lunglei-a Excise & Narcotics Conference Hall-ah an hnathawh chungchangah training neih a ni a, he hun hi Mizo-ram State Legal Services Authority-a Member Secretary, Vanlalenmawia MJS chuan hman-puiin Lawyer chu sum zawnna hmanrua ni lovin, midangte tanpuina hnaa ngaia thawh tur a nih thu a sawi a, sum chu lawmthu sawina atana pek chauh nise tha a tih thu a sawi a. Miretheite hnena sum phut vak vak chu Advocate hna a ni lo tih a sawi bawk. He hunah hian Lunglei Judicial District-a Panel Lawyer mi 28 telin C. Ngaih-kimi, Accountant LSLA leh S. Ngotlia MJS, Magistrate 1st Class Lawngtlai ten zirtirna an pe a ni.

Peace Accord MNF Returnee Association (PAMRA) chuan Mizoram Sawrkar-a In sak tanpuina kum 30 liam tawh hnu thleng a an la dil lo hriatthiam sak turin an ngen.

Mizoram State Day vawi 33-na chu nimin khan Aizawl-ah pawh lawm niin Mizoram Governor, P.S. Sreedharan Pillai chuan khuallian niin a hmanpui a ni.

Mizoram Legislative Assembly Speaker, Lalrinliana Sailo chuan Mizoram-a cheng duhlian tawng hmangte hian Zohnahthlakte Inpui kan nihna hi kan rilru leh mit timengtu nise a duhthu a sawi.

Serchhip District Magistrate, Dr. Lalzir-mawia Chhangte chuan Serchhip District chhungah Vawk leh Vawksa atanga thil siam reng reng lakluh khapna a tichhuak.

Serchhip-a UD&PA Department chuan Individual Household Latrine (IHHL) kaltlangin tunlai hian Serchhip khawpui chhunga Ek In neilo te hnenah Ek In sak tanpuina an sem mek.

Nimin February 20, 2020 hi State dinhmun-a Mizoram hlankaina Ni, Mizoram State Day vawi 33-na a ni a, he Ni hi Serchhip-ah pawh District Bawrhsap, Dr. Lalzirmawia Chhangte hova lawm niin Bawrhsap chuan State dinhmun-a min hlangkaitu Pathian hnena lawmthu sawi fo tur kan nih thu a sawi.

Mizoram Chief Minister, Zoramthanga chuan nimin a Mizoram Budget tur Assembly House a a pharh hnuah thuthar thehdarhtute kawmin budget-in beisei ang pha lo mah se, kum kal meka budget aiin vbc 22.70 in a tam tho tih a sawi a.

Agriculture Department buatsaihin nimin khan Aizawl-a Agriculture Conference Hall-ah Soil Health Card Day puala hun hman a ni.

Nimin khan District Agriculture Office Kolasib hmalakna in Circuit House Complex, Kolasib-ah Rabi Mela buatsaih a ni a, Kolasib District Bawrhsap, Sangchhin Chinzah chuan khuallian niin a hmanpui a ni.

Congress |halai, Mizoram Pradesh Youth Congress Committee (MPYCC) chuan Mizoram Economy dinhmun chuan dinhmun hlauhawm chin, a sen a kawk niin an sawi.

Finance changtu Chief Minister Zoramthang chuan Assembly Budget Session neih mekah nimin khan kum 2020-2021 atana Mizoram Budget Estimate chu House-ah a pharh a, Mizoram Budget hi a vaiin cheng vbc. 10,081.01 a ni a. Tun tumah hian budget hlawk leh duhthusama tha an beisei thei dawn lo tih a sawi.

Chhekhnai Branch YMA hnuaia Anti-Drug Squad te chuan nizan hmasa khan an Branch huam-chhungah Zu thlawrlai thahnem tak an man.

Vawiin February 20, 2020 hi State nihna dinhmuna Mizoram hlankaina Ni, Mizoram State Day vawi 33-na a ni a, he Ni hi State Capital leh District Hqrs. ah hman tura ruahman a nih angin Serchhip-ah pawh Vawiin chawhma dar 10:30 hian DC’s Conference Hall-ah District Bawrhsap hovin hman a ni ang.

Serchhip Police leh Serchhip Sub-Hqrs. YMA Kumpuan Committee hmalakna in nizan hmasa khan Serchhip khawpui chhungah hnam-dang dan lova awm te enfiah hna thawh niin dan lova awm mi 11 te chu nimin khan Serchhip Court-ah hruai an ni.

Nimin khan Serchhip DC Conference Hall-ah Planning & Programme Implementation Department, Govt. of Mizoram bultumin Sensitization Workshop on Sustainable Development Goals for Line Department neih a ni a, he hun hi District Bawrhsap, Dr. Lalzirmawia Chhangte chuan a hmanpui a ni.

PWD Engineer-in-Chief , K. Lalsawmvela chuan Mizoram PWD in State Road KM 5361-a thui a enkawl mek thu leh kawng siam that nan sawrkarin sum an pek that thu a sawi.

Power & Electricity Department changtu Minister, R. Lalzirliana chuan 132 kV line Mamit - Bairabi siam mekah hna za a 40 zawh anih tawh thu House a hrilh.

Indian Oil Corporation Ltd (IOCL) chuan tun thla ni 12 atanga hman turin eirawngbawlna Gas man a bithliah thar a, hemi ang hian Gas bur Kg. 14.2, mimal-in an hman chi khulna chu Vairengte-ah Rs. 1005.50 niin Mizoram hmundangah chuan Rs. 1014/- a ni thung a. Hei hi Home Delivery anga lak a nih chuan bur 1 (khat) ah Rs. 70/- zel chawibelh tur a ni a; Show-room-ah mahni-a va khul a nih chuan Rs. 27.60 zel paih thung tur a ni. Hetihlai hian Commercial Gas Cylinder, Kg. 19 chu bur khat zelah Vairengte-ah Rs. 1771/- leh Mizoram hmun-dangah Rs. 1791/- a ni ang.

Mizoram Pradesh Youth Congress Committee (MPYCC) chuan BJP Sawrkarin Eirawngbawlna Gas hmangin mipuite a rawk niin an sawi.

Mizoram Football Association (MFA) in a buatsaih, Lalmalsawma Memorial MFA Inter Village Futsal Tournament 2020 khelh meka Serchhip atanga tel awmchhun, Serchhip-I VC Team te chuan nimin khan Aizawl panin naktuk ah an match hmasa ber an khel ang.

Mizoram-ah AIDS hrik HIV kai mi 21,538 an awm mek a, HIV Positive hmuhchhuah tawh zingah hian kum 25 leh 34 inkar an tam berin, tun dunhmunah India ramah Mizoram chu he natna kai tam lamah pakhatna a ni mek tih Health Minister, Dr. R Lalthangliana chuan a sawi.

Khawvel-a Biak In lian ber tur, Zofate Biak Inpui sakna tur Thenzawl Kanan Veng-a Phaipui ramah nimin khan Zoramthar huaihawtin Hnam Hnatlang neiin, ramri hung hna thawh tan a ni.

Entrepreneurship Development Centre (EDC) Mizoram leh Planning & Programme Implementation Department, Govt. of Mizoram tangkawp buatsaih, 'Innovative Challenge on Business Solution to Sustainable Development Goals' chu nimin khan Govt. Serchhip College-ah neih niin Adviser to Chief Minister, C. Lalramzauva chuan khuallian niin a hmanpui.

Serchhip-a Excise & Narcotics Department leh Serchhip Sub-Hqrs. YMA Anti-Drug Squad te chuan nizan hmasa khan Serchhip-ah Heroin manin hemi an chhuizuina ah nimin khan Heroin hi an man belh leh.

Serchhip-a MRF Exclusive Showroom hmasa ber, TRS Tyre chu nimin chawhma lam khan Gorav Lal Patoa, District Manager, MRF Limited, Silchar chuan Serchhip Dinthar Veng-ah a hawng.

Mizoram Upa Pawl (MUP) Serchhip South Area chuan nimin khan Conference hmangin he hun hi MUP Serchhip District President, CL. Ramngaia chuan a hmanpui a ni.

Mizoram State Election Commission chuan nimin khan hriattirna siamin Chakma Autonomous District Council hnuaia Village Council 88-a inthlanna chu March 13-ah neih tur a nih thu a tarlang a, hemi rual hian Lai Autonomous District Council hnuaia Council Veng Village Council-a Seat khat-ah inthlanna hi neih a ni bawk ang.

MZP General Hqrs. hruaitute leh Mizoram Scholarship Board hotute chu nimin khan MSB Office-ah inkawmin Mizoram Co-operative Apex Bank kaltlanga zirlaite Account-a Scholarship thun mek leh thun dante an sawiho a. Tunah hian Post Matric-te Scholarship pek mek niin tunkar chhung hian Pre-Matric pawh pek vek hman an nih tur thu MSB hotute chuan an sawi a, MZP hruaitute chuan MSB hotute inpekna leh zirlaite mamawhna hria a kumdang zawng aia Scholarship an pe hma thei chu lawmawm an tih thu sawiin, a dawng tur dik tak ten an dawn theih nan MZP chu zirlaite tan a din zel tur thu an sawi bawk.

AH&Vety Minister, Dr. K. Beichhua chuan nimin khan Khatla-a Mizoram State Veterinary Council (MSVC) Conference Hall a hawng.

Nimin khan Mamit-ah District Level Task Force on Corona Virus chu thukhawmin he natna laka hmalak dan tur an rel a. He Meeting hian State Level Task Force on Mitigation of Corona Virus in a phut angin National leh International Border bulhnaia khua awm zawng zawngah Awareness Campaign neia Gram Sabha nei tura a tih angin Mamit District-a ramri dep khua ah te tun thla chhungin Awareness Campaign hi neih nise an ti a. State dang leh ram dang nen inkalpawhna laiah he hri vei an awm leh awmloh enfiah hna kalpui tura tih a nih angin naktuk atang khian Kanhmun Police Check Gate-ah hmalak nghal tura rel ni bawkin hetah hian Medical Team leh Police ten YMA phungbawm a sawmin hma an la anga, ramdang atanga lo lut mi tupawh an hriselna dinhmun enfiah sak an ni dawn a ni.

Mizoram sawrkar-a MLA hlui, C. Sangzuala chu Pathianni zan dar 9:25 khan LRM Hospital ICU-ah boralin nimin khan a chenna, Chaltlang Veng-ah vuiliam a ni.

ZPM Vice President, Lalthansanga (Chatea), Ex-MLA chuan Congress sawrkarin kum sawm (10) chhungin nuai khat an sem zo hman lo nia sawiin, MNF sawrkarin nuai thum (3) sem an tum chu an sem theih a rinawm loh tih nimin a Aizawl-a ZPM Chhung Inkhawm ah a sawi a.

Mizoram Pradesh Congress Committee (MPCC) chuan MNF sawrkarin Budget-a cheng Nuai 75,000 dah chungin SEDP cheng khat pawh an sem thei lo niin an sawi.

Zo Re-Unification Organisation (ZORO) |halai Hqrs. buatsaihin nimin khan Central YMA Hall, Aizawl-ah Zo Hnam Inpumkhatna Seminar neih a ni. Nimin a Zo Hnam Inpumkhatna Seminar-ah hian ZORO |halai President, L. Ramdinliana Renthlei chuan ZORO chu Political party ni lovin Zo hnam inpumkhatna atana beitu leh hmalatu a ni tih a sawi a, “Zo hnam chi peng hrang hrang kan awm a, kan unau khaw eng la hmu ve lo hi tam tak an awm. Kan tawng leh ziarang thlengin Khawvel politics kalsual vangin a lo danglam a, kan unau ngeite kha unau lo emaw tiin kan inhai fova. Kan unaute ngei pawh, 'Mizo emaw ka tia,' tia thalaiten an lo sawi thin te chu tihbo a hun tawh tih a sawi bawk. He Seminar-ah hian Prof. Jangkhongam Doungel, MZU chu Resource Person atan hman a ni bawk.

Civil Hospital Aizawl-in Mizoram Journalists' Association (MJA) General Hqrs. member te tana a thlawna an hriselna enfiahna hun a buatsaih tur chu nimin khan Health & Family Welfare Minister, Dr. R. Lalthangliana'n a hawng.

Mizoram Legislative Assembly Budget Session chu nimin khan neih tan niin Session tan Ni hian Mizoram Governor, PS. Sreedharan Pillai chuan House-ah thu sawiin, a thusawi chungchanga lawmthu sawina Motion putluh a nih hnuah nimin atan thutkhawm tihtawp nghal a ni.

Zoram Peoples’ Movement (ZPM) Thalai te chuan Inrinni khan ZPM Serchhip Block President, V. Rozamliana Huan, Serchhip Zawlpui-ah intuaitharna an nei.

Mizote Kut pawimawh leh tun thlenga la hman lar, Chapchar Kut chu kumin hian Serchhip bikah March 27 khian hman a ni dawn.

Serchhip khawpui chhung paltlangtu NH. 54 siamthat hna kar kalta atanga thawh chu chhun-zawm mumal theih a nih loh hnuah nimin atang khan Gammon Engineers and Contractors Pvt. Ltd. chuan an thawk tan a, kawngpui siamthat hna hi New Serchhip Kudam Kawn atanga thawh niin hmar lam panin kawng hi siam a ni a, YMA Sub-Hqrs. Serchhip in Khawl (Road Roller) leh hlawhfa an zawn hmanga he hna hi thawh niin tun tumah hian kawng khua chhe zual lai hnawh a ni a. Harsatna awm lova hna hi tluang taka thawh zui theih tawh an beisei tih Serchhip Sub-Hqrs. YMA hruaitute chuan an sawi.

Nimin atang khan High School Leaving Certificate (HSLC) Exam 2020 chu neih tan a ni a, Serchhip-a Centre hrang hrangte pawhin Exam hi neiin March 5 khian zawhfel a ni ang.

Nimin khan Serchhip-ah 'Serchhip District Level Authority on The Mizoram Government Land Pooling & Management Scheme' chu thukhawmin Serchhip District chhunga sawrkar ram enkawl dan tur an rel.

Lunglei District chhunga dan lova Vawk lakluh 14 te chu Inrinni khan kahhlum-a phum an ni a, thudawn danin heng Vawk te hi Myan-mar atanga dan kalha lakluh niin PRRS an vei tih hmuhchhuah a nih hnuah Magistrate chuan tiral turin thupek a siam a, hemi ang hian kah-hlum a phum nghal an ni. Heng Vawk te hi a a puitling vek niin Pukpui-a man a ni.

Sawrkar department thenkhat atanga thu pawimawh ngaihtuah ngaite sawiho in Zirtawpni khan Chief Minister, Zoramthanga hovin CM Office Cabinet Meeting Room-ah Council of Minister te an thukhawm. Council of Minister thukhawm hian Mizoram sawrkar hnuaia Muster Roll te chungchang sawiin, anmahni enkawl dan tur rawtna lut chu pawm a ni a. Hemi hnuaiah hian Muster Roll te chu Provisional Employee tia thlak an ni anga. Minimum Wages Act hnuaia hlawh la thin kha Pay Structure hran neiin felfai takin an thlatin hlawh (renumeration) tur pawh siam a ni ang. An hlawh hi kumtin basic pay atangin 4% a tihpun (annual increment) a ni tawh anga. Hemi bakah hian Travelling Allowances/Daily Allowance leh transfer TA an bill thei dawn bawk a ni. Provisional Employee te hian Medical Allowance 4% in an hlawh ah an dawng tel tawh dawn bawk a. Hmeichhe tan fa pahnih aia tamlo ah Maternity Leave kar 26 chhung an la thei ang a. Mipa tan Paternity Leave ni 7 chhung lak theih a ni dawn bawk a ni. Provision...

New Delhi a cham mek Minister, Dr. R. Lalthangliana chuan Zirtawpni zan khan World Bank Officials pawimawh te nen World Bank Office ah inkawmna an nei a, January 7, 2020-a World Bank Headquarters, USA-a thuneitu sangte hnena a thlen bawhzuiin, Mizoram a Health Project lian tham kalpui dan tur a sawipui a. Mizoram a College hrang hrang leh Polytechnic hrang hrang tihchangtlunna tur atan thawhho dan tur leh hmalak dan tur an sawiho bawk.

Zirtawpni khan Mizoram District hrang hrangah Valentine's Day pualin Association for Voluntary Blood Donation (AVBD), Mizoram State AIDS Control Society (MSACS) leh Blood Bank-te tangrual chuan thisen pek rûnpui an huaihawt a, Mizoram thisen Unit 1,114 pek a ni.

Mizoram Legislative Assembly Budget Session chu Vawiin hian neih tan a ni dawn ta.

Serchhip Sub-Hqrs. YMA hruaitute chuan nimin tlai khan Serchhip khawpui chhung kawngpui (National Highway) siamthat hna thawktu tur, Gammon India Ltd. hotute chu an Office-a leng ah sawmin harsatna an neih hrang hrangte an sawipui a. He hunah hian hmanrua (khawl) leh hlawhfa a harsatna an neih te sawiho niin khawl an mamawh, Road-Roller leh hnathawktu te chu a theih anga ngaihtuah dan tur sawiho niin Vawiin lam hian hna hi chhunzawm theih beisei a ni.

Chief Minister, Zoramthanga chuan Inrinni khan lehlanga Serchhip rawn tlawhin K|P General Conference neihna tur Pandal a tlawh bakah International Para-Gliding Accuracy Championship kharna hun a hmanpui nghal bawk.

MJA Serchhip District member te chuan Ningani leh Zirtawpni khan Serchhip District chhunga sawrkar laipui ruahmanna anga Pradhan Mantri Gram Sodak Yojana (PMGSY) hnuaia hnathawh thenkhat te a hmunah tlawhin an enfiah.