Society building thar hawng

Sawrkar atanga sum hmuh cheng nuai 7 leh Society sum hmanga sak Keitum-a Farming Co-operative Society Ltd. building chu nimin khan Asst. Registrar of Cooperative Societies (ARCS), Serchhip District, K. Lalduhawma chuan a hawng.

He Building thar hawnna hunah hian ARCS, K. Lalduhawma chuan Keitum Farming Cooperative ten tanrualna leh thawhho tha an neih avanga building tha tak an sa thei chu lawmawm a tih thu sawiin, COVID-19 avanga harsatna karah pawh Co-operative Movement kaltlangin hmun tam takah mipuite harsatna chhawk zangkhai tura hmalak anih thu a sawi a, hemi kawngah hian nasa zawka hma la zel turin Cooperative Society member kalkhawmte chu a fuih bawk.

Cooperation Department in project thar a kalpui mek, PMVDY chungchang sawiin ARCS chuan, he Project atana sum tul zawng zawng sawrkar laipui atanga hmuh a nih thu leh tunhnai maiah Central lamin Mizoram-a Cooperative Society te kaltlanga Tribal ten ramhnuai atanga thil lakchhuah, a hlutna belhchhah hnuah sum-a chantir theih tur chi dehchhuah kawnga hmalakna lian tak an kalpui tan mek thu a sawi a. Tunah hian Mizoram Project tan cheng nuai 1725 lai Central lamin pawmsak thu leh heng sum te hi tangkai taka hman a nih tur thu sawiin, hei hi Mizoram pawhin nasa taka hma a sawn pui ngei a rin thu a sawi bawk.

Keitum-a Farming Co-operative Society Ltd. building hi Integrated Cooperative Development Scheme sum cheng nuai 7 leh Society sum neih sa atanga sak niin an Society-ah hian member 88 an awm mek a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn