YMA Zaipawl in ‘Nunhlui’ an tlangzarh

/

Serchhip Sub-Hqrs. YMA Zaipawl in Music Video an siam thar, 'Nunhlui' tih chu nimin khan Serchhip DVO kalchhuak ta leh Serchhip Sub-Hqrs. YMA-a Executive Member lo ni tawh, Dr. Lalnghinglova chuan a tlangzarh.

He Music Video thar tlangzarhna hun hi nimin chhun khan Serchhip Mat Phai, CMS Picnic Spot-ah neiin Serchhip Sub-Hqrs. YMA Zaipawl Committee Chairman, Vanlalhluna chuan a kaihruai a, Zaipawl Secretary leh Conductor, C. Lalneihkima chuan Music Video an buatsaih dan te tarlangin hemi hnu hian Dr. Lalnghinglova hian Music Video thar hi a tlangzarh a, ani bakah hian Serchhip Sub-Hqrs. YMA Treasurer, Kawlthuama chuan thu a sawi bawk a ni.

Nimin-a Zaipawl Music Video tlangzarhna hun hi sawrkar in COVID-19 hri leng chungchanga inkaihhruaina a siam bawhchhe lo tura ruahmanna siam niin Zaipawl member te leh sawmbik mi tlemte an tel a, Serchhip Sub-Hqrs. YMA Zaipawl tana tha leh zung nasa taka sengtu, Laltinkhumi Hnamte, Govt. Higher Secondary School Serchhip Principal kalchhuakta hnenah chawimawina an hlan bawk a ni.

Serchhip Sub-Hqrs YMA in Music Video an tlangzarh tak 'Nunhlui' tih hi Zaipawl Committee dinglai in Music Video panga (5) an tlangzarhna a ni a, he hla hi Lalhmangaiha (MALTA) phuah niin, Vintage Recording, Serchhip-ah record in, Music Video hi Asanga Videography siam a ni a, Shooting hi Piler ah neih niin mi thahnemngai te sponsor atanga siam a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »