Latest News

Mizoram-ah hri kai hmuhchhuah belh zel an ni

Inrinni khan Mizoram-ah Sample 3866 enfiah niin hri kai 345 hmuh a ni a, Inrinni-a hri kai hmuhchhuah thar tarlan zingah hian a hma lama Lawngtlai District chhung Karlui-I a hri kai lo hmuhchhuah tawh mi 147 zet chu ziahluh thar an nih avangin hri kai hmuhchhuah hi a tam phah niin a lang.

Muallungthu khua ah Model Village hawnna nei

Mizoram Lok Sabha MP, C. Lalrosanga’n SAGY hnuaia Model Village tura a thlan, Muallungthu khua ah nimin khan Model Village hawnna neiin Model Village chungchang zirhona neih nghal a ni.

Muallungthu YMA Hall-a Model Village hawnna hunah hian Lok Sabha MP chuan Muallungthu khua ah Model Village hawnna neiin Model Village puanna neih nghal a nih thu a sawi a, Model Village chu MP tinin an nei tih sawiin, “Hei hi a bul intanna a rei tawh a, Gandhi Phylosophy atang daiha lo intan tawh a ni a, a hmanraw pakhatah ka lo tang thei ta hi lawmawm ka ti hle bawk,” a ti a. He ruahmanna hi October, 2014 khan rawn chhawp-chhuakin kan hmang chho ta zel tih sawiin, amaherawh chu an hun tam zawk Covid vangin hnathawh nan an hmang hlei thei lo chu pawi a tih thu a sawi.

Lok Sabha MP chuan Model Village tha lawr lak ni tura hma la turin he huna kalkhawm te chu a chah a, “Covid avang hian India leh Mizoram-ah pawh sum lamah kan tlahniam hle a, chuti chung pawhin a tih theih dan danin hma kan la zel dawn a ni,” a ti bawk.

Comments

Chhiar Hlawhte

Serchhip District-ah COVID-19 Vaccine pe leh dawn