Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

Hri kai pakhat hmuh belh

Niminpiah a Serchhip District-a Sample en-fiah atangin COVID-19 hri kai mi pakhat hmuh belh leh niin nimin-ah hri kai enkawl dam an awmlo thung.

Serchhip CMO Office atanga thu kan dawn danin niminpiah khan Serchhip District-a TrueNat Laboratory-ah Sample 12 enfiah niin Rapid Antigen Test hmangin Sample 10 enfiah a ni bawk a, heng atang hian hri kai pakhat hmuhchhuah a ni. He hri kai hmuhchhuah hi TrueNat Laboratory-a sample enfiah atanga hri kai hmuhchhuah niin mipa kum 22 mi, Shillong atanga Nov. 22-a rawn haw niin sawrkar hmun-hmaa inkhunghrang nghal a ni a, taksa-a natna hri kai lanchhuahna neilo a ni.

Nimin lamah Serchhip District atangin hri kai enkawl dam an awm lova, nimin thleng khan Serchhip District-a hri kai hmuhchhuah chu mi 159 an tling ta a, heng zinga 125 te chu enkawl dam ni tawhin tunah hian hri kai enkawl-lai 34 an la awm mek a ni.

Comments

Chhiar Hlawhte