Lenkawl

Nikum-a Rajiv Gandhi Stadium, Mualpui-a Artificial Turf phah thara sum sen zat Mizoram State Sports Council in a hriatpui lo tih Sports Minister Lalnghinglova Hmar chuan Assembly House a hrilh.

Health Minister Lalrinpuii chuan nimin khan Civil Hospital, Aizawl-ah Biometric Attendance, Medical Record Digitalization, CCTV, Hospital Pharmacy, Jan Aushadhi, Hospital Website, Online OPD Registration & UPI Payment, SMS Lab. Report, OPD Ticket Counter leh HIV Viral Load Machine te a tlangzarh.

District Council & Minority Affairs Minister C. Lalsawivunga’n Autonomous District Council (ADC) pathumte inrelbawlna chungchang ah Governor thupek ni lovin District Council & Minority Affairs Department a inrawlh hriat a ni lo tih a sawi.

P&E Minister F. Rodingliana chuan sawrkar in thla khat-ah kawlphetha leina atan cheng vbc. 33 atanga 37 vel a sen thin thu a sawi.

 Nimin-a Mizoram Legislative Assembly thutkhawm ah Home Minister K. Sapdanga Official Resolution putluh, Myanmar ramri hung tumna leh Free Movement Regime (FMR) tihtawp duhlohna te chu lungrual taka pass a ni.

Sawrkar Laipui-a Ministry of Information & Broadcasting sum cheng nuai 100 senga Champhai-a ‘Experiential Learning Centre’ (ELC) din tur chungchang chu nimin khan nimin khan District Bawrhsap James Lalrinchhana hovin sawiho a ni.

Kum 2024-2205 Mizoram sawrkar Budget pharh takah Budget pumpui atangin hmasawnna hna thar thawhna tur, Capital Expenditure chu zaa 17.03 a ni a, sawrkar inrelbawlna senso Revenue Expenditure chu zaa 82.97 ni tura chhut a ni.

Chief Minister Lalduhoma chuan Ban-a Kaih Policy chu thalai ten sem ni lovin Thawhrimna chu hlawhtlinna a ni tih an hriat theih nan hman tum a nih thu a sawi.

Chief Minister Lalduhoma chuan kum 2024-2025 chu sum renchem, sum dinhmun insawh nghehna kum a ni tih sawiin, chuti chung chuan hmasawnna hnathawh tur erawh a pun tho thu a sawi.

Chief Minister Lalduhoma chuan langtlang leh rintlak taka sum leh pai enkawl an ngaih pawimawh hmasak dawn thu a sawi.

Assembly Budget Session neih mekah nimin khan Finance changtu Chief Minister Lalduhoma chuan kum 2024-2025 chhunga Mizoram sawrkar budget cheng vbc. 14,412.12 chu a pharh a, kum kal mek 2023-2024 a Mizoram Budget aiin cheng vbc. 202.17 (1.42%) in a tam zawk a. Revenue surplus cheng vbc. 564.95 awm tura beisei a ni.

Mizoram-a Goods and Services Tax (GST) Dan hman mek siamthatna tur Bill chu nimin khan Assembly House-ah pawm a ni.

MNF Sr. Vice President Tawnluia chuan, “Tun dinhmunah chuan Pu Zoramthanga uapna kan la mamawh,” a ti.

ZIDCO Chairman JK. Dawngzuala chuan ZPM Policy, Hand Holding chu ZIDCO chuan tangkai taka kalpui an tum thu a sawi.

Tun sawrkar kal mekah dan lova kuhva tawlh ruk bag 2868 man a ni tawh.

Home Minister K. Sapdanga chuan tun dinhmunah Mizoram-ah Police hna ruak hnawhkhah loh 4,268 a awm tih a sawi.

India ramchhung hmun hrang hranga Rrailways Project hrang hrang 2,054 hna bultanna tur lungphum phumna leh hna thawh zawh tawh hawnna chu nimin khan Prime Minister Narendra Modi chuan neiin he hun hi Sairang Station-ah pawh lo zawm a ni.

Mizoram University Convocation vawi 18-na chu nimin khan neih a ni a, he hun hi India Vice President Jagdeep Dhankar chuan khuallian nia hmanpuiin MZU-a Chief Rector leh Governor Dr. Hari Babu Kambhampati bakah Chief Minister Lalduhoma leh Babasahep Bhimrao Ambedkar University-a Chancellor ni thin Prof. Prakash Bartunia te chu khualzahawm an ni.

Mizoram tlawha rawn zin Vice President Jagdeep Dhankhar chuan nimin khan Mizoram Legislative Assembly Member te hmaah thu sawiin, Mizoram-a Assembly Session lo kalpui tawh dan te a lo en thu leh felfai leh zahawm taka an thu rel dan chu lawmawm a tih thu a sawi.

Mizoram sawrkar-a Health Minister Lalrinpuii'n Health Care Bill ba cheng vbc 45.59 chuang rulh nana SEDP sum cheng vbc 40 ruahman sa hmangin Bill ba te tun sawrkar kum chhunga pekchhuah tum a nih thu a sawi.

Ramchhunga Rel chawlhhmun thar leh thuam thar 554 leh Rel kawng chunga kawngchhawng siam leh a hnuai lama siam 1,500 zet chu Vawiin hian Prime Minister Narendra Modi chuan hawngin lungphum a phum dawn a, Sairang Rel chawlhhmun-ah pawh hemi rual hian hmun hman ve a ni ang.

PWD Minister Vanlalhlana leh Assembly Deputy Speaker Lalfamkima te chuan Inrinni zing khan Khamrang leh Buichali inkar kawng dinhmun enfiahin kawng chhe lai siamthat dan tur te an ruahman.

Mizoram-a Jail hrang hrang 10-a Jail tang awm thei zat tura bituk chu mi 1,386 an nih laiin February 22, 2024 thleng khan tang 2,030 an awm a. Hetihlai hian Jail chhungah thil duhawm lo (Attemp to suicide etc.) a thlen thin avangin Surprise Checking nei turin thupek chhuah a ni.

Excise & Narcotics Department (END) Minister Lalnghinglova Hmar chuan Mizoram Excise & Narcotics Manual angin transfer leh posting kalpui a ni dawn tih a sawi.

Mizoram-ah kumin chhungin ruihhlo vanga thi mi 10 an awm tawh a, kum 1984 atanga kumin thlengin ruihhlo vanga thi mi 1,820 an awm tawh a. Mizoram Police-te chuan nikum chhung khan ruihhlo chi hrang hrang cheng vbc. 49 chuang hu man an nei.

Mizoram hmun hrang hranga semchhuah tur damdawi hmanga chiah sa Thosilen chu Inrinni khan Aizawl atangin vailiam a ni a, kumin March-April inkar hian Mizorama District 9-ah te mipui hman theih tura sem zawh hman tura hmalak mek a ni.

Higher & Technical Education Minister Dr. Vanlalthlana'n Lengpui-a National Institute of Technology (NIT) Mizoram, Campus sak chung-changah Environment, Forest & Climate Change Department-ah cheng vbc. 22 chuang sum pek a ngaih avangin harsatna lian tak an tawk mek tih House a hrilh.

Health Minister Lalrinpuii'n Doctor hna ruak hnawh khah ngai post 101 leh Nurse hna ruak 143 bakah thawktu dang lak belh ngai tam tak a awm thu House a hrilh.

Mizoram-a Sangha chi supply kawngah duhsak bik an awm thin avang leh Sangha note tam tawk loh avangin Sangha tharchhuah a tlem phah tih Fisheries Minister Lalthansanga chuan a sawi.

Mizoram Legislative Assembly Session neih mekah ‘The Mizoram Water Resources (Management and Regulation) Bill, 2024’ chu sawiho a nih hnuah pass a ni.

Chief Minister Lalduhoma chuan Mizo thalai hna zawng mek ten an rin ngam tur Mizoram Public Service Commission (MPSC) chhawpchhuah an duh avangin Mizoram Sub-Ordinate Service Selection Board (MSSSB) chu thiah a ni tih sawiin, MPSC thuamchak tum a ni tih a sawi bawk.

Nimin khan Siaha-ah DDCMC/DISHA thutkhawm chu an Chairman leh Lok Sabha MP C. Lalrosanga hovin neih a ni.

Kum kalta 2023 chhung khan Kolasib District-ah Malaria vei mi 29 hmuhchhuah niin Dengue vei mi 17 hmuhchhuah an ni bawk.

Adviser to Chief Minister (Implementation of Hand-Holding Policy) KC. Lalmalsawmzauva chuan nimin khan Khawzawl tlawhin sawrkar Department hotute nen District chhunga sawrkar bungrua/hmunhma hman tangkai loha awm mek (Non-Functioning Assets) chungchang an sawiho.

Social Welfare Minister Lalrinpuii'n ruang phurh inkaihhruaina dan duan mek a nih thu sawiin, kum 2024-2025 Budget Estimate ah cheng vbc. 5 dah a nih thu House a hrilh.

Mizoram-ah Contract hna kallai Bill lak tawh, a taka hna la thawh si loh 30 vel a awm.

Tun dinhmunah sawrkar ruahman angin Sawhthing lei la ni lovin, sawrkar Minimum Fixed Rate-a lei turin Budget-ah dah tum a ni.

Mizoram-a tlawmngai pawl hrang hrang telna, NGO Coordination Committee Mizoram buatsaihin nimin khan Aizawl-a Vanapa Hall kawt-ah Central Sawrkar in Myanmar leh India ram mite Passport leh Visa tellova an inkalpawh theihna Dan, ‘Free Movement Regime’ a thiah tak leh India leh Myanmar ramri hung a tumna duhlohna punkhawm neih a ni.

Chief Minister Lalduhoma'n thlai thar pali lei tura mipui-a an intiam zingah Hmunphiah hring a tel lo tih Assembly House hrilhin, Land Resources, Soil & Water Conservation Minister Lalthansanga'n Hmunphiah chingtuten a hralhna kawngah harsatna an tawk tih sawrkarin a hria tih House a hrilh bawk.

Zirtirtu lak chungchanga a khaw mi leh Block chhung mite duhsak hi

Mizoram Governor Dr. Hari Babu Kambham-pati chuan nimin tlai khan Raj Bhavan Durbar Hall-ah Mizoram leh Arunachal Pradesh State-te pualin Foundation Day lawmna hun a buatsaih.

Indira Gandhi National Open University (IGNOU) Convocation Vawi 37-na chu nimin khan IGNOU Regional Centre, Selesih, Aizawl-ah neiin PWD Minister Vanlalhlana chuan a hmanpui a, thawhrimna leh taimakna rahchhuah Degree, Diploma leh Certificate zirlaite'n an dawng tur chu a lawmpui thu sawiin, damchhunga inzir reng tur kan nih avangin zirna chu duhtawksan mai lova inzir reng turin a chah a, an thiamna chu khawtlang tana a tha zawnga danglamna thlentu nise a duh thu a sawi bawk. Minister hian zirlai hlawhtlinna chang Master Degree 580, Bachelor Degree 561, PG Diploma 46, PG Certificate 5, Diploma 4 leh Certificate zirlai 47, an vaiin mi 1243 te hnenah Degree, Diploma leh Certificate a hlan a ni.

Mamit Luangpawl-a Jawahar Navodaya Vidyalaya, School Campus chu nimin khan India Prime Minister, Nadrendra Modi chuan biakhmuhtheihna hmangin a hawng a, hemi pual-a JNV School Campus-a hun hman chu bialtu MLA Er. H. Lalzirliana chuan a hmanpui bawk a ni.

Mizoram State Day vawi 37-na chu nimin khan Aizawl-a Vanapa Hall-ah neih a ni a, he hun hi Governor Dr. Hari Babu Kambhampati chuan khuallian nia hmanpuiin Chief Minister Lalduhoma chu Khualzahawm a ni.

Zoram Medical College Faculty & Doctors Association (ZFDA) hruaitute chuan nimin khan Chief Minister Lalduhoma chu a Pisa-ah kawmin an ngaih pawimawh te an thlen bakah Chief Minister pawhin an hmalakna te a lo hrilh bawk.

Mizoram Youth Commission (MYC) Chairman Malsawmzuala Ralte leh OSD to CM Jonathan Lalremruata te chuan nimin khan Union Minister of State for Minority Affairs John Barla chu Delhi-a a chenna In ah an kawm.

MNF Treasurer K. Vanlalauva chuan tunah chuan midang ken ve a tum thawh thu a sawi.

Khelo India University Games (KIUG) 2023 hnuaia Mipa Football inelna chu nimin khan Rajiv Gandhi Stadium, Mualpui-ah neih tan a ni a, Team 8 ten inelna an nei dawn a ni.

ZPM President Lalliansawta chuan ram hruaitu tura thlanchhuah Chief Minister leh Minister rualte hmalakna an hmuh chinah mipui an lawm niin a sawi.

Vawiin February 20, 2024 (Thawhlehni) hi Mizoram State Day a ni a, sawrkar Pisa chawlh a puan a nih angin sawrkar Pisa leh zirna In te khar a ni ang.

Mizoram Legislative Assembly pakuana thutkhawm vawi 2-na, Budget Session chu nimin khan Assembly House-ah tan a ni a, Larsap Dr. Hari Babu Kambhampati chuan Member-te hmaah thu sawiin, sawrkar intiamna chu mawhphurhna lak ngam leh sawrkar inrelbawlna kawng hrang hranga langtlang taka hmalak a nih thu a sawi.

Chief Minister Lalduhoma chuan mahni eizawnna lam thawk mumal hman lo khawpa pawl danga inhman vak vak te chu a tha lo takzet tih a sawi.

Fur ruahtui tlak laia Khawthlangtuipui lian avanga insasengna tur hmun remchang nei lote inthiarluh lailawkna tur atan ruahman, Safe House sak chu Inrinni khan Lunglei DC Ramdinliani chuan a tlawh.

Mizoram Rajya Sabha MP K. Vanlalvena chuan Inrinni khan Governor Dr. Hari Babu Kambhampati chu Raj Bhavan-ah hmuin Mizoram tana thil pawimawh hrang hrang an sawi dun.

Mizoram Legislative Assembly Budget Session chu Vawiin hian neih tan a ni dawn ta.

Mizoram State Resource Mobilisation Committee thutkhawm chu Inrinni khan an Chairman leh Chief Minister Lalduhoma hovin CM Meeting Room-ah nei a ni.

Mizoram-a sawrkar Department 38-ah aikal chhawr 3365 an awm mek a, aikal chhawr awm lohna Department pathum (3) a awm thung.

Supply Minister B. Lalchhanzova chuan eirawngbawlna Gas hnianghnar zawk nei turin sawrkar in hma a la tih a sawi.

Chief Minister Lalduhoma chuan NGO Coordination Committee, Mizoram hruaitute chu Inrinni khan CM Meeting Room-ah kawmin Myanmar ramri hung, Free Movement Regime leh thil pawimawh dangte an sawiho a. Sawrkar chuan Myanmar ramri hi hung tha a tih loh thu a sawi nawn leh bawk.

Tunhnaia Social Media kaltlanga mipat hmeichhiatna hmang lai tihchhuah thar chungchang ah Mizoram State Commission for Women chuan thubuai thar a ziaklut.

I&PR Minister Dr. Vanlalthlana chuan mipuite hriat tur pawimawh sawrkar thu leh hla, Scheme leh hamthatna awmte zau zawka puanzar kawngah Media platform hrang hrangte tangkai lehzuala hman a tul thu a sawi.

Mizoram State Public Grievance Redressal & Monitoring System thar, 'Mipui Aw' tih chu nimin khan Chief Minister Lalduhoma chuan a tlangzarh a, a kaihhruai sawrkar chu mipuite aw ngaithla turin a inpeih reng tih a sawi bawk.