Mizoram-ah COVID-19 hri kai mi 5 hmuh belh leh

/

Niminpiah-a Mizoram-a Sample enfiah atangin COVID-19 hri kai mi 5 hmuh belh an ni a, an vai hian tualchhung-a hri inkaichhawng vek an ni.

Niminpiah-a Mizoram-a COVID-19 hri kai hmuhchhuah te hi Rapid Antigen Test hmanga Sample enfiah atanga hri kai hmuhchhuah te an ni a, an zinga pathum te chu Lawngtlai khawpui chhung ami niin tualchhung-a hri kai te atanga kaichhawng an ni a, Lunglei District-ah hri kai pakhat hmuh niin hri a kaina chhui mek a ni a, Aizawl District-ah hri kai pakhat bawk hmuh niin damdawi In-a inentir tura kal hri kai hmuhchhuah niin hri a kaina chhui mek a ni bawk.

Niminpiah khan Rapid Antigen Test hmang hian Sample 530 enfiah a ni a, ZMC Laboratory-a Sample enfiah 235 atangin hri kai hmuh an awm lova, District hrang hranga TrueNat Laboratory-ah Sample 162 enfiah niin hri kai hmuhchhuah an awmlo bawk. Heti hian nimin thlengin Mizoram-ah Sample 1,68,202 enfiah ni tawhin hri kai 4085 hmuhchhuah an ni tawh a, Sample enfiah atanga zaa 2.43 te chuan hri an kai tawh a ni. Mizoram-a hri kai hmuhchhuah atang hian nimin thleng khan mi 3922 te chu enkawl dam an ni tawh a, tunah hian hri kai enkawllai 156 awmin hri kai zingah nunna chan 7 an awm tawh bawk a, nimin khan hrik ai mi 15 te chu enkawl dam leh niin hri kai 96.01 enkawl dam an ni tawh a ni.

India ramah hri kai 24,010 hmuh belh leh an ni :

Darkar 24 kalta chhung khan India ramah COVID-19 hri kai 24,010 hmuhchhuah leh niin hemi hun chhung hian hri kai 33,291 te enkawl dam an ni thung. Ministry of Health & Family Welfare chhinchhiahna atanga a lan danin darkar 24 kalta chhung khan India ramah Sample 11,58,960 enfiah leh niin heng atang hian COVID-19 hri kai 24,010 hmuhchhuah leh an ni a, heng te nen hian tun thlenga India rama Sample enfiah chu 15,78,05,240 niin heng zinga zaa 6.30 te chuan hri an kai tih hmuhchhuah a ni a, hri kai hmuh tawh zawng zawng hi 99,56,557 an tling tawh a ni.

Darkar 24 kalta chhung khan India ramah hri kai 33,291 te chu enkawl dam leh niin tun thlenga hri kai enkawl dam chu 94,89,740 an tling tawh a, hei hi hri kai hmuhchhuah atangin zaa 95.31 niin tunah hian hri kai enkawllai 3,22,366 an la awm mek a ni. Darkar 24 kalta chhung khan India rama hri kai zingah nunna chan 355 an awm leh bawk a, heng te nen hian tun thlenga hri kai zinga nunna chan chu 1,44,451 an ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »