Lenkawl

Azaadi Ka Amrit Mahotsav Plan hnuaia hmalakna kal mekah nimin khan Serchhip-a Village Council Member te tan Bawlhhlawh sawngbawl dan inzirtirna neih a ni a, Serchhip khawpui chhungah pawh bawlhhlawh paih turte thliarhran a nih tawh dawn thu he hunah hian tarlan a ni.

Serchhip District Medical Superintendent Dr. ZD. Lalmuanawma chuan niminpiah khan COVID-19 hri a kai tih hmuhchhuah a ni a, amah hi tunhnaia hrisel lohna nei sa a nih bakah Oxygen Level a hniam deuh avangin ZMC-a enkawl tura tih niin nizan hmasa khan ZMC-ah lak niin ICU-ah enkawl mek a ni.

Serchhip District-a African Swine Fever (ASF) leng chuan ziaawm lam pan zelin lang mah se nimin thlengin Vawk thi erawh ala awm belh zel a, nimin khan Buangpui-ah Vawk 3 thi lehin Zote South leh Sailulak-ah Vawk thi pakhat ve ve a awm leh bawk a, heti hian Serchhip District-a ASF vanga Vawk thi chu 3711 a tling tawh bawk a ni.

Nimin khan Serchhip District-ah COVID-19 hri kai mi 39 hmuhchhuah belh leh niin hri kai te zingah mi 12 enkawl dam an ni bawk.

Mizoram Sawrkar in Khelo India Scheme hnuaia Khelmual-a Phullem a phah tur atan nimin khan MSSC Complex, Muallungthu-ah lungphum phum a ni.

Champhai leh Hnahlan Grape chingtute Wine siamchhuah dan tur peihvat tum niin Mizoram Liqour Prohibition (MLP) pawh khauh taka kalpui zel tum a ni.

Mizoram-ah I-Lab bun dawn

Niminpiah khan Mizoram-ah Sample 7156 enfiah leh niin heng atang hian COVID-19 hri kai 1380 hmuhchhuah leh an ni a, Sample enfiah zawng zawng atanga za zela 19.28 te chuan hri kaiin Mizoram-a hri kai hmuhchhuah zat ala tlahniam hlei thei lo a ni.

School Education Minister Lalchhandama Ralte chuan Education Department chu COVID-19 hripui leng avanga lockdown tuar ber an ni tih a sawi.

Mizoram Govt. Adhoc Aided High School Teachers Association (MIGAHTA) hruaitute chuan nimin khan School Education Minister Lalchhandama Ralte hnenah a tulna hmun apianga hman turin Ambulance pahnih an hlan.

Health Minister Dr. R. Lalthangliana chuan RT-PCR Laboratory la din lohna District dang zawngah din turin sawrkarin hma a la a, ruahmanna a siam tih a sawi.

Tuikum bialtu MLA leh Assembly Deputy Speker Er. Lalrinawma chuan a bial chhung Chhiahtlang khua a COVID-19 hri kai te enkawlna hmun, 4C siam thar chu nimin khan tlawhin tanpuina a hlan nghal.

Hun engemaw chen buaipui a nih hnuah East Lungdar leh Khawzawl inkar-a 132kV Line chu nimin khan enchhinna neih a ni ta a, nimin tlai dar 3:15 atang khan East Lungdar atang hian 132kV in Khawzawl-ah Electric hi lak niin nizan zan khua khan enchhinna atan lak tura ruahman a ni. Hetianga East Lungdar leh Khawzawl inkar Line hi hman theih a nih chuan Serchhip pawhin Zuangtui-Khawzawl-East Lungdar atangin 132kV in Power a la thei tawh dawn a, Khawzawl pawhin Serchhip atang hian Power lain Saitual leh Champhai te pawh pekchhawn theih an ni tawh dawn a ni.

African Swine Fever (ASF) vangin Serchhip District-ah ni khat-a Vawk thi tam tawh lo mah se Vawk thi erawh ala awm zeuh zeuh a, nimin khan ASF vang hian Serchhip District-ah Vawk pakhat thi ve lehin hei hi Khawlailung khua ami a ni a, Khawlailung-ah hian ASF vangin Vawk 10 lai a thi ve tawh a ni. Heti hian nimin thleng khan Serchhip District-a khaw 35-ah ASF vang hian Vawk 3706 thi tawhin Vawk thi tamna ber Thenzawl-ah Vawk 921 a thi tawh a, Vawk 100 aia tam thihna hi khaw 10 lai a awm a ni.

Serchhip District-ah COVID-19 hri kai enkawllai 514 an awm mek.

Sawrkar hmun tur ruahman

Mizoram-ah COVID-19 hri kai hmuhchhuah zat ala tlahniam thei tak tak lova, niminpiah khan Sample 9494 enfiah leh niin heng atang hian hri kai mi 1846 hmuhchhuah leh niin hei hi Mizoram-ah ni khat-a hri kai hmuhchhuah an tam ber tum a ni leh a, Mizoram-a hri kai hmuhchhuah pawh mi sing kua aiin an tam ta a ni.

Congress Thalaite chuan Sawrkar laipui puihna chauha Vawk hri nasa taka tuartute puih tum chu dik an tihloh thu an sawi.

Mizo Zirlai Pawl (MZP) General Hqrs. hruaitute chu Myanmar atanga raltlan, Mizoram khaw hrang hranga awmte thlamuan tur leh tanpuina pe turin nimin khan an thawkchhuak.

East India leh North East India-a State hrang hrang ten Economy leh Culture-a inkungkaihna nghet zawk an neih theih nana buatsaih ‘East India Summit-2021’ chu nimin khan neih tan a ni.

NABARD, Mizoram Regional Office Aizawl buatsaihin nimin khan Geographical Indications (GI) chungchang inhrilhfiahna leh zirhona neih a ni.

Mizoram State Health Care Society (MSHCS) Governing Body Meeting vawi 25-na chu nimin khan CM Conference Hall-ah neih a ni.

Bialtu MLA a boral avanga Assembly bial ruak-a puan tak 4-Tuirial (ST) A/C-ah October 30, 2021 khian MLA thlangin mipui ten Vote an thlak dawn a, he inthlanna a Vote tla te chu November 2-ah chhiar nghal tur a ni ang.

COVID-19 vanga nunna chan chhungte hnenah zangnadawmna (ex-gratia) mi pakhat tan Rs. 50,000/- pek a ni dawn a, hemi atana inkaihhruaina pawh tihchhuah niin Ex-gratia hi COVID-19 vanga thi te laina hnai (next of kin) tan chauh dil theih a ni dawn a ni.

Pathianni khan Mizoram-ah Sample 1659 enfiah leh niin heng atang hian COVID-19 hri kai mi 527 hmuh leh an ni a, hri kai hmuh zat hi tlem mah hi Sample enfiah atanga chhut chuan za zela 31.77 zetin hri an kai a ni.

Serchhip Town chhunga VC thenkhat te chuan an huamchhunga hri kai te enkawlna tur hmun siamin hman chhoh mek a ni.

Nimin khan Serchhip District-ah African Swine Fever (ASF) vangin Vawk 5 lai a thi leh a, heng Vawk thi zinga 3 te hi Thentlang khua ami niin Zote South leh Serchhip P&E Veng-ah Vawk pakhat ve ve a thi leh bawk a ni. Heti hian nimin a Vawk thi leh te nen hian Serchhip District-a ASF vanga Vawk thi chu 3705 niin Vawk 2994 suat a ni tawh a, nimin ah Vawk suat a awm belh lo thung a ni.

Nimin khan Serchhip District-ah COVID-19 hri kai mi 70 zet hmuh belh leh niin hri kai mi 80 zet enkawl dam an ni bawk.

Azaadi Ka Amrit Mahotsav Plan kalpui mek ah Vawiin hian Serchhip khawpui chhunga Village Council Area fai thlanna neih tan a ni dawn.

Serchhip bialtu MLA Lalduhoma chuan nimin khan Serchhip bial rawn tlawhin COVID-19 hri kai enkawlna hmun hrang hrangah hri leng dona atana hmanraw pawimawh te a hlan.

Zirlaite harsatna enpui

Nimin Sept. 27, 2021 khan ‘World Tourism Day 2021’ hman niin he ni puala Tourism Department in Aizawl Vanapa Hall-a hun an hman chu Tourism Minister Robert Romawia Royte chuan a hmanpui a. He hunah hian ‘Ek Bharat Shreshta Bharat programme’ pawh hman nghal a ni bawk.

Mizoram sawrkar-a Health Department chuan tun thla ni 25 khan Mizoram pawn atanga lo lut te zawm tur inkaihhruaina thar a tichhuak.

Tripura atanga Bru hruaikir tum 8-na a Mizoram-a hruai kir te hnenah nimin khan Bru Repatriated Fix Deposit Certificate hlan niin hemi hmang hian chhawmdawlna sum an dawn tur Bank-a dah sak te chu an lachhuak thei dawn a ni.

Inrinni thleng khan Mizoram-ah mi 6,76,998 te chu COVID-19 Vaccine Dose 1-na pek ni tawhin an zinga 4,15,020 te chuan Dose 2-na an la tawh bawk a. Mizoram-a kum 18 chunglam 7,75,106 zinga zaa 87.34 te chuan Vaccine Dose 1-na la tawhin zaa 53.54 te chuan Dose 2-na an la tawh bawk a ni.

Nimin tlai thleng khan Serchhip District-a COVID-19 hri kai hmuhchhuah chu 2166 an tling tawh.

Serchhip District chhunga khaw 35-ah nimin thleng khan ASF vangin Vawk 3700 a thi tawh.

Zirtawpni kalta zan khan Chhiahtlang Joint VLTF huaihawtin Chhiahtlang-a tlawmngai pawl hrang hrang leh Kohhran hrang hrang hruaitute chu thukhawmin Chhiahtlang-a COVID-19 hri kai te enkawlna atan Community Covid Care Centre (4C) din nise an ti a, a hmun atan Govt. M/S Chhiahtlang pawh thlan nghal niin Inrinni-a hnatlang an neih bakah tukin hian hnatlang neih leh a ni anga, Vawiin hian Chhiahtlang-ah mi 56 te Sample enfiah tur awmin hri kai hmuh belh an awm a nih chuan 4C-ah hian dahluh nghal theih tura ruahman a ni.

Oct-ah Scho sem beisei

Mizoram-ah COVID-19 hri kai hmuhchhuah an la awm belh zel a, Inrinni khan Sample enfiah 8229 atangin hri kai 1478 hmuh leh niin Sample enfiah atanga za zela 17.96 te chuan hri an kai a ni.

Mizoram Pollution Control Board (MPCB) Chairman R. Thanga banna thehluh chu pawm leh pawm loh chungchang ngaihtuah a la ni lo.

Mizoram hmun hrang hrangah Myanmar atanga raltlan an la rawn luh belh zel a, Champhai District-ah raltlan 2,600 chuang an awm mek nia chhinchhiah a ni.

MNF Party chuan Congress Party chu politics khelh nana hripui hmang chhen lo tura an duh thu sawiin, hripui chu kan zavaia tangruala do tlan chi a ni tih an sawi.

Tuirial Assembly bial-a bye-election chu November thla tawp lam emaw, January thla chawhnu lamah emaw neih a nih rin a ni.

Mizoram chhunga COVID-19 hri kaite enkawl dan tur leh kawng hrang hranga mawhphur bik tur, mithiam rual awmna State Level Expert Team on Covid-19 Management din a ni a. Health Minister chuan tunlai-a hri kai hmuhchhuah a tam chhan chu hri kai hnimhnaite chhui a nasat vang niin a sawi.

Serchhip District Information & Public Relation Officer, K. Saitluanga chuan COVID-19 hri leng avanga inkhuahkhirhna te kalpui mek a nih avangin naupang leh thalai ten an taksa an sawizawi a, an rilru an senna tur ngaihtuahpui chu thil tul leh pawimawh tak a nih thu a sawi.

Health Department-a Food and Drug Administration (FDA) leh Excise and Narcotics Department te chuan nimin khan Serchhip-a damdawi zawrhna dawr thenkhat atangin dan lova damdawi zawrh thahnem tak an man.

Serchhip District-ah nimin khan COVID-19 hri kai mi 98 enkawl dam niin Serchhip District-a hri kai enkawl dam tam ber ni nia hriat a ni.

National Health Mission (NHM)-a Mission Director, Dr. Eric Zomawia leh Health Department a mi pawimawh thenkhat te chuan nimin khan Serchhip District Hospital an tlawh.

Nimin Sept. 24, 2021-a NSS Day 2021 denchhenin Govt. Serchhip College NSS Unit leh Red Ribbon Club tangkawp chuan Serchhip District Hospital-ah a mamawh apiang hman turin thisen an pe a, thisen petu te hi mipa 7 leh hmeichhia 12, an vaiin 19 an ni a, thisen petu zingah hian zirtirtu mipa pathum an tel bawk.

Serchhip District Level Committee on Cleanliness Week chu nimin khan Serchhip-ah thu-khawmin Azaadi ka Amrit Mahotsav Plan (AKAMP) hman dan tur leh kumin a Mizoram Cleanliness Week hman dan tur chungchang an sawiho.

MYC in hmalakna tur puang

Mizoram-ah ni khat-a COVID-19 hri kai hmuhchhuah zat ala tlahniam thei rih meuh lova, niminpiah khan Sample 8683 enfiah leh niin heng atang hian hri kai 1257 hmuhchhuah niin Sample enfiah atanga za zela 14.48 te chuan hri an kai a ni.

Pachhunga University College (PUC) in khaw chuam (Adopted Village) atan Khawrihnim an thlan hawnna chu nimin khan neih niin he hun hi Education Minister Lalchhandama Ralte chuan a hmanpui a ni.

Union Power Minister Raj Kumar Singh hovin niminpiah khan India ram State hrang hranga Power changtu Minister-te chuan Central Scheme thar, Revamped Distribution Sector Scheme chungchangah Video Conference an nei.

Serchhip atanga East Lungdar kaltlanga Khawzawl-a 132 kV Line hmanga kawlphetha pekna line chu karleh Thawhlehni, September 28 khian enchhinna neih tum a ni.

National Service Scheme (NSS) din champhaphak, NSS Day 2021 lawmna chu nimin khan Aijal Club-ah neih a ni a, he hun hi Sports Minister Robert Romawia Royte chuan khuallian niin a hmanpui a ni.

Mizoram Pradesh Congress Committee (MPCC) chuan COVID-19 dona kawngah Health lam enkawltu pahnih in an mawhphurhna an hlen zo lovin, kal ngaihna an hriat tawh loh thu sawiin, Dr. R. Lalthangliana leh Dr. ZR. Thiamsanga te chu an mawhphurhna an hlen zo lo tih hi pawm a, mi thar chak zawk, rilru leh tha thara hripui do thei tur hnenah mawhphurhna hlan mai turin an ngen nawn.

Serchhip District-ah COVID-19 hri kai hmuh tawh chu mi 2000 aiin an tam ta.

Serchhip District chhunga Booth Level Officer (BLO) te tana ni 2 awh training chu nimin khan zawhfel a ni.

Nimin khan Serchhip District-ah African Swine Fever (ASF) vangin Vawk pahnih a thi ve leh a, heng Vawk thi te hi Sailulak leh Sialsir khua ami te niin heng khaw pahnih ah hian Vawk pakhat ve ve a thi a ni. Nimin khan Serchhip District-a Vawk hri lenna ah Vawk suat a awm belh lova, heti hian nimin thleng khan Serchhip District-a ASF vanga Vawk thi chu 3688 niin Vawk 2994 suat a ni tawh bawk a ni.

Nizan hmasa dar 8:00 vel khan Remruatpuia (14) s/o MS. Dawngliani, Serchhip Ramthlun Veng chu COVID-19 vangin ZMC-ah a boral a, a ruang hi Serchhip-a rawn lak a nih hnuah nimin khan vuiliam a ni.

Chhiahtlang-a YMA Branch hrang hrang ten Myanmar atanga Chhiahtlang-a rawn raltlan te tana chhawmdawlna an khawn Rs. 3000/- leh Serchhip Sub-Hqrs. YMA in buhfai bag 2 leh mutbu an pek te chu nimin khan Chhiahtlang YMA Coordination Committee chuan raltlan te hnenah an hlan a. Chhiahtlang-ah hian tun din-hmun ah Myanmar atanga raltlan mi 8 awm mekin heng mite hi chhungkaw pahnih ami te an ni a, an zingah hian naupang te pawh an tel a ni.

PMGSY hnuaia Green Technology hmanga Kanghmun South leh Neihloh inkar kawng siam zawh tawh leh Sialsuk leh Sailam inkar kawng siam mek te chu nimin khan Assembly Deputy Speaker Er. Lalrinawma chuan tlawhin khawtlang mipuite nen heng kawng siam chungchanga inrawnkhawmna leh sawihona neih nghal a ni bawk.

Mizoram-ah COVID-19 hri kai hmuhchhuah belh zel ala ni a, niminpiah khan Sample 8396 enfiah leh niin heng atang hian COVID-19 hri kai mi 1294 hmuh leh niin Sample enfiah zawng zawng atanga za zela 15.41 te chuan hri an kai a ni.

Speaker in Khawruhlian tlawh

Mizoram Pradesh Youth Congress Committee (MPYCC) chuan nimin khan Chief Minister hnenah Principal Consultant, Civil Aviation Wing, J. Lalhmingliana chawlhtir tura ngenna an thehlut. Chief Minister hnena lehkha an theh-luh ah hian MPYCC chuan J. Lalhmingliana hi January 23, 2019 khan kum hnih leh a chanve atan thla khata Rs. 30,000/- hlawh turin Principal Consultant, Civil Aviation Wing of GAD, Govt. of Mizoram atana ruat a ni tih tarlangin, Principal Secretary to Govt. tlukpui nihna pek a nih thu leh sawrkar hnathawk anga en niin, DFPR, 1978 hnuaiah Head of Department nihtir a ni tih an tarlang a. Principal Consultant, Civil Aviation Wing, GAD hnuaiah hian sum hman dik lohna leh dan kalha hnathawh awm ngei nia kan hriat avangin MPYCC aiawhin MPYCC Treasurer leh General Secretary te hmingin April 16, 2019 khan Lokayukta Mizoram hnenah 'complaint' thehlutin hei hi Lokayukta chuan thutlingah ngaiin Anti-Corruption Bureau (ACB) chu Preliminary Enquiry nei tura tiin ACB hian chhui...

Tourism Department changtu Minister Robert Romawia Royte chuan nimin zing khan Central Scheme, PRASAD Project atanga Khaw-thlirna (Viewing Gallery) Laipuitlang-a sak dan tur hmun a en.

Durtlang North-a Agriculture Godown hman tangkai tawh loh chu tuai thara Vegetable Supply Chain-a thlai thar phochhuah nana hman tangkai dan tur enpuiin Agriculture Minister C. Lalrinsanga chuan nimin khan a hmunah a tlawh.

Mizoram-a AB-PMJAY kalpui a nih October 1, 2018 atanga kumin March 31 thleng khan Mizoram-ah damdawi-a inenkawlna Bill 51,096 lut tawhin heng Bill atang hian cheng vbc. 27 chuang pekchhuah a ni tawh.

Serchhip District Bawrhsap hmalakna a Serchhip District in Plastic Sawngbawlna khawl, Plastic Shredder thar CSR Fund atanga dawn chu tunhnia khan Serchhip rawn thlenpui niin UD&PA Department kutah hlan nghal a ni.

Nimin khan Serchhip District-ah African Swine Fever (ASF) vangin Vawk thi pahnih a awm leh a, Serchhip khawpui chhung ami ve ve niin Vengchung leh Serchhip Kawnpui North ami te an ni a, heng te nen hian Serchhip District-a khaw 35-ah ASF vangin Vawk 3686 a thi tawh a, Thentlang, Sailulak leh Sialsir te chu ASF vanga Vawk thi awmna ah chhiar tel an ni leh bawk. Nimin khan Serchhip Kawnpui North-ah Vawk pakhat suat leh niin Serchhip District-ah Vawk 2994 suat a ni tawh a ni.

Nimin zing dar 9:00 vel khan Serchhip Vengchung atanga Bazar lam pana tlan Auto Rickshaw pakhat chuan Tuizemdum kawn-a chawhmeh zuar te hnawlin mi pakhat chu damdawi In-ah admit a ni.

Nimin khan Serchhip District-ah COVID-19 hri kai mi 33 hmuh belh leh niin mi 43 zet enkawl dam an ni thung.

Sawrkar mi pawimawh hmu

COVID-19 hri kai chu Mizoram-ah hmuhchhuah belh zel an la ni a, niminpiah khan Mizoram-ah Sample 8805 enfiah niin heng atang hian hri kai mi 1355 hmuhchhuah niin Sample enfiah atanga za zela 15.39 te chuan hri an kai a ni.

Mizo Students’ Union (MSU) General Hqrs. chuan Mizoram Pollution Control Board (MPCB) Chairman R. Thanga chu bang tura ngenin September 24, 2021 thleng an ngaichang dawn tih an sawi.

Lunglei-a tlawmngai pawl hrang hrangte chuan Lunglei-a RT-PCR Laboratory din tura YMA hmalakna ah tanho zel nise an ti.

Rotary Club of Aizawl chuan COVID-19 hripui dona atana hman turin Oxygen Concentrator 135 chu nimin khan Health Minister Dr. R. Lalthangliana hnenah an hlan a, hemi hmalam hian Baptist COVID Care Centre-ah Oxygen Concentrator hi 10 an hlan bawk a ni.

Mizoram-ah COVID-19 hri kai hmuhchhuah an la pung chak hle a, niminpiah khan Sample 9344 enfiah leh niin heng atang hian hri kai mi 1731 hmuhchhuah an ni a, Mizoram-ah ni khat-a hri kai hmuh tam ber ni niin Sample enfiah zawng zawng atanga za zela 18.53 te chuan hri an kai a ni.

Serchhip District-a COVID-19 hri kai hmuh tawh chu mi 1900 aiin an tam ta.

Serchhip District-ah African Swine Fever (ASF) vanga Vawk thi la awm ve zelin nimin khan Chhuanthar Tlangnuam-ah Vawk 3 thiin Bungtlang-ah pahnih a thi leh a, nimin a ASF vanga Vawk thi 5 te nen Serchhip District-ah ASF vang hian khaw 32-ah Vawk 3677 a thi tawh a ni. Nimin vek khan Chhuanthar Tlangnuam-ah Vawk 7 suat niin Hmuntha-ah Vawk pakhat suat a ni bawk.

Serchhip-a District Urban Development Officer (DUDO) Quarters sak mek chu zawh hun tura ruahman chhungin sak zawh hman a ni lo.

Serchhip Sub-Hqrs. YMA chuan Myanmar ram buaina avanga Mizoram-a rawn raltlan te tan an huamchhungah tanpuina khawn nise an ti.

Naupang te dikna leh chanvo humhalh a nih theihna tura thawktu, Child Welfare Committee (CWC) chu tunhnai khan Mizoram District hrang hrangah ruat thar an ni.

Scholarship sawihona nei

Football hmasawnna tur leh thalaite eizawnna kawhhmuh kawnga thawkdun turin Mizoram Youth Commission (MYC) leh Mizoram Football Association (MFA) te chuan nimin khan Thawhhona Thuthlung an ziak.

Mizo Language Board (MLB) Study Team chu nimin khan thukhawmin Mizo Language Board din tura hmalakna kal mek an thlirho.

Chief Minister Zoramthanga leh NITI Aayog Member V.K. Paul leh a thawhpuite chuan niminpiah, Sept. 20, 2021 khan Virtual Meeting neiin, Mizoram-a hmasawnna ruhrel din kawnga thu pawimawh tak tak an sawiho.

Mizoram-ah COVID-19 Delta Plus Variant a awm tih finfiah a ni tawh.

September 20, 2021 atanga September 26, 2021 chhunga rampuma insumdawntawnna (commerce) Hapta ‘Vanijya Saptah’ hman mek chu nimin khan Mizoram-ah pawh a hawnna neih niin Ports, Shipping and Waterways changtu Union Minister Sarbananda Sonowal chuan he Hapta hi a hawng a ni.

Mizoram sawrkar-a Road & Infrastructure Development Board chuan Mizoram chhunga National Highway hrang hrang siam hna thawk mektu Construction Company te chu an hnathawh mek te chak tak leh dik taka hna kalpui zel tura hriattirin an hnathawh te pawh an enzui reng tur thu an sawi.

Pathianni khan Mizoram-ah Sample 2879 enfiah leh niin heng atang hian COVID-19 hri kai 558 hmuhchhuah leh an ni a, Sample en zawng zawng atanga za zela 19.38 te chuan hri an kai a ni.

COVID-19 hri leng dona atana PM-CARES Fund atanga Serchhip damdawi In-a Oxygen Plant bun tura hmalakna ah Oxygen Plant bun hna thawktu turte chuan Vawiin hian Serchhip an rawn thlen beisei niin Oxygen Plant bun hna hi thawh nghal tur a ni ang.

Nimin khan ASF vangin Serchhip District ah Vawk 14 lai a thih belh leh.

Serchhip bialtu Thenzawl Forest Division-a DFO, Margaret Lalramchhani chu Indian Forest Service-a a kaisan hnuah Kolasib DFO hna chelh tura sawn a ni a, a aiawh tur erawh dah ala ni rihlo thung.

Serchhip District Bawrhsap Lalmuansanga Ralte chuan Serchhip khawpum bakah Chhingchhip Mualpui, Hriangtlang, Zote South leh Thenzawl Town-ah Vawk dam leh dam lo talh leh zawrh khap tlat a nih thu thuchhuah siamin a tarlang a, heng khua te hi ASF vanga Vawk talh lo khap tawhna khua te an ni. He thupek thar ah hian heng khua ah te hian Vawk, Vawksa leh Vawksa atanga thilsiam reng reng zawrh, lakluh leh lakchhuah khap tlat a nih thu tarlangin, Vawk thi an awmin, AH & Vety Department mithiamte rawn chunga tihral tur a nih thu a tar-lang bawk. He thupek hi September 17, 2021 a chhuah a nih atangin thla hnih (2) chhung huam tura tih niin thupek zawmlo te chu Sec. 180 IPC dan hmangin hrem theih an ni ang. 

Serchhip District chhunga Keitum khua chuan nimin atang khan an khawchhung ah hri leng mek vangin Lockdown an kalpui leh.

CS hovin hmalakna thlirho

Chakma Autonomous District Council (CADC)-a Boropansury bialtu MDC, Rasik Mohan Chakma chu nimin khan MDC a nihna atanga ban a ni.

MNF Thalai Mizo National Youth Front (MNYF) Hqrs. chuan 'Martarte Ni' pualin nimin khan Aizawl-a Govt. Mizo High School-ah thisen pek runpui a huaihawt a, mi tlawmngai 41 ten thisen an pe a ni.

MNF Party chuan nimin, September 20, 2021 khan ‘Mizo Hnam Martar te Ni’ vawi 42-na hmangin he ni pual hian MNF General Hqrs. buatsaiha hun hman a ni a, Hnam Martar te sunna neiin zahna pangpar dah a ni bawk.

Tunhnaia Myanmar tualchhung buaina thleng avangin Mizoram chhungah raltlan rawn lut an pung zel a, Tuipuiral Group YMA huamchhunga raltlan rawn lut chu mi sanghnih chuang ni tawhin Lawngtlai District-ah pawh raltlan hi an rawn luh belh zel a ni.

Serchhip District-a COVID-19 hri kai hmuh tawh zawng zawng chu 1811 an tling tawh.

Tun dinhmunah Serchhip District-ah COVID-19 hri kai mi 360 vel enkawl theihna awm mekin In lama hri kai enkawllai thahnem tak an awm avangin hri kai enkawlna hmun indaihlo lutuk erawh a ni lo nia thudawn a ni.

Mizoram-a COVID-19 hri kai hmuhchhuah la pung zelin hri kai zingah enkawl dam pawh an pung ve zel bawk.

Nimin khan Serchhip District-ah African Swine Fever (ASF) hri leng avanga Vawk thi awm belh lovin hri leng vanga Vawk suat pawh a awm lova, nimin thlenga Serchhip District-a ASF hri lenna khua a Vawk thi chu 3658 ni tawhin Vawk suat pawh 2968 a tling tawh bawk a ni. Hetihlai hian Vawk hri lenna hmun ni lo a nimin khan chhan hriatloh a Vawk thi pakhat awmin Rullam khua ami a ni a, Serchhip District-a chhan hriatloh a Vawk thi chu 69 a tling tawh bawk a, hri lenna hmun a puan ni lo zingah Thinglian chu Vawk thi tamna ber niin Vawk 32 lai a thi tawh a ni.

Serchhip District Consumers Association te chuan Jio Mobile Service leh Bharti Hexacom Ltd. (Airtel) te chu ni 7 chhunga an Signal pek an siamtha lo a nih chuan Consumer Court, District Commission-ah khin an tum thu an hrilh.

Kum 10 hnuailam hri kai tam

Mizoram-a sawrkar School zawng zawnga ruahtui khawlna siamna tur Project thehluh tawh chu School Education Minister chuan New Delhi-ah a bawhzui.

Inrinni kalta khan ‘World Bamboo Day’ pualin India hmarchhak State te'n Virtual Conference an buatsaih a, he hun hi Chief Minister Zoramthanga chuan khuallian niin a hmanpui a ni.

Mizoram-ah COVID-19 Vaccine la thei zinga za zela 87 te chuan Dose 1-na an la tawh a, Vaccine pekchhuah chungchangah tan lak a ngai lehzual tih Health Minister hova Mizoram-a COVID-19 hripui leng mek dinhmun thlirhona neih ah tarlan a ni.

Sports Minister Robert Romawia Royte chuan Tuirial hmuna Motor Sports leh a kaihhnawih project chungchang sawrkar laipui-a mi pawimawh te a sawipui.

School Education Minister Lalchhandama Ralte in sawrkar laipui hotute hnena a thlen angin Hindi Teacher 314 lakna tur leh Myanmar atanga raltlan naupangte zirna tur pek remtih a ni.

 Mizoram sawrkar in PM-CARES hnuaia 300 LPM Oxygen Plant a dawn SRHF-ZMC a bun chu nimin khan Health Minister Dr. R. Lalthangliana chuan a hawng.

AH&Vety Minister Dr. K. Beichhua chuan Slaughter House sakna tur Aizawl leh District dang 4 tan Project siam a nih thu a sawi.

Tunhnaiah Serchhip District-ah COVID-19 hri kai hmuhchhuah an tam chhoh avangin TrueNat Laboratory-a Sample enfiah tura lak zingah la enfiah hmanloh a awmkhawl nual nia thudawn a ni a, tunah hian Sample za chuang lakkhawl la awmin ni 3 vel Sample dah tawh te pawh a awm nia thudawn a ni bawk.

Mizoram State Anti-Tobacco Day vawi 8-na pualin nimin khan Serchhip-ah hun hman niin kumin chhunga Gutkha atanga thil siamchhuah an man te tihralna hun hman nghal a ni bawk.

Sawrkar laipui Scheme thar, Special Central Assistance for Tribal Development chungchang inhrilhhriatna leh thlirhona chu nimin khan Serchhip DC Conference Hall-ah neih a ni.