Azaadi Ka Amrit Mahotsav Plan hnuaia hmalakna kal mekah nimin khan Serchhip-a Village Council Member te tan Bawlhhlawh sawngbawl dan inzirtirna neih a ni a, Serchhip khawpui chhungah pawh bawlhhlawh paih turte thliarhran a nih tawh dawn thu he hunah hian tarlan a ni.
Nimin khan Serchhip District-ah COVID-19 hri kai mi 39 hmuhchhuah belh leh niin hri kai te zingah mi 12 enkawl dam an ni bawk.
Mizoram Sawrkar in Khelo India Scheme hnuaia Khelmual-a Phullem a phah tur atan nimin khan MSSC Complex, Muallungthu-ah lungphum phum a ni.
Champhai leh Hnahlan Grape chingtute Wine siamchhuah dan tur peihvat tum niin Mizoram Liqour Prohibition (MLP) pawh khauh taka kalpui zel tum a ni.
Niminpiah khan Mizoram-ah Sample 7156 enfiah leh niin heng atang hian COVID-19 hri kai 1380 hmuhchhuah leh an ni a, Sample enfiah zawng zawng atanga za zela 19.28 te chuan hri kaiin Mizoram-a hri kai hmuhchhuah zat ala tlahniam hlei thei lo a ni.
School Education Minister Lalchhandama Ralte chuan Education Department chu COVID-19 hripui leng avanga lockdown tuar ber an ni tih a sawi.
Mizoram Govt. Adhoc Aided High School Teachers Association (MIGAHTA) hruaitute chuan nimin khan School Education Minister Lalchhandama Ralte hnenah a tulna hmun apianga hman turin Ambulance pahnih an hlan.
Health Minister Dr. R. Lalthangliana chuan RT-PCR Laboratory la din lohna District dang zawngah din turin sawrkarin hma a la a, ruahmanna a siam tih a sawi.
Tuikum bialtu MLA leh Assembly Deputy Speker Er. Lalrinawma chuan a bial chhung Chhiahtlang khua a COVID-19 hri kai te enkawlna hmun, 4C siam thar chu nimin khan tlawhin tanpuina a hlan nghal.
Serchhip District-ah COVID-19 hri kai enkawllai 514 an awm mek.
Mizoram-ah COVID-19 hri kai hmuhchhuah zat ala tlahniam thei tak tak lova, niminpiah khan Sample 9494 enfiah leh niin heng atang hian hri kai mi 1846 hmuhchhuah leh niin hei hi Mizoram-ah ni khat-a hri kai hmuhchhuah an tam ber tum a ni leh a, Mizoram-a hri kai hmuhchhuah pawh mi sing kua aiin an tam ta a ni.
Congress Thalaite chuan Sawrkar laipui puihna chauha Vawk hri nasa taka tuartute puih tum chu dik an tihloh thu an sawi.
Mizo Zirlai Pawl (MZP) General Hqrs. hruaitute chu Myanmar atanga raltlan, Mizoram khaw hrang hranga awmte thlamuan tur leh tanpuina pe turin nimin khan an thawkchhuak.
East India leh North East India-a State hrang hrang ten Economy leh Culture-a inkungkaihna nghet zawk an neih theih nana buatsaih ‘East India Summit-2021’ chu nimin khan neih tan a ni.
NABARD, Mizoram Regional Office Aizawl buatsaihin nimin khan Geographical Indications (GI) chungchang inhrilhfiahna leh zirhona neih a ni.
Mizoram State Health Care Society (MSHCS) Governing Body Meeting vawi 25-na chu nimin khan CM Conference Hall-ah neih a ni.
Bialtu MLA a boral avanga Assembly bial ruak-a puan tak 4-Tuirial (ST) A/C-ah October 30, 2021 khian MLA thlangin mipui ten Vote an thlak dawn a, he inthlanna a Vote tla te chu November 2-ah chhiar nghal tur a ni ang.
COVID-19 vanga nunna chan chhungte hnenah zangnadawmna (ex-gratia) mi pakhat tan Rs. 50,000/- pek a ni dawn a, hemi atana inkaihhruaina pawh tihchhuah niin Ex-gratia hi COVID-19 vanga thi te laina hnai (next of kin) tan chauh dil theih a ni dawn a ni.
Pathianni khan Mizoram-ah Sample 1659 enfiah leh niin heng atang hian COVID-19 hri kai mi 527 hmuh leh an ni a, hri kai hmuh zat hi tlem mah hi Sample enfiah atanga chhut chuan za zela 31.77 zetin hri an kai a ni.
Serchhip Town chhunga VC thenkhat te chuan an huamchhunga hri kai te enkawlna tur hmun siamin hman chhoh mek a ni.
Nimin khan Serchhip District-ah COVID-19 hri kai mi 70 zet hmuh belh leh niin hri kai mi 80 zet enkawl dam an ni bawk.
Azaadi Ka Amrit Mahotsav Plan kalpui mek ah Vawiin hian Serchhip khawpui chhunga Village Council Area fai thlanna neih tan a ni dawn.
Serchhip bialtu MLA Lalduhoma chuan nimin khan Serchhip bial rawn tlawhin COVID-19 hri kai enkawlna hmun hrang hrangah hri leng dona atana hmanraw pawimawh te a hlan.
Nimin Sept. 27, 2021 khan ‘World Tourism Day 2021’ hman niin he ni puala Tourism Department in Aizawl Vanapa Hall-a hun an hman chu Tourism Minister Robert Romawia Royte chuan a hmanpui a. He hunah hian ‘Ek Bharat Shreshta Bharat programme’ pawh hman nghal a ni bawk.
Mizoram sawrkar-a Health Department chuan tun thla ni 25 khan Mizoram pawn atanga lo lut te zawm tur inkaihhruaina thar a tichhuak.
Tripura atanga Bru hruaikir tum 8-na a Mizoram-a hruai kir te hnenah nimin khan Bru Repatriated Fix Deposit Certificate hlan niin hemi hmang hian chhawmdawlna sum an dawn tur Bank-a dah sak te chu an lachhuak thei dawn a ni.
Nimin tlai thleng khan Serchhip District-a COVID-19 hri kai hmuhchhuah chu 2166 an tling tawh.
Serchhip District chhunga khaw 35-ah nimin thleng khan ASF vangin Vawk 3700 a thi tawh.
Zirtawpni kalta zan khan Chhiahtlang Joint VLTF huaihawtin Chhiahtlang-a tlawmngai pawl hrang hrang leh Kohhran hrang hrang hruaitute chu thukhawmin Chhiahtlang-a COVID-19 hri kai te enkawlna atan Community Covid Care Centre (4C) din nise an ti a, a hmun atan Govt. M/S Chhiahtlang pawh thlan nghal niin Inrinni-a hnatlang an neih bakah tukin hian hnatlang neih leh a ni anga, Vawiin hian Chhiahtlang-ah mi 56 te Sample enfiah tur awmin hri kai hmuh belh an awm a nih chuan 4C-ah hian dahluh nghal theih tura ruahman a ni.
Mizoram-ah COVID-19 hri kai hmuhchhuah an la awm belh zel a, Inrinni khan Sample enfiah 8229 atangin hri kai 1478 hmuh leh niin Sample enfiah atanga za zela 17.96 te chuan hri an kai a ni.
Mizoram Pollution Control Board (MPCB) Chairman R. Thanga banna thehluh chu pawm leh pawm loh chungchang ngaihtuah a la ni lo.
Mizoram hmun hrang hrangah Myanmar atanga raltlan an la rawn luh belh zel a, Champhai District-ah raltlan 2,600 chuang an awm mek nia chhinchhiah a ni.
MNF Party chuan Congress Party chu politics khelh nana hripui hmang chhen lo tura an duh thu sawiin, hripui chu kan zavaia tangruala do tlan chi a ni tih an sawi.
Tuirial Assembly bial-a bye-election chu November thla tawp lam emaw, January thla chawhnu lamah emaw neih a nih rin a ni.
Mizoram chhunga COVID-19 hri kaite enkawl dan tur leh kawng hrang hranga mawhphur bik tur, mithiam rual awmna State Level Expert Team on Covid-19 Management din a ni a. Health Minister chuan tunlai-a hri kai hmuhchhuah a tam chhan chu hri kai hnimhnaite chhui a nasat vang niin a sawi.
Serchhip District Information & Public Relation Officer, K. Saitluanga chuan COVID-19 hri leng avanga inkhuahkhirhna te kalpui mek a nih avangin naupang leh thalai ten an taksa an sawizawi a, an rilru an senna tur ngaihtuahpui chu thil tul leh pawimawh tak a nih thu a sawi.
Health Department-a Food and Drug Administration (FDA) leh Excise and Narcotics Department te chuan nimin khan Serchhip-a damdawi zawrhna dawr thenkhat atangin dan lova damdawi zawrh thahnem tak an man.
Serchhip District-ah nimin khan COVID-19 hri kai mi 98 enkawl dam niin Serchhip District-a hri kai enkawl dam tam ber ni nia hriat a ni.
National Health Mission (NHM)-a Mission Director, Dr. Eric Zomawia leh Health Department a mi pawimawh thenkhat te chuan nimin khan Serchhip District Hospital an tlawh.
Serchhip District Level Committee on Cleanliness Week chu nimin khan Serchhip-ah thu-khawmin Azaadi ka Amrit Mahotsav Plan (AKAMP) hman dan tur leh kumin a Mizoram Cleanliness Week hman dan tur chungchang an sawiho.
Mizoram-ah ni khat-a COVID-19 hri kai hmuhchhuah zat ala tlahniam thei rih meuh lova, niminpiah khan Sample 8683 enfiah leh niin heng atang hian hri kai 1257 hmuhchhuah niin Sample enfiah atanga za zela 14.48 te chuan hri an kai a ni.
Pachhunga University College (PUC) in khaw chuam (Adopted Village) atan Khawrihnim an thlan hawnna chu nimin khan neih niin he hun hi Education Minister Lalchhandama Ralte chuan a hmanpui a ni.
Union Power Minister Raj Kumar Singh hovin niminpiah khan India ram State hrang hranga Power changtu Minister-te chuan Central Scheme thar, Revamped Distribution Sector Scheme chungchangah Video Conference an nei.
Serchhip atanga East Lungdar kaltlanga Khawzawl-a 132 kV Line hmanga kawlphetha pekna line chu karleh Thawhlehni, September 28 khian enchhinna neih tum a ni.
National Service Scheme (NSS) din champhaphak, NSS Day 2021 lawmna chu nimin khan Aijal Club-ah neih a ni a, he hun hi Sports Minister Robert Romawia Royte chuan khuallian niin a hmanpui a ni.
Mizoram Pradesh Congress Committee (MPCC) chuan COVID-19 dona kawngah Health lam enkawltu pahnih in an mawhphurhna an hlen zo lovin, kal ngaihna an hriat tawh loh thu sawiin, Dr. R. Lalthangliana leh Dr. ZR. Thiamsanga te chu an mawhphurhna an hlen zo lo tih hi pawm a, mi thar chak zawk, rilru leh tha thara hripui do thei tur hnenah mawhphurhna hlan mai turin an ngen nawn.
Serchhip District-ah COVID-19 hri kai hmuh tawh chu mi 2000 aiin an tam ta.
Serchhip District chhunga Booth Level Officer (BLO) te tana ni 2 awh training chu nimin khan zawhfel a ni.
Nizan hmasa dar 8:00 vel khan Remruatpuia (14) s/o MS. Dawngliani, Serchhip Ramthlun Veng chu COVID-19 vangin ZMC-ah a boral a, a ruang hi Serchhip-a rawn lak a nih hnuah nimin khan vuiliam a ni.
PMGSY hnuaia Green Technology hmanga Kanghmun South leh Neihloh inkar kawng siam zawh tawh leh Sialsuk leh Sailam inkar kawng siam mek te chu nimin khan Assembly Deputy Speaker Er. Lalrinawma chuan tlawhin khawtlang mipuite nen heng kawng siam chungchanga inrawnkhawmna leh sawihona neih nghal a ni bawk.
Mizoram-ah COVID-19 hri kai hmuhchhuah belh zel ala ni a, niminpiah khan Sample 8396 enfiah leh niin heng atang hian COVID-19 hri kai mi 1294 hmuh leh niin Sample enfiah zawng zawng atanga za zela 15.41 te chuan hri an kai a ni.
Tourism Department changtu Minister Robert Romawia Royte chuan nimin zing khan Central Scheme, PRASAD Project atanga Khaw-thlirna (Viewing Gallery) Laipuitlang-a sak dan tur hmun a en.
Durtlang North-a Agriculture Godown hman tangkai tawh loh chu tuai thara Vegetable Supply Chain-a thlai thar phochhuah nana hman tangkai dan tur enpuiin Agriculture Minister C. Lalrinsanga chuan nimin khan a hmunah a tlawh.
Mizoram-a AB-PMJAY kalpui a nih October 1, 2018 atanga kumin March 31 thleng khan Mizoram-ah damdawi-a inenkawlna Bill 51,096 lut tawhin heng Bill atang hian cheng vbc. 27 chuang pekchhuah a ni tawh.
Serchhip District Bawrhsap hmalakna a Serchhip District in Plastic Sawngbawlna khawl, Plastic Shredder thar CSR Fund atanga dawn chu tunhnia khan Serchhip rawn thlenpui niin UD&PA Department kutah hlan nghal a ni.
Nimin zing dar 9:00 vel khan Serchhip Vengchung atanga Bazar lam pana tlan Auto Rickshaw pakhat chuan Tuizemdum kawn-a chawhmeh zuar te hnawlin mi pakhat chu damdawi In-ah admit a ni.
Nimin khan Serchhip District-ah COVID-19 hri kai mi 33 hmuh belh leh niin mi 43 zet enkawl dam an ni thung.
COVID-19 hri kai chu Mizoram-ah hmuhchhuah belh zel an la ni a, niminpiah khan Mizoram-ah Sample 8805 enfiah niin heng atang hian hri kai mi 1355 hmuhchhuah niin Sample enfiah atanga za zela 15.39 te chuan hri an kai a ni.
Mizo Students’ Union (MSU) General Hqrs. chuan Mizoram Pollution Control Board (MPCB) Chairman R. Thanga chu bang tura ngenin September 24, 2021 thleng an ngaichang dawn tih an sawi.
Lunglei-a tlawmngai pawl hrang hrangte chuan Lunglei-a RT-PCR Laboratory din tura YMA hmalakna ah tanho zel nise an ti.
Rotary Club of Aizawl chuan COVID-19 hripui dona atana hman turin Oxygen Concentrator 135 chu nimin khan Health Minister Dr. R. Lalthangliana hnenah an hlan a, hemi hmalam hian Baptist COVID Care Centre-ah Oxygen Concentrator hi 10 an hlan bawk a ni.
Mizoram-ah COVID-19 hri kai hmuhchhuah an la pung chak hle a, niminpiah khan Sample 9344 enfiah leh niin heng atang hian hri kai mi 1731 hmuhchhuah an ni a, Mizoram-ah ni khat-a hri kai hmuh tam ber ni niin Sample enfiah zawng zawng atanga za zela 18.53 te chuan hri an kai a ni.
Serchhip District-a COVID-19 hri kai hmuh tawh chu mi 1900 aiin an tam ta.
Serchhip-a District Urban Development Officer (DUDO) Quarters sak mek chu zawh hun tura ruahman chhungin sak zawh hman a ni lo.
Serchhip Sub-Hqrs. YMA chuan Myanmar ram buaina avanga Mizoram-a rawn raltlan te tan an huamchhungah tanpuina khawn nise an ti.
Naupang te dikna leh chanvo humhalh a nih theihna tura thawktu, Child Welfare Committee (CWC) chu tunhnai khan Mizoram District hrang hrangah ruat thar an ni.
Football hmasawnna tur leh thalaite eizawnna kawhhmuh kawnga thawkdun turin Mizoram Youth Commission (MYC) leh Mizoram Football Association (MFA) te chuan nimin khan Thawhhona Thuthlung an ziak.
Mizo Language Board (MLB) Study Team chu nimin khan thukhawmin Mizo Language Board din tura hmalakna kal mek an thlirho.
Chief Minister Zoramthanga leh NITI Aayog Member V.K. Paul leh a thawhpuite chuan niminpiah, Sept. 20, 2021 khan Virtual Meeting neiin, Mizoram-a hmasawnna ruhrel din kawnga thu pawimawh tak tak an sawiho.
Mizoram-ah COVID-19 Delta Plus Variant a awm tih finfiah a ni tawh.
September 20, 2021 atanga September 26, 2021 chhunga rampuma insumdawntawnna (commerce) Hapta ‘Vanijya Saptah’ hman mek chu nimin khan Mizoram-ah pawh a hawnna neih niin Ports, Shipping and Waterways changtu Union Minister Sarbananda Sonowal chuan he Hapta hi a hawng a ni.
Mizoram sawrkar-a Road & Infrastructure Development Board chuan Mizoram chhunga National Highway hrang hrang siam hna thawk mektu Construction Company te chu an hnathawh mek te chak tak leh dik taka hna kalpui zel tura hriattirin an hnathawh te pawh an enzui reng tur thu an sawi.
Pathianni khan Mizoram-ah Sample 2879 enfiah leh niin heng atang hian COVID-19 hri kai 558 hmuhchhuah leh an ni a, Sample en zawng zawng atanga za zela 19.38 te chuan hri an kai a ni.
COVID-19 hri leng dona atana PM-CARES Fund atanga Serchhip damdawi In-a Oxygen Plant bun tura hmalakna ah Oxygen Plant bun hna thawktu turte chuan Vawiin hian Serchhip an rawn thlen beisei niin Oxygen Plant bun hna hi thawh nghal tur a ni ang.
Nimin khan ASF vangin Serchhip District ah Vawk 14 lai a thih belh leh.
Serchhip District chhunga Keitum khua chuan nimin atang khan an khawchhung ah hri leng mek vangin Lockdown an kalpui leh.
Chakma Autonomous District Council (CADC)-a Boropansury bialtu MDC, Rasik Mohan Chakma chu nimin khan MDC a nihna atanga ban a ni.
MNF Thalai Mizo National Youth Front (MNYF) Hqrs. chuan 'Martarte Ni' pualin nimin khan Aizawl-a Govt. Mizo High School-ah thisen pek runpui a huaihawt a, mi tlawmngai 41 ten thisen an pe a ni.
MNF Party chuan nimin, September 20, 2021 khan ‘Mizo Hnam Martar te Ni’ vawi 42-na hmangin he ni pual hian MNF General Hqrs. buatsaiha hun hman a ni a, Hnam Martar te sunna neiin zahna pangpar dah a ni bawk.
Tunhnaia Myanmar tualchhung buaina thleng avangin Mizoram chhungah raltlan rawn lut an pung zel a, Tuipuiral Group YMA huamchhunga raltlan rawn lut chu mi sanghnih chuang ni tawhin Lawngtlai District-ah pawh raltlan hi an rawn luh belh zel a ni.
Serchhip District-a COVID-19 hri kai hmuh tawh zawng zawng chu 1811 an tling tawh.
Tun dinhmunah Serchhip District-ah COVID-19 hri kai mi 360 vel enkawl theihna awm mekin In lama hri kai enkawllai thahnem tak an awm avangin hri kai enkawlna hmun indaihlo lutuk erawh a ni lo nia thudawn a ni.
Mizoram-a COVID-19 hri kai hmuhchhuah la pung zelin hri kai zingah enkawl dam pawh an pung ve zel bawk.
Serchhip District Consumers Association te chuan Jio Mobile Service leh Bharti Hexacom Ltd. (Airtel) te chu ni 7 chhunga an Signal pek an siamtha lo a nih chuan Consumer Court, District Commission-ah khin an tum thu an hrilh.
Mizoram-a sawrkar School zawng zawnga ruahtui khawlna siamna tur Project thehluh tawh chu School Education Minister chuan New Delhi-ah a bawhzui.
Inrinni kalta khan ‘World Bamboo Day’ pualin India hmarchhak State te'n Virtual Conference an buatsaih a, he hun hi Chief Minister Zoramthanga chuan khuallian niin a hmanpui a ni.
Mizoram-ah COVID-19 Vaccine la thei zinga za zela 87 te chuan Dose 1-na an la tawh a, Vaccine pekchhuah chungchangah tan lak a ngai lehzual tih Health Minister hova Mizoram-a COVID-19 hripui leng mek dinhmun thlirhona neih ah tarlan a ni.
Mizoram sawrkar in PM-CARES hnuaia 300 LPM Oxygen Plant a dawn SRHF-ZMC a bun chu nimin khan Health Minister Dr. R. Lalthangliana chuan a hawng.
AH&Vety Minister Dr. K. Beichhua chuan Slaughter House sakna tur Aizawl leh District dang 4 tan Project siam a nih thu a sawi.
Japan International Cooperation Agency (JICA) tanpuina a cheng vbc 500 man tur Mizoram State Super-Speciality Cancer and Research Centre sakna tur Project chu nimin khan hawn a ni a. JICA hotute chuan kum 2023-ah hna thawh tan an inbeisei thu an sawi.
Nimin khan Serchhip District-ah COVID-19 hri kai mi 22 hmuh belh leh niin mi 35 enkawl dam an ni thung.
Serchhip-a Police pakhat chuan COVID-19 hri a kai tih hmuhchhuah niin Serchhip Police Station erawh mipuite tana dawr theih tura hawn chhunzawm a ni.
COVID-19 hri kai hmuhchhuah chu Mizoram-ah an la pung zel a, niminpiah khan Sample 11,599 enfiah leh niin heng atang hian hri kai 1402 hmuhchhuah niin Sample enfiah atanga za zela 12.10 te chuan hri an kai a ni.
Nimin khan Mamit-ah Rural Infrastructure Development Fund (RIDF) chungchang inhrilhhriatna hun buatsaih a ni.
Mizoram sawrkar-a Human Resources Development (HRD) Board Vice Chairman L. Thangmawia chuan Educational Technology hman tangkai chu hripui len tawh loh hnuah pawh a tangkai dawn tih a sawi.
Aizawl Municipal Corporation (AMC) Councillor te leh Aizawl City Area Local Council hotuten nimin khan Health Minister hovin COVID-19 laka Aizawl khawpui a him theihna tura hmalakho dan tur an sawiho.
Association for Voluntary Blood Donation (AVBD) General Hqrs. chuan nimin khan HYVE Hall, Aizawl-ah kum 2020-21 chhunga pawl hminga Thisen pe thate chawimawina, Voluntary Blood Donation Award hlanna hun an hmang a, he hun hi Health Minister Dr. R. Lalthangliana chuan a hmanpui a ni.
Serchhip District-a COVID-19 hri kai hmuh tawh chu 1657 an tling tawh.
India ramin Zalenna a hmun kum 75-na lawmna, 'Azadi Ka Amrit Mahotsav' kal zelah nimin khan Swachh Bharat Mission (Grameen) Serchhip District bultumin Faina beihpui thlakna, 'Swachhata Hi Seva' hawnna neih niin Faina hnatlangpui 'Swachhata Shramdaan' kalpui tan a ni bawk.
Serchhip District Hospital-a damlo awm-puitu zingah hri kai hmuhchhuah ni mah se mipui ten harsatna an tawh loh nan damlo inentir leh Casualty te chu a mamawhte tan pan theih reng a ni.
Mizoram-ah COVID-19 hri kai hmuhchhuah an la pung zel a, niminpiah khan Sample 9368 enfiah atangin hri kai 1185 hmuhchhuah leh niin Sample enfiah zawng zawng atanga za zela 12.65 te chuan hri hi an kai a ni.
Hripui len laia Online-a naupang zirtirna atan Educational Technology hman tangkai dan inkawhhmuhna Webinar chu nizan hmasa khan neih a ni.
ZPM Working President K. Sapdanga chuan ZPM chu Zoram-ah ram roreltu tha awm ve tawh se tih duh vanga mi mangang tlankhawm an nih thu a sawi.
Higher and Technical Education Minister Dr. R. Lalthangliana chuan NIT Mizoram Campus, Lengpui a din fel thuai a nih theihna atana ruahmanna leh chak zawka hmalak a pawimawh thu a sawi.
Mizoram Pradesh Congress Committee (MPCC) chuan Officer On Special Duty (OSD) to Chief Minister tur ruatna chu sut leh turin MNF sawrkar an ngen tih an sawi.
Mizoram sawrkar-a Health & Family Welfare Department chuan thuchhuah siamin Gauhati High Court thupek bawhzuia Lunglei-a RT-PCR Laboratory din tura hma an lak dan an tarlang.
Nimin khan Serchhip District-ah African Swine Fever (ASF) vanga Vawk thi 10 lai awm lehin Vawk pakhat suat leh a ni bawk.
Serchhip Town chhunga Village Council te intelkhawmna, Serchhip Town Joint VC chuan nimin khan hruaitu thar thlanna an nei.
Nimin khan Serchhip District-ah COVID-19 hri kai mi 49 hmuh belh niin mi 16 te enkawl dam an ni bawk.
Tunhnaia Myanmar ram buaina avanga mi tam tak ten Mizoram an rawn pan angin Serchhip District-ah pawh niminpiah khan chhungkaw pakhat a mi 6 te chuan Serchhip District-ah an rawn luh belh.
Tunhnaiah Serchhip khawpui chhungah COVID-19 hri kai hmuhchhuah an pun deuh avanga hri kai enkawlna hmun indaihlohna thleng palh theih venna atan hri kai enkawlna tam zawk siam turin hmalakna kalpui mek a ni.
Niminpiah khan Mizoram-ah Sample 9165 enfiah niin heng atang hian COVID-19 hri kai 1502 hmuhchhuah an ni a, Sample enfiah atanga za zela 16.39 te chuan hri kaiin Mizoram-ah ni khat-a hri kai hmuhchhuah an tam ber tum a ni.
ZPM Party chuan MNF Party chu an thutiam tam tak tihhlawhtlin kawngah tuan rang hle tura an phut thu an sawi.
RT-PCR for Chhimbial te'n Lunglei-a RT-PCR bun tura hmalak lawk a nih loh avanga Court thupek zahlo a mi pasarih an puhna Gauhati High Court Aizawl Bench-a an thehluh chu nimin khan ngaihtuah niin Gauhati High Court Divisional Bench chuan Court thupek zahlo-a an puhte chu mal te te-a kohna pe turin a ti.
Mizoram sawrkar-a Agriculture Department chuan Sawrkar Flagship Programme, Socio Economic Development Policy (SEDP) hnuaia Vaimim leh Be lam chingtu hlawhtlingte hnenah nimin khan chawimawina hlanin Be lam chin leh tharchhuah kawngah Serchhip District chuan lawmman pakhatna a la a ni.
Nimin Sept. 13, 2012 khan Serchhip District-ah COVID-19 hri kai mi 94 hmuhchhuah niin Serchhip District-ah ni khat-a hri kai hmuh tam ber ni a ni.
Pathianni khan Mizoram-ah Sample 1744 enfiah niin heng atang hian COVID-19 hri kai 541 hmuhchhuah an ni a, hri kai hmuhchhuah hi tam lo mah se Sample enfiah zawng zawng atanga chhutin za zela 31.02 te chuan hri hi an kai a ni.
African Swine Fever (ASF) hri leng mek avangin nimin khan Chhuanthar Tlangnuam-ah Vawk pathum a thi ve leh a, heng Vawk thi te nen hian Serchhip District-a khaw 29-ah ASF vangin Vawk 3574 a thi tawh a, nimin ah District chhung khaw hrang hrangah Vawk suat a awmlo bawk a ni.
Nimin zing khan Serchhip Chanmari Veng Nursing School panna kawngthlang ah ruang pakhat chhar niin Lalruatfela (21), Chanmari Veng tih finfiah a nih hnuah nimin khan vuiliam nghal a ni.
ZPM Leader Lalduhoma chuan Party pahnih ten kan ram an kaihhruai tawh dana lungawi tawklo leh a aia tha beiseitu zawng zawng chu ZPM-ah an lo welcome vek tih a sawi.
Mizo kutchhuak ZoPharm Hand Sanitizer leh Disinfectant te chu nimin khan Health Minister Dr. R. Lalthangliana chuan a Pisa-ah a tlangzarh.
Myanmar tualchhung buaina avangin Mizoram-ah Myanmar atanga raltlan an rawn luh belh zel.
Land Revenue & Settlement Department changtu Minister Lalruatkima chuan National Highway 06 leh National Highway 306 siamthatna tura hmalakna ah dan dik lova pass pek tumna a awm loh thu sawiin, dan ang thlapin ram neitu dik tak te leh kut hnathawktute tan erawh Valid Pass siamsak chu sawrkarin a tum mai zawk niin a sawi.
Serchhip District-ah COVID-19 hri kai hmuh-chhuah belh zel an la ni a, Inrinni khan hri kai mi 63 zet hmuhchhuah leh niin tun dinhmun ah hri kai enkawllai 366 an la awm mek.
Serchhip Nursing School CCC-a COVID-19 hri kai enkawllai F. Lalneihkima, Serchhip Chhim Veng chu nimin khan boralin nimin vek khan vuiliam nghal a ni.
National Legal Services Authority, New Delhi in ruahmanna a siam dung zuiin Inrinni khan Gauhati High Court, Aizawl Bench leh State Legal Services Authority Office, New Capital Complex te bakah District 8-a District Legal Services Authority Office, District Court Complex ah te National Lok Adalat huaihawt a ni.
Mizoram-ah COVID-19 hri kai hmuhchhuah belh zel an la ni a, Inrinni khan Sample 7791 enfiah atangin COVID-19 hri kai 1089 hmuhchhuah niin Sample enfiah atanga za zela 13.98 te chuan hri an kai a ni.
MNF Party chuan Mizoram sawrkara Health Department in duhsaktute thilpek a hnar ngai lo tih an sawi.
Home Minister Lalchamliana’n Kolasib District-a leilet leh huan atana Mizo chhungkaw 20-te'n an enkawl ram chu Assam sawrkarin a luah luih sak thu tunhnai khan Assembly a hrilh.
Global Youth Tobacco Survey-4 (GYTS-4) in a tarlan danin Mizoram thalai naupang, kum 13 leh 15 inkar te zinga za zela 58 te chuan vaihlo an hmang.
Mizoram-a Grape ching lartu Hnahlan khua chuan kumin-ah ruahtui a hmuh that loh avangin Grape an thar tha thei lo.
Myanmar sipai leh tualchhung mite inkahna a hluar zel avangin Zirtawpni atang khan Myanmar mi raltlan thahnem tak Mizoramah an rawn luh belh a. heng raltlan te lo dawnsawn hna leh lo buaipui hna chu ramri hnaih khua ah ngawrh taka thawh a ni bawk.
Serchhip Chanmari Veng-a DIET Hostel tur sak mek ah Serchhip Sub-Hqrs. YMA Vigilance & Monitoring Committee in hnathawh thalo nia an sawi te chu siamthat hna thawh mek a ni.
Serchhip District-a COVID-19 hri kai hmuhchhuahna tura TrueNat Laboratory hawn a nih atanga kum khat chhungin he khawl atang hian COVID-19 hri kai mi 212 hmuhchhuah an ni tawh.
Nimin khan Serchhip District-ah COVID-19 hri kai mi 24 hmuhchhuah leh nini hri kai mi 6 te enkawl dam an ni thung.
Tuikum bialtu MLA Er. Lalrinawma chuan a bial chhung fangin nimin khan Khawbel khua a tlawh a, khawtlang hruaitute nen inkawmna an nei.
Mizoram-ah ni khat-a COVID-19 hri kai hmuhchhuah in sang khat ala pel zel a, niminpiah khan Sample 9799 enfiah niin heng atang hian hri kai 1055 hmuh leh niin Sample enfiah zawng zawng atanga za zela 10.77 te chuan hri an kai a ni.
Ministry of DoNER, NEC, NESIDS, Special Assistance to States for Capital Expenditure (SASCE) hnuaia Mizoram-a Project hrang hrang 77 kalpui mek te thlirhona chu nimin khan neih a ni.
Nimin khan Health Minister Dr. R. Lal-thangliana hovin Mizoram-a COVID-19 hri kai te enkawl dan chungchang sawiho a ni.
ZPM Legislature Party Leader Lalduhoma chuan India Formosa Foundation President in RT-PCR Mobile Van a thlawna pek an duh thu Mizoram sawrkar hnena a thlen chu Health Minister in a ngaihven zui ta miahlo nia sawiin, “Hei hi sual lian tak (Crime) a tlingin kan hria a ni,” a ti.
Tunhnaia Serchhip khawpui chhunga CO-VID-19 hri kai thahnem tak hmuhchhuahna ni mek Serchhip Field Veng-a khawtlang mipuite chuan COVID-19 hri kai te enkawlna tur hmun Community Covid Care Centre (4C) an siam thar a, he 4C thar hi Medical lama thawktute nen inberawna siam niin UPE (NEI) Biak Inpui bul-a Pastor Quarters hlui chu 4C atan hian hman niin nimin khan mi pahnih dahlutin hman tan a ni.
Serchhip District-ah COVID-19 hri kai hmuh belh zel niin nimin khan hri kai mi 45 hmuh belh leh an ni.
United Nations (UN)-in a kalpui mek Sustainable Development Goal (SDGs) ‘Agenda 2030’ an tih bawk tihhlawhtlinna kawnga North East District hrang hrangte thlen chin tarlannaah Serchhip District chu 5-na a ni.
Niminpiah khan Mizoram-ah Sample 10,474 enfiah leh niin heng atang hian COVID-19 hri kai 1061 hmuhchhuah leh an ni a, Sample enfiah zawng zawng atanga chhutin za zela 10.13 te chuan hri kaiin ni khat-a hri kai hmuhchhuah chu an la pung zel a ni.
ZPM Party chuan Aibawk-a Mini Sports Complex siam mek chu nimin khan tlawh lehin thil awmdan an enfiah.
Mizoram State Cancer Institute (MSCI), Zemabawk-ah Cancer hemna khawl lian, Truebeam Liner Accelerator (LINAC) chu nimin khan Chief Minister Zoramthanga chuan a hawng.
Chief Minister Zoramthanga chuan Fur ruah-tui tamna, Mizoram kawng chu hmundang aiin a chhe chak a, kawng siam nan a theih anga tam RCC hman tum zel a ni, a ti.
Health Minister, Dr. R. Lalthangliana'n COVID-19 hri leng do hneh turin mipuiten nunphung an herrem hret hret a tul tih a sawi.
Ni 3 chhung awh Mizoram Legislative Assembly 8-na thutkhawm vawi 8-na chu nimin khan tluang taka zawhfel a ni ta a, Assembly Speaker Lalrinliana Sailo chuan Member-ten ram leh hnam tana an tha leh zung senga an thawhhona chu lawmawm a tih thu a sawi.
Nimin khan African Swine Fever (ASF) vangin Serchhip District-ah Vawk 6 a thi leh a, Vawk pakhat suat a ni bawk.
Nimin khan Serchhip District-ah COVID-19 hri kai mi 48 hmuhchhuah niin Serchhip District-a hri kai hmuhchhuah chu 1268 an tling tawh.
Serchhip District Level Standing Committee on Rationalization of Polling Stations chuan Serchhip District-ah Polling Station thar pahnih siam belh leh Polling Booth Building pahnih sawn an rel.
Mizoram-ah COVID-19 hri kai hmuhchhuah an la pung zel a, niminpiah khan Sample 9254 enfiah atangin hri kai 1214 hmuh niin Sample enfiah zawng zawng atanga zaa 13.12 te chuan hri an kai a ni.
Chief Minister Zoramthanga chuan, Police post ruak sang chuang a awm thu leh hripui leng a ziaawm hunah Police engemawzat lak tum a nih thu a sawi.
Kolasib District chhunga Self Help Group member 43-te hnenah Start-up Village Entrepreneurship Programme (SVEP) kaltlangin Community Enterprise Fund (CEF) semchhuah a ni.
Hrangturzo bialtu MLA leh Home Minister, Lalchamliana chuan kumin HSLC leh HSSLC Exam result chhuaka a bial chhunga Zirna In leh Zirlai tithate hnenah lawmpuina sumfai a pe.
Congress Legislature Party (CLP) Leader Zodintluanga chuan Assam sawrkarin Mizoram atanga Assama lirthei lut reng reng te drugs phurhruk chhuanlama an dap thin chungchang chu sawrkar laipui-ah thlen ngei turin Mizoram sawrkar chu Assembly House kaltlangin a ngen.
Lo leh huan siamna atana Ram inhawhtirna dan, The Mizoram Agricultural Land Leasing Bill, 2021 chu nimin-a Assembly Session-ah lungrual taka pawm a ni.
Power and Electricity Minister, R. Lalzirliana chuan kawlphetha hman man tihsan a nih chhan chu Department enkawlna tur leh kawlphetha leina tur sum thawh chhuah vena tura ruahman a ni tih House hrilhin, leiba a tam avangin BPL te kawlphetha hman man a thlawna pek a nih chuan an talbuai palh ang tih a hlauhawm tih a sawi bawk.
Nimin-a Assembly Session-ah The Mizo-ram Goods and Services Tax (Amendment) Bill, 2021lungrual taka pass a ni.
Cricket Association of Serchhip District (CASD) chuan an hnuaia inziaklut duhte tan hun an hawng mek a, tun thla chhung inziahluh theih a ni ang.
Serchhip District-a Sangha vulhtute hnenah nimin zing khan Mizoram sawrkar Flagship Prog-ramme, SEDP kaltlangin Sangha chi semchhuah a ni.
African Swine Fever (ASF) vangin nimin khan Serchhip District-ah Vawk 16 lai thi lehin Vawk 7 suat a ni.
Hriat theih chinah nimin khan Serchhip District-ah COVID-19 hri kai mi 22 hmuh belh leh niin hri kai enkawlai mi 219 lai an awm tawh.
Niminpiah khan Mizoram-ah Sample 12,315 enfiah leh niin heng atang hian COVID-19 hri kai 1468 hmuhchhuah an ni a, Sample enfiah zawng zawng atanga za zela 11.92 te chuan hri an kai a ni.
Champhai District chhunga Bank hrang hrang te hmalakna thlirin nimin khan Champhai District Consultative Committee (DCC)/ District Level Review Committee (DLRC) chu an thukhawm.
Information & Communication Technology (ICT) changtu Minister Robert Romawia Royte chuan ICT Department hnathawhna sum chu State Budget pawn lam atanga hmuh a ni tlangpui tih Assembly House a hrilh.
Horticulture Department changtu Chief Minister, Zoramthanga chuan Rawmi (Dendrocalamus Sikkimensis) chu Mizoram hmun 12-a ram Hectare 290.50 a zauah chin mek a ni tih sawiin, chutihrual chuan a puitlin huna a hralhna turah ruahmanna a la awm rih lo tih ZPM Legislature Party Leader, Lalduhoma zawhna chhangin a sawi.
Mizoram Lok Sabha MP, C. Lalrosanga chuan Mizoram leilung hausakna dapchhuah hna thawk chak turin Coal & Mines Ministry chu a nawr.
Ni thum chhung awh tur Mizoram Legislative Assembly pariatna, thutkhawm vawi 8-na chu nimin khan neih tan a ni a, Chief Minister Adviser pahnih leh an Staff-te hlawh leh enkawl nan thla tin Rs. 6,51,393/- sen thin a nih thu nimin-a zawhna leh chhanna hunah tarlan a ni.
Nimin khan Serchhip District-ah COVID-19 hri kai mi 76 zet hmuhchhuah niin Serchhip District-ah ni khat-a hri kai hmuhchhuah an tam ber ni nia hriat a ni.
Mizoram Legislative Assembly thutkhawm chu Vawiin chawhma dar 10:30 hian neih tan a ni dawn a, ni 3 chhung awh tur he thutkhawm hi September 9 thleng khian neih a ni ang.
Pathianni khan Mizoram-ah Sample 2050 enfiah niin heng atang hian COVID-19 hri kai mi 444 hmuhchhuah an ni a, hri kai hmuhchhuah hi tlem mah se Sample enfiah atanga chhut chuan za zela 21.66 zetin hri an kai a ni.
COVID-19 Medical Operational Team (MOT) te chuan kar kalta Zirtawpni leh Inrinni khan Mizoram leh Assam ram inrinna a Police duty-na hmun leh Screening Point te an tlawh.
Lai Autonomous District Council (LADC) Chief Executive Member (CEM) atana Paithar bialtu MDC, V. Zirsanga pawmpuina chu nimin khan Mizoram Governor chuan a tichhuak.
Mizoram chhunga luidung nungchate tha zawk leh awmze nei zawka humhalh a nih theihna turin Fisheries Department leh Central YMA te chuan nimin khan Thawhhona Thuthlung an ziak.
Mizoram Legislative Assembly chuan August 17, 2021-a boralta Tuirial Assembly Constituency bialtu MLA, Andrew H. Thangliana ralna hun nimin khan Assembly Speaker, Lalrinliana Sailo hovin an hmang.
ZPM Party chuan hripui leng chungchangah Chief Minister chuan a mawhphurhna a hlen zo lo nia sawiin, Health Minister pawhin a thusawi a umphaklo chu pawi an ti takzet tih an sawi a. Chief Minister leh Health Minister te chu Dawhkan khat kilin hma la se an duh thu an sawi bawk.
Vawiin Sept. 6, 2021 khan Serchhip District-ah COVID-19 hri kai mi 76 zet hmuhchhuah niin tun tum hi ni khat-a Serchhip District-a hri kai hmuhchhuah an tam ber ni nia hriat a ni.
Nimin thleng khan Serchhip District-ah CO-VID-19 hri kai hmuhchhuah belh zel an la ni a, nimin thlenga hri kai hmuhchhuah chu 1115 an tling tawh.
Serchhip Kawnpui Bazar area-a dawrkai zingah COVID-19 hri kai hmuhchhuah an awm zel avangin CMO Serchhip leh Serchhip Kawnpui VLTF ten rawtna an thlen angin Serchhip District Bawrhsap leh District Disaster Management Authority-a Chairman, Lalmuansanga Ralte chuan Serchhip Kawnpui VC Area huamchhûng ah thu leh awm hma chu dàwr (khawlaia inpho te telin) hawn phal a ni lo tih Inrinni kalta, September 4, 2021 khan thupek chhuahin a tarlang a. Hei hian damdawi dàwr erawh a huam lo ang. Dawr khàr avanga mipuiten mamawh leh châkkhái lam kawnga harsatna an tawh loh nan VLTF-ten ruahmanna siam tur thu thupek ah hian tarlan a ni bawk.
Serchhip District chhung North Vanlaiphai khua a A&M Grandchild School Headmistress, Jacinta Vanlalengzami chu nimin khan rampum huap-a Zirtirtu tha chawimawina, National Award to Teachers hlan a ni.
Inrinni khan Mizoram-ah Sample 7533 enfiah leh niin heng atang hian COVID-19 hri kai 967 hmuhchhuah leh an ni a, Sample enfiah atanga za zela 12.84 te chuan hri an kai a ni.
Mizoram Pradesh Congress Committee (MPCC) chuan COVID-19 dona kawngah MNF sawrkar chu hlawhchham ah puhin a mawhphurtu lian ber chu Mizoram Health Minister Dr R.Lalthangliana a ni, an ti.
School Education Minister Lalchhandama Ralte chuan CSS Hindi zirtirtu 541 leh Middle School Headmaster 24 lak thar an ni tih sawiin, High School Headmaster 62 te kaisan tir an nih thu a sawi bawk.
Health Department hotute chuan Inrinni khan Health Minister Dr. R. Lalthangliana hovin COVID-19 hrileng dona kawnga hma an lak dan an thlirho a, COVID-19 hripui leng dona atana thawktute mamawh hmanrua leh damdawi dinhmun a that thu tarlan a ni.
Nimin khan Serchhip District-ah COVID-19 hri kai mi 25 zet hmuhchhuah an ni.
Serchhip Bawngchawm tlang Paragliding hmun behchhana Integrated Tourist Circuit sak thar chu nimin khan Chief Minister Zoramthanga chuan a hawng a. Integrated Tourist Circuit hi North Eastern Council (NEC) sum cheng nuai 468.81 hmanga sak niin Mizoram Aero Sports Association (MASA) ten a sak hna hi an thawk a ni.
Mizoram-ah COVID-19 hri kai 61,992 hmuhchhuah an ni ta a, niminpiah khan Sample 6491 enfiah niin heng atang hian hri kai 882 hmuh niin Sample enfiah atanga za zela 13.59 te chuan hri hi an kai a ni.
Serchhip District-a ASF vanga Vawk thi chu 3526 a tling tawh a, nimin khan ASF vanga Vawk thi chhinchhiah thar a awm lo.
Serchhip District chhung Anganwadi Centre hrang hranga sem tur Buhfai thami, Fortified Rice chu Serchhip Kudam-ah rawn phurh thlen niin semchhuah dan tur erawh tihfel ala ni lo thung.
Mizoram-a Solid Waste Management Centre pahnihna ni turin nimin khan Solid Waste Management Centre, Kolasib chu UD&PA Department changtu Deputy Chief Minister Tawnluia chuan a hawng.
World Bank Group kaltlanga Mizoram hriselna ruhrel tih hma-sawnna tur, Mizoram Health Systems Strengthening Project (MHSSP) chu nimin khan Health Minister Dr. R. Lalthangliana chuan Taxation Auditorium, MINECO-ah a hawng.
Health Minister Dr. R. Lalthangliana hovin nimin khan ‘Ramhnim damdawi kawtkai-ah’ (Ayush Apke Dwar) tih Programme chu Aizawl a MINECO tual-ah hman a ni.
Irrigation & Water Resources Department Minister, C. Lalrinsanga chuan National Hydrology Project hnuaia Lui tui luangzat tehna hmanrua chi hrang hrang te chu Aizawl, Lunglei, Champhai leh Kolasib Division-a hman turin nimin khan a pechhuak.
Thenzawl leh Neihloh khaw mipui chawmna tur PHE Department ten Tui lak hna an thawh mek chu nimin khan PHE Department Engineer-in-Chief Er. C. Lalremsiama chuan a hmunah kalin a enfiah.
Nimin khan Serchhip District-ah hri kai mi 12 hmuh belh leh niin Serchhip District-a hri kai hmuhchhuah tawh chu 1054 an tling tawh.
Mizoram-ah COVID-19 hri kai mi sing ruk aia tam hmuhchhuah an ni ta a, niminpiah khan Sample 9052 enfiah niin hri kai 1111 hmuh an ni a, Sample enfiah atanga za zela 12.28 te chuan hri an kai a ni.
Mizoram Youth Commission (MYC) IAS Full Sponsorship Candidates, 2021 ten Prelims Coaching Class an kal zawh denchhenin nimin khan anmahni fuihtharna leh an kal zelna tura duhsakna hlanna hun Deputy Chief Minister Tawnluia hovin hman a ni.
Mizoram State Boundary Committee chu nimin khan a tum hnihna atan an Chairman leh Deputy Chief Minister, Tawnluia hovin Directorate of Forensic Science Laboratory Conference Hall-ah an thukhawm.
Sports & Youth Services Department buatsaihin nimin khan Aijal Club-ah infiammi thlan bik mi 2005 te hnenah Incentive Cash Award hlanna buatsaih a ni a, he hun hi Chief Minister Zoramthanga chuan khuallian nia hman-puiin he hunah hian cheng nuai 120 chuang semchhuah a ni.
Nimin khan Serchhip District-ah ASF vangin Vawk 17 an thi leh a, Vawk 12 suat leh a ni bawk.
Serchhip District Bawrhsap chuan Serchhip Bazar Building leh a chhehvel chu hmun khuah-khirh bik (Restricted Area)-ah a puang.
Nimin khan Serchhip District-ah COVID-19 hri kai mi 8 hmuh belh leh niin Serchhip District-a hri kai hmuhchhuah chu 1041 an tling ta.
ZPM Ticket-a Serchhip bialtu MLA atana thlantlin Lalduhoma chu Mizoram Assembly House-ah Zo Peoples Movement Legislature Party (ZLP) zawm phalsak niin ZLP Leader atan dah nghal a ni.
Niminpiah khan Mizoram-ah Sample 9604 enfiah leh niin heng atang hian COVID-19 hri kai 880 hmuhchhuah an ni a, Sample enfiah atanga za zela 9.15 te chuan hri hi an kai a ni.
Mizoram-a Veng leh khua 75-ah Sample enfiah runpui, Mass Test neih ni tawhin heng ah hian Sample 97,372 enfiah niin hri kai 2917 hmuh an ni tawh.
India hmarchhak State-a Agriculture tihhmasawn kawnga hmalak chungchangah niminpiah khan DoNER Minister G. Kishan Reddy hovin India hmarchhak State Chief Minister-te leh an aiawhte chuan Virtual Meeting an nei.
Department of Labour, Employment, Skill Development & Entrepreneurship buatsaih 'State Level Skills Competition' chu niminpiah khan zawhfel niin lawmman dawngtu zingah Serchhip mi pakhat a tel.
New Delhi-a sawrkar laipui mi pawimawh te hmu-a cham mek Mizoram sawrkar-a Minister Dr. R. Lalthangliana chuan nimin khan sawrkar mi pawimawh thahnem tak a hmu leh.
Women & Child Development hnuaia Scheme pahnih Pohshan Abhiyaan leh Pradhan Mantri Matru Vandana Yojana (PMMVY) hnuaia ‘Rashtriya Poshan Maah (Nutrition Month)’ leh ‘Matru Vandana Saptah’ te chu kumin hian kalpui leh tur niin nimin khan Social Welfare Minister Dr. K. Beichhua chuan a hawng a ni.
Nimin thleng khan Serchhip District-a COVID-19 hri kai hmuhchhuah chu 1033 an tling tawh.
Niminpiah khan Mizoram-ah Sample 13,040 enfiah leh niin heng atang hian COVID-19 hri kai 1157 hmuh leh an ni a, Sample enfiah atanga za zela 8.32 te chuan hri kaiin hun engemaw chen hnuah ni khat-ah hri kai sang chuang hmuhchhuah an ni leh ta a ni.
NABARD hnuaia NABFOUNDATION hmalakna peng pakhat ‘My Pad My Right’ chu Lunglei District chhunga hman turin nimin khan Lunglei High Powered Committee Vice Chairman Lawmawma Tochhawng chuan a tlangzarh.
Union Health Minister, Mansukh Mandaviya chuan Covid dona leh Vaccination chungchangah Mizoram chu titha hle a a hriat thu a sawi.
Aizawl-a Mizoram Secretariat (Main Building) luhna pui ber (Gate No. 1)-a Portable Baggage Scanner (bungrua, ipte, etc. enfiahna khawl) chu hman theih turin Addl. Chief Secretary JC. Ramthanga chuan nimin khan a hawng.
State Level Bankers’ Committee (SLBC) Mizoram thutkhawm chu nimin khan neih niin he huna tarlan a nih danin Mizoram-ah Bank chi hrang hrang 24 a awm mek.
Health Minister Dr. R. Lalthangliana chu New Delhi-ah zin mekin nimin khan sawrkar laipui-a mi pawimawh hrang hrang te a kawm.
Mipui ten Online hmanga Chhiah leh Transport Department atanga mamawh pawimawh hrang hrang awlsam taka an neih theihna tur Online Payment System chu nimin khan Transport Minister TJ. Lalnuntluanga chuan Aizawl-a Secretariat Conference Hall-ah a tlangzarh.