I&PR Minister in Serchhip a DIPRO Office a tlawh

Serchhip-a rawn kal I&PR Minister, Lalruat-kima chuan nimin khan Serchhip District Information Office leh Vengchung-a an Department ram te a tlawh.

I&PR Minister hian nimin chawhma lam khan Serchhip IOC Veng-a DIPRO Office tlawh hmasain thawktute nen DIPRO Room-ah inkawmna an nei a. He hunah hian Minister chuan tunhnaia I&PR Department hmasawnna tlangpui sawiin, thawktu indaihlo lutuk avanga harsatna awmte tihkian tuma hmalak mek a nih thu a sawi a. Serchhip District Office ngei pawh tunhma zawng zawng chuan Attached Office mai a ni a, nimahse kumin atang chuan District Office puitlingah dah chhoh a ni ta a ni, a ti. Sawrkar inrelbawlnaa Department pawimawh, an tel lova thiltih hleihtheih loh khawpa tangkai an ni tih sawiin, hma a sawn zel theih nan hma kan la zel dawn a ni, a ti bawk.

Nimin-a inkawmna ah hian Serchhip DIPRO, K. Saitluanga chuan an Office dinhmun tlangpui tarlangin, an mamawh te Minister hnenah hian a thlen nghal bawk a. I&PR Minister hi Aizawl lam atangin I&PR Joint Director, C. Lalnunkima leh Serchhip DIPRO hlui, Andrew H. Lalremruata ten an rawn tawiawm a, Serchhip atangin Addl. DC, Lalmuansanga Ralte leh Ser-chhip DRDA Project Director, Malsawmtluanga ten an tawiawm bawk a ni.

I&PR Minister hian chawhnu lamah Serchhip Vengchung-a I&PR Department ram chu tlawhin tangkai zawka hman a nih theih dan turte an sawiho bawk a ni.