Latest News

Thlai vawnthatna ah Serthlum vawnthat a ni dawn

Horticulture Department in Sailiamkawn-a 'Satellite Cold Room' an siam chu tangkai taka hman zel niin nizan hmasa khan Leng khua in an thar Sethlum te chu vawnthat tura dahluh a ni.

East Lungdar RD Block-a Leng khuaah hian Self Help Group te hmalakna buaipui turin Village Organisation din niin anni hian an khua atanga Serthlum tharchhuahte chu a thar hun loh lai pawha hralhchhuah a nih theihna turin a vawnthat dan tur te an lo zir tawh a, kumin a Serthlum an thar-chhuah te chu Serthlum thar loh lai-a man man zawka zawrhchhuah theih turin 'Satellite Cold Room' ah hian nizan hmasa khan rawn dahin a vaiin Serthlum quintal16 (pum 10,000 chuang) dahthat a ni.

Serchhip Sailiamkawn-a 'Satellite Cold Room' hi Mission for Integrated Development of Horticulture (MIDH) sum cheng nuai 50 hmanga siam niin RINAC Company ten a siam hna hi thawkin P&E Department in Electric Transformer bunin Connection an thlung a, helai hmunah hian thlai vawnthatna tur hmun (Chamber) pathum siam niin Chamber pakhat-ah hian Thlai/Thei chi hrang hrang MT 3 zel, a vaiin tum khat ah thlai Matrict Tone (MT 9) vawnthat theih tura ruahman a ni.

Comments

Chhiar Hlawhte