North Vanlaiphai-ah Vote thlak dawn

North Vanlaiphai Village Council inthlanna neih mekah Vawiin hian mipui ten Vote an thlak tha leh dawn a, Vote tla te hi chhiar nghal tur a ni ang.

Kumin Aug. 27-a VC inthlanpui neih ah khan North Vanlaiphai VC-ah hian Vote thlak niin Candidate 31 awm atangin MNF in Seat 4, ZPM in Seat 2 leh Congress in Seat khat an la a, amaherawh chu he inthlanna ah hian lungawi lohna thlen awmin an thu thlen te ngaihtuah a nih hnuah SEC chuan Vawiin hian Vote thlak tha turin a ti a, nimin khan inthlanna buaipuitu turte pawhin Serchhip chhuahsanin North Vanlaiphai an thleng tawh a, nimin khan RO hian Candidate leh Agent te kokhawmin thutkhawm a neihpui nghal a ni.