Monday, 29 September 2014

Anthurium Festival atan cheng nuai 150 hmang tawh

Tourism Department in khual-zinte hipna tura an buatsaih \hin, Anthurium Festival-ah kum kua (2006-2014) chhungin cheng nuai 150 an hmang tawh a, heng sum te hi Central a\anga sum lokal, Ministry of Tourism a\anga Anthurium Festival hmanna tur atan liau liau a hmuh a ni.

MRB in Mizoram-ah Branch 76 nei tawh

Mizoram-a Bank hrang hrang zinga Branch ngah ber, Mizoram Rural Bank (MRB) chuan Mizoram-ah Branch 76 a nei tawh.

YMA Volleyball intihsiakna lian buatsaih tum mek a ni.

YMA Sub-Hqrs. Serchhip buatsaihin ‘C. Laltea Memorial Inter-Branch YMA Volleyball Tournament’ chu Oct. 21, 2014 a\ang khian Serchhip-ah khelh tum a ni.

S. Kawnpui NGO Coordination Committee in VC inthlan boycott thlenga hmalak an tum.

Serchhip Kawnpui NGO Coordination Committee chuan an huamchhung Village Council hranga dah tura hma an lakna tih hlawhtlin a nih loh chuan nakum-a VC inthlan boycott thlenga hmalak an tum tih an sawi.

Saturday, 27 September 2014

Petrol leh Diesel-ah khuahkhirhna siam thar

Food, Civil Supplies & Consumer Affairs Director chuan nimin khan thu-chhuah siamin tun a\anga thu leh awm hma chuan motor chi hrang hrangin motor a fuel tank bakin petrol leh diesel lak theih a ni lovang tih a tarlang a. Petrol leh Diesel te hi gallon in pek loh tur a nih thu leh, black a hralh tur ni a hriatte hnenah chuan pek loh tur a nih thu tar-langin, hemi chungchang complaint duh tan Ph No. 2300488 ah engtik lai pawhin biak theih a ni tih a tarlang a. He Order hi harsatna awm thut thei laka inven lawkna a nih thu leh a \ul anga ennawn leh tur a nih thu a tarlang bawk.

Village Population Registration Format tur thlirho.

Central YMA chuan nimin khan state sorkar \awiawma Village Population Registation hmanga Chakma Census neih tur bawhzuina kal zelah Home Minister Pu R Lalzirliana hovin Census neihna tur 'Format' an tlirho.

RGKA Sports nei dawn

PYKKA thlakna tura ruahman, Rajiv Gandhi Khel Abhyan (RG-KY) District Level Sport chu thla thar Oct. 14 a\anga ni 16 chhung khian Serchhip-ah neih a ni dawn a. He Sports neih tur chungchang thlir hian Serchhip District Sports Committee chu nimin khan DC’s Meeting Room-ah Addl. DC, Pu VL. Remliana hova \hukhawmin he Sports neih turah hian item 10 ah inelna neih nise an ti a. He Sports ah hian Serchhip leh East Lungdar RD Block aiawhte an inel ang.

MZP in STEE Rules siam\hat tur sawiho

MZP Gen. Hqrs. chuan nimin Sept. 26, 2014 khan Executive Meeting neiin State Technical Entrance Examination Rules hmanlai siam\hat ngai lai turte an sawiho.

Chief Minister enkawl Department te hmasawnna tura ruahmanna siam sawiho a ni.

Chief Minister Pu Lal Thanhawla chuan nimin Sept. 26, 2014 khan a enkawl Department hrang hrang hotute kawmin, hmasawnna tura ruahmanna an siam hrang hrang an sawipui.

Friday, 26 September 2014

Sangha Dil neite tanpuina sem mek

Fisheries Department chuan tunlai hian DFDO Office, Serchhip a\angin Sangha khawitute hnenah \anpuina an semchhuak mek a, \anpuina hi Fish Farmers’ Development Agency kaltlanga sem niin chhungkaw 155 te hnenah Sangha Dil chei\hatna turin Rs. 7500/- zela sem a ni.

Serchhip-ah BLO ten training an nei

Thla thar Oct. 15, 2014 a\anga Electoral Roll Special Summary Revision neih tur atana inpuahchahna atan nimin Sept. 25, 2014 khan Serchhip leh Tukum Assembly Constituency huamchhunga Booth Level Officer (BLO) te tan Serchhip-ah training neih a ni.

Pawngsual tum ah puh

Nizan hmasa Sept. 24, 2014 dar 8:30 vel khan Lalnithanga (30) Thentlang, Serchhip District chuan an \henawma tleirawl kum 16 mi chu an In ah lengah sawmin pawng-sual tum ah puh a ni a, Serchhip Police ten thu zawhfiah atan an kawl mek.

MZP leh sorkar te inremna siam lawmawm tih thu sawi.

Mizoram sorkar leh MZP ten State Technical Entrance Examination- 2014 (STEE-2014) a Chakma-te Category-I-a an awm avanga buaina a inremna an siam chu Political Party hrang hrang leh YMA chuan lawmawm an tih thu an sawi.

MZP thilphut tih hlawhtlin a nih theih nan Sorkar leh MZP ten inremna an siam.

State Technical Entrance Exam-2014 result siam\hat phut nana MZP thilphut chu sorkar in tih hlawhtlin a tiam tak avangin MZP chuan lungawilohna an lantir titawpin MZP hruaitu man te pawh chhuah an ni. 

Thursday, 25 September 2014

Art & Culture leh Revenue Deptt. hmachhawp sawiho.

Chief Minister Pu Lal Thanhawla’n department tin ten kalphung thar leh hmasawnna tura ruahmanna mumal an duante sawihona kal zelah nimin Sept. 24, 2014 khan Pu R. Romawia enkawl Department hrang hrang hmachhawp te a sawipui.

Lengpui khua ah NLUP dawngtu mi 65 hmu zolo!

Mamit East MNF Block chuan Lengpui khuaa NLUP dawngtu a sawi mi 65 te chu Lengpui khua ah an hmu zolo tih an sawi.

NSS Foundation Day hmang

 Govt. Higher Secondary School Serchhip-a National Service Scheme (NSS) te chuan nimin Sept. 24, 2014 khan NSS din champha, NSS Foundation Day an hmang a. He NSS Foundation Day hi BNRGSK Hall-ah hmangin an School Principal, Pu Lungngailova chuan khuallian niin a hmanpui a, Pu Samuel Sai\huamliana Programme Officer chuan NSS chanchin a sawi bawk.

Serchhip MZP in thlawp

MZP Hqrs. Serchhip chuan nimin khan thuchhuah siamin STEE 2014 Exam result-a indigenous te awmna tura Chakma leh hnamdang mi 41 dah an nih avanga MZP Gen. Hqrs. hmalakna chu an thlawp tih thuchhuah siamin an tarlang a. Hetih-rual hian sorkar lam inenlet lo leh Mizoram leh Zofate hmakhua ngai a MZP te hmalakna hrethiamlo luia Chakma te thlavang hauh a Zirlai hruaitu te an man an ni chu hriat-thiam har an tih thu an tarlang a. Heng MZP hruaitu man te hi a rang thei ang bera chhuah tur leh Chakma te hi indigenous a\anga paih tura sorkar chu phutin, MZP Gen. Hqrs. hmalakna chu a tawp thlenga an zui tur thu an tarlang bawk.

Maxi Cab Stand atan AOC pawm a ni

Serchhip hmarlama Maxi Cab tlan \hin te Stand atan Serchhip AOC Veng chu ruat nawn leh niin Maxi Cab te tan hian Serchhip Bazar-ah Passenger lak leh dah erawh phalsak an ni tawh dawn.

MZP Gen. Hqrs. hruaitu mi 13 te man an ni. MPC leh ZNP |halai ten MZP an thlawp.

MZP ten STEE -2014 result siam\hat ngiata hma an lakna kal zelah MZP hruaitu mi 13 te chu nimin Sept. 24 khan Police ten an man a, MPC leh ZNP |halaite chuan MZP hmalakna hi an thlawp thu an sawi thung.

Wednesday, 24 September 2014

Kumtlinglo khawih tum

Nimin Sept. 23, 2014 chhunlai vel khan Serchhip chhimlam Veng pakhat a hmeichhe naupang kum tlinglo chu mipa naupang kum tlinglo vek pakhat in hmeichhiat mipatna kawngah khawih tumin a lo bei nia thudawn a ni a. Pawikhawihtu pa hi man nghal niin nimin vek khan Police ten an la nghal a, Juvenile Justice Board (JJB) lamin an thubuai hi an ngaihtuah a ngai dawn nia thu-dawn a ni. (Heng mite hi kum tlinglo an nih avangin Dan in an hming leh nihna hi tarlan leh puanzar hi a khap a ni.)

Kumdang aiin kumin thla 8 chhungin ruahtui tla a tlem.

Science & Technology Department chhinchhiah danin kumin 2014, January a\anga August thla tawp thleng khan Mizoram-ah ruahtui mm 1310.08 chauh ala tla a, kumdang ngaihtuahin ruahtui tla hi ala tlem ni a hriat a ni.

Maxi Cab stand sawi dawn

Thla kalta-a Serchhip District SP in Serchhip Bazar a\anga AOC Veng-a Maxi Cab Stand sawn tura Order alo chhuah tawh chu Maxi Cab neitu ten duhlohna an lantir hnuah Vawiin hian Maxi Cab Stand chungchang hi SP hovin sorkar thu-neitu ten an sawiho leh dawn nia thudawn a ni. Hetihlai hian Maxi Cab neitute hian Maxi Cab Stand sawn an duhlohna avanga ni 2 lai an service an tihtawp chu titawp rih mah se tunhma lama mipuite hmakhua ngaia remchanna an siam sak \hin zawng zawng kha an titawp vek thung a ni.

Compensation-ah harsatna?

Serchhip leh Buarpui inkar kawngpui laihzauhna tura ram neitu \henkhat chuan compensation siam dan a rualkhai lo nia hriain, ram enfiah hna thawh \hat an duh thu tunhnai khan Chief Minister, Pu Lal Thanhawla hnenah an thlen nia thudawn a ni a, Chief Minister hian Serchhip DC chu thil awmdan enfiah turin a ti a ni. Helai kawng hi cheng vbc. 259.20 senga siam\hat tura ruahman niin compensation tihfel a nih tawh thu kumin a Serchhip-a Independence Day lawmna ah khan sawilan a ni.

Serchhip-ah UD&PA Office hawn remti

Nimin Sept. 23, 2014 khan Chief Minister, Pu Lal Thanhawla hovin Council of Minister chu Chief Secretary Conference Room, Aizawl-ah \hukhawmin thu pawimawh hrang hrang an sawiho.

Govt. Serchhip College-a IGNOU Study Centre in Induction-cum-Admission Drive an buatsaih.

Govt. Serchhip College-a IGNOU Study Centre-1914 chuan nimin Sept. 23, 2014 khan IGNOU Induction-Cum-Admission Drive an nei a, District Bawrhsap, Pi Juhi Mukherjee, IAS chuan a hmanpui a ni.

Tuesday, 23 September 2014

Serchhip Dist. ah tam ber

 Bio Metric Enrollment (BME) kalpui mekah Mizoram mihring 105,548 te chhinchhiah fel an ni tawh a, inziaklut ve duhlo an awm nual bawk. National Population Register (NPR) an tih bawk BME kalpui mekah hian kum 2011 chhiarpui-a hming chuang, ziahluh tura tih zinga la ziahluh loh mi 7,59,212 an la awm a. Kum 2011 chhiarpui ah khan Mizoram ah mihring 10,97,206 awmin heng zinga 8,64,760 te chu chhinchhiah tura tih an ni. Mizoram district 8 zingah BME hi Serchhip district-ah chhin-chhiah tam ber a ni tawhin za zela 31.54 tih a ni tawh a, Champhai district ah chuan 2.15% chauh chhin-chhiah an la ni.

Ni 100 inhlawhna tur siam mek

Serchhip khawpui chhunga VC te chuan kumin sorkar kum (2014-2015) chhunga a hmasa ber atan MGNREGS hnuaia Job Card neite tan inhlawhna an siam \an ve leh ta a, VC \henkhat chuan mimal huan a inhlawhna hi an siam a ni. Tun \umah hian ni 3 chhung inhlawhna tur sum pekchhuah niin nikhat hlawh hi Rs. 170/- a ni tawh a, VC \henkhat chuan ni 3 hlawh tur, Rs. 510/- a\ang hian Rs. 160/- an cut a ni.

School hrang hranga zirlai leh zirtirtu ngah te.

Mizoram-a Primary School awm zawng zawng ah Gospel Centenary School, Mission Veng in zirlai an ngah ber a, Higher Sechondary School zingah Govt. Mizo HSS Mc. Donald Hill in zirlai an ngah ber thung.

YMA Gen. Conference-ah a bikin Security ruahman

Central YMA chuan thuchhuah siamin kumin a YMA General Conference neih turah a bik takin Security chungchangah ruahmanna siam a nih thu an sawi.

Seconhand Smoke \halohzia hriat in awmzia nei tamlo!

Mizoram-ah meizuk khua (seconhand smoke) a \hatlohzia hre chunga mahni In chhunga meizuk phal tho 98% an awm tih Mizoram State Tobacco Control Society (MSTCS) hotute chuan an sawi.

MJA (SD) ten Govt. Serchhip College tlawhin an dinhmun leh mamawh hrang hrang an zirchiang.

Serchhip District MJA te chuan nimin Sept. 22, 2014 khan Govt. Serchhip College tlawhin an zirchiang a, he College-a thawk te chu an mamawh leh dinhmun hrang hrangte an sawipui a ni.

Mizoram-ah hectare 17,588 a zauah Oil Palm chin a ni tawh.

Nikum 2013-2014 thleng khan Mizoram chhunga ram hectare 17,588 a zauah Oil Palm chin a ni tawh a, kumin ah hian ram hectare 5,700 ah chin leh tum a ni a, hriattheih chinah ram hectare 3000 ah chinbelh leh a ni tawh.

Monday, 22 September 2014

Aizawl Capital Expansion Project chhunzawm loh vang ah puh.

MPC party Consultant, Pu KL. Lianchia chuan Aizawl khawpui chepna chhan leh kawngpuia lirthei tawtna chhan chu Aizawl Capital Expansion Project PC sorkar-in a siam tih puitlin a nih tak loh vang niin a sawi.

Sports Meet \an dawn

 Serchhip District High School Sports Meet chu Vawiin Sept. 22, 2014 a\ang hian Thenzawl-ah neih \an a ni dawn a, he Sports Meet ah hian Serchhip District chhunga High School hrang hrangte tel tura beisei a niin Serchhip a\anga he Sports a tel turte chuan Vawiin hian Ser-chhip chhuahsanin Thenzawl hi an pan dawn bawk a ni.

MPSC-ah hnaruak dil theih

Mizoram Public Service Commission (MPSC) chuan General Administration Department (Protocol & Hospitality Wing) a thawk tur Receptionist (NM) pakhat contract basis in a la dawn a, hlawh chu thlakhat ah Rs. 13,500 /- (fixed) a ni ang. He hna dil duh chuan Ser-chhip DC Office ah Oct. 2, 2014 thlengin Office kai ni zing dar 10:00 a\anga tlai dar 3:00 thleng dilna Form siamsa lakchhuah leh thehluh theih a ni.

Civil Hospital ram chung-chang ngaihtuah dawn

Thla hlui Aug. 22-a Gauhati High Court Aizawl Bench thutlukna angin Chief Secretary Pi L. Tochhawng kaih-hruaina hnuaiah, Dawrpui Local Council tana Aizawl Civil Hospital ram sah thlak chungchang ngaihtuah nawn turin Committee din a ni.

Serchhip-ah Martyrs Day urhsun taka hman a ni. "Martyrs te hmabak kan chhunzawm zel dawn,"

MNF Party chuan Inrinni kalta, Sept. 20, 2014 khan  ram tana nunna hlantute Ni, Martyrs Day an hmang a, Serchhip-ah pawh he Ni hi urhsun taka hmangin ram tana nunna hlantute zahna hlan a ni bawk.

Friday, 12 September 2014

Mizoram Governor tur

Mizoram Governor hna chelh mektu leh Manipur Governor ni bawk, Vinod Kumar Duggal banna chu pawm a nih hnuah Meghalaya Governor ni bawk, Krishan Kant Paul chu Mizoram leh Manipur Governor hna chelh rih tura tih a ni a. Mizoram Governor thar tur hian tun thla ni 16 khian Mizoram rawn tlawhin Larsap atan lakluh a ni ang.

K|P ten thisen pe

Serchhip Chhim Veng Branch Kristian |halai Pawl (K|P) chuan an din champha kum 60 (Diamond Jubilee) lawmna atan nimin Sept. 11, 2014 khan damlo a mamawh apiangte hman tura JN Hospital Blood Bank-a dah turin thisen Unit 37 an pe a, thisen petute hi Mipa 33 leh hmeichhia 4 niin Blood Bank-a thawk ten an Kohhran Sunday School Hall-ah kal chilhin an thisen hi an lak sak a. Diamond Jubilee lawmna pui ber hi Vawiin hian ruai neih neih tura ruahman a ni.

Pi Lianhmingi Pachuau boral

Mizoram sorkara Addl. Secretary thawk lai leh, Mizo Zaimi Inzawmkhawm Gen. Hqrs. a President ni lai Pi Lian-hmingi Pachuau (53), Mizoram Civil Service chu nimin zing dar 2:45 khan Aizawl Hospital ICU ah Thin \halo vangin a boral a, nimin vek khan an chenna Khatla South-ah vuiliam a ni.

Chief Minister hovin Thlanmual in\awm sawiho a ni.

Mizoram khawpui hrang hrangte tan Vantlang Thlanmual in\awm buatsaih tum mek a ni a, hemi chungchang ngaihtuahtu High Level Committee For Common Cemetary chu niminpiah tlai khan an Chairman, Chief Minister Pu Lal Thanhawla hovin an \hukhawm.

Education Department hmachhawp sawiho

Chief Minister Pu Lal Thanhawla chuan niminpiah, Sept. 10,l 2014 tlai khan School Education Department hotute Cabinet Meeting Room ah a kawm a, Mizoram chhunga Education in chak zawka hma a sawn theih dan tura School Education Department hotute rawtna leh ruahmanna chhawpchhuah te zirchiangin an thlirho a ni.

NIT sawnchhuah tumna awmlo tih sawi

Higher & Technical Education Department chuan Mizoram-a National Institute of Tecnology (NIT) din tur State pawna sawnchhuah tumna a awm anga sawi chu thudiklo a nih thu an sawi.

Mizoram hmundangte rualin Serchhip-ah Mizoram State Anti-Tobacco Day hman a ni.

Mizoram sorkar in Mizoram puma vaihhlo leh a kaihhnawih dona Ni, Mizoram State Anti-Tobacco Day atana Sept. 11 a puan angin Serchhip-ah pawh nimin khan Anti-Tobacco Day hi hman a ni.

Thursday, 11 September 2014

YMA in Chakma chhiarpui neih an tum an sut.

Central YMA-a rorelna sang, Central Co-Ordination Committee (CCC) nimin a \hukhawm chuan Mizorama Chakma chhiarpui neih a lo rel tawh chu a sut.

Mamawh ang zelin VC pek \hin an nih thu sawi.

LAD Minister Pu PC. Lalthanliana chuan khua in a mamawh ang zelin VC chu pek \hin a ni, a ti.

Kumin ah mahni intihlum mi 45 chhinchhiah tawh

Mizoram Police (Crime Branch) in an chhinchhiahna a\anga a lan danin kumin January a\anga August thla thleng khan Mizoram-ah mahni intihlum 45 an awm tawh.

Mizoram State Anti Tobacco Day

X Vawiin Sept. 11, 2014 hian Mizoram pumah a vawi-khatna atan Mizoram State Anti Tobacco Day hman a ni dawn a, Serchhip-ah pawh DC’s Conference Hall-ah he Ni pual hian inkhawm neih tur niin Aizawl-a he Ni hmanna ah Serchhip District chuan COTPA bawhzui \ha lawm-man pahnihna a dawng dawn a ni.

Vawiin ah Lo zo dawn

Serchhip District chhunga awm Hmun\ha khua chuan Vawiin Sept. 11, 2014 hian Lo an zo dawn a, he Lo zawhna hun hi Agriculture Department nen \angkawpa neih tura ruahman niin Agriculture Minister, Pu R. Lalzirliana chuan khuallian niin he hun hi a hmanpui dawn a, Agriculture Department-a hotu lian te pawh rawn tel kim hle tura beisei an ni. Agriculture Department in he Programme an hman dawn avang hian Vawiin hian Serchhip-a DAO Office chu dawr theih a ni lovang.

CSS Hindi Teacher te hlawh buaipui mek

School Education changtu Parliamentary Secretary Pu Joseph Lalhimpuia chuan Mizorama CSS Hindi Teacher ten hlawh an lak theih nan hmalak mek a ni, a ti.

NLUP \anpuina dawngtu hma la \halo a puh te hmalak zui dan a hmunah enfiah \an.

Serchhip-a thuthar thehdarhtute chuan nimin Sept. 10, 2014 khan Agriculture Department hnuaia NLUP \anpuina dawngtu, hma la \halo nia hriat mi 2, Chhingchhip ami chu an hmalakna a hmunah an enfiah.

Wednesday, 10 September 2014

Zuk leh hmuam dona ah nasa zawka \an lak a \ul

Mizoram pumah naktuk Sept. 11, 2014 hi Mizoram State Anti Tobacco Day ah hman tura tih a ni a.

Kum 6 chhungin COTPA Dan bawhchhia mi 4790 man tawh.

Kum 2008 a\anga kumin July 2014, kum 6 leh thla 7 inkar chhung khan vaihlo khuahkhirhna dan (COTPA) Section- 4, 5, 6 (a), 6(b) & 7 hnuaiah mi 4790 hremna pek an ni tawh a, heng mite sum chawi tlingkhawm zawng zawng chu Rs. 192,557/- a ni.

Rawtna thlen theih

Serchhip District chhunga Assembly Constituency pahnih, 26-Serchhip (ST) AC leh 28-Hrang-turzo(ST) AC huamchhunga Polling Station \henkhat siam rem tum a ni a. Heng Polling Station siam rem turte hi hrechiang duh tan hriat-tirna chhuah a\anga ni sarih (7) chhungin Election Branch, Deputy Commissioner Office, Serchhip te, Electoral Registration Officer (ERO) Office Thenzawl leh North Vanlaiphai bakah AERO(BDO) Office, East Lungdar-ah te en theih niin rawtna nei te tan thehluh theih a ni ang.

Maxi Cab nawrhna titawp

Serchhip District Maxi Cab Owners’ Association ten Serchhip Bazar-ah Maxi Cab Stand leh passenger dah leh lak an phut avanga ni 2 chhung Maxi Cab service an tihtawp hnuah nimin Sept. 9, 2014 khan Maxi Cab neitute hi \hukhawm in DC leh SP in hemi chungchang ngaihtuah tura Meeting koh leh a nih tur thu an sawi avangin Maxi Cab service an chawlhsan chu an titawp rih tih an sawi a. Hei vang hian Vawiin a\ang hian dan pangngai in Maxi Cab te hi an service leh ang.

RGKY Sports nei tan

PYKKA thlakna tura sorkar ruahman Rajiv Gandhi Khel Yojana (RGKY) kalpui \an ah Serchhip RD Block tana RGKY Sports vawi 1-na chu nimin khan Serchhip-ah neih \an a ni a, Serchhip BDO, Pu Vanlalrova chuan he Sports hi a hawng a, Badminton, Weightlifting, Judo, Table Tenis leh Athletics ah te neih a ni dawn a ni.

MHIP in Hmeichhe MLA chawimawi

MHIP Sub-Hqrs. Serchhip chuan nimin Sept. 9, 2014 khan Assembly bye-election neih zawh taka Hrang-turzo bial a\anga thlantlin leh Mizoram-a hmeichhe MLA awmchhun ni mek, Pi Vanlalawmpuii Chawngthu chawi-mawina hun an hmang.

Home Deptt. hmasawnna tura ruahmanna Chief Minister hovin sawiho a ni.

Home Department in hmasawnna tura ruahmanna an  chhawpchhuah te chu nimin Sept. 10, 2014 khan Chief Minister, Pu Lal Than-hawla hovin sawiho a ni a, Home Department hmachhawp 7 te sawiho a ni.

Tuesday, 9 September 2014

Party 2 in EVm chungchanga thuchhuah siam

MNF President Pu Zoramthanga chuan EVM chungchanga Gauhati High Court-a Petition an thehluh-a thutlukna chungchangah PIL/Writ Petition an thehlut dawn nge, mipui kutthlak an nghak dawn tih an la sawi thei rihlo tih a sawi.

Aizawl-ah eitur zawrhna dawr a nihna tur ang nilo tam.

Aizawl khawpui chhung lunlai Veng pasarih-a thingpui dawr, Hotel leh chhang siamna endik zingah dan anga a nih tur anga vawng thianghlim an awm lo.

Mizoram-ah kumtlinglo chunga hleilenna a hluar zel.

Mizoram-ah nikum 2013, April a\anga kumin June, thla 16 chhung khan kumtlinglo (kum 18 hnuai lam), pawngsual tawk mipa naupang 11 leh hmeichhe naupang 37, an vaiin mi 48 an awm a, mipat/hmeichhiat rawngkai a khawih buai tawk 44 an awm bawk.

Hmuntha in Lo zo dawn

Serchhip District-a Hmun\ha khua chuan tunkar Ningani, Sept. 11, 2014 khian Lo an zo dawn a, he hun hi Home Minister Pu R. Lal-zirliana leh Agriculture Directorate a\angin Department mi pawimawh ten an rawn hmanpui dawn a ni. He lo zawhna ah hian Serchhip-a Agriculture Department-a thawkte pawh an kal dawn avangin tunkar Nilaini leh Ningani (Sept. 10 & 11) khian Serchhip-a DAO Office chu dawr theih a ni lovang.

Serchhip in 2-na la dawn

Serchhip District chu Mizoram District hrang hrang zingah Vaihlo leh a kaihhnawih dona kawnga hma la \ha thlanna ah lawmman pahnihna dawng tura thlan a ni niin kan thu-dawnna chuan a sawi a. He lawm-man hi tun thla ni 11-a Mizoram State Anti Tobacco Day puala in-khawm Aizawl-a neih ah hlan a ni dawn ani thudawn a ni.

Sumdawng mi bum thin a puh hnamdang 4 man

East Lungdar Branch YMA leh VC te chuan sumdawnna a mi bum \hin nia hriat mi 4 te chu Pathianni (Sept. 7, 2014) khan manin nimin khan chhuah leh an ni.

Maxi Cab neitu ten lungawilohna an lantir \an. YMA in Bus service tir turin thuneitute ngen.

Serchhip District Maxi Cab Owners’ Association chuan Serchhip Bazar-a Maxi Cab Stand siam an phut nan nimin (Sept. 8, 2014) a\ang khan Serchhip-ah Maxi Cab service a awmlo a, YMA Sub-Hqrs. Serchhip chuan mipuite mamawh phuhrukna tur Bus ruahman turin thuneitute an ngen. 

Monday, 8 September 2014

Mahni intihhlum tum ten mithiam rawn \hin se duh.

Mizoram ah mahni intihlum kumtinin mi engemaw zat an awm ziah a, heng mite hian mithiam zawkte rawnna chang hre \hin se an duh tih helam kawnga hma latu mithiamte chuan an sawi.

MPF in Tribal Area-ah Mizoram let leh ngai niin sawi.

Mizoram Poor Federation (MPF) chuan Mizoram leh hnam a him theihnan Tribal area a let leh a ngai tih an sawi.

Baktawng-a Sahbon siamtu ten mipui mamawh phuhru zolo.

Baktawng Tlangnuam-a Aloe Vera hmanga sahbon siamtute chuan nitin sahbon 700 vel siam mahse mipui mamawh an phuhru zo lo tih an sawi.

Sialsuk dai-a lirthei chesual ah mi 5 boral

Inrinni kalta, Sept. 6, 2014 khan Sialsuk bula truck chesualah hnamdang 2 tiamin a chuang zawng zawng mi 5 an thi a, thi zinga Mizo 3-te hi in khata cheng an ni.

Gauhati High Court in EVM chungchanga Petition thehluh hnawlin EVM check \ul a ti lo.

Gauhati High Court, Aizawl Bench chuan MNF MLA candidate \henkhatin Electronic Voting Machine (EVM) chungchanga Petition an thehluh chu ‘Innghahna tur a awmlo a ni,’ tiin EVM pawh check chian a ngai lo a ni, a ti.

Saturday, 6 September 2014

INC in sum hmang hnem

Nikum November thla a Mizoram Assembly inthlanpui neih ah khan Indian National Congress (INC/MPCC) chuan inthlan senso ah cheng nuai 68.05 hmang angin an insawi a, MNF party chuan cheng nuai 14.04 seng angin an insawi bawk.

Treasury Officer inthlak

Serchhip Treasury Officer Pi H.Lalnuntluangi chu tun-hnai khan Saiha ah sawn a ni a, he hna chelh tur hian  Pu MJ. Zakunga chu ruat niin tun thla ni 3 khan mawhphurhna hi an inhlan fel tawh a ni.

Serchhip khawtlang mamawh Chief Minister hnenah thlen.

Serchhip District NGO Coordination Committee chuan niminpiah (Sept. 4, 2014) khan Chief Minister Pu Lal Thanhawla chu a pisa-ah kawmin Serchhip khawtlang thil pawimawh hrang hrang an thlen.

Maxi Cab neitu ten service loh tintuah

Serchhip District Maxi Cab Owners’ Association chuan Serchhip Bazar-a Stand neih leh Counter kawt-a passenger lak leh dah phutin, hei hi tih hlawhtlin a nih loh chuan Sept. 8, 2014 a\angin tiamchin awm lova service tihtawp an tum.

Ramchhung hmundang rualin Serchhip-ah Teachers’ Day urhsun taka hman a ni.

Ramchhung hmundangte rualin Zirtirtute Ni, Teachers’ Day vawi 53-na nimin Sept. 5, 2014 khan Serchhip-ah pawh hman niin zingkar ah a huhova hman a nih bakah chhun lamah zirna In ten anmahni remchan dan angin an hmang bawk a ni.

Thursday, 4 September 2014

Chanchinthar thenkhat :

In report tur :

Mizoram in Gas hmu \ha

Mizoram-in eirawngbawlna gas a dawn chu thla tin a pung chho hret hret a, July thla ai khan August thla chhungin bur 4,975-in a hmu tam zawk.

Puitling ten ziak leh chhiar an thiam nan \an lak \ul ti

Education Minister, Pu H. Rohluna chuan Mizoram khawthlang leh chhimlam ah puitling ziak leh chhiar thiamlo ten an thiam theih nan \an lak a ngai a ni, a ti.

Darzo kai-a lei dawh zawhfel ngiatin Total Bandh neih a ni.

Mizoram chhimlam a Chhimtuipui lui, Darzo kai-a lei dawh mek chu zawhfel thuai phutin nimin zing dar 12:00 a\ang khan Total Bandh neih a ni.

ZNP |halai in Police Check Post sak sawifiah.

ZNP Gen. Hqrs. in Thingsai-a BADP sum cheng nuai 10 senga Police Check post tur sak chungchanga thuchhuah, Aug. 29, 2014-a an siam tawh chu ZNP |halaite chuan chiang zawkin an sawifiah.

AMC leh NGO duhdan a inang tih sawi

Aizawl Municipal Council (AMC) Chairman, Pu Zarzoliana chuan AMC Licensing Regulation 2012 chungchangah tlawmngai pawl te duhdan chu AMC duhdan tih sawiin, ‘Kalpui kan duhdan erawh a inanglo mai a ni,’ a ti.

NLUP-a One Village–One Crop kalpui turin Serchhip District-ah ruahmanna peihfel thawkhat.

NLUP hlawhtling lehzuala kalpui anih theih nan sorkar  in NLUP 3rd & 4th Phase-a ‘One Village–One Crop’ a kalpui turah Ser-chhip District-ah ruahmanna peihfel thawkhat a ni tawh.

Wednesday, 3 September 2014

MZP in Pangtlang khua VC hran pek dodal zel tum

MZP Hqrs. Lunglei chuan Pangtlang khua in VC hran an ngiat chu \ha lo tiin a tawp thlenga dodal zel nise \ha an ti.

Govt. Region Higher Secondary School chungchang sawifiah; Total Bandh la kalpui zui zel a ni

Education Department chuan Govt. Region Higher Secondary School, Lawngtlai-a

Hnahthial Govt. M/S-ah zirlai leh zirtirtu Class kal duhlo.

Hnahthial Govt. M/S Zirtirtute chuan an Headmaster sawn tura sorkar a an thu thlen in awmzia a neih loh avangin 2nd Term a\angin School an la kailo a. Nimin khan naupang 3 vel leh Headmaster chauh hi School kaiin reilote chauh School hi hawn a ni.

Ramri hung vanga harsatna tawkte Mizoram-ah la kir duhlo.

India leh Bangladesh ramri hung hnathawh meka Mizoram mi Bangladesh huamchhunga awm ta chhungkaw 450 chu Mizorama let tura tih nimahse ramri hung pawn lamah an la awm ni a hriat a ni a. Heng mite hian chhawmdawlna sum an hmuh tur an dawn hma chuan khawi hmunah mah chhuah an tumlo niin an sawi.

Sorkar aia AMC nawr hrethiamlo

AMC Chairman Pu Zarzoliana chuan Joint NGO ten thuneitu Sorkar zawk nawr lova AMC zawk an nawr vak chu an hriatthiam loh thu a sawi.

Nurse pawl 3 ten an nawrhna an titawp tih an sawi.

Sorkar in Nurse a lak dana lungawilo Nurse Pawl hrang hrangte chuan Health Minister an kawm hnuah nimin a\ang khan an nawrhna chu tihtawp an remti.

|angkai zawka bawlhhlawh sawngbawl dan zirhona Serchhip-ah neih a ni.

UD&PA Department buatsaihin nimin Sept. 2, 2014 khan Serchhip-ah \angkai zawka bawlhhlawh sawngbawl dan tur chung-chang zirhona neih a ni a, Serchhip khawtlang hruaitute an tel \ha hle a ni.

Tuesday, 2 September 2014

Serchhip-a tuialhthei man

Petrol leh Diesel man bithliah thar a nih hnuah Serchhip-ah chuan Petrol hi litre khat zelah Rs. 67.32 niin Diesel chu Rs. 58.27 a ni a, he rate thar hi hman \an nghal a ni.

College Week nei tan

Govt. Serchhip College chuan nimin Sept. 1, 2014 a\ang khan College Annual College Week hmang \anin he Week hi College Principal, Pu Lalhmangaiha Chawngthu chuan a hawng a ni. Kumin a Govt. Serchhip College in Week an hman ah hian infiamna chi hrang hranga intihsiakna an nei dawn bakah Mizo hnam nunphung tilang thei tur hrang hrang- Lengkhawm zai, Chheih lam, Hlado chham, Sarlamkai leh Tlangau ah te pawh intihsiakna hi an nei dawn nia thudawn a ni.

Lawngtlai-ah Total Bandh nei; Sorkar lamin sawifiahna siam.

Lai Students’ Association (LSA) huaihawtin nimin a\ang khan Lawngtlai-ah Total Bandh neih \an niin sorkar a\anga thu lawmawm hriat tur a awmloh chuan chhunzawm zel tum a ni a, hetihlai hian an thilphut chungchang hi nimin khan sorkar chuan a sawifiah bawk a ni.

AWC in an dinchampha lawm

AOC Veng Welfare Committee (AWC) chuan nimin Sept. 1, 2014 khan an dinchamphaphak vawi 36-na chu Midland M/S-ah ruai nen ropui takin an lawm a. He hunah hian Report hrang hrang ngaihthlak a nih bakah kum upa te chawimawin hun hmangin chawhnu lamah intihhlimna hun an hmang bawk. AWC hian an Rising Day pual hian Inrinni khan an vengchhung thianfaiin hnatlang an lo nei tawh bawk a ni.

Serchhip-a Sumo chesual ah 2 hliam

Nimin Sept. 1, 2014 zing dar 2:00 vel khan Pu A. Lalhlira, Chanmari Veng ami Sumo (Maxi Cab) chu Serchhip Chanmari Veng a\anga Chanmari Vengthar panna, Sipai Chand kahna peng bula kawngthlangah tlanliam in ft. 150 vel zet a lum a, vanneihthlak takin nunna chan an awmlo.

Thisen pek leh a kaihhnawih a harsatna awm \hin sawiho.

Health Minister Pu Lal Thanzara hovin nimin khan Health Department officer pawimawhte leh MSACS officer te chuan thisen pek (blood donation) leh hemi kaihhnawiha Blood Bank ten tunlaia harsatna an tawh mek chungchang an sawiho.

AMC Licensing Regulation, 2012 duhloh vangin Nimin a\angin AMC Pisa kai tur dan an ni.

 AMC Licensing Regulations 2012 dodalin nimin khan tlawmngai pawl hrang hrang intelkhawm chuan AMC-a thawktute pisa kai tur an dang a, Vawiin ah pawh Pisa kai tur hi dan leh a ni ang.

Monday, 1 September 2014

Mizoram kawngpui siam\hatna turin World Bank nen inrem.

Mizoram sorkar leh World Bank hotute chuan Mizoram kawngpui siam\hatna tur The Mizoram State Roads II – Regional Transport Connectivity Project ah inremna thuthlung August ni 28, 2014 khan an ziak.

Aizawl Civil Hospital-ah damdawi man tlawmna hawn tum.

Mipui nawlpui leh miharsa zawk ten man tlawm zawka damdawi an lei theihna tur 'Generic Drugs Store' chu kumin chhung hian Aizawl Civil Hospital compound chhungah hawn hman tum a ni.

MSU in Zirlai hnenah sum pekkim phut

Mizo Students' Union (MSU) Gen. Hqrs. chuan Mizoram sorkar-in zirlaite dawn tur Pre Matric Scholarship leh NEC Stipend leh Book Grant chu tun thlengin sorkarin a kimin ala pechhuak theilo tih a sawi a, September thla ralhma ngei a heng te hi pechhuak turin sorkar an phut.

Serchhip District-a NLUP \anpuina dawngtu mi 9491 zinga 23 te insawifiah tura tih an ni tawh.

Mizoram sorkar Flagship programme, NLUP chu Serchhip District-a kalpui a nih a\angin mi 9491 ten \anpuina dawng tawhin an zinga mi 23 te chu hma an lak \hatloh avangin insawifiah tura hriattir an ni tawh.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...