Sesah lui thenfai hna thawk

UD&PA Department leh Govt. Serchhip College-a NSS leh Eco Club te chuan nimin khan Sesah Luidung thenfai hnatlang an nei leh a, tunhnaiah he luikawrh tum 4 an thenfaina a ni.

Nimin-a Sesah luidung thenfai hnatlang-ah hian Govt. Serchhip College atangin zirlai naupang 35 vel thawkchhuakin Luikawr-a bawlhhlawh tawih theilo paih te chu Garbage bag-ah thun in lakchhuah vek a ni a, chung chu Motor in bawlh-hlawh paihna hmunah paih a ni a, hmanrua an mamawh ang te chu UD&PA Department hian an tum sak bawk a ni.

Sesah lui hi Govt. Serchhip College NSS Unit, UD&PA Department leh Department dang te pawhin kum dangah vawi engemaw zat an lo thianfai tawh thin a. Khawpui chhunga Lui luang anih avangin mipui tan a tangkai in, motor silna leh insukna hmun a ni a, bawlhhlawh pawh a tam chak thin hle a. NSS leh Eco Club te chuan Bawlhlawh paih thu ah hma kan sawn zel nachungin tan lak zel erawh a tul hle nia an hriat thu sawiin, a Veng neitu leh khawtlang hruaitute pawhin he luikawr-a bawlhhlawh paih turte venna kawngah nasa zawk leh chak zawka hma an lak zui a tul hle nia an hriat thu an sawi bawk.