Posts

Showing posts from February, 2022

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Hri kai 11,664 hmu tawh

Inrinni thleng khan Serchhip District-ah COVID-19 hri kai mi 11,664 hmuhchhuah an ni tawh .

MYC Youth Centre sak mek zawhfel a ni dawn hnai ta

Image
Serchhip Darnam Tlang-a ‘MYC Youth Centre’ sak mekah hnathawktute chuan hna thawh tur atanga zaa 90 vel an thawh zawh tawh thu sawiin, May thla tir lamah chuan zawhfel hman tura an inbeisei thu an sawi.

HPC in Sakawrdai-ah Total Bandh huaihawt an tum

Sinlung Hills Council (SHC)-a sawrkar dinglai paihthlak tuma hmalakna awm duhloh lantirna atan Hmar Peoples Convention (HPC) Party chuan naktuk March ni 1, 2022 atangin Sakawrdai-ah tiamchin awm lovin Total Bandh neih an tum.

HSLC Exam nei tan dawn

Mizoram Board of School Education (MBSE) chuan Vawiin atang hian Mizoram hmun hrang hranga Exam Centre an ruahman ah kumin atana pawl 10, High School Leaving Certificate (HSLC) Exam an buatsaih dawn.

Chanchin thar lawrkhawm :

Speaker in case file tum lo

Ni khat-a hri kai hmuhchhuah zat tlahniam hret

Mizoram-ah COVID-19 hri kai hmuhchhuah la pung zelin mah se ni hnih chhung chu ni khat-a hri kai hmuhchhuah mi sang khat aiin an tlem ta.

NHM hlawh pek thuai tum; thawktu ten sawrkar kar

National Health Mission-Mizoram hnuaia thawktu te hlawh chu tunkar chhung hian dan thar angin Treasury-ah thehluh a, bill a luh veleh release turin NHM leh Finance Department hotute ten ruahmanna an siam.

Union Minister of State for Health & Family Welfare in Mizoram a rawn tlawh mek

Union Minister of State for Health & Family Welfare Dr. Bharati Pravin Pawar-i chuan Mizoram rawn tlawh mekin Vawiin hian New Delhi a pan ang.

Finance Minister pual Budget a ni - MPCC

Mizoram Pradesh Congress Committee (MPCC) chuan kumin-a Mizoram budget pharh tak chu mipui pual budget ni lovin Finance Minister Zoramthanga pual budget a ni, an ti.

India ram State te zingah Covid test titha leh ti tam ber te zinga mi kan ni - Health Minister

Health Minister Dr. R. Lalthangliana chuan Mizoram chu India ram State te zingah Covid test ti tha leh ti tam ber te zinga mi kan nih thu sawiin, Mizoram-a hri kai hmuhchhuah atanga nunna chan tam lam chu 0.31% a nih thu leh India ram-a hniam berte zinga mi a nih thu a sawi.

Hri kai 175 hmuh belh leh

Serchhip District-ah nimin khan COVID-19 hri kai mi 175 zet hmuhchhuah belh leh an ni.

House-ah Private Member Bill hnawl a ni

Mimal lirthei khalhtute leh enkawltute tana hamthatna tur Private Member's Bill 'Mizoram Private Transport Workers (Welfare) Bill, 2022' tih nimin-a Mizoram Budget Session neiha Aizawl North-II bialtu MLA Dr. Vanlalthlana'n a putluh chu sawihona neih a nih hnuah hnawl a ni.

Exam turin inbuatsaih mek

Kumin a High School Leaving Certificate (HSLC) leh Higher Secondary School Leaving Certificate (HSSLC) Exam neih tur chu hri leng laka himna ngai pawimawh chungin Serchhip a Exam Centre hrang hrangah nei tura inbuat-saih mek a ni.

Sialsir-ah Vawk vulh leh enkawl dan zirhona neih a ni

Agricultural Technology Management Agency (ATMA) Serchhip District hnuaia East Lungdar RD Block buatsaihin nimin khan Sialsir khua ah Vawk enkawl dan Inzirtirna neih a ni a, he hunah hian Moses Zonunsiama, Assistant Technology Manager, ATMA in ATMA kal-phung leh training an neih chhante sawiin, he hunah hian Resource Person atan KC. Kawlhnuna, Junior Vety Extension Officer, Khawlailung hman a ni a, Vawk enkawl dan leh Damdawi chi hrang hrang hman dan leh pek dan turte zirtirin, Vawk damdawi sem nghal a ni bawk. Nimin-a Training neih zawh hnu hian Resource Person leh a Team te bakah MzSRLM Team te tangkawp chuan Sialsir khua a Vawk In zawng zawng fangchhuakin Vawk pul hri, Swine Fever Vaccine pek hna an kalpui leh nghal bawk a ni.

Offline-a College Class kal tawh turin sawrkar ngen rel

MZP General Hqrs. hruaitute leh Aizawl a College SU hrang hrangte chu nimin khan MZP Ofice-ah thukhawmin Offline-a College Class kalpui tur chungchang an ngaihtuah.

Chanchin thar lawrkhawm :

MJA in hmalakna an tlawh

Lokayukta-ah FIR thehlut

Mizoram Pradesh Youth Congress Committee chuan Mizoram sawrkarin National Bank of Agriculture and Rural (NABARD) Govt. of India loan lak hmanga Mizoram-a School siam that leh thawmthatna sum hman danah pawisa tam tak eirukna a awm ngei nia hriat avangin nimin khan Mizoram Lokayukta Chairperson C. Lalsawta hnenah complaint thlenin First Information Report (FIR) an thehlut a. MPYCC President Dr. Lalmalsawma chuan, “Mizoram sawrkar School Education Department hian NABARD-ah Mizoram School 172 thawm thatna tur atan cheng nuai 3500 a puk a. He a pawisa puk hi Mizoram hmun hrang hrangah dik lo taka hmanna leh sum tihchingpenna nasa tak a awm ngei nia kan hriat avangin chhui chhuah ngei kan duh a ni,” a ti.

Dan kalh-a thil tih-a sawrkar hmalakna thlir reng tum

ZPM Party chuan Contract hnathawh-a dan kalha thil tihna chungchangah sawrkar in engtin nge hma a lak zui dawn tih an thlir reng dawn tih an sawi.

Hri kai thar 1057 leh enkawl dam 1207 awm belh

Niminpiah khan Mizoram-ah COVID-19 hri kai hmuhchhuah pung leh hretin hri kai 1057 hmuh an ni a, amaherawh chu hei hi Sample enfiah 5241 atanga chhut chuan zaa 20.17 a ni.

ZPM in Bill thlawp loh pawi tih thu an sawi

ZPM Thalaite chuan Driver te hamthatna tur Bill Ruling lamin an thlawp lo chu pawi an tih thu thuchhuah siamin an sawi.

BJP in Larsap hnenah ngenna an thehlut

Dan leh thupek kenkawh chungchangah MNF sawrkar chu a hlawhchham nia sawiin, State sawrkar thuneihna laksak turin BJP Mizoram Pradesh President Vanlalhmuaka chuan nimin khan Mizoram Governor Dr. Hari Babu Kambhampati a ngen.

Governor Hari Babu Kambhampati-a’n ICFAI University Mizoram hotute kawm

Mizoram Governor Hari Babu Kambhampati chuan ICFAI University, Mizoram-a Vice Chancellor Prof. R.P.Vadhera leh Registrar Dr. David Lawmzuala te chu nimin khan Raj Bhavan-ah kawmin an hnathawh dan leh harsatna an neih te a sawipui.

Zing zawka buhfai endik tum tawh thu sawi

Supply Minister K. Lalrinliana chuan, sawrkarin Food Corporation of India (FCI) atanga buhfai a leite chu a thianghlim tawk em tih finfiah turin zing zawka endik an tum tawh thu House a hrilh.

NABARD sum hmanga School sak leh siamthat ah hnathawh thalo 6 hmuh a ni tawh - Education Minister

School Education Minsiter, Lalchhandama Ralte chuan NABARD sum puk hmanga School building sak leh siam thatah School 35 endik tawh atangin hnathawh tha tawk lo 6 hmuh a ni tih House a hrilh a. Hemi chungchanga zawhna chhanna eptu member ten an duhkhawp loh avangin House chhungah inhnialna hun engemaw chen a chhuak a ni.

Hri kai 138 hmuh belh leh

Nimin khan Serchhip District-ah COVID-19 hri kai mi 138 zet hmuh belh leh an ni a, tunkar chhungin nitin-a hri kai hmuhchhuah hi mi za aiin an la tam ziah a ni.

MCPA hruaitu thlanna nei

Mizoram Civil Pensioners Association (MCPA) Serchhip North Branch chuan nimin khan Serchhip Kawnpui VC Hall-ah kum 2022-2023 chhunga hruaitu tur thlanna neiin President-ah C. Lalbiakthanga (P&E Veng), Vice President-ah Lalzuiliana (Bazar Hnuai) leh Treasurer-ah Thuamliana (AOC Veng) te thlantlin an ni a, heng mite hian an thawhpui turte an la ruat leh ang. MCPA Serchhip North Branch-ah hian Member 159 awmin kum kalta chhung khan mi 6 te Endowment Fund dil sak niin an Member boral mi 9 te ral an ni bawk.

PWD SDO insawn dawn

PWD-a Executive Engineer (EE) leh Sub-Divisional Officer (SDO) engemaw zat chu an awmna hmun siksawi a ni a, heng zingah hian PWD Serchhip Project Sub-Division-a SDO Er. Diana Lalramthari chu Quality Control Sub-Division-II ah SDO hna chelh tura sawn a ni a, a aiawh tur hian Er. Amelin Lalawmpuii Chawngthu chu awm tura dah niin Project Division-I ah SDO (TC) hna chelh lai a ni. PWD Project Sub-Division hi Project Building Division hnuaia awm an ni.

Gas buk tlinglo bur 23 man

Serchhip-a Legal Metrology Enforcement Staff te chuan nimin khan Serchhip-a Gas Agent pakhat, B. Lalnema Gas Agency (Bharti Gas) atangin Gas buk tlinglo bur 23 an man.

Assembly Budget Session-ah kum 2022-2023 Mizoram budget cheng vbc. 14,008.15 pharh a ni

Kum 2022-23 Mizoram Budget Estimate, cheng vbch. 14,008.15 chu nimin khan Finance changtu, Chief Minister Zoramthanga chuan Assembly House-ah a pharh a. Budget pumpui atangin hmasawnna hna thar thawhna tur (Capital Expenditure) chu zaa 28.57 a ni a, SEDP-ah cheng vbc. 700 dah a ni bawk.

SEDP atan vbc. 700 ruahman

Kum 2022-2023 Mizoram Budget-ah SE-DP kalpuina atan cheng vbc. 700 dah a ni. Nimin a Assembly thutkhawm ah Finance changtu Chief Minister Zoramthanga chuan budget a pharh ah he thu hi a tarlang a, SEDP atana cheng vbc. 700 ruahman atang hian cheng vbc. 350 chu Family Development lam hawi atan hman tur a ni a, cheng vbc. 100 chu sawrkar ngaih pawi-mawh danga a tul ang zela hman atan niin cheng vbc. 200 chu Central atanga hmasawnna tur sum hmuh te doletna atan leh vbc. 50 chu Road Maintenance atan hman a ni bawk ang.

Mi bo ruang hmuh a ni

Kumin January 2 atanga chin hriatloh a bo Johny Zoparliana ruang chu nimin khan hmuh a ni. Aizawl Zemabawk North-a cheng Johny Zoparliana (38) hi 4th IR niin hnathawhna avangin Mamit-ah hian a awm a, kumin January 2 atang khan chin hriatloha bo in khawtlang huapa ni 7 chhung zawn a nih hnuah pawh hmuh a ni ta lova, nimin chawhnu dar 1:30 vel khan Mamit Luangpawl ram chhung Khiangthelh lui hnar-ah a ruang hi hmuh a ni ta a ni.

Model Village hawnna nei

Mizoram Rajya Sabha MP K. Vanlalvena’n Sansad Adarsh Gram Yojana (SAGY) hnuaia Model Village atana a thlan, Siaha District-a Phura khua chu nimin khan Siaha District Bawrhsap Lalsangliana chuan tlawhin SAGY Model Village atan a hawng a, SAGY Model Village chung-chang inzirtirna Orientation Programme buatsaih pawh khuallian niin a hmanpui bawk. Nimin a he hun hman ah hian Line Department ten an hmalakna leh hmachhawp te an tarlang a ni.

MLA Fund atan MoU ziak

Tunkar Nilaini zan khan Aizawl North Development Society (ANDS) leh Aizawl North-II bialtu MLA Dr. Vanlalthlana te chuan thawhdunna tur thuthlung Memorandum of Understanding (MoU) an ziak a, he thawhhona thuthlung hnuaiah hian ANDS hian MLA Fund hmangin zirna, intodelhna leh hriselna kawngah hma an la dawn a, MLA Fund hmanga hnathawh turah te pawh ANDS hi Implementing Agency-ah an tang anga, tha taka MLA Fund atanga hna thawh a nih theih nan hnathawhte an enkawl sak thin ang.

MFC 2-na in hna thawk tan

Mizoram sawrkar chuan thuchhuah siamin Mizoram Finance Commission (MFC) pahnihna chuan hna an thawk tan tawh tih a tarlang a, tunah hian Chairman-ah F. Vanlalruata leh Member Secretary-ah Lalmalsawma te ni mekin 1st & 2nd Floor, Directorate of Accounts and Treasuries Building, Chanmari, Ramhlun Road, Aizawl-ah Office an neih thu a tarlang. Sub-section (2) of Section 9 of the Mizoram Finance Commission Act, 2010 (Act No. 17 of 2010) chuan MFC hi Civil Court thuneihna ang te pein MFC chuan an hnathawhna atan sawrkar department hrang hrangte tawiawma pawh a mamawh chho zel dawn bawk tih a tarlang bawk.

LMC chungchang zirhona nei

Lunglei Municipal Council (LMC) din tura hmalakna kal mek leh hmachhawp hrang hrangte zirhona hun chu nimin khan Lunglei-a Convention Centre Conference Hall-ah neih a ni a, he hunah hian LMC dinna tura hmalak tawhna te tarlan niin 2021-22 atana bul tan nan budget allocation cheng nuai 80 dawn a nih tawh thu te, LMC atana Post siam tura hriattirna tihchhuah a nih tawh thu te, LMC Office dinna tur atan phalna hmu tawhin Convention Centre-a bultan tum a nih thu leh Ward siamremna tur leh Village Council te Local Council-a thlak tura rawtna siam a nih tawh thu te tarlan a ni a, sawrkar kum thar ah bul tan theih beisei a nih thu tarlan a ni bawk.

Mizoram tan RT-PCR Test Kit 2,16,864 hlan

World Health Organisation (WHO) leh European Union Humanitarian Aid chuan COVID-19 hri pui leng dona kawnga hmanraw pawimawh tak RT-PCR test kit 2,16,864 chu Mizoram tan hlanin nimin khan Health Minister Dr. R. Lalthangliana chuan a dawng a ni.

Hri kai thar 964 leh enkawl dam 1382 awm belh

Niminpiah khan Mizoram-ah COVID-19 hri kai mi 964 hmuh belh leh an ni a, hei hi Sample enfiah 3645 atanga chhut chuan za zela 26.45 zet a ni thung.

Session-ah ZLP leh CLP Member te thu tawh dawn

Mizoram Legislative Assembly Budget Session neih mekah ZPM leh Congress Legislature Party-a tel te chu Vawiin atang hian Session-ah an tel chhunzawm leh dawn.

Chhiah thar lak emaw, Chhiah tihpun tumna emaw a awmloh thu Chief Minister in a sawi

Finance Minister Zoramthanga chuan Chhiah thar lak emaw, Chhiah tihpun tumna a awm loh thu a sawi.

Home Minister in Cyber Crime hnuhma chhuina tur ‘Cyber Forensic Lab’ a hawng

Home Minister Lalchamliana chuan nimin khan Directorate of Forensic Science Laboratory-ah Cyber Forensic Laboratory bun thar chu a hawng.

Ke-a Mizoram fang turin Serchhip a tlawh

Image
India ram zalenna kum 75 tlin lawmna atan leh thuchah hrang hrang kenga ke-a Mizoram fan tum Lalbiakthanga (64),Lawipu Veng Aizawl chuan nimin khan Serchhip rawn thlengin Serchhip-a thuthar thehdarhtu ten an lo dawngsawng a ni.

Orphanage Home tanpui

Serchhip-a hmunpui nei 23 Sector IGAR ‘E’ hnuaia 8th Assam Rifles te chuan nimin khan Unity Orphanage Home, Serchhip chu tlawhin naupangte mamawh ei tur chi hrang hrang an sem a, Assam Rifles hotute chuan he Home-a awm te chu tanpui an ngaihna apiangah tanpui an in-huam thu an sawi a ni.

Pisa kai dan tur ruahman

Serchhip District Addl. DC Lalmuansanga Ralte chuan nimin khan thuchhuah siamin Serchhip District chhung hmun hrang hrang Restricted Area puan mek huamchhunga Sawrkar Office-te chu Head of Office theuh te'n hnathawk tur tul bik ruatin CAB tha taka zawrn chungin an kal thei ang tih a tarlang.

Hri kai 140 hmuh belh leh

Nimin khan Serchhip District-ah COVID-19 hri kai mi 140 zet hmuh belh leh an ni.

Inelna neih tur sawiho

India ram pum huapa Election Commission of India in a buatsaih mek Voters Awareness Contest chungchang sawihona chu nimin khan Serchhip DC Meeting Hall-ah Addl. DC Lalmuansanga Ralte hovin neih a ni a, Intihsiakna kalpui dan tur kimchang hi ecisveep.nic.in/contest/-ah en theih a ni a, a telte chuan an thil siamte chu Voter-contest@eci.gov.in-ah email hmanga thehluh tur a ni. Hrechiang duh tan Serchhip Election Branch-ah zawh chian theih a ni bawk ang.

Serchhip DHO kalchhuak tur leh awm thar tur ten Serchhip-a MJA member te an kawm

Image
Serchhip District Horticulture Officer (DHO) kalchhuak tur M. Vanlalzami chuan nimin khan Serchhip-a MJA member te leng-ah sawmin DHO thar tur R. Lalnuntluanga te nen inkawmna an nei a ni.

Lungzawl zau-a Lei dawh tur lungphum phum a ni

Image
Bungtlang Lungzawl Zau Mat Lui-a Suspension Bridge dawh tur lungphum chu nimin khan Agriculture Department Director Rohmingthanga Colney chuan Lei dawhna tur hmunah a phum.

Agriculture Department hmalakna in Serchhip-ah Ran chaw herna khawl hawn a ni

Image
Agriculture Department in Serchhip-a Ran chaw herna hmun an buatsaih, Mini Feed Mill chu nimin khan Agriculture Department Director Rohmingthanga Colney chuan a hawng a, helai hmunah hian nikum November thla atang khan Ran chaw siamchhuah ni tawhin December thla atang khan hralhchhuah a lo ni tawh a ni.

Member hlui te sunna nei

Mizoram Legislative Assembly thutkhawm nimin a neih chhunzawm ah Session hnuhnung ber leh tun Session inkâra member hlui thi pathum- Saitlawma Sailo, C. Ramhluna leh Hrangthanga Colney te sunna hman a ni a, heng mite chanchin hi House-ah chhiarchhuah niin anmahni sunna atan ngawi rengin minute khat (1) an ding a ni. Nimin a Assembly thutkhawm ah hian Speaker sawm angin Chief Minister Zoramthanga leh Minister pahnih R.Lalzirliana leh Dr. K.Beichhua te'n House-ah lehkha pawimawh an pharh bawk a ni.

Lok Ayukta-ah thehlut

ZPM Party chuan PMGSY hnuaia kawng siam chungchangah dan lova inhnamhnawih a Assembly Speaker puhna chungchang chhui chiang tura ngenna nimin khan Mizoram Lok Ayukta-ah an thehlut.

Mizoram MP (LS) in ngen

Tunkar Thawhlehni leh Nilaini-a Parliamentary Standing Committee on Coal, Steel and Mines thutkhawm New Delhi-a neih ah an Member leh Mizoram Lok Sabha MP C. Lalro-sanga chuan hmarchhak bial-a lungalhthei dap hnathawh a mumal lo chu lawmawm lo a tih thu a sawi a. Tlangram chhengchhia leh ramngaw te kaltlanga Rel kawng leh motor kawngpuite pawh siam mek a nih theih laia harsatna hrang hrang avanga hetiang hna thawh a harsa anga sawi hi a awihawm lo a ni, a ti a. Mizoram tiamin hmarchhak bial-a he hnathawhna atana tun kum thum kalta chhunga sum ruahman leh senso a tlem tual tual chu lungawithlak loh a tih thu sawiin, theihtawpa tan la thar turin Ministry chu a ngen bawk.

Mizoram Budget pharh dawn

Mizoram Legislative Assembly Budget Session neih mek chu Vawiin hian chhunzawm leh tura ruahman niin kum 2022-23 chhunga Mizoram Budget chu Finance changtu Chief Minister, Zoramthanga'n House-ah a pharh dawn a. Mizoram Budget pharh rual hian Sawrkar kum kal mek (2021-22) chhunga Sawrkar sum indaih-lohna phuhrukna tur, Supplementary Demand for Grants pharh nghal a ni dawn a ni. Dan pangngaiin House-a Budget pharh ni-ah hian zawhna leh chhanna a awm dawn lova, Chief Minister-in Budget a pharh hnuah thutkhawm hi chhunzawm lovin tihtawp zui nghal a ni dawn a ni. Karleh Thawhtanni atangin Mizoram Budget 2022-23 pharh tak hi sawihona neih a ni dawn a, March ni 1-ah Budget sawihona hi zawhfel tura ruahman a ni a, a tuk March ni 2 atangin Minister hrang hrangte Department enkawlna tur sum ruahman te sawi ho-a pass tum a ni dawn a ni.

Hri kai 1295 hmuh belh an ni

Niminpiah khan Mizoram-ah Sample 5833 enfiah niin heng atang hian COVID-19 hri kai mi 1295 hmuh an ni a, Sample enfiah atanga za zela 22.10 te chuan hri an kai a ni.

House Leader in eptute tawiawm turin sawm

Assembly Speaker kaihhruaina hnuaia eptu pawl ten rorelna kalpui duh lova nimin-a House an chhuahsan chungchangah House Leader Zoramthanga chuan eptu Member-te chu sawi fel tur a awm a nih chuan House-ah innawr lova Court-a kal tura tiin, Budget Session hi a tawp thlenga tawiawm turin a sawm.

Speaker kaihhruai duhlo eptu ten House chhuahsan

Ngaizawl kawng siamnaa cheng nuai 100 a laksak nia inpuhna ah Assembly Speaker Lalrinliana Sailo in Assembly Budget Session a kaihhruai duh lovin epty pawl pahnih ZPM leh Congress Member-te'n nimin khan House an chhuahsan.

House-ah lawmthu sawina Motion pass a ni

Assembly House-a Governor thusawi chungchanga lawmthu sawina Motion Tuirial bialtu MLA K. Laldawngliana'n niminpiah a Assembly House-a a putluh chu nimin khan sawiho a nih hnuah pawm a ni.

Chakai Farm chungchang House-ah sawifiah

Fisheries Minister K. Lalrinliana chuan Chakai Farm an buaipui mek chu cheng naui 547 senna tur ni anga mi thenkhatin Social Media lama an thehdarh chu thudik lo a nih tih sawiin, he thilah hian FIR thehluh an tum thu a sawi.

Mizoram-ah Rubber hnai theih kung nuai 2 vel awm

Tun dinhmunah Mizoram pumah Rubber kung puitling hnai theih nuai 2 vel a awm tawh.

Hri kai enkawl dam mi sing khat aiin tam tawh

Serchhip District-ah COVID-19 hri kai an pun belh zel a, nimin khan hri kai mi 139 zet hmuh belh leh an ni a, hri kai enkawl dam pawh mi sing khat aiin an tam tawh.

Serchhip District-ah Restricted Area-ah puang leh

Serchhip District chhunga COVID-19 hri kai hluar zualna Veng leh khaw thenkhat te chu nimin atang khan hmun khuahkhirh bik (Restricted Area)-ah puan leh a ni.

Ran chaw herna hawng dawn

Serchhip Agriculture Complex-a Ran chaw herna bun thar, Mini Feed Mill chu Vawiin chawhma dar 11:00 hian Agriculture Department-a Director Rohmingthanga Colney chuan a hawng dawn a, hemi hnu hian Bungtlang Lung-zawl Zau a Suspension Bridge dawhna tur lungphum a phum nghal bawk ang.

Serchhip DHO inthlak dawn

Serchhip-a District Horticulture Officer (DHO) M. Vanlalzami chu Horticutlure Department Rirectorate-ah Dy. Director hna chelh tura sawn a ni a, a aiawh tur hian Centre of Excellent, Thingdawl-a PO nilai R. Lalnuntlunga chu ruat niin Vawiin hian DHO mawhphurna an inhlan dawn a ni. DHO kalchhuak tur hian Vawiin chhun dar 12:30 hian Serchhip-a MJA member te a kawm dawn bawk a ni.

Serchhip District Headquarters Land Committee thutkhawm hmasa ber neih a ni

Serchhip District Headquarters Land Committee chu nimin khan a vawi khatna atan an thukhawm a, he hunah hian Serchhip District-a In hmun leh ram dilna lut hrang hrangte chu ngaihtuah a ni.

Chanchin thar lawrkhawm :

Champhai-ah chawimawi

YMA leh AMCIRDA inkawm

All Mizoram Cement & Iron Rod Dealers Association (AMCIRDA) hruaitute chu nimin khan Aizawl-a Central YMA Office-ah lengin Central YMA hruaitute nen inkawmna an nei a, he hunah hian Mizoram chhunga hnamdang Mizo hming hawha Iron rod, Cement leh Balu zuarte chungchang leh Iron rod size leh buk tlinglo chungchang sawiho a ni a, Mizo hming hawha sumdawngte dapchhuah kawngah thawhho zel tha tih a ni bawk. Tun dinhmunah AMC area-ah Mizo hming hawha a heng bungraw zuar hi dawr 85 an awm mek tih he hunah hian tarlan a ni.

House Leader hnenah ngen

Congress Legislature Party Leader Zodin-tluanga leh ZPM Legislature Party Leader Lal-duhoma te chuan nimin khan Mizoram Legislative Assembly-a House Leader Zoramthanga hnenah lehkha thehlutin, Ngaizawl khaw kawng laihna sum atangin cheng nuai 100 zet Assembly Speaker Lalrinliana Sailo chuan a lo ei ve tih hriat a nih thu leh hetiang hian hmun danga contract hna atang te pawhin chanvo a nei nual nia hriat a ni bawk tih an tarlang a. Hei vang hian an rorelna sang bera kaihruaitu ni tlak ah an ngai lo tih tarlangin, a kaihhruaina hnuaia rorelna kalpui chu House zahawmna tih bawrhbanna ah an ngaih thu leh House zahawmna vawn nun a nih zel theih nan Session chu Deputy Speaker in kaihruai mai se tiin an ngen a ni.

Hri kai thar 1657 leh dam 1674 awm belh

Niminpiah khan Mizoram-ah COVID-19 hri kai mi 1675 hmuh belh leh an ni a, hei hi Sample enfiah zawng zawng 7352 atanga chhut chuan za zela 22.78 a ni.

Thil nih dan dik tak puang turin Speaker phut

ZPM Party chuan Khawzawl - Ngaizawl PMGSY Road Black Topping/White Topping chungchangah Assembly Speaker Lalrinliana Sailo chu thil nihna dik tak puang tura an phut thu an sawi.

Assembly Budget Session neih tan a ni

Mizoram Legislative Assembly 8-na thutkhawm vawi 9-na chu nimin atangin neih tan a ni a, March ni 10, 2022 thleng awh tura ruhman a ni.

Kum 2021-2022 ah SEDP atangin Department-ah cheng vbc. 83.39 pek a ni tawh - Governor

Mizoram Governor Dr. Hari Babu Kambhampati chuan hrileng avangin sawrkar chuan harsatna hrang hrang tawk mahse, sawrkar chungah rinna a nghat tlat tih sawiin, sawrkar kum kal mek 2021-22 ah SEDP atangin cheng Vbc. 83.39 chu Department hrang hrangah hmasawnna hna thawh nan pek a ni tawh tih a sawi bawk. 

Hri kai hmuh la pung zel

Serchhip District-ah COVID-19 hri kai hmuhchhuah an la pung zel a, nimin khan hri kai mi 153 zet hmuhchhuah leh niin hri kai hmuh tawh zawng zawng pawh 10,986 an tling tawh.

Pathianni-ah hri kai 519 hmuh belh an ni

Pathianni khan Mizoram-ah COVID-19 hri kai 519 hmuh belh leh an ni a, hei hi Sample enfiah zawng zawng  1914 atanga chhut chuan za zela 27.12 a ni.

Red Zone ngaihtuah dawn

COVID-19 hri leng mekah Serchhip District-a hri kai tamna Veng leh khua 34 te tun thla ni 15 atanga Red Zone-a puan te chu Vawiin, Feb. 22, 2022 hian a tawp dawn ta a. Red Zone kalpui zel dan tur hi la ngaihtuah tur a nih thu Addl. DC Lalmuansanga Ralte chuan sawiin, Vawiin hian hemi chungchang ngaihtuaha thutkhawm hi neih a ni dawn nia thudawn a ni.

BBBP-a hmalakna tur duang

Serchhip District Task Force on Beti Bachao Beti Padhao (BBBP) chu nimin khan thukhawmin kumin sawrkar kum kal meka BBBP Action Plan atana First Instalment kalpui dan tur an duang.

Serchhip-ah a vawi khatna atan NCC Cadre Camp nei

Image
Govt. Serchhip College NCC Unit te tana ‘Cadre Camp for 'B' Certificate Exam’ hmasa ber leh Serchhip-a Camp vawikhatna chu nimin khan Govt. Serchhip College-ah neih tan a ni.

Chanchin thar lawrkhawm :

Mizoram fang tur vailiam

Vawiin-ah Session tan dawn

Mizoram Legislative Assembly Budget Session chu Vawiin hian neih tan a ni dawn a, Vawiin hian Larsap in House chhungah thu a sawi dawn a ni.

Kawng siamtute Buk thiah sak

Khawzawl District a awm Ngaizawl khaw mipui lungawilo chuan PMGSY hnuaia an khaw kawng Alkatra luan hna leh White Topping hna thawktute Buk chu nimin khan an thiah sak.

Synod Hospital, Durtlang-ah Health Minister in 800 LPM Oxygen Generation Plant a hawng

Health Minister Dr. R. Lalthangliana chuan nimin khan Synod Hospital, Durtlang-ah 800 LPM Oxygen Generation Plant a hawng a, “Hri kai nunna chhan kawngah pawh kan thawhrimna malsawmin a awm a ni,” a ti.

Mizoram Lokayukta Annual Report thehlut

Mizoram Lokayukta Chairperson C. Lalsawta chuan 'Second Annual Report of the Mizoram Lokayukta’ chu nimin khan Mizoram Governor Hari Babu Kambhampati hnenah a thehlut.

Central Scheme tha tak tak Mizoram mipui mimir tam zawkin an hriatloh bakah an la dawng lo - Governor

Mizoram Governor Dr. Hari Babu Kambhampati chuan nimin khan Mizoram Presbyterian Kohhran Synod hruaitute chu Raj Bhavan-ah kawmin Mizoram mipui mimir tam zawkin Central Scheme tha tak tak, miharsate chawikanna atana kalpui mek te an hriat loh bakah an dawng lo tih a hmuh thu a sawi.

Irod Rod buk dik leh tling engtin nge kan hriat ang?

Image
Consumer te i harh ang u XXXIII : Irod Rod buk dik leh tling engtin nge kan hriat ang?

Hri kai hmuh pun belh zel

Inrinni thleng khan Serchhip District-ah CO-VID-19 hri kai mi 10,753 hmuhchhuah an ni tawh.

Mizoram State Day

Nimin February 20, 2022 kha Mizoram State Day vawi 35-na a ni a, India sawrkar leh MNF ten June 30, 1986-a inremna an neih hnuah February 20, 1987 khan Mizoram chu State pui-tling-ah hlankai niin kumin hian Mizoram State Day hi Pathianni a nih avangin he ni puala hun hman a awm lo a ni. Mizoram State Day pual hian Chief Minister Zoramthanga chuan mipuite hnenah thuchah sawiin Zoram mipuite zawng zawng tan hlimna leh malsawmna a nih theih nan chibai bukin duhsakna a hlan bawk a. Prime Minister leh Union Minister te atang pawhin duhsakna a dawn thu a sawi bawk.

COVID-19 hri kai hmuhchhuah pung ve leh hret

Mizoram-ah COVID-19 hri kai hmuhchhuah pung leh hret mah se hri kai enkawllai erawh mi sing khat aiin an la tlem.

MSU in Kamrul-a zawng

Mizo Students' Union (MSU) General Hqrs. chuan Kamlova Chhangte inti Kamrul Laskar zawn hna chu Inrinni khan an thawk tan tih sawiin, a Tribal Certificate-a a chenna hmun tarlan Thuam-pui Veng-ah zawngin Thuampui Branch YMA te'n lo an lo dawnsawn hnuah MSU hruaitute hi a chenna in nia hriatah an hruai a, Kamrul Laskar hi awm lovin, an thenawmte sawi danin kum hnih vel zet an hmuh tawhlo tih an lo sawi niin thuchhuah an siamah an tarlang a ni. MSU chuan Kamrul Laskar chu Mizoram pumah zawn chhunzawm zel a ni dawn tih sawiin, hmuh a nih hma zawng Mizo dan angin ni sarih (7) chhung MSU kaihhruaina in zawn a ni ang tih an tarlang bawk.

Hnathawh mek te enfiah

Mizoram Sawrkar Planning & Programme Implementation Department Secretary Lalmal-sawma Pachuau chuan Inrinni khan NLCPR (Do-NER) kaltlanga cheng nuai 1,988 senna tur Champhai khawpui kianga luang Keilungliah lui khuah 'Construction of Dam Reservoir and Development of Recreation Centra at Keilungliah, Champhai' hnathawh mek leh NEC Project cheng nuai 200 senna tur 'Afforestation of Denuded Hills in Champhai District of Mizoram' hmalakna te chu a tlawh a, hun bituk chhung ngeia tha taka zawh a pawimawh thu sawiin, hnathawktute chu thahnem ngai taka thawk turin a chah a ni.

Dialysis Unit harsatna sawiho

Civil Hospital Aizawl Dialysis Unit-a harsatna awm chungchang sawihona chu Health and Family Welfare Board Cive Chairman Dr. ZR. Thiamsanga MLA hovin Inrinni khan Civil Hospital Aizawl-ah neih a ni a, he hunah hian Dr. ZR. Thiamsanga chuan Dialysis Unit, Civil Hospital-a harsatna awm te chu damlo ten an mamawhna a san em a vangin a rang thei ang bera hmalak ngei a ngaih thu sawiin, a tul ang zela amah ngei pawhin a umzui zel tur thu a sawi bawk. Dialysis khawl hi 12 awmin tha taka a kaltluan chuan nikhatah damlo 36 enkawl thei tura ngaih a ni.

Kawlphetha man tihsan rawtna sawiselna 5 lut

Mizoram sawrkar in kawlphetha chhit man tihsan rawtna a siam chu huntiam chhungin pawl 5 ten sawiselna an thehlut nia thudawn a ni.

OST Centre-a lutru man a ni

Ningani kalta zan khan Serchhip District Hospital-a OST Centre-a mi tu tih hriatloh chu lutin damdawi thenkhat lakchhuah a ni a, Serchhip Police ten an chhui zui hnuah Zirtawpni khan helai hmuna lut hi man a ni.

H&TE Minister in hawng

Higher & Technical Education Minister Dr. R. Lalthangliana chuan cheng nuai 156 senga Govt. Serchhip College-a Science Building sak thar chu Inrinni khan a hawng a, he building hi Rashtriya Uchchatar Shiksha Abhiyan (RUSA 2.0) sum atanga sak a ni. H&TE Ministe chuan a tak taka zirlaite thiamna haichhuah chu a pawi-mawh tih sawiin, Degree emaw Certificate tha leh mark hmuh san ringawt a tawk lo tih a sawi a, a tak taka thiamna zirlai ten an neih a pawimawh ber zawk tih a sawi bawk.

Pawn chhuah khapna hlip ta

COVID-19 hri leng avanga inkhuahkhirhna kalpui-ah zan lama pawn chhuah khapna chu hlih a ni ta.

Mipui khuahkhirhna tlem zel

COVID-19 hri leng avanga mipui inkaihhruaina tihchhuah thar leh niin kawng thenkhat ah mipui khuahkhirhna la awm mah se mipuite khap behna lam erawh a awm meuh tawh lo.

Pawl hrang hrang ten Health Minister hnenah District Hospital sak thuai an duh thu lo thlen

Health Minister Dr. R. Lalthangliana chuan Inrinni khan Serchhip rawn tlawhin Serchhip a pawl hrang hrangte chuan Serchhip District Hospital sak thuai a nih theih nana hma lak sak turin Minister hnenah hian an lo thlen a ni.

MLA Fund hmanga Tuisen zau panna laih thar MJA (SD) ten a hmunah an tlawh

Image
Serchhip Mat Phai Tuisen Zau-a MLA Fund hmanga kawng laih thar chu Inrinni (Feb. 19, 2022) khan MJA Serchhip District Member te chuan tlawhin hnathawh an enpui a, helai vela thlai chingtute chuan he kawng thar siam avang hian thlai thar phurhchhuah kawnga harsatna an tawh thin chu sutkian a nih an beisei tih an sawi a ni.

Damdawi In sakna sum ah lawmthu sawiin, NGO leh VC te’n an thlan ah sak ngei duh

Serchhip Thalai Pawl (STP) chuan Powergrid in CSR Fund atanga Khum 100 awm theihna Serchhip District Hospital sakna tur cheng vbc. 21 an pe dawn ta chu lawmawm an tih thu leh a hmun tur ah NGO Coordination Committee in an lo ruahman tawh, Bukpui ram chu tha an tih thu an sawi.

Hri kai 95 hmuh belh leh

Nimin khan Serchhip District-ah hri kai mi 95 hmuh belh leh niin hri kai enkawllai 899 an la awm mek.

DFO in kangmei laka fimkhur turin mipui a ngen

Thenzawl Divisional Forest Officer (DFO) leh Serchhip District Fire Prevention Committee-a Member Secretary Lalbiakchama Chawngthu chuan nikum lamah kangmei nasa tak kan tuar tih sawiin, “Kumin ah chuan mipuite kan fimkhur phawt chuan ramkang leh kangmei lakah kan him thei ngei ang,” a ti.

Bazar Veng Red Zone hlih a ni

Serchhip District Bawrhsap Nazuk Kumar IAS chuan nimin khan thuchhuah siamin tun thla ni 15-a thupek an lo tihchhuah tawh ah Serchhip Bazar Veng Red Zone-a puan chu Bazar Area-ah COVID-19 hri kai zat an kiam avangin Red Zone atanga hlih a nih thu a tarlang a. Serchhip Bazar Building pawh dan pangngai a hawn leh nghal a ni bawk.

Sports practice phalsak ta

Serchhip District Addl. DC Lalmuansanga Ralte chuan nimin khan thupek tichhuakin tun thla ni 8-a hri leng chungchanga inkaihhruaina tihchhuah ah Clause A Sl. No. 8-a tarlan Sports Practice (Indoor & Outdoor) chu a hmuna leng zat chanve aia tam lova phal a nih thu a tarlang a. Covid Appropriate Behaviour zawm ngei a nih theihna turin Sports Association hruaitu ten mawhphurhna an la tur a ni tih a tarlang bawk.

Sialhau kawng siam mek en

Serchhip Sub-Hqrs. YMA huamchhunga awm Tawitlang Group YMA hruaitute chuan PMGSY hnuaia Sialhau kawng siam mek chu nimin khan enin hnathawh chu tha thawkhat-a an hriat thu an sawi a. Chutihrual chuan huntiam chhunga zawh hman loh an hlauh thu sawiin, a tawp thlenga hnathawh enpui zel an tum thu an sawi bawk.

Inbumna ah fimkhur turin chah

Mizoram Police te chuan Online inbumna chungchangah mipuite chu fimkhur turin an chah.

Chanchin thar lawrkhawm :

Lunglei-ah Skill Training hawng

Hri kai hmuhchhuah tlahniam hret hret zel

Mizoram-ah COVID-19 hri kai hmuhchhuah an la tlahniam zel a, niminpiah khan Sample 5083 enfiah niin heng atang hian hri kai mi 1119 hmuhchhuah an ni a, Sample enfiah atanga chhutin za zela 22.01 te chuan hri an kai a ni.

Tuipui lui-a service tur Mar Boat vailiam

Commerce & Industry Minister Dr. R. Lalthangliana chuan Chili (Tuipui)-a service tur Mar Boat chu nimin khan mipuite hman theih turin a vailiam.

FMGE&W ten Bagde dum bel tum an thulh rih

Federation of Mizoram Government Employees & Workers (FMGE&W) ten sawrkar laka lungawiloh lantirna atana karleh chhunga Badge dum bel an tum chu thulh leh a ni tih an sawi.

SHC sawrkar rintawklohna Motion putluh a ni

Hmar Peoples Convention (HPC) hruaitute chuan nimin khan Sinlung Hills Council (SHC) Pisa-ah thuthar thehdarhtute kawmin, SHC sawrkar rintawk loh (No Confidence Motion) MNF member pathum leh Independent Member pathumin an putluh thu an sawi.

Thingtlang Bank awm lohna ah Post Office te Bank angin a hman theih - Governor

Mizoram Governor Hari Babu Kambhampati chuan nimin khan Raj Bhavan-ah Mizoram Post Post Office hotu lian te kawmin Mizoram chhunga an hmalakna te a zawt a, Post Office te chu Bank anga hman theih a ni tih sawiin, thingtlang mi te tan Bank ang chiah a hna thawh theih dan te nasa zawka zirtirna pe turin a chah bawk.

Chanchin thar lawrkhawm :

Lawngtlai DISHA thukhawm

Serchhip Sailiamkawn-a Police Check Post siam thar hman theih tura hawn a ni

Khawchhak lam atanga bungrua rawn lut leh dan lova bungraw tawlh te lo enfiahna tura ruahman Serchhip Sailiamkawn-a Police Check Post thar chu Serchhip SDPO Kaste Romalsawma chuan nimin khan hawngin helai hmunah hian nitin darkar 24 chhung Duty tur pawh dah nghal an ni.

Hri kai 129 hmuh belhin enkawllai 883 an awm mek

Nimin khan Serchhip District-ah COVID-19 hri kai mi 129 hmuh belh leh niin nimin tlai thleng khan hri kai enkawllai 883 an la awm a ni.

Bungrua rutu a puh te man

MJA Serchhip District ten Serchhip Press Club sakna bungrua an dahthat lo la thin mi 2 te chu man niin an thil ruk thenkhat te pawh hmuh let a ni.

District Hospital sakna atan CSR Fund hmu dawn

Power Grid Corporation of India Ltd. chuan CSR Fund hmanga khum 100 awmna tur Ser-chhip District Hospital sakna tur sum dilna chu an pawm thu an sawi.

Mizoram-ah hri kai hmuhchhuah thar tlahniam zel

Niminpiah khan Mizoram-a COVID-19 hri kai hmuhchhuah chu a hma ni aia tlahniam hretin hri kai mi 1571 hmuh an ni a, hei hi Sample enfiah zawng zawng 6082 atanga chhut chuan za zela 25.83 lai a la ni thung a ni.

Chuhvel khaw dai-a Police Duty-ah MP in a tlawh

Mizoram Rajya Sabha MP K.Vanlalvena chuan niminpiah khan Mamit District chhung Chuhvel khaw daia Assam ramri bul hnaiha Mizoram Police Duty Post te a tlawh.

Assembly Session-ah Mizo Language Development Board (Draft) Bill, 2022 putluh a ni dawn

Mizo Language Development Board (Draft) Bill, 2022 chu karleh-a Assembly Budget Session neih turah putluh a ni dawn tih Human Resources Development Board Vice Chairman L. Thangmawia, MLA chuan a sawi.

Mizoram-a Supply Centre 121 zinga 21 te chu sak that mek a ni

Mizoram sawrkar-a Supply Department chuan Mizoram pumah Supply Centre 121 nei mekin, chung zinga 21 chu sak that mek a ni.

Hri kai 121 hmuh belh leh

Serchhip District-ah ni khat-a COVID-19 hri kai hmuhchhuah a la tlahniam thei meuh lo a, nimin khan hri kai mi 121 zet hmuh belh leh an ni.

HRIATTIRNA

Mizoram Journalist Association (MJA) Serchhip ten Serchhip Bazar-a Letter Box kan dah thin chu Serchhip Press Club hman theihna peih a nih tak avangin Serchhip Press Club-ah hian Letter Box hi dah a ni ta a. MJA member te enkawl tualchhung chanchinbu-a lehkhathawn tur emaw pawimawh nei te chuan Serchhip Press Club-a Letter Box-ah hian dah thin tawh tur a ni tih mipuite kan in hriattir e.

Bazar hawn sak turin ngen

Serchhip District Bawrhsap in tunhnaia hri leng avanga Red Zone a puan zingah Serchhip Bazar Veng a tel avanga Serchhip Bazar Building khar tura tih a nih avangin Serchhip Bazar a thil zuartute chuan Bazar hi khar sak lo tura ngenna chu nimin khan Bawrhsap hnenah an thlen a. Hemi chungchangah hian District thuneitute chuan an lo ngaihtuah leh tur thu an lo hrilh tih Bazar Welfare Association hruaitute chuan sawiin, amaherawh chu an thil zawrh te chhe thei a nih avangin nimin khan an thil zawrh, a bikin Chaw-hmeh te chu thiarchhuah tir niin Serchhip Bazar leh a chhehvel hmun remchang ah an inzuar a ni.

Hriangtlang khua tlawh

BJP Mizoram Pradesh President Vanlal-hmuaka chuan nimin khan Serchhip District a Hriangtlang khua tlawhin an khaw mamawh Buhfai, Dal, Alu leh Face Mask te chu VC te hnenah hlanin VCP Lalramsanga chuan a dawng a. Hemi hnu hian Hriangtlang-a BJP Unit hruaitute nen inkawmna neiin Hriangtlang khua chu BJP in VC Member an neihna a nih avangin an ngai pawimawh tih a sawi a, an khawtlang mamawh hrang hrang an lo thlen te pawh Mizoram leh Central sawrkar-a an thlen tur thu a sawi bawk.

Sample Test-na sawn dawn

Serchhip-a COVID-19 Sample Test-na hmun ZDU Building-a an hawn chu remchan zawkna avangin Serchhip Medical Complex chhunga DCHC building hnuai, TRAUMA Building hnung ah sawn a ni dawn a, naktuk February 18, 2022 atang hian hman tan tum niin COVID-19 Sample Test turte chuan helai hmun ah hian pan tawh tur a ni ang. Sample Test hi Sawrkar Pisa chawlh leh thla tin Inrinni vawi hnihna tihloh ah chuan Thawhtanni atanga Inrinni thlengin zing dar 10:00 atanga chawhnu dar 2:00 thleng neih thin a ni.

COVID-19 No Tolerance-ah Dan zawmlo mi 262 man

January 26, 2022 atanga February 14, 2022 chhunga Serchhip District-a COVID-19 No Tolerance hman chhungin Dan zawmlo mi 262 man an ni a, an pawisa chawi tlingkhawm pawh Rs. 28,900/- a tling.

Serchhip-a Iron Rod zawrh enfiah niin Standard Size leh buk tlinglo te man a ni

Image
Serchhip khawpui chhunga Iron Rod zawrhna dawr-a Iron Rod zawrh te chu nimin khan enfiah niin BIS in a nih tur ang a tih (Standard Size) phaklo te leh a rih zawng-a tlinglo te chu hralhchhuah theihloh tura man a ni.

Chanchin thar lawrkhawm :

IAS Book Corner hawng

Mizoram-a hri kai mi nuai hnih aiin an tam ta

Niminpiah khan Mizoram-ah COVID-19 hri kai hmuhchhuah tlahniam hretin hri kai 1616 hmuhchhuah an ni a, hei hi Sample enfiah atanga chhut chuan za zela 23.56 niin Mizoram-a hri kai hmuhchhuah erawh mi nuai hnih aiin an tam ta a ni.

National Kala Utsav lawmman pakhatna hlan

School Education Minister Lalchhandama Ralte chuan Hnam ziarang hmanga intihsiakna, National Kala Utsav 2021-a lawmman pakhatna dawngtu Lalruatfeli, Class IX Kids Care School Ramhlun South chu nimin khan lawmman (Trophy) a hlan.

Industry neitu ten Kawlphetha chhitman tihsan duh lo

Tunhnaia Mizoram sawrkarin kawlphetha chhit man tihsan rawtna JERC (for Manipur & Mizoram) hnena a thlen chungchangah Mizoram Industry Owners Association (MIOA) chuan kawlphetha chhit man tihsan hi tha an tih loh thu resolution an siam.

Sihhmui Check Gate-ah Duty dahin Serchhip-a Check Gate siam thar Vawiin ah hawn tum a ni bawk

Dân lova Kuhva tawlhruk dàn nan leh a ti lui te lo manna tur atana ruahman Sihhmui-Sairang Zero Point bula Check Gate siam chu hman tan niin Serchhip Sailiamkawn a mi pawh Vawiin hian hawn a ni ang.

MSU in Kamrul Laskar Uddin zawn hna thawh tum

Mizo Students’ Union (MSU) General Hqrs. chuan Kamrul Laskar Uddin-a Tribal Certificate, Kamlova Chhangte tih hminga awm chu February ni 18, 2022 hmaa a surrender lo a nih chuan amah zawn hna hi an thawk dawn tih an sawi.

EWS hnuaia Project 6 thawhna tur lungphum Governor in MZU Campus-ah a phum

Economically Weaker Section (EWS) Scheme hnuaia cheng vbc. 60.31 senga thawh tur Project 6 bul tanna tur lungphum chu nimin khan Mizoram Governor Hari Babu Kambhampati chuan Mizoram University (MZU) Campus-ah a phum.

Hri kai 138 hmuh belh leh

Nimin khan Serchhip District-ah COVID-19 hri kai mi 138 zet hmuhchhuah belh leh an ni a, hri kai enkawllai pawh mi 800 chuang an awm leh tawh.

Mizoram-ah Sakei thlenpui

Aizawl Zoological Park-a Bengal Tiger pahnih (2) dah tur zinga pakhat chu Mizoram-ah rawn phurh thlen niin chawlhkar hnih vel Intensive Care-a dah hran a nih hnuah mipui en theih turin Sakei awmna tur (enclosure)-ah dah a ni ang.

Serchhip by-pass Road siam meka Lei dawh nakum chhunga zawhfel hman tum a ni

Image
Serchhip February 16 : National Highway-54 kawngpui laihzauh leh siamthat hna thawh mekin Serchhip khawpui a helna tura Lei (Bridge) dawh hna kalpui mekah hnathawktute chuan harsatna liantham tawh an nei lo tih sawiin, nakum (2023)-ah chuan zawh theih ngei an inbeisei thu an sawi. NH-54 in Serchhip khawpui a helna tura kawng laih meka Sailiam lui kawr-a Lei dawh hna thawh mek hi nimin khan Serchhip-a thuthar thehdarhtu thenkhat te chuan a hmunah tlawhin hnathawh tawh chin leh an hna thawh dinhmun te an zawtfiah a, he hna thawk mektu KRAM Infracon Pvt. Ltd. a General Manager Atul Kumar Singh chuan an hnathawh dinhmun lo hrilhin he Lei hi meter 150-160 vel-a thui tur a ni tih sawiin, Lei-ah hian a ruala Motor pahnih tlan theihna tur meter 7-a zau bakah a sir ve ve ah Ke-a kal theihna tur meter 1.5 ve ve, a vaiin meter 10-a zau in dawh tur a ni tih a sawi a, tunah hian Lei Foundation tur an khawih tan mek thu sawiin, Fur ruahtui tlak hma ngeiin Foundation chhun chu peihfel an inbeisei t

Leng khua in In 2 sak sak

Serchhip District chhunga Leng khua chuan nimin khan an khuaa Hmeithai chhungkaw pahnih te chenna tur In an sak sak a, thudawn danin heng In te hi a dung leh a vang ft. 18 ve ve niin VC te kaihhruaina hnuaiah tlawmngai pawl YMA, MHIP leh MUP ten hnatlang in an sak sak a ni. Heng In te hi Assam Type-a sak niin bialtu MLA leh Home Minister Lalchamliana chuan In chung tur Rangva a tumsak a, mamawh dang erawh khawtlang in an thawhkhawm thung a ni. In sak hnatlang hi Vawiin atangin a inchhawkin thawh chhunzawm zel a ni ang.

Khua leh Veng 34 te Red Zone-ah puan leh an ni

Serchhip District chhunga hri kai hmuh-chhuah tamna Veng leh khua 34 te chu February 15, 2022 atanga February 22, 2022 thleng atan Red Zone-ah puan an ni ve leh ta a, hemi atan hian nimin, Feb. 15, 2022 khan thupek tihchhuah a ni. 

Sailiamkawn-a Police Check Post siam thar tunkar chhungin hman tan tum a ni

Image
Khawchhak atanga Mizoram-a bungrua rawn lut te lo enfiahna tura Serchhip Chhim lam kawtchhuah Sailiamkawn-a Police Check Post tur sak hna chu zawhfel thawkhat niin tunkar chhung hian hman tan tum a ni.

Chanchin thar lawrkhawm :

ATM-a harsatna sawiho

Hri kai thar 2022 leh enkawl dam 2024 awm belh

Thawhtanni khan Mizoram-ah Sample 7916 enfiah niin heng atang hian COVID-19 hri kai mi 2022 hmuhchhuah leh an ni a, Sample enfiah atanga za zela 25.54 laiin hri an kai leh a ni.

Manipur inthlana Duty tur Mizoram Police te thlah

Manipur Assembly inthlanna a Duty tur Mizoram State Armed Police Force (SAPF) te chu nimin khan Mizoram DGP Devesh Chandra Srivastva IPS chuan chuan 3rd Bn. MAP Parade Ground, Mualpui leh 5th IR Bn. Parade Ground, Lungverh atangin a vailiam.

Journalist Pension Scheme zirchianna sawiho

Mizoram Journalists Association (MJA) in Journalist Pension Scheme atana ruahmanna an thehluh, Study Team ten an zirchianna chu nimin khan I&PR Minister Lalruatkima hovin a Pisa-ah sawihona neih a ni.

Hri leng hmachhawnna ah MJA chungah lawmthu sawi

Health Minister Dr. R. Lalthangliana chuan MJA te chu Mizoram-in COVID-19 a hmachhawn kawnga tanpuitu pawimawh tak te an nih thu a sawi.

Serchhip District-a hri kai hmuh sing khat aiin tam ta

Serchhip District-ah nimin khan COVID-19 hri kai mi 133 hmuhchhuah leh an ni a, heti hian Serchhip District-a hri kai hmuh tawh chu mi sing khat aiin an tam ta a ni.

V-Day ah Thisen Unit 67 pe

Nimin khan Valentines’ Day pualin Serchhip Blood Bank-ah thisen Unit 67 pek a ni.

Halpuah leh halmawi zirho

Nimin khan Govt. Serchhip College-ah halpuah leh halmawi in mihring hriselna a nghawng a neih theih dan inzirtirna neih a ni.

Sava leh ramsa veh khap

Serchhip District Magistrate chuan Serchhip District chhunga Dan lova Silai kawl leh Sava leh ramsa te veh khapna thupek a tichhuak.

Mizoram Governor kawm

Counter Insurgency and Jungle Warfare School (CIJWS), Vairengte-a Commandant Maj. Gen. VMB. Krishnan, AVSM, YSM chuan nimin chawhnu khan Mizoram Governor Hari Babu Kambhampati chu Raj Bhavan-ah a kawm a. He inkawmnaah hian Maj. Gen. VMB. Krishnan chuan CIJWS chhunga hmalakna hrang hrang te Governor hnenah hian tarlangin, thil pawi-mawh dang te pawh an sawidun bawk.

Dan lova Mau sat te man

Kolasib Divional Forest Officer, Margareth Lalramchhani chuan nimin khan Kolasib District chhung Pangbalkawn VC huamchhunga Dan lova Mau sat te chu a hmunah kalchilhin an Mau sakh te a man sak a, thudawn danin heng Mau sattute hi hnamdang niin Rawnal pum 650 leh Mautak pum 4900 te niin Hailakandi District a tawlh thlak tur anih thu heng hnamdang te hian an sawi a ni. Hei bakah hian Pangbalkawn VC huamchhungah tho hian hnamdang Mizoram pawn atanga Mau sat tura Dan lo a rawn lut mi 8 pawh man niin Buk an lo zar te chu tihchhiat a nih bakah Bairabi Police te hnenah hlan an ni.

Mizoram-ah Omicron hmu

Mizoram-a COVID-19 hri kai te zingah hri thar a awm leh awmloh hriatna (Genome Sequencing) atana Mizoram atanga NIBGM Kol-kata-a sample an thawn thawhkhatna (1st Batch) leh thawhhnihna (2nd Batch) atangin nimin khan result 122 dawn niin heng atang hian Omicron Variant 62 hmuhchhuah a ni tih Dr. Pachuau Lalmalsawma, State Nodal Officer, IDSP leh Official Spokesperson on COVID-19 chuan a sawi a. Omicron Variant hmuhna te hi Aizawl District-a hri kai hmuhchhuah ah te niin District dang Khawzawl, Kolasib, Saitual leh Serchhip atanga sample an thawn zingah erawh Omicron Variant hmuh a ni lo thung tih a sawi bawk Tun tuma. Sample an thawn zawng zawng atang hian Omicron 62, Delta 12 leh Others (Delta Sub Variant) 18 hmuhchhuah a nih thu a sawi bawk.

Pathianni-ah hri kai 577 hmuh belh leh an ni

Pathianni khan Mizoram-ah COVID-19 hri kai mi 577 hmuh leh an ni a, hri kai hmuhchhuah hi tlem deuh mah se Sample enfiah 1789 atanga chhut chuan za zela 32.25 in hri an kai a ni.

Kum 10 kalta ah 2021-ah kangmei tam ber

Nikum 2021 kha tunhnai kum 10 (2012-2021) kalta chhunga Mizoram a kangmei chhuah nasat ber kum a ni a. Nikum chhunga Mizoram-a In kang zinga zaa 67.10 leh ram kang zinga zaa 93.46 te chu February leh April thla chhunga thleng a ni.

Eng chhit man tihsan tumna MPYCC in an dodal

Mizoram Pradesh Youth Congress Committee (MPYCC) chuan Mizoram sawrkarin Kawlphetha chhit man tihsan tuma a rawtna chu an pawm loh thu nimin khan Joint Electricity Regulatory Commission (for Manipur & Mizoram) Office-ah ziakin an thlen.

Hybrid IAS Coaching Kick Off Programme hawng

Mizoram Youth Commission (MYC) leh ALS tangkawpin an buatsaih ‘Hybrid IAS Coaching Kick Off Programme’ hawnna chu nimin khan Aizawl-a MYC Conference Hall-ah neih a ni.

Governor in DDK leh AIR Mizoram hotute a kawm

Mizoram Governor Hari Babu Kambhampati chuan Door-darshan, Mizoram leh All India Radio, Mizoram-a hotulu te chu nimin khan Aizawl-a Raj Bhavan-ah a kawm.

Kolasib Dumlui-a Chakai Farm kalpui mek Fisheries Minister hovin tlawh a ni

Image
Cheng nuai 52 senna Project, Kolasib Dumlui-a Chakai Farm kalpui mek chu nimin zing khan Fisheries Minister K. Lalrinliana hovin Kolasib-a thuthar thehdarhtute chuan an tlawh.

Valentines Day pualin thisen Unit 931 pek a ni

Nimin khan Mizoram hmun hrang hrangah Valentines Day pualin thisen Unit 931 pek a ni.

RD Minister hovin Mizoram-a DRDA te DRDO-a leh chungchang sawihona neih a ni

Sawrkar Laipui chuan tunhnai khan Centrally Sponsored Scheme, District Rural Development Agency (DRDA) Administration Scheme chu April ni 1, 2022 atangin tihtawp a nih tur thu an rawn hriattir a, nimin khan RD Minister hovin Mizoram-a DRDA chu District Rural Development Office (DRDO) ah te leh chungchang sawiho a ni.

Hri kai sing tling dawn hnai

Serchhip District-ah COVID-19 hri kai an la pung zel a, hri kai hmuhchhuah tawh zawng zawng pawh mi sing khat an tling dawn hnai ta.

IKK Hmeichhia inkhawmpui

Isua Krista Kohhran (IKK) Serchhip Pastor Bial Hmeichhe Pawl Inkhawmpui chu nimin Pathianni hmang khan IKK Biak In, Serchhip Chanmari Veng-ah neih a ni a, he khawmpui ah hian Inrinni khan rorelna hun hmangin nimin khan Pathian biak inkhawm neih a ni. IKK Serchhip Pastor Bial hian Serchhip bakah Chhiahtlang leh Keitum a huam a ni.

Raltlan chhiarpui nei mek

Myanmar atanga raltlan lo lutte chhiar leh chhinchhiah hna chu thawh mek zel a ni a, a theih chinah Identity Card pawh pek zel an ni.

Feb. 22 atanga March 10 thleng Session nei dawn

Tun thla ni 22 atanga tan tur Mizoram Legislative Assembly Budget Session chu March 10, 2022 thleng awh tura ruahman a ni.

ENGTIA LO VALENTINE’S DAY NGAWT NGE?

ENGTIA LO VALENTINE’S DAY NGAWT NGE? - Kapliana Pachuau

UPC (NEI) Bial khawmpui nei

UPC (NEI) Serchhip Bial Conference vawi 56-na chu nimin Pathianni hmang khan Electric Veng UPC Biak In-ah neih a ni a, Inrinni khan Rorel Inkhawm neiin nimin khan Speaker atana hman, Evan. Lalthankima Ralte, Mission Director hnen atangin thuchah ngaihthlak a ni. UPC (NEI) Serchhip Pastor Bial-ah hian tualchhung Kohhran 6 awmin In 335-ah member 1438 an awm mek a ni. Serchhip Dinthar Bial UPC (NEI) Conference pawh nimin Pathianni hmang khan Dinthar UPC Biak In-ah neiin Inrinni khan ro-relna an nei a, nimin khan Pathian biak inkhawm neih a ni bawk.

Bial Khawmpui nei thei lo

Serchhip khawpui chhunga Presbyterian Kohhran Pastor Bial hrang hrang ten nimin Pathianni hmanga Pastor Bial Kohhran Hmeichhe Inkhawmpui neih an tum chu tunhnaiah COVID-19 hri kai hmuhchhuah an pun nasat leh avangin neih theih a ni lova, thudawn danin Serchhip Town chhunga Pastor Bial panga (5) te chuan Kohhran Hmeichhe Inkhawmpui neih an tum hi an thulh vek a ni. Hetihlai hian tunhnaia sawrkar in Red Zone a puan thar huamchhunga Kohhran hrang hrangte chu Pathian biak Inkhawm pawh nei thei lovin an awm mek bawk a ni.

MJA (SD) in lawmthu sawi

MJA Serchhip District ten Serchhip Press Club tihchangtlunna atana hma an lakna kal zelah Lalro Digital, Serchhip chuan Serchhip Press Club tan Internet Connection leh Cable TV Connection chu a thlawna pe in Inrinni khan an thlun sak a, Lalro Digital neitute leh thawktute chungah MJA Serchhip District chuan lawmthu an sawi.

April 22-ah Sub-Hqrs. YMA Rorel Inkhawm neih rel

Serchhip Sub-Hqrs. YMA chuan Inrinni khan Sub-Hqrs. YMA Executive Committee (SEC) Meeting neiin April 22, 2022 khian Sub-Hqrs. YMA Rorel Inkhawm neih nise an ti.

Rajya Sabha MP in kawm

Mizoram Rajya Sabha MP K. Vanlalvena chuan Ningani zan khan Delhi-a Mizoram House-ah Assam Gas Company Managing Director Gokul Swargiyari chu kawmin Kolasib District Meidum khuaa Gas lakchhuah theih dan tur te leh IGGL in Guwahati atanga NE State hrang hrangte thlunzawmtu tur Gas pipeline an phum mekin Mizoram a thlen theih dan tur chungchang te a sawipui a. He Gas pipeline hi Guwahati atangin Meghalaya rawn kal tlangin, Karimganj District a rawn paltlang a. Mizoram-Assam-Tripura tri-junction kaltlangin Kanhmun-ah rawn thleng tura ruahman a ni a, kum 2024 ralhma a Kanhmun rawn thlentir hman beisei a ni. Meidum-ah hian ONGC te chhut danin 2.28 BCM Gas a awm ngeia hriat a ni a, Chief Minister Zoramthanga’n a sawm angin Assam Gas Managing Director leh IGGL CEO te Aizawl-ah lo kalin Meeting an neih thuai beisei a ni.

Hri kai 1,96,420 tling tawh

Mizoram-ah COVID-19 hri kai mi 1,96,420 zet hmuhchhuah an ni tawh. Inrinni khan Mizo-ram-ah hri kai hmuhchhuah tlem hretin Sample enfiah 4594 atangin hri kai mi 1231 hmuhchhuah an ni a, Sample enfiah atanga za zela 26.79 te chuan hri an kai a ni.

Huaisen lawmman dawng turin Mizoram atangin Mizo naupang pathum thlan an ni

Indian Council for Child Welfare chuan Mizo naupang pathum Lalramliana, Vanlalfela leh Jolyn Malsawmsanga te chu huaisen lawmman (bravery Award) 2021 dawng turin a thlang.

Kum 10 kalta ah 2021-ah kangmei tam ber

Nikum 2021 kha tunhnai kum 10 (2012-2021) kalta chhunga Mizoram a kangmei chhuah nasat ber kum a ni a. Nikum chhunga Mizoram-a In kang zinga zaa 67.10 leh ram kang zinga zaa 93.46 te chu February leh April thla chhunga thleng a ni.

Sawrkar hnathawk inzawmkhawm pawl ten lungawiloh lantir nan Bagde dum bel an tum mek

Mizoram-a sawrkar hnathawk inzawmkhawm pawl, Federation of Mizoram Government Employees & Workers (FMGE&W) chuan lungawi lohna lantir nan leh an thil ngiatte sawrkarin a tihhlawhtlinsak thuai phut nan tun thla ni 21-25 chhung khian Badge dum bel an tum tih an sawi.

Mi 31 te Ex-Gratia pe tawh

Serchhip District-ah COVID-19 vanga boral mi 31 te hnenah sawrkar ruahman angin Ex-Gratia pekchhuah a ni tawh.

ILP sponsor theilo turin hrem

Thenzawl khua a Dan lova ILP fello chunga hnamdang chhawrtu mi 5 te chu kum hnih (2) chhung ILP sponsor theilo tur leh pawisafai chawi tura tih an ni.

Hri kai mi 146 hmuh belh

Nimin khan Serchhip District-ah COVID-19 hri kai mi 146 zet hmuhchhuah belh leh niin hri kai hmuhchhuah zawng zawng pawh mi sing khat an tling dawn hnai ta.

SDSC-ah pawl 20 tel ta

Serchhip District Carrom Association ten Serchhip District Sports Committee (SDSC)-a inziahluh an dilna chu SDSC Executive Meeting chuan pawmpuiin Affliation Fee pawh an pe nghal a, heti hian Serchhip District Sports Committee hnuaiah hian Sports Association 20 an awm ta a ni.

Chanchin thar lawrkhawm :

Korea Ambassador kawm

Hri kai thar 1941 leh enkawl dam 1883 awm belh

Niminpiah khan Mizoram-a COVID-19 hri kai hmuhchhuah tlahniam hretin Sample enfiah 6553 atanga hri kai 1641 hmuhchhuah an ni a, Sample enfiah atanga chhutin za zela 25.12 te chuan hri an kai a ni.

Mizoram-a BJP Office Union Minister in a tlawh

Mizoram-a rawn zin Union Minister of State for Rural Development & Steel Faggan Singh Kulaste chuan nimin chawhnu khan Aizawl-a BJP Office chu tlawhin an Party hruaitute nen in-kawmna an nei.

Congress in CM atan Lalsawta a hual - Zodintluanga

Congress Legislature Party (CLP) Leader leh MPCC Treasurer Zodintluanga Ralte chuan MPCC President Lalsawta chu Chief Minister atana Congress Party-in an hual a ni tih a sawi.

Chief Minister leh Union Minister inkawm

Nimin-a lehlanga Mizoram tlawha rawn zin Union Minister of State for Rural Development & Steel Faggan Singh Kulaste chuan Chief Minister chu kawmin Mizoram hmasawnna atana thu pawimawh an sawi dun.

PC Party thuchhuah thu belhchian dawllo a ni -MNF

MNF Party chuan P&E Department in tul miahlo leh mamawh miah lova thawktu mi 973 lai mai nei anga PC Party-in thu an chhuah chu thubelhchian dawnllo niin an sawi.

Ruihhlo dona a hmalak ho dan tur sawihona nei

Ruihhlo laka naupangte himna tura sawrkar kutke hrang hrang ten tangruala hma an lakna tur ruahmanna bawhzui dan tur chungchang sawihona, State Level Review Meeting chu niminpiah khan Aizawl-a Secretariat Conference Hall-ah neih a ni.

Union MoS for Rural Development in Mizoram-a RD Department hotute a kawm

Union Minister of State for Rural Development Faggan Singh Kulaste chuan nimin khan lehlangin Mizoram a rawn tlawh a, Mizoram Larsap Dr. Hari Babu Kambhampati chu a kawm bakah Rural Development Department hotute chu thutkhawm a neihpui nghal a ni.

Mizoram Governor in Horticulture, PWD leh Agriculture Department hotute a kawm

Mizoram Larsap Dr. Hari Babu Kambhampati chuan nimin khan Raj Bhavan-ah Horticulture, PWD leh Agriculture Department hotute kawmin Bamboo Link Road Project kalpui dan tur an sawifiah a. Agriculture Department Official te hian Mizoram chhunga hmasawnna hna leh Scheme hrang hrang an kalpui dan an sawi bawk.

Nimin-ah hri kai 130 hmu

Niimin khan Serchhip District-ah COVID-19 hri kai mi 130 zet hmuhchhuah leh an ni.

Medical lama mithiam ten mi 2 thihna la chhui zui mek

Nikum kumtawp lama Serchhip District Hospital-a mi pahnih thihna chungchanga Magisterial Inquiry report chu Medical lama mithiam ten an enzui leh mek.

Red Zone-a puan ti danglam

Serchhip District Bawrhsap in Kanghmun South khua Red Zone-a a lo puan tawh chu hlih niin North Vanlaiphai Damdawi Veng chu Red Zone-ah hian puan thar a ni thung.

Election Office sawn rih

Serchhip DC Office Building chhawng hnuai ber, Election Branch in Office atana an hman lai chu cheithat hna thawh a nih dawn avangin Election Branch hi e-District building-a awm rih tura sawn niin hetah hian dawr theih an ni rih ang.

Kum 2021 chhungin ramkang vangin tum 28 koh an ni

Serchhip Fire Station chuan nikum (2021) chhung khan ram kang chungchang ah Emergency Call/Fire Call tum 28 zet an dawng.

Chanchin thar lawrkhawm :

Chapchar Kut hman dan tur rel

COVID-19 hri kai thar 1811 hmuh belh an ni

Niminpiah khan Mizoram-ah Sample 7321 enfiah niin heng atang hian COVID-19 hri kai mi 1811 hmuhchhuah leh an ni a, Sample enfiah atanga za zela 24.74 te chuan hri an kai a ni.

Nikum chhungin HIV hrik pai 1869 hmuchhuak

Nikum chhung khan Mizoram-ah HIV hri kai hmuhchhuah mi 1,869 an awm a, chung zinga mi 230 (1.2%) te chu nu nau pai an ni.

Scheduled Tribe Certificate lem a nih thu sawi

Tunhnaia Social Media-a Abu Mazumdar Sailo s/o Zoram Chhetri Sailo, Zuangtui, Aizawl-a cheng hnena Scheduled Tribe Certificate pek anga tarlan chu a lem a ni tih Aizawl DC chuan thuchhuah siamin a tarlang.

ADC-a mipui thlan sawrkar tibuai thin ah MNF puh

Congress Legislature Party (CLP) Leader leh MPCC Treasurer Zodintluanga Ralte MLA chuan MNF chuan Autonomous District Council (ADC)-ah mipui thlan sawrkar tir lovin an tibuai thin niin a sawi.

Union Defence Minister hova Sainik Board of Governors Meeting-ah Chief Minister a tel

Sainik Board of Governors Virtual Meeting chu nimin khan Union Defence Minister  Rajnath Singh hovin neih a ni a, he hun hi Mizoram atangin Chief Minister Zoramthanga leh Education Minister Lalchhandama Ralte te chuan CM Office atangin an chhim a ni.

CM Embassy of Israel Attache MASHAV inkawm

Chief Minister Zoramthanga chuan nimin khan a Pisa-ah Yair Eshel, Attache Agriculture MASHAV Embassy kawmin Mizoram-a Horticulture tihhmasawnna atana an lo thawhho tawhna leh hmalak zel dan tur an sawidun.

LESDE leh RD Department ten an hmalakna leh hnathawh Mizoram Governor an hrilh

Labour, Employment, Skill Development & Entrepreneurship leh Rural Development Department-a hotute chuan nimin khan Mizoram Governor chu Raj Bhavan-ah hmuin an Department kalhmang te, hnathawh dan te, mawhphurhna an neihte leh Central Schemes an kalpui dan chungchang te an hrilhfiah.

Serchhip District chhunga khua/Village 18 te hri leng vangin Red Zone-ah puan an ni

Serchhip District chhunga khaw 18 te chu tun thla ni 16 thleng atan ‘Red Zone’ ah puan a ni a, heng khua ah te hian hri leng avanga inkhuahkhirhna khauh zawka kalpui a ni ang.

Futsal Ground laih tan a ni

Image
Serchhip bialtu MLA Lalduhoma’n MLA Fund a pek hmangin nimin atang khan Serchhip Field Veng-ah Futsal Ground tur laih tan a ni.

Chanchin thar lawrkhawm :

Larsap in lawmpuina hlan

Hri kai 72 hmuh belh leh

Nimin khan Serchhip District-ah COVID-19 hri kai mi 72 hmuh belh niin hri kai mi 60 te enkawl dam an ni thung.

Tuikum bialtu MLA in Vanchengte a tlawh

Tuikum bialtu MLA Er. Lalrinawma chuan nimin khan a bial chhunga Vanchengte khua chu tlawhin khawtlang hruaitute nen inkawmna an nei.

CAB zawm chungin Serchhip District-ah chhun-ah inkhawm pangngai neih phal a ni

Serchhip District-ah CAB khauh taka zawm chungin chhun-ah chauh Kohhran Inkhawm pangngai neih phal a ni.

December thlaa ruahtui tla avangin kumin ah Mat Phai atangin Tomato thar mumal a ni dawn lo

Image
Serchhip Mat Phai-a thlai chingtute chuan Krismas leh Kumthar vuakvet-ah ruahtui tla chu nasa takin an tuar tih sawiin, a bik takin an Tomato te chu a chhe deuh vek tih an sawi a, hei vang hian kumin ah Tomato tharchhuah tur an nei mumal dawnlo tih an sawi. 

Niminpiah-ah hri kai mi 1806 hmuh belh leh a ni

Niminpiah khan Mizoram-ah hri kai hmuhchhuah tlahniam hretin Sample 7620 enfiah atangin hri kai mi 1806 hmuhchhuah an ni a, Sample enfiah atanga chhut erawh chuan za zela 23.70 zetin hri hi an kai thung a ni.

Mizoram-a Football Centre 60 kalpui dan tur sawiho

Mizoram sawrkar-a Sports & Youth Services Department aiawhte leh Tata Trusts aiawhte chuan Mizoram District 11 tuamchhuaka Football Centre 60 kalpui dan tur chungchang nimin khan an sawiho.

Mualkhang-a Gas Bottling Plant tihlen a ni dawn

Mizoram Sawrkar hmalakna in Mualkhang Gas Bottling Plant (IOCL LPG Bottling Plant) chu siam that a ni dawn a, a hma aia lian zawka siam a ni ang.

Liqour (Zu) leh Wine hi thil hrang a ni a, tehna thuhmuna teh chi a ni lo - Lalduhoma

ZPM Leader Lalduhoma chuan, “Liqour (Zu) leh Wine hi thil hrang a ni a, tehna thuhmuna teh chi a ni lo,” a ti.

Hri kai 98 hmuh belh leh

Nimin khan Serchhip District-ah COVID-19 hri kai mi 98 zet hmuhchhuah leh an ni.

Khapna thupek tichhuak

Serchhip District Bawrhsap chuan kangmei laka mipuite an him theihna turin thupek a tichhuak.

Consumer Court in Thingsai mipuite harsatna a chinfel sak :

Consumer te i harh ang u XXXII : Consumer Court in Thingsai mipuite harsatna a chinfel sak - Laldinpuia Secretary, Serchhip District Consumer Assn. Consumer te thlavang hauhtu Serchhip District Commission in tuhnaia a thubuai rem naa consumer ten hnehna an chan chungchang hi a chanchin bul lam atangin i han tarlang teh ang. Kum 2017 daih tawhah khan Thingsai khuaa chhungkaw 20 te chuan N. Vanlaiphai Gas Agency-a Gas Double-na tura pawisa agency a an pek tawh chu an Gas double anih theih loh avangin, Gas Double-na tur pawisa an pek atanga kum hnih hnu, kum 2019 (30.7.2019)-ah an lungawi lohna Supply Directorate-ah an thlen a. Supply Directorate lam hian DCSO chu chhui tura an tih angin khatih hunlai a Serchhip DCSO Pu Rosangmawia khan sawrkar thuchhuak angin thil thlenna hmun Thingsai leh N.Vanlaiphai-ah te kalin thil awmdan uluk takin a chhui a. Thingsai khua a mite hian Gas double na tur hi chhungkaw pakhat in Rs. 2350/- zel kum 2017-ah N.Vanlaiphai Gas Agency a thehluh turin Th

Chanchin thar lawrkhawm :

Speaker hovin thukhawm

Mizoram-ah ni khat-a hri kai thar la tlahniam thei lo

Mizoram-ah ni khat-a  COVID-19 hri kai hmuhchhuah zat ala tlahniam thei meuh lova, niminpiah khan Sample 8125 enfiah atangin hri kai mi 2224 hmuh leh niin Sample enfiah atanga za zela 27.37 te chuan hri an kai a ni.

ZPM in Electric Bill tihsan tumna complaint thehlut

ZPM Party chuan Mizoram sawrkar Power & Electricity-in Electric Bill 21.05% a tisang tura JERC a rawtna a thlen chungchangah nimin khan complaint an thehlût.

Health Minister hova AYUSH Governing Body thukhawmin hmalakna tur hrang hrang an sawiho

Mizoram State AYUSH Society Governing Body chu nimin khan an Chairman leh Health Minister Dr. R. Lalthangliana hovin SAD Conference Hall-ah an thukhawm.

Kalphung pangngai angin HSLC leh HSSLC Exam tum

Mizoram Board of School Education (MB-SE) chuan kumin a High School Leaving Certificate (HSLC) leh Higher Secondary School Leaving Certificate (HSSLC) Exam neih tur chu tihdan phung pangngai anga offline hmanga nei turin inbuatsaihna an kalpui mek.

Sawrkar kumthar-ah SEDP in chhungkaw 60,000 tuam tum niin cheng vbc. 300 vel ruahman a ni dawn

SEDP Executive Board Chairman leh Deputy Chief Minister Tawnluia chuan sawrkar kum thar lo awm turah SEDP hmangin chhungkaw 60,000 vel tuam tum anih thu sawiin, hemi atan hian cheng vbc. 300 bawr vel ruahman a ni dawn tih a sawi a, “Sum kan neih dan zirin kan kal zel dawn a ni,” a ti.

Kangmei laka fimkhur a pawimawh zia inzirtirna hun ‘Fire Prevention Week, 2022’ hawnna neih a ni

Kangmei laka fimkhur a pawimawh zia leh kangmei tichhuak lo tura inzirtirna Hapta, Fire Prevention Week, 2022 chu nimin khan Serchhip-ah a hawnna neih niin ‘Kangmei ven hi mitin mawhphurhna a ni’ tih chu kumin hian thupui atan hman a ni.

Hri kai 100 hmuh belh niin mi 160 enkawl dam an ni

Nimin khan Serchhip District-ah COVID-19 hri kai mi 100 hmuhchhuah belh niin hri kai mi 160 te enkawl dam an ni thung.

Serchhip District-ah raltlan 284 awm mekin Refugee Camp siam a la ni lo

Myanmar ram buaina avangin Serchhip District-ah raltlan rawn lut mi 284 an awm mek nia chhinchhiah a ni a, heng mite tan hian Refugee Camp siam la awm lovin raltlan te hi tun thla chhungin ID Card pek vek hman beisei a ni.

Chanchin thar lawrkhawm :

DC leh SP te hriattir

Thu dik tawklo a awm niin CM Office in tarlang

Tunhnaia Chanchinbu leh Social Media thenkhat ah Nov. 25, 2021 zan-a Assam Chief Minister Himanta Biswa Sarma leh Mizoram Chief Minister Zoramthanga ten New Delhi-a zanriah an kilho chungchang thu tarlan ah thu dik tawklo a awm tih Mizoram Chief Minister's Office chuan thuchhuah siamin an tarlang a. “He zanriah hi Mizoram Chief Minister-in a buatsaih anga ziah a nih laiin Assam Chief Minister in a buatsaih a ni zawk a. Ani sawmna angin New Delhi Assam House-ah zanriah hi Mizoram CM hian a va kilpui a ni,” an ti a.

Pathianni-ah hri kai 658 hmuh belh leh an ni

Pathianni khan Mizoram-ah Sample 2157 enfiah niin heng atang hian COVID-19 hri kai 658 hmuhchhuah an ni a, Sample enfiah atanga za zela 30.50 zetin hri an kai a ni.

Higher & Tehnical Board thutkhawm nei

SEDP hnuaia Higher & Tehnical Board chu nimin khan Higher & Technical Education Minister Dr. R. Lalthangliana hova thukhawmin zirna sang zawk tihhmasawn nana hmalak dan tur kawng hrang hrang an sawiho.

Kangmei chhuakin mi tam tak tan harsatna a thlen thin avanga mitin kan fimkhur a tul - Chief Minister

Chief Minister Zoramthanga chuan kangmei chhuakin mi tam tak tan harsatna a thlen thin avanga mitin kan fimkhur a tul thu a sawi.

Hri kai sang kua aiin tam ta

Serchhip District-a COVID-19 hri kai hmuh tawh chu mi sang kua aiin an tam tawh a, hri kai zingah enkawl dam pawh an pung ve zel.

District Hospital thar chungchang thlen tum

MJA Serchhip District chuan Serchhip District Hospital thar sak thuai a nih theih nan Health Minister hnenah thlen nise an ti.

Tui lakna chhia siamtha

PHE Department in Tuikum tui an lakna Pipeline chu Zirtawpni leh Inrinni khan tum thum lai chhiain heng te hi PHE Department ten Inrinni khan siamthain hemi ni tlai atang hian dan pang-ngaiin tui pawh pump chhunzawm theih a ni.

Transformer chhia thlak ta

Tunhnaia Serchhip Bukpui-a 2.5MVA Electric Transformer chhia chu thlak fel a ni ta a, he khawl thlakna tur atana North Vanlaiphai atanga 2.5MVA Transformer an lak chu Inrinni khan bun fel niin Inrinni tlai dar 5:20 atang khan eng pekchhuahna atana hman niin khawl chhia avanga harsatna chu sutkian a ni ta a ni. Hetihlai hian Serchhip leh Chhiahtlang chawmtu 2.5MVA Transformer hian a chawm chin te hi mipui ten kawlphetha an hman nasat chhunga a chawm zawh thin loh avangin Veng thenkhat erawh a inchhawka Eng pek a ngaih chang ala awm thung a, khawl lian zawk an mamawh thu thawktute chuan an sawi bawk.

Thlai chingtu ten man man zawka thlai hralh an duh

Serchhip Mat Phai-a Nul siam-a Thlasik thlai chingtute chuan an thlai tharte man man zawk a hralh an duhthu an sawi.

Chanchin thar lawrkhawm :

ASHA te la nuar zui zel

Mizoram-ah hri kai enkawllai 13,348 la awm mek

Mizoram-ah COVID-19 hri kai hmuhchhuah an la pung zel a, nimin tlai thleng khan hri kai enkawllai pawh 13,348 an la awm mek a ni.

Dan pelin CMO leh DMS te ruat niin sawi

Mizoram Pradesh Youth Congress Committee (MPYCC) chuan Mizoram District thar pathum- Khawzawl, Saitual leh Hnahthial-a Medical Officer (Doctor) ni lai te chu Chief Medical Officer (CMO) leh District Medical Superintendent (DMS) nikawp turin sawrkar chuan dan pel in a ruat niin an sawi.

International Border Trading Road siam mek tlawh

Social Welfare Minister Dr. K. Beichhua chuan cheng vbc. 51 senga siam mek International Border Trading Road, Lobo-Tluangram-Haka kawng chu Inrinni khan a tlawh.

Dan lova Kuhva rah tawlhruk chungchang sawiho

Home Minister Lalchamliana chu Central YMA hruaituten Zirtawpni khan kawmin Dan lova Kuhva tawlh ruk dona kawngah YMA leh Police te thawhho dan tur chungchang an sawiho.

Mipui thuawihna avangin harsatna nasa lutuk tawk lo

Chief Minister Zoramthanga chuan Mizoram chu ramchhung State zawng zawng zingah Covid hripuiin a nuai nat pawl a ni tih sawiin, hripui vangin buaina tam tak tawk mahse Mizoram mipuite chu thu awih tak an nih avangin harsatna nasa lutuk an tawklo tih a sawi.

Sik leh sa-ah Mizoram danglam lutuk lova, Ruahtui tlak hun inthlak hret hret thung

Mizoram sik leh sa-ah inthlak thleng danglam lutuk a thleng lo a, ruahtui tlak danah erawh a kum telin a tlak hun a inthlak chho hret hret thung.

Myanmar atanga Mizoram-a raltlan te tanpui turin Mizoram in theihtawpin hma a la - Chief Minister

Chief Minister Zoramthanga chuan Myanmar buaina avanga Mizoram-a raltlan lo lut te tanpui turin Central sawrkar langtlang taka inrawlh a rem loh avangin Mizoram in theihtawpa a tanpui theihna turin hma a la niin a sawi a. Tunah hian Mizoram-ah raltlan hi mi sing chuang fe an awm nia chhinchhiah a ni.

Champhai leh Hnahlan Grape Growers' Society hruaituten an harsatna sawrkar ah an thlen

Champhai leh Hnahlan Grape Growers' Society hruaitute chuan Mizoram sawrkarah tuna Wine an kawl lai mek tihralna ngaihtuahsak turin an thlen a, an lo chhan danah beiseina neih dan tur erawh hriatthiam har an tih thu an sawi.

Tui harsat loh beisei

Tunhnaiah Serchhip khawpui in kawlphetha chungchangah harsatna tawk mah se PHE Department chuan tui pump-ah harsatna an neih loh an beisei tih an sawi.

P&E Deptt. in hma la mek

Serchhip Bukpui-a Electric Transformer a chhiat avanga harsatna thleng sutkian tumin chak taka hmalak mek a ni.

Hri kai 83 hmuh belh leh

Nimin khan Serchhip District-ah COVID-19 hri kai mi 83 hmuh belh leh an ni.

DRO Office atangin Birth Certificate 371 pechhuak

Kum kalta (2021) chhung khan Serchhip a District Research Officer (DRO) Office atangin Birth Certificate 371 pekchhuah a ni.

Serchhip DIPRO leh MJA (SD) hruaitute inkawm

Serchhip District Information & Public Relations Officer K. Saitluanga MIS chuan nimin khan Mizoram Journalist Association (MJA) Serchhip District hruaitu thar te a Pisa-a leng ah sawmin inkawmna an nei.

Chanchin thar lawrkhawm :

Training kharna hmanpui

Mizoram-ah COVID-19 kai hmuhchhuah pung zel

Niminpiah khan Mizoram-ah Sample enfiah 6328 awmin heng atang hian COVID-19 hri kai 1956 hmuhchhuah an ni a, hri kai hmuh hi tlem hret mah se Sample enfiah atanga za zela 30.91 zetin hri hi an la kai thung a ni.

Cancer vei kan tam lutuk pawi ti

Health Minister Dr. R. Lalthangliana chuan Mizoram State-in ziak leh chhiar thiam tam kawngah leh kawng hrang hrangah chanchin ngaihnawm tak tak a neih thin laiin Cancer vei kan tam lutuk erawh a pawi hle a ni, a ti.

Mizoram Rajya Sabh MP in Hmarchhak bial-a Hindi Zirtirtu mamawhna Parliament-ah a sawi

Mizoram Rajya Sabha MP K. Vanlalvena chuan hmarchhak bial-a Hindi zirtirtu mamawhna leh an dinhmun siam that sak a pawimawh thu nimin-a Parliament thutkhawm ah a sawi.

COVID-19 hri leng avanga inkaihhruaina thar Mizoram-a hman tur tihchhuah a ni

Mizoram sawrkar chuan COVID-19 hri leng mek-a mipui inkaihhruaina tur a siam thar leh ta a, he inkaihhruaina hi thu leh awm hma atana hman nghal tur niin Board Exam turte tan ni lo chuan zirna In te chu khar zui tur ala ni dawn a ni.

Bawng leh Kel vulh zirho

Ni 2 chhung awh Serchhip District chhunga Bawnglian leh Kel vulhtute tana ‘Capacity Building of Farmers through Training Programmes on profitable Dairying Farming & Livestock Management’ Thenzawl Vety Farm-a neih chu nimin khan zawhfel a ni a. KVK North Vanlaiphai leh AH& Vety Department tangkawp in an buatsaih he training hi Dr. PC. Lalsangzuala, General Manager, AH&Vety Farm, Thenzawl chuan a hawng a ni. He training-ah hian Resource Person Dr. Lalmuanpuia Samte leh Dr. Lalramdintluanga te hman niin anni hian Bawnglian leh Kel vulhtute hnenah zirtirna pein an thil zir te a taka tih chhinna neih nghal a ni a, Serchhip District chhung khaw hrang hrang atangin Bawng vulhtu mi 23 leh Kel vulhtu mi 14 an tel a ni.

College zirlai in thisen pe

Govt. Serchhip College-a NSS Unit leh Red Ribbon Club te chuan nimin khan Serchhip Blood Bank-a dah turin thisen Unit 25 an pe a, thisen petute hi Mipa 14 leh Hmeichhia 11 an ni. Govt. Serchhip College-a NSS Unit leh Red Ribbon Club te hian kum 2019 khan Serchhip Blood Bank-ah tum hnih thisen pein 2020-ah tum hnih an pe leh a, nikum khan tum thum pein kumin-ah nimin khan an pe leh tan a ni.z

Enkawllai 803 awm mek

Serchhip District-ah COVID-19 hri kai hmuh-chhuah an la pung zel a, hri kai enkawllai pawh mi za riat aiin an tam leh tawh.

Lirthei chesual-ah boral

Serchhip IOC Veng-a cheng Lalmuanpuia (37) chu nimin khan lirthei chetsualna ah boralin Vawiin hian vuiliam a ni ang.

END ten nikum chhungin Zu leh ruihhlo man tam

Serchhip-a Excise & Narcotics Department chuan nikum chhung khan Zu leh a kaihhnawih thahnem tak bakah damdawi, Heroin No. 4 pawh tam tham tak manin sawrkar-ah Chhiah engemaw zat an chhunglut bawk.

Serchhip-ah kawlphetha harsa rih dawn

Serchhip khawpui kawlphetha-a chawmtu Bukpui-a 2.5 MVA 33/11kV Transformer chu a chhiat avangin ni 3 chhung vel Serchhip khawpui leh a chhehvel Eng inpekchhawk a tul dawn.

Chanchin thar lawrkhawm :

PM chungah Governor lawm

Mizoram-ah Hri kai hmuhchhuah an la pung zel

Mizoram-ah COVID-19 hri kai hmuhchhuah zat ala tlahniam thei meuh lova, niminpiah khan Mizoram-ah Sample 7365 enfiah niin hri kai mi 2145 hmuhchhuah an ni a, Sample enfiah atanga za zela 29.12 te chuan hri an kai a ni.

Mipui ten inkaihhruaina an zawm dan en dan tur rel

Task Group on Monitoring of CAB & COVID-19 Restrictions chu niminpiah khan thukhawmin hri leng laka himna tura inkaihhruaina dan mipui ten an zawm that leh that loh enzui dan tur an sawiho.

Hnahthial-ah raltlan te chhinchhiah tan an ni

Nimin atang khan Hnahthial District-ah Myanmar buaina avanga mahni sahimna zawnga Hnahthial District chhunga rawn lut te chhinchhiahna kalpui tan a ni.

Aizawl-ah raltlan buaipui dan tur ngaihtuah a ni

Myanmar rambuai avanga Mizoram-a raltlan rawn lut, Aizawl District-a awm te a tul anga lo buaipui tura din, District Level Committee on Myanmar Refugees, Aizawl District chu nimin khan Chairman leh Aizawl DC Dr. Lalhriatzuali Ralte hovin an thukhawm.

RUSA 2.0 hnuaia building sak thar pahnih H&TE Minister in Aizawl-ah a hawng

Rashtriya Uchchatar Shiksha Abhiyaan (RUSA) 2.0 hmalaknaa Govt. T. Romana College leh Institute of Advanced Studies in Education (IASE)-a building sak thar te chu nimin khan Higher & Technical Education Minister Dr. R. Lalthangliana chuan a hawng.

NABARD sum hmanga zirna In thawmthat hna thawh MZP in enzui zel an tum thu an sawi

MZP General Hqrs. chuan NABARD sum hmanga zirna In sak tha lo te chu a rang thei anga siamtha tur leh siamthat a nih hnuah chauh Bill pe tura Education Minister an ngen tawh ang leh Minister pawhin siamthat an tum thu a sawi tawh angin heng zirna In thuamthat te hi enzui zel an tum thu an sawi.

Hri kai 99 hmuh belh leh

Nimin khan Serchhip District-ah COVID-19 hri kai mi 99 hmuhchhuah leh an ni a, hri kai enkawllai an pung leh hret.

ILP enfiah runpui nei

Serchhip Police te leh Mizo Cement Mistiri Association, Serchhip District hmalakna in nimin khan Serchhip-a hnamdang awm te Inner Line Permit (ILP) enfiah a ni.

Bialtu MLA in Buangpui tlawh

Tunhnaia Serchhip Bial chhunga COVID-19 hri kai hmuhchhuah tamna Buangpui khua chu nimin khan bialtu MLA, Lalduhoma chuan tlawhin an mamawh tur thil chi hrang hrang a pe.

Mizoram-a ASHA te lungawi loh lantirna Serchhip District-ah pawh ASHA in an zawm

All Mizoram ASHA (Accredited Social Health Activist) ten an hnathawhna lawmman lak ngiata nawrh an huaihawt mek chu Serchhip District-a ASHA te pawhin thlawpin an hna an chawlhsan rih mek.

Chanchin thar lawrkhawm :

H&FW Board thukhawm

Dan lova Myanmar atanga rawn lut tihtawp tum a ni

Mizoram Chief Minister Zoramthanga chuan Kuhva chauh nilo, Dan lova Myanmar atanga rawn lut thildang pawh tihtawp an tum tih a sawi.

Hri kai hmuh tam ber ni thleng chhunzawm zel

Mizoram-ah COVID-19 hri kai hmuhchhuah an la pung zel a, niminpiah khan ni khat-a hri kai hmuhchhuah tam ber ni thleng lehin Sample enfiah 9223 atangin hri kai mi 2573 zet hmuh an ni a, Sample enfiah atanga za zela 27.90 te chuan hri an kai a ni.

A hun tak zelah sawrkar hnathawk hlawh pek duh

Chief Minister Zoramthanga chuan Mizoram Sawrkar hnathawk hlawh chu a theih chinah a hun taka pek zel an duh thu a sawi.

Health Care Scheme-ah inrawnkhawmna neih a ni

Mizoram State Health Care Scheme (MSHCS) chungchanga inrawnkhawmna chu nimin khan Health Minister Dr. R. Lalthangliana hovin Aizawl-a SAD Conference Hall-ah neih a ni.

Home Minister-in Cyber Jagrookta Diwas a hawng

Cyber Crime laka mipuite kan him theihna tura inzirtirna, Cyber Jagrookta Diwas hawnna inkhawm chu nimin khan Home Minister Lalchamliana hovin Aizawl-a Taxation Auditorium-ah neih a ni.

NE State dang tana pawha thikawm hial tura Mizoram duhsakna Chief Minister in lawmawm a tih thu a sawi

Union Finance Minister Nirmala Sitharaman-i’n Union Budget 2022-2023 a pharh takah India hmarchhak State dangte tan pawha thikawm hial tur khawpa Mizoram duhsakna a lantir chu ropui aih thu leh lawmawm a tih thu Mizoram Chief Minister Zoramthanga chuan a sawi.

END ten Rakzu man tam

Image
Serchhip-a Excise and Narcotics Department chuan niminpiah khan Thenzawl-ah Rakzu tam tham tak man lehin a neitu nia hriat pawh thubuai siam sak nghal a ni.

Hri kai 91 hmuh belh leh

Nimin khan Serchhip District-ah COVID-19 hri kai mi 91 hmuhchhuah belh leh an ni.

Nikum-ah Serchhip-ah ruahtui 957.2 mm tla in khaw lum ni berah 35°C a tling phak

Image
Nikum (2021) chhung khan Serchhip-ah ruahtui millimetre (mm) 957.2 a tla anga chhinchhiah a ni a, ni khat-a ruahtui tla tam ber ni October 21, 2021-ah ruahtui millimetre 42.9 tla anga chhinchhiah a ni a. Khaw lum ni bera chhinchhiah ah khawlum lam chu 35°C a ni bawk. Economic & Statistic Department hnuaia District Research Officer (DRO) Office Serchhip chuan Serchhip-ah ruahtui tlak dan leh khaw lum lam bakah thli nat zawng tehna an neih thu sawiin, hemi hmang hian nitin Serchhip dinhmun hi an enfiah reng thu an sawi a. Heta an hmuh danin nikum chhung khan Serchhip-ah ruahtui mm 957.2 tla anga chhinchhiah a ni tih an sawi. Chhinchhiahna atanga a lan danin nikum (2021) ah khan January leh February thla ah ruahtui tla chhinchhiah a awm lova, ruahtui tla chhinchhiah hmasak ber chu March 30-ah niin hemi ni hian 1.2mm a tla a, a tuk-ah 04. mm tla lehin March thla ah hian 1.6 mm a tla a, April thla ah ruahtui tlak ni khat chhinchhiah awmin 0.3mm a tla a, May thla ah ni 3 ruahtui tla c