Mizoram-ah hri kai 22 hmuhchhuah leh an ni

/

Niminpiah-a Mizoram-a Sample enfiah atangin COVID-19 hri kai mi 22 hmuhchhuah an ni a, tualchhung-a hri inkaichhawng an awm leh nual.

Niminpiah khan ZMC Laboratory-ah Sample 362 enfiah niin hri kai mi 12 hmuhchhuah niin District hrang hranga TrueNat Laboratory-a Sample enfiah 165 atangin hri kai mi 5 hmuh an ni a, Rapid Antigen Test hmanga Sample 554 enfiah-ah hri kai mi 5 bawk hmuh an ni bawk. ZMC Laboratory-a hri kai hmuhchhuah mi 12 zinga mi 5 te hi State pawn atanga rawn haw a ni a, midang 7 te hi tualchhung-a hri kai atanga inkaichhawng an ni thung.

Mizoram District hrang hrang TrueNat Laboratory atanga hri kai hmuhchhuah mi 5 te hi State pawn atanga rawn haw vek an ni a, Saitual leh Lunglei District-ah hri kai pahnih ve ve hmuh niin Serchhip District-ah hri kai mi pakhat hmuh a ni bawk. Rapid Antigen Test hmanga hri kai hmuhchhuah mi 5 zinga 4 te chu tualchhung-a hri inkaichhawng an ni a, Lawngtlai District-ah mi pathum leh Aizawl District-ah mi pakhat te an ni a, Saitual District-a hri kai pakhat hmuhchhuah chu State pawn atanga rawn lut a ni thung.

Mizoram-a hri kai enkawl mi 12 te chu nimin khan anmahni enkawlna hmun atanga chhuahtir leh niin heti hian nimin tlai dar 5:00 thleng khan Mizoram a COVID-19 hri kai hmuhchhuah chu 3869 an tling ta a, an zinga 3584 te chu enkawl dam ni tawhin tunah hian hri kai enkawllai 279 an la awm mek a, hri kai zingah nunna chan mi 6 an awm tawh nia chhinchhiah la niin hri kai zinga zaa 92.63 te chu enkawl dam an ni tawh a ni.

India-ah hri kai 94.03 enkawl dam an ni tawh :

India rama COVID-19 hri kai hmuhchhuah atanga enkawl dam chu za zela 94 aiin an tam ta a, darkar 24 kalta chhung khan hri kai 43,062 te enkawl dam leh an ni. Ministry of Health & Family Welfare chhinchhiahna atanga a lan danin darkar 24 kalta chhung khan India ramah Sample 10,96,651 enfiah niin heng atang hian hri kai 36,604 hmuh belh leh an ni a, heng te nen hian India ramah sample 14,24,45,949 enfiah ni tawhin hri kai hmuh tawh zawng zawng chu 94,99,413 an ni. Darkar 24 kalta chhung khan hri kai 43,062 te chu enkawl dam leh niin heng te nen hian India ram-a hri kai enkawl dam chu 89,32,647 an tling tawh a, hei hi hri kai hmuhchhuah atanga chhutin zaa 94.03 niin tunah hian hri kai enkawllai 4,28,644 an la awm bawk a ni.

Darkar 24 kalta chhung khan India rama hri kai zingah nunna chan 501 awm lehin heng mite nen hian hri kai zinga nunna chan zawng zawng chu 1,38,122 an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »