Hri kai hmuh belh zel; Enkawl dam an pung zel

/

Inrinni-a Sample enfiah atangin Serchhip District-ah COVID-19 hri kai mi pakhat hmuh belh niin nimin khan Thenzawl-ah hri kai mi pahnih hmuh belh an ni bawk.

Inrinni khan Serchhip District-a TrueNat Laboratory-ah Sample 40 enfiah niin Rapid Antigen Test hmangin Sample 11 enfiah a ni bawk a, hri kai hmuhchhuah hi TrueNat Laboratory-a Sample enfiah atanga hri kai hmuh niin amah hi hmeichhia kum 28 mi niin Uttar Pra-desh atanga rawn lut, Sainik School, Chhing-chhip-a zirtirtu a ni.

Hetihlai hian nimin khan Thenzawl-ah hri kai mi pahnih hmuh belh an ni a, heng mite hi PTS-a awm te niin State pawn atanga rawn lut an ni a, inkhunghranna hun an hman zawh hnuah Nov. 28 khan TrueNat Laboratory-ah an sample enfiah niin hri lakah an fihlim a, ni 5 chhung mahni In lama inkhunghrang tura chhuah niin hemi hnu hian taksa-a natna hri kai lanchhuahna an neih avanga Sample enfiah a nih hnuah hri an kai tih hmuhchhuah a ni leh ta a ni. Heng hri kai te hnu chhuina ah hian chhungkaw 10 vel chu nizan atang khan In lama lo inkhunghrang tura tih leh an nih thu Thenzawl-a Vantawng Chanchinbu Editor, Liantluanga Renthlei chuan nizan khan kan Palai a hrilh a, heng hri kai te hi TrueNat Laboratory-ah tum thum leh Rapid Antigen Test hmangin tum khat enfiah hman an ni tih a sawi bawk.

Inrini khan Serchhip District-ah hri kai mi pathum te chu hri laka an fi-hlim hnuah Nursing School CCC atanga chhuahtir an ni a, heng hri kai enkawl dam te hi BSF, Prem Kram Company leh Bhavya Construction Pvt. Ltd. hnuaia thawk mi pakhat theuh an ni.

Nimin khan Serchhip District-a hri kai enkawl mi 7 te chu hri laka an fihlim hnuah an-mahni enkawlna hmun atanga chhuahtir leh an ni a, heng hri kai enkawl dam te hi PTS-a awm, Bihar inthlanna a Duty-a kal te niin Nov. 18 leh 25-a hri kai hmuhchhuah te an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »