District Level Fisheries Conservation Board thukhawm

Serchhip District Level Fisheries Conservation Board chu nimin khan a vawikhatna atan thukhawmin Board hmalakna tur leh Luidung-a nungcha humhalh kawnga Dan awm hrang hrangte zirhona an nei.

He thutkhawm Serchhip DC Meeting Hall-a neih hi Board Chairman leh Serchhip District Bawrhsap, Kumar Abhishek chuan kaihruaiin Mizoram sawrkar in District Level Fisheries Conservation Board lo in din dan leh hmalakna tura ruahmanna awm te a sawi a. Hemi hnu hian Chairman sawmna angin Board Member Secretary leh District Fisheries Development Officer (DFDO), Lucy Lalrinpuii chuan District Level Fisheries Conservation Board din dan leh a tobul te sawiin, Fisheries (Amendment) Act, 2016 leh Fisheries Rules, 2019 in Luidung nungcha a humhalhte leh a kaihhnawih te bakah Dan phalloh lo titute hremna a siam van-tlang hriattur pawimawh zualte a tarlang a ni.

Heng a tarlan zingah hian luidung-a nung-cha awm reng reng Dynamo hmanga man khap a nih thu sawiin, a tilui chu thla khat atanga thla thum thleng lung In tan leh Rs. 5000/- thleng chawitir bakah a pahnih a hrem theih an nih thu a sawi a. Tur, Chinai leh luidung nungcha tihrem puk thei hmanga man te pawh thla 6-12 thleng lung In tan tur leh Rs. 10,000 - 20,000 thleng chawitir bakah a pahnih a hrem theih an ni tih sawiin, YMA emaw, khawtlang emaw in lui an humhalh lai-a luidung nungcha lo man te pawh hrem theih an nih bakah Sangha leh luidung nungcha, ei tham ni lo man te pawh hrem theih an nih thu a sawi bawk.

He hunah hian Board hmalakna tur hrang hrangte sawihoin an hmalakna chak zawka kalpui a nih theih nan Village Level Fisheries Conservation Board din nise an ti a, District chhunga sawrkar in luidung a humhalh te chhinchhiahna mumal tak siam nise an tih bakah luidung-a nungcha humhalhna Dan hrang hrangte inzirtirna neih nise an ti bawk.