Mizoram-ah COVID-19 hri kai 48 hmuh belh leh

/

Niminpiah-a Mizoram-a Sample enfiah atangin COVID-19 hri kai mi 48 zet hmuhchhuah leh an ni a, an zinga a tam zawk hi Aizawl khawpui chhunga hri kai hmuhchhuah te an ni.

Niminpiah khan ZMC Laboratory-ah Sample 507 enfiah niin heng atang hian COVID-19 hri kai mi 27 hmuhchhuah an ni a, Rapid Antigen Test hmangin Sample 993 enfiah niin hri kai 21 hmuhchhuah an ni bawk a, District hrang hranga TrueNat Laboratory-ah Sample 79 enfiah niin hri kai hmuhchhuah erawh an awmlo thung.

Niminpiah-a ZMC Laboratory-a hri kai hmuhchhuah mi 27 te hi Aizawl District-a Sample lak vek niin Bawngkawn leh Armed Veng-ah hri kai 4 ve ve hmuh niin Sihphir, Chhinga Veng leh Electric Veng atangin hri kai pahnih theuh hmuh an ni bawk a, midang zawng hi Veng hrang hrang atangin pakhat te te hri kai hmuhchhuah niin hri kai hmuhchhuah zinga 6 te chu State pawn atanga rawn haw niin a bak zawng hi tual-chhunga hri inkaichhawng nia hriat an ni.

Niminpiah a Rapid Antigen Test hmanga hri kai hmuhchhuah mi 21 zinga mi 13 te chu Lawngtlai District-a hri kai hmuhchhuah te an ni a, Champhai-ah hri kai mi pahnih hmuhchhuah niin Lunglei District-ah mi 4 leh Aizawl District-ah hri kai mi 2 hmuh an ni bawk.

Heti hian nimin thleng khan Mizoram-ah COVID-19 hri kai 3444 hmuhchhuah an ni tawh a, an zinga mi 2919 te chu enkawl dam ni tawhin tunah hian hri kai enkawllai 520 an la awm mek a, hri kai zingah nunna chan mi 5 an awm tawh bawk a ni.

Darkar 24 chhunga hri kai hmuhchhuah tlahniam :

Darkar 24 kalta chhung khan India ramah COVID-19 hri kai mi 29,163 hmuhchhuah leh niin thla li kalta chhunga darkar 24 chhunga hri kai hmuhchhuah in sing thum a tlin loh leh tum khatna a ni. Ministry of Health & Family Welfare chhinchhiahna atanga a lan danin darkar 24 kalta chhung khan India ramah Sample 8,44,382 enfiah niin hri kai 29,163 hmuh an ni a, sample enfiah atanga za zela 3.45 in hri an kai a, tun thlengin India ramah Sample 12,65,42,907 enfiah ni tawhin hri kai 88,74,290 hmuhchhuah an ni tawh a ni.

Darkar 24 kalta chhung khan India ramah hri kai 40,791 enkawl dam niin tun thlengin hri kai 82,90,370 enkawl dam an ni tawh a, hei hi hri kai hmuhchhuah atangin zaa 93.42 niin tunah hian hri kai enkawllai 4,53,401 an la awm a, hei hi hri kai hmuhchhuah atangin zaa 5.11 a ni bawk. Darkar 24 kalta chhung khan India ramah hri kai nunna chan mi 449 awm lehin tun thlengin hri kai zingah nunna chan 1,30,519 an awm tawh a, hei hi hri kai hmuhchhuah atangin zaa 1.47 a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »