Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

Chief Secretary in Mizoram Science Centre a tlawh

Chief Secretary leh Mizoram Science Centre-a Chairman, Lalnunmawia Chuaungo chuan niminpiah khan Berawtlang-a Mizoram Science Centre chu a tlawh.

Mizoram Science Centre hi Directorate of Science & Technology hnuaia Autonomous Institution a ni a, Chief Secretary hian Science Gallery-a Exhibits hrang hrangte, 3D Theatre leh Digital Planetarium te, Innovation Hub-te tlawhin an hmalak dan a enpui a, Mizoram Science Centre in kawng hrang hranga hma a sawn zel theih nan sawrkarin theihtawpa chhuah zel thu sawiin, a thawktu ten naupangte rilru ngaihtuahnaa thil awmte haichhuahna kawnga an lo pui \hin chu lawmawm a tih thu a sawi a, phur tak leh thahnemngai taka thawk zel turin a fuih bawk.

Mizoram Science Centre-ah hian zirlaite leh mipui mimir tan intihhlimna ni pahfawma Science lam hawi zirtirna pe thei thil chi hrang hranga awm a. Heng Gallery leh Exhibits hmang hian tlawhtu mipui leh naupangte hnena Science pawimawhna leh chawilarna kawngah hna a thawk thin a. Tun dinhmunah COVID-19 hrileng avangin tlawh theih a ni rihlo nachungin Science Centre-a thawktu ten kawng hrang hrangin a tih phuisui hna an thawk reng a ni.

Comments

Chhiar Hlawhte