BDO ram laih rawn enfiah

Mizoram sawrkar-a Information & Public Relation leh RD changtu Minister, Lalruatkima chuan Inrinni zing khan Serchhip-a Block Development Office (BDO) hmunhma leh BDO Staff Quarters sakna tur hmunhma te a enfiah.

I&PR Minister, Lalruatkima hian Leisekawt Mual laihzauh vanga BDO Quarters leh a chhehvela Rataining Wall siam ngaite enin, Retaining Wall hi tun Thal chhung ngeia siam tha a tih thu a sawi a, Field zauh nana laihzawl thar pawh chu tha taka hunga awmze neia hman tangkai tha a tih thu a sawi bawk. Minister hian BDO Staff Quarters thar panga sakna tur hmunte pawh a tlawh nghal a, heng Quarters sakna tur sumte hi neih fel vek tawh a ni a, hna pawh tan thuai a nih tur thu a sawi a ni.

Leisekawt Mual a tlawhna ah hian Ser-chhip DRDA Project Director, Malsawmtluanga chuan Leisekawt Mual sir-a ram awl chu Futsal Ground leh Volleyball Court dah belh theihna nia an hriat thu sawiin, a tihpuitlin dan an dap mek thu sawi bawk.

BDO hmunhma a tlawh zawh hian DRDA Project Director Quarters-ah thawktute nena inkawmnahona an nei zui a. He hunah hian DRDA Project Director leh BDO Office kaltlanga hma-lakna hrang hrangte an sawiho a, tun sawrkar kum kal mekah Serchhip District-ah MGNREGA hnuaiah ni 82 inhlawhna neih tawh a ni a, ni 7 dang chhuak mai tur a awm bawk a, a la rawn kal belh zel beisei a nih thu tarlan a ni bawk. Minister Lalruatkima chuan, Central Rural Development Ministry chu Mizoram tana an inhawn thu leh dawr an nawm thu a sawi a, kumin chhunga sum min rawn pek tawh chin pawh hi a tam tham hle a ni, a ti.

Serchhip-a rawn kal RD changtu Minister hi Serchhip DRDA Project Director Malsawmtluanga bakah Serchhip BDO, Vanlalhmachhuana leh DIPRO, K. Saitluanga leh thawktu dang ten an lo dawngsawng a ni.