MNF Block hruaitu tur ruat

/

MNF General Hqrs. chuan an Party Block hruaitu tur ruat tharin Serchhip East Block MNF President atan C. Vanlalsiamthara chu ruat a ni.

Hemi chungchanga niminpiah a MNF General Hqrs. President, Zoramthanga’n lehkha a tihchhuah-a a tarlan danin MNF Block hruaitu term chu a tawp hnuah COVID-19 avanga in-thlan a rem loh avangin Block hruaitu ruat thar a tul thu a tarlang a, heng mite hi an party Dan-bul (Constitution) Bung 21.B (1) in thuneihna a pek anga ruat an ni a, an term hian kum 2 chhung a awh dawn a ni.

Serchhip District chhungah hian MNF hian Block 5 neiin Serchhip East Block-ah C. Vanlalsiamthara (P&E Veng) chu President niin H. Lalthianghlima (Chanmari Veng) chu Vice President a ni a, Treasurer-ah K. Tlangthanmawia (Bazar Veng) niin National Council Member (NCM)-ah LP. Lalsanglura (Bazar Veng) chu ruat a ni bawk a, karleh Thawhtanni-ah mawhphurhna an inhlan ang.

Serchhip West Block (Thenzawl lam)-ah Vanlalzawna chu President-ah ruat a ni a, Tuikum Block President-ah T. Sangzuala (Chhiah-tlang) ruatin Hrangturzo East Block President-ah Laldinpuia Sailo (North Vanlaiphai) ruat a ni a, Hrangturzo West Block President ah H. Rochungnunga (Keitum) ruat a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »