Posts

Showing posts from April, 2020

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

COVID-19 dona Committee-ah MLA te an tello - Lalduhoma

ZPM Legislature Party Leader, Lalduhoma chuan, COVID-19 dona kawnga hmalakna ah Opposition MLA-te District Level leh State Level Committee-ah telh an ni ve lo tih sawiin, Sawrkar khalh ngiltu tur leh an kalsual tur vengtu tur ber an nih laiin Sawrkar hmalak dan hriat ve phak loh an ngah tih a sawi.
Duty te mamawh thawn

Khunghran awm belh zel

Serchhip District chhungah nimin khan COVID-19 avanga In lama inkhunghrang (Home quarantine) tura tih mi 4 awm belh lehin heti hian Home quarantine mi 10 an awm mek a. Sawrkar in inkhunghranna tura a ruahman, Facility Centre-ah mi 3 dahluh thar awm bawkin Facility Centre-ah hian mi 5 an awm mek bawk a. Isolation Ward-ah dah belh leh awm mek erawh an awmlo thung a ni.

Hruai haw tur mi 16 awm

Mizoram sawrkar in Lockdown kalpui mek avanga India hmarchhak State 4-a Mizoram mi leh sa tangkhang te Vawiin atanga a hruai haw turah Serchhip District chhunga hruaihaw tur mi 16 an awm a, heng mite hi khaw hrang hrang a Task Force ten an lakkhawm ang niin heng mi te hi hruai haw an nih hnuah an hriselna dinhmun enfiah nghal a ni dawn a, natna nei lo an nih chuan sawrkar in inkhunghranna tura a ruahman ah te ni 14 chhung dah an ni anga, damlohna nei leh COVID-19 kai rinhlelh an awm a nih chuan sawr-kar in anmahni dahhranna tura a ruahman ah te dah an ni bawk ang.

DAY-NULM kaltlangin khawpui-a miharsa te chhawmdawl an ni

Image
UD&PA Department chuan COVID-19 avanga rampuma Lockdown kalpui mekah Serchhip District chhunga khawpui (Cencus Town)-a mi harsa te hnenah tanpuina an semchhuak mek a. He tanpuina hi DAY-NULM hnuaia Urban Poor Fund atanga sem niin Serchhip District chhunga Cencus Town pathum - Serchhip, Thenzawl leh North Vanlaiphai-ah te semchhuah tura ruahman a ni a, Serchhip leh Thenzawl-ah sem ni tawhin Vawiin hian North Vanlaiphai-ah sem leh a ni ang. Chhawmdawlna sum hi chhungkaw pakhat tan Rs. 1000/- zela sem niin Serchhip-ah chhungkaw 100, Thenzawl-ah chhungkaw 38 leh North Vanlaiphai-a chhungkaw 30 te hnenah sem a ni a, heng sum te hi Village Level Task Force (VLTF) te kaltlanga sem a ni.

India-ah COVID-19 vangin 1008 in nunna an chan

India ramah COVID-19 kai hmuhchhuah mi 31,787 awm tawhin mi 1008 in nunna an chan tawh.

High Court in Dinthar Veng thil thleng a ngaihtuah

Tun thla ni 25 zan-a Aizawl Dinthar Veng-a Task Force Duty ten mi thenkhat kut an thlak nia sawi chungchang chu nimin khan Gauhati High Court, Aizawl Bench chuan ngaihtuahin, he thil thleng ah hian Danpui bawhchhiatna a awm niin a sawi.

AAY leh PHH te tan Ration Dal sem tum a ni

PM-GKAY (Pradhan Mantri Garib Kalyan Anna Yojana) atangin miharsa NFSA hnuaia AAY chhungkua (Ration Card Eng) leh PHH beneficiaries (Ration Card Hring) te hnenah Ration Dal sem tum a ni a, Ration Card pakhat ah Kg. 1 zelin thla thum (April, May leh June) chhung sem tum a ni. Heng Dal sem tur atan hian Kolkata atangin Dal hi 21 MT rawn phurh chhoh niin nimin khan Truck 6 a rawn thleng tawh a, May thla tirah quota hmasa ber hi sem chhuah hman tum niin sawrkar laipui chuan thlakhat atan Dal 155.405 MT a ruahman a ni.

Court thutlukna ngai pawimawh lo-ah sawrkar puh

Mizoram Pradesh Congress Committee (MPCC) chuan Mizoram sawrkar in Gauhati High Court thutlukna a ngai pawimawh lo tih an sawi.

MZP in CM hnenah an thlen

Mizo Zirlai Pawl General Hqrs. hruaitute chuan nimin khan Chief Minister, Zoramthanga chu a Pisa-ah kawmin rawtna hrang hrang an thlen.

RD Minister in Kolasib District chhung a tlawh

Rural Development Minister, Lalruatkima chuan nimin khan Kolasib District-a Thingthelh, Bukpui, North Hlimen, Saipum, Saiphai, Phainuam leh Saihapui ‘V’-a Village Level Task Force te chu an Duty-na hmunah a tlawh.

Chief Minister in Lengpui Airport cheithat hna thawh mek a hmunah a enfiah

Image
Chief Minister, Zoramthanga chuan nimin khan Lengpui Airport tihchangtlun hna thawh mek chu a hmunah a enfiah.

Chief Minister’s Relief Fund atangin Cheng nuai 78.90 hmanchhuah dan tur rel a ni

COVID-19 dona atana Chief Minister’s Relief Fund a sum lut te hman dan tur ngaihtuah tura din, Committee on Utilization of Chief Minister’s Relief Fund for COVID-19 chu nimin khan thukhawmin rampawn-a Mizoram mi tangkhang leh ramchhung-a Duty te puihna atan Rs.78,90,000/- hmanchhuah nise an ti.

A thlawnin buhfai sem mek

Rampum-a inkharkhipna kalpui mekah sawr-kar Laipui in Pradhan Mantri Garib Kalyan Yojana(PM-GKAY) hnuaia mi harsa zawkte tana ruahmanna a siam angin tunlai hian Serchhip District chhungah Ration buhfai a thlawna sem mek a ni a, tun tumah hian National Food Security Act (NFSA) hnuaia AAY chhungkua (Ration Card eng) leh PHH beneficiaries (Ration Card pawl) te hnena buhfai hi a thlawna sem a ni a. Ration buhfai hi April, May leh June thla quota te a thlawna sem tura ruahman niin tun tumah hian April leh May thla quota sem a ni a, Ration Card-a mi pakhat tan Kg. 5 zela sem niin tun tumah hian thla hnih (2) quota sem a nih avangin mi pakhat tan Kg. 10 zela sem a ni. June thla quota chu May thla chhunga sem leh hman tura ruahman a ni bawk.

Serchhip District Bawrhsap in Myanmar nena inrina laia ramri venhimna thawh dan a enfiah

Image
Serchhip District leh Myanmar inrina area-a awm, Lungkawlh leh Sailulak khua te chu nimin khan Serchhip District Bawrhsap leh Serchhip District Task Force Committee on COVID-19 Chairman, Dr. Lalzirmawia Chhangte chuan tlawhin Village Level Task Force (VLTF) te hmalak dan a enpui.

Chanchin thar thenkhat :

Fund pekchhuah dan tur rel

East Lungdar ICDS Project in nasa takin hma la

Serchhip District chhunga awm, E.Lungdar ICDS Project hnuaia Anganwadi Workers te chuan tunlaia COVID-19 in rampum a tihbuai mek laiin a dolet nan theihtawp chhuahin hma an la.

Hmarchhak State 5 in Coronavirus Case an neilo

India hmarchhak State pariat (8) zinga State panga (5)-in Corona-virus kai an nei lova, State dang pathum pawhin ni engemawzat kalta atang khan COVID-19 Case thar an neilo.

Vidoe Conference-ah Chief Minister a tel

COVID-19 hrileng kara mipui him tlanna tura transport kalpui danah leh Highway lama State hrang hrang dinhmun sawipuiin Union Minister of Road Transport & Highways changtu, Nitin Gadkari chuan Video Conference a buatsaih.

COVID-19 dona chungchang ICT Minister ten sawiho

Union Minister of Electronics and Information Technology, Ravi Shankar Prasad chuan nimin khan State Information & Communications Technology Minister-te Video Conference neihpuiin COVID-19 dona kawnga State hrang hrang hmalakna a sawipui.

Kolasib DC in ramri hrul-a VLTF Duty te a tlawh

Kolasib District Bawrhsap, Dr. H. Lalthlangliana chuan nimin khan COVID-19 hri laka inven nana ramri dep-a duty-te leh Kolasib District chhung khaw thenkhata Village Level Task Force (VLTF) duty te a tlawh kual a, Vairengte leh Bairabi Screening Point-a mihring phuh thianghlimna Chamber leh Vehicle Sanitization Point te hman theih turin a hawng nghal bawk.

HRD Minister hnenah Mizoram zirna mamawh thlen

School Education Minister, Lalchhandama Ralte chuan nimin khan Human Resource Development Minister, Ramesh Pokriyal Nishank-a hnenah Mizoram School Education Department hnuaia mamawh leh harsatna te a thlen.

India hmarchhak State 4-a Mizoram mi te naktuk atangin hruai haw an ni dawn

Mizoram mi leh sa, India hmarchhak State- Tripura, Meghalaya, Assam leh Manipur-a tangkhangte chu tun thla ni 30 atanga May 2 chhung khian hruai haw an ni dawn a, heng State atang hian mi 693 hruai haw tura ruahman niin heng mite hi an khaw hnaih bera Quarantine Facility-ah dah nghal an ni ang.

Zirlaite buhfai sem mek

National Programme of Mid-Day Meal hnuaiah tunlai hian Samagra Shiksha, Serchhip District chuan Primary leh Middle School zirlaite hnenah Buhfai leh Cooking Cost/Conversation cost (pawisa fai) an sem mek a. Zirlaite hnena Mid-Day Meal (buhfai) sem hi kum kalta Academic Session-a quarter hnuhnung ber anga sem niin Primary School zirlai naupang pakhat in nikhat-ah buhfai gram 100 zel leh Middle School zirlai naupang pakhat gram 150 ang zela sem a ni a, hei bakah hian Cooking Cost-ah Primary School zirlai naupang pakhat tan Rs. 5.23 zel leh Middle School zirlai naupang pakhat tan Rs 7.04 zel ang sem tel ani bawk. Heng Buhfai leh pawisa sem hi zirlai te School kal ni zawng zawng atanga 92% kal anga chhut tur a ni a, pawl 5 zirlai chu Primary School zirlai anga chhiar tur a ni bawk.

MCS thenkhat siksawi

Mizoram Civil Service (MCS) Junior Grade thenkhat te chu Senior Grade-ah kaisangin an awmna siksawi a ni a, heng zingah hian Thingsulthliah BDO nilai, Lalzikpuii chu Serchhip-ah Settlement Officer hna chelh tura dah niin District Sports & Youth Officer (DSYO) hna a chelh nghal bawk ang. Hetihlai hian Serchhip-a DYSO hna chelh mektu Samuel Zodinsanga chu Aizawl-ah ASO hna chelh tura sawn a ni bawk.

State pawn atanga hruai haw turte dahhranna tur chungchang sawihona neih a ni

Image
COVID-19 leng mek avanga State pawn leh hmundang atanga Serchhip District-a rawn lut te khunghranna tura sawrkar in a ruahman, Quarantine Facility atana ruat hmun hrang hrangte dinhmun leh heng Facility te enkawltu tura ruat te chu nimin khan District Bawrhsap, Dr. Lalzirmawia Chhangte hova thlirho a ni.

Keitum Kawn Veng ten Ramri Vengtu te Tanpuina Hlan

Image
Mizoram-ah COVID-19 a rawn luh lohna tura State dang leh ramdang nena inrina laia rammu te tanpuina atana Keitum Kawn Veng mipui ten Bawm an hun atanga sum tlingkhawm Rs. 31000/- chu nimin, April 27, 2020 chhun dar 12:00 khan Serchhip Sub-Hqrs. YMA kutah an  hlan a, tanpuina sum hi  Sub-Hqrs. YMA President, R. Sanghmingthanga chuan a dawng a, Keitum Kawn Veng te sum hlan hi Serchhip Sub-Hqrs. YMA chuan ramri-a duty tanpui mamawh te hnenah an hlan leh dawn a ni. Hetianga tanpuina sum tam tham tak hlantu Keitum Kawn Veng mipuite chungah Serchhip Sub-Hqrs. YMA chuan lawmthu an sawi bawk.

Chanchin thar thenkhat :

Relief Fund lut vbc. 6.64

Prime Minister in Chief Minister te a kawm

Inkharkhip in rah tha a chhuah - Prime Minister Prime Minister, Narendra Modi chuan inkharkhip (Lockdown) hian rah tha a chhuah thu sawiin, “Thla 1 leh a chanve kalta chhung khan kan ram hian nunna sang tam tak a chhanhim theih phah a ni,” a ti.

MZP in Zirlaite tan thu inziahsiak buatsaih dawn

COVID-19 avanga inkharkhipna kalpui laiin MZP General Hqrr. chuan zirlaite tan thu (article) inziahsiak a buatsaih dawn a, zirlai a tam thei ang ber tel turin an ngen.

Sawrkar hmalakna tawiawm turin ZPM inpeih

ZPM President, Lalliansawta chuan COVID-19 dona kawnga sawrkar hmalakna a theih chin chinah tawiawm turin ZPM chu a inpeih reng tih a sawi.

Thlai leh thei lakluh tam tawh

COVID-19 avanga Lockdown chhunga kut-hnathawktuten an thlai thar leh thei an hralh theihna tur leh mipuiin ei tur an neih theih nana hma la tura din, Vegetables and Fruits Supply Chain hmalakna avangin March 28,2020 atanga nimin, April 27, 2020 tlai dar 5:00 thlengin Aizawl  khaw chhungah Mizoram thlai thar trip 152 leh ram pawn atangin trip 7 lakluh a ni tawh a. COVID-19 Vegetables and Fruits Supply Chain hnuaiah Home hrang hrang 9 (Pakua) hnenah a thlawnin thlai (Bawkbawn leh Zikhlum) vawi 14 pek a ni tawh a,  Aizawl Veng hrang hrang, Local Level Task Force (LLTF) 78 in vawi 127 an veng mipuite tan thei leh thlai chawhmeh an lak sak tawh bawk a. Institution hrang hrangte, Hospital leh Venghimtu sipai leh Sahuan telin a vaiin Institution (Pawl ho) 16 in chawhmeh thlai vawi 21 an la tawh bawk a ni.

COVID-19 dona chungchangah Prime Minister in ramchhunga Chief Minister te a kawm

Prime Minister, Narendra Modi hovin nimin khan India ram State hrang hrang Chief Minister te chuan Video Conference kaltlangin rampum leh State/UT-a Novel Coronavirus hripui leng do hna leh, he hrileng avanga harsatnate ti ziaawm tura hmalakna hrang hrang an sawiho a, Mizoram atangin Chief Minister, Zoramthanga pawh a tel a ni.

PMUY hnuaiah Gas pe zel

Sawrkar laipui in Pradhan Mantri Ujjwala Yojana (PMUY) hnuaia LPG Connection nei te tana COVID-19 leng mek denchhena a thlawna eirawngbawlna Gas a pek turah Inrinni thleng khan Mizoram-ah mi 20392 te chu pek an ni tawh. MIzoram pumah hian tun dinhmunah PMUY hnuaiah hian Gas Consumer 28121 an awm mek a ni. Serchhip District chhungah pawh Gas Agent pathum (3) ten Pradhan Mantri Ujjwala Yojana (PMUY) hnuaiah Connection hi an pe bawk a, MIZOFED Serchhip-ah 609, North Vanlaiphai Indane Gramin Vitrak-ah 404, SK Indane Gramin Vitrak-ah 318 leh Grace Indane Gramin Vitrak-ah 76 an awm a ni.

Hmai tuam turin ngen

Serchhip Bazar vel huamtu, Serchhip-IV Village Level Task Force te chuan Serchhip khaw-chhung leh khaw chhehvel atanga Serchhip Bazar a mamawh chakkhai lam tura kal turte chu Hmai tuamna (Mask) hmang ngei turin an hriattir a, hei bakah hian Serchhip Bazar-a Dawr leh Bank bakah damdawi In a kal turte leh lirthei leh ke a kalchhuak turte reng reng chu Mask hi hmang ngei turin an ngen bawk.  Hemi hmalam hian Chief Secretary hova Lockdown kalpui mek chungchanga hmalak dan tur an duan ah ‘Mipui vantlang tana inkhuahkhirhna hriat tur’ tarlan zingah ‘Pawn chhuak tur leh damdawi In a kal tur reng reng chuan (face mask leh hmanraw dang hmangin) hmai an tuam ngei tur a ni’ tih chu tarlan a ni.

Chanchin thar thenkhat :

Vawk lakluh khap a ni

India ramah COVID-19 test leh vei an tam zel

Indian Council of Medical Research (ICMR) tarlan danin India ramah COVID-19 vei ni a inringhlel, thisen test mi 579,950 an awm tawh a. Heng thisen test hi ramchhung hmun hrang hranga sawrkar leh Private Laboratory-ah te neih thin a ni a.Thisen test na hmun hi neih belh zel tum niin tun dinhmunah sawrkar Laboratory 272 leh Private Laboratory 87 chu COVID-19 test thei tura phalna pek an ni tawh a ni.

Lockdown inkaihhruaina tih danglam leh hlek a ni

Sawrkarin inkharkhip chhunga inkaihhruaina a siam tharah Lo lama feh leh ramhnuai a chaw-hmeh zawn bakah chawhmeh tur sawngbawlte khuahkhirhna a hlip.

Mizoram-ah PM-KISAN chhawr tangkai mek zel

Mizoram chhunga Loneitu za zela 71chuangin COVID-19 hri darh zel tur ven nana rampum a inkharkhip kalpui a nih chhungin Pradhan Mantri Kisan Samman Nidhi (PM-KISAN) ruahmanna kaltlangin sum-a tanpuina cheng vbc.13.2 an dawng tawh.

Vairengte-I VLTF ten Mizoram leh Assam ramri-a venhim hna thawktute kohchhuah an rel

Vairengte VC-I huamchhunga Village Level Task Force (VLTF) chuan Assam leh Mizoram inrina ramhnuai-a Task Force Duty te chu kohchhuah rih nise an ti a. Hetihlai hian Vairengte khawchhunga Village Level task Force dang te chuan ramri-a Duty an kalpui mek chu dan pangngai-a chhunzawm an la thum thung nia thudawn a ni.

IKK te tawngtai rual dawn

Isua Krista Kohhran (IKK), General Hqrs., Vaivakawn chuan Coronavirus hrileng chung-changah zanin dar 7:00 hian an Kohhran Member te tan Tawngtai rualna an buatsaih dawn a, Tawngtai thupui 5 siamin Kohhran mipuite chu an awmhmun theuh ah lo awm turin an ngen a ni.

Khung hran hun zo tawh tam

Serchhip District chhungah nimin thleng khan COVID-19 avanga In lama khunghran hun hmang zo mi 424 awm tawhin sawrkar in hmun a siam a khunghran hun hmang zo mi 61 an awm tawh bawk a, Isolation Ward-a enkawl zawh mi 1 a awm tawh bawk a ni.

Luidung-ah duty dawn

Tunhnaia Serchhip District Bawrhsap in thuchhuah a siam bawhzuiin Thenzawl DFO chuan karleh Thawhtanni atang khian Mat lui leh Tlawng lui venhim a nih theih nana Duty tur a ruat a. Heng Duty tura ruat te hian nitin luidung fangin luidung leh ramvak-a nungcha te chunga hlei-lenna thleng thin an veng dawn a ni. Tunhnaiah Lockdown kalpui a nih laiin mi thenkhat, ram lama hnathawk tura kal anga insawi zingah lui-dung nungcha man leh lo suasam thin an awm niin a lang a, hei vang hian hetiang venna atan hian he ruahmanna hi siam a ni.

TKP ten thisen Unit 40 pe

Baptist Church of Mizoram (BCM) hnuaia Thalai Kristian Pawl (TKP) Serchhip Pastor Bial te chuan nimin khan Serchhip Blood Bank a dah turin thisen Unit 40 an pe a, thisen petute hi Mipa 31 leh Hmeichhia 9 niin Serchhip Bloo Bank-ah kalin thisen hi an pe a ni. Tunhnaiah COVID-19 leng mek avanga AVBD Serchhip Branch ten Blood Donation Calendar an siam sak chu hman theih a nih tak loh avangin AVBD hian thisen mamawh dan a zirin tlawmngaia thisen pe tur hi ruahman chhoh zel a ni a. Hetianga mi tlawmngai ten a thlawna thisen an pe chu AVBD Serchhip Branch chuan lawmawm an tih thu an sawi bawk.

Chanchin thar thenkhat :

Agri. Minister in VLTF tlawh

Buh leh bal tharchhuak turin CLP Leader in ngen

Congress Legislature Party (CLP) hruaitu, Zodintluanga MLA chuan buh bal leh thlai thar-chhuak tura inpuahchah turin mipui a ngen.

Karleh Thawhtanni atanga hman turin Sawrkar Pisa kai tur tih danglam hret a ni

Mizoram-a Lockdown kalpui a nih mek laiin Mizoram sawrkar chuan sawrkar Pisa hrang hranga kai turte chungchangah ruahmanna thar a siam.

COVID-19 Medical Operational Team in Hnathial an tlawh

COVID-19 chungchanga hmalakna leh dinhmunte zirchiang tura Mizoram hmun hrang hrang tlawha zin kual mek, COVID-19 Medical Operational Team te chuan nimin khan Hnahthial tlawhin Hnahthial District Task Force Chairman leh District Bawrhsap ni bawk, Vanlalmawia kaihhruaiin District Hospital OPD Building-ah inkawm-hona an nei.

SDRF hmangin sawrkar in hma la mek zel

COVID-19 hripui leng mek chungchangah State Disaster Management Authority chuan National Disaster Management Authority (NDMA), Ministry of Home Affairs in kaihhruaina a rawn duan angin hma a la chhunzawm zel.

Chief Secretary hovin Bawrhsap ten mipui mamawh bungraw phurh chungchang an sawiho

Mizoram Chief Secretary, Lalnunmawia Chuaungo hovin Mizoram chhung District hrang hranga Bawrhsap te chuan nimin khan Video Conference neiin Inter-State leh Inter-District kaltlanga Essential Commodities leh Non-Essential Commodities phurh chungchang bakah thil pawimawh hrang hrang an sawiho.

Serchhip Police ten kawl

Myanmar atanga Mizoram-a lo lut Vietnam mi rualbanlo pakhat E. Lungdar Village Level Task Force ten an mikhual chu nizan hmasa khan Serchhip Police ten la-in an kawl mek.

Chanchin thar thenkhat :

Flex Board leh Poly Vinyl Chloride poster hman khap

Hliappui leh Changzawl khua ah chenna In 268 a chhia

Niminpiah tlai-a Rial in nasa taka a chhut, Hliappui leh Changzawl khua ah chenna In 268 a chhia nia chhinchhiah a ni a, nimin khan hnatlangpui neiin In chhia thawmthat hna thawh tan a ni.

A thlawna buhfai sem dan tur ruahman fel a ni

Sawrkar Laipui Scheme, PM-GKAY hnuaiah AAY (Ration Card eng) leh PHH (Ration Card pawl) Beneficiary te tan Buhfai mi pakhat zelah thla khat atan Kg. 5 zel a thlawn a sem tura ruahman a ni a. April leh May, 2020 quota chu a ruala sem tur a nih avangin mi pakhat zelah Kg. 10 (April & May atan) allotment siam turin Director, FCS&CA chuan DCSO zawng zawng chu a hriattir a. He Allotment hi April 27, 2020 (Thawhtanni) atanga May 9, 2020 inkarah Retailer ten mipui hnenah an sem ngei theih nan Supply Centre atanga pekchhuah hman tum a ni.

RD hmalakna sawiho a ni

Nimin tlai khan Union Rural Development Minister, Narendra Singh Tomar hovin State leh UT 11-a Rural Development Minister ten Video Conferencing an nei a, he hunah hian Mizoram Rural Development Minister, Lalruatkima pawh a tel a ni.

COVID-19 Medical Operational Team in Lunglei tlawh

COVID-19 chungchanga hmalakna leh dinhmunte zirchiang tura Mizoram sawrkar-in a din, COVID-19 Medical Operational Team chuan nimin khan Lunglei thlengin Lunglei District Level Task Force on COVID-19 te nen inkawmna an nei nghal.

YMA in thawhlawm thawh

Serchhip Sub-Hqrs. YMA hnuaia awm Tui-changral South Group YMA chuan COVID-19 avanga Mizoram a him theihna tura an huam-chhunga ramri hnaih-a duty te tan Branch hrang hrangah Thawhlawm an lakhawm a, Branch 18 atangin Thawhlawm hi lutin hei bakah hian Ser-chhip Sub-Hqrs. YMA atanga Rs. 30,000/- hmuin a vaiin Rs. 2,02,260/- an hmu a ni.

Mi 7 la khunghrang mek

Nimin thleng khan Serchhip District-ah CO-VID-19 avangin In lama khunghran (Home quarantine) mi 5 la awmin sawrkar in hmun bik a siam-a khunghran mi 2 an la awm bawk a. Nimin khan khunghran atanga chhuahtir an awmlo thung.

Serchhip-a Bungraw phurtu lirthei luh leh chhuah dan tur ruahmanna siam a ni

Serchhip District Deputy Commissioner, Dr. Lalzirmawia Chhangte chuan Serchhip khawpui chhunga bungraw phur lirthei luh leh chhuah dan tur chungchangah thupek a tichhuak thar.

Sawrkar thuneitu te hmalakna avangin New Serchip South VLTF in hna an chhunzawm

New Serchhip South Village Level Task Force (VLTF) te chuan COVID-19 dona kawnga an hmalakna kal mekah sawrkar atanga thlawpna hmu tha tawklo nia an hriat avanga VLTF anga an hmalakna niminpiah tlai atanga an tihtawp hnuah sawrkar thuneitute nen inbiakna neiin nimin tlai dar 5:00 atang khan VLTF anga an hmalakna chu an chhunzawm leh ta.

Chanchin thar thenkhat :

Rial tla vanga In chhia tam

mCOVID-19 Mobile Application tih changtlun zel a ni

Mipui nitin mamawh (Essential Commodities) ni lo bungraw dang Mizoram-a phurhluh phalna, Inter-State Movement Permit online-a dil theihna, mPASS chu Information & Communication Technology (ICT) Department chuan mCOVID-19 Mobile Application-ah an telh belh.

Mamit bialtu MLA in Zomuantlang khua a tlawh

Mizoram sawrkar-a Road & Infrastructure Development Board Vice Chairman leh Mamit bialtu MLA, Er. H. Lalzirliana chuan tunhnaia Chakma ten Mizoram IR Sipai kut an thlakna hmun nia sawi, Zomuantlang chu nimin khan a tlawh.

Horticulture Department in Serchhip District chhunga khaw hrang hrangah Thlai Chi an sem

Image
Serchhip-a Division Horticulture Officer (DHO) Office hnuaia Horticulture Circle hrang hrangah nimin atang khan kuthnathawktute tan Village Level Task Force (VLTF) te hnenah Thlai Chi chi hrang hrang semchhuah a ni.

Home Minister chu ram hruai hna thawk tlaklo ah ngai

Mizoram Pradesh Congress Committee (MP-CC) chuan Home Minister, Lalchamliana chu hun khirh laia ram hruai hna thawk tlak lo ah an ngaih thu an sawi.

New Serchhip South VLTF ten an mawhphurhna leh hmalakna an titawp

New Serchhip South Village Level Task Force on COVID-19 chuan sawrkar hnena an lungawilohna an thlen ah hmalakna leh thu lawmawm engmah hmuh tur leh hriat tur a awm loh avangin nimin tlai dar 5:00 atang khan New Serchhip South Village Level Task Force anga an mawhphurhna leh hmalakna chu an titawp tih an sawi.
PM-KISAN pechhuak zel

COVID-19 a thawktute tan sum pekchhuah a ni

Chief Minister’s Relief Fund for COVID-19 hman dan tur ngaihtuahtu tura din, Committee on Utilization of Chief Minister’s Relief Fund tun thla ni 17 leh 20-a thukhawm chuan District hrang hranga COVID-19 dona kawnga thawktu (COVID-19 workers) te tan Rs. 62,08,500/- chu pekchhuah leh turin an rel a.

Bawrhsap in hriatirna siam

Serchhip District Bawrhsap, Dr. Lalzirmawia Chhangte chuan Mizoram State pawn atanga Bungrua, Essential Commodities leh Non-Essential Commodities phur turte hriat tur thuchhuah siama tarlangin, Serchhip District atanga Mizoram pawn a Bungraw la a kal tur reng reng Serchhip DC leh SP-ah in report hmasak zel tur a nih thu leh Bungrua phurhna atana Form fill up tur DC Office-ah lakchhuah tur a nih thu a tarlang bawk.

YMA te Life Jacket pe

PHE Serchhip WATSAN Division-a Sr. Executive Engineer, Er. F. Lalsanglura chuan Ser-chhip Sub-Hqrs. YMA in a tul hun apianga an hman turin nimin khan Life Jacket panga (5) chu Sub-Hqrs. YMA Disaster Management Committee kutah a hlan a, Er. F. Lalsanglura chungah an lawm hle tih Serchhip Sub-Hqrs. YMA hruaitute cuhan an sawi.

ZPM Thalai ten SEDP sum pawh hmang turin an phut

ZPM Thalaite chuan COVID-19 avanga harsatna hrang hrang kan tawh mekte sutkian a nih theih nan CM Relief Fund sem piah lamah SEDP sum pawh hmang tura sawrkar an phut thu an sawi.

Scholarship-ah sawrkar in hma la zui mek zel

Mizoram Scholarship Board (MSB) chuan zirlaite hnenah Pre-Matric leh Post-Matric Scholarship pekchhuah tuma hmalak mek a nih thu an sawi.

COVID-19 avanga sum hmanna CM in a tarlang

COVID-19 puala Chief Minister Relief Fund a sum tlingkhawm atangin tanpui hna thawh nan Rs. 457,86,500/- hman a ni tawh a, State Budget atangin cheng nuai 5000 chuang hman a ni tawh bawk.

Aizawl Bawrhsap Pisa Pui kum 130 tlinna pualin Document pawimawh phochhuah a ni

Aizawl Bawrhsap Pisa Pui-in kum 130 a tlin hriatrengna chu nimin khan COVID-19 leng mek karah mi tlemte sawmin neih a ni a, mipuite hmuh theih turin hmanlai-a hmanrua, ruhro, document hrang hrang leh record hlui tak tak Pisa Pui-a la vawn thatte phochhuah a ni.

Serchhip-ah Bawrhsap hovin VLTF an thukhawm

Nasa lehzuala tan la turin VLTF te sawm an ni Serchhip District Bawrhsap leh Serchhip District Task Force Committee on COVID-19 a Chairman ni bawk, Dr. Lalzirmawia Chhangte hovin nimin khan Serchhip khaw chhunga Village Level Task Force hrang hrang aiawhte chu thukhawmin Bawrhsap chuan inkharkhip thawh hnihna kalpui mekah nasa lehzuala tan la theuh turin he huna tel te chu a sawm.

KTP in thisen Unit 18 pe

Serchhip Kawnpui Branch KTP te chuan Serchhip Blood Bank-a dah turin nimin khan thisen Unit 18 an pe a, thisen petute hi Mipa 14 leh Hmeichhia 4 niin Serchhip Blood Bank-ah kalin thisen hi an pe a. Serchhip Blood Bank a thawktute chuan mipui punkhawmna neih te a remchan loh avangin thisen petute hian inhnaih chilh lutuk lova thisen an pek theih nan ruahmanna an lo siam sak a ni.

Bialtu MLA hmalakna ZPM in lawmawm an ti

Zoram People’s Movement (ZPM) Party Serchhip Block chuan Serchhip bialtu MLA, Lalduhoma hmalakna chu lawmawm an tih thu an sawi.

Chanchin thar thenkhat :

Fall Army Worm awm leh tan

Khawpui-a mirethei te chhawmdawlna sem an ni

UD&PA changtu Deputy Chief Minister, Tawnluia hovin nimin khan UD&PA Department hotute nen khawpui chhung mi retheite tana luanchhuah programme thawhkhatna neih a ni a, he hunah hian BSUP-a cheng chhungkaw 586 hnenah tanpuina sem a ni.

Mamit DC hovin Zomuantlang khua tlawh a ni

Mamit District Bawrhsap, Dr. Lalrozama hovin nimin khan Mamit District-a sawrkar mi pawimawh thenkhat ten Zomuantlang khua an tlawh.

Speaker in inkawmna an nei

Lok Sabha Speaker, Om Birla chuan nimin khan ramchuhnga State leh UT zawng zawnga Legislative Assembly Speaker-te chu Video Conferencing neih puiin COVID-19 do kawnga an State theuha Sawrkar hmalakna leh COVID-19 dinhmun te a sawipui a. Mizoram Legislative Assembly Speaker, Lalrinliana Sailo pawh he hunah hian telin Mizoram dihmun leh harsatna te a sawi a ni.

Mumbai Mizoram House-a awm te zingah COVID-19 kai hmuhchhuah belh an ni

Mumbai Mizoram House-a awm mek Cancer vei damlo pahnih (2) leh damlo awmpuitu zing ami pakhat (1) te bakah House-a thawk hnamdang mi pakhat te chuan COVID-19 an kai tih hmuhchhuah a ni a, heti hian Mumbai Mizoram House-a awm leh thawk te zingah COVID-19 kai mi 8 hmuhchhuah an ni ta a ni.

ICT Minister in Telecom hotute Meeting a neihpui

Information & Communications Technology Minister, Robert Romawia Royte chuan nimin khan Mizoram chhunga Telecom hotute leh thawktute chu Aizawl-a Secretariat Conference Hall-ah Meeting a neihpui.

COVID-19 Medical Operational Team te zirchianna bawhzui dan tur sawihona neih a ni

COVID-19 Medical Operational Team ten tunhnaia Mizoram hmun hrang hrang tlawha an thil hmuh dan sawrkar hnena an thlen te chu nimin khan Health Minister, Dr. R. Lalthangliana hovin sawrkar hotu pawimawh ten Secretariat Conference Hall, Aizawl-ah an thlirho.

COVID-19 Hrileng Hmangin Pathian-in Ban a Phar Ta Em Ni ?

COVID-19 Hrileng Hmangin Pathian-in Ban a Phar Ta Em Ni ?

Chanchin thar thenkhat :

Motor rawn lut ti thianghlim

HPC Vice Chairman in Tlabung chhehvel a tlawh

Lunglei HPC Vice Chairman, Lawmawma Tochhawng chuan nimin khan Tlabung Sub-Division huamchhunga Bangladesh ramri hrul khua te tlawhin Border area-a venhmina kalpui dan a hmunah kalin a enfiah.

ZLP in Kuthnathawktute zawk mawhpuh pawi an ti

Image
ZPM Legislature Party chuan Sairang-a thlai hring vawnthatna, Cold Room atanga Aijal Club-a Zikhlum lak chhoh, nasa taka thenfai ngai a nih chungchangah kuthnathawktute zawk mawhpuhna a awm chu pawi an tih thu an sawi.

IR Sipai kutthlaktu 3 man ni tawhin pakhat a tlanchhuak

Inrinni kalta tlai-a Mizoram leh Tripura in-rna, New Kawnpui Thaidawr Road-a Mizoram IR Police pahnih kutthlak tu-a puh mi pathum te chu Pathianni zan khan man niin nimin khan an zinga pakhat chu a tlanchhuak.

Mizoram-ah a thlawna thisen pek pung zelin Kum 2019-2020 ah a thlawna thisen pek 90.91% a tling

Image
Sawrkar kum liamta nikumApril 1 atanga kumin March 31 thleng khan Mizoram-a Blood Bank hrang hrangah thisen Unit 30,499 lakkhawm niin heng zinga Unit 27,727 chu mi tlawmngai ten a thlawna an pek niin hei hi thisen pek zawng zawng atanga zaa 90.91 a ni. 

COVID-19 dona a Mizoram sawrkar tha tih chak nana hmala tura ngenna Larsap hnenah thlen

Mizoram Legislative Assembly-a Congress Legislature Party Leader, Zodintluanga Ralte chuan nimin khan Mizoram Governor, P.S. Sreedharan Pillai hnenah COVID-19 chungchanga Mizoram sawrkar kut tih chak nana hmala tura ngenna ziakin a thlen a. He lehkha hi Governor aiawhin Secretary to Governor, K. Lalthawmmawia IAS chuan a lo dawng a ni.

Mizoram-a Eng chhit man tur bithliah thar niin Unit khat chhit man punna Rs. 1.32 a ni

Manipur leh Mizoram-a Power lama thuneitu sang, Joint Electricity Regulatory Commission (JERC) chuan April, 2020 atanga hman tan turin Eng chhit man Unit khat Rs. 4.96 ni thin chu Rs. 6.28 ah a ti sang a, Unit khat zela a man punna chu Rs.1.32 a ni.

Chanchin thar thenkhat :

Police hmalakna thlirlet

Thli leh ruah vangin in chhia tam

Inrinni tlai-a Mizoram hmun hrang hranga thli leh ruah thawkin chhiatna a thlen dan hriat belh zel a ni a. Sesawng khua ah chenna In 20 chu luahzui tlak loha chhe vekin Chenna In 63 te chu a chung leh bang thlak ngaiin a chhia a, hliam tuar mi pakhat a awm bawk. Sesawng khua hi nimin khan bialtu MLA leh Assembly Speaker, Lalrinliana Sailo chuan tlawhin chhiat tawkte hnenah hian tanpuina a hlan bawk.

YMA in Rs. 238,671/- an hmu

Image
Serchhip Sub-Hqrs. YMA ten COVID-19 vanga ramri hnai-a duty te tanpuina atana Bawm an hun atangin Rs. 238,671/- hmuin heng te hi nimin khan semchhuah nghal a ni.

Power khaihlak rih dawn

Aizawl Zuangtui atanga Saitual lam Power pekna line-pui a chhiat avangin hun engemaw chhung chu Serchhip-ah pawh Power Supply a mumallo phah dawn.

Mipuite fimkhur turin chah

Mizoram Police te chuan tunlai hian Internet Banking leh Smartphone kaltlanga inbumna a hluar tih sawiin, mipuite chu fimkhur turin an chah.

Mizo IR Sipai kutthlaktu man thuai turin MZP in Mizoram sawrkar an phut

MZP General Hqrs. chuan ram leh hnam himna tura Mizo IR Police duty kut thlaktute chu a rang thei ang bera man tura Mizoram sawrkar an phut thu sawiin, “IR duty kut thlaktute hi sawrkarin a man lo a nih chuan Chakma misualte man turin Mizo thalaite kan che chhuak nghal ang,” an ti.

Chanchin thar thenkhat :

Venhimna hmun tlawh zel

Serchhip-ah Gas Agent thar

Serchhip mipui ten hnianghnar zawka eirawngbawlna Gas an hmuh theih nan Serchhip-ah Gas Agent thar hawn a ni dawn.

Champhai-ah hmalak dan tur sawihona neih a ni

Nimin khan Champhai-ah District Level Task Force on COVID-19 chu thukhawmin inkhar-khip hman chhunzawm anih hnua hmalak zel dan tur leh inkaihhruaina dan hrang hrang zawm tur chungchang an rel.

East Tuipui bialtu MLA in ramri-a Duty te tlawh

Bamboo Link Road Board Vice Chairman leh East Tuipui bialtu MLA, Ramthanmawia chuan zan hnih riakin a bial chhung Myanmar ramri Tiau kai-a Village Level Task Force (VLTF), Police leh Assam Rifle duty na hmun a tlawh a. Ramri-a duty na hmun a tlawh pah hian a bial chhung khaw hrang hrang a fang nghal a, tanpuina Rs. 2,50,000 hu a sem bawk.

Lockdown bawhchhia mi 59 man an ni tawh

COVID-19 vanga Lockdown puan hnuah Lockdown bawhchhia mi 59 man tawh niin, Fake news vangin mi 25 man an ni tawh bawk.

ZPM in sawrkar hmalakna an ngaihven reng tih an sawi

ZPM Thalaite chuan Mizoram Sawrkar-in COVID-19 dona a kalpui dan chu ngun takin an ngaihven reng tih an sawi.

HSSLC Exam tur thulh vangin lawmthu sawi

National Students’ Union of Mizoram (NS-UI) Mizoram chuan Mizoram Board of School Education (MBSE)-in April 22, 2020 (Nilaini) atanga April 24, 2020 (Zirtawpni) thlenga Higher Secondary School Leaving Certificate (HSS-LC) Exam buatsaih chhunzawm a tum a thulh leh ta chu lawmawm an tih thu thuchhuah siamin an tarlang a. Ministry of Home Affairs order kalh a exam buatsaih tum a ni leh, COVID-19 laka inven nana Lockdown kalpui a nih reng laia zirlaite exam tir tum chu tha lo an tih thu leh ngaihtuah nawn leh nise an duh thu April 17-a thuchhuah siama an lo tarlan tawh thu pawh tarlangin, MBSE lamin an ngenna anga thutlukna an sut leh ta chu lawmawm an tih thu an tarlang.

P&E Minister in a bial chhung khaw hrang hranga VLTF te hnenah sum leh hmanrua a sem

Power & Electricity Minister leh Tawi bialtu MLA, R. Lalzirliana chuan nimin khan a bial chhunga khaw hrang hrang tlawhin Village Level Task Force (VLTF) te hnenah chhawmdawlna sum leh kut tihfaina (hand sanitizer) te a pe a; Health/Clinic Centre leh Sub-Centre hrang hrangte mamawh Medical equipment te a ken sak bawk.

Thli leh ruah vanga chhiatna thlengah nunna chan

Nimin chawhnu lama Mizoram hmun hrang hranga thli leh ruah thawkin chhiatna chi hrang hrang thlenin nunna chan mi pakhat an awm.

Mumbai Mizoram House-a awm zingah COVID-19 vei mi 3 hmuh belh an ni

Mumbai-a Mizo damlo enkawl mek pakhat chu COVID-19 a kai tih hmuhchhuah a nih avanga Mizoram House Dormitory-a awmte leh Cancer vei midangte Nasopharyngeal Swab Sample Test neih ah midang pathum chuan COVID-19 an kai tih hmuhchhuah leh a ni a, heng mite hi COVID-19 enkawlna damdawi In, Seven Hills Hospital-ah dah nghal an ni.

Invenna ah insawrbing tum a ni tih CM in sawi

Chief Minister, Zoramthanga chuan May ni 3, 2020 thleng Lockdown kalpui na turah kan thenawm ram, min hualtu ah COVID-19 vei leh thihpui engngemaw zat an awm avangin venhim hna fimkhur taka kalpui chu kan insawrbingna tur leh kan chakna kan pekna tur ber a ni, a ti.

HSSLC Exam chhunzawm tur kaltlangpui dawnlo

Mizoram Board of School Education (MBSE) chuan Higher Secondary School Leaving Certificate (HSSLC) Exam kal lai karleh atanga chhunzawm tura ruahmanna a siam chu kaltlangpui a ni dawn rihlo.

Ramri-ah Serchhip District Police te la duty zel

Image
Tunlai hri leng avanga Mizoram mipuite kan him theihna tura sawrkar in India (Mizoram) leh Myanmar ramri a khar hnuah Serchhip District-a Police te chuan ramri ven-him hna ngawrh takin an thawk mek a. Ser-chhip District-ah hian Myanmar nen-a inkal-pawhna hi Sailulak leh Lungkawlh-ah awmin heng te hi lirthei leh mihring kaltlang phal theihloh a khar mek a ni a, kal lui an awm lohna turin Police te hi chhun zan zawmin an duty mek a ni. Serchhip District chhunga Police te hi heng ramri bakah hian khaw hrang hrang kawtchhuah ah an Duty mek bawk a, hei bakah hian Serchhip khawpui chhung hmun hrang hrangah an duty bawk a ni.

NYK in Mask sem zel

Nehru Yuva Kendra (NYK) Serchhip in Village Level Task Force Duty te tana Mask an sem mekah nimin khan Chhiahtlang-a YMA Branch 5, Bukpui Branch YMA leh New Serchhip North Branch YMA huamchhunga Duty te tan Mask an sem leh a, heti hian Serchhip Town chhunga YMA Branch area 21 zingah Branch 16-ah Mask hi an sem tawh a ni.

NSS ten thisen Unit 20 pe

Govt. Serchhip College NSS Unit te chuan nimin khan Serchhip Blood Bank-a dah turin thisen Unit 20 an pe a, thisen petute hi mipa 9 leh Hmeichhia 11 an ni. AVBD Serchhip Branch hruaitute chuan kumin chho-ah Blood Donation Calendar an siam chu Lockdown kalpui a nih tak avanga kalpui theih a nih tak loh avangin thisen mamawh ten an mamawh huna thisen an hmuh theihna turin mi tlawmngai te chu thisen pe turin an sawm a. Thisen pe tur hian tum khat ah mi tam tak kal erawh remchang lovin thisen pe turte hi a hrana Local/Village Level Task Force-ah phalna lak kher ngai lovin sawrkar chuan kal phalna a pe a ni.

Khunghran la awm zel

Coronavirus leng mek avanga Serchhip District chhunga mahni In lama inkhunghrang (Home Quarantine) tun dinhmun ah mi 8 an la awm mek a, sawrkar in hmun a siam-a inkhunghrang (Facility Quarantine) mi 7 zinga mi 3 te chu naupai lai an nih avangin Zoram Medical College (ZMC) ah reffer niin tunah hian Serchhip District-ah Facility Quarantine mi 4 an la awm mek bawk. Serchhip District chhunga he hri kai nia rinhlelh te dahhranna ah erawh dah hran an awm zui tawh rihlo a, Serchhip District atang hian Sample thawn pawh a awm belh rih tawhlo bawk.

Chanchin thar thenkhat :

Online-a Class neih dan tur rel

Home Minister in Phaisen BOP leh Vairengte-a Screening Point a tlawh

Image
Home Minister, Lalchamliana chuan nimin khan Phaisen Border Outpost leh Vairengte a Screening Point leh Check Gate te a tlawh.

Tangkhang 2839 awm mek

COVID-19 hri leng avanga inkharkhipna kalpui mekah Mizoram chhungah India rampawn mi 47 tiamin state pawn mi tangkhang 2,839 an awm mek a, State pawnah Mizoram mi 2,576 an tangkhang bawk

COVID-19 Medical Operational Team in COVID-19 dona kawnga hmalak dan an zir mek

Mizoram khawchhak lam tlawha zin mek, COVID-19 Medical Operational Team te chuan nimin khan Hnahlan khaw tlangdung ramri depa khaw hrang hrangte leh Sialkal tlangdung khuate tlawhin, COVID-19 dona kawnga hmalakna te leh inbuatsaihna te an thlirho a. Heng an zinna-a an thil hmuh atang hian sawrkar-ah rawtna an thlen leh dawn a ni.

Vawk lakluh khap leh a ni

Tunlai hian Mizoram-ah Vawk natna hri, Porcine Reproductive and Respiratory Syndrome (PRRS) leng ala reh lo nia rinhleh a ni a, hei vang hian Serchhip District Magistrate, Dr. Lalzirmawia Chhangte chuan tun thla ni 15 khan thenawm ram (neighbouring states/country) leh District dang atanga Vawk leh Vawksa atanga thil-siam reng reng lakluh a khapna thupek a tichhuak.

Chhangthawp man sawiho

Serchhip District COVID-19 Supply Chain Management Committee hmalakna in nimin khan Serchhip-a Chhangthawp man sang chungchang chu Serchhip District Bawrhsap, Dr. Lalzirmawia Chhangte hovin a Pisa-ah sawiho a ni a. He hunah hian Committee Member te bakah Chhang siamna neitute telin tunhnaia Chhang-thawp man Rs. 20/- atanga Rs. 30/- a tihsan a nih chungchang sawiho a ni a, Chhang siamna neitute chuan thilman sang zel avanga Chhangthawp man hi tisang an nih thu an sawi a. An harsatna te ngaihthlak a nih hnuah Chhangthawp man hi Rs. 25/- ni turin bithliah a ni.

Chanchin thar thenkhat :

Cold Storage siamna tur en

AMC in Duty-na a hman tur Solar Home Light an hlan

Aizawl Municipal Corporation (AMC) chuan Mizoram Police ramri a duty te hman turin nimin khan Solar Home Light 90 a hlan.

Home Minister in ramri hrul-a duty-na a tlawh

Home Minister, Lalchamliana chuan nimin khan Mamit District chhunga Bairabi leh Kanhmun-a COVID-19 hri lak a inven nana ramri a Police leh Screening point a duty bakah VLTF Duty te a tlawh a, ramri hrul-a khua awmte inpekna leh thawhrimnaah lawmthu a sawi bawk.

MGNREGS hnuaia hnathawh theih dan tur ruahman

Sawrkar chuan rampum-a Lockdown kalpui mek a nih laia MGNREGS hnuaia mipuite inhlawh theih dan tur ruahmanna a siam.

COVID-19 darh tur venna atana Sawrkar in Lockdown a pawhsei ZPM in an thlawp

Zoram People’s Movement (ZPM) President, Lalliansawta chuan COVID-19 darh tur venna atana sawrkar in Lockdown a pawhsei chu an thlawp thu a sawi.

Mizoram-a Inkharkhipna kalpui zel dan turah sawrkar in ruahmanna a siam fel ta

State Level Task Force on COVID-19 chu nimin khan an Chairman MizoramChief Secretary, Lalnunmawia Chuaungo hova thukhawmin Sawrkar Laipui-a Ministry of Home Affairs-in COVID-19 hripui darh zel tur venna atana hmalak dan tur thupek April ni 15, 2020 a tichhuah dungzuiin Mizoram Sawrkarin he inkharkhip thawhhnihna kalpui dan tur an duang.

FOREST DEPARTMENT IN VLTF TANPUINA AN HLAN

Image
COVID-19 avanga Lockdown kalpui mekah Thenzawl Forest Division chuan an Division huamchhunga Village Level Task Force (VLTF) hrang hrang te hnenah tanpuina an semchhuak mek a, nimin khan a thawhkhatna atan Serchhip khawpui chhunga Village Level Task Force te hnenah Rs. 5000/- theuh hlanin Serchhip khawpui pawn lamah Keitum, Bungtlang, Rawpui leh Pangzawl-a VLTF te pawh pawisafai hi hlan an ni hlan nghal bawk. Nimin a tanpuina sem thawhkhatna ah hian VLTF 43 te hnenah tanpuina hi semchhuah niin nimin-a an hlan bak Serchhip Forest Range huam-chhunga VLTF te sum tur chu Serchhip DC hnenah hlanin a remchan anga pekchhuah leh a ni ang. VLTF tanpuina hi Thenzawl DFO, Margareth Lalramchhani chuan hlanin MJA Serchhip District hruaitu ten an tawiawm a, khaw tina VLTF te chu kangmei venna kawnga theihtawp chhuah pui turin an sawm nghal bawk a ni. Tun tumah hian VLTF 43 te hnenah tanpuina hi sem niin a vaiin Rs. 2,15,000/- semchhuah a ni a, a thawh hnihna ah Thenzawl DFO hnuaia Range dang-a

Dawt-a Politics inchirh thehna Serchhip ZPM in lawmawm loh an tih thu an sawi

Image
Zoram People’s Movement (ZPM) Party Serchhip Block Committee chuan ramri dep-a Duty te tanpuina tura Serchhip Sub-Hqrs. YMA te bawm dawh, mi tu ten emaw dawt-a politics inchirh thehna atana hmanga Serchhip bialtu MLA an puhna chu lawmawm loh an tih thu an sawi.

Chanchin thar thenkhat :

MZP ten lawmthu an sawi

Pawl 12 exam chhunzawm tur Minister in sawifiah

School Education Minister, Lalchhandama Ralte chuan Mizoram Board of School Education (MBSE) in pawl 12 Exam chhunzawm tura thu an chhuah leh ruahmanna an siam chu loh theihloh avanga tih tul a nih thu a sawi.

MGNREGS hlawh pawnpen phal a nih loh thu sawi

Mizoram sawrkar-a Rural Development Department chuan MGNREGS hnuaia hnathawh hlawhte pawhpen (cut) phal a ni lo tih a sawi.

Mamit DC hovin ramri-a venhimna hna thawh chungchang sawihona neih a ni

Mamit District Bawrhsap leh District Level Task Force Chairman, Dr. Lalrozama IAS chuan nimin khan Mamit District ramri hrula Village Level Task Force hruaitute chu Zawlnuam College-ah a kawm.

Lockdown kalpui dan tura ruahman sa angin Serchhip District-ah Lockdown kalpui zel a ni dawn

Image
Serchhip District Task Force Committee on COVID-19 chu nimin khan Serchhip-ah thukhawmin Lockdown kalpui tawh china hmalak dan leh hmachhawp te an thlirho a. Sawrkar thuneitu sang zawk atanga thuthar a awm hma chuan April 14, 2020-a sawrkar thupek chhuah angin Serchhip District chhungah Lockdown kalpui zui zel nise an ti.

Quarantine tlem chho zel

Mizoram in COVID-19 avanga damlo a neih mek in Guwahati atanga Aizawl a rawn panna kawng-a Thlawhtheihna-a a chuanpui Serchhip mi pathum (3) te chu sawrkar in anmahni In-a inkhunghrang tura a tih hun, ni 28 chu niminpiah khan a zo ta a, heng mite hian an taksa-ah danglamna leh harsatna nei lovin COVID-19 lakah hian an him ni-a ngaih a ni a. Hei vang hian Serchhip District Task Force-a Medical Team te chuan heng mite hi Declaration Certificate an hlan nghal a ni.

RAM LAMA LOCKDOWN VE A NGAI TAWH E

RAM LAMA LOCKDOWN VE A NGAI TAWH E - Laldinpuia

Chanchin thar thenkhat :

Ramri venhimna sawiho

COVID-19 vei te dinhmun Health Minister in sawi

Health Minister, Dr. R. Lalthangliana chuan tunhnaia Mumbai leh Shillong-a COVID-19 vei Mizo 2 awm thar chungchang nimin khan a chenna In ah a sawifiah.

VLTF te hnenah sum hlan

Serchhip Sub-Hqrs. YMA hruaitute chuan nimin khan Tuichangral South Group YMA-a YMA Branch thenkhat te tlawhin COVID-19 dona kawnga an hmalakna te an enpui a, COVID-19 avanga Lockdown kalpui mek avanga mi harsa zual leh chhuanchham tanpuina tura Chief Minister Relief Fund ruahman chu an sem nghal bawk.

YMA in thawhlawm bawm hung

Image
Serchhip Sub-Hqrs. YMA chuan COVID-19 laka Mizoram kan him theihna tura ramri hrul-a awm te hmalakna chu zahawm an tih thu leh ropui an tih thu sawiin, hetianga duty mek te tana Thawhlawm thawhna tur an buatsaih a. Hemi atan hian Serchhip Town chhunga YMA Branch 21 te chuan an huamchhunga Village Level Task Force (VLTF) Duty Point-ah bawm hungin Thawh-lawm thawhna tur hi an siam a. Heng Thawhlawm bawm te hi tun thla ni 18 khian lakkhawm a ni anga, Inter-State ramri hrul-a duty te hnenah an thawn dawn a ni. Serchhip Sub-Hqrs. YMA chuan an huamchhunga Group te pawh hetianga hma la thei an awm chuan lawm taka an pawm tur thu an sawi bawk.

Eirawngbawlna Gas-ah harsatna a awmlo; PMUY hnuaiah a thlawnin Gas sem mek a ni

Image
MIZOFED Serchhip Branch-a thawk te chuan mipuite tan eirawngbawlna Gas ah harsatna liantham thleng a awmloh thu sawiin, PMUY hnuaia eirawngbawlna Gas Connection nei te hnenah Gas man tur chu an thun mek thu an sawi.

Rampum-ah May 3 thleng Lockdown kalpui dawn

Prime Minister, Narendra Modi chuan COVID-19 darh tur venna atan thla thar, May 3 thleng rampumah inkharkhipna, Lockdown chu kalpui leh a nih dawn thu a sawi.

Tun thla ah ramkang a tam

Fire & Emergency Services, Mizoram chuan April ni 1 atanga ni 13 thleng khan Mizoram chhungah ramkang tum 80 zet an thelh mit tih an sawi.

Sangha man tur bithliah a ni

Task Group on Animal Husbandry & Veterinary Services and Fisheries chuan Mizoram a Sangha man chu kg. ah Rs. 300/- aia tihsan loh nise an ti.

Ramri venhim hna uluk zawka thawk turin chah

Tunlai-a Novel Coronavirus hrileng mek karah khauh zawka ramri venhim a nih theihna tur chungchang sawihona chu nimin khan Chief Minister, Zoramthanga hovin neih a ni.

COVID-19 laka Mizoram a himna tura ramri dep-a sawrkar hmalakna te MZP ten an enfiah

Mizo Zirlai Pawl (MZP) General Hqrs. hruaitute chuan nimin khan an President, B. Vanlaltana hovin Mizoram leh Tripura/Assam ramri dep hmun thenkhat tlawhin COVID-19 laka Mizoram himna tura sawrkar hmalakna te an enfiah a. Henglai hmun-a duty te mamawh an thlen te chu ngaihsaka hma lak sak thuai turin sawrkar thuneitute chu an ngen bawk.

Supply Minister in Mizoram mamawh te a thlen

Union Minister for Consumer Affairs & Food Public Distribution Ram Vilas Paswan hovin nimin tlai khan ramchhunga State leh UT zawng zawnga Food Minister te chuan Video Conference neiin he hunah hian Mizoram atangin Supply Minister, K. Lalrinliana pawh telin PM-GKAY hnuaia AAY leh PHH ten a thlawna Ration an lak dan leh mipui hnena sem dan tur sawiho a ni.

Wholesale dawr te thil man tisang lo turin chah

Nimin khan Serchhip District COVID-19 Supply Chain Management Committee chuan Serchhip Bazar-a Wolesale dawr te enfiahin bungraw chhekkhawl an neih dan an enfiah.

Mipuite hamthatna tura ruahman mipui ten sumfai a an dawn thuai theih dan tur sawihona neih a ni

Image
Serchhip District Bawrhsap, Dr. Lalzirmawia Chhangte chuan nimin khan Serchhip District chhunga Bank hrang hrang aiawh thawktute kokhawmin, tunlaia hri leng avanga mipuite harsatna sutkianna tura sawrkar atanga hamthatna dawn tur hrang hrangte mipuiin sum faia an dawn thuai theih dan tur chungchang a sawipui.

Chanchin thar thenkhat :

Champhai DC sawn duh

Sawrkar in Task Group thar pahnih a din leh

Mizoram sawrkar chuan COVID-19 avanga harsatna tawh te sutkian nan Task Group on Commodities leh Task Group on Quarantine Facilities te chu a din belh leh.

Lunglei-ah SEDP-Maize tlangzarh a ni

Mizoram sawrkar Flagship Programme, SEDP hnuaia Vaimin chin beihpui thlakna Scheme, SEDP-Maize chu nimin khan Lunglei High Power Committee (HPC) Vice Chairman, Lawmawma Tochhawng MLA chuan a tlangzarh.

Ramri ven kawngah nasa zawka hmala turin ngen

Mamit District Thalai Pawl hruaitute chuan nimin khan Mamit District Level Task Force Chairman leh Mamit DC, Dr. Lalrozama chu hmuin ramri venhim kawngah tun aia nasa zawka hma la turin an ngen.

Mizoram-ah April thla chhung Lockdown kalpui chhunzawm a ni leh dawn

Mizoram-a COVID-19 darh zel tur venna atana Lockdown kalpui mek chungchang sawihona leh inrawnkhawmna chu nimin khan Aizawl-a Assembly Annexe Conference Hall-a neih niin Chief Minister, Zoramthanga chuan Mizoram-a inkhar-khipna kalpui mek chu April thla tawp thleng kalpui chhunzawm zel a nih tur thu a sawi.

Serchhip Police ten mipuite duhsakna an hlan

Image
Serchhip Police te chuan nimin, April 12, 2020 (Easter Sunday)-ah khan Serchhip khawpui chhung hmun hrang hrang ah Mike Service neiin Serchhip mipuite chu Easter Sunday duhsakna an hlan a. Serchhip Police te chuan tunlai hrileng vanga Lockdown neih mekah mipui ten sawrkar thu tha taka an zawm avangin mipuite hnenah lawmthu an sawi a, kan tu leh fate leh kan chhungkua kan him zel theih nan sawrkar thuchhuak zawm zel turin an ngen a. Serchhip mipuite chu mahni Inchhung ah Easter Sunday hmang theuh tura chahin, hla hmangin Isua Krista thihna hneh-a a thawhlehna thu an puangchhuak nghal bawk a ni.

Ramkang thelh zui zel

Zirtawpni kalta atanga Serchhip leh Keitum inkara Chuanhnuai ramkang chu Inrinni chawhma lamah thelh mit-a haw san a nih hnuah nizan hmasa zanrei lamah khan a kang leh a, nimin zing khan mi tlawmngai ten kangmei hi thelh lehin chawhma lamah an thelh mit a ni.

District Magistrate in hriattirna tichhuak

Serchhip District Magistrate, Dr. Lalzirmawia Chhangte chuan bungrua a van huna hlawk zawka hralh beiseina avanga mipui mamawh bungrua (essential commodities) a ruka chhekkhawl (hoarding) chu phalloh a nih thu sawiin, hetiang thil hi ti lo turin mipuite chu a hriattir.

Chanchin thar thenkhat :

Kanhmun-ah venhimna uluk

Ramri venhimna sawiho a ni

Home Minister, Lalchamliana chuan Inrinni tlai khan Mizoram Police (MRP), Assam Rifles (AR), Border Security Force (BSF) leh All Mizoram NGO Committee aiawhte kawmin ramri a venhimna kalpui dan (Border Security Management) chungchang a sawipui.

State pawn lama Mizoram mi la tangkhang te tanpui turin Mizoram Lok Sabha MP in a ngen

India rampum-ah Lockdown kalpui a nih tak avanga ramchhung hmun hrang hranga Mizoram mi 600 vel tangkhang mangangte tanpui turin Lok Sabha MP, C. Lalrosanga chuan State 20 chuang thuneitute hnenah ngenna a thlen.

Mizoram-a nitin mamawh phurhluh dan tur chungchanga inrawnkhawmna neih a ni

Mizoram State pawn atanga Mizoram chhunga nitin mamawh phurhluh dan tur chungchanga inrawnkhawmna chu Inrinni khan Transport Minister, TJ. Lalnuntluanga hovin neih a ni a, he inrawnkhawmna-a an thusawi atang hian Transport Department chuan bungraw phurhluh chungchanga zawm tur inkaihhruaina, Standard Operation Procedure (SOP) a duang dawn a ni.

Vawiin Easter Sunday

Vawiin April 12, 2020 hi Kristian te ni pawimawh, thihna hneha Isua thawhlehna Ni, Easter Sunday a ni a, kumdang-ah chuan Kohhran hrang hrang ten he Ni pual hian hun hmang thin mah se kumin ah chuan COVID-19 avanga Lock-down kalpui mek a nih avangin he ni puala in-khawm nei an awm lo anga, Salvation Army te chuan Sunrise Service an nei leh thung ang.

Ramkang thelh chhunzawm

Niminpiah atanga Serchhip leh Keitum inkar a ram kang chu nimin chawhma lam khan thelh mih a ni. Niminpiah (Zirtawpni) chhunlai vel atang khan Serchhip leh Keitum inkar, Chuanhnuai ram vel chu nasa takin a kang leh a, mi tlawm-ngai ten kangthelh hna hi thawk mah se an thelh theihloh avangin Fire Department bakah Assam Rifles leh BSF sipaite pawh punin zan thlengin thelh mih theih a ni lo a, nimin zing atang khan thelh chhunzawm leh niin chawhma lam khan kangmei hi an thelh mit thei ta a ni. Hetihlai hian Serchhip leh Thenzawl in-kar. Mualvawm ram pawh niminpiah atang khan nasa takin a kang a, he thu buatsaih lai thleng hian kangmei hi thelhmih theih ala ni lo thung.

Thil man tisang lo turin ngen

Serchhip Sub-Hqrs. YMA Kumpuan Committee chuan COVID-19 avanga ram in harsatna nasa tak kan tawh mek laiin mihring nunna atana pawimawh ei leh in (essential commodities) zuar thenkhat ten uchuak takin an thil zawrh rate an tisang mek tih hriat a nih thu sawiin, hei hi pawi an tih thu leh harsatna denchhen a mamawhtute rawkna ang hial-ah an ngaih thu an sawi a. Hei vang hian dawrkai te chu Kristian leh Mizo nunze mawi pu chunga midangte tana malsawmna thlentu nih tum tur leh an thil zawrhte rate hniam thei ang bera hralh turin an ngen a. Hnamdang sum-dawngte pawh he harsatna denchhen a Serchhip leh Mizoram mipuite chunga verther taka khawsa a, bungraw man tisanga hamthatna lak tumlo turin an hriattir nghal bawk.

MJA (SD) in thilpek an hlan

Serchhip District chhunga COVID-19 do nana hmalakna kal mekah a tul apianga hman turin MJA Serchhip District chuan nimin khan Serchhip District Level Task Force-ah Rs. 3000/- leh Glove pair 2000 an hlan a, heng thilpek te hi District Level Task Force on CO-VID-19 a Chairman leh Serchhip District Bawrhsap ni bawk, Dr. Lalzirmawia Chhangte hnenah MJA te hian hlanin he hunah hian MJA (SD) hi an President, Kapliana Pachuau hovin an kal a ni. MJA (SD) chuan tunlai-a hri leng mek laka mipuite kan him tlan zel theih nan mipuite chu thuawih tur leh sawrkar hmalakna te zawm zel turin an sawm bawk a ni.

MJA in Task Force an zirchiang

MJA Serchhip District Member te chuan nimin khan Serchhip khawpui chhunga Village Level Task Force (VLTF) te chu an duty-na ah tlawhkualin an hmalak dan hrang hrang an zirchiang.

Chanchin thar thenkhat :

Kanhmun-ah bungrua thawn

SWD Minister in Siaha bial chhung a tlawh

Social Welfare Minister leh Siaha bialtu MLA, Dr. K. Beichhua chuan nimin zing khan Civil Hospital, Siaha tlawhin, COVID-19 laka invenna leh ruahmanna hrang hrangte a hmunah a enfiah.

Prime Minister hova Chief Minister Meeting in April 30 thleng Lockdown la kalpui zel an rel

India Prime Minister, Narendra Modi chuan ramchhunga State hrang hrang zingah a tam zawkin inkharkhipna kalpui zel an duh angin chawlhkar hnih (2) chhung dang inkharkhipna kalpui turin ruahmanna siam a nih tur thu sawiin, hri leng avanga ei leh bar lamin nasa taka a tawrh phah chu tiziaawm tura hma la turin State te a chah bawk.

ZPM Legislature Party in COVID-19 dona atana sum hman dan chu uluk takin chhui zel an tum

ZPM Legislature Party Leader leh Serchhip bialtu MLA, Lalduhoma chuan COVID-19 dona atana sum hman dan chu uluk takin an chhui zel dawn tih sawiin, thil diklo a awm chuan an hnena hriattir zel turin a chah a. He hun kan tawn mek hian tumna a awm chuan kawng a awm tih min kawhhmuh niin a sawi bawk.

PHE Pipeline chhia siam nghal

Image
PHE Department in Serchhip khaw-pui chawmna atan Tuikum lui tui an lakna Pipeline chu nimin khan Tuikum leh Khawtetlang inkarah a puak a, he pipeline chhia hi ft. 9 vel zet-a thui nimin vek khan PHE Department-a thawk te chuan a siamthat hna an thawk nghal a ni. Tunhnaiah Ser-chhip chawmna tura PHE tui lakna pipe-line hi a chhe zeuh zeuh a, thawktute hmalakna zarah mipui ten harsatna lian kan tawk meuhlo thung.

Sawrkar Chawlh ah puang

Karleh Thawhlehni, April 14-a Dr. B.R. Ambedkar-a pianchampha phak lo thleng tur chu Mizoram sawrkar chuan Section 25 of the Negotiable Instruments Act, 1881 (26 of 1881) hmangin chawlh ah a puang a, hemi Ni hian Sawrkar Pisa te, Sawrkar enkawl hnathawhna hmun zawng zawng, Zirna In zawng zawngte leh Bank te pawh khar a ni ang.

Tuichang Lei khar rih dawn

Keitum leh Khawlailung inkar-a Tuichang Lei chu karleh Thawhlehni, April 14, 2020 zing dar 9:00 atanga tlai dar 5:00 chhung khian a chhuat siamthat hna thawh a ni dawn a, he hna thawh tur chu chak zawka thawh a nih theih nan Serchhip District SP chuan MV Act, 1988 section 115 leh section 116 hmangin April 14, 2020 zing dar 9:00 atanga tlai dar 5:00 inkar chhung hian eng motor mah Tuichang Lei-ah hian kal phal a ni lo tih thuchhuah siamin a tarlang. He thupek hi zawm hram turin lirthei hmangtute chu hriattir niin, thupek zawmlo chungah a tul anga action lak a ni anga. Emergency Case leh dan leh thupek kengkawhtu te chu thupek hian a huam lo thung ang.

Good Friday hmang theilo

Nimin April 10, 2020 kha Kristian te Ni pawimawh, Good Friday a ni a, Lockdown kal-pui a nih avangin kumdang angin Kohhran hrang hrangte chuan he Ni hi an hmang theilo a ni.

Addl. DC in hna rawn zawm

Serchhip District Addl. DC tura ruat, HD. Lalpekmawia MCS chuan tunkar Nilaini khan a hna thar a rawn zawm ta a, Serchhip Addl. DC hna chelhtu, Chuauhnuna a chhuah hnuah Serchhip District in Addl. DC a nei leh ta a ni. HD. Lalpekmawia hiah a hmain Mamit-ah SDO (Sadar) hna a chelh thin a ni.

Chanchin thar thenkhat :

CM Relief Fund semchhuak

Sawrkar thupek kalh a nih thu Magistrate in sawi

Serchhip District Magistrate, Dr. Lalzirmawia Chhangte chuan hmun hrang hrangah In sak hna thawh mek te chu sawrkar thupek kalh a nih thu a sawi.

Union Health Minister hnenah COVID-19 dinhmun leh Mizoram mamawh hrang hrang thlen a ni

Image
Union Health Minister, Dr. Harsh Vardhan hovin nimin khan India ram State hrang hranga Health Minister leh Health Department mi pawimawhte chuan Video Conferencing neiin COVID-19 do nana hmalakna leh inbuatsaih dan te an thlirho a, hmalak zel dan tur leh mamawh thil chi hrang hrangte an sawiho bawk.

MIZOFED in Khawlailung Kurtai an lei sak

Cooperation Minister, C. Lalrinsanga hmalakna in Serchhip District chhung Khawlailung khuaa Khawlailung Sugarcane Growers Association te tharchhuah Kurtai quintal 10 chu Ningani khan Local leh Village Level Task Force te kuta dahchhawn turin Cooperation Department hnuaia State Level Cooperative Society, MIZOFED Ltd. chuan a thartute kut atangin a lei.

Thli, ruah leh rial avangin Mizoram khaw 2-ah chenna In 100 chuang zet a chhia

Image
Nimin zing khawvar hmaa thli, ruah leh rial nasa tak thawk in Hnathial District-a Pangzawl khua ah chenna In 75 zet a tichhia a, niminpiah tlai khan Mamit District chhunga Thinghlun khuaa Rial tla in chenna In 67 zet a dengchhe bawk.

COVID-19 dona kawnga Health Department hmalakna hrang hrang Health Minister hova thlirho a ni

Health Minister Dr R.Lalthangliana hovin nimin khan Mizoram Legislative Assembly Annexe Conference Hall-ah Health Department leh a kaihhnawih pawl hrang hrang ten COVID-19 dona atana hma an lak dan te, hmalak an tum dan leh hmachhawp an neihte an thlirho.

Chawm Kai Lei dawh mek :

Image
Serchhip Mat Phai Chawm kai-a Lei (Bailey Bridge) dawh hna chu Garden Reach Company, Kokatta te chuan March 31 atang khan thawkin tun thla ni 15-ah khian zawh hman an beisei thu an sawi a. He Lei dawhna tur hian August 23, 2018 khan khatihlaia Chief Minister, Lal Thanhawla chuan lung-phum phumin thla 18 chhunga zawhfel tur a ni a, amaherawh chu Serchhip ram lama Lei innghahna tur siamna-ah harsatna a awm avangin duh angin hna hi thawh chak theih a ni ta lo a, amaherawh chu thla 20 hnu velah an zo thei dawn niin a lang a ni. He Lei hi NEDP sum cheng nuai 571 senna tura ruahman niin feet 180 a thui, feet 9.10 a zau tur a ruahman a ni a. Ton 24 dawl zo tura ruahman niin a Lei chhuat (deck level) hi meter 381.467-a sang tur niin Fur tui chimsan lai ber aiin metre 2 a sang dawn a, Mizoram a Galvanized Bailey Bridge hmasa ber tur a ni.

Chanchin thar thenkhat :

Vairengte-ah zirhona nei

Vawiin Good Friday

Vawiin April 10, 2020 hi Kristian te ni pawi-mawh, Isua Krista kross-a khenbehna ni, Good Friday a ni a, he ni hi sawrkar Pisa chawlh a nih avangin sawrkawr Pisa te khar a ni ang. Kumin hian Coronavirus avanga rampumah Lockdown kalpui mek a nih avangin Kohhran hrang hrangte chuan he Ni puala inkhawm leh he Ni puala hun an hman thin te pawh buatsaih a ni lovang.

MZP in zirlai hawna ngaihtuah

Mizo Zirlai Pawl (MZP) Hqrs. Serchhip chuan tunlaia Lockdown kalpui mek avanga Aizawl-a Zirlai, Hostel-ah emaw, Chhungte In-a awm emaw, mi In luah a tangkhang emaw Serchhip-a haw duh an awm chuan District thuneitu (District Level Task Force) te dawrin an rawn haw theih nan hmalak an tum tih an sawi a. Zirlai tangkhang mek Serchhip-a haw duh te chu an chhung ten emaw, anmahni in emaw an awmna hmun leh Address kimchang tarlangin MZP Hqrs. Serchhip hruaitu te hnenah emaw, Phone No. 9862696439/9612585329/9862865394-ah emaw in report turin an ngen a. Hetianga haw duh te chuan an awmna Task Force hnen atangin lehkha lo siam tur theuh turin an ngen bawk.

COVID-19 dona atan Task Group din belh zel a ni

Mizoram sawrkar chuan COVID-19 hripui darh zel tur ven nan Task Group thar din belh zelin April ni 30, 2020-a Task Group panga (5) a din nen Task Group hrang hrang 10 a awm dawn ta a ni.

Union Agriculture Minister hovin State Agriculture Minister ten harsatna thleng mek an sawiho

Union Minister for Agriculture & Farmers' Welfare, Narendra Singh Tomar hovin Nilaini tlai khan State hrang hranga Agriculture leh Supply Minister te chuan Video Conferencing kaltlangin meeting an nei.

Vairengte in NH.306 danpin an tumna an sut leh

Vairengte-a Joint Village Council, Joint NGO's leh Joint Village Level Task Force te chuan nimin tlai atanga Vairengte to Aizawl (NH-306) danpin tuma ruahmanna an lo siam tawh chu an thulh tih an sawi.

Lockdown avanga tangkhang te Vawiin atangin an haw theihna hun siam sak a ni dawn

Mizoram hmun hrang hrang leh Aizawl Veng hrang hranga Lockdown puan avanga tangkhang te chu Vawiin atang hian anmahni khuaa an haw theihna hun siam sak an ni dawn.

NYK in mask thahnem tak sem

Image
Nehru Yuva Kendra (NYK) Serchhip District chuan tunlaia Coronavirus avanga Lockdown kalpui mekah Serchhip District chhunga Village Level Task Force (VLTS) duty, YMA Branch te tan tunlai hian hmai kawr, Face Mask an semchhuak mek a, nimin thleng khan Serchhip Town chhunga YMA Branch 9- Darnam Branch, Dinthar Branch, S. Kawnpui South Branch, S. Kawnpui North Branch, P&E Veng Branch, Hmar Veng Branch, Chhekhnai Branch, New Serchhip Venglai Branch leh New Serchhip Bazar Branch bakah khawpui pawnlam-a Keitum Branch leh Zote South Branch bakah Serchhip-a Supply Department-a thawkte tan Face Mask hi sem tawhin a vaiin 500 chuang zet an sem tawh a ni. Tunah hian Face Mask hi thui belh tir leh mek niin an la semloh YMA Branch hrang hrangah te pawh a remchan anga an la sem zel tur thu NYK Serchhip-a thawktute chuan an sawi bawk.

Chanchin thar thenkhat :

MJA in ramri venhimna tlawh

Chanchinbu mite zalenna zah sak turin ngen

Mizoram sawrkar chuan COVID-19 darh zel tur venna atana Lockdown leh Curfew puan mekah Dan leh thupek hnuaia Chanchinbumite zalenna zah sak turin duty hrang hrangte an ngen.

ZPM in COVID-19 dona hi langtlang taka kalpui a duh

Zoram Peoples Movement (ZPM) General Hqrs. chuan COVID-19 dona chu langtlang taka kalpui an duh thu sawiin, Health Minister hmalakna avanga COVID-19 Testing Laboratory kan nei thei ta chu lawmawm an tih thu an sawi bawk.

Mizoram Assembly Speaker hlui Hiphei boralin tukin hian Siaha-ah vuiliam a ni ang

Image
Mizoram Legislative Assembly-a Speaker hlui, Hiphei chu nimin zing dar 7:45 khan Civil Hospital, Aizawl-ah a boral a, a ruang hi Siaha-a an chenna In ah lak niin tukin hian vuiliam a ni ang.

CM Relief Fund hman dan tur ngaihtuahin thukhawm

Chief Minister’s Relief Fund hman dan tur ngaihtuahtu atana din, Committee on Utilization of Chief Minister’s Relief Fund for COVID-19 chu nimin khan an Chairman Chief Secretary, Lalnunmawia Chuaungo hova thukhawmin CM Relief Fund hman dan tur an rel.

MZP ten Mizoram leh Assam inrina hmun tlawhin COVID-19 laka sawrkar hmalakna an enfiah

MZP General Hqrs. hruaitute chuan nimin khan Bairabi, Vairengte leh Phaisen te tlawhin tunlai hrileng hlauhawm COVID-19 laka kan ram a him theihna tura Duty-te hmalak mekna leh he hrileng laka Mizoram kan himna tura sawrkar hmalakna hrang hrangte an enfiah. 

ZMC-a COVID-19 Testing Laboratory hman tan a ni

Nimin-a Test 14 zingah positive an la awmlo Zoram Medical College (ZMC)-a COVID-19 Testing Laboratory chu nimin atang khan hman tan theih a ni ta tih Health Minister, Dr. R. Lalthangliana chuan sawiin, nimin khan a hmasa ber atan Mizoram-a COVID-19 vei enkawl mektu mi 14 te Nasopharyngeal Swab Test neih tan nghal a ni.

BSF ten Keitum khua ah tui an sem

Image
Serchhip Dawngzawl-a awm 159th Bn. BSF te chuan tunlai-a rampum-a Lockdown kalpui mekah mipui ten Tui lama harsatna an tawh lohna turin nimin khan Keitum khuaa mipuite hnenah a thlawnin Tui an sem a. Keitum khawtlang te BSF chungah an lawm hle.

Chanchin thar thenkhat :

Mamit-ah tlaivar-a duty rel

DC mawhphurhna inhlan fel

Serchhip District Bawrhsap, Dr. Lalzirmawia Chhangte chu hun engemaw chen training-a kal hnuah Serchhip-ah rawn letin, nimin khan DC mawhphurhna a chelh leh tan ta.

Ran chaw mamawh tan ruahmanna siam

Tunlai-a hri leng avanga Lockdown kalpui mekah Serchhip District chhunga ranvulhtu, ran chaw lama harsatna nei emaw, tlachham thei din-hmuna ding mekte tana harsatna thlenna turin Serchhip-a AH&Vety Department chuan C. Biakchhawna, Livestock Superintendent (Mb: 8974743515) chu an ruat a, Ani hian ranvulhtu ten ran chaw an mamawh ang chu Feed Dealer te lo sawipuiin mumal taka ranvulhtute hnena sem chhuak lehin record fel tak nen Serchhip DVO hnenah a report thin dawn a ni.

In lamah mi 77 inkhunghrang

Coronavirus leng mek avanga Serchhip District chhunga mahni In lama inkhunghrang (Home quarantine) mi 61 te chu an inkhunghran hun a zawh avangin nimin khan chhuahtir an ni a, hetihlai hian nimin atanga inkhunghrang tura tih mi 2 awmin heti hian tun dinhmuna Serchhip District chhunga Home quarantine chu mi 77 an ni mek a, sawrkar in inkhunghranna tura a siam a awm mek erawh nimin ah danglam lovin mi 6 an la awm mek bawk a. Heti hian Serchhip District puma he hrileng avanga khunghran chu mi 83 an ni mek a ni. 

PPE Volunteer Group Champhai in hmanrua sem

Champhai-a Personal Protective Equipment (PPE) Volunteer Group chuan COVID-19 laka invenna hmanrua chi hrang hrang mipuite hnenah an semchhuak mek.

CM Relief Fund-ah Rs. 1,28,63,000/- chhunglut

Human Resources Development hnuaia Mizoram-a Office hrang hrang (School Education Directorate, SCERT, MBSE) hnuaia thawktu ten COVID-19 dona tur leh a remchan anga puih ngaite puihna tura an pawisa thawhkhawm Rs. 1,28,63,000/- chu nimin khan School Education Minister, Lalchhandama Ralte chuan Chief Minister’s Relief Fund-ah a hlan.

Vairengte in darkar 24 chhunga hmalak an phut

Vairengte Joint Village Council huaihawta Vairengte khawchhunga Tlawmngai pawl hrang hrang leh Local Task Force te inhmukhawm chuan Vairengte Checkgate-a ‘screening’ kalpui mek chu an duh tawkloh thu an sawi a, nimin tlai dar 5:00 atanga darkar 24 chhung Mizoram mipuite himna tur atana Zoram kawtchhuah ah rua-hmanna felfai tak a neih loh chuan Vairengte atanga nitin mamawh lakluhna leh a luhka zawng zawng danpin nise an ti.

Chawhmeh lakluh dan turah ruahmanna thar siam

Aizawl khawpui-a cheng ten ei leh bar an hmuhtheihna tura hmalakna kawnga sawrkar chuan ruahmanna thar a siam.

Committee on Psychological and Social Guidance in Local/Village Task Force te thu awih turin an chah

COVID-19 Committee on Psychological and Social Guidance chuan Local/Village Task Force te thu awih tura mipuite chu chahin, Local/Village Task Force te pawhin mipuite leh sawrkar inkar-a ding an ni tih an in hriat a pawimawh thu an sawi.

Thu diklo thehdarhtu Police ten man belh zel

Mizoram Police te chuan tunhnaia Social Media-a thu diklo leh mi ti chi-ai thei thehdarhtute chu manin thubuai an siam sak zel.

Special Permit pekloh duh

COVID-19 laka Mizote kan him deuh deuh theih nan Vairengte khawtlang chuan Home Department in sumdawngte hnena State pawn kal theihna Permit a pek chu pe tawh lo se an duh thu an sawi.

Ramchhunga MP te hlawh zaa 30-in tihniam dawn

Central Minister leh MP-te hlawh zaa 30-a kum khat chhung tihhniamna tur Ordinance chu Union Cabinet chuan nimin khan a pawm a, Salary, Allowances & Pension of Members of Parliament Act, 1954 siamthat hi tun thla ni 1 atanga hman tan tur a ni.

Chanchin thar thenkhat :

Vanduaina tawk te tanpui

Mamit DC in Village Leval task Force duty te a tlawh

Mamit District Bawrhsap leh District Level Task Force on COVID-19 Chairman, Dr. Lalrozama chuan nimin khan Mamit District chhunga Village Level Task Force hrang hrangte an awm hmunah kalchilhin a thlamuan.

Central YMA in lawmthu sawina tichhuak

Central YMA chuan Hripui leng avanga harsatna leh buaina kara thinnel leh thuawi taka Mizo mipuite kan awm avanga lawmthu sawiin, kan hmazawn theuh a fimkhur taka hmala chhunzawm zel turin an ngen bawk.

Mizoram tan MGNREGS sum rawn sanction fel

Sawrkar laipui-a Ministry of Rural Development chuan MGNREGA hnuaia Mizoram mipuite inhlawhna atan nimin khan cheng nuai 16818.7 chu a sanction a, he sum hmang hian Mizoram-a Job Card nei mek te tan ni 26 vel inhlawhna siam leh theih tura ngaih a ni.

BJP kum 40-na hmang

BJP chuan nimin khan an party dincham vawi 40-na an hmang a, BJP Mizoram President Vanlalhmuaka chuan he Ni pual hian Aizawl a State BJP Office-ah BJP Flag a pawt pharh bawk.

BIALTU MLA IN CHAWHMEH HLAN

Image
Serchhip bialtu MLA, Lalduhoma chuan a huan-a a tharchhuah thlai chi hrang hrangte chu a mamawh te hnena sem turin nimin khan an chenna, Chawlhhmun Local Task Force te kutah a hlan a. Hemi hmalam hian a bial chhunga Local Task Force te chu pawisa bakah Glove, Mask leh Hand Sanitizer te alo hlan tawh bawk a ni.