Latest News

MPYCC in CM leh Governor hnenah ngenna thlen

Congress Thalai te chuan nimin khan Mizoram Governor leh Chief Minister hnenah lehkha thehlutin hri leng avanga mipuite harsatna tawh avanga ruahmanna siam turin an ngen.

Mizoram Pradesh Youth Congress Committee (MPYCC) hian COVID-19 hri leng avanga Lockdown, Containment leh a dangte avanga Mizoram chhunga nitin-a eichawp zawng, kut hnathawktute, lirthei-a eizawng te, sumdawng leh a dang ten harsatna tawh mek chu a nasat lutuk tawh avangin Mizoram sawrkar in ruahmanna siam sak rawh se tiin Mizoram Governor leh Mizoram Chief Minister hnenah hian lehkha an thehlut a ni.

He an lehkha thehluh ah hian Kut hnathawk/Nitin eichawp zawngte tan Krismas hmain ni 15 hlawh ang hu, Rs. 7500/- tal-a tanpui an phut thu te; Lirtheia eizawng, Loan rul mek te tan an Loan rulh lai thla khat Installment hu tal sawrkarin tum sak an phutna te; Commercial Vehicle ten Transport Department a Chhiah an chawi chu a zatve (50%) tal awl sak an phutna te; Sumdawngte an inhawn hleih theih loh avanga nasa taka hloh mek te tan dawr luahman thla 2 tal tum leh Mi hnuaia Motor khalha inhlawhfa te hnenah ni 15 chhung inhlawhna Rs. 7500/- pek an phut thu te an tarlang a ni.

Comments

Chhiar Hlawhte