BLO thar tan training nei

Serchhip District chhunga Booth Level Officer (BLO) zinga Electoral Roll Revision Training la neilo te tan nimin khan nikhat awh Training neih a ni.

Serchhip DC Meeting Hall-a BLO thar te tana training buatsaih hi Serchhip Election Officer, Vanlalhmachhuana chuan hman-puiin, Electoral Roll ennawn hna thawh mekah kum 18 tling chin te kim taka thun vek a pawimawh thu sawiin, chumi atana thawktu pawimawh ber chu BLO te an nih thu a sawi a. Electoral Roll-a inthun thar, paih, siamthat leh insawn duh ten dilna an siam te tha tak lo enpui tura BLO te chu chahin, BLO te chu khaw tina mipuite hrechiang ber an nih avangin an kutah Electoral Roll dik leh felfai a awm theihna tura mawhphurhna sang tak a awm te hriaa, theihtawp chhuah turin a chah bawk a ni.

Nimin-a training ah hian Laltlanmawia, Data Entry Operator chuan Electoral Roll Revision neih atana hming thun thar, paih ngai, siamthat ngai leh insawn duh te tana Form siamsa hrang hrang dahkhah dan zirtirin BLO te hi a taka tihchhin tir an ni a, he huna tel BLO te hian an hriatfiah loh te zawtin zawhna leh chhanna hun hman a ni bawk.

Serchhip District-ah hian BLO 83 an awm mek a, heng zinga mi 11 te chu tunhnaia deuha ruat leh training la neilo te niin nimin a training tur hian heng mi 11 te hi koh an ni a, an zinga mi 10 an tel a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn