Hri kai hmuh belh leh an ni

Zonuna Kawlni /

Niminpiah khan Serchhip District-ah COVID-19 hri kai mi pathum hmuhchhuah niin nimin ah hri kai enkawl dam erawh an awmlo thung.

Niminpiah-ah Chhingchhip-ah Rapid Antigen Test hmanga COVID-19 hri kai mi pakhat hmuh a nih hnuah TrueNat Laboratory atangin COVID-19 hri kai mi pahnih hmuh belh leh an ni a, heng hri kai hmuhchhuah te hi Thenzawl mi te niin mipa naupang kum 5 mi leh hmeichhia kum 27 mi te an ni a, tunhnaia Thenzawl-a COVID-19 hri kai hmuhchhuah tawh te inkawmhnaih chhuina kal zela hri kai hmuhchhuah te niin an taksa-ah hri kai lanchhuahna neilo ve ve an ni. Heti hian Pathianni-a Thenzawl-a COVID-19 hri kai mi pahnih hmuhchhuah an nih hnuah hri kai mi 7 hmuh belh an ni tawh a, an vai hian Serchhip Nursing School CCC-ah enkawl mek an ni.

Nimin khan Serchhip-a hri kai zingah enkawl dam an awm belh lo a, nimin thleng khan Serchhip District-a COVID-19 hri kai hmuh-chhuah chu 171 ni tawhin, an zinga mi 154 te chu enkawl dam ni tawhin tunah hian hri kai en-kawllai 17 an la awm mek bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »