Hri kai mi 5 enkawl dam

Serchhip District-a COVID-19 hri kai enkawl mi 5 te chu nimin khan anmahni enkawlna hmun atanga chhuahtir an ni.

Serchhip CMO Office atanga thu kan dawn danin nimin a hri kai enkawl dam tak te hi tun thla ni 6-a Thenzawl-a hri kai hmuhchhuah te chhui zuina atanga tun thla ni 7-a hri kai hmuhchhuah te niin mipa pathum leh hmeichhia pahnih niin puitling kum 57 mi pakhat bakah naupang kum 5, 8 leh 13 mi  leh nausen thla 9 mi te an ni a, heti hian Thenzawl-a tun thla ni 6-a hri kai hmuhchhuah leh anmahni chhui zuina atanga hri kai hmuhchhuah zawng zawng mi 11 te zinga mi 7 te chu enkawl dam an ni ta a ni.

Niminpiah khan Serchhip District-a TrueNat Laboratory-ah Sample 4 enfiah niin Rapid Antigen Test hmangin Sample 2 enfiah a ni bawk a, heng atang hian hri kai hmuhchhuah thar an awm lo a, nimin thlengin Serchhip District-a COVID-19 hri kai hmuhchhuah chu 175 niin heng zinga 166 te chu enkawl dam an ni tawh a, tunah hian hri kai enkawllai 9 la awmin an zinga 8 te hi CCC-ah enkawl an nih bakah midang pakhat hi Home Isolation-a enkawl a ni thung.