State Election Commission ah report thehlut dawn

Kumin August 27-a North Vanlaiphai Village Council inthlanna a Vote tla te niminpiah-a chhiar nawn chu chhiar zawh theih a ni lova, Election Tribunal te chuan an thil hmuhdan report siamin Vawiin hian State Election Commission-ah thehluh a ni ang.

North Vanlaiphai VC inthlanna a lungawilohna thlentu ten he inthlanna a Vote tla te chhiarthat an phut anga chhiar that ah he inthlanna a Vote thi (Invalid Vote) nia tarlan Ballot Paper, Vote thlaktute Kut zungpui hmanga an nem tir nia an sawi erawh inthlanna bungrua an dahkhawm zingah a awm ve loh avangin Petition thehluttu te hriat duh ber hi hriat theih a ni ta lo nia thudawn a ni.

Nimin khan Election Tribunal hi thukhawm nghalin an thil hmuh dan te hi an sawiho a, he inthlanna a lungawilohna thlen an bawhzuina a an thil hmuh dan Report siamin nimin tlai khan Aizawl lam an pan nghal a, Vawiin lamah State Election Commission-ah an thehluh nghal an beisei thu sawiin, hmalak zui dan tur erawh State Election Commission thuthlukna tur a nih thu an sawi.

Hetihlai hian lungawilohna thlentu, North Vanlaiphai-a VC Candidate te chuan he thil hi a tul anga bawhzui an tum thu kan Palai hnenah an sawi a, nizan khan inhmuhkhawmna neih theih an beisei thu an sawi bawk a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn