Posts

Showing posts from May, 2023

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Vanlalhluti hnenah Best Farmer Award hlan a ni

Image
Horticulture Department chuan nimin khan ‘Best Farmer Award 2023’ semin Serchhip District atangin Vanlalhluti (Vegetables) chuan he chawimawina hi a dawng a ni.

COVID-19 kai hmuh belh leh

Serchhip District-ah nimin khan COVID-19 hri kai mi pakhat hmuhchhuah leh niin hri kai enkawllai mi pakhat an awm leh ta a. Nimin-a hri kai hmuhchhuah hi Thenzawl khua niin heti hian nimin thleng khan Serchhip District-a CO-VID-19 hri kai hmuhchhuah chu 14,674 an ni a, an zinga 14,636 te chu enkawl dam ni thawhin hri kai zingah mi 37 an boral tawh a ni.

Health Minister in tlawh

Health Minister Dr. R. Lalthangliana chuan nizan hmasa khan Thenzawl Tualvungi Veng-a Integrated Ayush Hospital (IAH) tlawhin an dinhmun leh harsatna hrang hrangte a enfiah.

MDC in ZPM thlawp thu thlen

Lai Autonomous District Council (LADC)-a Lawngtlai Chanmari bialtu MDC Dr. Lorrain Lalpekliana Chinzah chuan ZPM Party a thlawp tih nimin khan LADC sawrkar-ah a thlen a, amah hi Independent-a thlantlin a ni. Dr. Lorrain-a chuan ZPM Party Policy chu Lai District mipui tana chhenfakawm, LADC in Direct Funding a hmuh theihna tura hmalakpui duh tur Party nia a hriat avangin zawm ta a nih thu a sawi a, kumin a MLA inthlanpui ah Lawngtlai East Bial-a ding tura rinkai a ni bawk. Heti hian Seat 25 awmna LADC sawr-kar-ah MNF thlawptu MDC 21 awmin BJP, INC, ZPM leh Independent pakhat theuh an awm a ni.

Tuichhung luhna tur hlan

Aizawl West-I bialtu MLA Zothantluanga chuan nimin khan Sairang khawtlang hnenah Scuba/Diving equipment (tuichhung luhna) hmanrua set hnih (2) a hlan a, hetiang hmanraw changkang leh tha, man to tak mai kan nei thei ta chu lawmawm a tih thu sawiin, Sairang khaw-tlang tan erawh an tlawmngaih chhuahna kawnga hmanraw tha zawk pekna a nih thu a sawi a. “Heng hmanrua tangkaipui tur tak zawk chu Zoram mipuite kan ni. Zoram hmun hrang hranga tuitla ruang zawn ngai an awmin Mizo tak leh tlawmngai takin in thawkchhuak thin a, intlawmngaihna te hi a chhuanawm takzet a ni,” a ti bawk.

Thingtiak 10,000 sem tum

Kumin a Green Mizoram Day hman dan tur ngaihtuahin nimin khan Kolasib-ah District Level Committee chu an thukhawm a, he huna tarlan a nih danin kum 2021-2022 khan Kolasib District-ah Green Mizoram Day pualin thingtiak 2,857 phun a ni a, kumin hian Green Mizoram Day pual hian Kolasib-ah thingtiak 10,000 a thlawn a semchhuah tur ruahman a ni bawk. Kolasib-ah pawh hian Jine 9, 2023-ah Green Mizoram Day hi hman tur a ni ang.

Champhai DISHA thukhawm

Champhai District chhunga Central Sawr-kar sum hmanga hmasawnna hnathawh leh sawrkar laipui Scheme hrang hrang bawhzui a nih dan te thlirin nimin khan District Development Co-ordination & Monitoring Committee (DDCMC/DISHA) chu an Chairman leh Lok Sabha MP C. Lalrosanga hovin an thukhawm a, Co-Chairman leh Rajya Sabha MP K.Vanlalvena pawhin a telpui a ni. He hunah hian Lok Sabha MP chuan Centrally Sponsored Scheme (CSS) te Mizo-ram-ah tangkai taka chhawr a ni chu lawmawm a tih thu sawiin, hmuh leh hriat theih chinah hengte hi tha taka hman a nih thu a sawi bawk.

MYA in tanpuina sum hlan

Molsom Youth Association (MYA) Headquarters, Tripura chuan Manipur tualchhung buai avanga Meitei leh Zofate inkara inhmuh-thiam lohna awm avanga sahimna zawnga Mizoram rawn raltlan tanpuina turin Central YMA kaltlangin tanpuina Rs. 80,000 an hlan. Molsom Youth Association (MYA) te hi Tripura a awm an ni a, Manipur tualchhung buai avangin an unau Zofaten harsatna an tawk tih hria in tanpui ngei an duh a, Vehbur an khawn atanga pawisa lut zawng zawng chu Central YMA kutah an hlan a ni. Central YMA President R. Lalngheta chuan, “Unau nih hi a nuam a, khawi hmun ah pawh awm ila kan in unauna a bo lo tih a lang chiang zel,” tiin tanpuina kan pe tam thei emaw, thei lo emaw, unau kan nihna kan tihlan zel chu a hlu tih a sawi a ni.

Union Budget-a sum haichhuah ah tan lak thar tul ti

Information & Communication Technology changtu Minister Robert Romawia Royte chuan Mizoram sawrkar Department-te chu State Budget-ah chauh innghat lova, Union Budget-a hmasawnna sum awm te haichhuah kawngah tan lak thar a tul tih a sawi.

Zirlaite enkawlna dan siamthat a ngai - Lalsawta

Mizoram Pradesh Congress Committee (MPCC) President Lalsawta’n sawrkar chakna hmanga zirlaite enkawl dan thar (reforms) siam a ngai tih sawiin, “Mipuiin Sawrkar School aia Private School an thlang tlat thin hian sawrkar tan siamthat tur a tam tih a tichiang hle a ni,” a ti.

Tripura-a Bru te E. Roll-a paih turin hma la zel

Tripura-a inbenbel tum Bru mi leh sa Mizoram Electoral Roll a chuangte chu paih an nih theih nan Mamit, Kolasib leh Lunglei District-a District Election te chu hmala tura hriattir an ni tawh.

Kuthnathawktute hmakhua ngaiin sawrkarin theihtawp a chhuah - Deputy Chief Minister

Deputy Chief Minister Tawnluia chuan kuthnathawktute hmakhua ngaiin sawrkarin theih-tawp a chhuah tih sawiin, “SEDP hnuaiah pawh sum tam tak a dah a ni,” a ti.

Trade Union in sawrkar phut

Mizoram Trade Union Co-Ordination Committee chuan Mizoram Sawrkar Council of Ministers thukhawmin Proposal for The Mizoram Shop & Establishments (Regulation of Employment and Condition of Service) Bill 2023 a pass tak chu Pass a nih ang ngei hian hnathawktu hnuaihnung leh harsa zawk ten an chhawr ngei theihna turin chak taka hma la turin Mizoram Sawrkar an ngen tih thuchhuah siamin an tarlang a. He Bill hi miharsa leh hnathawktu hnuaihnung zawkte tan thil tangkai tak nia sawiin, hei vang hian Zoram mipuite pawhin zirchianga, support tlat turin an ngen a. Hetiang taka tangkai a nih laia MIMA in an dodal chu mak an tih thu leh hriatthiam harsa an tih thu pawh sawiin, “Keini hnathawktu lam Trade Union Co-Ordination Committee chuan kan chanvo te in rahbeh sakna ah kan ngai a, kan dem tak zet zet a ni,” an ti bawk. Mizoram Trade Union Co-Ordination Committee-ah hian NTUM, FOMTU, CITUM leh MMA te an tel a ni.

Governor in chanchinbu chhuahtu thenkhat kawm

Mizoram Governor Dr. Hari Babu Kambhampati chuan nimin khan tualchhung chanchinbu chhuahtu thenkhat te kawmin chawchhun a kilpui.

BDO Office hi mipuiin an harsatna an thlen a, sutkian sak an nihna hmun tur a ni - RD Minister

Rural Development (RD) Minister Lalruatkima chuan BDO Office chu mipuiin an harsatna an thlen a, sutkian sak an nihna hmun tur a nih thu sawiin, thingtlang khaw hrang hrang atanga rawn pantute hawihhawm taka lo dawnsawn a, lo tanpui chu thawktute mawhphurhna a nih thu a sawi.

Road Protection Squad thutkhawm neih a ni

Image
Nimin khan Serchhip-ah District Level Road Protection Squad chu thukhawmin kum hmasa lama hmalakna an thlirlet bakah hmalakna turte sawiho a ni.

Kumin ah hri kai 57 hmu

Image
Kumin chhungin Serchhip District-ah COVID-19 hri kai mi 57 hmuh an ni tawh a, hri kai zingah mi pakhat a boral bawk a ni.

Sawrkar satliah ni lovin sawrkar tha siam ngei kan tum - MPCC President

Image
Mizoram Pradesh Congress Committee (MPCC) President Lalsawta chuan kum 2023 MLA General Election-ah sawrkarna siam an tum thu sawiin, “Sawrkar satliah ni lovin sawrkar tha siam ngei kan tum a ni,” a ti.

Chenna In pahnih kang

Nimin zing khawvar hma deuh khan Ramlai-tui khuaa Govt. Primary School Headmaster R. Lalchhuankima te In, Assam Type chu a kang a, bungrua engmah chuh hman a ni lo. Kangmei a chhuah lai hian In neitute hi khawdang-ah an zin vek a, hei vang hian kangmei chhuah chhan tak hi hriat ni lovin mihring thi leh hliam an awm lo bawk. Nimin khan khawtlang chuan kangmei tuar te In sakna tur chak lak hnatlang neiin Vawiin hian hnatlang in In hi sak a ni ang. Nimin khan Durtlang-ah pawh bungrua engmah chuh hman lohin chenna In pakhat a kangral bawk a ni.

ZPM Thalai in sawrkar phut

ZPM Thalaite chuan tunhnaia MINECO-a Secretariat Building chhawng 3-na ceiling chim chu nimin khan a hmunah enfiahin building sak that tawk loh vang leh a chunga tui a luh nasat vang niin an sawi a. He building chung hi siam that a nih vat loh chuan lirnghing na vak lovah leh Fur-ah pawh a him dawn lo nia an hriat thu an sawi a, sawkarin a hnuaia hnathawk te building luah lai chhia, an nunna atan hial pawha derthawnga a dah chu mak an tih thu leh a rang thei ang bera siamtha tura sawrkar an phut thu an sawi a ni.

District dangah ASF la awm lo

AH&Vety Department hotute chuan Vawk pul hri ASF chu tun dinhmunah Mizoram District hrang hrang zingah Champhai District-ah chiah ala leng nia hriat a nih thu an sawi a. ASF hri leng thawh thumna hi Ngur khua in tuar nasa ber mekin Vawk 69 thi tawhin Vawk 72 zet suat a ni tawh bawk a, a khaw thenawm Zote khua-ah Vawk 12 a thih tawh bakah Champhai Zion Veng leh Vengthlang bakah Kelkang khua-ah te Vawk pakhat theuh a thi tawh bawk a ni.

Mamit-ah thingphun dan tur rel

Nimin khan Mamit-ah District Level Committee on Green Mizoram chu thukhawmin kumin a Green Mizoram Day hman dan tur an rel a. Forest Department chhinchhiahna-a a lan danin Mamit District-ah hian kum 1999 atangin Green Mizoram Day-ah thingtiak 1,15,403 phun a ni tawh a, kumin Green Mizoram Day puala hmalakna leh hmachhawp atan hian an thingphun theuhte a nun that theih nan kum 1-ah vawi 2 aia tlem lo thingphuntu turte'n samfai thin tura rel a nih bakah thingphunna hmun tur a thlan huamchhung ah thing nung sa a awm anih chuan tha taka enkawl zui tur leh nikum lama thingphun nung lo te a thara thlak an rel bawk.

CM in sawrkar laipui dawr

New Delhi-a cham mek Chief Minister Zo-ramthanga chuan sawrkar laipui-a mi pawimawh hrang hrangte a dawr kual mek. Chief Minister hian Pathianni khan Prime Minister Narendra Modi leh Union Finance Minister Nirmala Sitha-raman-i bakah Minister of State for DoNER BL. Verma te kawmin nimin khan Union Minister for Road Transports & Highways Nitin Gadkari a kawm leh a. Heng mi pawimawh te hnenah hian Mizoram mamawh hrang hrangte a thlen bakah Inrinni kaltaa NITI Aayog Governing Council thutkhawm a thu a lo thlen tawh te, sawrkar laipui a Mizorama hmasawnna hna thawhna tur project thehluh hrang hrangte a bawhzui a ni.

Congress Thalai in Chief Minister hnenah thlen

Congress Thalai (MPYCC) chuan Kolkata Ballygunge Mizoram House hralh tum a nih chungchang te, COVID-19 hrileng do nana sawrkar sum dawn hman dan puanzar an phutna te chu nimin khan Chief Minister hnenah ziakin an thehlut.

USA-a Mizo awm ten Chapchar Kut an hmang

Mizo Society of America (MSA) huaihawtin May 27 leh 28, 2023 khan Indianapolis, Indiana USA-ah Chapchar Kut hman a ni.

MSU in HSSLC-a titha zirlai chawimawina an hlan

Mizo Students’ Union (MSU) General Hqrs. chuan kumin a pawl 12 (HSSLC) Exam-a Mizo Top 3 te lawmpuina hun nimin khan hmangin MSU Special Award pawh sem nghal a ni.

Dy. CM in Tourist Guidance Information Kiosk leh Sanitary Napkin Vending Machine te a hawng

Deputy Chief Minister Tawnluia chuan nimin khan Aizawl-a Millenium Centre Atrium-ah Tourist Guidance Information Kiosk leh Sanitary Napkin Vending Machine te hawngin mipuite hman theih tura hlan a ni.

Minister in thawktute kawm

Rural Development (RD) Minister Lalruatkima chuan nimin khan Lawngtlai tlawhin District Rural Development Office (DRDO) leh Block Development Office (BDO)-a thawktute nen inkawmna an nei.

Manipur atangin raltlan 8282 rawn lut tawh

Tunhnaia Manipur buaina avanga Mizoram a rawn raltlan chu nimin thleng khan mi 8282 an tling tawh a, an zingah hian Kolasib District-a lut tam berin 2925 an lut tawh a, Aizawl District-ah 2738; Saitual District-ah 2257; Cham-phai District-ah 181; Lunglei District-ah 64; Serchhip District-ah 47 leh Mamit leh Khawzawl District-ah mi 33 ve ve an lut a. Hnahthial District-ah mi 4 lut tawhin District pahnih-ah erawh rawn lut an awm chhinchhiah a ni lo thung.

Mizoram-ah Dan lova ramsa lakluh man tam tawh; Tam Dil chu Ramsar Site-a puang turin hmalak mek a ni

Sakawrtuichhun-a Aizawl Zoological Park-ah dan kengkawhtu hrang hrangte'n rampawn atanga dan lo-a lakluh an man ramsa 995 dah mek an ni a. Hetihlai hian Mizoram-a Dil hmingthang Tam Dil chu Ramsar Site a puan a nih ve theih nan hmalakna kalpui mek a ni bawk.

Charity Concert buatsaih

Image
Tunhnaia Manipur State-a buaina thleng avanga harsatna tawk Zohnahthlak te tanpuina atan Inrinni khan Serchhip-ah Charity Concert neih a ni.

Serchhip Police ten Beer leh Kuhva hring an man

Image
Serchhip Police te chuan Zirtawpni khan rampawn atanga lakluh nia hriat Cane Beer 3120 leh Kuhva hring bag 90 an man.

TKP in thisen Unit 53 pe

Image
BCM hnuaia Thalai Kristian Pawl (TKP) Bungtlang Pastor Bial te chuan Serchhip Blood Bank-ah dah turin Inrinni khan thisen Unit 53 an pe a, thisen petute hi mipa 39 leh hmeichhia 14 niin Blood Bank-a thawktu ten Bungtlang khua ah kal chilhin thisen hi an lak sak a ni.

Pentikos ni hman a ni

Nimin Pathianni (May 27, 2023) kha Kristian te ni pawimawh, Pentikos ni a ni a, Kohhran hrang hrang ten he ni hi urhsun takin an hmang a ni. Pentikos Ni hi Thuthlung hlui hunah chuan Kalhlen Kut tiak ni atanga ni 50-na ah hman thin niin Thuthlung thar hunah chuan Isua Krista thihna hneha a thawhlehna ni (Easter) atanga ni 50-na ah hman thin a ni. Presbyterian Kohhran chuan chawhma, chawhnu leh zan lamah te thupui hrang hrang neiin Pentikos ni hi an hmang a, Baptist Church of Mizoram (BCM) chuan ‘Thlarau thinghlim thlen ni’ ti-a hmangin thupui thlan bik neiin hun an hmang a, UPC North East India Kohhran pawhin Kohhran tinah he ni hi mahni remchan angin urhsun takin an hmang bawk a ni.

Kumtling lo ruihhlo khawih tlem

Central YMA hnuaia ruihhlo dotu, Central Anti Drugs Squad (CADS) hruaitute chuan tunhnai thla thum chhunga ruihhlo khawih an mante an zirchianna atangin kumtlinglo zingah ruihhlo khawih an la tam vak lo nia a lan thu sawiin, chung mite data an lakkhawmah kumtlinglo an awm mang lo tih an sawi a. Ruihhlo ti leh zuar an man tam berte chu kum 20 leh kum 40 inkar an ni deuh ber tih an sawi bawk. CADS hruaitute chuan tunlaiin ruihhlo (heroin) hlawm lian tham a tawlh a tam hle tih sawiin, chungte chu Myanmar lam atanga rawn chhuk a ni deuh ber tih an sawi bawk.

Heroin No. 4 man tam

Central YMA hnuaia ruihhlo dotu pawl, Central Anti Drugs Squad (CADS) leh Excise & Narcotics Department tangdun chuan Inrinni khan Aizawl-ah khan Heroin No. 4 Hawng 126 zet an man a. Thudawn danin Zirtawpni zanlai-a New Capital Branch YMA duty ten Heroin No.4 tlem te an mansak chu chhui zuiin, an mi man pakhat hnen atangin Zokhawthar atanga motor pakhat in ruihhlo engemaw zat a rawn phurh thu hi an hre thei a, Inrinni zing khan Aizawl Power House phei-ah Heroin No. 4 Hawng 126 (kg. 1.602) hi an man ta a ni.

Pawl 3 ten thutkhawm nei

Inrinni khan Aizawl Mihlun thlahte, INTACH Mizoram Chapter leh Aizawl Hmathlir Pawl te chu Aijal Club Conference Hall-ah thukhawmin Aizawl-a Assam Rifles chhuahsan tur ram leh Aizawl Bawrhsap Pisa Pui chungchang an sawiho a. Thutkhawm an neih hnua thuchhuah an siam ah Assam Rifle in Aizawl khawpui laili lai leh a chhehvela an ram luah an chhuahsan fel vek hma chu henglai ram chhungah hian mimal leh sawrkar in kutthak rih lo se tiin vanduaithlak taka Aizawl Bawrhsap Pisapui kang ta chu a hlui hmelhmang lan dan ang a cheithat leh nise an ti a. Heng pawl pathum aiawhte telna Working Group pawh an din nghal bawk a ni.

DoNER in hmalakna enfiah

DoNER Ministry-a Deputy Secretary SD. Meena leh Assistant Secton Officer Sachin te chuan Zirtawpni khan Siaha District chhunga thingtlang khaw pakhat, Tipa RD Block hnuaia awm Lodawh khua tlawhin Sawrkar Department hrang hrang ten hmasawnna kawnga hma an lak tawhna leh hmachhawp hrang hrang an neih te a hmunah kalchilhin an enfiah a. Lodawh khaw mipuite chuan heng mite hi lo hmuakin khawtlang hruaitute nen inkawmhona an nei nghal a. Hma-sawnna kawnga hmalak ho dan tur te sawiho a ni hnuah khawtlang mamawh leh tul hrang hrangte ziakin Official te hnenah an lo thlen nghal bawk a ni.

CADC Chairman thlanna nei

Chakma Autonomous District Council (CADC) sawrkar 11-na a Session hmasa ber chu Zirtawpni khan neih niin CADC Chairman atan Kali Kumar Tongchangya thlan a ni. Tun tuma CADC Session hi Chairman thlanna hun hman a ni a, huntiam chhunga Chairman chuh tura hming pelut awmchhun Fultuli Constituency atanga thlantlin Kali Kumar Tongchangya chu Protem Chairman Hiranand Tongchangya chuan CADC Chairman atan thlan a nih thu a puang a, House Leader, CEM Rasik Mohan Chakma chuan Chairman hi a thutna thleng a kalpui a ni.

Power Secretary hovin P&E hmalakna thlirlet

Mizoram Power and Electricity Department buatsaih Work Review Meeting chu Inrinni khan neih niin sawrkar laipui-a Secretary, Ministry of Power Alok Kumar IAS chuan a rawn hmanpui a ni.

Pawlrang tharchhuah Dawhfawh hralhna hmun tlawh

Lengteng bial chhunga Pawlrang khua in dawnfawh an tharchhuah Mawmrang Farmer Producer Company (FPC) ten an hralh sakna hmun Aizawl Chanmari-a mi chu Inrinni khan Agriculture Minister C. Lalrinsanga chuan a tlawh.

Union Power Secretary leh Larsap an inkawm

Sawrkar laipui-a Secretary, Ministry of Power Alok Kumar IAS chuan Inrinni khan Governor Dr. Hari Babu Kambhampati hmuin Mizorama luiluang hmanga Kawlphetha siam chungchang leh a kaihhnawih thil pawimawh a sawipui.

Zo Hnam inpumkhatna kawngzawh neih a ni

Zo Reunification Organisation (ZoRO) bultumin Inrinni khan Aizawl-ah ‘Zo Hnam inpumkhatna kawngzawh’ neih a ni.

Zangnadawmna pek dan dik lo nia hriat zirchiang

Vairengte leh Aizawl inkar National Highway 306 (A) laihzauh hna NHIDCL in an thawh turah zangnadawmna pek dan dik lo nia lang chungchang chu MJA Kolasib District te chuan an chhui chiang.

May thla chhungin COVID-19 hri kai mi 7 boral tawh

Kumin May thla chhungin COVID-19 vangin Mizoram-ah mi 7 an thi tawh a, nimin thleng khan hri kai mi 48 an awm mek a ni.

Zofa Inkhawmpui Lian ni 2-na hman a ni

Zofate insuihkhawm leh theih nana hmalatu pawl, Zo Reunification Organisation (ZoRO) ten 'Zofa Inkhawmpui Lian' an buatsaih chu Inrinni khan a ni 2-na atan Aizawl-a Vanapa Hall-ah hman chhunzawm a ni a, he hun hi Rajya Sabha MP K. Vanlalvena chuan hmanpuiin harsatna, manganna leh neksawrna ten Zohnahthlakte a ti pumkhat tih a sawi a. Hnam thil hi kum upa leh tarte chauhin an buaipui chuan hmalakna a chak thei lo tih sawiin, tunlaiah thangthar ten hnam thil an buapui chu lawmawm a tih thu a sawi a, thalai in an buaipui tawh a nih chuan hnam thil hi a bo mai mai thei tawh lo tih a sawi bawk.

NITI Aayog Governing Council Meeting-ah Chief Minister in Mizoram mamawh te a thlen

NITI Aayog Governing Council Meeting chu Inrinni khan New Delhi-a New Convention Centre, Pragati Maidan-ah neih niin he huna tel Chief Minister Zoramthanga chuan Mizoram mamawh te a thlen a, Chief Secretary Dr. Renu Sharma chuan a tawiawm a ni.

Samagra Shiksha GSDP State Level Competition kharna Serchhip-ah neiin Champhai an champion

Image
Mizoram Samagra Shiksha hnuaia Grassroot Sports Development Programme (GSDP) State Level Competition hmasa ber chu nimin khan Serchhip Sports Complex-ah kharna hun hman a ni a, a pumpui-ah Champhai District chuan Gold Medal pahnih leh Silver Medal 2 lain an champion a ni.

New Serchhip South VC in lawmpuina an hlan

Image
New Serchhip South Village Council chuan an huamchhunga High School leh Higher Secondary School pahnih chu kumin a HSLC leh HSLC Exam-ah an tihthat avangin nimin khan lawmpuina an hlan.

Dawr 26 te hawn phal sak

Central YMA chuan dan lo-a Aizawl khawpui chhunga sumdawng dawr an kharsak 67 zinga 26 te chu an inchinfel tawh avangin hawn an phalsak leh tawh tih thuchhuah siamin an tarlang a, Mizo hming hawha Cement leh Iron Rod zuarte dawr an kharsak zinga 41 erawh chu an la inchingfel ve lo a, heng te hi dawr hawn sak phal lovin an awmna Branch te lo enzui tura tih an ni thung.

Phai Sangha ei lo turin ngen

Health Department hnuaia Food & Drugs Administration chuan tunlai hian phai atanga Sangha (Rohu) lakluhah khawnvartui rim nam a awm thu hmun hrang hrang atangin report an dawn thu leh an hmuh ang ang te chu hralh loh tura hren a nih thu an sawi a. Tunah hian Sample te enfiah tura Kolkata-ah thawn mekin hetiang Sangha hi ei rih lo turin mipuite an ngen.

Zirtirtu ten Conference nei

Mizoram Teachers Federation (MTF) chuan nimin khan Aizawl-a Chanmari YMA Hall-ah General Conference Vawi 5-na hmangin School Education Secretary Lalzirmawia Chhangte IAS chuan khuallian niin a hmanmpui a. School Education Secretary chuan Zirtirtu hna pawi-mawh ber chu zirtir a ni tih sawiin, chutihrualin mawhphurhna sang tak a nih avangin ram leh khawtlang siamthat hna thawk tur a beisei an ni bawk tih a sawi a, Zirtirtu te chu an naupang te hlawhtlin leh hlawhchham an mawhphurhna ah an dah ngam a ngai tih a sawi bawk.

Tuipui D Lei dawh dawn

South Tuipui bialtu MLA Dr. R. Lalthang-liana chuan nimin khan South Vanlaiphai-ah South Tuipui MNF South Block Political Training hmanpuiin cheng nuai 9200 sengin Tuipui D, Darzo Kai-ah Lei lian dawh a nih tur thu a puang a, “He lei dawh tur atan hian a bul vela mite tana compensation pek tur cheng nuai 700 zet pawisa pawh DC Office-ah a awm tawh a ni,” a ti a. Hemi thilah hian Delhi a kal apiangin BRO hotute leh Finance Ministry lamte nasa takin a nawr ziah tih sawiin, he Lei hi Kawlchaw Lei aia sei tur leh Motor lian pawh insulpel thei tura dawh tur a nih thu a sawi bawk.

Department siam thar

Mizoram sawrkar chuan Department thar, 'Resource Mobilization Department' a siam thar. Hemi chungchanga nimin-a sawrkar in thuchhuah a siamah Department thar 'Resource Mobilization Department' din a nih thu hi a tarlang a, Government of Mizoram (Allocation of Business) Rules, 2019 hnuaia Rule 3 in a inziak angin he Department tharin a hnathawh tur leh mawh-phurhna te chu la duanfel tur a ni. Department thar a pian avang hian Rule 3 of Government of Mizoram (Transaction of Business) Rules, 2014 hnuaia First Schedule – List of Departments pawh siam thar a ni a, Mizoram sawrkar hnuaiah Department 44 a awm ta a ni.

Mizoram-a NSS hmalakna leh hmachhawp thlirho

State Level National Service Scheme (NSS) Advisory Meeting vawi 19-na nimin-a neih ah nikum chhunga NSS hmalakna thlirletin kumin a hmalakna tur thlirho a ni.

Aizawl-ah TGFI Convention vawi 24-na neih a ni

Tourist Guides’ Federation of India (TGFI) Convention vawi 24-na chu nimin khan Aizawl-a Dawrpui Multipurpose Hall-ah neih a ni.

ECI Team ten State sawrkar hotute an kawm

Mizoram inthlanpui lo awm tur chungchangah Election Commission of India atanga lo kal Senior Election Commissioner leh a Team-te chuan niminpiah khan sawrkar hotu pawimawh te kawmin inthlan felfai tak neih a nih theihna tura thil tulte an sawipui.

Central YMA in CEC ngen

Central YMA chuan Election Commission of India-a Chief Election Commissioner (CEC) hnenah Mizoram atanga mahni duh thu ngeia Tripura-a pem Bru te Mizoram Electoral Roll atanga paih hna thawh mek chu chak taka kalpui tur leh kumin kumtawp lama Mizoram inthlanpui hma ngeia paih kim tura ngenna lehkha an thehlut a. He lehkha hi Mizoram-a cham mek Senior Election Commissioner Dharmendra Sharma leh a Team-te hnenah Central YMA hian an hlan a, a copy hi Union Home Secretary leh Mizoram Chief Secretary te an pe bawk a ni.

Raltlan let duh lo tan awmna hmun a awm tih sawi

Supply Minister K. Lalrinliana chuan Mani-pur buaina avanga sahimna zawnga Mizorama rawn lut te chu an chenna hmunah let leh duh an awm chuan an let leh thei ang a, an let duh lo a nih chuan Bairabi bulah chhungkaw 100 awm theihna tur ram a awm thu a sawi.

Hnam inpumkhat leh inlungrual kan nih zel theih nan ZoRO hmalakna thlawp a tul - I&PR Minister

Information and Public Relations Minister Lalruatkima chuan, “Hnam inpumkhat leh inlungrual kan nih zel theih nan ZoRO hmalakna hi kan thlawp a, a tul anga kan lo tawiawm hi a pawimawh hle a ni,” a ti.

Thil pathum lek!

Image
Thil pathum lek! - Zonuna Kawlni

Raltlan rawn lut pung zel

Manipur buaina avanga Mizoram-a raltlan rawn lut chu nimin tlai thleng khan mi 7927 an tling ta a, Serchhip District-ah pawh mi 47 zet an awm tawh a ni.

June 9, 2023-ah Green Mizoram Day hmang dawn

Image
Nimin-a Serchhip District Level Committee on Green Mizoram Day thukhawm chuan thla thar June 9, 2023 khian Serchhip District-ah Green Mizoram Day hman nise an ti.

Education & Drug Awareness Campaign nei

Tuichangral Zirlai Pawl (TCZP) General Assembly in Tuichangral huamchhunga zirlaite tan Education & Drug Awareness neih a lo rel tawh angin nimin khan a thawh khatna atan Khawlailung khuaa High School chin chunglam zirlaite tan Govt. High School, Khawlailung-ah Awareness Campaign neih a ni a, he hun hi an pawl President Lalthawhsaka Fanai chuan kaihruaiin Resource Person atan RK. Hnuna Director, ZoCareer Solution-a Director RK. Hnuna leh Mizo Students' Union, General Headquarters a Treasurer Zodinsanga te hman an ni a. Nimin vek khan chawhnu lamah North Vanlaiphai khaw chhunga High School leh a chunglam zirlaite tan Govt. High School, N.Vanlaiphai-ah hun hman chhunzawm a ni bawk. Ruahman lawk ang chuan Awareness Campaign hi Vawiin hian East Lung-dar leh Sailulak-ah te neih leh tur a ni ang.

MZP Federal Council Sitting

MZP Federal Council Sitting vawi 56-na chu nimin khan Sakawrtuichhun-ah neih a ni a, he hun hi an pawl Vice President Andrew F. Lalramnghaka chuan kaihruaiin ‘Mizo hnam hrang hrang hnam ziarang humhim leh kan inhriatpawh lehzual theih nan zirlaibu-a telh turin MZP-in hmalak ni rawh se’ tih leh ‘Kum 2024-ah ZOFEST buatsaih leh ni rawh se’ tih te chu MZP Assembly 2023-a rel tura pawm a ni. Nimin-a MZP Federal Council Sitting-ah hian an President Lalnunmawia Pautu chuan MZP chu an hruaitu hmasate atangin ram leh hnam hmangaih tura inzirtir leh engkima ram leh hnam dah hmasa tura beisei an nih thu a sawi a ni.

State Insurance Meeting nei

Nimin khan State Insurance Meeting chu Aizawl-a Hotel Regency Conference Hall-ah neih a ni a, he hunah hian Mizoram sawrkar aiawha tel LESDE Secretary  Lalramsanga IRS chuan Mizoram-ah Insurance Policy la an la tlem hle tih sawiin, Insurance policy la kan pun theihna turin a tam thei ang bera inhrilhhriat a pawimawh thu a sawi bawk. He hunah hian Insurance Regulatory and Development Authority of India atanga tel Gautam Kumar chuan IRDAI chuan hmachhawp neiin chu chu kum 2047 ralhma a India mipui ten Insurance policy an neih vek a nih thu a sawi bawk.

Airport chungchang thlen

Rajya Sabha MP K. Vanlalvena chuan nimin khan Govt. Lengpui High School kum 50 tlin (Golden Jubilee) lawmna hmanpuiin sawrkar hriatpui damlo emergency te Lengpui Airport-a tumpui theih loh chungchangah Central Aviation lam hotu an zuk dawr tawh thu sawiin, hetiang Airport pali zingah hian kan tel thu leh dilna te an siam angin reilote ah sawrkar hriatpui damlo emergency hruai ngaite tan thu lawmawm kan hre thuai turah a ngaih thu a sawi.

Tomato atangin sum la tam

Champhai District-a Tuipui khua chuan kumin hian a thar hun pangngai ni lova Tomato an chin atangin cheng nuai 9.7 an lalut tawh tih an sawi a, Tuipui-ah hian chhungkaw 32-in Off-Season Tomato hi chingin nimin khan an Tomato chin hi quintal 50 an lo a, tun tum hi kumin-a tum 7 an lawhna ni tawhin, nimin-a an lawh nen hian quintal 217 an lo tawh a ni. Tomato hi Kg. khat Rs. 45 zela hralh niin, kumin-a Tomato an hralhna atang hian Rs. 9,78,200 an lalut tawh a ni. Tuipui khua hian tun dinhmunah Tomato hi Quintal 1,000 vel lawh tur an la nei anga ngaih a ni.

Minister in raltlan te tlawh

School Education Minister Lalchhandama Ralte chuan Manipur buaina avanga a bial chhung Sakawrdai leh Khawpuar-a raltlan rawn lut te chu nimin khan tlawhin anmahni tanpuia chhawmdawl turin Mizoram sawrkar a inhawng tih a hrilh a. Minister chuan a bial chhungah raltlan 1200 chuang an awm tih sawiin, a tam zawkin an chhungte an bel a, Camp a awm ngai engemaw zat an awm avangin heng mite tan hian khawsakna tur Camp sak a nih thu leh raltlante Camp lian ber chu Sakawrdai-ah sak a nih thu a sawi a ni. Minister chuan Relief Camp chu a nuam thei lo tih sawiin, hnathawk thei rualte chuan VC te berawn chunga a theih ang anga an mamawh tuak nan hna thawk turin a chah a ni. Tun dinhmun ah Sakawrdai Camp-hian mi 73 khawsa mekin Vaitin YMA Hall-ah mi 12 an khawsa bawk a ni.

Tribe List siamthat ngen

PC Party chuan Mizoram Tribe list siamtha tura ngenna nimin khan Mizoram sawrkar Home Minister hnenah an thlen.

AAY leh PHH ten khawi hmunah pawh Ration la thei

Sawrkar chuan One Nation One Ration Card (ONORC) Prog-ramme hnuaiah NFSA beneficiaries (AAY & PHH) te chuan India ram khawi hmunah pawh Ration buhfai an la thei tawh tih a sawi.

HSLC leh HSSLC Topper te Larsap in a lawmpui

Kumin-a High School Leaving Certificate (HSLC) leh Higher Secondary School Leaving Certificate (HSSLC) Examination 2023 Result chhuaka pakhatna te chu Governor Dr. Hari Babu Kambhampati chuan nimin khan lawmpuina thilpek a hlan.

Agriculture Department hnuaia hmalakna te Agriculture Minister hovin thlirho a ni

Agriculture Department-a Officer leh Mizoram KVK-a Senior Scientists & Head te chuan nimin khan Agriculture Minister C. Lalrinsanga hovin an hmalakna hrang hrang thlirletin hmalak zelna turte an sawiho bawk.

CADC CEM atan Rasik Mohan Chakma lalut

Chakma Autonomous District Council (CADC) Inthlanpui vawi 11-na neih zawh a nih hnuah CADC Chief Executive Member (CEM) atan MNF atanga thlantlin Rasik Mohan Chakma chu nimin khan rinawmna thu tiam tira lakluh a ni.

Election Commission of India Official-ten Mizoram inthlanpui lo awm tur inbuatsaihna enfiah

Election Commission of India (ECI) atanga lo kal Senior Election Commissioner Dharmendra Sharma leh a Team te chuan Mizoram inthlanpui lo awm tura inbuatsaihna hrang hrangte nimin khan endikin Mizoram District hrang hranga District Election Officer (DEO) ten an hmalak mekna te an hrilhfiah bawk.

Zangnadawmna hmuh har vangin ram neitu ten Serchhip by-pass Road siam mek an dang

Image
National Highway-54 laihzauh leh siamthat hna thawh mekah he kawngpui in Serchhip khawpui a helna tur kawng laiha ram neitu thenkhat te chuan tun thlenga zangnadawmna pek an la nih loh avangin niminpiah (May 23, 2023) tlai dar 3:00 atang khan Serchhip by-pass Road hi an dang a, nimin tlai khan Serchhip Addl. DC James Lalnithanga hovin inbiakna an neih hnuah an kawng dan hi tihtawp a ni.

Samagra Shiksha hnuaia GSDP Football inelna hmasa ber Serchhip-ah I&PR Dy. Director in a hawng

Image
Samagra Shiksha hnuaia Grassroot Sports Development Programme (GSDP) Mizoram State Level Football intihsiak hmasa ber chu nimin khan Serchhip-ah neih tan niin Serchhip DIPRO leh I&PR Department Deputy Director K. Saitluanga MIS chuan a hawng a, hemi rual hian Thenzawl-ah Hockey intihsiakna neih tan ve a ni bawk.

Police fa zirlai hlawhtling te chawimawina hlan

Image
Kumin-a HSLC leh HSSLC Exam-a Ser-chhip District-a Police (District Executive Force) Staff fa te zinga hlawhtlinna chang te lawmpuina hun chu nimin khan Serchhip SP Conference Hall-ah neih a ni.

Bawrhsap hovin Ruihhlo do dan tur sawihona neih a ni

Image
Nimin khan Serchhip-ah District Bawrhsap hovin District Level Task Force on Ruihhlo Do chu thukhawmin ruihhlo dona kawnga hmalak dan tur hrang hrang an sawiho.

Ruihhlo leh pawisa man

Image
Serchhip-a awm 42nd Bn. Assam Rifels te chuan tunkar Thawhtanni zan khan an thudawn bawhzuiin Thenzawl Bazar Veng-ah Heroin No. 4 gram 92.6 a rit, Inchiuna hmanrua (Syringe) 120, pawisafai Rs. 2,05,480 leh pawisa Rs. 500 leh 200 note pawhthler engemaw zat an man a, he thila inhnamhnawih nia rinhlelh mi 2 te chu man hman lohin an tlanchhia niin Assam Rifles atanga kan thudawn chuan a sawi. Heng Ruihhlo leh a kaihhnawih bakah pawisa an man te hi nizan hmasa khan Serchhip-a Excise & Narcotics Department kutah hlanin nimin khan Court lamah dahluh a ni.

Hri kai enkawllai 5 awm

Nimin tlai thleng khan Serchhip District-ah COVID-19 hri kai enkawllai mi 5 an awm. Nimin khan Serchhip District-ah COVID-19 hri kai hmuh belh awm lovin hri kai enkawllai zingah mi pakhat chu enkawl dam a ni a, hri kai enkawl dam hi East Lungdar khua a ni. Heti hian nimin tlai thleng khan Serchhip District-ah COVID-19 hri kai enkawllai mi 5 la awmin an vaiin North Vanlaiphai khua vek an ni a, hri kai hmuh tawh zawng zawng 14,673 atangin 14,631 te chu en-kawl dam an ni tawh a ni.

Meth kg. 9 chuang man belh

Mizoram Police Special Narcotics Police Station leh Assam Rifle tangkawpin niminpiah a Ch. Chhunga Bus Terminal, Thuampui-a Methamphetamine kgs. 9.750 an man sak Zothanmawia (32), Zokhawthar, Champhai District thu an zawh-fiahna atangin nimin khan Durtlang Veng-a a thuhruk Methamphetamine kgs. 9.750 dang an man leh a ni a. A kut atanga Methamphetamine an man hi a vaiin kg. 19 chuang niin cheng vbc. 39 man vel nia chhut a ni.

Candidate ah MNF buai lo

MNF President Zoramthanga chuan nimin khan Serlui MNF Joint Block Conference vawi 6-na chu Vairengte Multipurpose Hall-ah hman-puiin kumin kum tawp inthlanpui lo awm turah MNF chuan Candidate turah buaina an nei lo tih a sawi a, “Pathian leh mipui zarah sawrkarna kan siam leh ngei anga, chu hun chu Malsawmna hun a ni dawn. Mizoram tan hmasawnna, mal-sawmna tinreng dawn hun a thleng thuai dawn a ni,” a ti bawk.

State Level ANTF thukhawm

State Level Anti-Narcotics Task Force (AN-TF) chu nimin khan Aizawl Police Hqrs. a DGP Conference Hall-ah thukhawmin ruihhlo dona kawnga hmalak dan tur hrang hrang an sawiho a. Ruihhlo do nan Nasha Mukt Bharat Abhiyan (NMBA) hnuaia ‘Drugs Awareness Campaign’ kalpui mek chu chhunzawm relin, Excise & Narcotics Department-in ruihhlo chungchanga mitin biak pawh theih tura an siam - Narcotics Call Centre, END website-a tarlan chu tangkai zawka mipui ten an hman an duh thu an sawi bawk.

Hmasawnna hnathawh thlirho

Nimin khan Hnahthial-ah District Development Coordination & Monitoring Committee chu an Chairman leh Mizoram Lok Sabha MP C. Lalrosanga hovin an thukhawm a, Lok Sabha MP chuan Hnahthial District chuan hma a sawn chak hle nia a hriat thu sawiin, DISHA Meeting chu Central Govt. Scheme pawimawh zawng zawng thlirhona leh zirchianna anih avangin Sawrkar Laipui in a ngaih pawimawh takzet thu a sawi a. Sawrkar Laipui Scheme hrang hrangte chu thingtlang mipui ten an chhawr tangkaiin hmasawn nan an hmanpui thu a sawi bawk. He hunah hian Hnahthial District chhunga sawrkar laipui sum hmanga hmalakna leh hnathawh hrangte an thlirho a, Line Department ten harsatna an neih te thlenin hmalak tul te ngaihtuah ho a ni.

Paperless FSL hmasa ber

Mizoram Forensic Science Laboratory chuan thla thar June 1, 2023 atangin a tak takin lehkha tel lo (Paperless) Forensic Report an kalpui tawh dawn a, India rama a tak taka lehkha tello (Paperless) Forensic Report kalpui hmasa ber leh awmchhun a ni dawn ta a ni. Hetianga hma la tur leh a taka kalpui tur hian Sawrkar Laipui chuan National e-Governance Plan hnuaiah Inter-Operable Criminal Justice System (ICIS) siamin State sawrkar te a nawr tawh thin a. Kum 2022 May thla atang khan Mizoram FSL chu hetianga kal tur hian a inpeih tawh a ni.

Manipur atanga Mizoram-a raltlan zirlaite tan Mizoram-ah zirna chhunzawm phal a ni

Mizoram sawrkar chuan Manipur buaina avanga Mizoram-a rawn raltlan te chu Sawrkar School leh Sawrkar puih zirna In-ah te lehkha an zir chhunzawm a phalsak.

MIMA in Mizoram-ah Labour Law hman an duh lo

Mizoram Merchant Association (MIMA) chuan Mizoram-ah Labour Law hman an duh loh thu an sawi.

CM in PWD Rest House leh quarters a hawng

Bilkhawthlir a PWD Rest House leh Chowkidar quarters thar chu nimin khan PWD changtu Chief Minister Zoramthanga chuan a hawng.

Union Minister of State in Mamit leh Champhai tlawh

Union Minister of State for External Affairs & Culture Meenakashi Lekhi-i chuan nimin khan Mamit tlawhin Mamit-a sawrkar Department hotute nen inkawmna an nei.

CADC-ah MDC lakluh an ni

Chakma Autonomous District Council (CA-DC) inthlanpui vawi 11-na a Member of District Council (MDC) atana thlantlinte lakluhna inkhawm chu nimin khan Chawngte-a CADC Session Hall-ah neih niin Protem Chairman Hiranand Tongchangya chuan heng Member thar te hi rinawmna thu tiam tirin a lalut a ni. CADC ah hian nimin tlai dar 3:00 thleng khan Chairman thlanna neih tur atana chuh tum tan hming pekluh hun hawn a ni a, MNF Ticket-a Fultuli  Bial atanga thlantlin Kali Kumar Tongchangya chiah hming pelut awmin Vawiin hian chuhtu awm lova tling-ah puan a ni ang.

Hun khirh te a daihrei ngailo a, mi tumruh te an daihrei zawk thin - Chief Minister

Chief Minister Zoramthanga chuan Sports Infrastructure bakah kawng hrang hrangah a remchan dan anga hmalak a nih thu sawiin, Hun khirh tak tak leh harsatna te awm thin mahse economy in chak zawka hma a sawnna tur kawng a inhawn zel a beisei thu a sawi a, “Hun khirh te a daihrei ngailo a, mi tumruh te an daihrei zawk thin,” a ti.

Raltlan rawn lut 30 tling

Manipur buaina avanga Serchhip District a raltlan rawn lut chu nimin tlai thleng khan mi 30 an tling ta a, nimin khan raltlan rawn lut mi 3 chhinchhiah belh leh niin Saikawt Hmuntha atanga rawn lut an ni a, puitling pahnih leh naupang pakhat niin Serchhip Darnam Veng-ah an awm a, tun thla ni 15-a rawn lut an ni. Heti hian Manipur atanga Serchhip District-a raltlan rawn lut hi Thenzawl-ah mi 10, New Serchhip South-ah mi 9, Serchhip P&E Veng-ah mi 4, Serchhip Kawnpui-ah mi 4 leh Darnam Veng-ah mi 3 an awm mek a ni.

Naupang hri danna pek kalpui dan thlirho

Image
Nimin khan Serchhip-ah District Task Force on Immunization chu an Chairman leh Serchhip District Bawrhsap Nazuk Kumar IAS hova thukhawmin nausen in hri danna an lak turte kim taka an lak theihna tura hmalak dan tur hrang hrang an sawiho.

Hapkido-ah Serchhip mi in Gold Medal la

Image
May 20-22, 2023 chhunga 2nd National Hapkido Championship khelh zawh takah Mizoram chuan Gold pahnih leh Silver pakhat lain Gold pakhat hi Serchhip tlangval lak a ni.

Serchhip-ah DEP ngaituah in thutkhawm neih a ni

Image
Nimin khan Serchhip-ah District Level Committee on District Environment Plan (DEP) chu an Chairman leh District Bawrhsap Nazuk Kumar IAS kaihhruaina in Serchhip DC Meeting Hall-ah an thukhawm.

Malaria kai mi 3 awm tawh

Image
Kumin January thla atanga April thla tawp thleng khan Serchhip District-ah Malaria hrik pai mi 3 hmuhchhuah an ni tawh.

COVID-19 kai belh awm lo

Nimin khan Serchhip District-ah COVID-19 hri kai thar leh enkawl dam an awm belh lo a, Serchhip District-ah COVID-19 hri kai mi 6 enkawl mek niin an zinga mi 5 te hi North Vanlaiphai leh midang pakhat hi East Lungdar khua te an ni.

Dan loa thil zawrh dapchhuak

Image
Nimin khan Serchhip Bazar leh a chhehvel ah Hman khat daih Plastic hman khapna dan zawm lo mi engemaw zat man an ni.

Kuhva tawlh venna tur sa

Hachhek Bial Kuhva Chingtu Pawl (HBK-CP) chuan niminpiah khan hnatlang in Zamuang khua ah Dan lova ramdang Kuhva tawlh venna tur Police Check Post an sa a, he Check Post siam tur hian Mizoram Police hotute leh HBKCP te chuan a hmaa inbiakna neiin nitin darkar 24 duty an awm tawh dawn a ni. He hnatlang-ah hian Hachhek Bial khaw hrang hranga Kuhva Chingtu Association leh Society te an tel a, hmanraw mamawh Rangva leh thingzai te chu Minister Robert Romawia Royte chuan a tum sak a ni.

BJP Dist. President bang

Chakma Autonomous District Council (CADC)-a BJP District President nilai Dr. BD. Chakma MLA chuan nimin khan BJP Mizo-ram Pradesh President Vanlalhmuaka hnenah President a nihna atanga banna lehkha a thehlut a. Tuichawng bialtu MLA ni bawk Dr. BD. Chakma chuan CADC inthlan vawi 11-na neih zawh takah an party BJP chu a chet that pui tawk loh avanga banna hi thehlut a ni tih sawiin, a banna hi pawmsak ngei turin BJP President chu a ngen bawk a ni.

Dy. CM in lungphum phum

 Aizawl Smart City Project hnuaia Chaltlang Sports Multipurpose Hall, DIET Complex leh Upgradation of Aizawl Tourism Centre, Tourist Lodge Chaltlang sakna tur lungphum chu nimin zing khan Deputy Chief Minister Tawnluia chuan a phum a, Chaltlang Sports Multipurpose Hall hi cheng vbc. 13.52 senga sak tur niin Basketball Court, Table Tennis, Boxing Ring, Gym, Parking, Dormitory a awm dawn a. Terrace Level ah hian 4 Wheeler parking 10 leh First Floor ah 2 Wheeler parking 64 leng tura ruahman a ni ang. Aizawl Tourism Centre Upgradation hi cheng vbc. 18.11 senga sak tur niin Mizopa chhiara chhawng li tur niin mi 400 lenna tur Auditorium pawh sak tel a ni dawn a ni.

Vbc. 19 hu Meth man a ni

Mizoram Police hnuaia Special Narcotics PS leh Assam Rifle tangkawp chuan nimin khan Aizawl Thuampui-a Ch.Chhunga Bus Terminal-ah Methamphetamine nia hriat kgs. 9.750 (mum 1,00,000) zet an man a, heng damdawi te hi Zothanmawia (32), Zokhawthar, Champhai District nia inchhal kut atanga man niin thubuai siam sak nghal a ni a, a kaihhnawih dang awm thei te Police-in an chhuizui nghal a ni. Heng damdawi te hi international market-a cheng vbc.19.5 hu vel nia chhut a ni.

MZP in thutkhawm an nei

 Mizo Zirlai Pawl (MZP) General Headquarters chuan nimin khan Aizawl-a MZP Conference Hall-ah Executive Committee thutkhawm neiin May 25, 2023-a MZP Federal Council Sitting vawi 56-na neih turah ‘Mizo hnam hrang hrangte hnam ziarang humhim leh kan inhriat-pawh lehzual theih nan zirlaibu-a telh turin MZP-in hmalak ni rawh se,’ tih leh ‘ZOEST hi kum 2024-ah buatsaih leh ni rawh se,’ te chu te chu chhawpchhhuah turin an pawm a. Manipur buaina kal mekah Manipur a Zohnahthlak zirlai pawl leh Community Tribe hrang hrang hruaitute nen a rang lama Joint Meeting neih ngei nise an tih bakah, Kan ram, kan hnam kal zel tur thlir chungin Mizorama hna lak leh hamthatna hrang hrangah a tling leh tlak, ram leilung fate ngei lak an nih zel theih nan hmalak an rel bawk a ni.

Zofate inpumkhatna atana min phuar khawmtu pawimawh tak chu Martar te an ni - Tawnluia

 MNF Senior Vice President leh Deputy Chief Minister Tawnluia chuan, “Zofate inpumkhatna atan leh inzawmkhawmna atana min phuar khawmtu pawimawh tak chu Martar te an ni,” a ti.

Raltlan 27 chhinchhiah tawh

Manipur tualchhung buaina avangin Serchhip District-a rawn raltlan chhinchhiah belh mi 9 awmin heng te nen hian Manipur a\angin Serchhip District-ah raltlan mi 27 an rawn lut ta a, tun \uma raltlan ziahluh te hi Nghathal a\anga rawn lut niin New Serchhip South VC Area-ah an awm a, naupang 3 telin tun thla tir lama rawn lut an ni.

Tunhnaia Serchhip District-a Vawk thi zingah Vawk hri vanga thi finfiah a awm lo

Image
Tunhnaiah Serchhip District-ah Vawk thi 40 vel zet chhinchhiah awmin, heng Vawk thi zingah hian hri leng avanga thi finfiah awm lovin khaw lum vanga thi nia rinhlelh an ni a, Vawk thi hian ziaawm lam a pan tawh niin AH & Vety Department hotute chuan an sawi a ni.

Serchhip by-pass road ah a zatve aia tam zo tawh

Image
National Highway-54 laihzauh leh siamthat hna thawh mekah Serchhip khawpui helna tura kawng thar laih ah hna thawh tur zatve aia tam an zawh tawh thu hnathawktute chuan an sawi.

H/S Headmaster sawn tum duh lovin pungkhawm

Image
Serchhip District chhunga Bungtlang khaw mi thenkhat leh zirlaite chu Govt. Bungtlang H/S Headmaster sawn tum duh lovin nimin zing khan Govt. Bungtlang H/S bul tual-ah an pungkhawm.

Hri kai thar 5 leh dam 8 awm

Nimin khan Serchhip District-ah COVID-19 hri kai mi 5 hmuh belh niin hri kai zingah mi 8 te enkawl dam an ni. Nimin-a Serchhip District-a COVID-19 hri kai hmuh belh mi 5 te hi North Vanlaiphai khua atanga hri kai hmuh te vek an ni a, hri kai enkawllai zingah East Lungdar atangin mi 5 bakah New Serchhip, Thenzawl leh North Vanlaiphai-a mi pakhat theuh te enkawl dam an ni bawk. Heti hian nimin tlai thleng khan Serchhip District-a COVID-19 hri kai hmuh tawh chu 14,673 niin an zinga 14,630 te enkawl dam an ni tawh a, hri kai enkawllai mi 6 la awmin North Vanlaiphai-ah 5 leh East Lungdar-ah pakhat an ni a, hri kai zingah mi 37 an boral tawh a ni.

Oil Depot hmalakna sawiho

Supply Minister K. Lalrinliana hovin nimin khan a Pisa-ah Indian Oil Corporation Ltd (IOCL) leh sawrkar Department dang ten Sihhmui a Railfed Oil Depot din tur chungchang an sawiho a. Oil Depot siamna tur atana ram lak turin a kaihhnawih tihfel ngai te sawiho niin Oil Depot ram tura High Tension Line kal sawn dan tur ruahmanna leh hmalak tawhna chu Power Grid Corporation India Limited in report an pe a, PWD lamin a kalkawng tur zauh dan leh a kawng siam that dan tur ruahmanna awm te leh an hmalakna te an sawi bawk a, Geology & Mining-in a hmun an survey na report pe in a ram leilung awm dan zirchianna leh a ngheh leh ngeh loh chungchang te report an pe bawk a ni.

National Library Day hmang

National Library Day, 2023 denchhenin nimin khan Lunglei District Library-ah hun hman a ni a, zirlai bakah mi thenkhat ten Library hi tlawhin he ni pual hian Free Membership Registration Drive neih a ni bawk. Lunglei District Library hi kum 1975 khan bultan niin Lunglei District Librarian hmasa ber chu Dr. Hranghrima a ni a, a bultan kum 1975 atanga a pension kum 1998 thlengin a enkawl a ni. Tun dinhmunah Lunglei District Library-ah hian Member 1500 vel awmin lehkhabu 25,000 chuang a awm a, District Librarian Vanlalhruaii Sailo leh Staff pakhat in enkawlin Saikuti Hall 4th Floor-ah a awm a ni.

CM hnenah tanpuina sum hlan

Manipur-a Zohnahthlak harsatna tawkte a tul anga puihna turin Hope for Tomorrow, Indianapolis, USA leh Dawthnin Thang te chhungkua chuan nimin khan Chief Minister Zoramthanga hnenah cheng nuai thum an hlan a, Hope for Tomorrow hi USA-a Chin community te hmasawnna leh puihna tura Non-Profit Organization din a ni. He hunah hian tanpuina petute chuan Myanmar buai avanga Mizoram-a sahimna zawngte tan hma an lak mek dan leh tunah hian Champhai ah raltlan naupangte tan Primary School din tura hmala a Mizoram rawn kal an nih thu Chief Minister chu an hrilh a. Chutih mek laia thenawm State a buaina chhuak avanga harsatna tawkte chu kawng engemaw tala puih tul nia an hriat avangin an theih ang ang thawha tanpuina hi hlan an nih thu an sawi bawk a ni.

Union Minister rawn zin

Union Minister of State for External Affairs & Culture Meenakshi Lekhi-i chuan zan hnih riaka Mizoram tlawh turin nimin khan Aizawl a rawn thleng a, Lengpui Airport-ah Art & Culture Minister R. Lalzirliana leh sawrkar mi pawi-mawh ten an lo hmuak a ni.

MSCPCR in naupang chungchang thehdarh pawi ti

Mizoram State Commission for Protection of Child Rights (MSCPCR) chuan naupang harsatna tawkte nihna chhuichhuah theihna tura mipui vantlang hmaa thehdarh a ni chu pawi an tih thu an sawi.

Badminton Team Chief Coach in CM a kawm

National Badminton Team Chief Coach Pullela Gopichand chuan nimin khan Chief Minister Zoramthanga hmuin Mizoram-a Badminton tihhmasawnna tur kawng hrang an sawiho.

NEGIS 2023-a Mizoram tel ve theihna tur sawiho

Ministry of DONER buatsaih North East Global Investors Summit (NEGIS)-a Mizoram tel ve na tur ngaihtuahin nimin khan Empowered Committee for Investment in Mizoram chu Chief Minister Zoramthanga hovin an thukhawm.

Tlawng lui-ah Tui a tam leh tawh tih sawi

PHE Aizawl Water Transmission Division-a Executive Engineer C. Zothantluanga chuan kumin-ah ruahtui a tlak har avangin Aizawl khawpui chawmtu tui lakna Tlawng-ah duhkhawp tui pump tur a awm lo hman tih sawiin, vanneihthlak takin tunhnaia ruahsur khan tui a ti tam deuh tih a sawi a. Tun thla ni 15 vel atanga khan Aizawl Greater Water Supply Scheme Phase-I Pump tura Phase-II atanga tui pekchhawn ngai thin pawh ngai tawh lovin, Phase I leh II-ah dan pangngaiin a rual-a tui pump ve ve theih a ni leh tawh tih a sawi a. Ruahtui tlain tui ti tam thut thin mah se, ruah a tlak chhunzawm loh chuan tui a kam chak hle thin tih a sawi bawk.

Rajya Sabha MP in BRO hnathawh a sawipui

Mizoram Rajya Sabha MP K. Vanlalvena chuan nimin khan Border Roads Organisation (BRO) Director General, Lt. General Rajeev Chaudhry VSM chu a Office-ah hmuin Mizoram-a BRO hnathawh hrang hrang chungchang a sawipui.

ZoRO chu Political Party a ni lo tih sawi

Zo Reunification Organisation (ZoRO) General Secretary L. Ramdinliana Renthlei chuan ZoRO chu Political party a ni lo tih sawiin, Zofa zawng zawng chu ZoRO-ah hian an leng vek tih a sawi.

Hmasawnna leh Environment humhalh hna in su buailo-a a kalkawp theih a pawimawh thu sawi

Environment, Forest and Climate Change Department changtu Minister TJ. Lalnuntluanga chuan khawvel thiamna a sang chho zelah kan environment nasa takin a inthlak danglam tih sawiin, hmasawnna leh environment humhalh hna chu in su buailo-a a kalkawp theih nan thiamna sang tak kan neih a pawimawh thu a sawi.

Serchhip DEF ten dan lova phurh nia hriat Kuhva man

Image
Serchhip District Police te chuan khawchhak lam atanga dan lova lakluh nia hriat Kuhva hring bag 190 zet chu Ningani khan manin Inrinni khan Custom Preventive Force te kuta hlan tura tih a ni.

YP Sunday pualin hun hmang

Salvation Army chuan nimin Pathianni kha ni pawimawh Naupangte Pathianni, Young People (YP) Sunday atan an hmang a, Mizoram khaw hrang hranga Salvation Army Corps leh Society te'n YP Sunday hi urhsun taka hmangin Serchhip a Corps hrang hrangah pawh he ni hi urhsun taka hman a ni. He ni pual hian Salvation Army Corps hrang hrang chuan chawhma Inkhawmah YP pual Programme hlimawm tak hmangin, Sunday School Department hrang hrang ten Zaipawl, Chang sawirual, Solo leh Special items dangte an entir a, Commanding Officer leh Kohhran puipate hnena atangin YP Sunday pawi-mawihna leh naupang te nunkawng dik inzirtirna lam hawi Pathian thuchah hrang hrang ngaihthlak a ni bawk.

Hri kai enkawllai 9 awm

Inrinni leh nimin khan Serchhip District-ah COVID-19 hri kai leh enkawl dam chhinchhiah belh an awm lova, nimin tlai thleng khan Serchhip District-a COVID-19 hri kai hmuh tawh zat chu 14,668 niin an zinga 14,622 te enkawl dam an ni tawh a, hri kai enkawllai mi 9 awm mekin hri kai te zingah mi 37 an boral tawh a ni.

Chief Minister in tlawh

Chief Minister Zoramthanga chuan kumin HSLC exam-a Topper Cynthia Lalhlupuii Shang-pliang, a bial Aizawl East-I chhung ami ni bawk chu Inrinni khan Falkland a chenna In-ah tlawhin lawmpuina thuziak leh Laptop a hlan a, a kal zelna turah duhsakna a hlan nghal bawk. Chief Minister hian tunhnaia Manipur buaina avanga raltlan Berawtlang Art & Culture hmuna awm te chu tlawh bawkin an mamawhte sawrkar hnenah thlen hreh lo tura chahin tanpuina tangkafai a pe bawk a. Art & Culture building-a awm mek te hi an vaiin mi 33 niin naupang 30 leh anmahni enkawltu 3 te an ni a. Manipur-a enkawltu nui leh pa nei tawhlo chawmna hmun atanga lo kal an ni.

Thli tleh avangin Siaha District-ah In chhia tam

Kar hmasa kar tir lama thlipui tleh in Siaha District a nuai avanga chhiatna thlen dan kim-chang hriat theih a ni ta a, he thli tleh avang hian Khua leh Veng hrang hrangah In luahzui tlak loha chhia 27 awmin chhe nel nual 20 a awm a, a then chhia 79 awm bawkin heng zingah hian Refugee Camp 2 a tel bawk a ni. Siaha District Disaster Management Authority chuan heng chhiatna thleng report an dawn te hi a theih ang chin chin endikin, State sawrkar a report an pek hnuah State sawrkar in tanpuinna a ngaihtuah sak thei a nih chuan hmalak a ni ang tih thuneitute chuan an sawi bawk.

ASF vangin Vawk 83 thi tawh

Tunhnaiah Champhai District-a Vawk hri, African Swine Fever (ASF) hmuhchhuah leh a nih hnuah ASF vanga Vawk thi chu 83 zet an tling leh ta a, District dangah ASF hri leng hmuh ala awm rih lo thung a ni. ASF vang hian Champhai District-a Ngur khuaah Vawk 69 an thi tawh a, Champhai Zote-ah Vawk 11 an thi tawh bawk a, ASF vei nia rinhlelh vawk 38 tihhlum a ni tawh bawk.

RRR Collection Center hawng

Aizawl Municipal Corparation (AMC) chhunga Ward hrang hrangte chuan Inrinni khan Reduce, Reuse, Recycle (RRR) Collection Center an hawng. RRR Collection Center-ah hian Plastic Bottle, Thawmhnaw hlui leh puan hlui, Pheikhawk hlui, Chanchinbu hlui, zirlaibu hlui leh lehkhakhawng lam chite dahkhawm theih reng a ni dawn a, Centre hawn a nih atanga June ni 5, 2023 thlengin ni tin zing dar 7:00 atanga chawhnu dar 1:00 thleng dah theih a ni ang. Heng bungrua dahte hi mamawhtute'n a thlawnin an mamawh angte chu an la thei dawn bawk a ni.

Raltlan te tan zirna In hawng

Myanmar atanga Mizoram-a raltlan zirlaite pual bika Siaha-a School din chu Zirtawpni khan Chin State Chief Minister hlui Ni Sui Lian-i chuan a hawng. He School hi Myanmar ramhnuai sawrkar National Unity Government hriatpuia din niin a din tirh ah Myanmar raltlan naupang 192 chu an inziaklut a, Vawiin May 22, 2023 hian Class tan a ni ang. He School hotulu ber tur Dr. Pen Hmung Ling chuan Myanmar zirlai lehkhabu hmanga zirna hi kalpui a nih tur thu sawiin, mimal School pakhat-a zirlaite ban hnu, chawhnu dar 3:00 atangin School hi an hmang ve dawn a, Siaha-a Myanmar Refugee Committee in an enkawl ang. MBSE buatsaih Pawl 10 tana HSLC Exam-ah khan Myanmar raltlan zirlaite’n an ti tha hle nia thudawn ni bawkin Farkawn khua atanga zirlai Exam te chuan an pass vek a, mi 3 in Distinction-ah an pass nia thudawn a ni bawk.

ITLF hruaitu ten Central YMA hruaitute an kawm

Tunhnaia Manipur State tualchhung buaina avanga Manipur-a cheng Zohnahthlak Hnam pual pawl hrang hrangte intélkhawmna tura din thar, Indigenous Tribal Leaders Forum (ITLF) hruaitute chuan an Chairman Pagin Haokip hovin Central YMA hruaitute an kawm.

Thirsakawr-a India fanchhuah tumin Mizoram a tlawh

Mahni Thirsakawr (Bicycle) khalh a India ram fanchhuah tum mek tu Aasha Malviya-i chuan Mizoram rawn tlawhin Governor leh Chief Minister te a kawm.

Chhiah hmuh tam ber thla ah vbc. 134.78 lut

Mizoram sawrkar Taxation Department chuan sawrkar kumthar hnu, April, 2023-ah Chhiah Rs. 1,34,78,34,419 a hmu nghal a, thla khat a chhiah a hmuh tam ber a tling nia hriat a ni.

Mizoram-ah sawrkar hnathawk 49,282 an awm

Tun dinhmunah Mizoram sawrkar hnuaiah hnathawk MR/PE atanga Group A-ah mi 49,282 an awm mek a, chung mite thla khat hlawh atana sen thin chu cheng Vbc. 334.20 a tling. Hetihlai hian tun dinhmunah sawrkar hnathawkten awlsam zawka GP Fund an hman dan tur ruahmanna a awm rih lo.

Council of Churches kalphung tur pawm a ni

Mizoram-a Kohhran hrang hrangte inzawmkhawmna tur, Council of Churches in Mizoram-a Kohhran te inpumkhatna leh thawhhona tur ruangam leh kalphung tur an duan chu pawm a ni a, mahni Kohhran inkhawmpuiah theuh ngaihtuah leh hnuah la thutkhawm leh nise an ti.

Central YMA ngenna angin Aizawl-a hnamdang thurualpui-a sumdawnna hmun nia hriat te khar

Aizawl khawpui chhunga Iron Rod, Cement leh Balu dawr siam zingah dan lova Hnamdang mite thurualpuia siam nia hriat dawr te chu Central YMA hruaitute chuan Inrinni khan an dawr-ah theuh kal chilhin khar turin an ngen a, dawr engemaw zat chu khar nghal a ni.

UK-ah Mizo thalai Nurse thawn tum a ni

Mizoram Youth Commission (MYC) Chairman Dr. Vanlaltanpuia chuan, “United Kingdom-a thawk turin Mizo thalai nurse a tam thei ang ber thawn kan tum a ni,” a ti.

Kumin-ah COVID-19 hri kai mi 6 boral tawhin hri kai atanga chhutin 1.72 zetin an thihpui

Tunhnaia Mizoram-a COVID-19 hri kai hmuhchhuah an nih leh hnuah May thla chhungin COVID-19 vangin Mizoram-ah mi 6-in nunna an chan tawh a, kumina COVID-19 vanga nunna chante hi hri kai hmuhchhuah tam zawng atanga za zela chhutin a sang hle.

HSSLC Exam result chhuakah Serchhip District-a zirna In hrang hrangin an titha thawkhat

Image
Mizoram Board of School Education (MBSE) in nimin-a pawl 12, Higher Secondary School Leaving Certificate (HSSLC) Exam result a tihchhuah ah Serchhip District-a zirna In hrang hrang ten an titha thawkhat hle.

YMA SCC thutkhawm nei

Image
Kum 2023-2025 chhunga Serchhip Sub-Hqrs. YMA hruaitu thlanna neih a nih hnuah Sub-Hqrs. YMA Coordination Committee (SCC) thutkhawm hmasa ber chu nimin khan neih a ni.

Remna Ni hman dan tur rel

Image
Thla thar June 30-a Serchhip-a Remna ni hman dan tur chu nimin khan District Bawrhsap Nazuk Kumar IAS hovin sawrkar leh khawtlang mi pawimawh ten an sawiho. He thutkhawm DC Meeting Hall-a neih ah hian State Level Committee in Remna Ni 2023 lawm dan tur ruahmanna a siam hrang hrangte Serchhip District a kalpui dan tur ngaihtuah a ni a. Remna Ni pual hian Free Health Camp te, Digital Flyers & Short Video Making Competition te, Cleanliness Drive te, Peace Walk te, Blood Donation Camp te leh Tree Plantation te, Painting Competition and Photography Exhibition te, Quiz leh Essay Competition te buatsaih tum a ni a. A lawmna pui ber hi Serchhip DC Conference Hall-ah buatsaih a ni bawk ang. Heng rua-hmanna hrang hranga mawhphurtu turte ruat nghal an ni a, hlawhtling taka Remna Ni hman a nih theih nan inbuatsaihna hi kalpui tan nghal tura rel a ni bawk.

MZP in duhsakna an hlan

Image
Mizo Zirlai Pawl (MZP) Hqrs. Serchhip chuan MBSE in High School Leaving Certificate (HSLC) leh Higher Secondary School Leaving Certificate (HSSLC) Result a tihchhuah taka MZP Hqrs Serchhip huamchhunga zirlai hlawh-tlinna chang thar zawng zawngte an lawmpui thu leh an kal leh zelna turah duhsakna an hlan thu nimin khan thuchhuah siamin an tarlang a. Hlawhtlinna chang zo ta lo te pawh beidawng lova theihtawp chhuah a hlawhtlinna tha zawk chang leh vek turin duhsakna an hlan bawk. MZP chuan tuna zirlaite hi nakin lawka ram rorelna fawng la vuan mai tur, Mizoram hmathlir an ni tih tarlangin, taimakna leh rinawmna nena an hmabak bei zel turin duhsakna sang ber an hlan tih an sawi bawk.

Thenzawl-a khualzin te hipna atan ni 2 awh ‘Thenzawl Calling Festival’ neih tan a ni

Image
Serchhip District chhung Thenzawl-a khualzinte hipna tura hmalakna chi khat atan ni 2 awh tur ‘Thenzawl Calling Festival’ chu nimin khan neih tan a ni a, nimin khan Self Help Group te tan Ei siam intihsiakna leh Rimawi Band Competition neiin Vawiin hian intihsiakna chi hrang hrang neih leh a ni ang.

Serchhip-ah Paragliding Training kharna nei

Image
India ram pum huap ni 50 chhung awh Paragliding Training kharna kharna chu nimin khan Serchhip Bawngchawm-a Paragliding Take-off Point-ah neih a ni.

Hri kai enkawllai 9 awm

Nimin khan Serchhip District-ah COVID-19 hri kai mi pakhat hmuhchhuah thar awmin hri kai mek zingah enkawl dam an awm belh lova, nimin-a hri kai hmuhchhuah hi East Lung-dar khua atanga hri kai hmuh a ni. Heti hian Serchhip District-ah hri kai enkawllai mi 9 an la awm a, an zinga 6 chu East Lungdar khua niin New Serchhip, Thenzawl leh North Vanlaiphai khua ah mi pakhat theuh an ni.

Dy. CM in lungphum phum

UD&PA Department changtu Deputy Chief Minister Tawnluia chuan nimin khan Solid Waste Management Centre, Tuirial-ah Common Bio-Medical Waste Treatment Facility lungphum a phum a, Common Bio-Medical Waste Treatment Facility sakna atan hian cheng vbc. 7.6 hmuh a ni.

Tuipui Lei dawh tur sawipui

New Delhi-a cham mek Minister Dr. R. Lalthangliana chuan nimin khan Border Roads Organization Director General Rajeev Chaudhary kawmin Tuipui ‘D’ Darzo kai lei dawh hna thawh tur a sawipui a, he Project hi cheng vbc. 90 hu niin July thla ah hna tan theih beisei a ni.

Kum 10 tang turin rel sak

Aizawl District Court-a Special Judge (POCSO) Act Vanlalenmawia chuan naupang kum tlinglo pawngsual thintu-a puh Lalhriatpuia chu thiamloh a chantir hnuah nimin khan kum 10 chhung Jail tang tur leh Rs. 3000/- chawi turin a chungthu a rel sak a, a pawisa chawi hi a pe lo a nih chuan ni 10 a tan belh leh ang. Darlawn khua mi Lalhriatpuia hian an laina hnaivai tak chu kum 11 mi a nih atangin vawi engemaw zat a lo pawngsual tawh tin finfiah niin kum 2018 khan Darlawn Police Station-ah FIR thehluh a ni.

DISHA thutkhawm neih a ni

Lawngtlai District Development Coordination and Monitoring Committee (DISHA) chu nimin khan an Chairman leh Lok Sabha MP C. Lalrosanga hovin Lawngtlai-ah an thukhawm a, Lok Sabha MP chuan Mizorama hmasawnna kan hmuh tam tak chu sawrkar laipui ruahmanna (scheme) hrang hrang leh Centrally Sponsored Scheme (CSS) atangin a nih thu sawiin, Central Sheme chu Mizoram in kan chhawr thu leh ram tan malsawmna a nih thu a sawi bawk. He hunah hian sawrkar laipui ruahmanna hnuaia hmalakna hrang hrang dinhmun te thlirho a ni.

CADC inthlanna zofel ta

Chakma Autonomous District Council-a MDC thlanna neih takah Candidate a boral avanga Bial dang ruala vote thlak ve theihlohna 15-Reng-kashya MDC Bial-a Vote tla te chu nimin khan chhiar niin INC candidate Doymoy Daveng Chakma chuan vote 713 hmuin thlantlin a ni a, amah hnaih bertu MNF candidate Prema Ranjan Chakma chuan vote 572 leh BJP candidate Sukrity Chakma chuan vote 26 hmuin NOTA-a vote tla 3 a awm bawk a ni. Heti hian MDC Seat 20-a inthlanna neih ah MNF chuan seat la tam berin MDC seat 10 an la a. BJP leh Indian National Congress (INC) te'n seat 5 ve ve an la thung a. MDC thenkhat te hian MNF an zawm avangin MNF kaihhruai sawrkar thar a ding dawn a ni.

Council of Minister thukhawm in rawtna pawm

Chief Minister Zoramthanga hova niminpiah-a Council of Minister thutkhawm ah rawtna lut hrang hrangte chu pawm a ni.

MBSE in kumin-a HSSLC Exam result a tichhuak

Mizoram Board of School Education (MBSE) chuan nimin khan Higher Secondary School Examination 2023 a tichhuak a, Exam beitu zirlai zawng zawng zinga za zela 78.66-te chuan hlawhtlinna an chang a ni.

MNF President in thu sawi

MNF Party President Zoramthanga chuan MNF Party in a din tirh atanga a thil tum ber chu Mizo hnahthlak hmun hrang hrang ami te rorelna khat hnuaia awm a ni, a ti. Nimin-a MNF Party Office Hnam Run-a inkhawm ah MNF President leh Chief Minister Zoramthanga chuan thu sawiin Mizo zawng zawng te rorelna khat hnuaia awm chu MNF dintu ten an thil tum ber a nih thu a sawi a, Foreign lama awm te nen rorelna khat hnuaia awm chu harsa rih deuh mah se India rama State hrang hrang Manipur, Tripura leh Assam State-a Mizo awm te rorelna khat hnuaia awm chu MNF mi hmasa te au hla a nih thu leh hemi atan hian sawrkar laipuiah nasa takin an nawr thu leh remna ziah dawna indawrna ah pawh MNF thu ken lian ber a ni tih a sawi bawk.

CB&OCW Advisory Board Chairman in Larsap kawm

Central Building & Other Construction Workers (CB&OCW) Advisory Board Chairman V. Srinivasa Naidu chuan nizan hmasa khan Mizoram Governor Dr. Hari Babu Kambhampati chu Raj Bhavan-ah a kawm.

Pawikhawihtu in an phu tawk hremna an hmuh theih nan theihtawp chhuah a ni dawn - SP Serchhip

Image
Serchhip District SP Vanlalnghenga MPS chuan tunhnaia Serchhip-a tualthahna thleng ah pawikhawihtu in dan anga an phu tawk hremna an hmuh theih nan hnu chhui hna theihtawpa an kalpui tur thu sawiin, Hun lo kal zel turah pawh sual dona kawng hrang hrangah khawtlang hruaitute leh mipuite thawhpuina a ngen bawk.

HSSLC result chhuak dawn

Mizoram Board of School Education chuan kumin a pawl 12 zirlaite tana HSSLC Exam result chu Vawiin hian a tichhuak dawn ta a, www.mbse.edu.in leh www.mbseonline.com-ah te hian en theihin a awm anga, a duh tan a bu lei theih a nih dawn bakah Mobile Phone No. 9863883041 leh 9863722521-ah te zawh theih a ni bawk ang.

Serchhip-ah MNF zawm thar mi 45 lawmluh an ni

Image
Nimin zing khan MNF Adviser J. Malsawmzuala Vanchhawng chuan Serchhip Chanmari MNF Unit-II tlawhin MNF zawm thar mi 45 a lawmlut. MNF Party in thuchhuah siama an tarlan danin heng an party zawm thar an lawm-luh te hi ZPM atangin Voter 14, Congress atangin Voter 25 leh Neutral voter 6 an ni.

Serchhip DAO sawn a ni

Serchhip-a District Agriculture Officer (DAO) Tlangtimawia Zote chu a hna-ah kaisanga Agriculture Department Directorate-a awm tura sawn a nih hnuah Serchhip DAO hna chelh tur hian Lalchharliana chu rawn dah a ni a, amah hi Saitual-a DAO hna chelh mek a nih bakah FOCUS (Saitual)-a DPM hna chelh mek a ni.

Hri kai mi 3 dam leh

Nimin khan Serchhip District-ah COVID-19 hri kai hmuhchhuah belh awm lovin hri kai te zingah mi pathum chu enkawlna hmun atanga chhuahtir an ni thung a, heng te hi East Lungdar khua te vek an ni. Heti hian nimin tlai thleng khan Serchhip District-a COVID-19 hri kai hmuh tawh chu 14,667 niin an zinga 14,622 te enkawl dam an ni tawh a, hri kai enkawllai mi 8 la awmin hri kai zingah mi 37 an boral tawh thung a ni. Serchhip District-a COVID-19 hri kai enkawllai la awm mek te hi East Lungdar khua ah mi 5 bakak New Serchhip,, Thenzawl leh North Vanlaiphai-ah mi pakhat theuh te an ni.

SCC thukhawm dawn

Vawiin Chawhma dar 11:00 hian Serchhip Sub-Hqrs. YMA Coordination Committee (SCC) thutkhawm chu YMA Sub-Hqrs. YMA Conference Hall-ah neih a ni dawn a, Sub-Hqrs. YMA Conference neih zawh taka an thurel bawhzui dan tur leh hmalakna tur hrang hrang te an rel dawn a ni. Kum 2023-2025 chhunga Serchhip Sub-Hqrs. YMA hruaitu turte thlan an nih hnuah SEC Member atan mi 10 ruat an ni tawh a, hei bakah hian Committee peng hrang 12 din leh ni tawh bawkin hruaitu turte pawh inruat a ni tawh bawk a, heng Committee peng hrang hranga Chairman leh Secretary te hi SEC Member an ni nghal bawk a ni.

Raltlan 6993 awm mek

Manipur tualchhung buaina avanga nimin thlenga Mizoram-a raltlan awm chu mi 6993 an ni a, nimin khan mi 7 chu Manipur lamah an let leh thung a ni. District hrang hrang zingah Ko-lasib District-ah raltlan rawn lut tam berin mi 2426 an awm mek a, Aizawl District-ah mi 2191 awmin Saitual District-ah mi 2187 an awm bawk a. Champhai District-ah 142, Mamit District-ah 19, Serchhip District-ah 18 leh Khawzawl District-ah mi 10 an awm mek bawk a ni.

Sit-in Demonstration nei

Aizawl Mission Vengthlang Branch YMA huaihawtin nimin khan Mission Vengthlang Dawrkawn-ah Mission Vengthlang mipuite chuan an veng pa, Lalsangzuala thattu demna lantirin 'Sit-in Demonstration' an nei a, he hunah hian mi thahnem tak pungkhawmin chhun dar 12:00 thleng vel hun an hmang a, an hun hman chhung hian vengchhung dawr zawng zawng an khar bakah tualthattu an demna thu an auchhuahpui bawk a ni.

CoM thutkhawm nei

Mizoram sawrkar Council of Minister thutkhawm chu nimin khan Chief Minister Zoramthanga hovin CM Office-a Cabinet Meeting Room-ah neih a ni a, Department hrang hrang atanga thu pawimawh ngaihtuah tura chhawpchhuah Agenda 23 te an thlirho a ni.

DISHA thutkhawm nei

Siaha District chhunga Centrally Sponsored Scheme (CSS) hnuaia nikum (June, 2022 - March, 2023) chhunga hmalakna hrang hrang te thlirin nimin khan Siaha DRDO's District Rural Resource Centre-ah District Development Coordination and Monitoring Committee (DDCMC/DISHA) thutkhawm chu an Chairman leh Lok Sabha MP C. Lalrosanga hovin neih a ni a, Lok Sabha MP chuan Sawrkar Department hrang hrangte chu hunbi ruata hnathawh zawh hman tum theuh tura chahin an rawng-bawlsak mipuite tana theihtawp chhuah theuh turin a fuih nghal bawk a ni.

Bank te hmalakna thlirho

Nimin khan Champhai-ah Bank hrang hrang kaltlanga Financial Year 2022-2023 March quarter tawp thlenga hmalaknate thlirletin District Consultative Committee (DCC) thutkhawm neih a ni a, he huna tarlan a nih danin March 2023 quarter chhunga Champhai District-a Bank hrang hranga pawisa dahluh leh Loan pekchhuah zat inthlauh dan khaikhinna, Credit Deposit (CD) Ratio chawhrual chu 66.68% a ni a, quarter hmasa December 2022 quarter tawpa CD Ratio 74.56% aiin 7.88% in a tlem a; hei hian CD ratio tha ni tura a hniam lam bituk zat 60% chu a khum tho a ni. Hemi hun chhung hian bank-ah cheng nuai 52399.23 dahluh a nih laiin cheng nuai 34942.40 pekchhuah a ni. Champhai District-ah hian Bank Branch hrang hrang 18 a awm mek a, ATM 9 leh Business Correspondent 10, CSP 1 leh IPPB hnuaia Banking Touch Point 21 te a awm mek a ni.

Leader leh Chief Minister atana Pu Duha pawm lo tan ZPM-a awm hi a remchang lo - K. Sapdanga

ZPM Party Working President K. Sapdanga chuan, “Leader atana Pu Duha pawm lo leh Chief Minister atana Pu Duha pawm lo tan ZPM-a awm hi a remchang lo a ni,” a ti.

Mizo ten Arsi chanchin an hriat dan zirchianna pual International Symposium Governor in hawng

Mizo ten Arsi chanchin an hriat dan zirchianna puala ni 2 awh tur International Symposium buatsaih chu nimin khan Mizoram Governor Dr. Hari Babu Kambhampati chuan Mizoram University Auditorium-ah a hawng.

National AYUSH Mission hnuaia Medicinal Plants telh tak loh pawi tih thu Minister in a thlen

Health Minister Dr. R. Lalthangliana chuan kum 2020-2021 atanga National AYUSH Mission hnuaia Medicinal Plants telh a ni ta lo chu pawi a tih thu a sawi.

Central YMA in Relief Camp an tlawh; MZP leh ITLF ten Tuivai Lei siamthat pawimawh an ti

Central YMA hruaitute chuan Manipur tualchhung buaina avanga Mizoram-a raltlan rawn lut te awmna hmun, Relief Camp te chu nimin khan tlawhin tanpuina an hlan.

Tualthattu nia puh Police ten an man nghal; Police hmaah pawikhawihtu a nih thu a puang

Image
Niminpiah zinga Serchhip Bukpui leh Chhiahtlang Chhim Veng inkara Lalsangzuala (31), Mission Vengthlang thihna a mawhphurtu nia rinhlelh Laldinthara (42), Khawruhlian khua nia inchhal chu nimin khan Police ten Aizawl-ah an man a, he pawikhawihna ah hian a inhnam-hnawih thu Police te hmaah a puang tawh nia thu dawn a ni.

Hri kai enkawllai 11 awm

Nimin khan Serchhip District-a East Lungdar khua ah COVID-19 hri kai mi 4 hmuh leh niin East Lungdar leh Serchhip AOC Veng-ah mi pakhat ve ve enkawl dam an ni thung a, hri kai enkawllai mi 11 an awm mek a ni.

Raltlan 4 rawn luh belh leh

Manipur tualchhung buaina avangin nimin khan Serchhip-ah raltlan mi 4 an rawn lut leh a, heng te hi Imphal atanga Serchhip Bazar Veng a rawn raltlan niin an zinga mi pathum te chu kum tling lo an ni.

Serchhip-ah la awm dawn

Mizoram sawrkar chuan tunhnai khan Mi-zoram Engeneering Service (MES) thenkhat te awmna hmun siksawiin PWD Serchhip Division-a Executive Engineer, Er. R. Zirsangliana pawh hmundang a awm tura sawn a ni a. Nimin khan sawrkar hian thuchhuah dang siam lehin Er. R. Zirsangliana hi a hna ngai chelha Serchhip a awm zui leh tura tih a ni.

Shalom Special School tan tanpuina sumfai hlan

Congress Party atanga Serchhip Bial vil mektu R. Vanlaltluanga chuan nimin khan Ser-chhip-a Shalom Special School tanpuina atan Rs. 20,000/- a hlan.

Centre naupang inelna tan

Mizoram Samagra Shiksha leh State Level Sports Association te tangkawpa buatsaih 'Grassroot Sports Development Programme State Level Competition 2023' chu nimin khan Aizawl-ah a thawh khatna atan neih tan a ni a, Boxing, Badminton leh Weighlifting hmangin District hrang hrang atanga Grassroots Level Sport Development Programme (GSDP) hnuaia Centre 40-a naupang ten inelna neiin a thawh hnihna atan Serchhip-ah Football leh Thenzawl-ah Hockey  hmanga intihsiakna neih leh tur a ni ang.

Police ten pawisa lem man

Mizoram Police te chuan nizan hmasa khan Vairengte-ah pawisa lem cheng nuai 25 hu zet an man. Mizoram Police CID (SB) Team chuan an thudawn bawhzuiin nizan hmasa pawisa lem Rs. 25,20,000/- hu zet chu Laltanpui (42), Vairengte Kawngthar Veng, Kolasib District nia insawi leh Lallungmuana (40), N. Vanlaiphai Rawlkhang Veng, Serchhip District nia inchhal te kut atangin Vairengte-ah an man a, heng an pawisa lem man te hi Rs. 2000 note anga siam 1007 leh Rs. 500 note anga siam 1012 te a ni.

Tanrual a ngai tih sawi

Zofa Welfare Organisation (ZWO) leh Joint Action Committee on Inner Line Reserved Forest Demand tangkawp chuan Inner Line 509 sq miles laklet a nih theihna turin tanrual a ngai takzet tih an sawi. Nimin-a Aizawl Press Club a thuthar thehdarhtute an kawmna ah ZWO leh JAC hruaitute chuan, Scheduled Tribe te dikna chanvo rahbeh sak an nih bakah, Tribal ram min chhuhsak, 1875 huamchhung ngei a Inner Line 509 sq miles laklet a nih theihna turin Mizo kan tanrual a tul tawpkhawk tawh niin an sawi a. Sawrkar nen tangrual tak leh hruikhat vuana kal ho dan ngaihtuah chungin Supreme Court a PIL/Petition thehut tura hmalak chhoh mek a nih thu an tarlang a. Mizo ten hei bak ram kan neihloh avangin Mizo mipui zawng zawngte hmakhaw ngaia kawi kawm thin rual thap anga ke pen rual a, ZWO leh JAC te hmalakna thlawp tlat turin an ngen bawk.