Urban Development & Poverty Alleviation Department (UD&PA) in Serchhip Sports Complex-a Sports Stadium an sak chu nimin khan biakhmuh theihna hmangin UD&PA changtu Deputy Chief Minister Tawnluia chuan a hawng a, he Sports Stadium hi Sports & Youth Services Department kutah hlan nghal a ni.
Serchhip District Fisheries Development Officer (DFDO), Lucy Lalrinpuii chuan nimin khan Serchhip Sub-Hqrs. YMA OB te a Pisa-a leng ah sawmin inkawmna an nei.
Serchhip District-ah COVID-19 hri kai en-kawllai mi 60 an awm mek.
Nimin khan Serchhip District Hospital-ah TB enfiahna khawl thar, Catridge Based Nucleic Acid Amplification Test (CBNAAT) chu hman theih tura hawn a ni.
Pathianni khan Mizoram-ah Sample 1948 enfiah niin heng atang hian COVID-19 hri kai 440 hmuhchhuah an ni a, hri kai hmuhchhuah zat hi tlem deuh mah se Sample enfiah atanga za zela 22.59 te chuan hri an kai thung a ni.
Department of Labour, Employment, Skill Development & Entrepreneurship hmalakna in World Skill Competition, 2022, Shanghai, China-a tel thei tur thlanna, State Level Skill Competition hawnna chu nimin khan neih a ni.
Rural Infrastructure Development Fund (RIDF) chungchang inhrilhhriatna hun chu nimin khan Champhai-ah National Bank for Agriculture and Rural Development (NABARD), Mizoram Regional Office buatsaihin neih a ni.
Mizoram Statistical Handbook, 2020 chu nimin khan Economics & Statistics Director B. Lalrinhlua chuan a tlangzarh.
Hripui leng vanga Total Lockdown puanna hnuaiah Mizoram sawrkar-a Taxation Department Chhiah hmuh chu a tlakhniam phah lutuk lo a, kum kal mek 2021-22 (April-July) chhungin Chhiah chi hrang hrang Rs. 2,71,62,77,977/- an hmu tawh a, hetihlai hian kum kalta (2020-21) April-July a chhiah hmuh chu Rs. 1,66,11,86,314/- a ni.
Serchhip District-a COVID-19 hri kai hmuhchhuah chu mi sangkhat aiin an tam ta,a Inrinni khan Serchhip District-ah COVID-19 hri kai mi 9 lai hmuhchhuah awmin mi 34 te chu enkawl dam an ni thung.
Kumin Olympic Games-a India aiawha Hmeichhe Hockey inelna a tel Lalremsiami chuan Inrinni khan an khua (Kolasib) thlengin bialtu MLA leh Supply Minister, K. Lalrinliana hovin ropui taka lo hmuah a ni.
Nimin khan Serchhip District-ah African Swine Fever (ASF) vangin Vawk 15 a thi leh a, Serchhip District-a ASF vanga Vawk thi chu 3457 a tling tawh.
Nimin khan Serchhip District-ah COVID-19 hri kai mi 9 hmuhchhuah ni lehin Serchhip District-a hri kai hmuhchhuah chu 996 an tling ta.
Serchhip District-ah niminpiah thleng khan kum 18 chunglam, COVID-19 Vaccine la thei zingah za zela 83.80 te chu Vaccine pek an ni tawh.
Serchhip District-a COVID-19 hri kai zingah kum 18 hnuailam an pung chho mek nia thudawn niin naupang hri kai te enkawlna tur pawh ruahman mek a ni.
Nimin tlai khan Kolasib Diakkawn Veng-a unau pathum chu an Tuizem siam-ah boruak tla-chhamin an boral nia hriat a ni a, anmahni chhan tumtu mi pakhat pawh a boral bawk.
Niminpiah khan Mizoram-ah Sample 9967 enfiah leh niin heng atang hian hri kai mi 905 hmuhchhuah leh an ni a, Sample enfiah atanga za zela 9.08 te chuan hri kaiin Mizoram-ah hri kai hmuhchhuah hi an pung chho leh tan mek a ni.
School Education Department leh Door-darshan Kendra Aizawl te chuan DD Mizoram channel-a Educational TV Programme chhunzawm nan nimin khan inremna an ziak.
Sialkal Range Development Council (SRDC) chuan SRDC Area-a Civil Services leh Technician zirlaite hnenah nimin khan tanpuina (Sponsorship) nimin khan an hlan.
Lai Autonomous District Council Fur thutkhawm neih mekah MNF Sawrkar, Manghmunga Chinzah kaihhruai chuan thlawptu a neih tam loh avanga niminpiah-a paih a nih hnuah nimin khan CEM thar thlanna neih a ni.
North Eastern Council (NEC) hnuaiah Project thawhlai 26 Mizoram-ah awm mekin heng zinga 15 te chu kumin sawrkar kum chhung hian thawh zawh hman beisei a ni.
Mizoram-a COVID-19 hri kai boral zingah a zatve zet chu taksa-a hri kai lanchhuahna an neih veleh a Sample enfiah nghal lo an ni a, hei vang hian mithiam te chuan mipuite chu mahni in chik renga symptom an neih chuan a rang thei ang bera in test nghal turin an duh tih an sawi.
Mizoram-ah ni khat-a hri kai hmuhchhuah an pung chho leh mek a, niminpiah khan Mizoram-ah Sample 8388 enfiah niin heng atang hian COVID-19 hri kai 794 hmuhchhuah leh an ni a, Sample enfiah te atanga za zela 9.47 te chuan hri an kai a ni.
Nimin khan Serchhip District-ah COVID-19 hri kai mi 5 hmuhchhuah leh an ni.
Beti Bachao Beti Padhao (BBBP) Serchhip District hmalakna hnuaiah ‘My Aim My Target Career Awareness Campaign’ chu nimin khan Govt. HSS Serchhip Zirlai naupangte tan buatsaih leh a ni.
Lai Autonomous District Council-a MNF Sawrkar, CEM Manghmunga Chinzah kaihhruai chuan nimin khan House-ah fiahna a paltlang zo lo.
Mizoram Departmental Officers Association (MDOA) chuan nimin khan Chief Secretary Lalnunmawia Chuaungo chu chawimawina hun an buatsaih.
Govt. T. Romana College chuan Mizoram University-in Under Graduate Exam a buatsaiha an College atanga pass tha te chawimawina hun nimin khan an hmang.
Mizoram Lok Sabha MP, C. Lalrosanga chuan tunhnaia Assam leh Mizoram Police te inkahna hmun leh Saihapui V te chu nimin khan a tlawh.
Mizoram sawrkar buatsaihin Tokyo Olympic 2020-a tel Lalremsiami chawimawina hun chu Aizawl Vanapa Hall-ah buatsaih a ni.
Mizoram State Law Commission chu nimin khan an Chairman Lala Khobung hovin an thukhawm a, Dan hmanlai thenkhat chu siamtha turin sawrkar-ah thlen tura rel niin Eighth Schedule-ah Mizo tawng (language) chu telh ve turin sawrkar-ah thlen nise an ti.
Japan khawpui Tokyo-a Olympic Games neih zawh taka Mizo zinga tel awmchhun, Indian Women’s National Hockey player Lalremsiami chuan nimin khan Mizoram rawn thlengin ropui taka lo hmuah a ni.
Nimin khan Serchhip District-ah COVID-19 hri kai mi panga hmuhchhuah belh awm lehin Serchhip District-a hri kai hmuhchhuah chu 974 an tling tawh.
Nimin (August 25, 2021) thleng khan Serchhip District-ah COVID-19 hri leng mek avangin Sample 22,832 enfiah ni tawhin heng atang hian hri kai 974 hmuhchhuah an ni tawh a, hri kai zinga 883 te chu enkawl dam ni tawhin, hri kai hmuhchhuah atanga za zela 90.65 te chu enkawl dam an ni tawh a ni.
Serchhip District-ah African Swine Fever (ASF) vangin Vawk 3439 zet a thi tawh a, nimin khan Vawk thi 24 a awm belh leh a ni.
Govt. Serchhip College chuan nimin khan Annual College Day hmangin kumin a an College zirlai tithate hnenah chawimawina leh lawmpuina hlan an ni.
Beti Bachao Beti Padhao (BBBP), Serchhip District hnuaia hmalakna pakhat atan nimin khan Govt. Serchhip College-ah ‘My Aim My Target Campaign’ Programme atangin hmeichhe zirlai naupangte tan Special Career Awareness Seminar buatsaih a ni.
Tunhnaiah Mizoram-a COVID-19 hri kai hmuhchhuah chu an pung leh hret niin a lang a, niminpiah khan Sample 9636 enfiah niin heng atang hian hri kai mi 740 hmuhchhuah leh an ni a, Sample enfiah atanga za zela 7.68 te chuan hri hi an kai a ni.
PHE Department changtu Deputy Chief Minister Tawnluia chuan nimin khan ‘100 Days Campaign - Sustainability of ODF gains and achieving million soakpits’ chu a hawng.
Mizoram chhunga College leh zirna In sang zawkte hawn leh dan tur chungchang sawihona chu nimin khan Higher & Technical Education Minister Dr. R. Lalthangliana hovin a Pisa-ah neih a ni.
Nimin khan Mamit-ah District Bawrhsap Dr. Lalrozama IAS hovin Mamit khawpui chhunga pawl hrang hrang hruaitute leh Sawrkar officials te chu Mamit District chhunga hmasawnna hna kal mek leh hmachhawpte bakah District dinhmun hrang hrangte thlirin an thukhawm.
Niminpiah khan Mizoram-ah COVID-19 hri kai hmuhchhuah pung leh hlekin Sample enfiah 10,104 atangin hri kai 845 hmuhchhuah an ni a, Sample enfiah atanga za zela 8.36 te chuan hri an kai a ni.
Health Minister leh South Tuipui Bialtu MLA ni bawk Dr. R. Lalthangliana chuan Ministry of Defence hnuaia Border Road Organization (BRO) in Tuipui-D (Darzo kai) Lei dawh thar tura ruahmanna an siam mek chu chak zawka bawhzui a nih theih nan nimin khan a hmunah tlawhin BRO Project Pushpak Chief Engineer, PN. Yadav chuan a tawiawm a ni.
Mizoram-a a hmasa ber ni tura Kolasib District chhung, Pangbalkawn khua a Rice Mill bun mek commission dan tur chungchang chu nimin khan Agriculture Minister hova sawiho a ni.
Congress Thalai, Mizoram Pradesh Youth Congress Committee (MPYCC) chuan nimin khan Aizawl-a Vanapa Hall Kawt-ah 'Electric bill dik lo dodalna' hun hmangin Electric Bill dik lo engemaw zat hàl a ni.
Serchhip District chhunga khaw 18 te chu inkhawm phalsak leh niin heti hian Serchhip District chhunga khaw 22 te chu inkhawm phalna pek an ni tawh.
Serchhip District-a sawrkar Department hrang hrang enkawltu Officer (Head of Offices) te pualin nimin khan chhiatna lo thlen thulha chhanchhuah leh chhawmdawl hna thawh dan zirhona neih a ni.
Serchhip District-ah COVID-19 hri kai en-kawllai mi 90 an la awm mek.
Nimin khan Serchhip District-a khaw 12-ah ASF vangin Vawk 30 zet a thi leh a, nimin thlenga ASF vanga Serchhip District-a Vawk thi chu 3415 a tling tawh.
Health Minister Dr. R. Lalthangliana chuan nimin khan Serchhip District rawn tlawhin District Level Task Force on COVID-19 te nen Serchhip DC Meeting Hall-ah COVID-19 hri leng mek chungchanga hmalak dan an thlirho bakah Third Wave lo thleng thei chungchanga hmalak dan te an thlirho bawk.
Tunhnaia mimal hnena sum dah avanga harsatna tawk mek te chuan nimin khan Serchhip SP hmuin harsatna an tawh te an sawipui.
Serchhip Chanmari Village Council chuan Executive Body thar an insiam hnuah nimin khan VC mawhphurhna an inhlan fel ta.
Serchhip District Hospital-a Doctor thenkhat te mawhphurhna chelh chu siam danglam a ni.
Nimin khan Serchhip District-ah COVID-19 hri kai pakhat hmuhchhuah niin mi 9 enkawl dam an ni bawk.
Pathianni khan Mizoram-ah Sample 2093 enfiah niin heng atang hian COVID-19 hri kai 292 hmuhchhuah an ni a, Sample enfiah atanga za zela 13.95 laiin hri an kai a ni.
New Delhi-a cham mek Tourism Minister Robert Romawia Royte chuan nimin khan Ministry thenkhata Secretary lian te kawmin Mizoram tana thil pawimawh te a sawipui.
Eiruk thubuai chhuitu Mizoram Lokayukta chuan thubuai 29 a dawng tawh a, chung zinga 8 chu titawpin, CBI hnena pek thubuai chhui tur 2 chu Mizoram sawrkarin chhui phalna a la pe lo.
Kumin January atanga July thla tawp thleng khan Mizoram-ah ruihhlo hmansual vanga thi mi 34 an awm tawh.
Khawzawl District Bawrhsap C.C. Lalchhuangkima chuan nimin khan Khawzawl District huamchhunga National Highway No. 6 kawng laih hna thawktu NHIDCL Contractor-te chu an hna thawh tawh chin leh harsatna an neih te a sawipui.
Zoram People’s Movement (ZPM) Working President atan K. Sapdanga ruat a nih thu nimin khan puan a ni.
COVID-19 avanga Lockdown puan chhunga harsatna tawk, chhuanchhamte tanpui nan leh COVID-19 hri vei te enkawlna atan Rs. 2,92,60,000/- semchhuah a ni dawn.
Health Minister Dr. R. Lalthangliana leh I&PR Minister Lalruatkima te chuan nimin khan Aizawl khawpui chhunga COVID-19 Test Kiosk hmun pathum- Vanapa Hall-a Mega Kiosk; Dinthar Kiosk leh Electric Veng Kiosk te chu tlawhin thawktute hnenah lawmthu an sawi.
Serchhip District chhunga Oil Palm chin kawnga hmalakna chu kar kalta khan Godrej Agrovet Ltd. aiawhte chuan rawn tlawhin, hmalak zuina tlak a nih leh nih loh an rawn enfiah a. Serchhip District-a Oil Palm chinna hmun zatve vel zet chu a chhe leh tawh nia hriat a ni.
Serchhip District chhunga COVID-19 hri kai awmlohna khaw 4-ah inkhawm phalna pek a ni tawh.
Tunhnaia Serchhip-a dan lova sum peipunna chungchang chu Serchhip Police ten ngawrh takin an chhui zui mek.
Tunhnai khan Serchhip bul Mat ral-a Lungbu lui (Zuangleng ram ep)-ah Sanghal thi hmuh niin heng te hi Inrinni khan enfiah niin African Swine Fever (ASF) vanga thi nia rin an ni.
Mizoram-ah COVID-19 hri kai enkawllai an tlahniam hret hret a, nimin tlai dar 5:00 thleng khan hri kai enkawllai mi 5817 an awm mek a ni.
Naupang kum 12 chin chunglam tana hman theih tur COVID-19 hri danna hmasa ber pawm a ni.
Assam Police ten Zirtawpni kalta-a Bairabi bul Zophai-a Ch. Chhunga leilet kam NH-154 leh IR Outpost inkalpawhna tur RCC hmanga Lei dawhhna thawh mek a In sakna hmanrua thiat a, thirtlawn lak a nih chungchangah Bairabi Police Station-ah thubuai ziahluh a ni.
COVID-19 vanga Power & Electricity Department in Meter Reading a hmuna en lova ralkhat atanga Bill an siam chu tlawmngai pawl hrang hrangte chuan thalo an tih thu sawiin, Meter en loh chu chhuanlam tlinga an ngaih loh thu an sawi.
Mizoram Pradesh Congress Committee (MPCC) chuan Congress sawrkar hunlaia buaipui tan tawh Tuirini Small Hydel Project chu chhunzawm ngei turin sawrkar an phut tih sawiin, he Project siamna tur hnawl a nih chhan dik tak puan an phut thu an sawi.
New Serchhip North Village Council in New Serchhip PWD Office bula Road Side Bazar an sak thar chu nimin tlai khan Serchhip DAO Tlangtimawia Zote chuan a hawng.
Nimin khan Serchhip-ah COVID-19 hri kai mi 4 hmuh belh leh niin nimin tlai thlenga hri kai hmuhchhuah chu 952 an tling tawh.
Niminpiah khan Mizoram-ah Sample 7677 enfiah atangin CO-VID-19 hri kai 522 hmuh leh an ni a, Sample enfiah atanga za zela 6.79 te chuan hri an kai a ni.
Mizoram sawrkar chuan hri leng avanga Aizawl Municipal Corporation (AMC) huamchhunga Partial Lockdown a kalpui mek chu chawlhkar khat dang a pawtsei leh a. Inkaihhruaina thenkhat erawh a thlahdula tihdanglam niin AMC Area pawn lama hri kai awmlohna khua ah te chuan Inkhawm theih dan tur ruahman a ni.
Aizawl District atanga Sample lak 151 te chu phai lamah enfiah a nih hnuah an zinga 115 te atangin COVID-19 hrik thar, Delta (B.1.617.2) Variant hmuh niin hei hi sample thawn zawng zawng atanga 78% a ni.
Serchhip District-ah African Swine Fever (ASF) vanga Vawk thi chu 3355 zet a tling tawh.
Tunhnaia Serchhip-a a pung um-a mi thenkhat ten pawisa an dahna chungchanga harsatna thleng chu Serchhip Police ten chhui zui mekin pawisa an dahna nia sawi Jenny Malsawmtluangi, Serchhip Dinthar Veng pawh Police ten thu an zawtfiah tawh a. A hnena sum dah nia insawi te chuan an sum dah ang tal hmuhlet theih an duh thu an sawi bawk.
PHE Department in Serchhip khawpui chawmna atana Tui an pump-na a Diesel khawl te chu nimin atang khan siamthat hna thawh niin Vawiin hian zawhfel theih beisei a ni.
Serchhip-a mimal pakhat hnena a pung um-a pawisa dahtu nia insawi thenkhat te chuan nizan khan an pawisa dahna te dawr nia sawi chu luhchilhin bungraw lakchhuah tumin an bei a, Serchhip Police ten thil thalo lian zawk a thlen hmaa boruak thunun in hemi chungchang hi chhui zui nghal a ni.
- Laldinpuia, Secretary
Serchhip Vengchung VLTF huamchhunga Mass Testing neih chu nimin khan chhunzawm niin hri kai mi 2 hmuh belh leh an ni.
Serchhip District-a COVID-19 hri kai hmuh tawh zawng zawng chu mi 948 zet an tling ta.
Nimin khan Serchhip District-a khaw 11-ah ASF vangin Vawk thi 27 a awm belh leh.
Serchhip District-a Vawk leh Vawksa atanga thil siam lakluh khapna thupek tihchhuah leh a ni.
Mizoram-ah ni khat-a COVID-19 hri kai hmuhchhuah zat chu a tlahniam hret hret niin a lang a, niminpiah khan Sample 11,175 enfiah leh niin hri kai 487 hmuh an ni a, Sample enfiah atanga za zela 4.35 ten hri kaiin Mizoram-a hri kai hmuhchhuah erawh sing nga aiin an tam ta a ni.
World Photography Day, 2021 chu nimin khan khawvel hmun hrang hrangah hman a ni.
Mizoram PWD chuan thuchhuah siamin tunhnaia Chief Minister in KDZKT Road a hawn chungchang chu an sawifiah.
Power & Electricity Department changtu Minister, R. Lalzirliana hovin nimin khan Electric Bill chungchang sawihona neih a ni a, Electric Bill chungchanga lungawilohna neite tan Bill complaint period chu pawhsei remtih a ni.
Nimin khan Health Minister Dr. R. Lalthangliana hovin Health & Family Welfare Department hnuaia peng hrang hrangte hmalakna thlirletna neih niin he hunah hian Health Department-a Officer pawimawh te an tel a, an Department hmachhawp hrang hrangte pawh sawihona neih a ni bawk.
Meghalaya State Planning Board Chairman, Lambor Malngiang chuan ni khat cham tura Mizoram rawn tlawhin nimin khan Mizoram Chief Minister leh State Planning Board Vice Chairman te kawmin, State pahnih thawhhona tha chu chhunzawm zel an duh thu an sawi.
Kumin (2021)-a rampum huap Zirtirtu chawimawina, 'National Award to Teachers, 2021' dawng turin mi 44 thlanchhuah niin an zingah hian Mizoram atangin Jacinta Vanlalengzami, Headmaster, A&M Grandchild School, North Vanlaiphai (Serchhip District) chu a tel.
Serchhip bial Assembly bye-election a thlantlin Lalduhoma chu Zo Peoples Movement Legislature Party (ZLP)-ah tel a tum.
Serchhip District-ah COVID-19 hri kai mi 23 awm belhin Serchhip District-a hri kai hmuh chu 934 an tling tawh.
Serchhip-a Excise & Narcotics Department chuan nimin khan Apple Juice an man sa litre sang chuang zet an tichhia.
Tunhnaia Serchhip khawpui chhunga COVID-19 hri kai hmuhchhuah tamna, Serchhip Vengchung VC Area-ah nimin khan Sample enfiah runpui, Mass Testing neih a ni a, hri kai mi 22 hmuhchhuah an ni.
Mizoram-ah COVID-19 hri kai hmuhchhuah belh an la ni zel a, niminpiah khan Sample 8634 enfiah niin hri kai mi 600 hmuhchhuah an ni a, sample enfiah atanga za zela 6.94 te chuan hri an kai a ni.
Kumin-a Zirtirtute Ni, Teachers' Day chu September 3 khian Mizoram-ah hman a ni dawn.
MZP General Hqrs. chuan nimin khan Mizoram Rajya Sabha MP K. Vanlalvena chu chawimawina thuziak hlanin Tawlhlohpuan an bahtir bawk.
Nimin khan Health Minister Dr. R. Lalthangliana hovin COVID-19 dona kawnga hmalak dan leh hmachhawp chungchang sawihona neih a ni.
India aiawha Olympic Games-a kal Lalremsiami chu tun thla ni 25 khian Mizoram-ah a rawn haw dawn a, amah lo lawmna neih tum a ni.
Mizoram Pradesh Congress Committee (MPCC) chuan COVID-19 hripui dona kawnga MNF sawrkar chet dan chu a thalo takzet tih sawiin, “Sawrkar mualpho loh hram dan chiah a zawng ngar ngar zawk a ni tih a chiang chho zel a ni,” an ti.
COVID-19 hri leng avanga zirna In te hun rei tak khar a nih tawh hnuah Mizoram sawrkarin Aizawl Municipal Corporation (AMC) pawn lam, COVID-19 vei awmlohna khua ah School kal a rem tih hnuah District 6-a zirna In 112 te chu hawn phalna pek an ni tawh a, Serchhip District-ah pawh Zirna In hawn tan mek a ni bawk.
Lai Autonomous District Council (LADC) hnuaia Primary School 62 leh Middle School 47 ten School an hawn dan tur chu LADC Education Department chuan a duang fel ta.
Joint Action Committee (JAC) on Inner Line Reserve Forest Demand te chuan nimin khan Aizawl Press Club-ah thuthar lakhawmtute kawmin Mizoram chhung Aitlang leh Phainuam Buarchep-a Assam Police inkulh mek chu a rang thei ang bera nawrchhuak turin Mizoram sawrkar an phut thu an sawi a, ram an la let thei dawn lo a nih chuan laklet a nih theihna'n theihtawpa ke an pen tur thu an sawi bawk.
Niminpiah khan Mizoram-ah Sample 10,210 enfiah niin heng atang hian COVID-19 hri kai 639 hmuhchhuah an ni a, Sample enfiah atanga za zela 6.25 te chuan hri an kai a, Mizoram-a hri kai zingah mi sing li aia tam enkawl dam an ni tawh bawk.
Mizoram chhim lama Standard Hockey Field hmasa ber tur ‘Leitlangpui Hockey Ground’ bultanna tur lungphum chu nimin khan Sports Minister Robert Romawia Royte chuan Lunglei Salem Veng-ah a phum a. Lunglei Ramthar Veng-a Futsal Ground tur leh Lunglei Electric Veng-a Football field awmsa tih changtlunna tur leh Astro Turf Football Ground atana Phullem phahna tur lungphum a phum bawk.
Union Health Minister Mansukh Mandaviya hovin nimin khan India hmarchhak State 8-a Health Minister te chu COVID-19 hripui leng chungchangah an inkawm a, he hunah hian Mizoram atangin Health Minister Dr. R. Lalthangliana chu a tel a ni.
Nimin zing khawvar hma khan Aitlang, Vairengte Police duty-na bulah Silai hmehpuah leh a ni a, hemi chungchang hi Kolasib DC chuan nimin khan thuchhuah siamin a sawifiah.
Tuirial bialtu MLA Andrew H. Thangliana chu nimin zing khan boralin nimin vek khan vuiliam nghal a ni.
Mizoram-ah eirawngbawlna Gas man chu tihsan leh niin kg. 14.2 a rit bur khat man chu cheng sang khat aiin a sang tawh.
Serchhip-ah COVID-19 hri kai mi 9 hmuh belh leh an ni a, an zinga mi 8 te hi tualchhung a hri inkaichhawng an ni.
Serchhip bialtu MLA, Lalduhoma hmalakna in nimin khan Serchhip Bazar Building chhungah CCTV Camera bun a ni.
Serchhip Chanmari Village Council-ah MNF kaihhruai VC thar a piang dawn nia thudawn a ni a, hun reilote ah tihfel a nih beisei a ni.
Serchhip District Bawrhsap mawhphurhna la tu, Lalmuansanga Ralte chuan tunhnaia COVID-19 hri kai hmuhchhuahna, Serchhip Vengchung VC huamchhung chu August 16, 2021 atanga August 19, 2021 zan dar 7:00 thleng atan hmun khuahkhirh bik (Restricted Area)-ah a puang a, Serchhip Vengchung VC Area hi hri kai darh zel theihna a nih avanga Contact Tracing mumal leh chak taka kalpui a ni ang.
Nimin khan Serchhip District-ah African Swine Fever (ASF) vanga Vawk thi 31 chhin-chhiah belh leh a ni.
Serchhip District-a COVID-19 hri kai hmuh tawh chu mi za kua aiin an tam ta.
Serchhip District Police ten kum kalta chhunga Court-a Chargesheet an thehluh atanga za zela 93.18-ah te chuan thubuai neitute thiamloh chantir an ni.
Pathianni khan Mizoram-ah COVID-19 hri kai mi 249 hmuh a ni a, hei hi Sample enfiah zawng zawng 1258 atang chuan zaa 19.79 zet a ni thung.
Lunglei District-a Covid-19 hrileng dinhmun tlangpui leh a dolet kawnga hmalakna kal mek leh hmalak tul te zirchiangin Medical Operational Team on COVID-19 (MOT)-te chuan nimin khan Lunglei an tlawh a, Lunglei District-a hri leng dona kawnga thawktute nen inkawmna an nei bawk.
Tun thla ni 21 zanlai thlenga AMC huamchhunga Partial Lockdown leh Mizoram chhung hmun danga inkhuahkhirhna kalpui dan thlirhona chu nimin khan neih a ni a, Aizawl District pawn lamah hripui a darh tan tih tarlan niin a bik takin Kolasib District leh Lawngtlai District te chu vil uluk lehzual an tul nia sawi a ni.
Joint Action Committee on Inner Line Reserved Forest Demand chuan sawrkar in ramri ngaihtuah tura a din Core Committee atangin an inhnukdawk tih an sawi.
Mizoram-ah COVID-19 hri kai hmuhchhuah la awm belh zelin Inrinni khan Sample enfiah 8772 atangin hri kai 467 hmuh belh leh an ni a, Mizoram-a hri kai hmuhchhuah zawng zawng chu 48,462 an tling tawh a ni.
Mizoram Pradesh Congress Committee (MPCC) thupuangtu Dr. Lallianchhunga chuan Mizoram sawrkarin kalphung mumal tak a neih loh avangin hri kai an pun phah niin a sawi.
Joint Action Committee on Inner Line Reserve Forest Demand chuan ramri chungchang lehkha pawimawh an khawn khawm sawrkar-a an thehluh tawh chu Home Department in a pe let tih an sawi.
Health Minister Dr.R.Lalthangliana chuan cheng nuai 140 senga South Vanlaiphai PHC building sak thar chu luah theih turin a hawng.
Ram zalenna ni, India Independence Day vawi 75-na chu nimin khan Aizawl-ah pawh Chief Minister, Zoramthanga hovin hman a ni.
Inrinni khan Serchhip District-ah COVID-19 hri kai mi 11 zet hmuhchhuah belh leh an ni.
Nimin thleng khan Serchhip District-ah Vawk hri, African Swine Fever (ASF) vangin Vawk 3246 zet a thi tawh.
India Independence Day vawi 75-na chu nimin khan Serchhip District chhunga Civil SDO thuthmun ah te pawh hman a ni.
Ram Zalenna ni champhaphak, India Independence Day vawi 75-na chu nimin khan ramchhung hmun hrang hrangah urhsun taka hman a ni a. Serchhip-ah pawh hri leng karah he ni lawmna hi neih niin Khuallian, Deputy Govt. Chief Whip Lalrintluanga Sailo MLA chuan India Hnam puanzar a pawtparh a ni.
Nimin-a India Independence Day lawmna Serchhip-a neih ah kumin a HSLC leh HSSLC Exam-a Serchhip District atanga zirlai tithate leh AB PM-JAY kalpui tha ber te hnenah chawimawina hlan an ni.
COVID-19 hri leng dona atana hman turin SBI Foundation chuan nimin khan Serchhip CMO hnenah Ambulance an hlan a, he Ambulance hi Rs. 20,69,464/- man a ni.
Nizan hmasa khan Serchhip AOC Veng-a Midland M/S leh Block Resource Centre (BRC) te chu rawk niin heng hmun pahnih rawktu a puh te hi nimin khan Serchhip Police te chuan an man nghal.
Serchhip District chhunga khaw 23-ah te chuan zirna In hawn phalna pek a ni tawh.
India ramin zalenna a hmuh kum 75-na lawmna, Azadi ka Amrut Mahotsav kal zelah nimin zing khan Serchhip-ah Fit India Freedom Run neih a ni.
Nimin thleng khan Serchhip District-ah ASF vangin Vawk 3206 a thi tawh a, Vawk 2632 suat a ni tawh bawk.
Nimin khan Serchhip District-ah COVID-19 hri kai mi 3 hmuh belh niin mi 3 bawk enkawl dam an ni.
Niminpiah khan Mizoram-ah Sample 8083 enfiah niin heng atang hain COVID-19 hri kai 575 hmuh an ni a, Sample enfiah zawng zawng atanga zaa 7.11 te chuan hri an kai a ni.
Mizoram sawrkar chuan Mizoram khawchhak lam tlangdung te Eng pekna ti changtlung turin hma a la mek.
Health Minister Dr. R. Lalthangliana chuan Mizoram-ah Dental Doctor chu kum 20 chhung an lo la tawh lo tih sawiin, remchang hmasa berah la tura inbuatsaih mek a nih thu a sawi.
Chief Minister Zoramthanga chuan nimin khan North Eastern Council (NEC) atanga sum hmuh hmanga siam KM 84.50-a thui Khedacherra-Damcherra-Zamuang-Kawrthah-Tuilutkawn (KDZKT) Road chu Tuidam-ah a hawng a, he kawng hi Single Lane atanga Intermediate Lane ah siam niin PWD in an thawk a ni.
Nimin khan Serchhip Vengchung-ah CO-VID-19 hri kai mi 18 zet hmuhchhuah an ni a, P&E Veng-ah hri kai pakhat hmuh ni bawkin Serchhip District-a hri kai hmuhchhuah chu 874 an tling tawh a ni.
Nimin khan Serchhip District-a khaw 10-ah ASF vangin Vawk 20 a thi leh a, khaw pakhat a Vawk thi chu ASF ni ngeia hriat a ni bawk.
Niminpiah khan Mizoram-ah Sample 6192 enfiah niin heng atang hian COVID-19 hri kai 576 hmuhchhuah leh an ni a, Sample enfiah zawng zawng atanga zaa 9.30 te chuan hri an kai a ni.
P&E Department changtu Minister R. Lalzirliana chuan nimin khan Mamit District chhunga Chuhvel khua tlawhin khawtlang hruaitute nen inkawmna an nei.
Nimin khan Health Minister Dr. R. Lalthangliana hovin Health Department hotuten COVID-19 hrileng dona kawnga hma an lak dan an thlirho.
Mizoram Governor thar Brig. (Dr.) BD. Mishra (Retd) chuan ramri buaina avanga Mizoram mamawh lakluhna kawngpui National Highway 306 dan pin a ni thin chu thil tha lo tak, mihring puite dikna leh chanvo hnualsuatna a ni tih sawiin, he harsatna chinfel dan awlsam ber chu KMMTTP a rang thei ang bera siam zawh a ni, a ti.
Saichal khua a hmeichhe naupang 27 zet khuaikhemtu a puh, H. Lalhmingmawia chu thiamloh chantirin kum 15 chhung tang tur leh Rs. 8000/- chawi tura tih a ni.
Serchhip District Sports Committee (SDSC) chuan SDSC Sports Complex huamchhunga hri vanga Vawk thi phum tir a ni chu an hriatthiam loh thu an sawi.
Serchhip Hmar Veng-a Sports Complex-a Stadium sak chu tun thla tawp lam khian hawng turin ruahmanna siam mek a ni.
Nimin khan Serchhip District-a khaw 11-ah ASF vangin Vawk 38 a thi leh.
Serchhip District-ah COVID-19 hri kai enkawllai mi mi 18 awm mekin hri kai zinga za zela 97.54 te chu enkawl dam an ni tawh.
COVID-19 hri leng dona atana AIR Foundation leh World Vision ten Corporate Social Responsibility (CSR) kaltlanga bungrua an rawn pek hrang hrangte chu nimin khan Serchhip Chief Medical Officer, Superintendent of Police, District chhunga 4C paruk, VLTF 55 leh Quarantine Facility Caretaker te hnenah Bawrhsap in a hlan.
Niminpiah khan Mizoram-ah Sample 6532 enfiah niin heng atang hian COVID-19 hri kai 863 hmuh leh an ni a, Sample enfiah atanga zaa 13.21 te chuan hri an kai a ni.
P&E Department changtu Minister, R. Lalzirliana chuan ramri tihhmasawnna kal zelah ramri hrul-a khua leh hmun pawimawh ah Eng tha tak a awm theih nan chak taka hmalak mek a nih thu a sawi.
Mizoram Governor thar Brig. (Dr.) BD. Mishra (Rtd) chuan Mizoram mipuite chu Mizo-ram hmasawnna tur leh mipuite hamthatna tura thawhhopuiah a sawm.
Arunachal Pradesh State Governor ni mek Brig. (Dr.) BD. Mishra (Retd.) chu nimin tlai khan Mizoram Governor hna chelh lailawk turin rinawmna thu tiam tira lakluh a ni.
Serchhip District Level Task Force on Beti Bachao Beti Padhao (BBBP) chu nimin khan thukhawmin BBBP Action Plan 2020-21 First Phase hmalak mekte thlirin hmalak hma bakte kalpui dan tur an sawiho.
Serchhip District chhung Bungtlang khua a NGO leh Political Party hrang hrangte chuan an khuaa High School Headmaster sawn tur chu duh lovin nimin khan an dang.
Serchhip District-ah COVID-19 hri kai mi 23 enkawl mek an ni.
PHE Serchhip WATSAN Division in mipui tana Online hmanga Tui Bill pek theihna an siam chu mipui ten an la hmang tangkai tawklo niin a lang.
Serchhip District-a chhiatna thlen thulha rang taka tanpuina hna thawktu tur, Quick Response Team mi 9 te tana ni 4 chhung awh tur Training chu nimin khan Serchhip-ah neih tan a ni.
Mizoram-ah COVID-19 hri kai hmuh-chhuah an la awm belh zel a, niminpiah a Sample enfiah 7733 atangin hri kai mi 937 hmuh an ni a, Sample enfiah zawng zawng atanga zaa 12.11 te chuan hri an kai a ni.
Confederation of Indian Industry (CII) leh Software Technology Park (STPI) te hmalakna in nimin khan India zalenna kum 75 tlin lawmna tur denchhenin ‘Economic Development in North East -Challenges, Opportunities and The Way Forward’ tih thupui a hmangin Virtual Seminar neih a ni a, he hun hi Commerce & Industries Minister, Dr. R. Lalthangliana chuan a hmanpui a ni.
Nimin khan Serchhip District-ah African Swine fever (ASF) vanga Vawk thi 29 chhin-chhih belh leh niin Vawk 8 suat leh a ni bawk.
Association for Voluntary Blood Donation (AVBD) General Hqrs. hruaitute chuan Hripui leng avang leh lockdown avangin Mizoram-ah a thlawna thisen pek, Voluntary Blood Donation a tlahniam nasa tih an sawi.
Pathianni khan Mizoram-ah Sample 1388 enfiah niin heng atang hian COVID-19 hri kai mi 281 hmuhchhuah an ni a, Sample enfiah atanga za zela 20.24 te chuan hri an kai a ni.
Mizoram Merchant Association (MIMA) General Hqrs. chuan hri leng kara Dawr inhawn chhawk dan tur sawrkar in a siam chu siam danglam tha an tih thu an sawi.
ZPM Thalaite chuan Sports Minister, Robert Romawia Royte chu dawt sawi ching tawhlo turin an ngen tih an sawi.
Vairengte Aitlang-a huan neitu mi 18 te chuan nimin khan Chief Minister Zoramthanga hnenah ziakin an harsatna te an thlen.
High Powered Committee Lunglei leh Agriculture Department tangkawpa Bekang chin kawnga hmalakna tur Project, Intensive Cultivation of Soyabean chu nimin khan Lunglei-ah tlangzarh a ni.
Mizoram chhunga Kanhmun khua leh Tripura State-a Damcherra khua te chu inkalpawh phalna pek a ni.
Mizoram sawrkarin Myanmar buaina avanga Mizoram-a rawn raltlante chhawmdawlna pe tura a ngen chungchangah sawrkar laipui-a Ministry of Home Affairs (MHA) chuan thu leh hla a la rawn nei lo a. Mizoram-a Myanmar raltlan mi 20,000 bawr vel an awm nia ngaih a ni.
July 26, 2021-a Mizoram leh Assam Police te an inkah avanga Assam lamin State pahnih inkalpawhna kawngpui NH. 306 an danpin chu Inrinni zan-a an hawn hnuah nizan thleng khan lirthei za ruk chuang Mizoram-ah a rawn lut tawh a. Kawngpui dan avang khan Assam lama sumdawng tam takin harsatna an tawk nia thudawn a ni.
Nimin thlengin Serchhip District-a ASF hri lenna hmunah Vawk thi 3071 a awm tawh.
PHE Department in Tuikum Lui atanga Khawtetlang-a Tui an lakna Pipeline-ah Inrinni khan Non-Return Valve (NRV) vuah a ni.
Serchhip District-a COVID-19 hri kai hmuh te zingah za zela 95.87 te chu enkawl dam an ni tawh.
COVID-19 hri leng avanga Serchhip District mipuite tana inkaihhruaina lo siam tawh chu tun thla ni 14 thleng hman chhunzawm leh a ni dawn.
Mizoram-ah COVID-19 hri kai hmuhchhuah chu 44,239 an tling ta a, Inrinni-a Sample enfiah atangin hri kai 709 hmuhchhuah niin Sample enfiah atanga za zela 7.69 te chuan hri an kai a ni.
Mizoram Pradesh Congress Committee (MPCC) chuan harsatna tawkte chhawmdawlna kawnga hma la tura sawrkar an phut thu an sawi.
Food Civil Supplies & Consumer Affairs Minister K. Lalrinliana chuan Bairabi Rel Station bula Indian Oil Corporation Ltd. (IOCL) in tuialhthei dahkhawlna (Depot) bun a tumna hmuna ram neitu; sawrkar in ram a lak sak tura zangnadawmna diltute chu Zirtawpni khan a kawm.
Mizoram-a COVID-19 hri kaite enkawl dan chungchang sawihona chu nimin khan Health Minister Dr. R. Lalthangliana hovin neih a ni.
COVID-19 thawhhnihna a damlo enkawlte leh nunna chanta te bihchiannaah natna benvawn nei a bikin Lung thalo, Thisen sang, Zunthlum, Tar chaklo te leh Raipuar te an ngaihtuahawm bik nia hriat a ni tih ZMC hotute chuan sawiin, CAB zawm that chu a him tawk tih an sawi bawk.
Consumer te i harh ang u XXIX :
- Laldinpuia, Secretary,
Serchhip District Consumer Association
Mizoram-ah COVID-19 hri kai an la hmuhchhuah belh zel a, niminpiah khan Mizoram-ah Sample 7702 enfiah niin hri kai 725 hmuh belh leh an ni a, Sample enfiah atanga za zela 9.41 te chuan hri kaiin Mizoram-ah hri kai enkawl dam mi sing thum aiin an tam tawh bawk.
Nimin khan Deputy Chief Minister, Tawnluia hovin COVID-19 hrileng dona atana sawrkar hmalakna leh hmalak zel dan tur bakah tuna kan dinhmun thlirhona neih a ni.
Chief Secretary Lalnunmawia Chuaungo chuan, Mizoram mamawh lakluhna National Highway 306 kawng dan titawp tura Assam sawrkar nawr chuk chuk chu Mizoram sawrkar in tul a ti lo tih a sawi.
Tun thla ni 15-a Serchhip-a India Independence Day lawmna neih turah Assembly Deputy Speaker, Er. Lalrinawma chu khuallian ni tura ruat a ni a, tarlan tawh angin India Independence Day hi hri leng avangin sawmbik mi tlemte ten zingkar ah Serchhip DC Office Tual-ah an hmang dawn a ni.
Nimin khan Serchhip District-a khaw 12-ah African Swine Fever (ASF) vangin Vawk 35 a thi leh a, Serchhip District-a ASF vanga Vawk thi chu sang thum a tling ta.
Nimin khan Serchhip District-ah COVID-19 hri kai hmuhchhuah belh niin hri kai mi 2 te enkawl dam an ni bawk.
Serchhip Agriculture Complex-a Building sak thar pathum (3) leh Video Conference Hall siam thar te chu nimin khan Agriculture Department-a Director, Rohmingthanga Colney chuan a hawng a. FOCUS Serchhip District Annual Report leh an hlawhtlinna tarlanna a Bu-a siam te pawh a tlangzarh nghal bawk.
Nimin chawhnu khan Health Minister, Dr. R. Lalthangliana hovin COVID-19 hri leng dinhmun thlirhona neih a ni.
Tunhnaia Mizoram leh Assam ramri chungchanga buaina kal zelah nimin khan State pahnih aiawhte'n Mizoram-ah inbiakna an nei a. Inbiakna neih zawh hnu hian Assam sawrkar chuan Travel Advisory a tihchhuah chu sutin, Assam lam atanga Mizoram luhkha kawngpui, NH. 306 dan mek pawh tihtawp a nih thuai beisei a ni.
Niminpiah khan Mizoram-ah Sample 9058 enfiah leh niin heng atang hian COVID-19 hri kai 1088 hmuh leh an ni a, Sample enfiah zawng zawng atanga zaa 12.01 te chuan hri an kai a ni.
Tunhnaia Assam leh Mizoram ramri-a buaina thleng avangin nimin khan State pahnih aiawhte chuan inbiakna neiin thuchhuah intawm an siam.
Nimin khan District Child Protection Committee chu Serchhip-ah thukhawmin COVID-19 hri leng mekah naupang kumtlinglo hri kai te enkawlna hmun tur siam dan tur an sawiho.
Nimin khan Serchhip District-ah African Swine Fever (ASF) vanga Vawk thi 60 lai a awm belh leh.
Tunhnaia ramri chungchanga buaina thleng avangin Serchhip-ah chawlhkar khat zet eirawngbawlna Gas rawn thleng a awm tawhlo.
Serchhip leh Thenzawl khua-a Tui Connection nei ten Online hmanga PHE Department-a Tui Bill an pek theihna tur, Online Bill Payment chu nimin khan PHE Department a Chief Engineer, Zone-I Er. HC. Lalnunzira MES chuan a hawng.
Serchhip District Consumers Association leh P&E Department hotute chuan nimin khan Electric Bill chungchangah inkawmna an nei.
Serchhip District-ah COVID-19 hri kai enkawllai mi 56 an awm mek.
Mizoram-ah ni khat-a COVID-19 hri kai hmuhchhuah zat chu ala tlahniam hlei thei lova, niminpiah khan Mizoram-ah Sample 9170 enfiah leh niin heng atang hian hri kai 885 hmuh leh an ni a, Sample enfiah atanga zaa 9.65 te chuan hri an kai a ni.
Nimin khan Serchhip District-ah African Swine Fever (ASF) vangin Vawk 25 a thi leh a, Serchhip District-ah ASF vangin Vawk 2911 a thi ta a ni.
Hri leng vanga inkharkhip kalpui laia Govt. Serchhip College Boys Hostel rawktu nia hriat chu Serchhip Police ten chhuichhuakin a thil ruk te pawh hmuh let a ni bawk.
Serchhip Bukpui atanga East Lungdar-a kawlphetha pekna Line tihchangtlunna tur, 132kV Line chu nimin khan enchhin niin hman chhunzawm mai theih tawh tura ngaih a ni a. He Line hi hman theih tura khawl dang peihfel a nih hunah chuan Khawzawl thlenga kawlphetha pekna leh lakna atan hman tangkai theih a ni dawn a ni.
Health Minsiter Dr. R. Lalthangliana chuan niminpiah khan khum 100 awm theihna tur Mamit District Hospital sak mek chu a tlawh.
Mizoram Legislative Assembly Speaker, Lalrinliana Sailo chuan niminpiah khan a bial chhung Khawruhlian leh Hmunnghak khua te tlawhin tunhnaia ruahsur nasa avanga hmun hrang hranga leimin leh lei tawlh te a hmunah a en.
Mizoram leh Assam ramri buaina a hmuna thil awmdan hrechiang tura rawn kal, Phailam Journalist thenkhat te chuan nimin khan Aizawl Press Club tlawhin MJA Member te nen inkawmna an nei.
Medical Operational Team (MOT) leh Indian Medical Association (IMA)-te chuan nimin khan Mizoram ramri-a Duty Police te tlawhin, damdawi leh thildang, hri venna atana thil tangkai turte an hlan.
Mizoram Pradesh Youth Congress Committee (MPYCC) leh National Student Union of India (NSUI) Mizoram OB te chuan Assam Chief Minister Himanta Biswa Sarma chet dan leh Assam-in NH. 306 an dan pin avanga lungawi lohna nimin khan lantirin India President hnenah lungawilohna an thlen bawk.
Home Minister Lalchamliana chuan tharum thawhna hmanga buaina chinfel chu thil tha ber a nih loh thu a sawi.
Gauhati High Court, Aizawl Bench chuan Mizoram sawrkarin chhim bial-in RT-PCR khawl a mamawh lo nia Gauhati High Court-a thu a thlen chu pawm lovin, nimin atanga chawlhkar khat chhunga RT-PCR din tur Committee din turin Mizoram sawrkar chu a hriattir bawk.
Serchhip District Civil Supply Officer (DCSO), C. Zadailova chuan tunhnaia Assam leh Mizoram ramri buaina thleng avanga hun engemaw chen ei leh bar lakluh kawnga harsatna thleng chu ramri-ah buaina a ziaawm tak avangin mipuite tan chi-aina tur a awmloh thu a sawi a, Serchhip-ah buhfai chhekkhawl sa pawh ala tam thu a sawi bawk.
Serchhip Sub-Hqrs. YMA hmalakna ramri Vengtute tana mipuite thawhkhawm chu nimin khan Vairengte-ah hlan fel a ni.
Nimin khan Serchhip District-ah COVID-19 hri kai mi 3 hmuh belh leh niin Serchhip District-ah hri kai enkawllai mi 58 an awm mek.
Nimin khan Serchhip District-a khaw 13-ah African Swine Fever (ASF) vangin Vawk 38 a thi leh.
Khualkhua atanga Serchhip District Hospital-a damlo boral te ruang thawnchhuahna turin Serchhip Sub-Hqrs. huamchhunga YMA Branch ten tunlai hian Kuang an thawhkhawm leh mek.
Serchhip bialtu MLA, Lalduhoma chuan a bial chhung Thenzawl CHC-a damlo a mamawh apiangte hman turin nimin, August 3, 2021 khan Ambulance a hlan.
Niminpiah khan Mizoram-ah Sample 9223 enfiah leh niin heng atang hian COVID-19 hri kai 748 hmuh leh an ni a, Sample enfiah atanga zaa 8.11 ten hri hi kaiin Mizoram-a COVID-19 hri kai hmuhchhuah chu mi sing li aiin an tam tawh a ni.
India ram UT leh State hrang hrang Covid vaccine la zat tam lamah tun dinhmunah Mizoram chu pasarihna a ni mek a. Tun thla tir thleng khan hri danna dawng tawh mi 8,28,867 an awm a ni.
Horticulture Department leh Clover Organic Pvt. Ltd. te tangkawp buatsaihin nimin zing khan a tumkhatna atan Lakhuihthei leh Dragon-Fruit chu Delhi-a thawnchhuah a ni.
Health Minister Dr. R. Lalthangliana chuan nimin khan Kolasib, Vairengte leh Kanhmun khua te tlawhin hri leng dona kawnga hmalakna hrang hrangte a enpui a. Ramri buaina avanga State pawn atanga thuthar lakhawmtu engemaw zat lo kalte chu thudik hailanna kawng a hmanraw tangkai tak a hmang thiam turin a chah bawk.
Tunhnaia Mizoram leh Assam ramri chungchang buaina thleng avanga Mizoram ramri venhim hna thawktute tana Serchhip Sub-Hqrs. YMA in tanpuina a khawn te chu Vairengte lama hlan turin nizan khan Serchhip atangin phurhthlak a ni.
India ram UT leh State hrang hrang Covid vaccine la zat tam lamah tun dinhmunah Mizoram chu pasarihna a ni mek a. Tun thla tir thleng khan hri danna dawng tawh mi 8,28,867 an awm a ni.
COVID-19 chungchanga sawrkar aiawha thupuangtu Dr. Pachuau Lalmalsawma chuan, “Total lockdown phelh thawl hi thawktute hian kan chak tawh. Mahse, tuna kan dinhmun thlir hian In lamah kan in en hlum lo ang tih pawh a sawi theih loh,” a ti.
India hmarchhak State hrang hranga Congress Thalaite chuan India hmarchhaka State ramri buaina chinfelna kawnga awmze nei zawka inrawlh thuai turin Prime Minister chu an ngen.
Tunhnaia Mizoram leh Assam ramri buai vanga Mizoram chak lakna kawng Assam lamin an dan avangin Mizoram in damdawi leh mamawh hrang hrang lakluh kawngah harsatna nasa tak a tawk tih Health Minister Dr. R. Lalthangliana chuan a sawi.
Pathianni khan Mizoram-ah Sample 1212 enfiah niin COVID-19 hri kai mi 438 hmuhchhuah an ni a, hri kai hmuhchhuah zat hi tlem deuh mah se Sample enfiah atanga chhut chuan za zela 36.13 zetin hri an kai a ni.
Chief Minister Zoramthanga chuan nimin khan Twitter kaltlangin Mizoram leh Assam inrem theih nan leh mipuite thlamuang zawka an awm theih nan Vairengte Police Station-a Assam mi te laka July 26-a FIR an thehluh chu an sut leh tih a sawi.
ZPM Thalaite chuan Mizoram sawrkar chu hri len laia sum a hmuh hnem ang aiin a mi te tana luangchhuak tawklo nia an hriat thu an sawi.
MNF Thalai, Mizo National Youth Front (MNYF) chuan ramri chungchanga Mizo mipui tanrualna chu lawmawm an tih thu an sawi.
Tunhnaia Mizoram leh Assam ramri chung-changa buaina thlenga Lalsangpuii te nupa chunga thil thleng chu Mizoram State Commission for Women chuan National Commission for Women, Delhi-ah a hriattir.
Keitum Branch YMA te chuan nimin atang khan an huamchhunga chhungkaw pakhat chenna In tur an sak sak.
Serchhip District-a African Swine Fever (ASF) avanga Vawk thi chu a tlahniam hret hret niin a lang a, nimin khan Vawk thi 29 chiah chhinchhiah thar a awm a ni.
Serchhip District-a COVID-19 hri kai hmuh tawh chu 844 an ni tawh a, hri kai zinga zaa 92.18 te chu enkawl dam an ni tawh.
COVID-19 hri leng mek laka mipuite an him theihna tura zawm tur, Covid Appropriate Be-haviours (CAB) chungchang inzirtirna chu nimin tlai khan Serchhip Bazar-ah neih a ni.
Serchhip District Bawrhsap, Kumar Abhishek IAS chuan COVID-19 hri leng mek laka himna tura inkaihhruaina Dan siam te mipui ten an zawm that loh chuan Total Lockdown emaw, inkaihhruaina khauh zawk emaw siam a nih leh tur thu a sawi.
Serchhip District-ah COVID-19 hri kai hmuh an la awm belh zel a, nimin thleng khan hri kai 838 hmuh an ni tawh.
Mizoram-ah COVID-19 hri kai hmuhchhuah an la pung zel a, Zirtawpni-a Sample enfiah atanga hri kai 893 hmuhchhuah a nih hnuah Inrinni-a Sample enfiah atangin hri kai 861 zet hmuhchhuah belh leh an ni.
Serchhip District-ah Inrinni thleng khan mi 39,650 te hnenah COVID-19 Vaccine Dose 1-na pek ni tawhin an zinga mi 13,797 te chu Dose 2-na pek an ni tawh.
Nimin thleng khan Serchhip District-a khaw 26-ah African Swine Fever (ASF) vangin Vawk 2799 a thi tawh a, Vawk 2235 suat a ni tawh bawk.
Serchhip District chhugna COVID-19 hri leng avanga inkaihhruaina hmanlai chu August 7, 2021 zanlai thlenga hman chhunzawm tura tih a ni.
COVID-19 hri leng avanga Aizawl Municipal Corporation (AMC) huamchhunga Total Lockdown kalpui mek chu kar khat dang, August 7, 2021 zanlai dar 12:00 thleng pawhsei leh a ni.
Mizoram leh Assam inkar ramri buaina avanga inkahna thlengah Mizoram Police te chuan Vairengte Police Station-ah Assam Chief Minister leh Official thenkhatte lakah ah thubuai an ziaklut a, Vawiin August 2, 2021-ah Vairengte PS-a inlan turin an hriattir.
July 26, 2021-a Assam leh Mizoram Police te inkahna thlenga Mizoram lama hliam tuar Vairengte tlangval chu a thatchhuah leh thuai beisei a ni.
Mizoram a tlawmngai pawl intelkhawmna, Joint NGO Coordination Committee hruaitute chuan ramri hrul buaina thleng vanga Assam lamin kawngpui an dan chah (economic blockade) mek chu chi-ai lo leh zam lo a hmachhawn turin Mizo mipuite an chah.
Health Minister Dr. R. Lalthangliana chuan tunhnaia Aizawl khawpuia COVID-19 hri kai pun thar nasatna Veng hrang hrangte nimin khan a tlawh a, kan boruak thlirin hri leng inkaichhawnna ah a vawrtawp kan thlen mek laia inthlahdul chu a hlauhawm-a an hriat avanga Lockdown pawhsei leh a nih thu a sawi.