Lenkawl

Urban Development & Poverty Alleviation Department (UD&PA) in Serchhip Sports Complex-a Sports Stadium an sak chu nimin khan biakhmuh theihna hmangin UD&PA changtu Deputy Chief Minister Tawnluia chuan a hawng a, he Sports Stadium hi Sports & Youth Services Department kutah hlan nghal a ni.

Nimin khan Serchhip District-a khaw 4-ah ASF vangin Vawk 12 a thi leh a, New Serchhip ah Vawk 6 thiin Vengchung-ah 3, Chanmari-ah 2 leh Keitum-ah Vawk pakhat a thi a, heti hian Serchhip District-a ASF vanga Vawk thi chu 3496 a tling tawh a ni. Nimin khan Keitum-ah Vawk 28, Chanmari-ah 6 leh Chhingchhip Mual-pui-ah Vawk pakhat suat leh niin Serchhip District-ah Vawk 2851 suat a ni tawh a ni.

Serchhip District Fisheries Development Officer (DFDO), Lucy Lalrinpuii chuan nimin khan Serchhip Sub-Hqrs. YMA OB te a Pisa-a leng ah sawmin inkawmna an nei.

Serchhip District-ah COVID-19 hri kai en-kawllai mi 60 an awm mek.

Nimin khan Serchhip District Hospital-ah TB enfiahna khawl thar, Catridge Based Nucleic Acid Amplification Test (CBNAAT) chu hman theih tura hawn a ni.

AR hotu in CM a kawm

Pathianni khan Mizoram-ah Sample 1948 enfiah niin heng atang hian COVID-19 hri kai 440 hmuhchhuah an ni a, hri kai hmuhchhuah zat hi tlem deuh mah se Sample enfiah atanga za zela 22.59 te chuan hri an kai thung a ni.

Department of Labour, Employment, Skill Development & Entrepreneurship hmalakna in World Skill Competition, 2022, Shanghai, China-a tel thei tur thlanna, State Level Skill Competition hawnna chu nimin khan neih a ni.

Rural Infrastructure Development Fund (RIDF) chungchang inhrilhhriatna hun chu nimin khan Champhai-ah National Bank for Agriculture and Rural Development (NABARD), Mizoram Regional Office buatsaihin neih a ni.

Mizoram Statistical Handbook, 2020 chu nimin khan Economics & Statistics Director B. Lalrinhlua chuan a tlangzarh.

Hripui leng vanga Total Lockdown puanna hnuaiah Mizoram sawrkar-a Taxation Department Chhiah hmuh chu a tlakhniam phah lutuk lo a, kum kal mek 2021-22 (April-July) chhungin Chhiah chi hrang hrang Rs. 2,71,62,77,977/- an hmu tawh a, hetihlai hian kum kalta (2020-21) April-July a chhiah hmuh chu Rs. 1,66,11,86,314/- a ni.

Serchhip District TB Centre-a CBNAAT khawl bun thar chu Vawiin tlai dar 3:00 hian Ser-chhip CMO Dr. Laldawngliana Sailo chuan a hawng dawn a, CBNAAT khawl hmang hian TB hrik kai te chu awlsam zawka hmuhchhuah theih an ni dawn a ni.

Serchhip Hmar Veng Sports Complex-a Sports Stadium sak thar chu Vawiin chawhma dar 11:30 hian hawn a ni dawn ta a, UD&PA Department changtu Deputy Minister, Tawnluia chu khuallian niin Sports Minister Robert Romawia Royte chu khual zahawm a ni ang. Hri leng mek avangin Sports Stadium hawnna hi biakhmuh theihna hmanga neih tur niin RB Mc Cabe Hall, Aijal Club atang leh Serchhip Sports Stadium ah te hun hman a ni dawn a ni.

Serchhip District-a lirthei ke 2 nei intelkhawm ‘06 Bikers’ te chuan Inrinni khan Serchhip Blood Bank-a dah turin thisen Unit 12 an pe a, an vai hian mipa vek an ni. 06 Bikers te chuan lirthei ke 2 neitute vantlang tana mi hnawksak ni lova midangte tana thil tha ti tura ding an ni tih sawiin, an Member te chu khawchhungah chak tak tak leh rui chunga lirthei khalh lo tura an inzirtir thin thu an sawi a. Kumin-a India Independence Day ah pawh khan midangte tanpuiin Charity Ride te pawh an neih thu an sawi bawk.

Nimin khan Serchhip District-a ASF hri lenna hmunah Vawk thi 25 awm lehin Serchhip District-a ASF vanga Vawk thi chu 3484 a ni ta a. Nimin a Vawk thi 25 zinga 21 te hi Serchhip Chhim Veng ami te niin New Serchhip leh Baktawng ah Vawk pahnih ve ve a thi leh bawk. Nimin khan Keitum-ah Vawk 15 suat leh niin Baktawng-ah 3, Chhim Veng-ah 2 leh Chhuanthar Tlangnuam-ah pakhat suat leh niin Vawk suat tawh hi 2816 a ni. ASF hri lenna hmun ni lo-ah nimin khan Vawk thi leh suat a awmlo thung.

Serchhip-a District Urban Development Officer (DUDO), Er. Albert Vanlalliantluanga chuan tunhnai khan Mizoram University (MZU) atangin Doctor of Philosophy (Ph.D) a zo a, a Thesis chu ‘Impact of Solid Waste Disposal on Soil Characteristics in Kolasib Town’ tih a ni.

Serchhip District-a COVID-19 hri kai hmuhchhuah chu mi sangkhat aiin an tam ta,a Inrinni khan Serchhip District-ah COVID-19 hri kai mi 9 lai hmuhchhuah awmin mi 34 te chu enkawl dam an ni thung.

Ni 3 chhung thukhawm dawn

Kumin Olympic Games-a India aiawha Hmeichhe Hockey inelna a tel Lalremsiami chuan Inrinni khan an khua (Kolasib) thlengin bialtu MLA leh Supply Minister, K. Lalrinliana hovin ropui taka lo hmuah a ni.

Nimin khan Serchhip District-ah African Swine Fever (ASF) vangin Vawk 15 a thi leh a, Serchhip District-a ASF vanga Vawk thi chu 3457 a tling tawh.

Nimin khan Serchhip District-ah COVID-19 hri kai mi 9 hmuhchhuah ni lehin Serchhip District-a hri kai hmuhchhuah chu 996 an tling ta.

Serchhip District-ah niminpiah thleng khan kum 18 chunglam, COVID-19 Vaccine la thei zingah za zela 83.80 te chu Vaccine pek an ni tawh.

Serchhip District-a COVID-19 hri kai zingah kum 18 hnuailam an pung chho mek nia thudawn niin naupang hri kai te enkawlna tur pawh ruahman mek a ni.

Nimin tlai khan Kolasib Diakkawn Veng-a unau pathum chu an Tuizem siam-ah boruak tla-chhamin an boral nia hriat a ni a, anmahni chhan tumtu mi pakhat pawh a boral bawk.

NEC Secretary in CM kawm

Niminpiah khan Mizoram-ah Sample 9967 enfiah leh niin heng atang hian hri kai mi 905 hmuhchhuah leh an ni a, Sample enfiah atanga za zela 9.08 te chuan hri kaiin Mizoram-ah hri kai hmuhchhuah hi an pung chho leh tan mek a ni.

School Education Department leh Door-darshan Kendra Aizawl te chuan DD Mizoram channel-a Educational TV Programme chhunzawm nan nimin khan inremna an ziak.

Sialkal Range Development Council (SRDC) chuan SRDC Area-a Civil Services leh Technician zirlaite hnenah nimin khan tanpuina (Sponsorship) nimin khan an hlan.

Lai Autonomous District Council Fur thutkhawm neih mekah MNF Sawrkar, Manghmunga Chinzah kaihhruai chuan thlawptu a neih tam loh avanga niminpiah-a paih a nih hnuah nimin khan CEM thar thlanna neih a ni.

North Eastern Council (NEC) hnuaiah Project thawhlai 26 Mizoram-ah awm mekin heng zinga 15 te chu kumin sawrkar kum chhung hian thawh zawh hman beisei a ni.

Mizoram-a COVID-19 hri kai boral zingah a zatve zet chu taksa-a hri kai lanchhuahna an neih veleh a Sample enfiah nghal lo an ni a, hei vang hian mithiam te chuan mipuite chu mahni in chik renga symptom an neih chuan a rang thei ang bera in test nghal turin an duh tih an sawi.

Mizoram-ah ni khat-a hri kai hmuhchhuah an pung chho leh mek a, niminpiah khan Mizoram-ah Sample 8388 enfiah niin heng atang hian COVID-19 hri kai 794 hmuhchhuah leh an ni a, Sample enfiah te atanga za zela 9.47 te chuan hri an kai a ni.

Nimin khan Serchhip District-ah ASF vanga Vawk thi 3 awm belhin heng te hi Keitum, Chan-mari leh Zote South khua ah pakhat theuh a ni a, Serchhip District-ah ASF vanga Vawk thi a awm hnua ni khat-a Vawk thi an tlem ber tum nia hriat a ni a, Serchhip District-a ASF vanga Vawk thi chu 3442 a tling ta bawk a ni. Nimin khan Serchhip District-ah khaw 4-ah Vawk 25 suat leh a ni bawk.

NBA Life Patron, India Council for Child Welfare chuan naupang kum 6-18 inkarte zinga midangte chhanhim nan leh khawtlang tana mahni nunna leh taksa thapa huaisenna lantirte tan Huaisen Lawmman a siam a, Serchhip District atanga hemi atana rawtna siam duh tan Serchhip DC Office-a form awmsa hmanga rawtna hi thehluh theih a ni a, September ni 15, 2021 ralhmaa thehluh tur a ni ang.

Nimin khan Serchhip District-ah COVID-19 hri kai mi 5 hmuhchhuah leh an ni.

Hun engemaw chen thalai ten a hawn hun an lo nghah tawh Serchhip Sports Complex-a Sports Stadium chu karleh Thawhtanni, August 30, 2021 chhun dar 12:00 khian hawn a ni dawn ta a, hri leng avanga mipui punkhawm a remchan loh avangin biakhmuh theihna hmanga hawn tur niin UD&PA Department changtu Deputy Chief Minister, Tawnluia leh Sports Minister Robert Romawia Royte ten an hawng ang.

Beti Bachao Beti Padhao (BBBP) Serchhip District hmalakna hnuaiah ‘My Aim My Target Career Awareness Campaign’ chu nimin khan Govt. HSS Serchhip Zirlai naupangte tan buatsaih leh a ni.

Hri leng dona hmanrua hlan

Lai Autonomous District Council-a MNF Sawrkar, CEM Manghmunga Chinzah kaihhruai chuan nimin khan House-ah fiahna a paltlang zo lo.

Mizoram Departmental Officers Association (MDOA) chuan nimin khan Chief Secretary Lalnunmawia Chuaungo chu chawimawina hun an buatsaih.

Govt. T. Romana College chuan Mizoram University-in Under Graduate Exam a buatsaiha an College atanga pass tha te chawimawina hun nimin khan an hmang.

Mizoram Lok Sabha MP, C. Lalrosanga chuan tunhnaia Assam leh Mizoram Police te inkahna hmun leh Saihapui V te chu nimin khan a tlawh.

Mizoram sawrkar buatsaihin Tokyo Olympic 2020-a tel Lalremsiami chawimawina hun chu Aizawl Vanapa Hall-ah buatsaih a ni.

Mizoram State Law Commission chu nimin khan an Chairman Lala Khobung hovin an thukhawm a, Dan hmanlai thenkhat chu siamtha turin sawrkar-ah thlen tura rel niin Eighth Schedule-ah Mizo tawng (language) chu telh ve turin sawrkar-ah thlen nise an ti.

Japan khawpui Tokyo-a Olympic Games neih zawh taka Mizo zinga tel awmchhun, Indian Women’s National Hockey player Lalremsiami chuan nimin khan Mizoram rawn thlengin ropui taka lo hmuah a ni.

Nimin khan Serchhip District-ah COVID-19 hri kai mi panga hmuhchhuah belh awm lehin Serchhip District-a hri kai hmuhchhuah chu 974 an tling tawh.

Nimin (August 25, 2021) thleng khan Serchhip District-ah COVID-19 hri leng mek avangin Sample 22,832 enfiah ni tawhin heng atang hian hri kai 974 hmuhchhuah an ni tawh a, hri kai zinga 883 te chu enkawl dam ni tawhin, hri kai hmuhchhuah atanga za zela 90.65 te chu enkawl dam an ni tawh a ni.

Serchhip District-ah African Swine Fever (ASF) vangin Vawk 3439 zet a thi tawh a, nimin khan Vawk thi 24 a awm belh leh a ni.

Govt. Serchhip College chuan nimin khan Annual College Day hmangin kumin a an College zirlai tithate hnenah chawimawina leh lawmpuina hlan an ni.

Beti Bachao Beti Padhao (BBBP), Serchhip District hnuaia hmalakna pakhat atan nimin khan Govt. Serchhip College-ah ‘My Aim My Target Campaign’ Programme atangin hmeichhe zirlai naupangte tan Special Career Awareness Seminar buatsaih a ni.

Lunglei-a BCCC tlawh

Tunhnaiah Mizoram-a COVID-19 hri kai hmuhchhuah chu an pung leh hret niin a lang a, niminpiah khan Sample 9636 enfiah niin heng atang hian hri kai mi 740 hmuhchhuah leh an ni a, Sample enfiah atanga za zela 7.68 te chuan hri hi an kai a ni.

PHE Department changtu Deputy Chief Minister Tawnluia chuan nimin khan ‘100 Days Campaign - Sustainability of ODF gains and achieving million soakpits’ chu a hawng.

Mizoram chhunga College leh zirna In sang zawkte hawn leh dan tur chungchang sawihona chu nimin khan Higher & Technical Education Minister Dr. R. Lalthangliana hovin a Pisa-ah neih a ni.

Nimin khan Mamit-ah District Bawrhsap Dr. Lalrozama IAS hovin Mamit khawpui chhunga pawl hrang hrang hruaitute leh Sawrkar officials te chu Mamit District chhunga hmasawnna hna kal mek leh hmachhawpte bakah District dinhmun hrang hrangte thlirin an thukhawm.

Tourism Minister in kawm

Niminpiah khan Mizoram-ah COVID-19 hri kai hmuhchhuah pung leh hlekin Sample enfiah 10,104 atangin hri kai 845 hmuhchhuah an ni a, Sample enfiah atanga za zela 8.36 te chuan hri an kai a ni.

Health Minister leh South Tuipui Bialtu MLA ni bawk Dr. R. Lalthangliana chuan Ministry of Defence hnuaia Border Road Organization (BRO) in Tuipui-D (Darzo kai) Lei dawh thar tura ruahmanna an siam mek chu chak zawka bawhzui a nih theih nan nimin khan a hmunah tlawhin BRO Project Pushpak Chief Engineer, PN. Yadav chuan a tawiawm a ni.

Mizoram-a a hmasa ber ni tura Kolasib District chhung, Pangbalkawn khua a Rice Mill bun mek commission dan tur chungchang chu nimin khan Agriculture Minister hova sawiho a ni.

Congress Thalai, Mizoram Pradesh Youth Congress Committee (MPYCC) chuan nimin khan Aizawl-a Vanapa Hall Kawt-ah 'Electric bill dik lo dodalna' hun hmangin Electric Bill dik lo engemaw zat hàl a ni.

Serchhip Vengchung Pastor Bial KTP inkhawmpui in a lo rel tawh angin nimin khan Serchhip Bazar Branch KTP te chuan Serchhip Blood Bank-a dah turin thisen Unit 20 an pe a, thisen petute hi mipa 12 leh hmeichhia 8 niin heng mi tlawmngai te hi Blood Bank-ah kalin a thawktu ten thisen hi an lo lak sak a ni.

Serchhip District chhunga khaw 18 te chu inkhawm phalsak leh niin heti hian Serchhip District chhunga khaw 22 te chu inkhawm phalna pek an ni tawh.

Serchhip District-a sawrkar Department hrang hrang enkawltu Officer (Head of Offices) te pualin nimin khan chhiatna lo thlen thulha chhanchhuah leh chhawmdawl hna thawh dan zirhona neih a ni.

Serchhip District-ah COVID-19 hri kai en-kawllai mi 90 an la awm mek.

Nimin khan Serchhip District-a khaw 12-ah ASF vangin Vawk 30 zet a thi leh a, nimin thlenga ASF vanga Serchhip District-a Vawk thi chu 3415 a tling tawh.

Health Minister Dr. R. Lalthangliana chuan nimin khan Serchhip District rawn tlawhin District Level Task Force on COVID-19 te nen Serchhip DC Meeting Hall-ah COVID-19 hri leng mek chungchanga hmalak dan an thlirho bakah Third Wave lo thleng thei chungchanga hmalak dan te an thlirho bawk.

Nimin khan Serchhip District-ah African Swine Fever (ASF) vangin Vawk 15 a thi leh a, heng te hi khaw 8 ami niin Keitum leh Bungtlang-ah Vawk 4 ve ve a thi a ni. Heti hian nimin thleng khan Serchhip District-ah ASF vangin Vawk 3385 zet thi tawhin nimin-a Vawk suat 5 nen Vawk 2704 suat a ni tawh a, nimin khan Piler-ah Vawk 17 zet a thi leh bawk a ni.

Tunhnaia mimal hnena sum dah avanga harsatna tawk mek te chuan nimin khan Serchhip SP hmuin harsatna an tawh te an sawipui.

Serchhip Chanmari Village Council chuan Executive Body thar an insiam hnuah nimin khan VC mawhphurhna an inhlan fel ta.

Serchhip Health Staff Welfare chuan tunhnaia COVID-19 hri leng avanga harsatna nasa tak tuar Serchhip Vengchung VLTF te hnenah niminkhan buhfai bag 11 an hlan a, Pathianni khan Serchhip Sub-Hqrs. YMA pawhin buhfai bag 6 an hlan bawk a ni.

Serchhip District Hospital-a Doctor thenkhat te mawhphurhna chelh chu siam danglam a ni.

Nimin khan Serchhip District-ah COVID-19 hri kai pakhat hmuhchhuah niin mi 9 enkawl dam an ni bawk.

Oil Palm-a hmalakna duhlo

Pathianni khan Mizoram-ah Sample 2093 enfiah niin heng atang hian COVID-19 hri kai 292 hmuhchhuah an ni a, Sample enfiah atanga za zela 13.95 laiin hri an kai a ni.

New Delhi-a cham mek Tourism Minister Robert Romawia Royte chuan nimin khan Ministry thenkhata Secretary lian te kawmin Mizoram tana thil pawimawh te a sawipui.

Eiruk thubuai chhuitu Mizoram Lokayukta chuan thubuai 29 a dawng tawh a, chung zinga 8 chu titawpin, CBI hnena pek thubuai chhui tur 2 chu Mizoram sawrkarin chhui phalna a la pe lo.

Kumin January atanga July thla tawp thleng khan Mizoram-ah ruihhlo hmansual vanga thi mi 34 an awm tawh.

Khawzawl District Bawrhsap C.C. Lalchhuangkima chuan nimin khan Khawzawl District huamchhunga National Highway No. 6 kawng laih hna thawktu NHIDCL Contractor-te chu an hna thawh tawh chin leh harsatna an neih te a sawipui.

Zoram People’s Movement (ZPM) Working President atan K. Sapdanga ruat a nih thu nimin khan puan a ni.

COVID-19 avanga Lockdown puan chhunga harsatna tawk, chhuanchhamte tanpui nan leh COVID-19 hri vei te enkawlna atan Rs. 2,92,60,000/- semchhuah a ni dawn.

Health Minister Dr. R. Lalthangliana leh I&PR Minister Lalruatkima te chuan nimin khan Aizawl khawpui chhunga COVID-19 Test Kiosk hmun pathum- Vanapa Hall-a Mega Kiosk; Dinthar Kiosk leh Electric Veng Kiosk te chu tlawhin thawktute hnenah lawmthu an sawi.

Nimin khan Serchhip District-a ASF hri lenna khaw 6-ah Vawk thi 8 a awm leh a, heti hian nimin thlenga Serchhip District-a ASF vanga Vawk thi chu 3368 a tling tawh a ni. Nimin khan khaw pahnih ah Vawk 4 suat leh ni bawkin ASF hri lenna hmuna Vawk suat chu 2699 a tling tawh bawk a ni. Hetihlai hian ASF hri lenna hmun ni lo ah Vawk 80 zet thi tawh bawkin Vawk 19 suat a awm tawh bawk a ni.

Serchhip District-a COVID-19 hri kai hmuh leh In lama enkawl mi 2 te chu Inrinni khan enkawl dam niin niin Vengchung-a hri kai mi 7 te chu nimin khan Nursing School CCC atanga chhuahtir an ni bawk a. Heti hian nimin thleng khan Serchhip District-ahri kai hmuhchhuah chu 957 niin an zinga 857 te chu enkawl dam an ni tawh a, tunah hian hri kai enkawllai 97 an la awm mek a ni.

Serchhip District chhunga Oil Palm chin kawnga hmalakna chu kar kalta khan Godrej Agrovet Ltd. aiawhte chuan rawn tlawhin, hmalak zuina tlak a nih leh nih loh an rawn enfiah a. Serchhip District-a Oil Palm chinna hmun zatve vel zet chu a chhe leh tawh nia hriat a ni.

Serchhip District chhunga COVID-19 hri kai awmlohna khaw 4-ah inkhawm phalna pek a ni tawh.

Tunhnaia Serchhip-a dan lova sum peipunna chungchang chu Serchhip Police ten ngawrh takin an chhui zui mek.

Tunhnai khan Serchhip bul Mat ral-a Lungbu lui (Zuangleng ram ep)-ah Sanghal thi hmuh niin heng te hi Inrinni khan enfiah niin African Swine Fever (ASF) vanga thi nia rin an ni.

Agri. Minister in tlawh

Mizoram-ah COVID-19 hri kai enkawllai an tlahniam hret hret a, nimin tlai dar 5:00 thleng khan hri kai enkawllai mi 5817 an awm mek a ni.

Naupang kum 12 chin chunglam tana hman theih tur COVID-19 hri danna hmasa ber pawm a ni.

Assam Police ten Zirtawpni kalta-a Bairabi bul Zophai-a Ch. Chhunga leilet kam NH-154 leh IR Outpost inkalpawhna tur RCC hmanga Lei dawhhna thawh mek a In sakna hmanrua thiat a, thirtlawn lak a nih chungchangah Bairabi Police Station-ah thubuai ziahluh a ni.

COVID-19 vanga Power & Electricity Department in Meter Reading a hmuna en lova ralkhat atanga Bill an siam chu tlawmngai pawl hrang hrangte chuan thalo an tih thu sawiin, Meter en loh chu chhuanlam tlinga an ngaih loh thu an sawi.

Mizoram Pradesh Congress Committee (MPCC) chuan Congress sawrkar hunlaia buaipui tan tawh Tuirini Small Hydel Project chu chhunzawm ngei turin sawrkar an phut tih sawiin, he Project siamna tur hnawl a nih chhan dik tak puan an phut thu an sawi.

New Serchhip North Village Council in New Serchhip PWD Office bula Road Side Bazar an sak thar chu nimin tlai khan Serchhip DAO Tlangtimawia Zote chuan a hawng.

Nimin khan Serchhip-ah COVID-19 hri kai mi 4 hmuh belh leh niin nimin tlai thlenga hri kai hmuhchhuah chu 952 an tling tawh.

Mass Test neihna tlawh

Niminpiah khan Mizoram-ah Sample 7677 enfiah atangin CO-VID-19 hri kai 522 hmuh leh an ni a, Sample enfiah atanga za zela 6.79 te chuan hri an kai a ni.

Mizoram sawrkar chuan hri leng avanga Aizawl Municipal Corporation (AMC) huamchhunga Partial Lockdown a kalpui mek chu chawlhkar khat dang a pawtsei leh a. Inkaihhruaina thenkhat erawh a thlahdula tihdanglam niin AMC Area pawn lama hri kai awmlohna khua ah te chuan Inkhawm theih dan tur ruahman a ni.

Aizawl District atanga Sample lak 151 te chu phai lamah enfiah a nih hnuah an zinga 115 te atangin COVID-19 hrik thar, Delta (B.1.617.2) Variant hmuh niin hei hi sample thawn zawng zawng atanga 78% a ni.

Serchhip District-ah African Swine Fever (ASF) vanga Vawk thi chu 3355 zet a tling tawh.

Tunhnaia Serchhip-a a pung um-a mi thenkhat ten pawisa an dahna chungchanga harsatna thleng chu Serchhip Police ten chhui zui mekin pawisa an dahna nia sawi Jenny Malsawmtluangi, Serchhip Dinthar Veng pawh Police ten thu an zawtfiah tawh a. A hnena sum dah nia insawi te chuan an sum dah ang tal hmuhlet theih an duh thu an sawi bawk.

PHE Department in Serchhip khawpui chawmna atana Tui an pump-na a Diesel khawl te chu nimin atang khan siamthat hna thawh niin Vawiin hian zawhfel theih beisei a ni.

Serchhip-a mimal pakhat hnena a pung um-a pawisa dahtu nia insawi thenkhat te chuan nizan khan an pawisa dahna te dawr nia sawi chu luhchilhin bungraw lakchhuah tumin an bei a, Serchhip Police ten thil thalo lian zawk a thlen hmaa boruak thunun in hemi chungchang hi chhui zui nghal a ni.

Mipui ten kan chanvo humhalh nan Consumer Court (District Commission) i chhawr tangkai ang u. - Laldinpuia, Secretary Serchhip District Consumer Assn.

Serchhip Chanmari VLTF te chuan hri leng avanga harsatna tawk mek Serchhip Vengchung VLTF te hnenah nimin khan a tul anga hman turin Rs. 5000/- an hlan.

Serchhip Vengchung VLTF huamchhunga Mass Testing neih chu nimin khan chhunzawm niin hri kai mi 2 hmuh belh leh an ni.

Serchhip District-a COVID-19 hri kai hmuh tawh zawng zawng chu mi 948 zet an tling ta.