Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

Dan bawhchhia 21 man leh

COVID-19 No Tolerance Drive neih mek ah nimin khan Serchhip District-ah Dan bawh-chhia mi 21 man leh an ni a, heng mite pawisa chawi tlingkhawm chu Rs. 2400/- a ni. Nimin a man zinga mi 17 te chu Police te man niin Buangpui-ah mi 3 leh Hmuntha-ah mi pakhat man an ni bawk.

Heti hian Nov. 9, 2020 atanga COVID-19 No Tolerance Drive hman tawp ni, nimin thleng khan Serchhip District-ah Dan bawhchhia mi 634 man an ni a, heng mite pawisa chawi tling-khawm chu Rs. 82,900/- an ni a, Dan bawhchhia man zinga 464 te chu Police te man niin Serchhip Town chhunga Executive Duty ten Dan bawhchhia man miahloh ni ni 9 awmin Town chhunga man erawh an vaiin 67 an ni thung.

Comments

Chhiar Hlawhte