Hri kai 29 enkawl dam an ni

Zonuna Kawlni /

Niminpiah-a Serchhip District-a Sample enfiah ah COVID-19 hri kai hmuhchhuah an awmloh laiin nimin khan hri kai mi 29 te chu anmahni enkawlna hmun atanga chhuahtir an ni.

Niminpiah khan Serchhip District-a TrueNat Laboratory-ah Sample 33 enfiah niin heng atang hian COVID-19 hri kai hmuhchhuah an awm lova, Rapid Antigen Test hmanga Sample enfiah erawh a awmlo thung a ni.

Nimin-a Sample enfiah zinga a tam zawk te hi Serchhip District chhunga COVID-19 hri kai enkawllai mek te niin an zinga hri kai tawhlo mi 29 te chu nimin khan anmahni enkawlna hmun atanga chhuahtir an ni a, heng hri kai enkawl dam tak zinga mi 18 te chu Bhartia Infra Project Limited hnuaia thawk tur, Nov. ni 21-a hri kai hmuh te niin PTS atanga Nov. ni 18-a hri kai hmuh-chhuah mi 7 bakah District dang atanga hri kai enkawl tur rawn dah BSF mi 4 an tel bawk a ni. Heti hian nimin thleng khan Serchhip District-a COVID-19 hri kai hmuhchhuah chu mi 158 an tling tawh a, an zinga mi 124 te chu enkawl dam ni tawhin tunah hian hri kai enkawllai 34 an la awm mek a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »