Farm Acts for Agriculture Reforms 2020 zirhona nei

Tun thla ni 30 thleng awh tur ‘Farm Acts for Agriculture Reforms 2020’ chungchang inhrilh-hriatna leh zirtirna chu Mizoram hmun hrang hrangah Oct. 23, 2020 atang khan neih a ni.

Sawrkar Laipui-a Ministry of Agriculture and Farmer’s Welfare in ruahmanna a lo siam tawh angin Mizoram District hrang hranga Agricultural Technology Management Agency (ATMA) kaltlangin, loneitu te hnenah ‘Farm Acts for Agriculture Reforms 2020’ chungchang inhrilhriatna leh zirtirna hi October 23, 2020 atang khan neiin tun thla November 30, 2020 thlenga kalpui tur a ni a. Webinar hi vawi 66 neih tawh niin November 24, 2020 thleng khan loneitu mi 2499 hnenah online training pek an ni tawh a. Loneitute pawhin Farm Acts chungchanga in zirtirna hi an hlawkpui ngei beisei a ni.

‘Farm Acts for Agriculture Reforms 2020’ huang chhungah hian The Farmers’ Produce Trade and Commerce (Promotion and Facilitation) Act, 2020 leh Farmers’ (Empowerment and Protection) Agreement on Price Assurance and Farm Services Act, 2020 te inzirtir a ni. He Act in a tum ber chu, loneitu ten an thlai thar te awlsam tak leh zalen taka an duhna hmun hmuna an hralh theih nan te, man man zawka an thlai thar te an hralh theih nan leh thingtlang mi ten Agriculture a investment tha zawk an neih theih nan a duan a ni.