Latest News

Meizu mi 6 man leh an ni

Serchhip District Anti-Tobacco Squad te chuan Inrinni zing khan Serchhip Bazar building leh a chhehvel bakah Taxi leh Auto Rickshaw Stand-ah te Squad Drive an nei leh a, heng hmun an tlawhna ah hian Sikret leh Vaihlo kaihhnawih khuahkhirhna Dan bawhchhia a puipunna leh vantlang hmun-a meizu mi 6 an man leh a, heng mite hi pawisa chawitir nghal an ni.

Hripui leng avanga sawrkar laipui ruahman angin Mizoram-ah mipuite Eng chhit man a hniam

COVID-19 hripui leng avanga sawrkar laipui-a Ministry of Power-in ruahmanna anga rebatse siam a nih avangin mipui ten Power an hman man tihhniam a ni a. Hei vang hian Mizoram-ah mi tam takin December thla ah Electric Bill an pek a ngai lova, thenkhat chu engemaw chen advance-in an Bill pek lawk a ni bawk.

Hemi chungchanga Power & Electricity Department, Mizoram hotute sawi danin Central sawrkar hian hripui leng avanga mipuite chhawmdawlna atana hma a lakna hrang hrangah Electric bill hi State tinte chu tihniam turin a ti a, Mizoram-ah pawh hei hi kalpui niin, heng rebate hi State emaw, Central lam emaw in sum leh pai-ah hlawkna a hmuh a thiang lo a, Mizoram sawrkar chuan Electric Bill lamah mipuite hamthatna tur hi a siamsak a ni. Sawrkar in sum leh pai-a Chhiah a tihtlem hi mipuiin chhawr tur a nih angin Mizoram sawrkar-a P&E Department chuan Consumer te Contracted Load atanga chhutin an Bill hi a siamsak a, Kilo Watt khat-ah Rs. 201.65 zelin Bill a tih tlawm sak a ni.

Hemi chungchangah hian Power & Electricity Department Distribution Sub-Division-I a Sub-Divisional Officer, H. Lallianmawia chuan, “Electric load neih dan azirin Bill pek tur hi chhut a ni a, hemi mil hian Bill hi chhut a ni a, chhungkaw tam tak tan bill pek tur an neih lo thla a ni dawn a, chu mai bakah thenkhat tan phei chuan thla thar lamah pawh Bill hi engemaw chen advance a pe lawk ang an ni,” a ti.

Electric Bill hi Fixed Charge leh Rental Charge behchhana bill siam a nih thu P&E Department hotute chuan an sawi a, Fix hi chu an load neih dan azira thla tin-a an chawi tur nghet sa niin, Rental hi chu an êng chhit dan azira tel leh a ni thung a. Tuna Electric Bill kalphung-ah hi chuan Fixed Rate zulzuia Bill hi siam a ni a, Fixed rate an chawi-in an Bill chawi tur hi a khum dan azirin Bill hi an pe a, chhungkaw tin tan thla dang zawng aiin kawlphetha kan chhit man chawi a hniam vek dawn a, chhungkaw thenkhat tan chuan Bill pek hi an ngai lo mai ni lovin thenkhat chu advance-a pek lawk ang a ni dawn a ni.

Comments

Chhiar Hlawhte