Mamit bialtu MLA in FVR leh zirna bungrua a vailiam

Mamit bialtu MLA, Er. H. Lalzirliana chuan nimin khan Hero Motocorp Ltd. te Corporate Social Responsibility (CSR) Fund atanga dawn First Responder Vehicle (FRV) leh zirlai naupangte hman tur zirna hmanraw hrang hrang chu Mamit atangin a vailiam.

Nimin a heng bungrua a vailiamna hunah hian Mamit bialtu MLA chuan Aspirational District an nihna atanga inkhai-chhuak tura Mamit DC leh a thawhpuite hmalakna chu lawmawm a tih thu sawiin, Kawng hrang hranga tanpuitu, a bik takin REC Ltd. leh Hero Motocorps Ltd. te chungah lawmthu a sawi a. Mamit mipuiin heng Company te inphalna zar an zo tur thu leh nasa taka an tangkaipui tur thu sawiin, Company te chungah lawmthu a sawi bawk.

Nimin-a Health Department hnena First Responder Vehicle hlan te hi Hero Motocorp Motor Cycle siam niin Xtreme 200R niin a bik taka sak damlo mut theihna dah a ni a, heng FRV te hi thingtlang hmun kilkhawrah te awlsam taka damlo phurh kual zung zung nan leh damdawi In panpui nan a tangkai dawn hle a ni.

Mamit DC Office leh REC Ltd. tangkawp hian zirna lama hma an sawn chak theihnan nasa takin hma an la mek a, REC Ltd. CSR Fund atang hian zirna tihhmasawn nan cheng vbc. 8.79 chu Mamit District hian a dawn tawh thu he hunah hian tarlan a ni a, District huamchhunga ziak leh chhiar thiamlo te zawnchhuah niin tun dinhmunah ziak leh chhiar thiamlo mi 5520 an awm thu leh heng ziak leh chhiar thiamlote zirtir tur hian Full Time Worker 273 thlanchhuah an nih tawh thu tarlan a ni bawk a. Heng ziak leh chhiar thiamlo te zirtirna tur hian zirna hmanraw hrang hrang cheng nuai 17.39 hman a nihthu tarlan a ni bawk. Mamit District-a School School 170 hnenah Thutthleng leh Dawhkan 843 leisak an ni tawh a, Green Board 503 lei a ni tawh bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn