Hri kai hmuh belh leh

By -

Pathianni-a Serchhip District-a Sample en-fiah atangin COVID-19 hri kai mi pakhat hmuh belh leh a ni.

Pathianni khan Serchhip District TrueNat Laboratory-ah Sample 20 enfiah niin heng atang hian hri kai pakhat hmuhchhuah a ni a, hri kai hmuhchhuah thar hi mipa kum 49 mi, tun thla ni 13-a Bihar atanga rawn haw a ni a, BSF mi leh sa, Bihar Election Duty a kal, a rawn haw veleh a inkhunghrang a ni. Pathianni khan Rapid Antigen Test hmangin Sample 10 enfiah niin hri kai hmuhchhuah an awmlo thung.

Nimin khan Serchhip District-ah hri kai enkawl dam an awm lova, nimin thleng khan Serchhip District-ah COVID-19 hri kai hmuh-chhuah chu mi 133 niin an zinga mi 92 te chu enkawl dam an ni tawh a, tunah hian hri kai enkawllai 41 la awmin District pawnlam atanga hri kai enkawl tur rawn dah te nen hri kai enkawllai erawh mi 45 an la ni thung a ni.

Comments

Post a Comment

Popular posts from this blog

Tualthattu nia rinhlelh man

By -
Image
Nimin zinga Serchhip Bukpui leh Chhiahtlang Chhim Veng inkara Lalsangzuala (31), Mission Vengthlang thihna kaihhnawih a mawhphurtu nia rinhlelh Laldinthara (42), Khawruhlian nia inchhal chu Vawiin khan Police ten Aizawl-ah an man a. Thudawn danin Laldinthara hian nimin zing khan Aizawl pan tur Maxi Cab chu Chhiahtlang leh Lamchhip inkar ramhnuai ah lo pharin Aizawl a pan a, a khawsak zia ah rinhlelh a nih avangin Serchhip Police Special Investigation Team te chuan Serchhip Police Station OC Inspr. VL. Ramhluna hovin man tumin Vawiin khan Aizawl an pan ve nghal a, Aizawl Police te nen tangtlangin an man ta nia thudawn a ni a, Police te hmaah a inpuang tawh nia thudawn a ni bawk. Amah hi tunhnaiah pawh Serchhip-ah thubuai tenau a man nia thudawn niin amaherawh chu thubuai siam zui lovin chhuah leh a ni nia thudawn a ni bawk.
Kimchang zawkin »