Poshan Abhiyaan hnuaia thawk tha Award sem

Social Welfare Minister, Dr. K. Beichhua hovin nimin khan a Pisa-ah Poshan Abhiyaan hnuaia Aganwadi Worker, Aganwadi Helper, ASHA, ANM/Health Worker (AAAA) leh Lady Supervisor/CO (LS) Award semna neih a ni.

Nimin a Award semna hun hi Video Confe-rencing hmanga neih niin Social Welfare Minister chuan Poshan Abhiyaan hi a tir atangin Women & Child Development a thawk te zawng zawng thawktute thawhrah hi mipuiah a lang chhuak mek tih a sawi a, naupang Malnourished te Mizoram-ah a lo tlem tial tial a, naupiang sangkhat zela thi (IMR) pawh 5 (single digit) chauh a ni thei ta leh India ram pumah thi tlem ber pahnihna kan ni thei ta te chu Department hnuaia thawktute thawhrimna leh tanrualna rah chho zel a ni tih a lang chiang hle tih a sawi.

Nimin-a Award semna hunah hian Best Team Award dawng tur ICDS Project tin atanga thlan niin Aibawk, Darlawn, Phullen, Thing-sulthliah, Champhai, Khawbung, Khawlzawl, Ngopa, Bilkhawthlir, Thingdawl, Reiek, W. Phaileng, Zawlnuam, E. Lungdar, Serchhip, Bung-hmun, Hnahthial, Lunglei, Lungsen, S. Bung-tlang, Chawngte, Lawngtlai, Sangau, Siaha, Tuipang, Tlangnuam, Aizawl Urban te an ni a, Rs. 50,000/- theuh hlan an ni.

Ministry of Women & Child Development chuan kum 2018-2019 chhunga ICDS Project tin a Anganwadi Worker, Anganwadi Helper, Accredited Social Health Activist (ASHA), Auxiliary Nurse Midwife leh Lady Supervisor/Circle Officers (viz. AAAA & LS) ten an hna thawh thin hrang hrang - CBE, VHSND, Immunization, Counselling on Complementary Feeding, Management of Malnourished Children leh Anaemia chu tehfung a hmangin, a huho a thawk tha zual te lawmman pe turin hma a la a ni.