Latest News

MLA thlanna neih thuai a tul

MLA thlanna neih thuai a tul


Serchhip bialtu MLA chu tunhnai khan India Danpui bawhchhia a puh a nih chung-changah Mizoram Assembly Speaker chuan thiamloh chantirin MLA a nihna hlih sak a ni a, hetianga Serchhip bialtu MLA ber a nihna hlih sak a nih tak avang hian tun dinhmunah Serchhip bial chu bialtu MLA nei lovin kan awm mek a, kan Dan hmanlai ang chuan thla ruk chhungin bye-election nei tura ngaih kan ni a, mipuite rilru pawh hemi lamah hian a in her leh mek a. Thil dang in min nang leh a nih loh chuan nakum May thla hma ngeiin bialtu MLA kan nei thar leh dawn a ni a, hri leng avanga kan sawrkar in kawng hrang hrang, a bikin sum leh pai lamah te harsatna a tawh laia sum tak senga inthlan kan neih leh a ngai erawh thil lawmawm tak niin a lang lo.

India ram hi mipui ten kan aiawha ro-reltu tur thlanga ro kan relna ram a ni a, hei vang hian mipui aiawha thlanchhuah kan ro-reltute hi an pawimawh in an dinhmun pawh a sang viau a, sawrkar inrelbawlna-a a pawi-mawh ber te zing ami an nih avangin MLA nei lova kan awm rih tur hi a pawi hle mai. Chutihlaiin MLA kan neih dan chungchang ah Dan zawmlohna leh Dan bawhchhiatna a awm a nih chuan Dan ang taka kan kal erawh a pawimawh viau thung a, mipute pawhin he thil lo thleng hi uluk taka kan zirchiana kan ngaihven pawh a tul hle a ni.

Amaherawh chu sawrkar inrelbawlna a pawimawh tak, MLA nei lova Serchhip Bial kan awm mek erawh kawng tam takah mipui ten tawrhna kan nei dawn a, chuvangin hetiang dinhmuna kan din tak ah chuan MLA thlanna hi a rang lama kan neih theih nan hian kan Political party te pawh hian ngaihtuahna seng thei se a duhawm hle a ni.

Comments

Chhiar Hlawhte