ZPM in Jt. CEO kaltlangin ECI-ah an thlen

ZPM Party chuan Mizoram Electoral Roll atanga Tripura a inbengbel tawh Tuikuk te vote paih a nih theih nan nimin khan Election Commission of India-ah lehkha an thlen.

Mizoram Electoral Roll atanga Tripura a inbengbel tawh Tuikuk te vote paih a nih theih nana ZPM in Election Commission of India hnena lehkha an thlen hi Joint Chief Electoral Officer, Mizoram kaltlangin an President, Lalliansawta hmingin an thlen a, ZPM-a General Secretary i/c Election Department, F. Lalngheta chuan January ni 16, 2020-a Tripura sawrkar leh Mizoram sawrkar bakah Tuikuk pawl hrang hrangte nena Union Home Minister kaihhruaina hnuaia Tripura State-a inbengbel tura inremna an siam tawh hnu pawha Tripura-a khawsa zui ta Tuikuk (Bru) te Mizoram Electoral Roll atanga tun thleng maia paih an la ni lo chu paih thuai a nih theih nan Joint Chief Electoral Officer, Mizoram kaltlangin Election Commission of India hnenah hian an thlen tih a sawi a ni.