Lenkawl

Inkhawmpui zawhfel a ni

ZPM |halai Block Serchhip chuan Sept. 25, 2019-a Serchhip East MNF Media & Vigilance Committee ten Serchhip District Hospital tlawha thawktute nan inkawmna an neih ah an harsatna leh mamawh te sawihoa thu lawm-awm an lo beisei laiin damdawi In-a thawktute an lungawilo nia ngaih theih turin thil a kal niin thuchhuah siamin an tarlang a. Serchhip East MNF Media & Vigilance Committee lam hian thu an duhtuilo deuhin, an thuneihna piahlam deuh thlengin thurawn an pe nia a lan thu pawh tarlangin, Serchhip khawtlang leh a chhehvel mipuiin kan mamawh em em kan Doctor te heti khawpa kan ti vuivai ta mai chu pawi an tih thu an tarlang a. Hetiang thil thlen chhan hi a rang thei ang bera chinfel nise \ha an tih thu an tarlang bawk.

Serchhip khawpui chhunga Parking Area hrang hranga Parking Fee khawntu tur Tender lo chhuah tawh chu thla thar Oct. 4, 2019 chhun dar 12:00 thleng atan pawhsei a ni a, hemi Ni vek chhun dar 1:00-ah DC Office Chamber-ah hawn nghal a ni ang. Tender chhanna form hi Serchhip DTO Office a\angin Rs. 50/- zelin Office hun chhunga lei theih a ni.

Serchhip Sports Complex-a intlansiakna tur hmun, Synthetic Track siam hna thawh mek chu tun a\anga thla thum (3) velah zawh theih an in beisei tih helai hmuna hnathawktute chuan an sawi.

MZP General Hqrs. hruaitute chuan Inrinni khan Vairengte dai Sipai Camp hlui a awm mek IR te chu tlawhin Vairengte-a Tempiory ILP siamna hmun pawh an tlawh bawk.

Shillong Mizo Students Union (MSU) din champha vawi 40-na, Ruby Jubilee chu Inrinni khan Shillong-ah lawm niin Health Minister, Dr. R. Lalthangliana leh Sports Minister, Robert Romawia Royte te chuan an hmanpui a ni.

Tripura Relief Camp 6-a awm Bru aiawhte chuan laklet an nih hmain thilphut thar an neih te Chief Minister hnenah thlen mah se an thil ngiat tharte pawm theih a nih loh thu leh tunkar Ningani a\anga Mizorama hruaikir hna thawh \an a nih tur thu chiang taka hrilh an ni.

Tunhnai khan Serchhip East Block MNF-a Media & Vigilance Committee chuan Serchhip District Hospital-a thawk te kawmin mipui a\anga Hospital inenkawlna chungchanga zawhna awm hrang hrangte an sawiho bakah he damdawi In in harsatna a neih te sawiho a ni a.

Khawvel puma ri hriatna lama harsatna nei te puala Ni, 'World Day of the Deaf' chu nimin khan Aizawl-ah Taxation Department Auditorium-ah hman a ni.

Mizoram State Planning Board chuan nimin khan an Chairman Chief Minister, Zoramthanga hovin Chief Minister Conference Hall-ah thu pawimawh relin an \hukhawm.

Lal Hriatrenga Chhangte in Chief Minsiter hlui leh Serchhip bialtu MLA hlui, Lal Thanhawla laka Affidavit diklo thehlut-a a puhna thubuai chu nimin khan ngaihtuah zawh niin Oct. 3 khian thutlukna puan a ni ang.

Nimin khan Serchhip |halai Pawl leh Ser-chhip-a BSNL a\anga inbiakpawhna hmangtu mi \henkhat te chuan BSNL hotute Office hmu-in, tunhnaiah hun rei tak BSNL hman theihloha a awm avangin an Bill chawi tur tihhniam sak turin an ngen.

Rastriya Poshan Maah (Nutrition Month) chhunga hmalak kal zelah nimin khan Govt. New Serchhip Primary School-ah School Based Events neih a ni.

Nimin khan Mercy Hospital enkawltute chuan Serchhip khawtlang hruaitute kawmin an kalphung leh harsatna an neih hrang hrangte an sawipui.

Serchhip District Child Protection Committee chu nimin khan an Chairman, Sangchhin Chinzah, District Bawrhsap hovin a pisa-ah an \hukhawm a. An hmalak tawhna hrang hrangte thlirletin hmalakna tura chhawpchhuah thar an neih te an sawiho bawk.

Govt. Serchhip College Annual Sports chu nimin khan neih \an a ni.

Rastriya Poshan Maah (National Nutrition month) hman mek pualin nimin khan Serchhip DIET-a zirlaite pualin Teaching Learning Material (TLM) siam-a inelna buatsaih a ni a, he inelna hi Serchhip DIET Principal, Lalrammawia chuan a hmanpui a ni.

Serchhip hi Mizoram khawpui lian te zinga tel niin ram laili-a awm kan nih avangin kawng hrang hrangah la \hang zel tur kan ni a. Hei vang hian kawng hrang hrangah kan khawpui \han zel dan tur leh kan khawpui kan zauh dan tur hi kan ngaihtuah lawka a \ul hle a. Tuna kan luah chin baka In leh lo kan din belh zel dan tur te, sawrkar Pisa leh hmun pawimawh kan dah belha kawngpui kan siam belh zelna turte thlengin tun a\ang hian fel taka ruahmanna kan siam \ul hle a ni.

Mizoram a\anga kal Information & Public Relations Department Officer panga leh Mizoram Journalists Association member 15 te chuan Lok Sabha-ah training nei mekin Vawiin ah zawhfel a ni ang.

Mizoram Pradesh Youth Congress Committee (MPYCC) chuan Sawrkar hnathawk te chunga vaupung na hle si, CAB chungchang a dawih dui si, Mizoram in le lo sawrkar kan hrawn chu pawi an tih thu an sawi.

Deputy Chief Minister, Tawnluia chuan nimin zing khan Zodin Multi-Level Car Parking-cum-Utility Centre, Aizawl sak mek chu a hmunah kalin a endik.

Social Welfare & Tribal Affairs Minister Dr. K. Beichhua chuan October 1, 2019-a International Day for Older Persons lo thleng tur pualin Mizoram-a kum 100 dam tling mi 17 te hnenah nimin khan chawimawina a hlan.

Chief Minister, Zoramthanga chuan nimin khan rualbanlo zirlai Lalrinzuali d/o Lalruat-thanga (L), Zemabawk a cheng chu lirthei siam danglam- scooty ke vuah belh a pe.

Rural Development Minister, Lalruatkima chuan nimin khan Maubuang khua a Nauban hmunpui tur, Mizoram Orchid Centre sak mek chu a hmunah a tlawh a. Nauban hmunpui siam mek chu Maubuang khua mai bakah Mizoram tan pawha pawimawh a nih thu a sawi bawk.

Serchhip District Magistrate, Sangchhin Chin-zah chuan nimin, Sept. 25, 2019 khan thupek thar tichhuak lehin Serchhip District-ah Vawk leh Vawksa a siam lakluh khap a ni tih a tarlang.

Serchhip District Volleyball Association (SDVA) chuan tunhnaia Savawm seh, Lalthang-liana hnenah nimin zing khan \anpuina an hlan.

Serchhip Teachers’ Association (STA) chuan nimin khan Assembly neiin an pawl hruaitu tur thlanna an nei.

MNF East Block Serchhip-a Media & Vigilance Committee chuan nimin khan Serchhip District Hospital-a thawktute kawmin Hospital dinhmun leh mamawh hrang hrangte an sawiho.

Mission Foundation Movement (MSM) bultumin nimin khan thingtlang \halai harsa zawk leh chanhaite thiam thil zirtira eizawnna kawng kawhhmuhna programme, Deen Dayal Upadhaya Grameen Kaushalya Yojana (DDU-GKY) zirzo \halai 87 te chawimawina hun chu Dawrpui Multipurpose Hall-ah hman a ni a. He hun hi RD Minister, Lalruatkima chuan hmanpuiin DDU-GKY chu Rural Development Department in Mizoram State Rural Livelihood Mission (MzSRLM) kaltlanga thingtlang \halaite thiamna bik neih tira eizawnna tur kawng buatsaih sak tura hma an lakna a ni tih a sawi.

Urban Development & Poverty Alleviation (UD&PA) Department hnuaia Aizawl Thakthing Veng-a Multi-Level Car Parking cum Market & Multi Utility Building sak tur chu nimin khan UD&PA Department changtu Deputy Chief Minister, Tawnluia chuan a lungphum a phum.

ZPM |halaite chuan sawrkar hnathawk lian te tana Laptop, Notebook, Tablet etc. leisakna tura ruahmanna siam a ni chu MNF Ministry chu sum enkawlna (Financial Management) ah an hlawhchham zia a tilang niin an tarlang.

Nimin khan Siaha Congress Bhavan-ah 'Mara DCC Conference-cum-General Election 2019' neih a ni a. He hun hmanpuitu MPCC Treasurer leh Congress Legislature Party (CLP) Leader, Zodintluanga chuan MNF sawrkar Flagship Programme chu an hotu lu ber a\anga \helhin sum siamna atan mai an hmang dawn nia a lan thu a sawi.

Rural Development hnuaia Scheme hrang hrang hmalak dan thlirletna hun chu nimin khan Rural Development Department Minister, Lalruatkima hovin Aijal Club-ah neih a ni a, Serchhip District in RD hnuaia hmala \ha lawmman hrang hrang a dawng.

Serchhip Sub-Hqrs. YMA chuan nimin tlai khan Executive Committee Meeting neiin thu pawimawh hrang hrang an rel.

Nimin khan Serchhip-ah District Consultative Committee (DCC)/District Level Review Committee (DLRC) & District Level Security (DLSC) Meeting chu District Bawrhsap, Sangchhin Chinzah hovin neih a ni a, Serchhip District chhunga Bank hrang hrangte hmalak dan thlirho a ni.

Nimin Sept. 24, 2019 kha India rama National Service Scheme (NSS) dinchampha, NSS Foundation Day vawi 50-na a ni a, Serchhip District chhunga NSS Unit pali (4) te chuan Serchhip Auditorium-ah he Ni hi a huhova hmangin Addl. DC. Chuauhnuna chuan khuallian niin a hmanpui.

Aizawl khawpui chhunga National Service Scheme (NSS) Unit 29 \angrual buatsaihin nimin khan National Service Scheme kum 50 tlin lawmna chu Vanapa Hall-ah neih a ni a, Sports & Youth Services Minister, Robert Romawia Royte-in khuallian niin a hmanpui.

Agriculture Department Minister, C. Lalrinsanga chuan nimin khan loneitu ten Pension an hmuh theihna tura ruahmanna, Pradhan Mantri Kisan Maandhan Yojana (PM-KMY) a tlangzarh a. PM-KMY hi Sawrkar laipui leh Life Insurance Corporation of India-te \angkawpa din a ni.

Mizo Zirlai Pawl (MZP) chuan Mizoram sawrkar in Middle School leh Primary School tana MR Teacher a lak te chu ti khaw muanglo a appointment pe thuai turin thuneitute an ngen.

Govt. Hmar Veng Primary School, Serchhip chuan Beti Bachao, Beti Padhao (BBBP) Scheme hnuaia Serchhip District chhunga hma la \ha zirna In 10 thlanchhuah zinga an tel lawmna nimin khan neiin Serchhip DEO, Lawmawma chuan khuallian niin a hmanpui.

Serchhip District Bawrhsap, Sangchhin Chin-zah chuan nimin khan Serchhip District Sports Committee hruaitute leh Serchhip-VI VC te chu a Office-ah kawmin Sports Complex ram chung-chang a sawipui.

Isua Krista Kohhran (IKK) |halai Pawl Ser-chhip Branch te chuan Inrinni kalta a\ang khan an kum 40 tlinna, Ruby Jubilee lawmin nimin khan ruai nen an Jubilee hi an lawm.

Ministry of Urban Development & Poverty Alliviation (UD&PA) sum cheng vbc. 20.33 chuang seng a National Building Construction Company (NBCC) kaltlanga Balajee Developer Pvt. Ltd New Delhi-ten Champhai Zotlang Sports Stadium an siam, Football Ground hualchhuaka Intlansiakna, Synthetic 8 Line Track chu hmun hrang hrangah a rawn puar chhuak a, hman theih a ni rih lo.

Mizoram sawrkar-a Horticulture Development Board chu nimin khan CM Cabinet Meeting Room-ah \hukhawmin Board hmathlir hrang hrang an sawiho.

Nimin khan Kolasib-ah Bru raltlan laklet hna thawh tura inbuat-saihna kal mek thlirin sawrkar mi pawimawh te an \hukhawm a, he hun hi Addl. Home Secretary, Lalbiaksangi chuan a hmanpui.

Mizoram Journalists Association-a Member 15 leh I&PR Officer 5 te chuan Lok Sabha Secretariat-a Bureau of Parliamentary Studies and Training nei turin nimin khan New Delhi an pan a, I&PR Minister, Lalruatkima chuan heng zin turte hi a vailiam a ni.

Khawlailung leh Hmunzawl inkar Tuichang Lei (Minor Bridge) dawh mek \halo nia sawi chu kar kalta khan Tuichangral Zirlai Pawl, LAD-a JE leh Contractor te'n a hmunah an enfiah.

Hranghlui Zaithiam, Thangbuaia chu nimin zing dar 9:50 khan a chenna Chhiahtlang-ah a boral a, nizan khan lumen a nih hnuah Vawiin hian vuiliam a ni ang.

Home Minister, Lalchamliana chuan ramri chungchangah State dang nena inbiakrawn ngai a nih thu sawiin, hmanhmawh chuk chuk theih a ni lo tih a sawi a, “A theih anga chak, nghet leh tloin ke kan pen ang,” a ti.

ZPM President, Lalliansawta chuan Member of Parliament (Lok Sabha) inthlana party dang an thawhpui avanga ZPM chhungkua leh anmahni duhsaktu Zoram mipuite hnenah ngaihdam dilin, an tihsual nawn tawh loh tur thu a sawi a. “Kan lamah Lalpa a \an ngei theih nan ama lamah kan \ang tur a ni,” a ti bawk.

 Inrinni khan Thlauk sawng natna tia hriat, Alzheimer natna pualin World Alzheimer's Day hman a ni a, he hun hi Health Minister Dr. R. Lalthangliana chuan hmanpuii nrilru lama harsatna neite enkawlna tur bik, Mental Health Hospital din dan tur ngaihtuah a tul a tih thu a sawi.

School Education Minister, Lalchhandama Ralte chuan Mizoram a Elementary School-a Hindi zirna tharthawh leh nan Hindi Teacher 1305 te hlawh pe turin sawrkar laipui \anpuina a ngen a, heng mite hlawh pek an nih chuan Mizoram-ah Hindi zirna thar thawh leh theih a ni dawn niin a sawi.

Health & Family Welfare Minister, Dr. R. Lalthangliana chuan hrilhlawk lovin Inrinni khan Aizawl Civil Hospital Out-Patient Department (OPD) leh Blood Bank te a tlawh.

Mizoram Bru Displaced People's Forum (MBDPF) chuan tunhnai khan Tripura Relief Camp parum (6) a\anga Mizorama lokir turin thilphut thar engemawzat an nei a, an thilphutte ngaihtuah tur hian Joint Monitoring Group (JMG) \hutkhawm leh phawt an ngiat.

District Mental Health Programme, National Tobacco Control Programme leh Ser-chhip Vengchung Bial Masihi Sangati te \ang-kawp chuan nimin chawhnu khan Serchhip Chhim Veng Kohhran Sunday School-ah rilru hrisel chungchang leh zuk leh hmuam \hatloh zia inzirtirna hun an hmang.

 UPC (Mizoram) \halai pawl, Pentecostal Youth Department (PYD) Inkhawmpui lian vawi 25-na chu Zirtawpni zan a\anga nimin Pathianni hmang khan Hnahlan khua ah neih a ni a, Mizoram hmun hrang hrang a\angin Palai 2000 chuang kalin Inrinni khan Palai ten ro an rel a, an thurel zingah inkhawmpui lian chu kum khat dana neih tawh turin an pass a, kum 2021 inkhawmpui chu Ruantlang Bial-ah nghah niin 2023-ah Serchhip bial-ah nghah a ni bawk.

Serchhip Block Congress Committee chuan Sept. 6, 2019-a kum 2019-2021 chhunga hruaitu tur thlanna an neih hnuah Inrinni khan an hruaitu thar te hian mawhphurhna an la ta a, tarlan tawh angin Block Congress Committee-ah hian R. Vanlaldula, Vengchung chu President niin Vice President-ah Lalzuiliana, Venglai; Treasurer-ah Lal-rindika Kawlni, New Serchhip leh MCC-ah Lalthlanthanga Chawngthu, Tuikhuah Veng te an ni.

Serchhip Sub-Hqrs. YMA chuan Kei\um leh North Vanlaiphai inkar kawngpui chu YMA General Conference hmaa a zualpui  tal siam\hat ni thei se an duh thu an sawi.

Thla thar October 4 leh 5-a Reiek khuaa Anthurium Festival neih tur atan Mizoram Tourism Board chuan nimin khan hnatlangpui an nei a, he hunah hian Reiek khawtlang leh Tourism Department-a thawk te an tel a ni.

Zoram malsawmna kan chang za dawn - Chief Minister MNF President leh Chief Minister, Zoramthanga chuan Martar te inpekna avang leh Pathian leh kan ram tan tih thuthlung vuan tlattute avangin Mizo Hnam meichher chu a alh zual zel tih sawiin, “Zoram malsawmna hi mitin te'n kan chang za vek dawn a ni,” a ti.

Information and Public Relations Department hnuaia Officer-te chuan nimin khan an Director, Lallianpuii hovin a Pisa-ah infuihtharna hun an hmang.

MPCC chuan nimin khan Aizawl-a Congress Bhavan-ah Friday Political Session neiin he hunah hian an President, Lal Thanhawla chuan thu a sawi.

ZPM chuan ZPM Legislature Party (ZLP) chu Sept.ni 18 khan \hiah a ni tih sawiin, dan tlawhchhan nei lovin, Speaker thupek bawhzuia tih a nih thu Official ten an sawi tih an sawi bawk.

Serchhip Assembly bial chhunga Neihloh khua chuan nimin khan Lo zawhna hun an hmang a, he hun hi bialtu MLA, Lalduhoma chuan a hmanpui a ni. Neihloh khua in nimin a Khankhel ram-a Lo zawhna hun an buatsaih Programme hi Neihloh Branch YMA President, Luahzauva Ralte chuan kaihruaiin, hunserh te hman zawh a nih hnuah, Bialtu MLA, Lalduhoma chuan kut-hnathawktute fuihna thu a sawi bawk.

Thla thar-a North Vanlaiphai khua in YMA General Conference a thlen tur atana inbuatsaihna kal mek pui turin Vawiin hian Serchhip Sub-Hqrs. YMA chuan Town Branch te tan hnatlang a ko a, he hnatlang ah hian SEC member leh Branch aiawhte tel tura beisei niin tukin dar 6:30 hian Serchhip Bazar a\anga chhuah tur a ni ang.

Nehru Yuva Kendra (NYK) Serchhip District buatsaihin nimin khan East Lungdar-a SSA Block Resource Centre-ah Theme Base Awareness Programme hman a ni.

Power and Electricity Department a Electrical Inspectorate buatsaihin nimin khan Serchhip District a P&E Department hnuaia thawktute tan Seminar on Energy Conservation and Electrical Safety chu Serchhip-ah neih a ni.

Sawrkar laipui hmalakna, Poshan Maah (Nutrition Month) kal zel denchhenin nimin khan Serchhip CMO Conference Hall-ah Serchhip ICDS Project Office buatsaihin Food Mela & Demonstration Programme hman a ni.

MNF Party chuan nimin khan Ram leh Hnam tana Nunna hlantute hriatrengna Ni, Martar Day vawi 40-na an hmang a, Serchhip-ah pawh Martar Day hi urhsun taka hmangin Serchhip Bazar-a Martar te Hriatrengna lungphun-ah pangpar dahin Zothantluanga MLA hovin inkhawm neih a ni bawk.

MNF Party chuan Mizoram sawrkarin ram leh hnam himna tur ngaihtuaha hna a thawhte chu ropui an tih thu sawiin, ram neitu sawrkar fakawm an tih thu an sawi.

School Education Department, Serchhip District Anti-Tobacco Squad leh Legal Metrology Department-a thawk te chuan nimin khan JNV Thenzawl tlawhin zirlai naupangte hnenah zuk leh hmuam \hatloh zia zirtirna hun an hmang a, hemi hnu hian COTPA bawhchhia a zirna In leh a vela vaihlo leh a kaihhnawih zawrh te dap-chhuah hna thawkin khawchhunga dawr an dap ah erawh dan bawhchhia man an awmlo thung.

Mipuite himna tura Serchhip Police te hma-lakna ‘Special Drive for Public Safety’ kal zelah nimin khan Serchhip Police te chuan Govt. Higher Secondary School, Serchhip-ah Awareness Campaign an nei a, he hun hi Serchhip SDPO, Viktor Zothansanga leh SI Zaichhunga, I/c Traffic te chuan hmanpuiin zirlai naupangte hnenah Dan zawm chu himna a nih thu te, License nei lova lirthei khalh phal a nih loh thu leh khalh luih chu Dan bawhchhiatna a nih thu te, Social Media hman fimkhur a \ul thu te, thil ruk nia rinhlelh theih chi lei a him loh dan leh mi rinhlelhawm an hmuhte chungchang Police hnena hrilh \hin a pawi-mawh zia te an zirtir a. Hetiang inzirtirna hi a hma lamah Marian H/S-ah nei tawhin zirna In dangah pawh neih zel tura ruahman a ni.

Serchhip khawpui chhung faina tura sawrkar, pawl leh mimal ten hma an lakna kal zelah nimin khan Mizoram Upa Pawl (MUP) Serchhip Chanmari Unit te chuan an huam-chhung thenfai hnatlang an nei a, he hnatlang ah hian MUP member \hahnem tak thawkchhuakin kawngpui dunga bawlhhlawh te chharin tuihawk luankawr te an thianfai a, kawngpui dung te an phiatfai nghal bawk.

Rashtriya Madhyamik Shiksha Abhiyan (RMSA) Serchhip leh Science Teachers Association Mizoram (STAM) \angkawp buatsaihin nimin khan Serchhip-ah ‘District Level Chil-dren's Science Congress 2019’ neih a ni.

Nimin khan PHE Department changtu Deputy Chief Minister, Tawnluia hovin Swachh Prerak Day, 2019 (Faina Thlentute Ni) hman a ni a, PHE Department-a thawk \ha te chawimawina hlan niin PHE Serchhip WATSAN Division a\angin Sr. Executive Enginner leh SBM-a District Coordinator ten chawimawina hi an dawng a ni.

National Trade Union of Mizoram (NTUM) chuan sawrkar-a an thilphut hrang hrangte tih hlawhtlin phutna lantirin nimin khan Mizoram hmun hrang hrangah Peaceful Demonstration an nei a. Serchhip-ah pawh NTUM Member te hian he hun hi Serchhip Auditorium-ah an hmang a ni.

Health & Family Welfare Minister Dr. R. Lalthangliana chuan nimin khan Zembawk Urban Primary Health Centre (UPHC), Health & Wellness Centre a hlankaia a building sak thar chu a hawng.

Mizoram-a tlawmngai pawl hrang hrangte telna, NGO Coordination Committee nimin a \hukhawm chuan Oct. 1, 2019 a\anga Tripura Camp-a Tuikuk awmte laklet hna \um 9-na \an turah Mizoram a\anga chhuakte leh an thlah kal zelte chauh laklet an nih theih nan fimkhur taka hma la turin Sawrkar an beisei tih an sawi a. Rua-hmanna awmsa anga Tuikuk laklet hna hi tluang taka a kal theih nan hma la turin thuneitute chu an ngen bawk.

Mizoram New Capital Complex-a Urban Development & Poverty Alleviation Directorate Building sak thar chu nimin khan UD&PA Department changtu Deputy Chief Minister, Tawnluia chuan a hawng.

Mizoram sawrkar-a Human Resources Development Board chu nimin khan School Education Minister, Lalchhandama Ralte hovin a Office Chamber-ah neih a ni.

MHIP General Hqrs. chuan tunhnaia MHIP chungchanga thu leng velah MHIP member te chu lo chi-ai lo tur leh kalphung pangngai anga kal zel turin an hriattir a. Kum 2019 - 2021 MHIP Gen. Hqrs. thlan thar te chuan Pathian leh kan ram tan rinawm takin an thawkho zel dawn tih an sawi.

PHE Serchhip WATSAN Division-a Sr. Executive Engineer, Er. F. Lalsanglura chuan North Vanlaiphai in YMA General Conference a thlen turah mipuite tan Tui lama harsatna awm lo turin hma an lak thu a sawi.

Serchhip Bazar a\anga Chanmari Veng panna, YMA Road chu Vawiin, Sept. 19 a\anga Sept. 21 chhung hian lirthei eng chi mah tlantlang phal loha khar a ni dawn.

Nimin khan Serchhip-ah Serchhip District Level Standing Committee on Special Summary Revision of Electoral Roll, 2019 chu an Chairman Serchhip District Bawrhsap, Sangchhin Chinzah hovin a Pisa-ah an \hukhawm a. Special Summary Revision neih Polling Station thar siam dilna leh Polling Station Building thlak dilna te an ngaihtuah.

Non-Lapsable Central Pool of Resources (NLCPR) sum hmuh hmanga Mizoram New Capital Complex-a Multi Level Car Parking sak mek chu nimin khan Deputy Chief Minister, Tawnluia chuan tlawhin helai hmuna hnathawktute chu hmalak chhunzawm dan tur te a sawipui bawk.

Health & Family Welfare Minister Dr. R. Lalthangliana chuan nimin khan Lengpui Airport-a MI Room chu tlawhin an mamawh hrang hrangte a enfiah.

August 19, 2019 zan-a Serchhip District a dan lova Vawk laluttu leh a phurtute chu thu-buai siam sak an nih hnuah thiamloh chantir niin pawisa chawitir an ni.

Urban Development and Poverty Alleviation Department hnuaia DAY-NULM leh Serchhip District Hospital-a Mobile Medical Unit (MMU) in Self-Help Group (SHG) Member leh an chhungte tana a thlawna inentirna an buatsaih chu nimin khan a ni 3-na atan UD&PA Conference Hall-ah Self-Help Group 22 te tan chhunzawm leh a ni a,

Electoral Verification Programme 2019 kalpui mek denchhenin nimin khan Serchhip-ah Voter Awareness Forum (VAF) tan an hna thawh tur inkawhhmuhna hun hman a ni.

Krishi Vigyan Kendras (KVK) North Vanlaiphai chuan nimin khan Large Tree Plantation Campaign & Farmers’ Seminar Programme hmangin thing\iak an phun.

Serchhip-a AH&Vety Department ten Foot and Mouth Disease (FMD) Vaccine an pek hna kal mekah Ran 4459 te chu hri danna pek an ni tawh.

Serchhip Town Vending Committee chu nimin khan Serchhip District Bawrhsap hova \hukhawmin Serchhip-a Street Vendor te tana hmalakna tur thil hrang hrang an sawiho.

Mizoram pum huap Entrepreneur te leh Entrepreneurship-a tui te tan leh he hmalakna kaihhnawiha sawrkar department thawktute leh mithiamte intawhkhawmna hunpui, Mizoram Kailawn - Business Plan Contest & Entrepreneurship Summit 2019 chu nimin khan Chief Minister, Zoramthanga hovin Aizawl Vanapa Hall-ah neih a ni.

Mizoram State Sports Council (MSSC) chuan 46th Sub-Junior National Basketball Championship 2019-a champion Mizoram Team te lawmpuina hun nimin khan an buatsaih.

Mizoram Road Fund Board (MRFB) chu nimin khan an Chairman, Chief Minister Zoram-thanga hovin Chief Minister’s Conference Hall-ah an \hukhawm a, kumin 2010-2020 chhunga kawng enkawl, maintenance na tura sum hman dan tur rel a ni.

Power & Electricity Minister, R. Lalzirliana chuan Internet leh Mobile Phone hmanga Electric Bill pek dan awlsam, Bharat Bill Payment System (BBPS) leh Mobile Point of Sales (MPOS) chu nimin khan mipuite hman turin a tlangzarh.

Mizoram Lok Sabha MP, C. Lalrosanga chuan Inthlan campaign laia a sawi \hin, ‘Mizoram tana thil \halo chu ka do zel ang’ a tih chu a dinna a la ni reng tih a sawi.

Chief Secretary, Lalnunmawia Chuaungo chuan nimin khan New Capital Complex, Ai-zawl-ah 'Hazard Risk & Vulnerability Analysis of 8 District Headquarters' (HRVA) leh 'Digital 3-D Terrain Mapping & Modelling' (DTM) te a tlangzarh.

ZPM Vice President, Dr. Kenneth Chawngliana chuan MNF thla 10 sawrkar chhungin kan hnungtawlh niin a sawi.

Sawrkar kum kal mek, kumin April thla a\anga nimin thleng khan Serchhip DC Office a\angin ILP pekchhuah thar 316 an awm tawh a, heng zingah hian Cement Mistiri hna thawk tura ILP pekchhuah chu a tam ber niin Serchhip District chhunga Company hna thawk tura pekchhuah chu an tam hle bawk.

MHIP Sub-Hqrs. Serchhip chuan Gutkha a\anga siam thil chi hrang hrang dona kawnga hma la turin Sub-Committee an din thar.

Serchhip Sub-Hqrs. YMA Kumpuan Committee hruaitute chuan nimin khan Serchhip District Bawrhsap, Sangchhin Chinzah chu a Office-ah kawmin ILP chungchanga an ngaimawh leh an ngaih pawimawh hrang hrang an sawipui.

Senior Deptt. inkhawmpui

Serchhip District Archery Association (SDAA) chuan Inrinni khan kum 2019-2021 chhunga hruaitu tur thlanna neiin President-ah Lalengliana Ralte (Vengchung), Vice President-ah Lalramnghaka Kawlni (Tuikhuah Veng), Secretary-ah Zonunsanga Kawlni (Chanmari), Asst. Secretary-ah H. Sanghmingliana (Bazar Veng), Treasurer-ah Lalremruata Ralte (AOC Veng), Fin. Secretary-ah Zorammuana (Chhim Veng) leh Information Secretary-ah Ramdinmawia Ralte (New Serchhio) te thlan an ni.

Tun thla ni 17-a India Prime Minister, Na-rendra Modi pianchamphaphak lo thleng tur denchhenin BJP chuan rampumah Sewa Hapta, Tlawmngaihna Hapta chu Inrinni a\ang khan an hmang a, hemi denchhen hian BJP Serchhip District te chuan Inrinni khan Serchhip District Hospital bakah Orphanage Home, Zoar Deprived Children Home, Old Age Home leh Mercy Hospital te tlawhin Artui an sem.

Serchhip-a Fisheries Department chuan Inrinni khan Serchhip-a Sangha khawitute tan Sangha chi, Sangha note an semchhuak.

Mizoram Police chuan mipui hnena \angkai, langtlang leh zau zawka thu pawimawh a hriattir zung zung theih nan Mizoram Police Media Cell a din thar a, Social Media hrang hrang Facebook, Twitter leh Instagram-ah MizoramPolice account siamin, hemi kaltlang hian mipuite hnenah hriattirna pawimawh an chhuah \hin dawn a ni.

Mizoram Civil Services Sports & Cultural Association 32nd Annual Sports Meet chu Zir-tawpni khan zawhfel a ni a, Sports Minister, Robert Romawia Royte chuan he Sports Meet kharna hun hi a hmanpui a ni.

MNF |halai chuan Zirtawpni-a Congress |halai chetdan chu an dem tih sawiin, Congress President Court kal vanga boruak thupna nia an hriat thu an sawi.

Mizoram Pradesh Congress Committee (MPCC) chuan Deputy Chief Minister hna chanpualah hming\hatna tel tuma che an awm niin an sawi.

Chief Minister, Zoramthanga chuan sawrkar in hmasawnna atana ruahmanna a duanin khawvel sik leh sa ti danglam thei zawnga hmalak loh a ngai a ni, a ti.

MJA General Hqrs. hruaitute chuan Inrinni khan Kolasib tlawhin District Bawrhsap, Zoengsanga leh MJA hruaitute kawmin ram leh hnam tana hma an lak \hinna chu lawmawm an tih thu an sawi.

Agriculture Minister, C. Lalrinsanga chuan Inrinni khan Khawzawl, Khawhai, Sialhawk leh Chawngtlai khua a tlawh a, khawtlang hruaitute inkawmhona neiin loneituten an mamawh hrang hrang an lo thlen te chu a \ul ang zela a ngaihtuahpui tur thu a sawi.

Poshan Abhiyaan (National Nutrition Mission) hnuaia Rastriya Poshan Maah (National Nutrition Month) kalpui mek denchhenin nimin khan Serchhip DC Office kawt a\anga IOC Kawn thlengin Poshan Rally neih a ni.

Sawrkar laipui ruahmanna anga damdawi In faina kawnga inelna, Swachhata Abhiyan Kayakalp neih mekah nimin khan Serchhip District Hospital chu rawn enfiah a ni.

Kum 2013 MLA inthlanpui neih dawna False Affidavit thehluta Chief Minister hlui, Lal Thanhawla puhna thubuai chu rel fel a ni dawn hnai niin a lang.

MPCC President, Lal Thanhawla chuan nimin chawhnu lam khan Serchhip-a an Party Workers te kawmin, sawrkar dinglai in an hma-theh ber SEDP chu a kalphung tur sawichiang thei pawh an awmlo niin a sawi.

Agriculture Minister, C. Lalrinsanga chuan nimin khan Hrangturzo bial-a Bawktlang, Mualcheng leh East Lungdar khua te tlawhin Biate khaw kiang, Tuipui leilet-a Lo zawhna hun chu a hmanpui bawk.

State Planning Board Vice Chairman, H. Rammawi chuan sawrkar laipui sum haichhuak turin Step 3-a hmalak a ngai tawh nia sawiin, Chief Minister in 'vawdup' tih \awngkam a hmang chuan a sawifiah \hain a hmang thiam hle tih a sawi.